DUKU 23
23
An ta‑a Chisɔsi a, Kɔfana Padeti chen kɔɔ
(Matiu 27:1-2, 11-14; Maki 15:1-5; Chɔn 18:28-38)
1A tima chɛ a ni gbɛ, mbɛ chiti tɛ mɔɛ chɛ n gbɛɛ‑a an kɔɔ sɔ, mbɛ an ta‑a Chisɔsi a kɔfana chen kɔɔ, min tɔ ni Padeti. 2Nɔ ni, an‑na a kuu sɔ kunɛ si‑a a kun ma, an dɔ, “Kamin chɛ an mbe ben‑da nn 'na mɔɛ n sɔ‑a chia yama n ma, ɛ ta‑a a fɔ‑a an ye, a ɔ, an ma chɛnyɛ pawa chɛ Domi kun ti wa tena. Mbɛ a yɛ‑a, a‑a a wandi chee Chasi a, min mu mansa a.”
3Mbɛ Kɔfana Padeti ɔ, “I wan mu Chu mɔɛ n 'na mansa a?”
Mbɛ Chisɔsi ɔ, “I‑a an fɔ ka.”
4Mbɛ Kɔfana Padeti‑a a fɔ wan Chu n tɛ mɔɛ nu Yataa a, an 'na mansa n ye, a basan mɔ fanka chɛ a, a ɔ, “N ma ko yama kan kɔ kan yen ni, kamin chɛ‑a min ma.”
5Chɛɛ tima chɛ gbu a ni, an‑na a kɔ din gbasaya wandi gbu a, an dɔ, “Ɛ kanɛ min chɛ tena, ɛ a ma tena wan gbun ba ni gbasi Chudia chɛnyɛ chɛ gbɛɛ ɔ. A‑a a kuu sɔ Kadidi chɛnyɛ ɔ wan, mbɛ sanche gbɛ a che‑a nɛ a 'a kan chɛ‑a.”
Kɔfana Padeti‑a Chisɔsi a ta Mansa Ɛdɔdi tena
6Kɔfana Padeti‑a bai chɛ an na min, mbɛ a‑a mɔɛ chɛ n dɔ tisa, a ɔ, “O, kamin chɛ mu Kadidi mɔɛ an na?” 7Mbɛ a‑a a ɔ gbɛ kɛn, mbɛ Chisɔsi ka‑a Mansa Ɛdɔdi 'a chɛnyɛ ɔ wan, a sin, a wan Mansa Ɛdɔdi ni wan Chuusaɛn duu ɔ a tima chɛ a, a‑a Chisɔsi a ta wan a tena. 8Mansa Ɛdɔdi‑a Chisɔsi yen kɛn, a bu ɔ dia‑a wan kaka. Koe min na mu, tima ɔ yansama ko a, a yen sɔɛ ni wan a a. A na‑a a ma tɔɛ a min fan, a sin ni gbɛ a 'a yiinachii ɔ, mbɛ a ni Chisɔsi yen kamaya koe n ma‑a. 9Chɛ an‑na a ma, Mansa Ɛdɔdi‑a Chisɔsi ɔ tisa tisa sɛsɛ a, chɛɛ Chisɔsi ma bai dɔndɔ wɛɛ fɔ ni a ye. 10Chɛ gbakɔ, mɔɛ miin ni Chu n tɛ ɔ Yataa a, an 'na mansa chɛ nu, an bɛ Chu n 'na sawa kan mɔɛ chɛ n na, an bun‑da kun sɛsɛ si‑a to Chisɔsi kun ma. 11Mbɛ a tima chɛ a, Mansa Ɛdɔdi an bɛ a 'a soya n na, an‑na Chisɔsi ma yɛn fan, mbɛ an‑na mauma mauma koe sɛsɛ sɛ a ma. An‑na doma kai nyima nyima don fan a ma, mbɛ a‑a a a yɛ Kɔfana Padeti tena. 12A ka a tee chɛ ma, Mansa Ɛdɔdi n dia‑a wan, an fea Kɔfana Padeti a. Chɛɛ ma nyɔnɛ ni an na a kɔma a.
Kɔfana Padeti‑a kaa a tɛ, Chisɔsi fa koe ma
(Matiu 27:15-26; Maki 15:6-15; Chɔn 18:39—19:16)
13An yɛ‑a kɛn to Chisɔsi a, Kɔfana Padeti chen kɔɔ, mbɛ Kɔfana Padeti‑a Chu n tɛ mɔɛ Yataa a, an 'na mansa nu, a‑a an chee kaina dɔndɔɛ, an bɛ kun ti n na, a basan mɔɛ tɔɛ n gbɛɛ a. 14Mbɛ a ɔ, “Wo na‑a kamin chɛ a n chen kɔɔ, wo ɔ, ɛ mɔɛ n sɔ‑a chia yama ma. A yen ko gbɛ, n‑na a wakoe kɔɔ gbɛngbɛn wo gbɛɛ ya kɔɔ, chɛɛ n ma ko ɔ ko yen ni, a‑a min ma, min mu ko yama a, yɔ wo‑a a fɔ buɛ min dɔ. 15Mansa Ɛdɔdi wɛɛ‑a a ɔ yen fan, mbɛ kamin chɛ ma ko ɔ ko ma ni, min mu ko yama a. Chɛ an fɛ mu, a‑a a a yɛ mmɔ chen kɔɔ. Wo wandi gbu‑a a ɔ yen gbɛ, mbɛ kamin chɛ ma ko yama kan kɔ kan ma ni, min mbe a ma, a ni saya ma sɔn. 16-17Chɛ an‑na a fɔ, n mbe a ma‑a wan an ni a pɛndɛn pien, mbɛ n‑na a boo ka, a ni ta.”#23:16-17 Bai chɛ n fan saen mu a kun ma Duku 'a gboo kɔma dɔ n dɔ. An bai chɛ n dɔ: Kɔfana Padeti‑a chɛ fɔ, koe min na mu, sawa ni a a ko a, mbɛ ni a ma‑a kun bɔ a ɔ bɛn chɛ bia tima ɔ tima, mbɛ a ni a boo ka wan Chu mɔ dɔndɔ a, min mbe sa ɔ pimbi chenɛ a (Maki 15:6).
18Chɛɛ an gbɛɛ‑a a fɔ wan dɔndɔ a, an kuiɛ ma sɛenɛ a, an dɔ, “Kamin chɛ fa, mbɛ i‑a i boo ka Baabasi a nn ye.” 19Baabasi chɛ ni mɔɛ an na, an na‑a min sa pimbi chenɛ a, butuin chɛ koe a Domi mansa n na Chuusaɛn duu ɔ. A yɛ to, a na‑a mɔɛ fa wan.
20Kɔfana Padeti toen ni a ni a boo ka Chisɔsi an na. Chɛ an‑na a fɔ, a‑a mɔ fanka chɛ ɔ tisa to, min mbe a ma, a ni a boo ka Chisɔsi a. 21Chɛɛ an‑na yee tɛ wan to, an dɔ, “A ni gbangban kɔnɛ ma, a ni fa. A ni gbangban kɔnɛ ma, a ni fa.”
22Mbɛ Kɔfana Padeti‑a a fɔ to an ye a si tena sawan bɔɛ ɔ, a ɔ, “Fen ko a chɛ ɛ ma? Kamin chɛ gbu, a‑a fen ko yama ma? N ma ko ɔ ko yen ni, a‑a min ma, ɛ saya ma sɔn min ko a. N mbe a ma‑a wan, an ni a pɛndɛn pien, mbɛ n‑na a boo ka, a ni ta.”
23Chɛɛ a tima gbu a ni, an‑na yee tɛ a sɛmbɛndenɛ a, mbɛ a ni a ma, an ni Chisɔsi gbangban kɔn gbengbandenɛ ma. Mbɛ a danka a, an kun‑da Kɔfana Padeti yiima mun koe ma. Mbɛ an‑na yee tɛ koe min ko a, an to‑a a ma. 24Mbɛ Kɔfana Padeti dɔn‑da an ni Chisɔsi gbangban kɔn gbengbandenɛ ma, a ni fa nɔ, yɔ an‑na a fɔ buɛ min dɔ. 25Mbɛ a‑a a boo ka kamin chɛ a, an toen ni min na, kaminɛ min ni pimbi chenɛ a butuin chɛ koe a Domi mansa n na, a basan mɔ fa koe a. Mbɛ a‑a Chisɔsi be a fa mɔɛ n ma, min ni an faa ma koe a.
An‑na Chisɔsi gbangban kɔn gbengbandenɛ ma
(Matiu 27:32-44; Maki 15:21-32; Chɔn 19:17-27)
26Mbɛ soya n‑na Chisɔsi bia, mbɛ an ta‑a a a. An to‑a ta tena wan a a, mbɛ an bɛn‑da kamin dɔndɔ a, min tɔ ni Saimɔn. A ni ka tena Sayini duu ɔ wan, ɛ na‑a Chuusaɛn. Soya chɛ n‑na a din fan kamin chɛ ma, a ni ta kɔn gbengbanden chɛ a Chisɔsi gbaa chia a.
27Mɔ fanka wa‑a a sɔ wan Chisɔsi fɛ. An tɛ ɔ, musu dɔ n ni wan nɔ, miin ni di chɛ‑a a ko a. 28Chɛɛ Chisɔsi‑a a ya a yɛ wan an ma, mbɛ a ɔ, “Wo wan Chuusaɛn duu ɔ musu nu, wo ma di chɛ n fan ko a, chɛɛ wo di chɛ wo wandi ko a, a basan wo 'a denɛ n na. 29Koe min na mu, a yen ko, tima ɛ che‑a wan, mɔɛ n ni a fɔ, an dɔ, musu miin gbandayaen mu, an dɔ, miin ma susu be ni den ma, an duaen mu. 30A tima chɛ a, mɔɛ n mbe a fɔ‑a wan kɔnkɔɛ n ye, an dɔ, an ni bɔn an ma, an dɔ, an ni an na tunɛ. 31A mu min na, ni an mbe kun fan an ni n tɔɔya buɛ chɛ ɔ, n fɛn ma ko yama kan kɔ kan ma ni, wo sin gbɛ, wo wɛn yau ka, an mbe ma‑a ka ma wo a?”
32A tima chɛ a, soya chɛ n ni wan to ta tena kamin fea dɔ mende a, miin ni mɔ yama n na. An sɔen ni, an ni an bɛɛ fa, an bɛ Chisɔsi a. 33An che‑a kɛn kaina chɛ, an ni min chee, an dɔ, Kun Konkon Ma, an‑na Chisɔsi gbangban fan nɔ kɔn gbengbandenɛ ma. An na‑a mɔ yama fea chɛ n bɛɛ gbangban fan to nɔ kɔn gbengbanden fea n ma. An na‑a mɔ yama dɔndɔɛ gbangban fan Chisɔsi boo nyima ɔ, mbɛ an‑na dɔndɔɛ wɛɛ gbangban a man dɔɛ. 34Mbɛ Chisɔsi ɔ, “Fa Yataa, i boo bɔ mɔɛ chɛ n 'na ko yama n dɔ. A mu min na, an ma a ɔ sɔn, an mbe ka koe min nyɔn sima ma tena.”
Chisɔsi gbangbandenɛ gbakɔ, soya chɛ n‑na chɛ fenɛ chɛ wan a 'a koa n ko a, min mbe a ma, an ni a ɔ sɔn, ni mɔ dɔndɔɛ ɛ min ma sɔn. 35Mɔɛ n ni wan nɔ sɔ ɔ, an mbe koe n dɔ gbɛ‑a miin ni ma tena. Chɛɛ Chu n kun ti n‑na ma yɛn ma koe n sɛ wan Chisɔsi ma. Mbɛ an dɔ, “A‑a mɔ dɔ mende n baun, a ni a wandi baun gbɛ, ni an mu kunka mansa a, Yataa‑a a boo sɔ min ma.”
36Soya chɛ n bɛɛ‑a a ma yɛn fan. An na‑a wan a tena, mbɛ an‑na gbɛ be a ma, 37mbɛ an dɔ, “I wandi baun bɛ, ni i wan mu Chu mɔɛ n 'na mansa a.”
38Kɔn dɛnfɛ ni wan bun dɔ a 'a kɔn gbengbanden chɛ kun ma. A nyɛnden fan ni an kɔn chɛ ma, an dɔ, Chu mɔɛ n 'na mansa an nɛ.
39Ko yama ma mɔɛ dɔndɔɛ chɛ, min ni ka nɔ dɛn dɔ, an bɛ Chisɔsi n na, a kai‑a wan Chisɔsi a manyinɛ a, a ɔ, “Kunka mansa chɛ mu i wan na, ae? Ni a mu i wan na, mbɛ i wandi baun bɛ, a basan nn bɛɛ a.”
40Chɛɛ a bɔɛ dɔndɔɛ chɛ sin‑na a a gban fan, mbɛ a ɔ, “An‑na ko yawaen dɔndɔ gbe an sa ka mmɔ ma mmɔ bɛ. E ee chian Yataa ma chɛ gbu dechee wɛɛ ko a? 41A sin, an teayaen fan mu, an ni ko yawaenɛ sa mɔ ma, koe min na mu, mɔ tana, mɔ ɛ ka nɛ mɔ sɔn yama an ko a. Chɛɛ a tana, a ma ko yama kan kɔ kan ma ni.” 42Mbɛ a ɔ, “Kai Chisɔsi, i yii na chii n na, ni i na‑a tima min na gbasaya ɔ, i 'a mansa wai chɛ koe a.”
43Mbɛ Chisɔsi ɔ, “N ni a ma din i tena, mbɛ bi tee chɛ a, mɔ fea ɛ ma‑a wan banda bu ɔ.”
An‑na Chisɔsi fa
(Matiu 27:45-56; Maki 15:33-41; Chɔn 19:28-30)
44Tee kun tɛ a tee chɛ ma, pimbi bun‑da wan chɛnyɛ gbɛɛ ɔ awa sawa ko a. 45Koe min na mu, tee sɛmbɛ‑a wan man koe a. Mbɛ tɛndi min bɛɛ ni ka dɛn dɔ Yataa 'a chenɛ bu ɔ, a tɛ ka‑a fea a. 46Mbɛ Chisɔsi‑a yee tɛ gbankon, a ɔ, “Fa, n‑na n nyina be i ma.” A‑a chɛ fɔ kɛn dechee, mbɛ a fa‑a.
47Domi soya gbakoo chɛ, min ni ka Chisɔsi ma fɛn‑da, a‑a a ɔ yen min ma‑a. Mbɛ a‑a tando be Yataa ma, a ɔ, “Tea gbu ko a, mɔ tandenɛ ni kamin chɛ a.”
48Mɔ sɛsɛ wa chɛ nu, miin na‑a a ɔ yen koe a, an mbe Chisɔsi fa tena buɛ min dɔ, an na‑a ɔ yen fan, koe min ben‑da. Mbɛ an gbɛɛ yɛ‑a wan an baa nu, faayɔn ba ɔ. 49Chɛɛ koe chɛ n gbɛɛ ni ben tena tima min na, Chisɔsi dia nyɔɛ chɛ n bɛɛ ni wan nɔ sɔ ɔ pɔɔ, an mbe an dɔ yen‑da. Musu miin bɛɛ na‑a a ma sɔ ka, a ka Kadidi chɛnyɛ ɔ, an ni wan an tɛ ɔ.
An‑na Chisɔsi sa a kamba ɔ
(Matiu 27:57-61; Maki 15:42-47; Chɔn 19:38-42)
50-51Yatina, a tima chɛ a, kamin dɔndɔ ni wan nɔ min tɔ ni Chosɛfi. A na‑a ka Ayimatia duu ɔ wan, min ni Chudia chɛnyɛ ɔ. A sɔnɛ ni nyin, a yɛ to, mɔ tandenɛ ni a a. A sin, a ya ni tima chɛ an ya ɔ, tima min na Yataa ɛ a 'a mansaya ɔ yian‑da dunya chɛ ɔ. Chu gbakoo dɔndɔ ni a a, miin ni chiti tɛ koe n ma. Chɛɛ a nii ma toa si ni a bɔɛ chɛ n 'na yiinachii kɔɔ, koe chɛ n gbɛɛ ma koe a Chisɔsi a. 52A ta‑a wan Kɔfana Padeti tena, mbɛ a‑a a ɔ tisa, a ɔ, a ni Chisɔsi su be a ma a tɔn koe a. 53Mbɛ Kɔfana Padeti dɔn‑da a ye. Mbɛ Chosɛfi‑a a ma, an‑na Chisɔsi su a yii kɔn gbengbanden chɛ ma, mbɛ a‑a a ma bɛn fen gbɛ ɔ. Mbɛ a‑a a tɔn kamba ɔ, min sinden ni senɛ ɔ,#23:53 Chu n ni sen gbuu wa an dɔ bɔ suun, mbɛ an‑na a ma kamba a. An ni a nyan fan yɔ dumu. A da a tɔnɛ sin, a ni sen dɛnfɛ wa an na. Ni an‑na su sa a ɔ, mbɛ an‑na sen chɛ tundun, a da a chɛndɛ chɛ. an nii ma mɔ ɔ mɔ tɔn nin bɛ min dɔ. 54An tee chɛ ma ni, Chu n ni an ma bɛn an 'na suin tee chɛ ko a. A sin dɔ nii ma yansan to, a ni a kuu sɔ.#23:54 Ni tee bea‑a dechee, mbɛ tee nama‑a a kuu sɔ, yɔ Chu n 'na manda‑a a fɔ buɛ min dɔ.
55Musu miin na‑a a sɔ ka Chisɔsi fɛ a ka Kadidi chɛnyɛ ɔ, an ta‑a wan an bɛ Chosɛfi n na. Mbɛ an‑na kamba chɛ yen, mbɛ an‑na a ɔ sɔn Chisɔsi tɔndenɛ ni buɛ min dɔ. 56Mbɛ an yɛ‑a duu ɔ, mbɛ an‑na tu kunyɛ a diama ɔ bɛn, a fasi fasi koe a Chisɔsi su ma.
Chɛɛ suin tee‑a a kuu sɔ, mbɛ an‑na an suin, yɔ an 'na sawa‑a min fɔ.
Currently Selected:
DUKU 23: KONONT
Highlight
Share
Copy
Want to have your highlights saved across all your devices? Sign up or sign in
New Testament in Kono © The Bible Society of Sierra Leone, 2006.
DUKU 23
23
An ta‑a Chisɔsi a, Kɔfana Padeti chen kɔɔ
(Matiu 27:1-2, 11-14; Maki 15:1-5; Chɔn 18:28-38)
1A tima chɛ a ni gbɛ, mbɛ chiti tɛ mɔɛ chɛ n gbɛɛ‑a an kɔɔ sɔ, mbɛ an ta‑a Chisɔsi a kɔfana chen kɔɔ, min tɔ ni Padeti. 2Nɔ ni, an‑na a kuu sɔ kunɛ si‑a a kun ma, an dɔ, “Kamin chɛ an mbe ben‑da nn 'na mɔɛ n sɔ‑a chia yama n ma, ɛ ta‑a a fɔ‑a an ye, a ɔ, an ma chɛnyɛ pawa chɛ Domi kun ti wa tena. Mbɛ a yɛ‑a, a‑a a wandi chee Chasi a, min mu mansa a.”
3Mbɛ Kɔfana Padeti ɔ, “I wan mu Chu mɔɛ n 'na mansa a?”
Mbɛ Chisɔsi ɔ, “I‑a an fɔ ka.”
4Mbɛ Kɔfana Padeti‑a a fɔ wan Chu n tɛ mɔɛ nu Yataa a, an 'na mansa n ye, a basan mɔ fanka chɛ a, a ɔ, “N ma ko yama kan kɔ kan yen ni, kamin chɛ‑a min ma.”
5Chɛɛ tima chɛ gbu a ni, an‑na a kɔ din gbasaya wandi gbu a, an dɔ, “Ɛ kanɛ min chɛ tena, ɛ a ma tena wan gbun ba ni gbasi Chudia chɛnyɛ chɛ gbɛɛ ɔ. A‑a a kuu sɔ Kadidi chɛnyɛ ɔ wan, mbɛ sanche gbɛ a che‑a nɛ a 'a kan chɛ‑a.”
Kɔfana Padeti‑a Chisɔsi a ta Mansa Ɛdɔdi tena
6Kɔfana Padeti‑a bai chɛ an na min, mbɛ a‑a mɔɛ chɛ n dɔ tisa, a ɔ, “O, kamin chɛ mu Kadidi mɔɛ an na?” 7Mbɛ a‑a a ɔ gbɛ kɛn, mbɛ Chisɔsi ka‑a Mansa Ɛdɔdi 'a chɛnyɛ ɔ wan, a sin, a wan Mansa Ɛdɔdi ni wan Chuusaɛn duu ɔ a tima chɛ a, a‑a Chisɔsi a ta wan a tena. 8Mansa Ɛdɔdi‑a Chisɔsi yen kɛn, a bu ɔ dia‑a wan kaka. Koe min na mu, tima ɔ yansama ko a, a yen sɔɛ ni wan a a. A na‑a a ma tɔɛ a min fan, a sin ni gbɛ a 'a yiinachii ɔ, mbɛ a ni Chisɔsi yen kamaya koe n ma‑a. 9Chɛ an‑na a ma, Mansa Ɛdɔdi‑a Chisɔsi ɔ tisa tisa sɛsɛ a, chɛɛ Chisɔsi ma bai dɔndɔ wɛɛ fɔ ni a ye. 10Chɛ gbakɔ, mɔɛ miin ni Chu n tɛ ɔ Yataa a, an 'na mansa chɛ nu, an bɛ Chu n 'na sawa kan mɔɛ chɛ n na, an bun‑da kun sɛsɛ si‑a to Chisɔsi kun ma. 11Mbɛ a tima chɛ a, Mansa Ɛdɔdi an bɛ a 'a soya n na, an‑na Chisɔsi ma yɛn fan, mbɛ an‑na mauma mauma koe sɛsɛ sɛ a ma. An‑na doma kai nyima nyima don fan a ma, mbɛ a‑a a a yɛ Kɔfana Padeti tena. 12A ka a tee chɛ ma, Mansa Ɛdɔdi n dia‑a wan, an fea Kɔfana Padeti a. Chɛɛ ma nyɔnɛ ni an na a kɔma a.
Kɔfana Padeti‑a kaa a tɛ, Chisɔsi fa koe ma
(Matiu 27:15-26; Maki 15:6-15; Chɔn 18:39—19:16)
13An yɛ‑a kɛn to Chisɔsi a, Kɔfana Padeti chen kɔɔ, mbɛ Kɔfana Padeti‑a Chu n tɛ mɔɛ Yataa a, an 'na mansa nu, a‑a an chee kaina dɔndɔɛ, an bɛ kun ti n na, a basan mɔɛ tɔɛ n gbɛɛ a. 14Mbɛ a ɔ, “Wo na‑a kamin chɛ a n chen kɔɔ, wo ɔ, ɛ mɔɛ n sɔ‑a chia yama ma. A yen ko gbɛ, n‑na a wakoe kɔɔ gbɛngbɛn wo gbɛɛ ya kɔɔ, chɛɛ n ma ko ɔ ko yen ni, a‑a min ma, min mu ko yama a, yɔ wo‑a a fɔ buɛ min dɔ. 15Mansa Ɛdɔdi wɛɛ‑a a ɔ yen fan, mbɛ kamin chɛ ma ko ɔ ko ma ni, min mu ko yama a. Chɛ an fɛ mu, a‑a a a yɛ mmɔ chen kɔɔ. Wo wandi gbu‑a a ɔ yen gbɛ, mbɛ kamin chɛ ma ko yama kan kɔ kan ma ni, min mbe a ma, a ni saya ma sɔn. 16-17Chɛ an‑na a fɔ, n mbe a ma‑a wan an ni a pɛndɛn pien, mbɛ n‑na a boo ka, a ni ta.”#23:16-17 Bai chɛ n fan saen mu a kun ma Duku 'a gboo kɔma dɔ n dɔ. An bai chɛ n dɔ: Kɔfana Padeti‑a chɛ fɔ, koe min na mu, sawa ni a a ko a, mbɛ ni a ma‑a kun bɔ a ɔ bɛn chɛ bia tima ɔ tima, mbɛ a ni a boo ka wan Chu mɔ dɔndɔ a, min mbe sa ɔ pimbi chenɛ a (Maki 15:6).
18Chɛɛ an gbɛɛ‑a a fɔ wan dɔndɔ a, an kuiɛ ma sɛenɛ a, an dɔ, “Kamin chɛ fa, mbɛ i‑a i boo ka Baabasi a nn ye.” 19Baabasi chɛ ni mɔɛ an na, an na‑a min sa pimbi chenɛ a, butuin chɛ koe a Domi mansa n na Chuusaɛn duu ɔ. A yɛ to, a na‑a mɔɛ fa wan.
20Kɔfana Padeti toen ni a ni a boo ka Chisɔsi an na. Chɛ an‑na a fɔ, a‑a mɔ fanka chɛ ɔ tisa to, min mbe a ma, a ni a boo ka Chisɔsi a. 21Chɛɛ an‑na yee tɛ wan to, an dɔ, “A ni gbangban kɔnɛ ma, a ni fa. A ni gbangban kɔnɛ ma, a ni fa.”
22Mbɛ Kɔfana Padeti‑a a fɔ to an ye a si tena sawan bɔɛ ɔ, a ɔ, “Fen ko a chɛ ɛ ma? Kamin chɛ gbu, a‑a fen ko yama ma? N ma ko ɔ ko yen ni, a‑a min ma, ɛ saya ma sɔn min ko a. N mbe a ma‑a wan, an ni a pɛndɛn pien, mbɛ n‑na a boo ka, a ni ta.”
23Chɛɛ a tima gbu a ni, an‑na yee tɛ a sɛmbɛndenɛ a, mbɛ a ni a ma, an ni Chisɔsi gbangban kɔn gbengbandenɛ ma. Mbɛ a danka a, an kun‑da Kɔfana Padeti yiima mun koe ma. Mbɛ an‑na yee tɛ koe min ko a, an to‑a a ma. 24Mbɛ Kɔfana Padeti dɔn‑da an ni Chisɔsi gbangban kɔn gbengbandenɛ ma, a ni fa nɔ, yɔ an‑na a fɔ buɛ min dɔ. 25Mbɛ a‑a a boo ka kamin chɛ a, an toen ni min na, kaminɛ min ni pimbi chenɛ a butuin chɛ koe a Domi mansa n na, a basan mɔ fa koe a. Mbɛ a‑a Chisɔsi be a fa mɔɛ n ma, min ni an faa ma koe a.
An‑na Chisɔsi gbangban kɔn gbengbandenɛ ma
(Matiu 27:32-44; Maki 15:21-32; Chɔn 19:17-27)
26Mbɛ soya n‑na Chisɔsi bia, mbɛ an ta‑a a a. An to‑a ta tena wan a a, mbɛ an bɛn‑da kamin dɔndɔ a, min tɔ ni Saimɔn. A ni ka tena Sayini duu ɔ wan, ɛ na‑a Chuusaɛn. Soya chɛ n‑na a din fan kamin chɛ ma, a ni ta kɔn gbengbanden chɛ a Chisɔsi gbaa chia a.
27Mɔ fanka wa‑a a sɔ wan Chisɔsi fɛ. An tɛ ɔ, musu dɔ n ni wan nɔ, miin ni di chɛ‑a a ko a. 28Chɛɛ Chisɔsi‑a a ya a yɛ wan an ma, mbɛ a ɔ, “Wo wan Chuusaɛn duu ɔ musu nu, wo ma di chɛ n fan ko a, chɛɛ wo di chɛ wo wandi ko a, a basan wo 'a denɛ n na. 29Koe min na mu, a yen ko, tima ɛ che‑a wan, mɔɛ n ni a fɔ, an dɔ, musu miin gbandayaen mu, an dɔ, miin ma susu be ni den ma, an duaen mu. 30A tima chɛ a, mɔɛ n mbe a fɔ‑a wan kɔnkɔɛ n ye, an dɔ, an ni bɔn an ma, an dɔ, an ni an na tunɛ. 31A mu min na, ni an mbe kun fan an ni n tɔɔya buɛ chɛ ɔ, n fɛn ma ko yama kan kɔ kan ma ni, wo sin gbɛ, wo wɛn yau ka, an mbe ma‑a ka ma wo a?”
32A tima chɛ a, soya chɛ n ni wan to ta tena kamin fea dɔ mende a, miin ni mɔ yama n na. An sɔen ni, an ni an bɛɛ fa, an bɛ Chisɔsi a. 33An che‑a kɛn kaina chɛ, an ni min chee, an dɔ, Kun Konkon Ma, an‑na Chisɔsi gbangban fan nɔ kɔn gbengbandenɛ ma. An na‑a mɔ yama fea chɛ n bɛɛ gbangban fan to nɔ kɔn gbengbanden fea n ma. An na‑a mɔ yama dɔndɔɛ gbangban fan Chisɔsi boo nyima ɔ, mbɛ an‑na dɔndɔɛ wɛɛ gbangban a man dɔɛ. 34Mbɛ Chisɔsi ɔ, “Fa Yataa, i boo bɔ mɔɛ chɛ n 'na ko yama n dɔ. A mu min na, an ma a ɔ sɔn, an mbe ka koe min nyɔn sima ma tena.”
Chisɔsi gbangbandenɛ gbakɔ, soya chɛ n‑na chɛ fenɛ chɛ wan a 'a koa n ko a, min mbe a ma, an ni a ɔ sɔn, ni mɔ dɔndɔɛ ɛ min ma sɔn. 35Mɔɛ n ni wan nɔ sɔ ɔ, an mbe koe n dɔ gbɛ‑a miin ni ma tena. Chɛɛ Chu n kun ti n‑na ma yɛn ma koe n sɛ wan Chisɔsi ma. Mbɛ an dɔ, “A‑a mɔ dɔ mende n baun, a ni a wandi baun gbɛ, ni an mu kunka mansa a, Yataa‑a a boo sɔ min ma.”
36Soya chɛ n bɛɛ‑a a ma yɛn fan. An na‑a wan a tena, mbɛ an‑na gbɛ be a ma, 37mbɛ an dɔ, “I wandi baun bɛ, ni i wan mu Chu mɔɛ n 'na mansa a.”
38Kɔn dɛnfɛ ni wan bun dɔ a 'a kɔn gbengbanden chɛ kun ma. A nyɛnden fan ni an kɔn chɛ ma, an dɔ, Chu mɔɛ n 'na mansa an nɛ.
39Ko yama ma mɔɛ dɔndɔɛ chɛ, min ni ka nɔ dɛn dɔ, an bɛ Chisɔsi n na, a kai‑a wan Chisɔsi a manyinɛ a, a ɔ, “Kunka mansa chɛ mu i wan na, ae? Ni a mu i wan na, mbɛ i wandi baun bɛ, a basan nn bɛɛ a.”
40Chɛɛ a bɔɛ dɔndɔɛ chɛ sin‑na a a gban fan, mbɛ a ɔ, “An‑na ko yawaen dɔndɔ gbe an sa ka mmɔ ma mmɔ bɛ. E ee chian Yataa ma chɛ gbu dechee wɛɛ ko a? 41A sin, an teayaen fan mu, an ni ko yawaenɛ sa mɔ ma, koe min na mu, mɔ tana, mɔ ɛ ka nɛ mɔ sɔn yama an ko a. Chɛɛ a tana, a ma ko yama kan kɔ kan ma ni.” 42Mbɛ a ɔ, “Kai Chisɔsi, i yii na chii n na, ni i na‑a tima min na gbasaya ɔ, i 'a mansa wai chɛ koe a.”
43Mbɛ Chisɔsi ɔ, “N ni a ma din i tena, mbɛ bi tee chɛ a, mɔ fea ɛ ma‑a wan banda bu ɔ.”
An‑na Chisɔsi fa
(Matiu 27:45-56; Maki 15:33-41; Chɔn 19:28-30)
44Tee kun tɛ a tee chɛ ma, pimbi bun‑da wan chɛnyɛ gbɛɛ ɔ awa sawa ko a. 45Koe min na mu, tee sɛmbɛ‑a wan man koe a. Mbɛ tɛndi min bɛɛ ni ka dɛn dɔ Yataa 'a chenɛ bu ɔ, a tɛ ka‑a fea a. 46Mbɛ Chisɔsi‑a yee tɛ gbankon, a ɔ, “Fa, n‑na n nyina be i ma.” A‑a chɛ fɔ kɛn dechee, mbɛ a fa‑a.
47Domi soya gbakoo chɛ, min ni ka Chisɔsi ma fɛn‑da, a‑a a ɔ yen min ma‑a. Mbɛ a‑a tando be Yataa ma, a ɔ, “Tea gbu ko a, mɔ tandenɛ ni kamin chɛ a.”
48Mɔ sɛsɛ wa chɛ nu, miin na‑a a ɔ yen koe a, an mbe Chisɔsi fa tena buɛ min dɔ, an na‑a ɔ yen fan, koe min ben‑da. Mbɛ an gbɛɛ yɛ‑a wan an baa nu, faayɔn ba ɔ. 49Chɛɛ koe chɛ n gbɛɛ ni ben tena tima min na, Chisɔsi dia nyɔɛ chɛ n bɛɛ ni wan nɔ sɔ ɔ pɔɔ, an mbe an dɔ yen‑da. Musu miin bɛɛ na‑a a ma sɔ ka, a ka Kadidi chɛnyɛ ɔ, an ni wan an tɛ ɔ.
An‑na Chisɔsi sa a kamba ɔ
(Matiu 27:57-61; Maki 15:42-47; Chɔn 19:38-42)
50-51Yatina, a tima chɛ a, kamin dɔndɔ ni wan nɔ min tɔ ni Chosɛfi. A na‑a ka Ayimatia duu ɔ wan, min ni Chudia chɛnyɛ ɔ. A sɔnɛ ni nyin, a yɛ to, mɔ tandenɛ ni a a. A sin, a ya ni tima chɛ an ya ɔ, tima min na Yataa ɛ a 'a mansaya ɔ yian‑da dunya chɛ ɔ. Chu gbakoo dɔndɔ ni a a, miin ni chiti tɛ koe n ma. Chɛɛ a nii ma toa si ni a bɔɛ chɛ n 'na yiinachii kɔɔ, koe chɛ n gbɛɛ ma koe a Chisɔsi a. 52A ta‑a wan Kɔfana Padeti tena, mbɛ a‑a a ɔ tisa, a ɔ, a ni Chisɔsi su be a ma a tɔn koe a. 53Mbɛ Kɔfana Padeti dɔn‑da a ye. Mbɛ Chosɛfi‑a a ma, an‑na Chisɔsi su a yii kɔn gbengbanden chɛ ma, mbɛ a‑a a ma bɛn fen gbɛ ɔ. Mbɛ a‑a a tɔn kamba ɔ, min sinden ni senɛ ɔ,#23:53 Chu n ni sen gbuu wa an dɔ bɔ suun, mbɛ an‑na a ma kamba a. An ni a nyan fan yɔ dumu. A da a tɔnɛ sin, a ni sen dɛnfɛ wa an na. Ni an‑na su sa a ɔ, mbɛ an‑na sen chɛ tundun, a da a chɛndɛ chɛ. an nii ma mɔ ɔ mɔ tɔn nin bɛ min dɔ. 54An tee chɛ ma ni, Chu n ni an ma bɛn an 'na suin tee chɛ ko a. A sin dɔ nii ma yansan to, a ni a kuu sɔ.#23:54 Ni tee bea‑a dechee, mbɛ tee nama‑a a kuu sɔ, yɔ Chu n 'na manda‑a a fɔ buɛ min dɔ.
55Musu miin na‑a a sɔ ka Chisɔsi fɛ a ka Kadidi chɛnyɛ ɔ, an ta‑a wan an bɛ Chosɛfi n na. Mbɛ an‑na kamba chɛ yen, mbɛ an‑na a ɔ sɔn Chisɔsi tɔndenɛ ni buɛ min dɔ. 56Mbɛ an yɛ‑a duu ɔ, mbɛ an‑na tu kunyɛ a diama ɔ bɛn, a fasi fasi koe a Chisɔsi su ma.
Chɛɛ suin tee‑a a kuu sɔ, mbɛ an‑na an suin, yɔ an 'na sawa‑a min fɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Kono © The Bible Society of Sierra Leone, 2006.