MATIU 11
11
Chɔn‑na mɔɛ n sɔ Chisɔsi tena
(Duku 7:18-35)
1Chisɔsi ban‑da kɛn a ɔ yian‑da a fɛ den tan kun ma fea n na, an mbe koe min ma, a ka‑a wan nɔ an kaina chɛ, mbɛ a ta‑a Kadidi duu#11:1 Kadidi duu n: Bai miin nyɛnden mu Kiisi gboo ɔ, an fasai an nɛ: “an 'na duu nu.” Chɛ n mbe ma wan Kadidi duu n na. Ni chɛ ma, an mbe ma wan duu chɛ n na, a fɛ denɛ n suun‑da kaina. n dɔ, mɔɛ n kan koe a, ni Yataa bai sa koe a mɔɛ n tena.
2A tima chɛ a, Chɔn min ni yii chɛ mɔɛ n kunɛ ɔ, Yataa chia a, a ni wan pimbi chenɛ a. Chɛɛ a‑a Chisɔsi Chasi ma tɔɛ a min kɛn, a‑a a fɛ denɛ dɔ n na ta wan Chisɔsi tena, min mbe a ma, an ni a wakoe ɔ gbɛ. 3Mbɛ an ta‑a, an‑na Chisɔsi tan, an‑na a ɔ tisa, an dɔ, “Fa, kai Chɔn na‑a Chasi na koe fɔ wan, a toen mu a ni a ɔ sɔn ni i wan mu Chasi gbu a, nn kun ka mansa. Kɔ nn ni ta, nn ni a fɔ a ye, mbɛ nn ni chia a fɛn an mɔɛ chɛ ya ɔ?”
4Mbɛ Chisɔsi‑a a fɔ an ye, a ɔ, “Wo yɛ, wo ta yiima ɔ, wo ni a ɔ yian kai Chɔn na, wo‑a koe miin dɔ yen, a yɛ to, wo‑a miin na min. 5Wo a fɔ a ye, wo ta yiima ɔ, mbɛ ya te tɔɛ nu, an‑na kaina ɔ yen, wo ɔ, namaa an sɔ‑a. Wo a fɔ to, wo ta yiima ɔ, wo ɔ, gbandi yama ni miin gboo ma, an baun‑da, wo ɔ, too gbee tɔɛ nu, an‑na koe a min, wo ɔ, miin faen ni, an‑na fɔɛ ma sɔn to, wo ɔ, yɔn tɔɛ n bɛɛ, an‑na sakana bai chɛndɛ chɛ a min.#11:5 Yataa 'a gbonka chɛ mɔɛ Aisaya na‑a a fɔ wan suun, mbɛ Chasi, kunka mansa, ɛ kamaya koe chɛ n sɛsɛ ma‑a wan (Aisaya 35:4-6, 61:1). 6Wo a fɔ, wo ɔ, mɔ ɔ mɔ, i wɛn gboo ɔ ma fa ni dan koe a n na, e dua ma sɔn‑da wan.”
7An mbe an chenɛ bɔ‑a nɔ, Chisɔsi bun‑da koɔ‑a a si Chɔn ma mɔ fanka fanka chɛ tena, a ɔ, “Wo ta‑a kɛn Chɔn tena fuinɛ ma, wo yii na chiien ni mɔɛ minan nyɔn sima tan koe a? Wo nii ma ta ni maa yamba ma kaminɛ an yen koe a. 8Wo na‑a ta nyɔn yen koe a? Wo nii ma ta ni mɔɛ an yen koe a, min ma chiien ni koa baa gbandenɛ ɔ. Tea ko a, mɔɛ miin mbe an ma chii ka, an mbe ma kata an fan dɔ. 9Wo a fɔ wɛ gbu n ye, wo toen ni wo ni nyɔn yen, min ta‑a wo a? Wo toen ni wo ni Yataa 'a gbonka chɛ mɔɛ an yen? Tea tea a, n ni a fɔ wo ye, wo ban‑da Yataa 'a gbonka chɛ mɔɛ yen‑da, min benden mu Yataa 'a gbonka chɛ mɔɛ tɔɛ n ma. 10A mu min na, Chɔn fan mu dɛya chɛ a, Yataa 'a gboo‑a bai sa a si min ma, a ɔ,
‘Yataa ɔ te kunka mansa Chasi ma,
a ɔ, ɛ a 'a dɛya sɔ tena wan a ya ɔ,
min mbe dɔbɛnɛ chɛ‑a a ko a.’
11N ni a ma din wo tena, mbɛ Chɔn, min mbe yii chɛ mɔɛ n kunɛ ɔ, Yataa chia a, mɔ ɔ mɔ ee wɛ nɔ dunya ɔ, min benden mu a ma. Chɛɛ mɔɛ den toa wɛɛ mɔɛ n tɛ ɔ, miin don‑da Yataa 'a mansaya kɔɔ, a benden mu a wan Chɔn sin ma. 12A ka tee chɛ ma, Chɔn‑na a kuu sɔ kɛn Yataa bai sa‑a aan a sɔ bi ma, Yataa 'a mansaya ɛ ta tena wan ya ɔ ma gbasaya a.#11:12 Yataa 'a mansaya ɛ ta tena wan ya ɔ ma gbasaya a - A fɔ buɛ dɔ mende an nɛ: mɔɛ n mbe Yataa 'a mansaya chɛ chɛɛ tena wan an sɔɛ gbɛɛ a. Chɛɛ gbun tɔɛ n mbe Yataa 'a mansaya chɛ chɛɛ tena wan. 13Chɔn mbe e na to na‑a suun, Yataa 'a gbonka chɛ mɔɛ n gbɛɛ‑a bai fɔ wan koe chɛ n ma, miin mbe ma tena ka bi tee chɛ a. Yataa‑a sawa min be Mosisi ma, a sawa gboo wɛɛ‑a bi tee chɛ a ko dɔndɔ gbe chɛ n fɔ wan. 14Yataa 'a gbonka chɛ mɔɛ chɛ n dɔndɔ na‑a Idaicha na koe fɔ wan. Ni wo e dan‑da wan a a, n ni a fɔ wo ye, mbɛ a mu Chɔn fan na, a na‑a min na koe kɔɔ fɔ tee. 15Wo wɛn too ɛ koe a min, wo chɛ a min.
16“Bi tee chɛ a mɔɛ nu, an maen fan mu yɔ den mɛsɛ nu tɔmbɔ chɛ baa ma. Chɛ n mbe denka ɔ, chɛ n mbe kandɔɛ. Miin mbe denka ɔ, an‑na yee tɛ wan kandɔ mɔɛ n tena, an dɔ, 17‘Mmɔ si a bɔ, mmɔ ni mmɔ don.’ Chɛɛ kandɔ kaka ma dɔn ni. Mbɛ denka ɔ kaka‑a a fɔ to, an dɔ, ‘Mmɔ di chɛ wɛ.’ Chɛɛ an ma dɔn ni chɛ wɛɛ ma. 18Chɛ tɛen mu min ma, Chɔn na‑a wan, a ni sunɛ bia wan, a sin nii gbɛ min. An dɔ te, ɛ dama. An dɔ, nyina yama an mbe a fɛ. 19Chɛɛ n fan, Mɔ Gbu 'a Denɛ, n na‑a kɛn, n mbe daunɛ chɛ wan, a yɛ to, n mbe gbɛ min fan. An‑na a fɔ wan to, an dɔ, nun namaya tɔɛ mu n na, an dɔ, kɔn gbasi kai mu to n na. An dɔ te to, n fan mu pawa kain mɔɛ n dia nyɔɛ a, a basan mɔɛ tɔɛ n na, miin mbe ee sɔ ɔ Yataa 'a chia ma. Chɛɛ mɔɛ n mbe a ɔ yen‑da wan, mbɛ Yataa 'a yiimatɛ an mu tea tea yiimatɛ a. An mbe chɛ ɔ yen‑da koe n fan ma, mɔɛ chɛ n mbe miin ma‑a, mɔɛ chɛ nu, Yataa‑a a 'a yiimatɛ chɛ be miin ma.”
Duu miin dɔ mɔɛ ma dan ni Chisɔsi a
(Duku 10:13-15)
20Chisɔsi na‑a kamaya koe n ma wan duu sawa n dɔ. Chɛɛ mɔɛ chɛ nu an duu chɛ n dɔ, an nii ma an kan kɔ sɔ ni an 'na ko yama n na. Chɛ‑a Chisɔsi faa yɔn fan, min‑na a ma, a‑a a fɔ an ye, a ɔ, 21“Wo wan, wo wɛn mbe ka Koyasin duu ɔ, ni wo wɛn mbe Besaida, koe miin mbe wo tan‑da, an mbe yaua‑a gba wo ko a. N‑na kamaya koe sɛsɛ n ma wan wo 'a duu n dɔ. Mɔɛ miin mbe ka Taya duu ɔ, a basan Sidon#11:21 Mɔɛ miin ni Taya duu ɔ, a basan Sidon duu ɔ a, an ni Yataa sɔn bai n fan na. Chisɔsi 'a tima a, an tɔɔ bɔen ba ni an 'na ko yama ma ko a. duu ɔ a, ni an na‑a ko bonda chɛ n dɔ yen fan, an nii ma‑a ka yɔ wo wan. An na‑a an kan kɔ sɔ an 'na ko yama n na suun gbɔɔ. An ni ma‑a gbɛ di chɛ an na an 'na ko yama n ko a.#11:21 Bai miin nyɛnden mu Kiisi gboo ɔ, an fasai an nɛ: “an na‑a an ma chii bɛchi a, mbɛ an‑na buwa yuyu an ma.” Chisɔsi 'a tima a, ni Chu mɔɛ n na‑a ko yama ma Yataa chen kɔɔ, an ni an ma chii bɛchi an na, mbɛ an‑na buwa yuyu an ma. An ni chɛ ma koe min na, an ni ka Yataa disa an na, a ni chinchin an ma an 'na ko yama n ko a. 22Chɛɛ n ni a ma din wo tena, mbɛ mɔ yama chɛ nu suun Taya duu ɔ, ni Sidon duu ɔ, an mbe ee tɔɔya‑a, Yataa ɛ dunya gbɛmbo‑a tee min na, yɔ wo e tɔɔya‑a buɛ min dɔ. 23Wo wɛn sin mbe ka Kapanaun duu ɔ, wo‑a wo wandi a sɛ banda a, chɛɛ Yataa ɛ wo a yii‑a wan duu ma. N‑na kamaya koe miin ma ka wo 'a duu chɛ ɔ, ni Sɔdɔn mɔɛ n na‑a an dɔ yen fan, Sɔdɔn nii ma‑a duu tombo a bi tee chɛ a. 24Chɛɛ n ni a ma din wo tena, mbɛ mɔ yama chɛ nu suun Sɔdɔn duu ɔ, an mbe ee tɔɔya‑a, Yataa ɛ dunya gbɛmbo‑a tee min na, yɔ wo e tɔɔya‑a buɛ min dɔ.”
Chisɔsi ɛ mɔɛ n chee‑a, na koe a a tena
(Duku 10:21-22)
25A tima chɛ a, Chisɔsi‑a a fɔ, a ɔ, “Fa, n‑na i wai bɔ, i wɛn mu mansa a banda bu ɔ ni dunya ɔ. A mu min na, i‑a koe chɛ n dɔ nun fan chɛ nu ma, ɛ miin ta yiima ɔ, mbɛ an dɔ sɔen mu. Chɛɛ i‑a an dɔ yian fan chɛ n na, miin‑na an fandi a yii i tena. 26Fa, n‑na i wai bɔ, koe min na mu, i toen ni a ni ma ka wan.”
27Mbɛ a‑a a fɔ mɔɛ chɛ n ye, a ɔ, “Fa‑a gbasaya gbɛɛ be n ma ko ɔ ko kun ma. Fa dɔndɔ gbe an‑na n sɔn chɛndɛ chɛ. N bɛɛ n dɔndɔ gbe an‑na Fa sɔn chɛndɛ chɛ. N‑na mɔɛ miin ya Fa sɔn koe a, an bɛɛ‑a a sɔn fan chɛndɛ chɛ.
28“Wo wɛn kanɛ ɔ faenɛ ɛ wo 'a suun fanka ma kɔɔ, wo na n tan. Wo na, n mbe wo deman, wo ni wo suin. 29Wo kooya be n ma. Wo ni n 'na kanɛ sɔn. N chinchinchaen mu, a yɛ to, n dɔ ma fasi ni. Ni wo puin‑da n chen gba ɔ, wo e suinɛ ma sɔn‑da wan. 30Koe min na mu, n mbe wo sɔ‑a chia chɛndɛ an ma, mbɛ a yɛ to, n mbe feanka min be‑a wo ma, a ee fanka‑a.”
Currently Selected:
MATIU 11: KONONT
Highlight
Share
Copy
Want to have your highlights saved across all your devices? Sign up or sign in
New Testament in Kono © The Bible Society of Sierra Leone, 2006.
MATIU 11
11
Chɔn‑na mɔɛ n sɔ Chisɔsi tena
(Duku 7:18-35)
1Chisɔsi ban‑da kɛn a ɔ yian‑da a fɛ den tan kun ma fea n na, an mbe koe min ma, a ka‑a wan nɔ an kaina chɛ, mbɛ a ta‑a Kadidi duu#11:1 Kadidi duu n: Bai miin nyɛnden mu Kiisi gboo ɔ, an fasai an nɛ: “an 'na duu nu.” Chɛ n mbe ma wan Kadidi duu n na. Ni chɛ ma, an mbe ma wan duu chɛ n na, a fɛ denɛ n suun‑da kaina. n dɔ, mɔɛ n kan koe a, ni Yataa bai sa koe a mɔɛ n tena.
2A tima chɛ a, Chɔn min ni yii chɛ mɔɛ n kunɛ ɔ, Yataa chia a, a ni wan pimbi chenɛ a. Chɛɛ a‑a Chisɔsi Chasi ma tɔɛ a min kɛn, a‑a a fɛ denɛ dɔ n na ta wan Chisɔsi tena, min mbe a ma, an ni a wakoe ɔ gbɛ. 3Mbɛ an ta‑a, an‑na Chisɔsi tan, an‑na a ɔ tisa, an dɔ, “Fa, kai Chɔn na‑a Chasi na koe fɔ wan, a toen mu a ni a ɔ sɔn ni i wan mu Chasi gbu a, nn kun ka mansa. Kɔ nn ni ta, nn ni a fɔ a ye, mbɛ nn ni chia a fɛn an mɔɛ chɛ ya ɔ?”
4Mbɛ Chisɔsi‑a a fɔ an ye, a ɔ, “Wo yɛ, wo ta yiima ɔ, wo ni a ɔ yian kai Chɔn na, wo‑a koe miin dɔ yen, a yɛ to, wo‑a miin na min. 5Wo a fɔ a ye, wo ta yiima ɔ, mbɛ ya te tɔɛ nu, an‑na kaina ɔ yen, wo ɔ, namaa an sɔ‑a. Wo a fɔ to, wo ta yiima ɔ, wo ɔ, gbandi yama ni miin gboo ma, an baun‑da, wo ɔ, too gbee tɔɛ nu, an‑na koe a min, wo ɔ, miin faen ni, an‑na fɔɛ ma sɔn to, wo ɔ, yɔn tɔɛ n bɛɛ, an‑na sakana bai chɛndɛ chɛ a min.#11:5 Yataa 'a gbonka chɛ mɔɛ Aisaya na‑a a fɔ wan suun, mbɛ Chasi, kunka mansa, ɛ kamaya koe chɛ n sɛsɛ ma‑a wan (Aisaya 35:4-6, 61:1). 6Wo a fɔ, wo ɔ, mɔ ɔ mɔ, i wɛn gboo ɔ ma fa ni dan koe a n na, e dua ma sɔn‑da wan.”
7An mbe an chenɛ bɔ‑a nɔ, Chisɔsi bun‑da koɔ‑a a si Chɔn ma mɔ fanka fanka chɛ tena, a ɔ, “Wo ta‑a kɛn Chɔn tena fuinɛ ma, wo yii na chiien ni mɔɛ minan nyɔn sima tan koe a? Wo nii ma ta ni maa yamba ma kaminɛ an yen koe a. 8Wo na‑a ta nyɔn yen koe a? Wo nii ma ta ni mɔɛ an yen koe a, min ma chiien ni koa baa gbandenɛ ɔ. Tea ko a, mɔɛ miin mbe an ma chii ka, an mbe ma kata an fan dɔ. 9Wo a fɔ wɛ gbu n ye, wo toen ni wo ni nyɔn yen, min ta‑a wo a? Wo toen ni wo ni Yataa 'a gbonka chɛ mɔɛ an yen? Tea tea a, n ni a fɔ wo ye, wo ban‑da Yataa 'a gbonka chɛ mɔɛ yen‑da, min benden mu Yataa 'a gbonka chɛ mɔɛ tɔɛ n ma. 10A mu min na, Chɔn fan mu dɛya chɛ a, Yataa 'a gboo‑a bai sa a si min ma, a ɔ,
‘Yataa ɔ te kunka mansa Chasi ma,
a ɔ, ɛ a 'a dɛya sɔ tena wan a ya ɔ,
min mbe dɔbɛnɛ chɛ‑a a ko a.’
11N ni a ma din wo tena, mbɛ Chɔn, min mbe yii chɛ mɔɛ n kunɛ ɔ, Yataa chia a, mɔ ɔ mɔ ee wɛ nɔ dunya ɔ, min benden mu a ma. Chɛɛ mɔɛ den toa wɛɛ mɔɛ n tɛ ɔ, miin don‑da Yataa 'a mansaya kɔɔ, a benden mu a wan Chɔn sin ma. 12A ka tee chɛ ma, Chɔn‑na a kuu sɔ kɛn Yataa bai sa‑a aan a sɔ bi ma, Yataa 'a mansaya ɛ ta tena wan ya ɔ ma gbasaya a.#11:12 Yataa 'a mansaya ɛ ta tena wan ya ɔ ma gbasaya a - A fɔ buɛ dɔ mende an nɛ: mɔɛ n mbe Yataa 'a mansaya chɛ chɛɛ tena wan an sɔɛ gbɛɛ a. Chɛɛ gbun tɔɛ n mbe Yataa 'a mansaya chɛ chɛɛ tena wan. 13Chɔn mbe e na to na‑a suun, Yataa 'a gbonka chɛ mɔɛ n gbɛɛ‑a bai fɔ wan koe chɛ n ma, miin mbe ma tena ka bi tee chɛ a. Yataa‑a sawa min be Mosisi ma, a sawa gboo wɛɛ‑a bi tee chɛ a ko dɔndɔ gbe chɛ n fɔ wan. 14Yataa 'a gbonka chɛ mɔɛ chɛ n dɔndɔ na‑a Idaicha na koe fɔ wan. Ni wo e dan‑da wan a a, n ni a fɔ wo ye, mbɛ a mu Chɔn fan na, a na‑a min na koe kɔɔ fɔ tee. 15Wo wɛn too ɛ koe a min, wo chɛ a min.
16“Bi tee chɛ a mɔɛ nu, an maen fan mu yɔ den mɛsɛ nu tɔmbɔ chɛ baa ma. Chɛ n mbe denka ɔ, chɛ n mbe kandɔɛ. Miin mbe denka ɔ, an‑na yee tɛ wan kandɔ mɔɛ n tena, an dɔ, 17‘Mmɔ si a bɔ, mmɔ ni mmɔ don.’ Chɛɛ kandɔ kaka ma dɔn ni. Mbɛ denka ɔ kaka‑a a fɔ to, an dɔ, ‘Mmɔ di chɛ wɛ.’ Chɛɛ an ma dɔn ni chɛ wɛɛ ma. 18Chɛ tɛen mu min ma, Chɔn na‑a wan, a ni sunɛ bia wan, a sin nii gbɛ min. An dɔ te, ɛ dama. An dɔ, nyina yama an mbe a fɛ. 19Chɛɛ n fan, Mɔ Gbu 'a Denɛ, n na‑a kɛn, n mbe daunɛ chɛ wan, a yɛ to, n mbe gbɛ min fan. An‑na a fɔ wan to, an dɔ, nun namaya tɔɛ mu n na, an dɔ, kɔn gbasi kai mu to n na. An dɔ te to, n fan mu pawa kain mɔɛ n dia nyɔɛ a, a basan mɔɛ tɔɛ n na, miin mbe ee sɔ ɔ Yataa 'a chia ma. Chɛɛ mɔɛ n mbe a ɔ yen‑da wan, mbɛ Yataa 'a yiimatɛ an mu tea tea yiimatɛ a. An mbe chɛ ɔ yen‑da koe n fan ma, mɔɛ chɛ n mbe miin ma‑a, mɔɛ chɛ nu, Yataa‑a a 'a yiimatɛ chɛ be miin ma.”
Duu miin dɔ mɔɛ ma dan ni Chisɔsi a
(Duku 10:13-15)
20Chisɔsi na‑a kamaya koe n ma wan duu sawa n dɔ. Chɛɛ mɔɛ chɛ nu an duu chɛ n dɔ, an nii ma an kan kɔ sɔ ni an 'na ko yama n na. Chɛ‑a Chisɔsi faa yɔn fan, min‑na a ma, a‑a a fɔ an ye, a ɔ, 21“Wo wan, wo wɛn mbe ka Koyasin duu ɔ, ni wo wɛn mbe Besaida, koe miin mbe wo tan‑da, an mbe yaua‑a gba wo ko a. N‑na kamaya koe sɛsɛ n ma wan wo 'a duu n dɔ. Mɔɛ miin mbe ka Taya duu ɔ, a basan Sidon#11:21 Mɔɛ miin ni Taya duu ɔ, a basan Sidon duu ɔ a, an ni Yataa sɔn bai n fan na. Chisɔsi 'a tima a, an tɔɔ bɔen ba ni an 'na ko yama ma ko a. duu ɔ a, ni an na‑a ko bonda chɛ n dɔ yen fan, an nii ma‑a ka yɔ wo wan. An na‑a an kan kɔ sɔ an 'na ko yama n na suun gbɔɔ. An ni ma‑a gbɛ di chɛ an na an 'na ko yama n ko a.#11:21 Bai miin nyɛnden mu Kiisi gboo ɔ, an fasai an nɛ: “an na‑a an ma chii bɛchi a, mbɛ an‑na buwa yuyu an ma.” Chisɔsi 'a tima a, ni Chu mɔɛ n na‑a ko yama ma Yataa chen kɔɔ, an ni an ma chii bɛchi an na, mbɛ an‑na buwa yuyu an ma. An ni chɛ ma koe min na, an ni ka Yataa disa an na, a ni chinchin an ma an 'na ko yama n ko a. 22Chɛɛ n ni a ma din wo tena, mbɛ mɔ yama chɛ nu suun Taya duu ɔ, ni Sidon duu ɔ, an mbe ee tɔɔya‑a, Yataa ɛ dunya gbɛmbo‑a tee min na, yɔ wo e tɔɔya‑a buɛ min dɔ. 23Wo wɛn sin mbe ka Kapanaun duu ɔ, wo‑a wo wandi a sɛ banda a, chɛɛ Yataa ɛ wo a yii‑a wan duu ma. N‑na kamaya koe miin ma ka wo 'a duu chɛ ɔ, ni Sɔdɔn mɔɛ n na‑a an dɔ yen fan, Sɔdɔn nii ma‑a duu tombo a bi tee chɛ a. 24Chɛɛ n ni a ma din wo tena, mbɛ mɔ yama chɛ nu suun Sɔdɔn duu ɔ, an mbe ee tɔɔya‑a, Yataa ɛ dunya gbɛmbo‑a tee min na, yɔ wo e tɔɔya‑a buɛ min dɔ.”
Chisɔsi ɛ mɔɛ n chee‑a, na koe a a tena
(Duku 10:21-22)
25A tima chɛ a, Chisɔsi‑a a fɔ, a ɔ, “Fa, n‑na i wai bɔ, i wɛn mu mansa a banda bu ɔ ni dunya ɔ. A mu min na, i‑a koe chɛ n dɔ nun fan chɛ nu ma, ɛ miin ta yiima ɔ, mbɛ an dɔ sɔen mu. Chɛɛ i‑a an dɔ yian fan chɛ n na, miin‑na an fandi a yii i tena. 26Fa, n‑na i wai bɔ, koe min na mu, i toen ni a ni ma ka wan.”
27Mbɛ a‑a a fɔ mɔɛ chɛ n ye, a ɔ, “Fa‑a gbasaya gbɛɛ be n ma ko ɔ ko kun ma. Fa dɔndɔ gbe an‑na n sɔn chɛndɛ chɛ. N bɛɛ n dɔndɔ gbe an‑na Fa sɔn chɛndɛ chɛ. N‑na mɔɛ miin ya Fa sɔn koe a, an bɛɛ‑a a sɔn fan chɛndɛ chɛ.
28“Wo wɛn kanɛ ɔ faenɛ ɛ wo 'a suun fanka ma kɔɔ, wo na n tan. Wo na, n mbe wo deman, wo ni wo suin. 29Wo kooya be n ma. Wo ni n 'na kanɛ sɔn. N chinchinchaen mu, a yɛ to, n dɔ ma fasi ni. Ni wo puin‑da n chen gba ɔ, wo e suinɛ ma sɔn‑da wan. 30Koe min na mu, n mbe wo sɔ‑a chia chɛndɛ an ma, mbɛ a yɛ to, n mbe feanka min be‑a wo ma, a ee fanka‑a.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Kono © The Bible Society of Sierra Leone, 2006.