Bɔ-Koe-Iyipiti 2
2
Musa Sɔrɔn-Koe
1Lifayi bɔnsɔn do ye nyɔ min ya Lifayi dunmusi do furu. 2#Kɛwɔlɛnu 7.20; Hiburunu 11.23 Musi wo ya buyi bi ka den-kei sɔrɔn. A ya a yen min kɛ ko a kin, a ya dan wo dogon ha karɛ sawa. 3Karɛ sawa tenbira tumɛ min, a na ma ke a dogonna tun. A ya digi ladan ka kolota don a ma. A ya dennɛ wo bi ka a sa digi wo rɔ ka a sigi sɔnfɔn-kurinu tɛma Nayɛli bɛ rɔ. 4Dan wo kɔrɔ-musi ya a sɔ wula-yan la ka a yɛ bɛn a ma ka a lɔn ni min bi mala a dɔgɛ wo la.
5Mansɛla dunmusi tara ba-worɔn wo la a ku tinɛ. Sunkurɔn minnu bi a fɛ, wonu tora anu matagamana bɛ dala. Mansɛla dunmusi ya digi wo yen sɔnfɔn-kurinu tɔ tumɛ min, a ya ala yɔɔn-musi sɔ ka ta a bi. 6A ya digi laka ka dan wo yen dila. A kinikinita a ma. A ko, “Isirɛla mɔgɛnuna dan#2.6 Isirɛla mɔgɛnuna dan: Isirɛla mɔgɛnu si anuna den-keinu nakemininya anu sɔrɔn-tele segin nyɔgɛ ma. do le kɛ la.”
7Dan wo kɔrɔ-musi ya a fɔ mansɛla dunmusi wo ye ko, “I si sɔn n ni ta Hiburu musi do nyini min si dan kɛ susun i ye?”
8Mansɛla dunmusi ya a fɔ a ye ko, “Awa, ta.” Dennɛ wo kɔrɔ tara ka dan wo na kele. 9A na nara tumɛ min, mansɛla dunmusi ya a fɔ musi wo ye ko, “I ni dan kɛ bi ka a susun n ye. N si i sara.” Musi wo ya dan wo bi ka a susun. 10#Kɛwɔlɛnu 7.21 Dan wo koloyara tumɛ min, a na tara a to mansɛla dunmusi wo ma. A mara wola den-kei la. Musi wo ya a fɔ ko, “N ya dan kɛ labɔ yi le tɔ,” woletɔ a ya a tɔgɔ sa Musa.#2.10 Musa: Ni i ya a lamɔɛn ko, “Musa,” tɔgɛ wo mani de Hiburu-kan rɔ iko anu ba a fɔ ko, “Ka a labɔ.”
Musa Buri-Koe ka Ta Midiyan Nyamanɛ Rɔ
11 #
Hiburunu 11.24
#Kɛwɔlɛnu 7.23-28Musa koloyara tumɛ min, a tara a na-kelen-nyɔgɛ Hiburunu taran wɔli-kɛ-tinɛ. A ya a yen anu bi wɔli-gbɛlɛmɛ kɛla nya min. A ya Iyipiti kɛ do yen a na-kelen-nyɔgɛ Hiburu do gbesila. 12Musa ya a yɛ lakalan. A ma mɔgɔ-wo-mɔgɔ yen min kɛ, a ya Iyipiti kei wo faga ka a dogon kɛnkɛn rɔ. 13Wo banda kɛ, a ya a taran fanan, Hiburu kemini mɔgɔ fila ye kɛlɛla. Min yo sa kumɛ rɔ, a ya a fɔ wo ye ko, “I ye i na-kelen-nyɔgɛ Hiburu kɛ gbesila nfenna?”
14Wo ya a yabi ko, “Yon ya i ma kun-tigi anubɛ kiti-tɛgɛlɛ la ma tɛma? A ye i kɔntɔ ka nde faga, wa, iko i ya Iyipiti kɛ wo faga nya min kunu?”
Wo kɔma, Musa kilanta. A ya a miri a nyɛrɛ ma ko, “Tumado mɔgɛnu bara nna mɔgɔ-faga-koe kɛ lɔn.”
15 #
Kɛwɔlɛnu 7.29; Hiburunu 11.27 Mansɛ ya wo lamɔɛn tumɛ min, Musa faga-sɔgɛ ya a bira. Kɔnɔ Musa ya a buri mansɛ kɔrɔ ka ta a sigi Midiyan nyamanɛ rɔ kɔlɔn do dafɛ. 16Kei min taranta saraka-masɔ-wɔli kɛla Midiyan nyamanɛ rɔ nyɔ, wo tɔgɛ le Yɛtiro. Wola dunmusu mɔgɔ wɔrɔnfila nara yi-bi-tinɛ kɔlɔn wo rɔ. Anu ya yi do kɛ miran rɔ alako anu fala sagɛnu ni anu min. 17Saga-kandannɛ donu nara ka Yɛtirola dunmusinu yakɔrɔ-mamɔ yi koe la ka anu gben kɔnɔ Musa ya a lawuli ka anuna kɛlɛ kɛ ka yi layɛlɛ anuna sagɛnu ye.
18Dunmusi wonu sɛgira anu fa wara tumɛ min, wo ya anu manyinika ko, “Nfenna wo nara yona bi?”
19Anu ko, “Iyipiti kɛ do le ya ma dɛnbɛ ka saga-kandannɛ donu gben ma ye minnu ya ma tɔrɔ. A ya yi layɛlɛ ma ye ka wo di mala sagɛnu ma.”
20A ya ala dunmusinu manyinika ko, “Iyipiti kɛ wo ye mintɔ? Wo ya a to nyɔ nfenna? Wo ta a kele. A ni na fen dɔn tinɛ ma fɛ bi.” Anu tara a kele.
21Musa sɔnta sigi-koe ma kei wo warɛ. Yɛtiro ya ala dunmusi Sipora di Musa ma ko a ni ma ala musi la. 22Sipora ya den-kei sɔrɔn Musa ma. Musa ya a miri ko, “N bi sundanyɛ la nyamanɛ kɛ rɔ,” woletɔ a ya ala dan wo tɔgɔ sa Kɛrisɔn.#2.22 Kɛrisɔn: Ni i ya a lamɔɛn ko, “Kɛrisɔn,” tɔgɛ wo mani de Hiburu-kan rɔ iko anu ba a fɔ ko, “Sundan.”
23San siyaman tenbinɛ wo kɔma, Iyipiti mansɛ wo fagara. Isirɛla mɔgɛnu gbunyara yɔɔnyɛ kɔrɔ ka anu kan nabɔ Alla ma. 24#Ko-Dabirɛnu 15.13-14 Alla ya anu di-kɛ-kan lamɔɛn. A ya lanyiri min kiri Iburayima anubɛ Isiyaka anubɛ Yakoba ye, a ya a fonde to wo ko 25ka to a mirila Isirɛla mɔgɛnuna tɔrɔyɛ wara-koe ma.
Currently Selected:
Bɔ-Koe-Iyipiti 2: KCLB
Highlight
Share
Copy
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.
Bɔ-Koe-Iyipiti 2
2
Musa Sɔrɔn-Koe
1Lifayi bɔnsɔn do ye nyɔ min ya Lifayi dunmusi do furu. 2#Kɛwɔlɛnu 7.20; Hiburunu 11.23 Musi wo ya buyi bi ka den-kei sɔrɔn. A ya a yen min kɛ ko a kin, a ya dan wo dogon ha karɛ sawa. 3Karɛ sawa tenbira tumɛ min, a na ma ke a dogonna tun. A ya digi ladan ka kolota don a ma. A ya dennɛ wo bi ka a sa digi wo rɔ ka a sigi sɔnfɔn-kurinu tɛma Nayɛli bɛ rɔ. 4Dan wo kɔrɔ-musi ya a sɔ wula-yan la ka a yɛ bɛn a ma ka a lɔn ni min bi mala a dɔgɛ wo la.
5Mansɛla dunmusi tara ba-worɔn wo la a ku tinɛ. Sunkurɔn minnu bi a fɛ, wonu tora anu matagamana bɛ dala. Mansɛla dunmusi ya digi wo yen sɔnfɔn-kurinu tɔ tumɛ min, a ya ala yɔɔn-musi sɔ ka ta a bi. 6A ya digi laka ka dan wo yen dila. A kinikinita a ma. A ko, “Isirɛla mɔgɛnuna dan#2.6 Isirɛla mɔgɛnuna dan: Isirɛla mɔgɛnu si anuna den-keinu nakemininya anu sɔrɔn-tele segin nyɔgɛ ma. do le kɛ la.”
7Dan wo kɔrɔ-musi ya a fɔ mansɛla dunmusi wo ye ko, “I si sɔn n ni ta Hiburu musi do nyini min si dan kɛ susun i ye?”
8Mansɛla dunmusi ya a fɔ a ye ko, “Awa, ta.” Dennɛ wo kɔrɔ tara ka dan wo na kele. 9A na nara tumɛ min, mansɛla dunmusi ya a fɔ musi wo ye ko, “I ni dan kɛ bi ka a susun n ye. N si i sara.” Musi wo ya dan wo bi ka a susun. 10#Kɛwɔlɛnu 7.21 Dan wo koloyara tumɛ min, a na tara a to mansɛla dunmusi wo ma. A mara wola den-kei la. Musi wo ya a fɔ ko, “N ya dan kɛ labɔ yi le tɔ,” woletɔ a ya a tɔgɔ sa Musa.#2.10 Musa: Ni i ya a lamɔɛn ko, “Musa,” tɔgɛ wo mani de Hiburu-kan rɔ iko anu ba a fɔ ko, “Ka a labɔ.”
Musa Buri-Koe ka Ta Midiyan Nyamanɛ Rɔ
11 #
Hiburunu 11.24
#Kɛwɔlɛnu 7.23-28Musa koloyara tumɛ min, a tara a na-kelen-nyɔgɛ Hiburunu taran wɔli-kɛ-tinɛ. A ya a yen anu bi wɔli-gbɛlɛmɛ kɛla nya min. A ya Iyipiti kɛ do yen a na-kelen-nyɔgɛ Hiburu do gbesila. 12Musa ya a yɛ lakalan. A ma mɔgɔ-wo-mɔgɔ yen min kɛ, a ya Iyipiti kei wo faga ka a dogon kɛnkɛn rɔ. 13Wo banda kɛ, a ya a taran fanan, Hiburu kemini mɔgɔ fila ye kɛlɛla. Min yo sa kumɛ rɔ, a ya a fɔ wo ye ko, “I ye i na-kelen-nyɔgɛ Hiburu kɛ gbesila nfenna?”
14Wo ya a yabi ko, “Yon ya i ma kun-tigi anubɛ kiti-tɛgɛlɛ la ma tɛma? A ye i kɔntɔ ka nde faga, wa, iko i ya Iyipiti kɛ wo faga nya min kunu?”
Wo kɔma, Musa kilanta. A ya a miri a nyɛrɛ ma ko, “Tumado mɔgɛnu bara nna mɔgɔ-faga-koe kɛ lɔn.”
15 #
Kɛwɔlɛnu 7.29; Hiburunu 11.27 Mansɛ ya wo lamɔɛn tumɛ min, Musa faga-sɔgɛ ya a bira. Kɔnɔ Musa ya a buri mansɛ kɔrɔ ka ta a sigi Midiyan nyamanɛ rɔ kɔlɔn do dafɛ. 16Kei min taranta saraka-masɔ-wɔli kɛla Midiyan nyamanɛ rɔ nyɔ, wo tɔgɛ le Yɛtiro. Wola dunmusu mɔgɔ wɔrɔnfila nara yi-bi-tinɛ kɔlɔn wo rɔ. Anu ya yi do kɛ miran rɔ alako anu fala sagɛnu ni anu min. 17Saga-kandannɛ donu nara ka Yɛtirola dunmusinu yakɔrɔ-mamɔ yi koe la ka anu gben kɔnɔ Musa ya a lawuli ka anuna kɛlɛ kɛ ka yi layɛlɛ anuna sagɛnu ye.
18Dunmusi wonu sɛgira anu fa wara tumɛ min, wo ya anu manyinika ko, “Nfenna wo nara yona bi?”
19Anu ko, “Iyipiti kɛ do le ya ma dɛnbɛ ka saga-kandannɛ donu gben ma ye minnu ya ma tɔrɔ. A ya yi layɛlɛ ma ye ka wo di mala sagɛnu ma.”
20A ya ala dunmusinu manyinika ko, “Iyipiti kɛ wo ye mintɔ? Wo ya a to nyɔ nfenna? Wo ta a kele. A ni na fen dɔn tinɛ ma fɛ bi.” Anu tara a kele.
21Musa sɔnta sigi-koe ma kei wo warɛ. Yɛtiro ya ala dunmusi Sipora di Musa ma ko a ni ma ala musi la. 22Sipora ya den-kei sɔrɔn Musa ma. Musa ya a miri ko, “N bi sundanyɛ la nyamanɛ kɛ rɔ,” woletɔ a ya ala dan wo tɔgɔ sa Kɛrisɔn.#2.22 Kɛrisɔn: Ni i ya a lamɔɛn ko, “Kɛrisɔn,” tɔgɛ wo mani de Hiburu-kan rɔ iko anu ba a fɔ ko, “Sundan.”
23San siyaman tenbinɛ wo kɔma, Iyipiti mansɛ wo fagara. Isirɛla mɔgɛnu gbunyara yɔɔnyɛ kɔrɔ ka anu kan nabɔ Alla ma. 24#Ko-Dabirɛnu 15.13-14 Alla ya anu di-kɛ-kan lamɔɛn. A ya lanyiri min kiri Iburayima anubɛ Isiyaka anubɛ Yakoba ye, a ya a fonde to wo ko 25ka to a mirila Isirɛla mɔgɛnuna tɔrɔyɛ wara-koe ma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.