DUKU 3
3
Chɔn‑na chia a ka, Chisɔsi ya ɔ
(Matiu 3:1-12; Maki 1:1-8; Chɔn 1:19-28)
1-2Chɛ ɔ mɛen gbakɔ, Sakaaya 'a denɛ Chɔn ni gbɛ fuinɛ ma wan, mbɛ Yataa koɔ‑a a tena. Chɛ ɛ ma‑a tima min na, Tibɛyɔsi ni a sanɛ tan kun ma duun bɔɛ an dɔ, Domi kun ti wa ya a. Pɔnchɔsi Padeti an ni kɔfana a Chudia chɛnyɛ ɔ. Kadidi chɛnyɛ sin dɔ kun ti tɔ ni Ɛdɔdi.#3:1-2 Mansa Ɛdɔdi Wa 'a denɛ dɔndɔ an nɛ, min tɔ ni Ɛdɔdi Andipasi. A kɔɔ Fiipi wɛɛ ni kun ti an na Ituyia chɛnyɛ kun ma, a basan Takonitisi a. Abidini chɛnyɛ kun ti ni Disanyasi an na. Chu n 'na tɛ mɔ wa nu Yataa tena, an ni Anasi n fea n na Kayafasi a. 3Yataa koɔ‑a kɛn Chɔn tena, a ta‑a wan tanda n dɔ, Chɔdan yii a sanɛ gbɛɛ. Ɛ ta‑a Yataa 'a sakana bai ɔ yian‑da mɔɛ n na, a ɔ, mɔɛ n ni an kan kɔ sɔ an 'na ko yama a. A ɔ, mbɛ a‑a yii chɛ an kunɛ ɔ, Yataa chia a, a ɔ, min mbe a ma, Yataa ni a boo bɔ an 'na ko yama ɔ. 4-5Chɛ ma‑a wan, yɔ Yataa 'a gbonka chɛ mɔɛ Aisaya na‑a a nyɛn suun buɛ min dɔ, a ɔ,
“Mɔɛ yen ko gbonka chɛ‑a fuinɛ ma, a ɔ,
mɔɛ n ni tan Yataa tena.
A ɔ, an ni an fandi n dɔ bɛn Mansa Yataa ya ɔ, yɔ an mbe chia ɔ bɛn buɛ min dɔ, an 'na mansa n ya ɔ.
A ɔ, an mbe a tan fan,
mbɛ an‑na kaina ɔ yiienɛ n gbɛɛ a fa fa.
A ɔ, mbɛ an‑na kɔnkɔ kɔnkɔɛ n te,
mbɛ an yɛ‑a an‑na kaina gbukusa gbukusaenɛ n gbɛɛ a kan kan, a ɔ bɛn koe a.
6A ɔ, a sin, a tima chɛ a, mɔ ɔ mɔ‑a a ɔ yen‑da wan, Yataa ɛ mɔɛ n baun buɛ min dɔ.”
7Chɔn ni kɛn Chɔdan yii da a, mɔ fanka fanka ni na wan a tena, yii chɛ koe a an kunɛ ɔ, Yataa chia a. Mbɛ a ni a fɔ wan an ye, a ɔ, “Wo yauaen ba chɛ nu, yɔ ka. Wo ee che wo nun‑da Yataa 'a mɔnɛ ma, min mbe wo ko a. 8Wo chɛ chɛ wai n ni a ɔ yian, mbɛ wo‑a wo kan kɔ sɔ wo 'a ko yama n na. Wo ma bun kafai be‑a a fɔ koe a, mbɛ Ebeami cheeya mu wo a. A ni ma wo yii ma, mbɛ Yataa ɛ kun fan a ni sen chɛ n ya, a ni Ebeami cheeya n nyan an dɔ. 9Ni kɔnɛ ma gbɔ chɛndɛ be ni, mɔɛ ɛ a tɛ wan a suu ma, mbɛ a‑a a minda. Wo gbɛɛ wo maen fan mu yɔ kɔnɛ nu. Yataa 'a yende a saen fan mu wo dɔ n tɛ koe a wo suu ma, wo wɛn mbe ee ko chɛndɛ ma‑a.”
10Mbɛ mɔɛ dɔ nu mɔ fanka chɛ ɔ, an dɔ, “Nn mbe ma ka ma gbɛ?”
11Mbɛ Chɔn dɔ an ma, “Doma fea ɛ mɔɛ min boo ɔ, a ni dɔndɔ be a bɔɛ ma, a ee min boo ɔ. Mbɛ mɔ ɔ mɔ daun fenɛ koo min boo ɔ, a ni a du an fea a bɔɛ a.”
12Pawa bia mɔɛ dɔ n bɛɛ na‑a wan Chɔn tena, yii chɛ koe a an kunɛ ɔ, Yataa chia a. Mbɛ an dɔ, “Ticha, nn mbe ma ka ma?”
13A ɔ, “Wo ma pawa bia mɔɛ n boo ɔ, sawa ma min fɔ ni.”
14Soya dɔ n bɛɛ na‑a wan, an dɔ, “Nn bɛɛ sin? Nn mbe ma ka ma?”
Mbɛ a ɔ, “Wo ma kɔpɔɛ bia mɔ ɔ mɔ boo ɔ gbasaya a. A yɛ to, wo ma fania fɔ mɔ ɔ mɔ ma. Wo faa ni chima wo 'a pawa a.”
15A tima chɛ a, Chu mɔɛ n gbɛɛ ya mɛen fan ni gbɛ an kun ka mansa ya ɔ, min na koe ni a ɔ. An bun‑da an yii na chii‑a Chɔn na, an dɔ, kɔkɔɛ kunka mansa chɛ gbu an nɛ. 16Mbɛ Chɔn‑na a fɔ an gbɛɛ ye, a ɔ, “N fan, n mbe yii an chɛ wo kunɛ ɔ, chɛɛ mɔ dɔndɔ ɛ na tena n gbaa, a benden mu n ma kaka. N gbu sin mbe ee che a 'a kɔɔwa yuu wɛɛ fuin koe a. A tana, ɛ Yataa Nyina a na‑a wan ma koe a wo fɛ, wo wɛn mbe wo kan kɔ sɔ‑a wo 'a ko yama n na. Chɛɛ wo wɛn mbe ee wo kan kɔ sɔ‑a wo 'a ko yama n na, ɛ wo a ta‑a wan ta ɔ. 17Ɛ mɔ gbu gbɛɛ gbɛmbo‑a wan. Ɛ mɔ gbu chɛndɛ n bɔ‑a wan a yama n ya a, yɔ sɛnɛ sa mɔɛ ɛ fenɛ ɔ fɛ buɛ min dɔ, a pofe bɔ koe a a chɛndɛ ya a. Ɛ a pofe a dɛ‑a wan, mbɛ a‑a a chɛndɛ si tena ɔ bɛn. Ɛ mɔ yama n tɔɔya‑a wan kuɔ fɔ ta ɔ, yɔ mɔɛ ɛ a fonɛ minda buɛ min dɔ ta a.”
18Chɔn‑na mɔɛ chɛ n kan fan chia sɛsɛ a, sakana bai chɛndɛ chɛ a, a basan an boo si koe a a kɔɔ. 19Chɛɛ chɛ gbakɔ, Chɔn‑na tea fɔ wan Mansa Ɛdɔdi ye. A ɔ, a ma tea ko ma ni, a kɔɔ kaima 'a musu Ɛdɔdiyasi bɔ koe a a boo ɔ, a ni a ma a 'a musu a. Mansa chɛ 'a ko yama ma gba dɔ mende nu, a‑a an bɛɛ fɔ wan a ye. 20A ka Mansa Ɛdɔdi 'a ko yama maenɛ saa chɛ n ma, a‑a a ma wan to, an‑na Chɔn bia, mbɛ an‑na a sa pimbi chenɛ a.
Chɔn‑na yii chɛ Chisɔsi kunɛ ɔ, Yataa chia a
(Matiu 3:13-17; Maki 1:9-11)
21Chɔn ni tima min na yii chɛ‑a mɔɛ n kunɛ ɔ, Yataa chia a, a‑a a chɛ wan Chisɔsi wɛɛ kunɛ ɔ. Chisɔsi bun‑da samunɛ chɛ‑a, mbɛ a ya kɔɔɛ a, banda da a ka‑a. 22Mbɛ Yataa Nyina yii‑a, bugbɔya ɔ, mbɛ a si‑a a kun ma. Mbɛ kuiɛ ka‑a banda bu ɔ, a ɔ, “N 'na denɛ mu i a, i ko a di n ye kaka. N faa chimaen mu i ko a chɛndɛ chɛ.”
Chisɔsi bemba n ta bemba nu
(Matiu 1:1-17)
23Chisɔsi‑a a kuu sɔ tima min na a 'a wai chɛ‑a, a sanɛ ni wan san bi sawa nyɔn sima. A fa tɔ ni Chosɛfi, yɔ a ni buɛ min dɔ mɔɛ n yii ma. Chosɛfi fa tɔ ni Edi, 24Edi fa tɔ ni Matati, Matati fa tɔ ni Difai, Difai fa tɔ ni Mɛki, Mɛki fa tɔ ni Chanai, Chanai fa tɔ ni Chosɛfi, 25Chosɛfi fa tɔ ni Matatiyasi, Matatiyasi fa tɔ ni Emɔsi, Emɔsi fa tɔ ni Naun, Naun fa tɔ ni Ɛsi, Ɛsi fa tɔ ni Nakai, 26Nakai fa tɔ ni Maati, Maati fa tɔ ni Matatiyasi, Matatiyasi fa tɔ ni Sɛmɛyin, Sɛmɛyin fa tɔ ni Chosɛki, Chosɛki fa tɔ ni Choda, 27Choda fa tɔ ni Chowanan, Chowanan fa tɔ ni Desa, Desa fa tɔ ni Sɔɔbabɛɛ, Sɔɔbabɛɛ fa tɔ ni Sadatiyɛ, Sadatiyɛ fa tɔ ni Neyi, 28Neyi fa tɔ ni Mɛki, Mɛki fa tɔ ni Adi, Adi fa tɔ ni Kosan, Kosan fa tɔ ni Ɛmadan, Ɛmadan fa tɔ ni Ea, 29Ea fa tɔ ni Chɔsowa, Chɔsowa fa tɔ ni Ɛdiyɛsa, Ɛdiyɛsa fa tɔ ni Choyin, Choyin fa tɔ ni Matati, Matati fa tɔ ni Difai, 30Difai fa tɔ ni Simiyɔn, Simiyɔn fa tɔ ni Chuda, Chuda fa tɔ ni Chosɛfi, Chosɛfi fa tɔ ni Chonan, Chonan fa tɔ ni Ɛdiakin, 31Ɛdiakin fa tɔ ni Mɛdɛya, Mɛdɛya fa tɔ ni Mɛna, Mɛna fa tɔ ni Matata, Matata fa tɔ ni Natan, Natan fa tɔ ni Defidi, 32Defidi fa tɔ ni Chɛsi, Chɛsi fa tɔ ni Wobɛdi, Wobɛdi fa tɔ ni Bowasi, Bowasi fa tɔ ni Samon, Samon fa to ni Naason, 33Naason fa tɔ ni Aminadabi, Aminadabi fa tɔ ni Amin, Amin fa tɔ ni Ani, Ani fa tɔ ni Ɛson, Ɛson fa tɔ ni Pɛɛsi, Pɛɛsi fa tɔ ni Chuda, 34Chuda fa tɔ ni Chekɔpi, Chekɔpi fa tɔ ni Aisaki, Aisaki fa tɔ ni Ebeami, Ebeami fa tɔ ni Tɛya, Tɛya fa tɔ ni Nawo, 35Nawo fa tɔ ni Sɛyuku, Sɛyuku fa tɔ ni Du, Du fa tɔ ni Pɛdɛki, Pɛdɛki fa tɔ ni Ɛba, Ɛba fa tɔ ni Sɛda, 36Sɛda fa tɔ ni Kainan, Kainan fa tɔ ni Afasadi, Afasadi fa tɔ ni Sɛn, Sɛn fa tɔ ni Nowa, Nowa fa tɔ ni Damɛki, 37Damɛki fa tɔ ni Mɛtusɛda, Mɛtusɛda fa tɔ ni Ɛnoku, Ɛnoku fa tɔ ni Chayɛdi, Chayɛdi fa tɔ ni Maadadɛɛ, Maadadɛɛ fa tɔ ni Kainan, 38Kainan fa tɔ ni Ɛnosi, Ɛnosi fa tɔ ni Sɛti, Sɛti fa tɔ ni Adami, min ni Yataa 'a denɛ a.
Currently Selected:
DUKU 3: KONONT
Highlight
Share
Copy
Want to have your highlights saved across all your devices? Sign up or sign in
New Testament in Kono © The Bible Society of Sierra Leone, 2006.
DUKU 3
3
Chɔn‑na chia a ka, Chisɔsi ya ɔ
(Matiu 3:1-12; Maki 1:1-8; Chɔn 1:19-28)
1-2Chɛ ɔ mɛen gbakɔ, Sakaaya 'a denɛ Chɔn ni gbɛ fuinɛ ma wan, mbɛ Yataa koɔ‑a a tena. Chɛ ɛ ma‑a tima min na, Tibɛyɔsi ni a sanɛ tan kun ma duun bɔɛ an dɔ, Domi kun ti wa ya a. Pɔnchɔsi Padeti an ni kɔfana a Chudia chɛnyɛ ɔ. Kadidi chɛnyɛ sin dɔ kun ti tɔ ni Ɛdɔdi.#3:1-2 Mansa Ɛdɔdi Wa 'a denɛ dɔndɔ an nɛ, min tɔ ni Ɛdɔdi Andipasi. A kɔɔ Fiipi wɛɛ ni kun ti an na Ituyia chɛnyɛ kun ma, a basan Takonitisi a. Abidini chɛnyɛ kun ti ni Disanyasi an na. Chu n 'na tɛ mɔ wa nu Yataa tena, an ni Anasi n fea n na Kayafasi a. 3Yataa koɔ‑a kɛn Chɔn tena, a ta‑a wan tanda n dɔ, Chɔdan yii a sanɛ gbɛɛ. Ɛ ta‑a Yataa 'a sakana bai ɔ yian‑da mɔɛ n na, a ɔ, mɔɛ n ni an kan kɔ sɔ an 'na ko yama a. A ɔ, mbɛ a‑a yii chɛ an kunɛ ɔ, Yataa chia a, a ɔ, min mbe a ma, Yataa ni a boo bɔ an 'na ko yama ɔ. 4-5Chɛ ma‑a wan, yɔ Yataa 'a gbonka chɛ mɔɛ Aisaya na‑a a nyɛn suun buɛ min dɔ, a ɔ,
“Mɔɛ yen ko gbonka chɛ‑a fuinɛ ma, a ɔ,
mɔɛ n ni tan Yataa tena.
A ɔ, an ni an fandi n dɔ bɛn Mansa Yataa ya ɔ, yɔ an mbe chia ɔ bɛn buɛ min dɔ, an 'na mansa n ya ɔ.
A ɔ, an mbe a tan fan,
mbɛ an‑na kaina ɔ yiienɛ n gbɛɛ a fa fa.
A ɔ, mbɛ an‑na kɔnkɔ kɔnkɔɛ n te,
mbɛ an yɛ‑a an‑na kaina gbukusa gbukusaenɛ n gbɛɛ a kan kan, a ɔ bɛn koe a.
6A ɔ, a sin, a tima chɛ a, mɔ ɔ mɔ‑a a ɔ yen‑da wan, Yataa ɛ mɔɛ n baun buɛ min dɔ.”
7Chɔn ni kɛn Chɔdan yii da a, mɔ fanka fanka ni na wan a tena, yii chɛ koe a an kunɛ ɔ, Yataa chia a. Mbɛ a ni a fɔ wan an ye, a ɔ, “Wo yauaen ba chɛ nu, yɔ ka. Wo ee che wo nun‑da Yataa 'a mɔnɛ ma, min mbe wo ko a. 8Wo chɛ chɛ wai n ni a ɔ yian, mbɛ wo‑a wo kan kɔ sɔ wo 'a ko yama n na. Wo ma bun kafai be‑a a fɔ koe a, mbɛ Ebeami cheeya mu wo a. A ni ma wo yii ma, mbɛ Yataa ɛ kun fan a ni sen chɛ n ya, a ni Ebeami cheeya n nyan an dɔ. 9Ni kɔnɛ ma gbɔ chɛndɛ be ni, mɔɛ ɛ a tɛ wan a suu ma, mbɛ a‑a a minda. Wo gbɛɛ wo maen fan mu yɔ kɔnɛ nu. Yataa 'a yende a saen fan mu wo dɔ n tɛ koe a wo suu ma, wo wɛn mbe ee ko chɛndɛ ma‑a.”
10Mbɛ mɔɛ dɔ nu mɔ fanka chɛ ɔ, an dɔ, “Nn mbe ma ka ma gbɛ?”
11Mbɛ Chɔn dɔ an ma, “Doma fea ɛ mɔɛ min boo ɔ, a ni dɔndɔ be a bɔɛ ma, a ee min boo ɔ. Mbɛ mɔ ɔ mɔ daun fenɛ koo min boo ɔ, a ni a du an fea a bɔɛ a.”
12Pawa bia mɔɛ dɔ n bɛɛ na‑a wan Chɔn tena, yii chɛ koe a an kunɛ ɔ, Yataa chia a. Mbɛ an dɔ, “Ticha, nn mbe ma ka ma?”
13A ɔ, “Wo ma pawa bia mɔɛ n boo ɔ, sawa ma min fɔ ni.”
14Soya dɔ n bɛɛ na‑a wan, an dɔ, “Nn bɛɛ sin? Nn mbe ma ka ma?”
Mbɛ a ɔ, “Wo ma kɔpɔɛ bia mɔ ɔ mɔ boo ɔ gbasaya a. A yɛ to, wo ma fania fɔ mɔ ɔ mɔ ma. Wo faa ni chima wo 'a pawa a.”
15A tima chɛ a, Chu mɔɛ n gbɛɛ ya mɛen fan ni gbɛ an kun ka mansa ya ɔ, min na koe ni a ɔ. An bun‑da an yii na chii‑a Chɔn na, an dɔ, kɔkɔɛ kunka mansa chɛ gbu an nɛ. 16Mbɛ Chɔn‑na a fɔ an gbɛɛ ye, a ɔ, “N fan, n mbe yii an chɛ wo kunɛ ɔ, chɛɛ mɔ dɔndɔ ɛ na tena n gbaa, a benden mu n ma kaka. N gbu sin mbe ee che a 'a kɔɔwa yuu wɛɛ fuin koe a. A tana, ɛ Yataa Nyina a na‑a wan ma koe a wo fɛ, wo wɛn mbe wo kan kɔ sɔ‑a wo 'a ko yama n na. Chɛɛ wo wɛn mbe ee wo kan kɔ sɔ‑a wo 'a ko yama n na, ɛ wo a ta‑a wan ta ɔ. 17Ɛ mɔ gbu gbɛɛ gbɛmbo‑a wan. Ɛ mɔ gbu chɛndɛ n bɔ‑a wan a yama n ya a, yɔ sɛnɛ sa mɔɛ ɛ fenɛ ɔ fɛ buɛ min dɔ, a pofe bɔ koe a a chɛndɛ ya a. Ɛ a pofe a dɛ‑a wan, mbɛ a‑a a chɛndɛ si tena ɔ bɛn. Ɛ mɔ yama n tɔɔya‑a wan kuɔ fɔ ta ɔ, yɔ mɔɛ ɛ a fonɛ minda buɛ min dɔ ta a.”
18Chɔn‑na mɔɛ chɛ n kan fan chia sɛsɛ a, sakana bai chɛndɛ chɛ a, a basan an boo si koe a a kɔɔ. 19Chɛɛ chɛ gbakɔ, Chɔn‑na tea fɔ wan Mansa Ɛdɔdi ye. A ɔ, a ma tea ko ma ni, a kɔɔ kaima 'a musu Ɛdɔdiyasi bɔ koe a a boo ɔ, a ni a ma a 'a musu a. Mansa chɛ 'a ko yama ma gba dɔ mende nu, a‑a an bɛɛ fɔ wan a ye. 20A ka Mansa Ɛdɔdi 'a ko yama maenɛ saa chɛ n ma, a‑a a ma wan to, an‑na Chɔn bia, mbɛ an‑na a sa pimbi chenɛ a.
Chɔn‑na yii chɛ Chisɔsi kunɛ ɔ, Yataa chia a
(Matiu 3:13-17; Maki 1:9-11)
21Chɔn ni tima min na yii chɛ‑a mɔɛ n kunɛ ɔ, Yataa chia a, a‑a a chɛ wan Chisɔsi wɛɛ kunɛ ɔ. Chisɔsi bun‑da samunɛ chɛ‑a, mbɛ a ya kɔɔɛ a, banda da a ka‑a. 22Mbɛ Yataa Nyina yii‑a, bugbɔya ɔ, mbɛ a si‑a a kun ma. Mbɛ kuiɛ ka‑a banda bu ɔ, a ɔ, “N 'na denɛ mu i a, i ko a di n ye kaka. N faa chimaen mu i ko a chɛndɛ chɛ.”
Chisɔsi bemba n ta bemba nu
(Matiu 1:1-17)
23Chisɔsi‑a a kuu sɔ tima min na a 'a wai chɛ‑a, a sanɛ ni wan san bi sawa nyɔn sima. A fa tɔ ni Chosɛfi, yɔ a ni buɛ min dɔ mɔɛ n yii ma. Chosɛfi fa tɔ ni Edi, 24Edi fa tɔ ni Matati, Matati fa tɔ ni Difai, Difai fa tɔ ni Mɛki, Mɛki fa tɔ ni Chanai, Chanai fa tɔ ni Chosɛfi, 25Chosɛfi fa tɔ ni Matatiyasi, Matatiyasi fa tɔ ni Emɔsi, Emɔsi fa tɔ ni Naun, Naun fa tɔ ni Ɛsi, Ɛsi fa tɔ ni Nakai, 26Nakai fa tɔ ni Maati, Maati fa tɔ ni Matatiyasi, Matatiyasi fa tɔ ni Sɛmɛyin, Sɛmɛyin fa tɔ ni Chosɛki, Chosɛki fa tɔ ni Choda, 27Choda fa tɔ ni Chowanan, Chowanan fa tɔ ni Desa, Desa fa tɔ ni Sɔɔbabɛɛ, Sɔɔbabɛɛ fa tɔ ni Sadatiyɛ, Sadatiyɛ fa tɔ ni Neyi, 28Neyi fa tɔ ni Mɛki, Mɛki fa tɔ ni Adi, Adi fa tɔ ni Kosan, Kosan fa tɔ ni Ɛmadan, Ɛmadan fa tɔ ni Ea, 29Ea fa tɔ ni Chɔsowa, Chɔsowa fa tɔ ni Ɛdiyɛsa, Ɛdiyɛsa fa tɔ ni Choyin, Choyin fa tɔ ni Matati, Matati fa tɔ ni Difai, 30Difai fa tɔ ni Simiyɔn, Simiyɔn fa tɔ ni Chuda, Chuda fa tɔ ni Chosɛfi, Chosɛfi fa tɔ ni Chonan, Chonan fa tɔ ni Ɛdiakin, 31Ɛdiakin fa tɔ ni Mɛdɛya, Mɛdɛya fa tɔ ni Mɛna, Mɛna fa tɔ ni Matata, Matata fa tɔ ni Natan, Natan fa tɔ ni Defidi, 32Defidi fa tɔ ni Chɛsi, Chɛsi fa tɔ ni Wobɛdi, Wobɛdi fa tɔ ni Bowasi, Bowasi fa tɔ ni Samon, Samon fa to ni Naason, 33Naason fa tɔ ni Aminadabi, Aminadabi fa tɔ ni Amin, Amin fa tɔ ni Ani, Ani fa tɔ ni Ɛson, Ɛson fa tɔ ni Pɛɛsi, Pɛɛsi fa tɔ ni Chuda, 34Chuda fa tɔ ni Chekɔpi, Chekɔpi fa tɔ ni Aisaki, Aisaki fa tɔ ni Ebeami, Ebeami fa tɔ ni Tɛya, Tɛya fa tɔ ni Nawo, 35Nawo fa tɔ ni Sɛyuku, Sɛyuku fa tɔ ni Du, Du fa tɔ ni Pɛdɛki, Pɛdɛki fa tɔ ni Ɛba, Ɛba fa tɔ ni Sɛda, 36Sɛda fa tɔ ni Kainan, Kainan fa tɔ ni Afasadi, Afasadi fa tɔ ni Sɛn, Sɛn fa tɔ ni Nowa, Nowa fa tɔ ni Damɛki, 37Damɛki fa tɔ ni Mɛtusɛda, Mɛtusɛda fa tɔ ni Ɛnoku, Ɛnoku fa tɔ ni Chayɛdi, Chayɛdi fa tɔ ni Maadadɛɛ, Maadadɛɛ fa tɔ ni Kainan, 38Kainan fa tɔ ni Ɛnosi, Ɛnosi fa tɔ ni Sɛti, Sɛti fa tɔ ni Adami, min ni Yataa 'a denɛ a.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Kono © The Bible Society of Sierra Leone, 2006.