Kɛwɔlɛnu 3
3
Namarɛ Lakɛndɛya-Koe
1Lunyɛ do tele-makima-wati (3 pm), Pita anubɛ Yɔni tara Alla-Bato-Bɔn la madiyali-kɛ-tinɛ. 2Kei do ye nyɔ min namarayanɛ kebi a sɔrɔnta. Tele-wo-tele, anu si ta a la Alla-Bato-Bɔn tenbi-bolɔn wo la min tɔgɛ ko, “Da-Kinyanɛ.” Minnu bi donna Alla-Bato-Bɔn la, a kɛnɛna#3.2 Kɛnɛna: Kurankɔɛ donu si a fɔ ko, “Kɛnsa.” wonu matarala wodi ma.
3A ya Pita anubɛ Yɔni yen donna tumɛ min, a ya anu tara fan do la. 4Anu ya a mafɛlɛn sin! Pita ko, “I yɛ lana! Ma mafɛlɛn.” 5A ya anu mafɛlɛn sin! A ya a lɔn ko a si fan do sɔrɔn anu bolo. 6Kɔnɔ Pita ya a fɔ a ye ko, “Wodi sa n bolo kɔnɔ min bi n bolo, n si wo di i ma. Yisa Nasarɛti kɛ, Allata-Mɔgɔ-Yabɔnɛ tɔgɛ rɔ, i lasɔ. I ni tagama!” 7A ya a bira a bolo-nyimɛ ma ka a dɛnbɛ a lasɔla. Tiriyante wo rɔ, kei wo kiannu anubɛ a wɔlɔkɛ-kolenu ya sɛnbɛ sɔrɔn. 8A ya a lasɔ kelenna ka tagama dabira. Wo kɔma, a donta Alla-Bato-Bɔn la anu fɛ. A ye tagamana. A ye a gbanna. A ye Alla tantola a kulu-mayɛlɛnɛ la. 9Nba, nyama bɛɛ ya a yen tagamana Alla tanto tinɛ. 10Anu ya a lɔn nkɛkuna ko tarali-kɛlɛ min si sigi Alla-Bato-Bɔn “Da-Kinyanɛ” la, ko wo le, anu dama tɛrɛnara wo la ka kawa wola ko la min bara ma a la.
Pitala Kawandili Alla-Bato-Bɔn La
11Namara-kɔrɛ wo kirita Pita anubɛ Yɔni ma tumɛ min, mɔgɛ bɛɛ kawara ka anu buri anu wara ka ta Alla-Bato-Bɔn dandan kɔrɔ min tɔgɛ ko, “Silamɛnita Dandan Kɔrɛ.” 12Pita ya mɔgɛ wonu nadɛnnɛ yen tumɛ min, a ya a fɔ anu ye ko, “N ta-nyɔgɛ Isirɛla kɛnu, wo ye kawala kɛ ma kama? Wo ye tola ma mafɛlɛnna nfenna? Wo ya a lɔn ko ma nyɛrɛta sɛnbɛ le ya a lakɛndɛya, wa? Ma nyɛrɛta sɛnbɛ anubɛ sɛninyɛ ma a ma, kei kɛ ye tagamana de! 13#Bɔ-Koe-Iyipiti 3.15 Iburayimata Alla anubɛ Isiyakatɛ anubɛ Yakobatɛ, ma benbanuta Alla, kɔni, wole ara ala wɔli-kɛlɛ Yisa gbiliya. Wo le ya ale Yisa wo don sɛnbɛ-tiginu bolo. Wo ya wo ban a la Pailɛti yakɔrɔ, ado Pailɛti ya a latɛgɛ ko a ni a boloka tumɛ min, wo ma sɔn. 14#Matiyu 27.15-23; Maraka 15.6-14; Luka 23.13-23; Yɔni 19.12-15 Yisa telennɛ, fɛɛ-wo-fɛɛ sa a la kɔnɔ wo ya wo ban a la. Wo ya Pailɛti madiya ko a ni mɔgɔ-fagalɛ do boloka wo ye. 15Ale min bi ni-bɛrɛ dila mɔgɛnu ma, wole ya wo faga kɔnɔ Alla le ya a lawuli ka bɔ furinu tɛma. Ata sereyɛ le male la. 16Wo ya kabana-koe min yen kɛ, wo kɛra dɛnkɛninyɛ fɛ ale Yisa tɔgɛ rɔ. Ale Yisa tɔgɛ le ara sɛnbɛ di kei kɛ ma. Ala dɛnkɛninyɛ Yisa ma, wo le ya a ma, wo bɛɛ ye a kɛndɛyanɛ yenna.
17“Nba, n na-kelen-nyɔgɛnu, n ya a lɔn ko wobɛ wola kun-tiginu ya min ma Yisa la, wo ya wo ma bawo wo sa a kalama. 18Kebi fɔlɔ, Alla ya a fɔ ala nɛbi bɛɛ baraka rɔ ko fɔ Allata-Mɔgɔ-Yabɔnɛ ni tɔrɔ, ado wo ara bɔ-a-la ka le. 19Nba, wo ni yɛlɛma ka tubi Alla ma. Woletɔ a si wo hakɛ yesi feu, ka wo makoto. Ni wo ya wo ma, 20wo si ni-lafɛrɛ sɔrɔn Mari bolo. Alla ara ban ata Mɔgɔ-Yabɔnɛ min yabɔla wo ye, a si ale Yisa lana wo ye. 21Kɔnɔ fɔ a ni to Arinyɛni tɔ ha fan-bɛɛ-kuraya-wati ni ke iko Alla ya a fɔ ala nɛbi-sɛnimɛnu fɛ nya min fɔlɔfɔlɔ. 22#Tɔn-Fɔɛ-Fila-Nyɔgɛ 18.15, 18 Musa ko wola Mari Alla si nɛbi do lana wo ma iko a ya ale lana nya min. A si bɔ wo nyɛrɛta mɔgɛnu tɛma. A ko ale wa min bɛɛ fɔ wo ye, wo ni wo tole masɔ wo la. 23#Tɔn-Fɔɛ-Fila-Nyɔgɛ 18.19 A ko fanan ko ni mɔgɔ-wo-mɔgɔ ma a tole masɔ nɛbi wo la, Alla si wo tigi bɔ ata mɔgɛnu tɛma ka a halaki pɔ! 24Ka a dabira Nɛbi Samuwɛlita wati ma anubɛ nɛbi minnu nara ale kɔma wɔlɔyiya-kɛ-tinɛ, wonu dama ya tele kɛnuna ko fɔ. 25#Ko-Dabirɛnu 22.18 Alla ya lanyiri minnu kiri ala nɛbinu baraka rɔ, wotɛ le wonu na. Alla ya lanyiri minnu kiri wo benbanu ye, wo ara wo sɔrɔn iko a ya a fɔ Iburayima ye nya min. A ko duninya-mɔgɛ bɛɛ si na duwɛ sɔrɔn ale bɔnsɔn fɛ. 26Woletɔ Alla ya ala wɔli-kɛla Yisa yabɔ ka a sɔ wole fɔlɔn ma ko a ni duwa wo ye alako wo dama ni yɛlɛma ka bɔ wola ko-yogomɛnu tɔ nya min.”
Currently Selected:
Kɛwɔlɛnu 3: KCLB
Highlight
Share
Copy
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.
Kɛwɔlɛnu 3
3
Namarɛ Lakɛndɛya-Koe
1Lunyɛ do tele-makima-wati (3 pm), Pita anubɛ Yɔni tara Alla-Bato-Bɔn la madiyali-kɛ-tinɛ. 2Kei do ye nyɔ min namarayanɛ kebi a sɔrɔnta. Tele-wo-tele, anu si ta a la Alla-Bato-Bɔn tenbi-bolɔn wo la min tɔgɛ ko, “Da-Kinyanɛ.” Minnu bi donna Alla-Bato-Bɔn la, a kɛnɛna#3.2 Kɛnɛna: Kurankɔɛ donu si a fɔ ko, “Kɛnsa.” wonu matarala wodi ma.
3A ya Pita anubɛ Yɔni yen donna tumɛ min, a ya anu tara fan do la. 4Anu ya a mafɛlɛn sin! Pita ko, “I yɛ lana! Ma mafɛlɛn.” 5A ya anu mafɛlɛn sin! A ya a lɔn ko a si fan do sɔrɔn anu bolo. 6Kɔnɔ Pita ya a fɔ a ye ko, “Wodi sa n bolo kɔnɔ min bi n bolo, n si wo di i ma. Yisa Nasarɛti kɛ, Allata-Mɔgɔ-Yabɔnɛ tɔgɛ rɔ, i lasɔ. I ni tagama!” 7A ya a bira a bolo-nyimɛ ma ka a dɛnbɛ a lasɔla. Tiriyante wo rɔ, kei wo kiannu anubɛ a wɔlɔkɛ-kolenu ya sɛnbɛ sɔrɔn. 8A ya a lasɔ kelenna ka tagama dabira. Wo kɔma, a donta Alla-Bato-Bɔn la anu fɛ. A ye tagamana. A ye a gbanna. A ye Alla tantola a kulu-mayɛlɛnɛ la. 9Nba, nyama bɛɛ ya a yen tagamana Alla tanto tinɛ. 10Anu ya a lɔn nkɛkuna ko tarali-kɛlɛ min si sigi Alla-Bato-Bɔn “Da-Kinyanɛ” la, ko wo le, anu dama tɛrɛnara wo la ka kawa wola ko la min bara ma a la.
Pitala Kawandili Alla-Bato-Bɔn La
11Namara-kɔrɛ wo kirita Pita anubɛ Yɔni ma tumɛ min, mɔgɛ bɛɛ kawara ka anu buri anu wara ka ta Alla-Bato-Bɔn dandan kɔrɔ min tɔgɛ ko, “Silamɛnita Dandan Kɔrɛ.” 12Pita ya mɔgɛ wonu nadɛnnɛ yen tumɛ min, a ya a fɔ anu ye ko, “N ta-nyɔgɛ Isirɛla kɛnu, wo ye kawala kɛ ma kama? Wo ye tola ma mafɛlɛnna nfenna? Wo ya a lɔn ko ma nyɛrɛta sɛnbɛ le ya a lakɛndɛya, wa? Ma nyɛrɛta sɛnbɛ anubɛ sɛninyɛ ma a ma, kei kɛ ye tagamana de! 13#Bɔ-Koe-Iyipiti 3.15 Iburayimata Alla anubɛ Isiyakatɛ anubɛ Yakobatɛ, ma benbanuta Alla, kɔni, wole ara ala wɔli-kɛlɛ Yisa gbiliya. Wo le ya ale Yisa wo don sɛnbɛ-tiginu bolo. Wo ya wo ban a la Pailɛti yakɔrɔ, ado Pailɛti ya a latɛgɛ ko a ni a boloka tumɛ min, wo ma sɔn. 14#Matiyu 27.15-23; Maraka 15.6-14; Luka 23.13-23; Yɔni 19.12-15 Yisa telennɛ, fɛɛ-wo-fɛɛ sa a la kɔnɔ wo ya wo ban a la. Wo ya Pailɛti madiya ko a ni mɔgɔ-fagalɛ do boloka wo ye. 15Ale min bi ni-bɛrɛ dila mɔgɛnu ma, wole ya wo faga kɔnɔ Alla le ya a lawuli ka bɔ furinu tɛma. Ata sereyɛ le male la. 16Wo ya kabana-koe min yen kɛ, wo kɛra dɛnkɛninyɛ fɛ ale Yisa tɔgɛ rɔ. Ale Yisa tɔgɛ le ara sɛnbɛ di kei kɛ ma. Ala dɛnkɛninyɛ Yisa ma, wo le ya a ma, wo bɛɛ ye a kɛndɛyanɛ yenna.
17“Nba, n na-kelen-nyɔgɛnu, n ya a lɔn ko wobɛ wola kun-tiginu ya min ma Yisa la, wo ya wo ma bawo wo sa a kalama. 18Kebi fɔlɔ, Alla ya a fɔ ala nɛbi bɛɛ baraka rɔ ko fɔ Allata-Mɔgɔ-Yabɔnɛ ni tɔrɔ, ado wo ara bɔ-a-la ka le. 19Nba, wo ni yɛlɛma ka tubi Alla ma. Woletɔ a si wo hakɛ yesi feu, ka wo makoto. Ni wo ya wo ma, 20wo si ni-lafɛrɛ sɔrɔn Mari bolo. Alla ara ban ata Mɔgɔ-Yabɔnɛ min yabɔla wo ye, a si ale Yisa lana wo ye. 21Kɔnɔ fɔ a ni to Arinyɛni tɔ ha fan-bɛɛ-kuraya-wati ni ke iko Alla ya a fɔ ala nɛbi-sɛnimɛnu fɛ nya min fɔlɔfɔlɔ. 22#Tɔn-Fɔɛ-Fila-Nyɔgɛ 18.15, 18 Musa ko wola Mari Alla si nɛbi do lana wo ma iko a ya ale lana nya min. A si bɔ wo nyɛrɛta mɔgɛnu tɛma. A ko ale wa min bɛɛ fɔ wo ye, wo ni wo tole masɔ wo la. 23#Tɔn-Fɔɛ-Fila-Nyɔgɛ 18.19 A ko fanan ko ni mɔgɔ-wo-mɔgɔ ma a tole masɔ nɛbi wo la, Alla si wo tigi bɔ ata mɔgɛnu tɛma ka a halaki pɔ! 24Ka a dabira Nɛbi Samuwɛlita wati ma anubɛ nɛbi minnu nara ale kɔma wɔlɔyiya-kɛ-tinɛ, wonu dama ya tele kɛnuna ko fɔ. 25#Ko-Dabirɛnu 22.18 Alla ya lanyiri minnu kiri ala nɛbinu baraka rɔ, wotɛ le wonu na. Alla ya lanyiri minnu kiri wo benbanu ye, wo ara wo sɔrɔn iko a ya a fɔ Iburayima ye nya min. A ko duninya-mɔgɛ bɛɛ si na duwɛ sɔrɔn ale bɔnsɔn fɛ. 26Woletɔ Alla ya ala wɔli-kɛla Yisa yabɔ ka a sɔ wole fɔlɔn ma ko a ni duwa wo ye alako wo dama ni yɛlɛma ka bɔ wola ko-yogomɛnu tɔ nya min.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.