MAKI 6
6
An tɛ‑a Chisɔsi ɔ, a waa Nasaɛti duu ɔ
(Matiu 13:53-58; Duku 4:16-30)
1Mbɛ Chisɔsi ka‑a an kaina chɛ. A yɛ‑a a waa a, Nasaɛti duu ɔ, an bɛ a fɛ denɛ n na. 2Chu n 'na suin tee ma, Chisɔsi‑a mɔɛ n kan fan an 'na samun chɛ chenɛ a. Mɔɛ n ni kɔkoo wan nɔ, a ni kanɛ chɛ tena tima min na. An sin, kɛn an ban‑da a da a kuiɛ a min‑da, a 'a kan chɛ buɛ‑a an da a fa wan. An dɔ, “A e na ka mende kan chɛ buɛ bonda chɛ a? Yiimatɛ chɛ sima, min been mu ka a ma, kɔndɔfii mu. Mɔ ma a ɔ sɔn, ɛ kamaya ko wa chɛ n ma buɛ min dɔ.” 3Mbɛ an dɔ, “N bɔ, ka wɛ, kapinda gbama an nɛ. Mɛi 'a denɛ an nɛ. Nyɔn ma a dɔɛ n sɔn? Chimisi ni ma, ni Chosɛfi, ni Saimɔn, a basan Chudasi a. Mmɔ bɛ an mbe sɛ, mmɔ ɛ yii, mmɔ bɛ a tensa n na.” Chɛ‑a a ma wan, an nii ma an boo si ni a kɔɔ.
4Chɛɛ Chisɔsi ɔ an ma, mbɛ, “Mɔɛ n mbe basɔmaya be wan Yataa 'a gbonka chɛ mɔɛ ma kaina dɔ mende nu. Chɛɛ basɔmaya ee a ma, a ta suun duu ɔ, a ee ma a ma, a tuna tuna n tena, ni a suun chenɛ wandi gbu da a.”
5A nii ma kun ni, kamaya ko kan kɔ kan ma koe a nɔ. A‑a min ma dechee, a na‑a a boo bun gbandi mɔɛ dɔ n fan ma, mbɛ an baun‑da. 6A ɔ sɔn koe Chisɔsi boo ɔ, mbɛ a 'a mɔɛ n ma dan ni a a podon, tɛnɛ ko wa ni.
Chisɔsi‑a a fɛ den tan kun ma fea an sɔ
(Matiu 10:5-15; Duku 9:1-6)
Mbɛ Chisɔsi ta‑a duu n dɔ, nɔ a a tindanɛ. A ta‑a mɔɛ n kan koe a, a si Yataa ma. 7Mbɛ a‑a a fɛ den tan kun ma fea chɛ n na kan, a‑a an sɔ, fea fea a. A‑a gbasaya be an ma, nyina yama n gbain koe a mɔɛ n fɛ. 8A ɔ an ma, “Wo ma ta fen kɔ fen na wo boo ɔ ta chɛ ɔ, mɔɔ tachɛ chɛ tun gbɔɛ. Wo ma ta daun fen na, wo ma ta bɔɔɛ a, wo ma ta kɔpɔ wɛɛ a wo 'a pɔchiti n dɔ. 9Wo kɔɔwa n fan don wo chenɛ n na, chɛɛ wo ma ta doma dɔ gbɛɛ a.” 10A ɔ te to an ma, “Ni an‑na wo yia chen kan kɔ kan na, wo ma an chen chɛ an na aan, wo ni bɔ an duu chɛ ɔ. 11Ni wo ta‑a duu kan kɔ kan dɔ, min dɔ mɔɛ n ma an boo si ni wo kɔɔ, an gbu ma an too ma sɔ ni wo da a kuiɛ ma, wo bɔ nɔ. Ni wo ma‑a bɔ‑a, wo wo chenɛ a gbɔngbɔn fifii chɛ a, min mbe ma‑a dasi a an tena, mbɛ an mbe ka a ma an na Yataa faa ni tɛ an ma.”
12Mbɛ an gbɛɛ ta‑a, an‑na Yataa bai sa, an dɔ, an ni an kan kɔ sɔ an 'na ko yama n na. 13An‑na nyina yama sɛsɛ gbain fan mɔɛ n fɛ. A yɛ to, an‑na tu sin fan gbandi mɔɛ n ma, an‑na an baun gbandi n dɔ.
An‑na Chɔn fa, min ni yii chɛ mɔɛ n kunɛ ɔ, Yataa chia a
(Matiu 14:1-12; Duku 9:7-9)
14Chisɔsi ma tɔ chɛndɛ ta‑a wan kan kɔ kan. Mbɛ a che‑a Mansa Ɛdɔdi#6:14 Mansa Ɛdɔdi Wa 'a denɛ dɔndɔ an nɛ, min tɔ ni Ɛdɔdi Andipasi. An ni Kadidi chɛnyɛ mansa a. ma, a‑a a ma tɔɛ a min. Mɔɛ dɔ n ni a fɔ wan, an dɔ, “Chɔn min ni yii chɛ mɔɛ n kunɛ ɔ, Yataa chia a, an yɛ‑a ka to fɔɛ ɔ. Chɛ an fɛ mu, gbasaya chɛ sima ɛ a boo ɔ, kamaya ko chɛ n ma koe a.”
15Dɔ n sin, an dɔ, “Idaicha an nɛ.”
Dɔ n sin bɔ‑a nɔ, an dɔ, “Yataa 'a gbonka chɛ mɔɛ an nɛ, yɔ gbonka chɛ mɔɛ chɛ n dɔndɔ suun pɔɔ.”
16Mansa Ɛdɔdi na‑a a ma tɔɛ a min kɛn, a ɔ, “Chɔn fan nɛ. N na‑a a ma wan, an‑na Chɔn kunɛ tɛ a a. Chɛɛ a‑a a kɔɔ sɔ to, a ka saya ɔ.” 17Mansa Ɛdɔdi wandi gbu, an na‑a mɔɛ n sɔ Chɔn bia‑a. A sin fan‑na a fɔ, an ni a sa yɔɔɛ a, pimbi chenɛ a. Mansa Ɛdɔdi na‑a chɛ ma Ɛdɔdiyasi an fɛ, a dɔɛ Fiipi 'a musu. A na‑a chɛ ɔ sɔn bɛɛ boo ɔ boo, a‑a a ma wan a 'a musu a. 18Chɔn gboo ɔ nii ma fa ni, a fɔ koe a Mansa Ɛdɔdi ye pɛpɛ, mbɛ tea ko nii ma, a ni a dɔɛ a musu bɔ a boo ɔ.
19Chɛ ko a, Chɔn ko don‑da wan Ɛdɔdiyasi ma kaka, a sin, a toen ni an ni Chɔn fa. Chɛɛ Mansa Ɛdɔdi an na‑a a ma, a nii kun Chɔn fa koe a. 20Mansa Ɛdɔdi chianden fan ni Chɔn bakoe ma. Koe min na mu, Chɔn ni mɔ tandenɛ an na, Yataa chen kɔɔ, min ni tenchen Yataa ko a. Chɛ na‑a a ma wan, Mansa Ɛdɔdi‑a a konde gbain. A toen ni a too ma sɔ koe a, Chɔn ni ma koɔ‑a. Chɛɛ chɛ gbɛɛ ɔ, a da a bai ni Mansa Ɛdɔdi kɔndɔ fii wan, tima ɔ tima ko a.
21A danka a, Ɛdɔdiyasi‑a chia yen Chɔn ma. Mansa Ɛdɔdi suun tee che‑a, mbɛ a‑a daun chɛ bɛnɛ ɔ bɛn, a 'a mɔ chenama n ko a. A 'a chɛnyɛ mansa nu, soya n ya ɔ sɔɛ nu, a basan gbakoo n na, miin ni Kadidi chɛnyɛ ɔ. 22Mbɛ Ɛdɔdiyasi 'a den musuenɛ ta‑a bɛn chɛ ɔ, a‑a a don nyima nyima. Chɛ‑a a ma wan, Mansa Ɛdɔdi bu ɔ dia‑a, an bɛ a 'a sonda n na. Chɛ ko a, Mansa Ɛdɔdi ɔ a ma, “I toen mu, n ni fen ko chɛ i ye? Ko ɔ ko e n dɔ tisa‑a min chɛ koe a i ye, n mbe an chɛ‑a.” 23Mansa Ɛdɔdi‑a a kai wan, fanka chɛ ɔ den, gba sɛsɛ ko a. A ɔ, “A ni ma n ma gboo a, ni n ma fen kɔ fen be ni i ma, e n dɔ tisa‑a min ko a. A ni ma n 'na chɛnyɛ chɛ tɔnfɛ dɔndɔɛ wɛɛ a.”
24Mbɛ den musuen chɛ bɔ‑a, a ta‑a a kun puin a de ma, a ɔ, “N de, n ni a ɔ tisa fen ko chɛ koe a n ye?”
A de ɔ, “Chɔn, min ni yii chɛ mɔɛ n kunɛ ɔ, Yataa chia a, a kunɛ.”
25Den chɛ yɛ‑a bui‑a mansa tena, mbɛ a ɔ, “Chɔn, min mbe yii chɛ mɔɛ n kunɛ ɔ, Yataa chia a, a kunɛ. N toen mu an na, sanche wɛɛ i gba chɛ ɔ, an ni a be n ma piiti ɔ.”
26Bai chɛ na‑a a ma wan, mansa faa yɔn‑da kaka. Chɛɛ a nii che to ban‑da, koe min na mu, a ban‑da gbɛ a kai‑a fanka ɔ, a‑a sonda n gbɛɛ tɛ ɔ. 27Chɛ ko a, soya mɔɛ min ni a baima, a‑a a sɔ wan dɔndɔ gbe. A ɔ, an ni na Chɔn kunɛ a. Mbɛ soya mɔɛ chɛ ta‑a pimbi chen chɛ a, mbɛ a‑a Chɔn kunɛ tɛ a a. 28Mbɛ a na‑a a kun chɛ a, ɛ sa ɔ piiti ɔ. Mbɛ a‑a a be den musuen chɛ ma. Mbɛ a ta‑a, a‑a a be a de ma. 29Chɔn fɛ denɛ n‑na a fa koe a min kɛn, an na‑a wan, an‑na a su ya, an ta‑a a a, mbɛ an‑na a tɔn.
Chisɔsi‑a kamin wu duu da kɔ
(Matiu 14:13-21; Duku 9:10-17; Chɔn 6:1-14)
30Mbɛ Chisɔsi 'a sɔ mɔɛ chɛ n yɛ‑a, an‑na a tan. An‑na a ɔ yian fan a a, an na‑a koe min gbɛɛ ma, a yɛ to, an na‑a mɔɛ n kan buɛ min dɔ. 31A tima chɛ a, mɔ sɛsɛ ni na wan, an mbe Chisɔsi tan, an mbe yɛ, an mbe na. Chɛ na‑a a ma wan, an bɛ a fɛ denɛ n na, tima wɛɛ gbu nii nɔ, daun chɛ koe wɛɛ a. Mbɛ a ɔ, “Mmɔ ta kaina, mmɔ dechee, mmɔ ɛ mmɔ suin kaina, tima kunduen ko a.” 32Mbɛ an dechee si‑a dɛndɛ ɔ, an ta‑a pɔɔ, mɔ ɔ mɔ nii kaina min. 33Chɛɛ chɛ gbɛɛ ɔ, mɔ sɛsɛ na‑a an ta koe kɔɔ sɔn fan, an sin na‑a a ɔ sɔn fan, mɔɛ min nyɔn sima ni ka ta‑a. Chɛ ko a, mɔɛ n ka‑a wan duu n gbɛɛ ɔ, an ta‑a an chenɛ ma, an ya ɔ. A sin, an‑na a fo wan Chisɔsi ya ɔ, an bɛ a fɛ denɛ n na. 34Chisɔsi bɔ‑a dɛndɛ ɔ kɛn, mbɛ a‑a mɔ fanka wa chɛ yen. Mbɛ chinchimaya koa‑a a faa ɔ, an ko a. Koe min na mu, a na‑a an yen fan, yɔ sa nu, miin kun ma fɛn mɔ ee. Mbɛ a bun‑da an kan‑da ko sɛsɛ a.
35Tee bea ma, a fɛ denɛ n na‑a wan a tena, an dɔ, “Kan mɔ, tima taen mu gbɛ. A sin, nɛ chɛ ee duu baima. 36Ɛ nyan fan i ni mɔɛ chɛ n na ta konko chɛ n dɔ mmɔ 'a tindanɛ, an ni daun fenɛ san, a daun koe a.”
37Chisɔsi ɔ, “Wo wandi gbu, wo fen den be an ma, an ni a daun.”
Mbɛ an dɔ, “Wuo! Nn mbe ee kun kau sɛi pawa#6:37 Bai miin nyɛnden mu Kiisi gboo ɔ, an fasai an nɛ: “kain gbɛnsɛn chɛmɛ fea.” A tima chɛ a, kain gbɛnsɛn chɛ nɛnɛ, a dɔndɔɛ ni debea pawa ya wan tee dɔndɔ ko a. A chɛmɛ fea ni kau sɛi pawa ya wan. An ni an kɔpɔɛ chɛ chee, an dɔ, denayɔsi. ma sɔn‑da, nn ni biidi samba sɛsɛ san, an da kɔ koe a.”
38Mbɛ a ɔ an ma, “Wo ta, wo ni a ɔ yen, ni biidi yuu ɛ wo boo ɔ.”
An ta‑a kɛn, an‑na a ɔ gbɛ, an yɛ‑a wan, an dɔ, “Fenɛ min mbe dechee nɛ nn boo ɔ, an mu biidi duu a, ni nyɛ fea.”
39Mbɛ Chisɔsi ɔ a fɛ denɛ n ma, a ɔ, an ni a ma, mɔɛ chɛ n ni si, an kuunɛ ma bin gbii ɔ. 40Mbɛ mɔɛ chɛ n si‑a an gbee ma ta‑a, mɔ chɛmɛ dɔndɔ, dɔndɔ, ni mɔ bi duu, duu. 41Mbɛ a‑a biidi duu chɛ ya, a basan nyɛ fea chɛ a, a‑a a ya a si banda a, mbɛ a‑a tando be Yataa ma daun fen chɛ ko a. Mbɛ a‑a biidi chɛ ɔ kai kai, mbɛ a‑a a be a fɛ denɛ n ma, a du du koe a mɔɛ chɛ n ma. Mbɛ a fɛ den chɛ n‑na a ɔ du du mɔɛ chɛ n ma. Nyɛ fea chɛ wɛɛ, a‑a a ɔ du du wan mɔɛ gbɛɛ ma. 42Mɔ ɔ mɔ‑a daunɛ chɛ wan, a bu fa‑a gban. 43Mbɛ a fɛ denɛ n‑na an da tɔɛ a sɔn. An da tɔɛ chɛ, biidi basan nyɛ a, a bɛn‑da wan samba fa tan kun ma fea. 44Mɔ kaima miin ni an tɛ ɔ, miin‑na daun chɛ chɛ, an mɔ wu duu ni.
Chisɔsi tachɛ‑a yii a
(Matiu 14:22-23; Chɔn 6:15-21)
45Mbɛ Chisɔsi fɛ denɛ nu, an ban‑da mɔɛ chɛ n da tɔɛ chɛ a sɔn‑da. A ya kɔɔɛ a, a‑a an na ta a ya ɔ. An ta‑a dɛndɛ ɔ, yii kaka dɔndɔɛ ma, a don Besaida duu ɔ. A wandi sin to‑a a saa‑a mɔ fanka chɛ n na, an ta koe a an baa nu. 46A‑a a saa kɛn mɔɛ chɛ n na, mbɛ a sɛ‑a kɔnkɔ dɔndɔ kun tɛ, a dɔndɔ gbe, samunɛ chɛ koe a. 47Fitii che‑a ka wan, a dɔndɔ gbe ɛ nɔ tun tindi ma. Chɛɛ dɛndɛ chɛ sin, a ni gbɛ yii wa chɛ tɛ tɛ ma wan, a fɛ den chɛ n na. 48Sayi ma pimbi ɔ, tɛ kɔn saa n konchee tima a, Chisɔsi‑a a ɔ yen fan, mbɛ a fɛ denɛ n ni tɔɔya tena wan an 'na dɛndɛ wii koe a. Koe min na mu, an ni ta tena fia ya teen ma wan. Chɛ na‑a a ma wan, Chisɔsi tachɛ‑a yii chɛ a tan den tan den, a ta a fɛ den chɛ n tena. Ɛnden fan na‑a to, a ni ben an ma. 49Chɛɛ an‑na a yen kɛn na‑a yii chɛ a, an yiima a ma ko ni. An‑na yee tɛ wan, an dɔ, “Fuɛ yen ko na‑a e!” 50Chiandia‑a an gbɛɛ gboo fa wan gban, an‑na a yen kɛn.
Mbɛ a ya kɔɔɛ a, Chisɔsi koɔ‑a an tena, a ɔ, “Wo sɛmbɛ ka kaina chɛ an yee tɛ‑a. N fan mu, wo ma chian.” 51Mbɛ a sɛ‑a dɛndɛ ɔ an baima, mbɛ fia wa chɛ ɔ tɛ‑a. An fɛ den chɛ n da ɔ gbaa‑a wan, koe chɛ n na. 52Koe min na mu, an nii ma a ɔ gbɛ ni, biidi gbugbu duu da a koa‑a koe Chisɔsi boo ɔ, a sien mu koe min ma.
Chisɔsi‑a gbandi mɔɛ n baun, Kɛnesayɛti tanda ɔ
(Matiu 14:34-36)
53Mbɛ an‑na yii wa ɔ tandin, an che‑a tindi ma kaina dɔndɔ, min tɔ ni Kɛnesayɛti. Mbɛ an‑na dɛndɛ yuu chii nɔ. 54An to‑a bɔ tena wan dɛndɛ ɔ, a ya kɔɔɛ a, mbɛ nɔ mɔɛ nu, an‑na a ɔ sɔn mbɛ Chisɔsi ɛ wan an tɛ ɔ. 55Mbɛ an ben‑da defe an tanda chɛ gbɛɛ ɔ. A sin, ni an na‑a Chisɔsi ma tɔɛ a min kan kɔ kan, an ni na wan, an mbe a tan gbandi mɔɛ n na, sa ɔ yaa ɔ. 56A sin, Chisɔsi ni ta kaina miin gbɛɛ, a ni ma konko n na, a ni ma duu wa n na, chɛ ma, sɛnɛ n dɔ, mɔɛ n ni ta wan gbandi mɔɛ n na a tena. Machiti n bɛɛ ɔ, an ni a tan fan. An ni Chisɔsi disa wan, min mbe a ma, a ni a ma, gbandi mɔɛ chɛ n ni tu a 'a doma kai chen kana wɛɛ a. A sin, gbandi mɔɛ miin gbɛɛ tu‑a a a, an baun‑da wan.
Currently Selected:
MAKI 6: KONONT
Highlight
Share
Copy
Want to have your highlights saved across all your devices? Sign up or sign in
New Testament in Kono © The Bible Society of Sierra Leone, 2006.
MAKI 6
6
An tɛ‑a Chisɔsi ɔ, a waa Nasaɛti duu ɔ
(Matiu 13:53-58; Duku 4:16-30)
1Mbɛ Chisɔsi ka‑a an kaina chɛ. A yɛ‑a a waa a, Nasaɛti duu ɔ, an bɛ a fɛ denɛ n na. 2Chu n 'na suin tee ma, Chisɔsi‑a mɔɛ n kan fan an 'na samun chɛ chenɛ a. Mɔɛ n ni kɔkoo wan nɔ, a ni kanɛ chɛ tena tima min na. An sin, kɛn an ban‑da a da a kuiɛ a min‑da, a 'a kan chɛ buɛ‑a an da a fa wan. An dɔ, “A e na ka mende kan chɛ buɛ bonda chɛ a? Yiimatɛ chɛ sima, min been mu ka a ma, kɔndɔfii mu. Mɔ ma a ɔ sɔn, ɛ kamaya ko wa chɛ n ma buɛ min dɔ.” 3Mbɛ an dɔ, “N bɔ, ka wɛ, kapinda gbama an nɛ. Mɛi 'a denɛ an nɛ. Nyɔn ma a dɔɛ n sɔn? Chimisi ni ma, ni Chosɛfi, ni Saimɔn, a basan Chudasi a. Mmɔ bɛ an mbe sɛ, mmɔ ɛ yii, mmɔ bɛ a tensa n na.” Chɛ‑a a ma wan, an nii ma an boo si ni a kɔɔ.
4Chɛɛ Chisɔsi ɔ an ma, mbɛ, “Mɔɛ n mbe basɔmaya be wan Yataa 'a gbonka chɛ mɔɛ ma kaina dɔ mende nu. Chɛɛ basɔmaya ee a ma, a ta suun duu ɔ, a ee ma a ma, a tuna tuna n tena, ni a suun chenɛ wandi gbu da a.”
5A nii ma kun ni, kamaya ko kan kɔ kan ma koe a nɔ. A‑a min ma dechee, a na‑a a boo bun gbandi mɔɛ dɔ n fan ma, mbɛ an baun‑da. 6A ɔ sɔn koe Chisɔsi boo ɔ, mbɛ a 'a mɔɛ n ma dan ni a a podon, tɛnɛ ko wa ni.
Chisɔsi‑a a fɛ den tan kun ma fea an sɔ
(Matiu 10:5-15; Duku 9:1-6)
Mbɛ Chisɔsi ta‑a duu n dɔ, nɔ a a tindanɛ. A ta‑a mɔɛ n kan koe a, a si Yataa ma. 7Mbɛ a‑a a fɛ den tan kun ma fea chɛ n na kan, a‑a an sɔ, fea fea a. A‑a gbasaya be an ma, nyina yama n gbain koe a mɔɛ n fɛ. 8A ɔ an ma, “Wo ma ta fen kɔ fen na wo boo ɔ ta chɛ ɔ, mɔɔ tachɛ chɛ tun gbɔɛ. Wo ma ta daun fen na, wo ma ta bɔɔɛ a, wo ma ta kɔpɔ wɛɛ a wo 'a pɔchiti n dɔ. 9Wo kɔɔwa n fan don wo chenɛ n na, chɛɛ wo ma ta doma dɔ gbɛɛ a.” 10A ɔ te to an ma, “Ni an‑na wo yia chen kan kɔ kan na, wo ma an chen chɛ an na aan, wo ni bɔ an duu chɛ ɔ. 11Ni wo ta‑a duu kan kɔ kan dɔ, min dɔ mɔɛ n ma an boo si ni wo kɔɔ, an gbu ma an too ma sɔ ni wo da a kuiɛ ma, wo bɔ nɔ. Ni wo ma‑a bɔ‑a, wo wo chenɛ a gbɔngbɔn fifii chɛ a, min mbe ma‑a dasi a an tena, mbɛ an mbe ka a ma an na Yataa faa ni tɛ an ma.”
12Mbɛ an gbɛɛ ta‑a, an‑na Yataa bai sa, an dɔ, an ni an kan kɔ sɔ an 'na ko yama n na. 13An‑na nyina yama sɛsɛ gbain fan mɔɛ n fɛ. A yɛ to, an‑na tu sin fan gbandi mɔɛ n ma, an‑na an baun gbandi n dɔ.
An‑na Chɔn fa, min ni yii chɛ mɔɛ n kunɛ ɔ, Yataa chia a
(Matiu 14:1-12; Duku 9:7-9)
14Chisɔsi ma tɔ chɛndɛ ta‑a wan kan kɔ kan. Mbɛ a che‑a Mansa Ɛdɔdi#6:14 Mansa Ɛdɔdi Wa 'a denɛ dɔndɔ an nɛ, min tɔ ni Ɛdɔdi Andipasi. An ni Kadidi chɛnyɛ mansa a. ma, a‑a a ma tɔɛ a min. Mɔɛ dɔ n ni a fɔ wan, an dɔ, “Chɔn min ni yii chɛ mɔɛ n kunɛ ɔ, Yataa chia a, an yɛ‑a ka to fɔɛ ɔ. Chɛ an fɛ mu, gbasaya chɛ sima ɛ a boo ɔ, kamaya ko chɛ n ma koe a.”
15Dɔ n sin, an dɔ, “Idaicha an nɛ.”
Dɔ n sin bɔ‑a nɔ, an dɔ, “Yataa 'a gbonka chɛ mɔɛ an nɛ, yɔ gbonka chɛ mɔɛ chɛ n dɔndɔ suun pɔɔ.”
16Mansa Ɛdɔdi na‑a a ma tɔɛ a min kɛn, a ɔ, “Chɔn fan nɛ. N na‑a a ma wan, an‑na Chɔn kunɛ tɛ a a. Chɛɛ a‑a a kɔɔ sɔ to, a ka saya ɔ.” 17Mansa Ɛdɔdi wandi gbu, an na‑a mɔɛ n sɔ Chɔn bia‑a. A sin fan‑na a fɔ, an ni a sa yɔɔɛ a, pimbi chenɛ a. Mansa Ɛdɔdi na‑a chɛ ma Ɛdɔdiyasi an fɛ, a dɔɛ Fiipi 'a musu. A na‑a chɛ ɔ sɔn bɛɛ boo ɔ boo, a‑a a ma wan a 'a musu a. 18Chɔn gboo ɔ nii ma fa ni, a fɔ koe a Mansa Ɛdɔdi ye pɛpɛ, mbɛ tea ko nii ma, a ni a dɔɛ a musu bɔ a boo ɔ.
19Chɛ ko a, Chɔn ko don‑da wan Ɛdɔdiyasi ma kaka, a sin, a toen ni an ni Chɔn fa. Chɛɛ Mansa Ɛdɔdi an na‑a a ma, a nii kun Chɔn fa koe a. 20Mansa Ɛdɔdi chianden fan ni Chɔn bakoe ma. Koe min na mu, Chɔn ni mɔ tandenɛ an na, Yataa chen kɔɔ, min ni tenchen Yataa ko a. Chɛ na‑a a ma wan, Mansa Ɛdɔdi‑a a konde gbain. A toen ni a too ma sɔ koe a, Chɔn ni ma koɔ‑a. Chɛɛ chɛ gbɛɛ ɔ, a da a bai ni Mansa Ɛdɔdi kɔndɔ fii wan, tima ɔ tima ko a.
21A danka a, Ɛdɔdiyasi‑a chia yen Chɔn ma. Mansa Ɛdɔdi suun tee che‑a, mbɛ a‑a daun chɛ bɛnɛ ɔ bɛn, a 'a mɔ chenama n ko a. A 'a chɛnyɛ mansa nu, soya n ya ɔ sɔɛ nu, a basan gbakoo n na, miin ni Kadidi chɛnyɛ ɔ. 22Mbɛ Ɛdɔdiyasi 'a den musuenɛ ta‑a bɛn chɛ ɔ, a‑a a don nyima nyima. Chɛ‑a a ma wan, Mansa Ɛdɔdi bu ɔ dia‑a, an bɛ a 'a sonda n na. Chɛ ko a, Mansa Ɛdɔdi ɔ a ma, “I toen mu, n ni fen ko chɛ i ye? Ko ɔ ko e n dɔ tisa‑a min chɛ koe a i ye, n mbe an chɛ‑a.” 23Mansa Ɛdɔdi‑a a kai wan, fanka chɛ ɔ den, gba sɛsɛ ko a. A ɔ, “A ni ma n ma gboo a, ni n ma fen kɔ fen be ni i ma, e n dɔ tisa‑a min ko a. A ni ma n 'na chɛnyɛ chɛ tɔnfɛ dɔndɔɛ wɛɛ a.”
24Mbɛ den musuen chɛ bɔ‑a, a ta‑a a kun puin a de ma, a ɔ, “N de, n ni a ɔ tisa fen ko chɛ koe a n ye?”
A de ɔ, “Chɔn, min ni yii chɛ mɔɛ n kunɛ ɔ, Yataa chia a, a kunɛ.”
25Den chɛ yɛ‑a bui‑a mansa tena, mbɛ a ɔ, “Chɔn, min mbe yii chɛ mɔɛ n kunɛ ɔ, Yataa chia a, a kunɛ. N toen mu an na, sanche wɛɛ i gba chɛ ɔ, an ni a be n ma piiti ɔ.”
26Bai chɛ na‑a a ma wan, mansa faa yɔn‑da kaka. Chɛɛ a nii che to ban‑da, koe min na mu, a ban‑da gbɛ a kai‑a fanka ɔ, a‑a sonda n gbɛɛ tɛ ɔ. 27Chɛ ko a, soya mɔɛ min ni a baima, a‑a a sɔ wan dɔndɔ gbe. A ɔ, an ni na Chɔn kunɛ a. Mbɛ soya mɔɛ chɛ ta‑a pimbi chen chɛ a, mbɛ a‑a Chɔn kunɛ tɛ a a. 28Mbɛ a na‑a a kun chɛ a, ɛ sa ɔ piiti ɔ. Mbɛ a‑a a be den musuen chɛ ma. Mbɛ a ta‑a, a‑a a be a de ma. 29Chɔn fɛ denɛ n‑na a fa koe a min kɛn, an na‑a wan, an‑na a su ya, an ta‑a a a, mbɛ an‑na a tɔn.
Chisɔsi‑a kamin wu duu da kɔ
(Matiu 14:13-21; Duku 9:10-17; Chɔn 6:1-14)
30Mbɛ Chisɔsi 'a sɔ mɔɛ chɛ n yɛ‑a, an‑na a tan. An‑na a ɔ yian fan a a, an na‑a koe min gbɛɛ ma, a yɛ to, an na‑a mɔɛ n kan buɛ min dɔ. 31A tima chɛ a, mɔ sɛsɛ ni na wan, an mbe Chisɔsi tan, an mbe yɛ, an mbe na. Chɛ na‑a a ma wan, an bɛ a fɛ denɛ n na, tima wɛɛ gbu nii nɔ, daun chɛ koe wɛɛ a. Mbɛ a ɔ, “Mmɔ ta kaina, mmɔ dechee, mmɔ ɛ mmɔ suin kaina, tima kunduen ko a.” 32Mbɛ an dechee si‑a dɛndɛ ɔ, an ta‑a pɔɔ, mɔ ɔ mɔ nii kaina min. 33Chɛɛ chɛ gbɛɛ ɔ, mɔ sɛsɛ na‑a an ta koe kɔɔ sɔn fan, an sin na‑a a ɔ sɔn fan, mɔɛ min nyɔn sima ni ka ta‑a. Chɛ ko a, mɔɛ n ka‑a wan duu n gbɛɛ ɔ, an ta‑a an chenɛ ma, an ya ɔ. A sin, an‑na a fo wan Chisɔsi ya ɔ, an bɛ a fɛ denɛ n na. 34Chisɔsi bɔ‑a dɛndɛ ɔ kɛn, mbɛ a‑a mɔ fanka wa chɛ yen. Mbɛ chinchimaya koa‑a a faa ɔ, an ko a. Koe min na mu, a na‑a an yen fan, yɔ sa nu, miin kun ma fɛn mɔ ee. Mbɛ a bun‑da an kan‑da ko sɛsɛ a.
35Tee bea ma, a fɛ denɛ n na‑a wan a tena, an dɔ, “Kan mɔ, tima taen mu gbɛ. A sin, nɛ chɛ ee duu baima. 36Ɛ nyan fan i ni mɔɛ chɛ n na ta konko chɛ n dɔ mmɔ 'a tindanɛ, an ni daun fenɛ san, a daun koe a.”
37Chisɔsi ɔ, “Wo wandi gbu, wo fen den be an ma, an ni a daun.”
Mbɛ an dɔ, “Wuo! Nn mbe ee kun kau sɛi pawa#6:37 Bai miin nyɛnden mu Kiisi gboo ɔ, an fasai an nɛ: “kain gbɛnsɛn chɛmɛ fea.” A tima chɛ a, kain gbɛnsɛn chɛ nɛnɛ, a dɔndɔɛ ni debea pawa ya wan tee dɔndɔ ko a. A chɛmɛ fea ni kau sɛi pawa ya wan. An ni an kɔpɔɛ chɛ chee, an dɔ, denayɔsi. ma sɔn‑da, nn ni biidi samba sɛsɛ san, an da kɔ koe a.”
38Mbɛ a ɔ an ma, “Wo ta, wo ni a ɔ yen, ni biidi yuu ɛ wo boo ɔ.”
An ta‑a kɛn, an‑na a ɔ gbɛ, an yɛ‑a wan, an dɔ, “Fenɛ min mbe dechee nɛ nn boo ɔ, an mu biidi duu a, ni nyɛ fea.”
39Mbɛ Chisɔsi ɔ a fɛ denɛ n ma, a ɔ, an ni a ma, mɔɛ chɛ n ni si, an kuunɛ ma bin gbii ɔ. 40Mbɛ mɔɛ chɛ n si‑a an gbee ma ta‑a, mɔ chɛmɛ dɔndɔ, dɔndɔ, ni mɔ bi duu, duu. 41Mbɛ a‑a biidi duu chɛ ya, a basan nyɛ fea chɛ a, a‑a a ya a si banda a, mbɛ a‑a tando be Yataa ma daun fen chɛ ko a. Mbɛ a‑a biidi chɛ ɔ kai kai, mbɛ a‑a a be a fɛ denɛ n ma, a du du koe a mɔɛ chɛ n ma. Mbɛ a fɛ den chɛ n‑na a ɔ du du mɔɛ chɛ n ma. Nyɛ fea chɛ wɛɛ, a‑a a ɔ du du wan mɔɛ gbɛɛ ma. 42Mɔ ɔ mɔ‑a daunɛ chɛ wan, a bu fa‑a gban. 43Mbɛ a fɛ denɛ n‑na an da tɔɛ a sɔn. An da tɔɛ chɛ, biidi basan nyɛ a, a bɛn‑da wan samba fa tan kun ma fea. 44Mɔ kaima miin ni an tɛ ɔ, miin‑na daun chɛ chɛ, an mɔ wu duu ni.
Chisɔsi tachɛ‑a yii a
(Matiu 14:22-23; Chɔn 6:15-21)
45Mbɛ Chisɔsi fɛ denɛ nu, an ban‑da mɔɛ chɛ n da tɔɛ chɛ a sɔn‑da. A ya kɔɔɛ a, a‑a an na ta a ya ɔ. An ta‑a dɛndɛ ɔ, yii kaka dɔndɔɛ ma, a don Besaida duu ɔ. A wandi sin to‑a a saa‑a mɔ fanka chɛ n na, an ta koe a an baa nu. 46A‑a a saa kɛn mɔɛ chɛ n na, mbɛ a sɛ‑a kɔnkɔ dɔndɔ kun tɛ, a dɔndɔ gbe, samunɛ chɛ koe a. 47Fitii che‑a ka wan, a dɔndɔ gbe ɛ nɔ tun tindi ma. Chɛɛ dɛndɛ chɛ sin, a ni gbɛ yii wa chɛ tɛ tɛ ma wan, a fɛ den chɛ n na. 48Sayi ma pimbi ɔ, tɛ kɔn saa n konchee tima a, Chisɔsi‑a a ɔ yen fan, mbɛ a fɛ denɛ n ni tɔɔya tena wan an 'na dɛndɛ wii koe a. Koe min na mu, an ni ta tena fia ya teen ma wan. Chɛ na‑a a ma wan, Chisɔsi tachɛ‑a yii chɛ a tan den tan den, a ta a fɛ den chɛ n tena. Ɛnden fan na‑a to, a ni ben an ma. 49Chɛɛ an‑na a yen kɛn na‑a yii chɛ a, an yiima a ma ko ni. An‑na yee tɛ wan, an dɔ, “Fuɛ yen ko na‑a e!” 50Chiandia‑a an gbɛɛ gboo fa wan gban, an‑na a yen kɛn.
Mbɛ a ya kɔɔɛ a, Chisɔsi koɔ‑a an tena, a ɔ, “Wo sɛmbɛ ka kaina chɛ an yee tɛ‑a. N fan mu, wo ma chian.” 51Mbɛ a sɛ‑a dɛndɛ ɔ an baima, mbɛ fia wa chɛ ɔ tɛ‑a. An fɛ den chɛ n da ɔ gbaa‑a wan, koe chɛ n na. 52Koe min na mu, an nii ma a ɔ gbɛ ni, biidi gbugbu duu da a koa‑a koe Chisɔsi boo ɔ, a sien mu koe min ma.
Chisɔsi‑a gbandi mɔɛ n baun, Kɛnesayɛti tanda ɔ
(Matiu 14:34-36)
53Mbɛ an‑na yii wa ɔ tandin, an che‑a tindi ma kaina dɔndɔ, min tɔ ni Kɛnesayɛti. Mbɛ an‑na dɛndɛ yuu chii nɔ. 54An to‑a bɔ tena wan dɛndɛ ɔ, a ya kɔɔɛ a, mbɛ nɔ mɔɛ nu, an‑na a ɔ sɔn mbɛ Chisɔsi ɛ wan an tɛ ɔ. 55Mbɛ an ben‑da defe an tanda chɛ gbɛɛ ɔ. A sin, ni an na‑a Chisɔsi ma tɔɛ a min kan kɔ kan, an ni na wan, an mbe a tan gbandi mɔɛ n na, sa ɔ yaa ɔ. 56A sin, Chisɔsi ni ta kaina miin gbɛɛ, a ni ma konko n na, a ni ma duu wa n na, chɛ ma, sɛnɛ n dɔ, mɔɛ n ni ta wan gbandi mɔɛ n na a tena. Machiti n bɛɛ ɔ, an ni a tan fan. An ni Chisɔsi disa wan, min mbe a ma, a ni a ma, gbandi mɔɛ chɛ n ni tu a 'a doma kai chen kana wɛɛ a. A sin, gbandi mɔɛ miin gbɛɛ tu‑a a a, an baun‑da wan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Kono © The Bible Society of Sierra Leone, 2006.