DUKU 20
20
Chisɔsi 'a gbasaya ma‑a kɔndɔfii a
(Matiu 21:23-27; Maki 11:27-33)
1Tee dɔndɔ a, Chisɔsi ni wan mɔɛ n kan‑da Yataa 'a kata ɔ, ɛ ta‑a Yataa 'a sakana bai chɛndɛ ɔ yian‑da an na. Mbɛ mɔɛ miin ni Chu n tɛ ɔ Yataa a, an 'na mansa nu, an na‑a a tena, an bɛ Chu n 'na sawa kan mɔɛ n na, a basan Chu gbakoo n na. 2Mbɛ an dɔ, “E koe miin ma ka, gbasaya minan mbe i boo ɔ, an ma koe a? An gbasaya chɛ sin, nyɔn‑na a be i ma?”
3Mbɛ Chisɔsi ɔ, “Ka wɛ, n mbe wo ɔ tisa, tisa dɔndɔ gbe a. Wo chɛ fɔ n ye. 4Chɔn ni yii chɛ wan mɔɛ n kunɛ ɔ, Yataa chia a. Yataa an fea mɔ gbu a, minan na‑a an gbasaya chɛ be a ma?”
5Mbɛ an‑na a kuu sɔ a tɛnsɛ‑a an nyɔn tɛ ɔ, an dɔ te, “Mmɔ ɛ fen fɔ kamin chɛ ye? Ni mmɔ‑a a fɔ, mbɛ Chɔn 'na gbasaya ka‑a Yataa an tena, ɛ a fɔ‑a wan, mbɛ fen na‑a a ma, mmɔ nii ma dan ni Chɔn na. 6Chɛɛ ni mmɔ sin‑na a fɔ to, mbɛ Chɔn 'na gbasaya ka‑a mɔ gbu an na, mɔ fanka fanka min mbe ka nɛ, an mbe mmɔ bon‑da wan. A mu min na, an gbɛɛ danden fan mu a a, mbɛ Chɔn ni Yataa 'a gbonka chɛ mɔɛ an na.” 7Chɛ ko a, an‑na a fɔ wan Chisɔsi ye, an dɔ, “Nn ma a ɔ sɔn, ni Chɔn na‑a a 'a gbasaya chɛ ma sɔn kaina.”
8Mbɛ a wɛɛ ɔ, “N bɛɛ n mbe ee a ɔ yian wo a, ni nyɔn 'na gbasaya ɔ mu, n mbe koe chɛ n ma tena.”
Chisɔsi‑a tai tɛ, a si yadi kun ma fɛn mɔɛ n ma
(Matiu 21:33-46; Maki 12:1-12)
9Mbɛ Chisɔsi‑a tai chɛ tɛ gbɛ mɔɛ n gbɛɛ tena, a ɔ, “Kaminɛ ni wan nɔ, min‑na yadi sa, mbɛ a‑a mɔɛ n ya a kun ma fɛn koe a. Mbɛ a bɔ‑a wan a waa a, mbɛ a ta‑a tachɛ ɔ tima ɔ yansama ko a. 10Chin fen chɛ kai tima che‑a kɛn, yadi ti chɛ‑a a 'a bɔi denɛ dɔndɔ a ta wan yadi kun ma fɛn mɔɛ chɛ n tena. A toen ni an ni a ta chin fenɛ be a ma, mbɛ a na‑a a a a ye. Chɛɛ yadi kun ma fɛn mɔɛ chɛ n‑na bɔi denɛ chɛ a boan fan, mbɛ an‑na a a yɛ a boo a senɛ a. 11Mbɛ yadi ti chɛ‑a a 'a bɔi denɛ dɔ mende a ta wan to a fean bɔɛ ɔ. Chɛɛ yadi kun ma fɛn mɔɛ chɛ n‑na a wɛɛ a boan fan to, mbɛ an‑na mauma koe n gbɛɛ sɛ a ma, mbɛ an‑na a wɛɛ a yɛ a boo a senɛ a. 12Mbɛ a to‑a wan to nɔ, mbɛ a‑a a 'a wai chɛ mɔɛ dɔ mende a ta to, a si tena sawan bɔɛ ɔ. Yadi kun ma fɛn mɔɛ chɛ n‑na a wɛɛ ma gba gba wan, mbɛ an‑na a a nyɔndɔn a bɔ yadi gbu ɔ. 13An‑na chɛ gbɛɛ ma kɛn, yadi ti chɛ‑a a fɔ wan, a ɔ, ‘N mbe fen ma gbɛ? Ka wɛ, n mbe n faa ma denɛ gbu a ta mɔɛ chɛ n tena. N danden mu a a, an mbe baa be‑a wan a nan ma.’ 14Chɛɛ yadi kun ma fɛn mɔɛ chɛ n‑na a 'a den chɛ yen kɛn na‑a, an dɔ, ‘Yadi ti chɛ 'a denɛ wandi gbu an nɛ. Mmɔ a fa, min mbe a ma, boo fen chɛ gbɛɛ ni ma mmɔ ta a.’ 15Mbɛ an bɔ‑a a a yadi gbu ɔ, mbɛ an‑na a fa.”
Mbɛ Chisɔsi ɔ, “Wo ta yiima ɔ, yadi ti chɛ ɛ fen ma‑a yadi kun ma fɛn mɔɛ chɛ n na? 16Ɛ na‑a wan, mbɛ a‑a mɔɛ chɛ n fa, mbɛ a‑a yadi chɛ be a kun ma fɛn mɔ dɔ mende n ma.”
Mɔɛ chɛ n‑na bai chɛ a min kɛn, an dɔ, “Gbuama sɛkɔ.”
17Chɛɛ Chisɔsi‑a mɔɛ chɛ n ma fɛn fan, mbɛ a ɔ, “Ni wo‑a a fɔ, wo ɔ, gbuama bai an nɛ, mbɛ fen mu a nyɛndenɛ ɛ Yataa 'a gboo ɔ, mbɛ
‘Chen sɔ mɔɛ n na‑a ban senɛ min dɔ, an dɔ, a ma nyin,
an gbu ma‑a gbɛ senɛ kuu ba wandi a, chenɛ gbu ko a.’
18Ni mɔ ɔ mɔ kan kɔ kan bea‑a an sen chɛ ma, ɛ a ma kai‑a wan. A sin to, ni sen chɛ sin bea‑a mɔ ɔ mɔ ma, ɛ a mɔɛ chɛ ɔ funku funku‑a wan.”
An‑na Chisɔsi ɔ tisa, a si chɛnyɛ pawa chɛ koe ma
(Matiu 22:15-22; Maki 12:13-17)
19A tima chɛ a, Chu n 'na sawa kan mɔɛ chɛ nu, an bɛ Chu n tɛ ɔ mɔɛ n na Yataa a, an 'na mansa n na, an na‑a a ɔ sɔn fan, mbɛ Chisɔsi ni tai chɛ tɛ tena a si an fan ma. Chɛ‑a a ma wan, an toen ni, an ni a bia nɔ a gba chɛ ɔ. Chɛɛ an chian‑da wan mɔɛ n ma. 20An nii ma chinɔ ni a a tɛ koe a, a basan chia yanɛ a, min mbe a ma, an ni a bia. Chɛ ko a, an‑na mɔɛ n na dɛ wan a ma, a ɔ tisa koe a yiima yiima tisa n na. An toen ni, a da a bai ni a wandi ma tachɛ an ma. Mbɛ an‑na a be chɛnyɛ kun ma kɔfana ma, chɛnyɛ sawa a tachɛ koe a. 21Mbɛ sɔ mɔɛ chɛ n na‑a, an dɔ, “Ticha, nn‑na a ɔ sɔn fan, mbɛ e bai miin gbɛɛ fɔ, tea mu. Nn‑na a ɔ sɔn fan, mbɛ ee i boo don mɔ gbu n tɛ ɔ, chɛɛ e mɔɛ n kan Yataa 'a bai miin gbɛɛ a, tea mu a a. 22Chɛ an fɛ mu, a yen ko, mmɔ ɛ pawa chɛ tima ɔ tima Domi kun ti wa tena. I‑a pawa chɛ be koe yen ka ma, a nyin fan?”#20:22 An na‑a gbai an na sɛ ka Chisɔsi ma. Ni a‑a a fɔ, mbɛ a nyin fan an ni pawa chɛ be, mbɛ mɔ sɛsɛ ni ka‑a wan a fɛ, miin ma to ni pawa chɛ be koe a. Ni a sin‑na a fɔ, a ɔ, a ma nyin an ni a be, mbɛ a chɛɛ‑a Domi mansa kun ti 'a gbai a.
23Chɛɛ Chisɔsi na‑a an 'na yaa kɔɔ sɔn fan, mbɛ a wɛɛ‑a a fɔ an ye, a ɔ, 24“Wo kain gbɛnsɛn#20:24 A tima chɛ a, kain gbɛnsɛn chɛ nɛnɛ, a dɔndɔɛ ni debea pawa ya wan tee dɔndɔ ko a. An ni kɔpɔɛ chɛ chee, an dɔ, denayɔsi. dɔndɔ yian bɛ n na. Nyɔn ya kɔɔɛ ɛ ka a ma, a basan a tɔɛ a?”
Mbɛ an dɔ, “Domi kun ti wa an nɛ.”
25Mbɛ Chisɔsi ɔ, “Mbɛ fen chɛ nu, miin mu Domi kun ti wa boo fenɛ a, wo an be a ma. Mbɛ wo yɛ‑a, fen chɛ nu, miin mbe Yataa ko a, wo‑a an be Yataa ma.”
26An tɛnɛ‑a wan a a, a‑a tisa n yɛman buɛ min dɔ. An ma chia kan kɔ kan sɔn ni, an mbe bɔ min na, an ni a bia. Mbɛ an‑na an ma maun.
An‑na Chisɔsi ɔ tisa, a si mɔɛ kɔɔ sɔ koe ma saya ɔ
(Matiu 22:23-33; Maki 12:18-27)
27Chɛ gbakɔ, Chu mɔɛ dɔ nu, miin ni Sadusii n na, an bɛɛ na‑a wan Chisɔsi tena. Sadusii n nii ma dan ni a a, mbɛ mɔ gbu ɛ a kɔɔ sɔ wan a ka saya ɔ. Mbɛ an‑na a fɔ a ye, 28an dɔ, “Ticha, Mosisi‑a sawa chɛ an nyɛn mmɔ ko a, a ɔ te, ni mɔɛ suun ma nyɔɛ kaima fa‑a, a ɔ, mbɛ a‑a a 'a musu to, an fea ma den suun ni min na, a ɔ, a dinden fan mu a ma, a ɔ, a ni chenɛ da mun, a ni denɛ n suun a ma. A sin an mbe an den chɛ n ya wan, a suun ma nyɔɛ chɛ 'a denɛ n na.#20:28 Ni Chu mɔɛ na‑a fa a ma den suun ni, a tɔɛ ni to wan a ɔ. Chɛ an fɛ ni, ni an mɔɛ chɛ suun ma nyɔɛ kaima ma‑a nɔ, ɛ a gbaa musu chɛ si wan, an ni denɛ n suun ta mɔɛ chɛ ye. 29Tima dɔndɔ a, kaminɛ ni wan nɔ, an kai wɔnfea an de‑a an fɛn suun. Mbɛ a wɛn ni chenan ka an gbɛɛ ma, a‑a musu si. Chɛɛ a ma den suun ni musu chɛ ma, mbɛ a fa‑a. 30Mbɛ denɛ kaima fean bɔɛ chɛ wɛɛ‑a musu dɔndɔ gbe chɛ si to musu a. Mbɛ a wɛɛ fa‑a ka wan. 31A sawan bɔɛ wɛɛ‑a a si ka wan to musu a. Mbɛ a wɛɛ fa‑a. Ko dɔndɔ gbe chɛ an ma‑a to suun ma nyɔ wɔnfea chɛ n gbɛɛ a. An gbɛɛ fa‑a ka wan an ma den kan kɔ kan suun ni musu chɛ ma. 32A danka a, mbɛ musu chɛ wɛɛ gbu fa‑a. 33A yen ko gbɛ, a ma‑a suun ma nyɔɛ wɔnfea chɛ n gbɛɛ 'a musu a, a e na to fa‑a. Ni tee che‑a, faa mɔɛ n gbɛɛ ni an kɔɔ sɔ a ka saya ɔ, ɛ ma‑a nyɔn 'na musu a gbɛ?”
34Mbɛ Chisɔsi ɔ, “Musu si basan kai sɔnɛ a, ɛ nɛ wan dunya chɛ ɔ, 35chɛɛ a ee an dunya nama chɛ ɔ, min mbe na tena. Yataa ɛ mɔɛ miin ya‑a mɔ chɛndɛ n na, an kɔɔ sɔ koe a a ka saya ɔ, an mbe ee musu si‑a, n mbe ee baa an ni kai sɔn. 36An mbe ee fa‑a to, koe min na mu, an mbe ma‑a wan yɔ maeka nu. An mbe ma‑a wan Yataa 'a denɛ n na, koe min na mu, Yataa‑a an kɔɔ sɔ a ka saya ɔ. 37Min sin sien mu mɔɛ n kɔɔ sɔ koe ma, a ka saya ɔ, Mosisi wandi‑a a ɔ yian fan gboo chɛ ɔ, a‑a min nyɛn, mbɛ ɛ ma‑a wan tea gbu a. A mu min na, a‑a a ɔ yian fan an gboo chɛ ɔ, Yataa bɔ‑a buɛ min dɔ a ya a kɔn den chɛ ɔ, ta ni min dɔ, chɛɛ a nii a minda. A‑a bai sa nɔ wan a si Mansa Yataa ma, a ɔ, Yataa mu a wan na Ebeami ko a, a basan Aisaki an fea Chekɔpi a. A ɔ, an mbe a wan fai. 38Chɛ‑a a ɔ yian fan, mbɛ chɛndɛ ba n fan mbe Yataa fai. Mɔɛ min faen mu, a ee Yataa fai. Mɔ ɔ mɔ ɛ ma‑a wan fɔɛ ɔ tima ɔ tima Yataa tena.”
39Mbɛ Chu n 'na sawa kan mɔɛ dɔ n‑na a fɔ, an dɔ, “Ticha, i‑a an 'na tisa yɛman fan chɛndɛ chɛ.” 40Chɛ gbakɔ, kai nii ma to mɔ ɔ mɔ a, Chisɔsi ɔ tisa koe a tisa dɔ mende a.
Chisɔsi‑a an dɔ tisa, a si kunka mansa ma
(Matiu 22:41-46; Maki 12:35-37)
41Mbɛ Chisɔsi‑a a fɔ an ye, a ɔ, “Mɔɛ n dɔ, kunka mansa ɛ bɔ‑a Mansa Defidi 'a dambi an dɔ. Fen mu chɛ ɛ ma? 42A mu min na, Mansa Defidi wandi‑a a fɔ wan Yataa tando si gboo ɔ, a ɔ,
‘Mansa Yataa‑a a fɔ wan n 'na Mansa ye, a ɔ,
“Si nɛ n boo nyima ɔ,
43aan n ni i chɛɛ ma nyɔɛ n don i kɔɔ,
n ni an popoya i ya kɔɔ.” ’
44Defidi wandi gbu yen ko gbɛ, a ɔ, kunka mansa chɛ benden mu a ma. Chɛɛ mɔ kun ma kundi ee koa, a ni ben i ma. A fɔen mu gbɛ, mbɛ kunka mansa chɛ, a bɔ‑a Defidi 'a dambi an dɔ. Fen ko a chɛ ɛ ma?”
Chisɔsi‑a dasi chɛ, a si sawa kan mɔɛ n ma
(Matiu 23:1-36; Maki 12:38-40)
45Mɔɛ n gbɛɛ too ma sɔenɛ ni Chisɔsi ma, mbɛ a‑a a fɔ a fɛ denɛ n ye, a ɔ, 46“Wo wo kun ma fɛn Chu n 'na sawa kan mɔɛ chɛ n boo ɔ. An toen mu doma wa wa n don koe a, an mbe ben ben. Ni an ta‑a machiti an dɔ, an toen mu mɔɛ n ni basɔmaya kɔndɔnɛ chɛ an na. Ni an ta‑a mmɔ 'a samun chɛ chenɛ n bɛɛ a, an toen mu si tena ma bɛnden ba an na. Daun chɛ bɛnɛ wɛɛ ɔ, an toen mu si koe a gbakoo n fan tɛ. 47An mbe fuinya musu n boo fenɛ n gbɛɛ daun fan, kafaya ɔ. An gba yama chɛ ma nun koe a, an mbe samun dɔ yansama an chɛ. Chɛ ko a, Yataa ɛ an tɔɔya‑a wan, a ni ben mɔɛ tɔɛ n gbɛɛ ma.”
Currently Selected:
DUKU 20: KONONT
Highlight
Share
Copy
Want to have your highlights saved across all your devices? Sign up or sign in
New Testament in Kono © The Bible Society of Sierra Leone, 2006.
DUKU 20
20
Chisɔsi 'a gbasaya ma‑a kɔndɔfii a
(Matiu 21:23-27; Maki 11:27-33)
1Tee dɔndɔ a, Chisɔsi ni wan mɔɛ n kan‑da Yataa 'a kata ɔ, ɛ ta‑a Yataa 'a sakana bai chɛndɛ ɔ yian‑da an na. Mbɛ mɔɛ miin ni Chu n tɛ ɔ Yataa a, an 'na mansa nu, an na‑a a tena, an bɛ Chu n 'na sawa kan mɔɛ n na, a basan Chu gbakoo n na. 2Mbɛ an dɔ, “E koe miin ma ka, gbasaya minan mbe i boo ɔ, an ma koe a? An gbasaya chɛ sin, nyɔn‑na a be i ma?”
3Mbɛ Chisɔsi ɔ, “Ka wɛ, n mbe wo ɔ tisa, tisa dɔndɔ gbe a. Wo chɛ fɔ n ye. 4Chɔn ni yii chɛ wan mɔɛ n kunɛ ɔ, Yataa chia a. Yataa an fea mɔ gbu a, minan na‑a an gbasaya chɛ be a ma?”
5Mbɛ an‑na a kuu sɔ a tɛnsɛ‑a an nyɔn tɛ ɔ, an dɔ te, “Mmɔ ɛ fen fɔ kamin chɛ ye? Ni mmɔ‑a a fɔ, mbɛ Chɔn 'na gbasaya ka‑a Yataa an tena, ɛ a fɔ‑a wan, mbɛ fen na‑a a ma, mmɔ nii ma dan ni Chɔn na. 6Chɛɛ ni mmɔ sin‑na a fɔ to, mbɛ Chɔn 'na gbasaya ka‑a mɔ gbu an na, mɔ fanka fanka min mbe ka nɛ, an mbe mmɔ bon‑da wan. A mu min na, an gbɛɛ danden fan mu a a, mbɛ Chɔn ni Yataa 'a gbonka chɛ mɔɛ an na.” 7Chɛ ko a, an‑na a fɔ wan Chisɔsi ye, an dɔ, “Nn ma a ɔ sɔn, ni Chɔn na‑a a 'a gbasaya chɛ ma sɔn kaina.”
8Mbɛ a wɛɛ ɔ, “N bɛɛ n mbe ee a ɔ yian wo a, ni nyɔn 'na gbasaya ɔ mu, n mbe koe chɛ n ma tena.”
Chisɔsi‑a tai tɛ, a si yadi kun ma fɛn mɔɛ n ma
(Matiu 21:33-46; Maki 12:1-12)
9Mbɛ Chisɔsi‑a tai chɛ tɛ gbɛ mɔɛ n gbɛɛ tena, a ɔ, “Kaminɛ ni wan nɔ, min‑na yadi sa, mbɛ a‑a mɔɛ n ya a kun ma fɛn koe a. Mbɛ a bɔ‑a wan a waa a, mbɛ a ta‑a tachɛ ɔ tima ɔ yansama ko a. 10Chin fen chɛ kai tima che‑a kɛn, yadi ti chɛ‑a a 'a bɔi denɛ dɔndɔ a ta wan yadi kun ma fɛn mɔɛ chɛ n tena. A toen ni an ni a ta chin fenɛ be a ma, mbɛ a na‑a a a a ye. Chɛɛ yadi kun ma fɛn mɔɛ chɛ n‑na bɔi denɛ chɛ a boan fan, mbɛ an‑na a a yɛ a boo a senɛ a. 11Mbɛ yadi ti chɛ‑a a 'a bɔi denɛ dɔ mende a ta wan to a fean bɔɛ ɔ. Chɛɛ yadi kun ma fɛn mɔɛ chɛ n‑na a wɛɛ a boan fan to, mbɛ an‑na mauma koe n gbɛɛ sɛ a ma, mbɛ an‑na a wɛɛ a yɛ a boo a senɛ a. 12Mbɛ a to‑a wan to nɔ, mbɛ a‑a a 'a wai chɛ mɔɛ dɔ mende a ta to, a si tena sawan bɔɛ ɔ. Yadi kun ma fɛn mɔɛ chɛ n‑na a wɛɛ ma gba gba wan, mbɛ an‑na a a nyɔndɔn a bɔ yadi gbu ɔ. 13An‑na chɛ gbɛɛ ma kɛn, yadi ti chɛ‑a a fɔ wan, a ɔ, ‘N mbe fen ma gbɛ? Ka wɛ, n mbe n faa ma denɛ gbu a ta mɔɛ chɛ n tena. N danden mu a a, an mbe baa be‑a wan a nan ma.’ 14Chɛɛ yadi kun ma fɛn mɔɛ chɛ n‑na a 'a den chɛ yen kɛn na‑a, an dɔ, ‘Yadi ti chɛ 'a denɛ wandi gbu an nɛ. Mmɔ a fa, min mbe a ma, boo fen chɛ gbɛɛ ni ma mmɔ ta a.’ 15Mbɛ an bɔ‑a a a yadi gbu ɔ, mbɛ an‑na a fa.”
Mbɛ Chisɔsi ɔ, “Wo ta yiima ɔ, yadi ti chɛ ɛ fen ma‑a yadi kun ma fɛn mɔɛ chɛ n na? 16Ɛ na‑a wan, mbɛ a‑a mɔɛ chɛ n fa, mbɛ a‑a yadi chɛ be a kun ma fɛn mɔ dɔ mende n ma.”
Mɔɛ chɛ n‑na bai chɛ a min kɛn, an dɔ, “Gbuama sɛkɔ.”
17Chɛɛ Chisɔsi‑a mɔɛ chɛ n ma fɛn fan, mbɛ a ɔ, “Ni wo‑a a fɔ, wo ɔ, gbuama bai an nɛ, mbɛ fen mu a nyɛndenɛ ɛ Yataa 'a gboo ɔ, mbɛ
‘Chen sɔ mɔɛ n na‑a ban senɛ min dɔ, an dɔ, a ma nyin,
an gbu ma‑a gbɛ senɛ kuu ba wandi a, chenɛ gbu ko a.’
18Ni mɔ ɔ mɔ kan kɔ kan bea‑a an sen chɛ ma, ɛ a ma kai‑a wan. A sin to, ni sen chɛ sin bea‑a mɔ ɔ mɔ ma, ɛ a mɔɛ chɛ ɔ funku funku‑a wan.”
An‑na Chisɔsi ɔ tisa, a si chɛnyɛ pawa chɛ koe ma
(Matiu 22:15-22; Maki 12:13-17)
19A tima chɛ a, Chu n 'na sawa kan mɔɛ chɛ nu, an bɛ Chu n tɛ ɔ mɔɛ n na Yataa a, an 'na mansa n na, an na‑a a ɔ sɔn fan, mbɛ Chisɔsi ni tai chɛ tɛ tena a si an fan ma. Chɛ‑a a ma wan, an toen ni, an ni a bia nɔ a gba chɛ ɔ. Chɛɛ an chian‑da wan mɔɛ n ma. 20An nii ma chinɔ ni a a tɛ koe a, a basan chia yanɛ a, min mbe a ma, an ni a bia. Chɛ ko a, an‑na mɔɛ n na dɛ wan a ma, a ɔ tisa koe a yiima yiima tisa n na. An toen ni, a da a bai ni a wandi ma tachɛ an ma. Mbɛ an‑na a be chɛnyɛ kun ma kɔfana ma, chɛnyɛ sawa a tachɛ koe a. 21Mbɛ sɔ mɔɛ chɛ n na‑a, an dɔ, “Ticha, nn‑na a ɔ sɔn fan, mbɛ e bai miin gbɛɛ fɔ, tea mu. Nn‑na a ɔ sɔn fan, mbɛ ee i boo don mɔ gbu n tɛ ɔ, chɛɛ e mɔɛ n kan Yataa 'a bai miin gbɛɛ a, tea mu a a. 22Chɛ an fɛ mu, a yen ko, mmɔ ɛ pawa chɛ tima ɔ tima Domi kun ti wa tena. I‑a pawa chɛ be koe yen ka ma, a nyin fan?”#20:22 An na‑a gbai an na sɛ ka Chisɔsi ma. Ni a‑a a fɔ, mbɛ a nyin fan an ni pawa chɛ be, mbɛ mɔ sɛsɛ ni ka‑a wan a fɛ, miin ma to ni pawa chɛ be koe a. Ni a sin‑na a fɔ, a ɔ, a ma nyin an ni a be, mbɛ a chɛɛ‑a Domi mansa kun ti 'a gbai a.
23Chɛɛ Chisɔsi na‑a an 'na yaa kɔɔ sɔn fan, mbɛ a wɛɛ‑a a fɔ an ye, a ɔ, 24“Wo kain gbɛnsɛn#20:24 A tima chɛ a, kain gbɛnsɛn chɛ nɛnɛ, a dɔndɔɛ ni debea pawa ya wan tee dɔndɔ ko a. An ni kɔpɔɛ chɛ chee, an dɔ, denayɔsi. dɔndɔ yian bɛ n na. Nyɔn ya kɔɔɛ ɛ ka a ma, a basan a tɔɛ a?”
Mbɛ an dɔ, “Domi kun ti wa an nɛ.”
25Mbɛ Chisɔsi ɔ, “Mbɛ fen chɛ nu, miin mu Domi kun ti wa boo fenɛ a, wo an be a ma. Mbɛ wo yɛ‑a, fen chɛ nu, miin mbe Yataa ko a, wo‑a an be Yataa ma.”
26An tɛnɛ‑a wan a a, a‑a tisa n yɛman buɛ min dɔ. An ma chia kan kɔ kan sɔn ni, an mbe bɔ min na, an ni a bia. Mbɛ an‑na an ma maun.
An‑na Chisɔsi ɔ tisa, a si mɔɛ kɔɔ sɔ koe ma saya ɔ
(Matiu 22:23-33; Maki 12:18-27)
27Chɛ gbakɔ, Chu mɔɛ dɔ nu, miin ni Sadusii n na, an bɛɛ na‑a wan Chisɔsi tena. Sadusii n nii ma dan ni a a, mbɛ mɔ gbu ɛ a kɔɔ sɔ wan a ka saya ɔ. Mbɛ an‑na a fɔ a ye, 28an dɔ, “Ticha, Mosisi‑a sawa chɛ an nyɛn mmɔ ko a, a ɔ te, ni mɔɛ suun ma nyɔɛ kaima fa‑a, a ɔ, mbɛ a‑a a 'a musu to, an fea ma den suun ni min na, a ɔ, a dinden fan mu a ma, a ɔ, a ni chenɛ da mun, a ni denɛ n suun a ma. A sin an mbe an den chɛ n ya wan, a suun ma nyɔɛ chɛ 'a denɛ n na.#20:28 Ni Chu mɔɛ na‑a fa a ma den suun ni, a tɔɛ ni to wan a ɔ. Chɛ an fɛ ni, ni an mɔɛ chɛ suun ma nyɔɛ kaima ma‑a nɔ, ɛ a gbaa musu chɛ si wan, an ni denɛ n suun ta mɔɛ chɛ ye. 29Tima dɔndɔ a, kaminɛ ni wan nɔ, an kai wɔnfea an de‑a an fɛn suun. Mbɛ a wɛn ni chenan ka an gbɛɛ ma, a‑a musu si. Chɛɛ a ma den suun ni musu chɛ ma, mbɛ a fa‑a. 30Mbɛ denɛ kaima fean bɔɛ chɛ wɛɛ‑a musu dɔndɔ gbe chɛ si to musu a. Mbɛ a wɛɛ fa‑a ka wan. 31A sawan bɔɛ wɛɛ‑a a si ka wan to musu a. Mbɛ a wɛɛ fa‑a. Ko dɔndɔ gbe chɛ an ma‑a to suun ma nyɔ wɔnfea chɛ n gbɛɛ a. An gbɛɛ fa‑a ka wan an ma den kan kɔ kan suun ni musu chɛ ma. 32A danka a, mbɛ musu chɛ wɛɛ gbu fa‑a. 33A yen ko gbɛ, a ma‑a suun ma nyɔɛ wɔnfea chɛ n gbɛɛ 'a musu a, a e na to fa‑a. Ni tee che‑a, faa mɔɛ n gbɛɛ ni an kɔɔ sɔ a ka saya ɔ, ɛ ma‑a nyɔn 'na musu a gbɛ?”
34Mbɛ Chisɔsi ɔ, “Musu si basan kai sɔnɛ a, ɛ nɛ wan dunya chɛ ɔ, 35chɛɛ a ee an dunya nama chɛ ɔ, min mbe na tena. Yataa ɛ mɔɛ miin ya‑a mɔ chɛndɛ n na, an kɔɔ sɔ koe a a ka saya ɔ, an mbe ee musu si‑a, n mbe ee baa an ni kai sɔn. 36An mbe ee fa‑a to, koe min na mu, an mbe ma‑a wan yɔ maeka nu. An mbe ma‑a wan Yataa 'a denɛ n na, koe min na mu, Yataa‑a an kɔɔ sɔ a ka saya ɔ. 37Min sin sien mu mɔɛ n kɔɔ sɔ koe ma, a ka saya ɔ, Mosisi wandi‑a a ɔ yian fan gboo chɛ ɔ, a‑a min nyɛn, mbɛ ɛ ma‑a wan tea gbu a. A mu min na, a‑a a ɔ yian fan an gboo chɛ ɔ, Yataa bɔ‑a buɛ min dɔ a ya a kɔn den chɛ ɔ, ta ni min dɔ, chɛɛ a nii a minda. A‑a bai sa nɔ wan a si Mansa Yataa ma, a ɔ, Yataa mu a wan na Ebeami ko a, a basan Aisaki an fea Chekɔpi a. A ɔ, an mbe a wan fai. 38Chɛ‑a a ɔ yian fan, mbɛ chɛndɛ ba n fan mbe Yataa fai. Mɔɛ min faen mu, a ee Yataa fai. Mɔ ɔ mɔ ɛ ma‑a wan fɔɛ ɔ tima ɔ tima Yataa tena.”
39Mbɛ Chu n 'na sawa kan mɔɛ dɔ n‑na a fɔ, an dɔ, “Ticha, i‑a an 'na tisa yɛman fan chɛndɛ chɛ.” 40Chɛ gbakɔ, kai nii ma to mɔ ɔ mɔ a, Chisɔsi ɔ tisa koe a tisa dɔ mende a.
Chisɔsi‑a an dɔ tisa, a si kunka mansa ma
(Matiu 22:41-46; Maki 12:35-37)
41Mbɛ Chisɔsi‑a a fɔ an ye, a ɔ, “Mɔɛ n dɔ, kunka mansa ɛ bɔ‑a Mansa Defidi 'a dambi an dɔ. Fen mu chɛ ɛ ma? 42A mu min na, Mansa Defidi wandi‑a a fɔ wan Yataa tando si gboo ɔ, a ɔ,
‘Mansa Yataa‑a a fɔ wan n 'na Mansa ye, a ɔ,
“Si nɛ n boo nyima ɔ,
43aan n ni i chɛɛ ma nyɔɛ n don i kɔɔ,
n ni an popoya i ya kɔɔ.” ’
44Defidi wandi gbu yen ko gbɛ, a ɔ, kunka mansa chɛ benden mu a ma. Chɛɛ mɔ kun ma kundi ee koa, a ni ben i ma. A fɔen mu gbɛ, mbɛ kunka mansa chɛ, a bɔ‑a Defidi 'a dambi an dɔ. Fen ko a chɛ ɛ ma?”
Chisɔsi‑a dasi chɛ, a si sawa kan mɔɛ n ma
(Matiu 23:1-36; Maki 12:38-40)
45Mɔɛ n gbɛɛ too ma sɔenɛ ni Chisɔsi ma, mbɛ a‑a a fɔ a fɛ denɛ n ye, a ɔ, 46“Wo wo kun ma fɛn Chu n 'na sawa kan mɔɛ chɛ n boo ɔ. An toen mu doma wa wa n don koe a, an mbe ben ben. Ni an ta‑a machiti an dɔ, an toen mu mɔɛ n ni basɔmaya kɔndɔnɛ chɛ an na. Ni an ta‑a mmɔ 'a samun chɛ chenɛ n bɛɛ a, an toen mu si tena ma bɛnden ba an na. Daun chɛ bɛnɛ wɛɛ ɔ, an toen mu si koe a gbakoo n fan tɛ. 47An mbe fuinya musu n boo fenɛ n gbɛɛ daun fan, kafaya ɔ. An gba yama chɛ ma nun koe a, an mbe samun dɔ yansama an chɛ. Chɛ ko a, Yataa ɛ an tɔɔya‑a wan, a ni ben mɔɛ tɔɛ n gbɛɛ ma.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Kono © The Bible Society of Sierra Leone, 2006.