DUKU 17
17
Chisɔsi‑a bai sa, a si ko yama an fea ma danaya a
(Matiu 18:6-7, 21-22; Maki 9:42)
1Tee dɔndɔ a, Chisɔsi‑a a fɔ wan a fɛ denɛ n ye, a ɔ, “Koe n mbe ma‑a wan, min mbe a ma, mɔ gbu n ni dɛ ko yama ma ɔ. Chɛɛ a yau gba mɔɛ chɛ ko a, min mbe a bɔ mɔ gbu a dɛ‑a ko yama ma ɔ. 2Ɛ nyan fan a mɔ bonda chɛ ko a, sen kanɛ ni chii a kan na, mbɛ an ni a a dɛ yii wa ɔ. A mɔɛ chɛ e na to a ma‑a, mɔɛ miin dan‑da ka n na sanche, an dɔndɔ wɛɛ ni dɛ ko yama ma ɔ. 3Chɛ an‑na a fɔ, wo wo kun ma fɛn, ni wo ma‑a ko ɔ ko ma‑a.
“Ni wo bɔɛ‑a ko yama ma wo dɔndɔ wɛɛ a, wo a fɔ a ye, mbɛ a‑a ko yama an ma ka. Ni a dɔn‑da a ma, mbɛ a‑a ko yama an ma ka, wo wo boo bɔ a 'a ko yama maen chɛ ɔ wo a. 4Ni a sin‑na ko yama ma wo a, si tena wɔnfea wɛɛ tee ma, mbɛ ɛ wo disa tima ɔ tima a 'a ko yama chɛ ko a, wo wo boo bɔ a 'a ko yama maen chɛ n dɔ wo a.”
5Mbɛ Chisɔsi 'a sɔ mɔɛ chɛ n‑na a fɔ Mansa Chisɔsi ye, an dɔ, “Basan nn ma, nn 'na danaya Yataa a, a ma ni munda.”
6Mbɛ a ɔ, “Ni danaya ɛnden bɛɛ yɔ chin fen kuu dɔma ɛndenɛ, a ni wan wo ɔ Yataa ko a, wo ni kun fan wo ni a fɔ kɔn ba chɛ ye, wo ɔ, a kuu ni bɔ, a ni ta, a ni sɔ yii ɔ. Mbɛ a ma‑a, yɔ wo‑a a fɔ buɛ min dɔ.
7“Mmɔ a ya, mbɛ bɔi denɛ ɛ wo dɔndɔ boo ɔ. Ni a na‑a a ka i 'a fen fɛn tena, chɛ ma, ni a na‑a a ka i 'a sa kun ma fɛn tena, e ee a fɔ a ye, i ɔ, a pɛn ni daunɛ chɛ. 8Chɛɛ e a fɔ‑a wan, i ɔ, a ni daun fenɛ ɔ bɛn i ye. Mbɛ a na‑a fen kɔ fen na, e min daun. Ni i ban‑da daunɛ chɛ‑a, a tima an na mu, ɛ a ta daunɛ chɛ. 9Wai bɔ ee bɔi den chɛ ma, koe min na mu, ɛ nɔ wai chɛ an chɛ koe a, i toen mu a ni min chɛ. 10Wo wɛɛ, wo e ka wan. Ni wo ban‑da koe chɛ n gbɛɛ ma‑a, n mbe wo sɔ‑a min chɛ koe a, wo e a fɔ‑a wan, wo ɔ, bɔi den gbama mu wo a. Wo ɔ, wai bɔ ee wo ko a.”
Chisɔsi‑a mɔ kaima tanɛ n baun
11Mbɛ Chisɔsi bun‑da to a 'a tachɛ ma, a ta Chuusaɛn duu ɔ. A ben‑da wan Samayia chɛnyɛ a sanɛ, a basan Kadidi chɛnyɛ a. 12A ni don tena gbɛ konko dɔndɔ an dɔ, mbɛ kamin tanɛ n‑na a tan, gbandi yama yama bɔen ni miin gboo gbɛɛ ma. An sɔ‑a wan pɔɔ, 13mbɛ an‑na yee tɛ, an dɔ, “Chisɔsi, kan mɔ, i dimu, chinchin nn ma.”
14Mbɛ Chisɔsi‑a an yen, mbɛ a ɔ, “Wo ta, mɔɛ chɛ n tena, miin mbe mmɔ tɛ Yataa a, an ni wo ma fɛn, ni wo baunden fan mu.”
An to‑a ta an na mɔɛ chɛ n gbu tena, mbɛ an baun‑da chia a. 15An dɔndɔ‑a a ɔ yen kɛn, mbɛ a baun‑da, a yɛ‑a wan Chisɔsi tena, ɛ ta‑a Yataa tando‑a, a kuiɛ ma sɛenɛ a. 16Mbɛ a‑a a wandi ɔ fuin fan duu ma fugbu Chisɔsi chen kɔɔ, mbɛ a‑a a wai bɔ ka. Samayia mɔɛ ni an kamin chɛ a. 17Mbɛ Chisɔsi ɔ, “N‑na an mɔ tanɛ n gbɛɛ baun fan. Mɔ kɔnɔntɔɛ chɛ nɛnɛ nu, an ma an ya wɛɛ a yɛ ni to. 18Chɛɛ sonda chɛ dɔndɔ gbe an yɛ‑a, Yataa wai bɔ koe a.” 19Mbɛ Chisɔsi‑a a fɔ a ye, a ɔ, “I kɔɔ sɔ, i ni ta, i 'a danaya‑a i baun.”
Chisɔsi‑a bai sa, a si Yataa 'a mansaya ɔ yian koe ma
(Matiu 24:23-28, 37-41)
20Mbɛ mɔɛ chɛ nu miin ni Fayisii n na, an‑na Chisɔsi ɔ tisa, an dɔ, tima minan na mu, Yataa ɛ a 'a mansaya ɔ yian‑da. Mbɛ a ɔ, “Tima min na Yataa ɛ a 'a mansaya ɔ yian‑da, koe n fan mbe ee ma‑a, miin mbe a ɔ yian‑da, mbɛ tima gbu an che‑a ka Yataa 'a mansaya ɔ yian koe a. 21Mɔ ɔ mɔ ee a fɔ‑a, a ɔ, ‘I ya a na nɛ, a yen ko nɛ.’ Mɔ ɔ mɔ ee a fɔ‑a, a ɔ, ‘A yen ko pan.’ A mu min na, Yataa 'a mansaya ɔ yianden fan mu gbɛ wo nan tɛ.” #17:21 Yataa 'a mansaya ɔ yianden fan mu gbɛ wo tɛ. - A fɔ buɛ dɔ mende an nɛ: Yataa 'a a mansaya ɔ yianden fan mu gbɛ wo ɔ.
22Mbɛ a‑a a fɔ a fɛ denɛ n ye, a ɔ, “Tima ɛ che‑a wan, tima min na mu, n fan, Mɔ Gbu 'a Denɛ, n mbe ee na‑a ma‑a wo tɛ ɔ. A tima chɛ a, wo e na‑a to‑a wan n ni ma wo tɛ ɔ tee dɔndɔ gbe wɛɛ ko a. 23Mɔɛ dɔ n mbe a fɔ‑a wan wo ye, an dɔ, ‘Wo wo ya a ta pan, wo ni Mɔ Gbu 'a Denɛ yen.’ Dɔ n sin dɔ, ‘A yen ko nɛ.’ Chɛɛ wo ma bea an mɔɛ chɛ n fɛ ta koe a an kaina chɛ nu. 24A mu min na, ni banda bea‑a kan kɔ kan, mɔ ɔ mɔ‑a a ɔ yen fan, ni fen ko ma‑a ka. A chia dɔndɔ gbe chɛ a mu, n fan, Mɔ Gbu 'a Denɛ, n mbe na‑a tima min na, mɔ ɔ mɔ ɛ a ɔ yen‑da wan. 25Chɛɛ chɛ e na to ma‑a, n mbe tɔɔ‑a wan kaka, mbɛ mɔ bonda chɛ siman‑na an kan kɔ sɔ n na. 26Tima min na, n fan, Mɔ Gbu 'a Denɛ, n mbe yɛ‑a dunya chɛ ɔ to, koe n mbe ma‑a ka wan, yɔ an ni buɛ min dɔ Nowa 'a tima a. 27Mɔɛ n ni wan ko ɔ ko ma‑a Nowa 'a tima a, mɔ gbu ɛ ko ɔ ko kan kɔ kan min ma. Mɔɛ n ni daun fenɛ n daun fan, a yɛ to, an mbe an min. Mɔɛ n ni musu fuu wan, musu n sin ni be wan kai ma. Chɛ an ni a a, yii nii ma dunya ya ni tima min na, mbɛ Nowa sɛ‑a dɛndɛ wa dɛgbɛ ɔ. Mbɛ yii‑a an 'na dunya gbu gbɛɛ ya, mbɛ a‑a an gbɛɛ ban. 28Koe n mbe ma‑a ka wan, yɔ an ni buɛ min dɔ Dɔti ta tima wɛɛ a. Mɔɛ n ni daun fenɛ n daun fan, a yɛ to, an mbe an min. An ni fee fenɛ n san fan, an mbe ta‑a an ma tachɛ‑a. An ni chin fenɛ n chin fan, mbɛ an‑na chenɛ n sɔ. 29Chɛɛ tee min ma Dɔti bɔ‑a Sɔdɔn duu ɔ, Yataa‑a a ma wan ta yii‑a a ka banda a, a basan senɛ n na, miin ni gbandi yɔ ta. An yii‑a wan a ka banda a, yɔ sona ɛ chɛ buɛ min dɔ, mbɛ an‑na mɔɛ chɛ n gbɛɛ fa nɔ an duu chɛ ɔ. 30Ɛ ma‑a ka wan to an tee chɛ ma, tee min ma, n fan, Mɔ Gbu 'a Denɛ, n mbe n 'na gbasaya ɔ yian‑da.
31“A tee chɛ a, mɔɛ min mbe ma‑a a 'a chenɛ baa ma, a ma na to a don koe a chenɛ a, a boo fenɛ n ya koe a. A tima dɔndɔ gbe chɛ a to, mɔɛ min mbe ma‑a a 'a sɛnɛ ɔ, a wɛɛ ma yɛ to duu ɔ ta koe a a 'a chenɛ a. 32Wo wo yii na chii, koe min si‑a Dɔti 'a musu a. 33Ni mɔ ɔ mɔ‑a a wandi fɔɛ ma sansa, an mɔɛ chɛ ee kuɔ fɔ fɔɛ ma sɔn‑da. Chɛɛ mɔɛ min mbe a yii bɔ‑a a fɔɛ ɔ, an mɔɛ chɛ ɛ kuɔ fɔ fɔɛ ma sɔn‑da wan. 34N ni a ma din wo tena, mbɛ a tima chɛ a, mɔ fea n mbe ma‑a wan sa ɔ chinɔɛ ɔ sofa dɔndɔɛ ma yɛɛ ma, mbɛ dɔndɔɛ ya‑a, mbɛ dɔndɔɛ sin to‑a nɔ. 35-36Musu fea n mbe ma‑a wan tu chɛ‑a mun dɔndɔɛ ɔ, mbɛ dɔndɔɛ ya‑a, mbɛ dɔndɔɛ wɛɛ to‑a nɔ.”#17:35-36 Bai chɛ n fan saen mu a kun ma Duku 'a gboo kɔma dɔ n dɔ. An bai dɔndɔ gbe chɛ n mbe wan Matiu 24:40 wɛɛ ɔ. Bai chɛ n dɔ: Ni kamin fea ma‑a wai chɛ‑a sɛnɛ ɔ, dɔndɔɛ ɛ ya‑a wan, mbɛ dɔndɔɛ sin to‑a nɔ.
37Mbɛ a fɛ denɛ n dɔ, “Fa, koe chɛ n mbe ma‑a mende?”
Mbɛ Chisɔsi ɔ, “Ni wo ee doa n yen fen su a tindanɛ, mbɛ wo ee an kaina chɛ sɔn‑da.”
Currently Selected:
DUKU 17: KONONT
Highlight
Share
Copy
Want to have your highlights saved across all your devices? Sign up or sign in
New Testament in Kono © The Bible Society of Sierra Leone, 2006.
DUKU 17
17
Chisɔsi‑a bai sa, a si ko yama an fea ma danaya a
(Matiu 18:6-7, 21-22; Maki 9:42)
1Tee dɔndɔ a, Chisɔsi‑a a fɔ wan a fɛ denɛ n ye, a ɔ, “Koe n mbe ma‑a wan, min mbe a ma, mɔ gbu n ni dɛ ko yama ma ɔ. Chɛɛ a yau gba mɔɛ chɛ ko a, min mbe a bɔ mɔ gbu a dɛ‑a ko yama ma ɔ. 2Ɛ nyan fan a mɔ bonda chɛ ko a, sen kanɛ ni chii a kan na, mbɛ an ni a a dɛ yii wa ɔ. A mɔɛ chɛ e na to a ma‑a, mɔɛ miin dan‑da ka n na sanche, an dɔndɔ wɛɛ ni dɛ ko yama ma ɔ. 3Chɛ an‑na a fɔ, wo wo kun ma fɛn, ni wo ma‑a ko ɔ ko ma‑a.
“Ni wo bɔɛ‑a ko yama ma wo dɔndɔ wɛɛ a, wo a fɔ a ye, mbɛ a‑a ko yama an ma ka. Ni a dɔn‑da a ma, mbɛ a‑a ko yama an ma ka, wo wo boo bɔ a 'a ko yama maen chɛ ɔ wo a. 4Ni a sin‑na ko yama ma wo a, si tena wɔnfea wɛɛ tee ma, mbɛ ɛ wo disa tima ɔ tima a 'a ko yama chɛ ko a, wo wo boo bɔ a 'a ko yama maen chɛ n dɔ wo a.”
5Mbɛ Chisɔsi 'a sɔ mɔɛ chɛ n‑na a fɔ Mansa Chisɔsi ye, an dɔ, “Basan nn ma, nn 'na danaya Yataa a, a ma ni munda.”
6Mbɛ a ɔ, “Ni danaya ɛnden bɛɛ yɔ chin fen kuu dɔma ɛndenɛ, a ni wan wo ɔ Yataa ko a, wo ni kun fan wo ni a fɔ kɔn ba chɛ ye, wo ɔ, a kuu ni bɔ, a ni ta, a ni sɔ yii ɔ. Mbɛ a ma‑a, yɔ wo‑a a fɔ buɛ min dɔ.
7“Mmɔ a ya, mbɛ bɔi denɛ ɛ wo dɔndɔ boo ɔ. Ni a na‑a a ka i 'a fen fɛn tena, chɛ ma, ni a na‑a a ka i 'a sa kun ma fɛn tena, e ee a fɔ a ye, i ɔ, a pɛn ni daunɛ chɛ. 8Chɛɛ e a fɔ‑a wan, i ɔ, a ni daun fenɛ ɔ bɛn i ye. Mbɛ a na‑a fen kɔ fen na, e min daun. Ni i ban‑da daunɛ chɛ‑a, a tima an na mu, ɛ a ta daunɛ chɛ. 9Wai bɔ ee bɔi den chɛ ma, koe min na mu, ɛ nɔ wai chɛ an chɛ koe a, i toen mu a ni min chɛ. 10Wo wɛɛ, wo e ka wan. Ni wo ban‑da koe chɛ n gbɛɛ ma‑a, n mbe wo sɔ‑a min chɛ koe a, wo e a fɔ‑a wan, wo ɔ, bɔi den gbama mu wo a. Wo ɔ, wai bɔ ee wo ko a.”
Chisɔsi‑a mɔ kaima tanɛ n baun
11Mbɛ Chisɔsi bun‑da to a 'a tachɛ ma, a ta Chuusaɛn duu ɔ. A ben‑da wan Samayia chɛnyɛ a sanɛ, a basan Kadidi chɛnyɛ a. 12A ni don tena gbɛ konko dɔndɔ an dɔ, mbɛ kamin tanɛ n‑na a tan, gbandi yama yama bɔen ni miin gboo gbɛɛ ma. An sɔ‑a wan pɔɔ, 13mbɛ an‑na yee tɛ, an dɔ, “Chisɔsi, kan mɔ, i dimu, chinchin nn ma.”
14Mbɛ Chisɔsi‑a an yen, mbɛ a ɔ, “Wo ta, mɔɛ chɛ n tena, miin mbe mmɔ tɛ Yataa a, an ni wo ma fɛn, ni wo baunden fan mu.”
An to‑a ta an na mɔɛ chɛ n gbu tena, mbɛ an baun‑da chia a. 15An dɔndɔ‑a a ɔ yen kɛn, mbɛ a baun‑da, a yɛ‑a wan Chisɔsi tena, ɛ ta‑a Yataa tando‑a, a kuiɛ ma sɛenɛ a. 16Mbɛ a‑a a wandi ɔ fuin fan duu ma fugbu Chisɔsi chen kɔɔ, mbɛ a‑a a wai bɔ ka. Samayia mɔɛ ni an kamin chɛ a. 17Mbɛ Chisɔsi ɔ, “N‑na an mɔ tanɛ n gbɛɛ baun fan. Mɔ kɔnɔntɔɛ chɛ nɛnɛ nu, an ma an ya wɛɛ a yɛ ni to. 18Chɛɛ sonda chɛ dɔndɔ gbe an yɛ‑a, Yataa wai bɔ koe a.” 19Mbɛ Chisɔsi‑a a fɔ a ye, a ɔ, “I kɔɔ sɔ, i ni ta, i 'a danaya‑a i baun.”
Chisɔsi‑a bai sa, a si Yataa 'a mansaya ɔ yian koe ma
(Matiu 24:23-28, 37-41)
20Mbɛ mɔɛ chɛ nu miin ni Fayisii n na, an‑na Chisɔsi ɔ tisa, an dɔ, tima minan na mu, Yataa ɛ a 'a mansaya ɔ yian‑da. Mbɛ a ɔ, “Tima min na Yataa ɛ a 'a mansaya ɔ yian‑da, koe n fan mbe ee ma‑a, miin mbe a ɔ yian‑da, mbɛ tima gbu an che‑a ka Yataa 'a mansaya ɔ yian koe a. 21Mɔ ɔ mɔ ee a fɔ‑a, a ɔ, ‘I ya a na nɛ, a yen ko nɛ.’ Mɔ ɔ mɔ ee a fɔ‑a, a ɔ, ‘A yen ko pan.’ A mu min na, Yataa 'a mansaya ɔ yianden fan mu gbɛ wo nan tɛ.” #17:21 Yataa 'a mansaya ɔ yianden fan mu gbɛ wo tɛ. - A fɔ buɛ dɔ mende an nɛ: Yataa 'a a mansaya ɔ yianden fan mu gbɛ wo ɔ.
22Mbɛ a‑a a fɔ a fɛ denɛ n ye, a ɔ, “Tima ɛ che‑a wan, tima min na mu, n fan, Mɔ Gbu 'a Denɛ, n mbe ee na‑a ma‑a wo tɛ ɔ. A tima chɛ a, wo e na‑a to‑a wan n ni ma wo tɛ ɔ tee dɔndɔ gbe wɛɛ ko a. 23Mɔɛ dɔ n mbe a fɔ‑a wan wo ye, an dɔ, ‘Wo wo ya a ta pan, wo ni Mɔ Gbu 'a Denɛ yen.’ Dɔ n sin dɔ, ‘A yen ko nɛ.’ Chɛɛ wo ma bea an mɔɛ chɛ n fɛ ta koe a an kaina chɛ nu. 24A mu min na, ni banda bea‑a kan kɔ kan, mɔ ɔ mɔ‑a a ɔ yen fan, ni fen ko ma‑a ka. A chia dɔndɔ gbe chɛ a mu, n fan, Mɔ Gbu 'a Denɛ, n mbe na‑a tima min na, mɔ ɔ mɔ ɛ a ɔ yen‑da wan. 25Chɛɛ chɛ e na to ma‑a, n mbe tɔɔ‑a wan kaka, mbɛ mɔ bonda chɛ siman‑na an kan kɔ sɔ n na. 26Tima min na, n fan, Mɔ Gbu 'a Denɛ, n mbe yɛ‑a dunya chɛ ɔ to, koe n mbe ma‑a ka wan, yɔ an ni buɛ min dɔ Nowa 'a tima a. 27Mɔɛ n ni wan ko ɔ ko ma‑a Nowa 'a tima a, mɔ gbu ɛ ko ɔ ko kan kɔ kan min ma. Mɔɛ n ni daun fenɛ n daun fan, a yɛ to, an mbe an min. Mɔɛ n ni musu fuu wan, musu n sin ni be wan kai ma. Chɛ an ni a a, yii nii ma dunya ya ni tima min na, mbɛ Nowa sɛ‑a dɛndɛ wa dɛgbɛ ɔ. Mbɛ yii‑a an 'na dunya gbu gbɛɛ ya, mbɛ a‑a an gbɛɛ ban. 28Koe n mbe ma‑a ka wan, yɔ an ni buɛ min dɔ Dɔti ta tima wɛɛ a. Mɔɛ n ni daun fenɛ n daun fan, a yɛ to, an mbe an min. An ni fee fenɛ n san fan, an mbe ta‑a an ma tachɛ‑a. An ni chin fenɛ n chin fan, mbɛ an‑na chenɛ n sɔ. 29Chɛɛ tee min ma Dɔti bɔ‑a Sɔdɔn duu ɔ, Yataa‑a a ma wan ta yii‑a a ka banda a, a basan senɛ n na, miin ni gbandi yɔ ta. An yii‑a wan a ka banda a, yɔ sona ɛ chɛ buɛ min dɔ, mbɛ an‑na mɔɛ chɛ n gbɛɛ fa nɔ an duu chɛ ɔ. 30Ɛ ma‑a ka wan to an tee chɛ ma, tee min ma, n fan, Mɔ Gbu 'a Denɛ, n mbe n 'na gbasaya ɔ yian‑da.
31“A tee chɛ a, mɔɛ min mbe ma‑a a 'a chenɛ baa ma, a ma na to a don koe a chenɛ a, a boo fenɛ n ya koe a. A tima dɔndɔ gbe chɛ a to, mɔɛ min mbe ma‑a a 'a sɛnɛ ɔ, a wɛɛ ma yɛ to duu ɔ ta koe a a 'a chenɛ a. 32Wo wo yii na chii, koe min si‑a Dɔti 'a musu a. 33Ni mɔ ɔ mɔ‑a a wandi fɔɛ ma sansa, an mɔɛ chɛ ee kuɔ fɔ fɔɛ ma sɔn‑da. Chɛɛ mɔɛ min mbe a yii bɔ‑a a fɔɛ ɔ, an mɔɛ chɛ ɛ kuɔ fɔ fɔɛ ma sɔn‑da wan. 34N ni a ma din wo tena, mbɛ a tima chɛ a, mɔ fea n mbe ma‑a wan sa ɔ chinɔɛ ɔ sofa dɔndɔɛ ma yɛɛ ma, mbɛ dɔndɔɛ ya‑a, mbɛ dɔndɔɛ sin to‑a nɔ. 35-36Musu fea n mbe ma‑a wan tu chɛ‑a mun dɔndɔɛ ɔ, mbɛ dɔndɔɛ ya‑a, mbɛ dɔndɔɛ wɛɛ to‑a nɔ.”#17:35-36 Bai chɛ n fan saen mu a kun ma Duku 'a gboo kɔma dɔ n dɔ. An bai dɔndɔ gbe chɛ n mbe wan Matiu 24:40 wɛɛ ɔ. Bai chɛ n dɔ: Ni kamin fea ma‑a wai chɛ‑a sɛnɛ ɔ, dɔndɔɛ ɛ ya‑a wan, mbɛ dɔndɔɛ sin to‑a nɔ.
37Mbɛ a fɛ denɛ n dɔ, “Fa, koe chɛ n mbe ma‑a mende?”
Mbɛ Chisɔsi ɔ, “Ni wo ee doa n yen fen su a tindanɛ, mbɛ wo ee an kaina chɛ sɔn‑da.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Kono © The Bible Society of Sierra Leone, 2006.