Bɔ-Koe-Iyipiti 9
9
(5) Iyipiti Kolo-Fannu Faga-Koe
1Mari ya a fɔ Musa ye ko, “Ta a fɔ mansɛ ye ko nde, Hiburunuta Mari Alla kan le kɛ la ko a ni nta mɔgɛnu boloka alako anu ni ta n bato tinɛ. 2Ni a ya a ban anu boloka-koe ma, 3wola kolo-fan minnu bi wo bolo, nde, Mari si kiraya-fitinɛ lana wonu kan ma, hali a soee wo, a sofɛlɛ wo, anubɛ a nyomɛnu. 4Mari si dan-nafarɛ to Isirɛla mɔgɛnu anubɛ Iyipiti mɔgɛnuna kolo-fannu tɛma. Isirɛla mɔgɛnutɛ ti faga mumɛ!”
5Mari ara a latɛgɛ nun ko a si kabana-koe kɛ ma nyamanɛ kɛ rɔ sina. 6Banda kara tumɛ min, Mari ya wo ma iko a ya a fɔ nya min. Iyipiti kɛnuna kolo-fan bɛɛsi fagara kɔnɔ hali Isirɛla mɔgɔ-den-kelenta kolo-fan ma faga. 7Mansɛ ya mɔgɛ donu sɔ ka ta Isirɛla mɔgɛnuta kolo-fannu mafɛlɛn, ni min mara wonutɛ la. Kɔnɔ anu ya a yen hali wonutɛ kelen ma faga. Hali wo, ale mansɛ ya a yisi gbɛlɛya. A ma sɔn mɔgɛ wonu boloka-koe ma.
(6) Sumunɛ Sigi-Koe Mɔgɛnu Ma
8Mari ya a fɔ Musa anubɛ Aruna ye ko, “Wo ni ta biredi mintan tinɛ ka ta-gbangban do bi wo bolo tɔ. Musa si ta-gbangban wo lafili san ma mansɛ yala. 9Wo ra si nyɛnsɛn Iyipiti nyamanɛ kuma ka ma sumunɛ la Iyipiti mɔgɛnu anubɛ kolo-fannu ma.”
10 #
Lankɛnimayɛ 16.2
Anu ya biredi mintan tinɛ ta-gbangban bi ka anu sɔ mansɛ yakɔrɔ. Musa ya ta-gbangban wo lakɛ san ma. Wo mara sumunɛ la mɔgɛnu anubɛ kolo-fannu ma. 11Mansɛla kofo-dan wonu ma ke anu sɔla Musa yakɔrɔ sumunɛ wonuna ko la kamasɔrɔn sumunɛ sigira kofo-dan wonu ma anubɛ Iyipiti mɔgɛ bɛɛ. 12Mari ya mansɛ yisi gbɛlɛya. A ma a tole masɔ anuna kumɛ la. Iko Mari ya a fɔ Musa ye nya min nun, a kuman-kan wo bɔra-a-la.
(7) Banda-Kole Wara-Koe
13Mari ya a fɔ Musa ye ko, “I ni suri tala a fɔla mansɛ ye ko nde, Hiburunuta Mari Alla le ya a fɔ ko a ni nna mɔgɛnu boloka alako anu ni ta n bato tinɛ. 14N si tɔrɔya-fitinɛ lana mansɛ nyɛrɛ anubɛ ala mɔgɔ-banu anubɛ ala nyamanita-mɔgɛnu kuma. Anu ni a lɔn ko nde, Alla nyɔgɔn sa duninya kɛ rɔ. 15A fɔ ale mansɛ ye ko n si ke n bole rasaganna le ale anubɛ ala mɔgɛnu kan ma ka kiraya-fitinɛ lagbɛlɛya anu kuma. Anu na ni to dogbe! 16#Romu 9.17 N bara a to a niyi la alako n ni nna sɛnbɛ mayira, woletɔ duninya-mɔgɛ bɛɛ si n tɔgɛ lɔn. 17Kɔnɔ ha bi, ale mansɛ wasinɛ, a sa sɔnna nna mɔgɛnu boloka-koe ma. 18Woletɔ kɛ nyɔgɔn tumɛ sina, n si banda-kole layigi anu kuma min nyɔgɔn ma ma bɛ Iyipiti nyamanɛ rɔ kebi Iyipiti ko dabirara. 19Woletɔ a fɔ ale mansɛ ye ko a ni kilayɛ lata ala nyamanita-mɔgɛnu ma kaka ka a fɔ anu ye ko, mɔgɔ wo, kolo-fen wo, bɛɛ ni ta kan-tina-latankanɛ do rɔ banda-kole ti ke anu ma kan min. Ni fenfen tora gbɛ ma, a ma ta kan-tina-latankanɛ do rɔ, banda-kole si yigi wonu kuma ka anu faga.”
20Mansɛla mɔgɔ-ba minnu kilanta Mari la, wonu ya anuna yɔɔnnu anubɛ anuna kolo-fannu naburi banda-kole kɔrɔ ka anu nata kan-tina-latankanɛ donu tɔ. 21Marita kumɛ bɔrɔ ma taran Iyipiti mɔgɛ minnu ye, wonu ya anuna yɔɔnnu anubɛ anuna kolo-fannu to gbɛ ma.
22Mari ya a fɔ Musa ye ko, “I bole rasagan san ma woletɔ banda-kole si yigi Iyipiti nyamanɛ kuma. A si mɔgɛnu anubɛ kolo-fannu faga. Hali anuna ki-fannu, a si wonu tinya Iyipiti nyamanɛ kan tinɛ bɛɛ rɔ.” 23Musa ya ala sewuri rasagan san ma. San tora sɛrɛnna. Banda-kole anubɛ sangbalamɛ tora yigila dugi ma Iyipiti nyamanɛ kan tinɛ bɛɛ rɔ. 24#Lankɛnimayɛ 8.7; 16.21 Woletɔ banda-kole anubɛ sangbalamɛ tora yigila ka yogoya. Kebi Iyipiti ko dabirara, wo nyɔgɔn ma ke bɛ nyamanɛ wo rɔ. 25Nima-fan min bɛɛsi tora gbɛ ma nun Iyipiti nyamanɛ rɔ, banda-kole ya wo bɛɛsi faga ka firɛrɔ-kɔlɔma dama rakerikeri. 26Fɔ Kosɛn nyamanɛ dɔrɔn, Isirɛla mɔgɛnu bi kan tinɛ min, kɔni, banda-kole anubɛ san-sɛran ma ke nyɔ.
27Ale mansɛ ya mɔgɛ do sɔ Musa anubɛ Aruna kele tinɛ. Ale mansɛ ya a fɔ anu ye ko, “N bara bila wota Mari la wati kɛ rɔ. Yoe ye wota Mari bolo. Malebɛ nta mɔgɛnu yiliki. 28Wo ni Mari madiya kamasɔrɔn san-sɛran anubɛ banda-kole kɛ ara a lamoya ma kuma. N si wo boloka. Wo ti to yan tɔ tun.”
29Musa ya a fɔ a ye ko, “N ba ta soe kɔma tumɛ min, n si n bole sigi Mari ye ka a madiya. San-sɛran si ban, banda-kole ti na tun alako ile mansɛ ni a lɔn ko duninya-tigi le maleta Mari la. 30Kɔnɔ ile anubɛ ila mɔgɔ-banu, n ya a lɔn ko ha bi wo ma kilan Mari Alla la hali!”
31Anuna fui-fan#9.31-32 Fui-fan: Anuna fui-fan su sawɛ, kelan tɔgɛ le “bali” (barley), kelan tɔgɛ le “filasiki” (flax), kelan tɔgɛ le “witi” (wheat). sufa fila tinyanta kamasɔrɔn kelan, wo ara ta mɔla nun. Doi wo ye a yi-bi-koe rɔ. 32Kɔnɔ a su sawa nyɔgɛ min ma tinya, a ya a taran, wonu kolomɛ le nun.
33Musa bɔra mansɛ dafɛ ka ta soe kɔma. A ya a bolo filɛ sigi Mari ye. San-sɛran anubɛ banda-kole ratora. 34-35Ale mansɛ ya a yen tumɛ min ko banda-kole anubɛ san-sɛran la ara to, a ya a yisi gbɛlɛya tun. Anubɛ ala mɔgɔ-banu bilara Alla la tun ka anu ban Isirɛla mɔgɛnu boloka-koe ma. Mari kuman-kan bɔra-a-la iko a ya a fɔ nya min.
Currently Selected:
Bɔ-Koe-Iyipiti 9: KCLB
Highlight
Share
Copy
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.
Bɔ-Koe-Iyipiti 9
9
(5) Iyipiti Kolo-Fannu Faga-Koe
1Mari ya a fɔ Musa ye ko, “Ta a fɔ mansɛ ye ko nde, Hiburunuta Mari Alla kan le kɛ la ko a ni nta mɔgɛnu boloka alako anu ni ta n bato tinɛ. 2Ni a ya a ban anu boloka-koe ma, 3wola kolo-fan minnu bi wo bolo, nde, Mari si kiraya-fitinɛ lana wonu kan ma, hali a soee wo, a sofɛlɛ wo, anubɛ a nyomɛnu. 4Mari si dan-nafarɛ to Isirɛla mɔgɛnu anubɛ Iyipiti mɔgɛnuna kolo-fannu tɛma. Isirɛla mɔgɛnutɛ ti faga mumɛ!”
5Mari ara a latɛgɛ nun ko a si kabana-koe kɛ ma nyamanɛ kɛ rɔ sina. 6Banda kara tumɛ min, Mari ya wo ma iko a ya a fɔ nya min. Iyipiti kɛnuna kolo-fan bɛɛsi fagara kɔnɔ hali Isirɛla mɔgɔ-den-kelenta kolo-fan ma faga. 7Mansɛ ya mɔgɛ donu sɔ ka ta Isirɛla mɔgɛnuta kolo-fannu mafɛlɛn, ni min mara wonutɛ la. Kɔnɔ anu ya a yen hali wonutɛ kelen ma faga. Hali wo, ale mansɛ ya a yisi gbɛlɛya. A ma sɔn mɔgɛ wonu boloka-koe ma.
(6) Sumunɛ Sigi-Koe Mɔgɛnu Ma
8Mari ya a fɔ Musa anubɛ Aruna ye ko, “Wo ni ta biredi mintan tinɛ ka ta-gbangban do bi wo bolo tɔ. Musa si ta-gbangban wo lafili san ma mansɛ yala. 9Wo ra si nyɛnsɛn Iyipiti nyamanɛ kuma ka ma sumunɛ la Iyipiti mɔgɛnu anubɛ kolo-fannu ma.”
10 #
Lankɛnimayɛ 16.2
Anu ya biredi mintan tinɛ ta-gbangban bi ka anu sɔ mansɛ yakɔrɔ. Musa ya ta-gbangban wo lakɛ san ma. Wo mara sumunɛ la mɔgɛnu anubɛ kolo-fannu ma. 11Mansɛla kofo-dan wonu ma ke anu sɔla Musa yakɔrɔ sumunɛ wonuna ko la kamasɔrɔn sumunɛ sigira kofo-dan wonu ma anubɛ Iyipiti mɔgɛ bɛɛ. 12Mari ya mansɛ yisi gbɛlɛya. A ma a tole masɔ anuna kumɛ la. Iko Mari ya a fɔ Musa ye nya min nun, a kuman-kan wo bɔra-a-la.
(7) Banda-Kole Wara-Koe
13Mari ya a fɔ Musa ye ko, “I ni suri tala a fɔla mansɛ ye ko nde, Hiburunuta Mari Alla le ya a fɔ ko a ni nna mɔgɛnu boloka alako anu ni ta n bato tinɛ. 14N si tɔrɔya-fitinɛ lana mansɛ nyɛrɛ anubɛ ala mɔgɔ-banu anubɛ ala nyamanita-mɔgɛnu kuma. Anu ni a lɔn ko nde, Alla nyɔgɔn sa duninya kɛ rɔ. 15A fɔ ale mansɛ ye ko n si ke n bole rasaganna le ale anubɛ ala mɔgɛnu kan ma ka kiraya-fitinɛ lagbɛlɛya anu kuma. Anu na ni to dogbe! 16#Romu 9.17 N bara a to a niyi la alako n ni nna sɛnbɛ mayira, woletɔ duninya-mɔgɛ bɛɛ si n tɔgɛ lɔn. 17Kɔnɔ ha bi, ale mansɛ wasinɛ, a sa sɔnna nna mɔgɛnu boloka-koe ma. 18Woletɔ kɛ nyɔgɔn tumɛ sina, n si banda-kole layigi anu kuma min nyɔgɔn ma ma bɛ Iyipiti nyamanɛ rɔ kebi Iyipiti ko dabirara. 19Woletɔ a fɔ ale mansɛ ye ko a ni kilayɛ lata ala nyamanita-mɔgɛnu ma kaka ka a fɔ anu ye ko, mɔgɔ wo, kolo-fen wo, bɛɛ ni ta kan-tina-latankanɛ do rɔ banda-kole ti ke anu ma kan min. Ni fenfen tora gbɛ ma, a ma ta kan-tina-latankanɛ do rɔ, banda-kole si yigi wonu kuma ka anu faga.”
20Mansɛla mɔgɔ-ba minnu kilanta Mari la, wonu ya anuna yɔɔnnu anubɛ anuna kolo-fannu naburi banda-kole kɔrɔ ka anu nata kan-tina-latankanɛ donu tɔ. 21Marita kumɛ bɔrɔ ma taran Iyipiti mɔgɛ minnu ye, wonu ya anuna yɔɔnnu anubɛ anuna kolo-fannu to gbɛ ma.
22Mari ya a fɔ Musa ye ko, “I bole rasagan san ma woletɔ banda-kole si yigi Iyipiti nyamanɛ kuma. A si mɔgɛnu anubɛ kolo-fannu faga. Hali anuna ki-fannu, a si wonu tinya Iyipiti nyamanɛ kan tinɛ bɛɛ rɔ.” 23Musa ya ala sewuri rasagan san ma. San tora sɛrɛnna. Banda-kole anubɛ sangbalamɛ tora yigila dugi ma Iyipiti nyamanɛ kan tinɛ bɛɛ rɔ. 24#Lankɛnimayɛ 8.7; 16.21 Woletɔ banda-kole anubɛ sangbalamɛ tora yigila ka yogoya. Kebi Iyipiti ko dabirara, wo nyɔgɔn ma ke bɛ nyamanɛ wo rɔ. 25Nima-fan min bɛɛsi tora gbɛ ma nun Iyipiti nyamanɛ rɔ, banda-kole ya wo bɛɛsi faga ka firɛrɔ-kɔlɔma dama rakerikeri. 26Fɔ Kosɛn nyamanɛ dɔrɔn, Isirɛla mɔgɛnu bi kan tinɛ min, kɔni, banda-kole anubɛ san-sɛran ma ke nyɔ.
27Ale mansɛ ya mɔgɛ do sɔ Musa anubɛ Aruna kele tinɛ. Ale mansɛ ya a fɔ anu ye ko, “N bara bila wota Mari la wati kɛ rɔ. Yoe ye wota Mari bolo. Malebɛ nta mɔgɛnu yiliki. 28Wo ni Mari madiya kamasɔrɔn san-sɛran anubɛ banda-kole kɛ ara a lamoya ma kuma. N si wo boloka. Wo ti to yan tɔ tun.”
29Musa ya a fɔ a ye ko, “N ba ta soe kɔma tumɛ min, n si n bole sigi Mari ye ka a madiya. San-sɛran si ban, banda-kole ti na tun alako ile mansɛ ni a lɔn ko duninya-tigi le maleta Mari la. 30Kɔnɔ ile anubɛ ila mɔgɔ-banu, n ya a lɔn ko ha bi wo ma kilan Mari Alla la hali!”
31Anuna fui-fan#9.31-32 Fui-fan: Anuna fui-fan su sawɛ, kelan tɔgɛ le “bali” (barley), kelan tɔgɛ le “filasiki” (flax), kelan tɔgɛ le “witi” (wheat). sufa fila tinyanta kamasɔrɔn kelan, wo ara ta mɔla nun. Doi wo ye a yi-bi-koe rɔ. 32Kɔnɔ a su sawa nyɔgɛ min ma tinya, a ya a taran, wonu kolomɛ le nun.
33Musa bɔra mansɛ dafɛ ka ta soe kɔma. A ya a bolo filɛ sigi Mari ye. San-sɛran anubɛ banda-kole ratora. 34-35Ale mansɛ ya a yen tumɛ min ko banda-kole anubɛ san-sɛran la ara to, a ya a yisi gbɛlɛya tun. Anubɛ ala mɔgɔ-banu bilara Alla la tun ka anu ban Isirɛla mɔgɛnu boloka-koe ma. Mari kuman-kan bɔra-a-la iko a ya a fɔ nya min.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.