DUKU 13
13
Chisɔsi ɔ te, an ni an kan kɔ sɔ an 'na ko yama n na
1A tima dɔndɔ gbe chɛ a ni, mbɛ mɔɛ dɔ nu, miin bɛ ni Chisɔsi a, an‑na ko yama wa ɔ yian a a. Ko yama wa chɛ na‑a ma mɔɛ dɔ n fan na, miin na‑a ka Kadidi chɛnyɛ ɔ. An na‑a na Yataa 'a kata ɔ wan, min mbe a ma, an ni soe n minda, a be koe a Yataa ma an 'na yasi a. An to‑a yasi chɛ n fan bɔ‑a Yataa 'a kata chɛ ɔ, mbɛ Kɔfana Padeti‑a a ma, an‑na an fa. An faen chɛ a, an wii ɔ basan‑da wan soe chɛ n wii a, an na‑a miin bɔ ka yasi a. 2Mbɛ Chisɔsi ɔ, “Ɛ wo ta yiima ɔ, mbɛ an‑na Kadidi mɔɛ chɛ miin fa ka buɛ chɛ ɔ, mbɛ ko yama ma mɔ wa ni an na. A ma ma ka wo yii ma, mbɛ an benden ni Kadidi mɔɛ tɔɛ n gbɛɛ ma ko yama ma ɔ. 3N ni a ma din wo tena, a ee ka wan ɛnden bɛɛ a. A sin, ni wo ma wo kan kɔ sɔ ni wo 'a ko yama n na, wo wɛɛ, wo gbɛɛ ɛ kasaa‑a wan. 4A ka to chɛ ma, tima min na banda a chen chɛ na‑a bea Sidowan fɔnɛ ɔ, mɔ tan kun ma sɛi an fa‑a. Chɛɛ a ma ma wo yii ma, mbɛ a mɔɛ chɛ n ni yau a ben mɔɛ tɔɛ chɛ n gbɛɛ ma Chuusaɛn duu ɔ. 5N ni a ma din wo tena, mbɛ a ee ka ɛnden bɛɛ a. Ni wo sin ma wo kan kɔ sɔ ni wo 'a ko yama n na, wo wɛɛ gbɛɛ ɛ kasaa‑a wan.”
Chisɔsi‑a tai tɛ, a si gbɔ kɔnɛ ma
6Mbɛ Chisɔsi‑a tai chɛ tɛ an tena, a ɔ, “Kamin dɔndɔ ni wan nɔ, yadi ni min boo ɔ. Gbɔ kɔnɛ#13:6 An kɔn chɛ tɔ ni fiki kɔnɛ. ni wan nɔ an yadi chɛ ɔ. Mbɛ tee dɔndɔ a, yadi ti chɛ ta‑a wan kɔn chɛ gbɔɛ kai koe a. Chɛɛ a ma a gbɔ dɔndɔ wɛɛ tan ni a a. 7Mbɛ a‑a a fɔ a 'a yadi kun ma fɛn mɔɛ ye, a ɔ, ‘A yen ko san sawa ko a ka gbɛ, n mbe na yadi chɛ ɔ, gbɔ kɔn chɛ gbɔɛ kai koe a, chɛɛ tima ɔ tima n ni n na‑a, n mbe ee a gbɔ kan kɔ kan tan a a. Chɛ an‑na a fɔ, a tɛ, i ni a a bea. A ma nyin a ni duu gboo ma bia gbama a.’ 8Chɛɛ yadi kun ma fɛn mɔɛ chɛ ɔ, ‘Fa, a to nɔ san dɔndɔ gbe chɛ ko a. N mbe sonɛ sin‑da wan a 'a tindanɛ, mbɛ n‑na sundu tui chɛ a kuu ma. 9Ni a gbɔ‑a yɛi, ɛ nyan‑da wan, chɛɛ ni a ma gbɔ ni, mbɛ a tima chɛ a, a tɛ‑a.’ ”
Chisɔsi‑a musu dɔndɔ baun, suin tee ma
10Chu n 'na suin tee dɔndɔ ma, Chisɔsi ni wan kan chɛ tena an 'na samun chɛ chenɛ a. 11Musu dɔndɔ ni wan nɔ, nyina yama ni min fɛ, min‑na a ma, a gbandienɛ ni san tan kun ma sɛi ko a. A ma bundenɛ ni, mbɛ a sin, a nii che a ɔ tan‑da ɛnden bɛɛ a. 12Chisɔsi‑a a yen kɛn, a‑a a chee, mbɛ a ɔ, “Bɔɔɛ, i baun‑da gbɛ i 'a gbandi chɛ ɔ sanche.” 13Mbɛ a‑a a boo bun musu chɛ ma. Mbɛ a ya kɔɔɛ a, musu chɛ sɔ‑a den, mbɛ a‑a tando be Yataa ma.
14Chɛɛ kun ti chɛ samun chɛ chen chɛ a, a faa tɛ‑a wan kaka, koe min na mu, Chisɔsi‑a mɔɛ baun suin tee ma. Chɛ ko a, a ɔ mɔɛ chɛ n ma, “Tee wɔdɔ an mbe mɔ gbu ko a wai chɛ koe a wichi kan kɔ kan dɔ. Chɛ an‑na a fɔ, wo na a tee wɔdɔɛ chɛ tɛ ɔ, an ni wo baun wo 'a gbandi n dɔ. Chɛɛ wo ma na suin tee ma.”
15Chɛɛ Mansa Chisɔsi ɔ, “Wo wan nɛnɛn fea ti nu, wo dɔndɔ wɛɛ ee nɛ, min 'na ninchi kanɛ a ɛ gbaa, a 'a sofɛ kanɛ a ni gbaa, suin tee wɛɛ ma a, ni a ee a fuin‑da, a ni ta a a yii da a, a ni a min. Ni wo e chɛ ma wan, mbɛ wo‑a wai an chɛ ka suin tee ma. 16Mbɛ sanche gbɛ wo a yen ko, mmɔ suun ma nyɔɛ dɔndɔ an nɛ musu chɛ a, mmɔ gbɛɛ bɔ‑a Ebeami 'a dambi dɔndɔ gbe chɛ an dɔ. Sitana‑a a chii wan, ɛ tɔɔya ɔ san tan kun ma sɛi ko a. Chia ɔ chia a, fɔ ni a fuin‑da wan, a ni ma suin tee wɛɛ ma a.” 17A 'a bai chɛ‑a a ma wan, mbɛ a chɛɛ ma nyɔɛ n gbɛɛ mau‑a an fandi ma. Chɛɛ mɔɛ tɔɛ n gbɛɛ‑a buɔdia bɔ wan, a si kamaya koe chɛ n gbɛɛ ma, Chisɔsi‑a miin ma.
Chisɔsi‑a tai fea tɛ, a si Yataa 'a mansaya ɛ koa buɛ min dɔ
(Matiu 13:31-33; Maki 4:30-32)
18Mbɛ Chisɔsi ɔ, “Ka wɛ n mbe a ɔ yian wo a, Yataa 'a mansaya ɛ buɛ min dɔ. Ka wɛ n mbe a bɔ nyɔɛ yian wo a. 19Ɛ ka wan yɔ kamin dɔndɔ min‑na chin fen kuu dɔma ɛndenɛ ya, mbɛ a‑a a chin a 'a yadi ɔ. A fɛn‑da, mbɛ a ma‑a kɔn chenama wa a. Mbɛ konde n‑na an nyanɛ sa a bonɛ n dɔ.”
20Mbɛ a ɔ te to, “Ka wɛ n mbe a ɔ yian to wo a, Yataa 'a mansaya bɔen mu to fenɛ min na. 21Ɛ ka wan to yɔ yisin denɛ, musu dɔndɔ‑a min ya, mbɛ a‑a a chɛ feawa funku wa ɔ, konko pani ɔ biidi nyan koe a. Yisin chɛ kun‑da wan feawa funku chɛ gbɛɛ ɔ, mbɛ feawa chɛ sɛ‑a.”
Chisɔsi‑a bai sa, a si don koe ma Yataa 'a mansaya kɔɔ
(Matiu 7:13-14, 21-23)
22Mbɛ Chisɔsi bun‑da to a 'a tachɛ ma, a ta Chuusaɛn duu ɔ. A ta‑a wan mɔɛ n kan‑da duu chɛ n gbɛɛ ɔ, a‑a miin dɔ tandin. 23A tima chɛ a, mɔ dɔndɔ ɔ, “Fa, Yataa ɛ kuɔ fɔ fɔɛ be‑a dechee mɔ kuundenɛ n fan ma?”
Mbɛ Chisɔsi ɔ, 24“Wo butuinɛ chɛ, wo ni ben an chen da a dɔɔyaen chɛ a, don koe a Yataa 'a mansaya kɔɔ. Koe min na mu, n ni a ma din wo tena, mbɛ mɔ sɛsɛ n mbe butuinɛ chɛ‑a wan tee dɔndɔɛ kɔɔ don koe a nɔ, chɛɛ an mbe ee na‑a kun‑da. 25Tima ɛ che‑a wan, tima min na chen chɛ kun ti ɛ a kɔɔ sɔ‑a, mbɛ a‑a chen chɛ da a tɔn. A tima chɛ a gbɛ, ni wo e sɔ ɔ baa ma wan, wo e chen chɛ da tu‑a wan, wo ɔ, kun ti chɛ ni a ma wo ni don. Chɛɛ ɛ a fɔ‑a wan wo ye, a ɔ, a ma wo sɔn ɛnden bɛɛ a. 26Wo wɛɛ, wo‑a a fɔ wan, wo ɔ, wo bɛ na‑a daunɛ chɛ wan kaina dɔndɔ tee. A yɛ to, wo ɔ, a na‑a kanɛ chɛ wan wo 'a duu n dɔ. 27Chɛɛ ɛ a fɔ‑a wan to, a ɔ, a ma wo sɔn ɛnden bɛɛ a. A ɔ, ko yama ma mɔɛ mu wo a, a ɔ, wo ni ka a fɛ. 28A tima chɛ a, wo e Ebeami yen‑da wan, wo ni Aisaki yen, mbɛ wo‑a Chekɔpi yen. Wo e Yataa 'a gbonka chɛ mɔɛ chɛ n gbɛɛ yen‑da wan. An gbɛɛ ɛ ma‑a wan Yataa 'a mansaya kɔɔ, wo sin mbe sɔ ɔ baa ma, wo ee che don‑da. Wo e ma‑a wan di chɛ‑a fiko fiko faayɔn ba ɔ, wo e ta‑a wo nyinɛ a daun‑da. 29A sin, mɔɛ n mbe na‑a wan a ka dunya tɔnkɔnɛ gbɛɛ ɔ, mbɛ an si‑a daun chɛ tena, tima min na Yataa ɛ a 'a mansaya ɔ yian‑da. 30A yen ko gbɛ, mɔɛ dɔ nu miin mbe gbaa, an mbe ma‑a wan ya ɔ sɔɛ n na, mbɛ ya ɔ sɔɛ dɔ n sin ma‑a gbaa mɔɛ n na.”
Chisɔsi faa mɔnɛ‑a, Chuusaɛn duu ɔ mɔɛ n ko a
(Matiu 23:37-39)
31A tima dɔndɔ gbe chɛ a, Chu mɔɛ dɔ nu, miin ni Fayisii n na, an na‑a wan Chisɔsi tena, mbɛ an dɔ, “Bɔ nɛ, i ni ta kaina dɔ mende, koe min na mu, Mansa Ɛdɔdi toen mu a ni i fa.”
32Mbɛ Chisɔsi ɔ, “Wo ta, wo ni a fɔ an kamin yaaen chɛ ye, wo ɔ, n yen ko n mbe nyina yama n gbain‑da mɔɛ n fɛ, a yɛ to, n mbe gbandi mɔɛ n baun‑da tima kundu ɛnden ko a sanche wɛ. Ni a tima chɛ ban‑da, n mbe na‑a ban‑da wan gbɛ n 'na wai chɛ‑a. 33Chɛ ni ma wɛɛ, n mbe ma‑a wan n ta chia ma tima ɛnden tɛ ɔ. A mu min na, Chuusaɛn an mu dechee duu a, a nyin an ni Yataa 'a gbonka chɛ mɔɛ ni a fii kaina.”
34Mbɛ a‑a a fɔ to, a ɔ, “Wo wan Chuusaɛn mɔɛ nu, wo toen mu Yataa 'a gbonka chɛ mɔɛ n fa koe a. A yɛ to, wo toen mu Yataa 'a sɔ mɔɛ n bon koe a, ɛ miin na na wo tena. Tima sɛsɛ ko a, n toen ni, n ni wo a sɔn sɔn kaina dɔndɔɛ, yɔ tɛ kuinsa ɛ a 'a denɛ n don buɛ min dɔ a kambanɛ kɔɔ. Chɛɛ wo ma dɔn ni n ye. 35A yen ko gbɛ, Yataa 'a chen chɛ a senɛ to‑a, a sin pombonɛ mu gbɛ. N ni a ma din wo tena, mbɛ a ka sanche ma, wo ee n yen‑da to, aan a ta tima chɛ ma, wo e a fɔ‑a tima min na, wo ɔ, Mansa Yataa ni mɔɛ chɛ dua, min mbe na‑a a tɔɛ ɔ.”
Currently Selected:
DUKU 13: KONONT
Highlight
Share
Copy
Want to have your highlights saved across all your devices? Sign up or sign in
New Testament in Kono © The Bible Society of Sierra Leone, 2006.
DUKU 13
13
Chisɔsi ɔ te, an ni an kan kɔ sɔ an 'na ko yama n na
1A tima dɔndɔ gbe chɛ a ni, mbɛ mɔɛ dɔ nu, miin bɛ ni Chisɔsi a, an‑na ko yama wa ɔ yian a a. Ko yama wa chɛ na‑a ma mɔɛ dɔ n fan na, miin na‑a ka Kadidi chɛnyɛ ɔ. An na‑a na Yataa 'a kata ɔ wan, min mbe a ma, an ni soe n minda, a be koe a Yataa ma an 'na yasi a. An to‑a yasi chɛ n fan bɔ‑a Yataa 'a kata chɛ ɔ, mbɛ Kɔfana Padeti‑a a ma, an‑na an fa. An faen chɛ a, an wii ɔ basan‑da wan soe chɛ n wii a, an na‑a miin bɔ ka yasi a. 2Mbɛ Chisɔsi ɔ, “Ɛ wo ta yiima ɔ, mbɛ an‑na Kadidi mɔɛ chɛ miin fa ka buɛ chɛ ɔ, mbɛ ko yama ma mɔ wa ni an na. A ma ma ka wo yii ma, mbɛ an benden ni Kadidi mɔɛ tɔɛ n gbɛɛ ma ko yama ma ɔ. 3N ni a ma din wo tena, a ee ka wan ɛnden bɛɛ a. A sin, ni wo ma wo kan kɔ sɔ ni wo 'a ko yama n na, wo wɛɛ, wo gbɛɛ ɛ kasaa‑a wan. 4A ka to chɛ ma, tima min na banda a chen chɛ na‑a bea Sidowan fɔnɛ ɔ, mɔ tan kun ma sɛi an fa‑a. Chɛɛ a ma ma wo yii ma, mbɛ a mɔɛ chɛ n ni yau a ben mɔɛ tɔɛ chɛ n gbɛɛ ma Chuusaɛn duu ɔ. 5N ni a ma din wo tena, mbɛ a ee ka ɛnden bɛɛ a. Ni wo sin ma wo kan kɔ sɔ ni wo 'a ko yama n na, wo wɛɛ gbɛɛ ɛ kasaa‑a wan.”
Chisɔsi‑a tai tɛ, a si gbɔ kɔnɛ ma
6Mbɛ Chisɔsi‑a tai chɛ tɛ an tena, a ɔ, “Kamin dɔndɔ ni wan nɔ, yadi ni min boo ɔ. Gbɔ kɔnɛ#13:6 An kɔn chɛ tɔ ni fiki kɔnɛ. ni wan nɔ an yadi chɛ ɔ. Mbɛ tee dɔndɔ a, yadi ti chɛ ta‑a wan kɔn chɛ gbɔɛ kai koe a. Chɛɛ a ma a gbɔ dɔndɔ wɛɛ tan ni a a. 7Mbɛ a‑a a fɔ a 'a yadi kun ma fɛn mɔɛ ye, a ɔ, ‘A yen ko san sawa ko a ka gbɛ, n mbe na yadi chɛ ɔ, gbɔ kɔn chɛ gbɔɛ kai koe a, chɛɛ tima ɔ tima n ni n na‑a, n mbe ee a gbɔ kan kɔ kan tan a a. Chɛ an‑na a fɔ, a tɛ, i ni a a bea. A ma nyin a ni duu gboo ma bia gbama a.’ 8Chɛɛ yadi kun ma fɛn mɔɛ chɛ ɔ, ‘Fa, a to nɔ san dɔndɔ gbe chɛ ko a. N mbe sonɛ sin‑da wan a 'a tindanɛ, mbɛ n‑na sundu tui chɛ a kuu ma. 9Ni a gbɔ‑a yɛi, ɛ nyan‑da wan, chɛɛ ni a ma gbɔ ni, mbɛ a tima chɛ a, a tɛ‑a.’ ”
Chisɔsi‑a musu dɔndɔ baun, suin tee ma
10Chu n 'na suin tee dɔndɔ ma, Chisɔsi ni wan kan chɛ tena an 'na samun chɛ chenɛ a. 11Musu dɔndɔ ni wan nɔ, nyina yama ni min fɛ, min‑na a ma, a gbandienɛ ni san tan kun ma sɛi ko a. A ma bundenɛ ni, mbɛ a sin, a nii che a ɔ tan‑da ɛnden bɛɛ a. 12Chisɔsi‑a a yen kɛn, a‑a a chee, mbɛ a ɔ, “Bɔɔɛ, i baun‑da gbɛ i 'a gbandi chɛ ɔ sanche.” 13Mbɛ a‑a a boo bun musu chɛ ma. Mbɛ a ya kɔɔɛ a, musu chɛ sɔ‑a den, mbɛ a‑a tando be Yataa ma.
14Chɛɛ kun ti chɛ samun chɛ chen chɛ a, a faa tɛ‑a wan kaka, koe min na mu, Chisɔsi‑a mɔɛ baun suin tee ma. Chɛ ko a, a ɔ mɔɛ chɛ n ma, “Tee wɔdɔ an mbe mɔ gbu ko a wai chɛ koe a wichi kan kɔ kan dɔ. Chɛ an‑na a fɔ, wo na a tee wɔdɔɛ chɛ tɛ ɔ, an ni wo baun wo 'a gbandi n dɔ. Chɛɛ wo ma na suin tee ma.”
15Chɛɛ Mansa Chisɔsi ɔ, “Wo wan nɛnɛn fea ti nu, wo dɔndɔ wɛɛ ee nɛ, min 'na ninchi kanɛ a ɛ gbaa, a 'a sofɛ kanɛ a ni gbaa, suin tee wɛɛ ma a, ni a ee a fuin‑da, a ni ta a a yii da a, a ni a min. Ni wo e chɛ ma wan, mbɛ wo‑a wai an chɛ ka suin tee ma. 16Mbɛ sanche gbɛ wo a yen ko, mmɔ suun ma nyɔɛ dɔndɔ an nɛ musu chɛ a, mmɔ gbɛɛ bɔ‑a Ebeami 'a dambi dɔndɔ gbe chɛ an dɔ. Sitana‑a a chii wan, ɛ tɔɔya ɔ san tan kun ma sɛi ko a. Chia ɔ chia a, fɔ ni a fuin‑da wan, a ni ma suin tee wɛɛ ma a.” 17A 'a bai chɛ‑a a ma wan, mbɛ a chɛɛ ma nyɔɛ n gbɛɛ mau‑a an fandi ma. Chɛɛ mɔɛ tɔɛ n gbɛɛ‑a buɔdia bɔ wan, a si kamaya koe chɛ n gbɛɛ ma, Chisɔsi‑a miin ma.
Chisɔsi‑a tai fea tɛ, a si Yataa 'a mansaya ɛ koa buɛ min dɔ
(Matiu 13:31-33; Maki 4:30-32)
18Mbɛ Chisɔsi ɔ, “Ka wɛ n mbe a ɔ yian wo a, Yataa 'a mansaya ɛ buɛ min dɔ. Ka wɛ n mbe a bɔ nyɔɛ yian wo a. 19Ɛ ka wan yɔ kamin dɔndɔ min‑na chin fen kuu dɔma ɛndenɛ ya, mbɛ a‑a a chin a 'a yadi ɔ. A fɛn‑da, mbɛ a ma‑a kɔn chenama wa a. Mbɛ konde n‑na an nyanɛ sa a bonɛ n dɔ.”
20Mbɛ a ɔ te to, “Ka wɛ n mbe a ɔ yian to wo a, Yataa 'a mansaya bɔen mu to fenɛ min na. 21Ɛ ka wan to yɔ yisin denɛ, musu dɔndɔ‑a min ya, mbɛ a‑a a chɛ feawa funku wa ɔ, konko pani ɔ biidi nyan koe a. Yisin chɛ kun‑da wan feawa funku chɛ gbɛɛ ɔ, mbɛ feawa chɛ sɛ‑a.”
Chisɔsi‑a bai sa, a si don koe ma Yataa 'a mansaya kɔɔ
(Matiu 7:13-14, 21-23)
22Mbɛ Chisɔsi bun‑da to a 'a tachɛ ma, a ta Chuusaɛn duu ɔ. A ta‑a wan mɔɛ n kan‑da duu chɛ n gbɛɛ ɔ, a‑a miin dɔ tandin. 23A tima chɛ a, mɔ dɔndɔ ɔ, “Fa, Yataa ɛ kuɔ fɔ fɔɛ be‑a dechee mɔ kuundenɛ n fan ma?”
Mbɛ Chisɔsi ɔ, 24“Wo butuinɛ chɛ, wo ni ben an chen da a dɔɔyaen chɛ a, don koe a Yataa 'a mansaya kɔɔ. Koe min na mu, n ni a ma din wo tena, mbɛ mɔ sɛsɛ n mbe butuinɛ chɛ‑a wan tee dɔndɔɛ kɔɔ don koe a nɔ, chɛɛ an mbe ee na‑a kun‑da. 25Tima ɛ che‑a wan, tima min na chen chɛ kun ti ɛ a kɔɔ sɔ‑a, mbɛ a‑a chen chɛ da a tɔn. A tima chɛ a gbɛ, ni wo e sɔ ɔ baa ma wan, wo e chen chɛ da tu‑a wan, wo ɔ, kun ti chɛ ni a ma wo ni don. Chɛɛ ɛ a fɔ‑a wan wo ye, a ɔ, a ma wo sɔn ɛnden bɛɛ a. 26Wo wɛɛ, wo‑a a fɔ wan, wo ɔ, wo bɛ na‑a daunɛ chɛ wan kaina dɔndɔ tee. A yɛ to, wo ɔ, a na‑a kanɛ chɛ wan wo 'a duu n dɔ. 27Chɛɛ ɛ a fɔ‑a wan to, a ɔ, a ma wo sɔn ɛnden bɛɛ a. A ɔ, ko yama ma mɔɛ mu wo a, a ɔ, wo ni ka a fɛ. 28A tima chɛ a, wo e Ebeami yen‑da wan, wo ni Aisaki yen, mbɛ wo‑a Chekɔpi yen. Wo e Yataa 'a gbonka chɛ mɔɛ chɛ n gbɛɛ yen‑da wan. An gbɛɛ ɛ ma‑a wan Yataa 'a mansaya kɔɔ, wo sin mbe sɔ ɔ baa ma, wo ee che don‑da. Wo e ma‑a wan di chɛ‑a fiko fiko faayɔn ba ɔ, wo e ta‑a wo nyinɛ a daun‑da. 29A sin, mɔɛ n mbe na‑a wan a ka dunya tɔnkɔnɛ gbɛɛ ɔ, mbɛ an si‑a daun chɛ tena, tima min na Yataa ɛ a 'a mansaya ɔ yian‑da. 30A yen ko gbɛ, mɔɛ dɔ nu miin mbe gbaa, an mbe ma‑a wan ya ɔ sɔɛ n na, mbɛ ya ɔ sɔɛ dɔ n sin ma‑a gbaa mɔɛ n na.”
Chisɔsi faa mɔnɛ‑a, Chuusaɛn duu ɔ mɔɛ n ko a
(Matiu 23:37-39)
31A tima dɔndɔ gbe chɛ a, Chu mɔɛ dɔ nu, miin ni Fayisii n na, an na‑a wan Chisɔsi tena, mbɛ an dɔ, “Bɔ nɛ, i ni ta kaina dɔ mende, koe min na mu, Mansa Ɛdɔdi toen mu a ni i fa.”
32Mbɛ Chisɔsi ɔ, “Wo ta, wo ni a fɔ an kamin yaaen chɛ ye, wo ɔ, n yen ko n mbe nyina yama n gbain‑da mɔɛ n fɛ, a yɛ to, n mbe gbandi mɔɛ n baun‑da tima kundu ɛnden ko a sanche wɛ. Ni a tima chɛ ban‑da, n mbe na‑a ban‑da wan gbɛ n 'na wai chɛ‑a. 33Chɛ ni ma wɛɛ, n mbe ma‑a wan n ta chia ma tima ɛnden tɛ ɔ. A mu min na, Chuusaɛn an mu dechee duu a, a nyin an ni Yataa 'a gbonka chɛ mɔɛ ni a fii kaina.”
34Mbɛ a‑a a fɔ to, a ɔ, “Wo wan Chuusaɛn mɔɛ nu, wo toen mu Yataa 'a gbonka chɛ mɔɛ n fa koe a. A yɛ to, wo toen mu Yataa 'a sɔ mɔɛ n bon koe a, ɛ miin na na wo tena. Tima sɛsɛ ko a, n toen ni, n ni wo a sɔn sɔn kaina dɔndɔɛ, yɔ tɛ kuinsa ɛ a 'a denɛ n don buɛ min dɔ a kambanɛ kɔɔ. Chɛɛ wo ma dɔn ni n ye. 35A yen ko gbɛ, Yataa 'a chen chɛ a senɛ to‑a, a sin pombonɛ mu gbɛ. N ni a ma din wo tena, mbɛ a ka sanche ma, wo ee n yen‑da to, aan a ta tima chɛ ma, wo e a fɔ‑a tima min na, wo ɔ, Mansa Yataa ni mɔɛ chɛ dua, min mbe na‑a a tɔɛ ɔ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Kono © The Bible Society of Sierra Leone, 2006.