Ko-Dabirɛnu 38
38
Yuda anubɛ Temara Wara-Koe
1Wo le wati rɔ, Yuda bɔra a na-kelen-nyɔgɛnu fɛ ka ta a sigi kei do warɛ min tɔgɛ Hira, Adulam soe burɔ. 2Yuda yɛ bɔra Kenan dunmusi do la nyɔ. Dunmusi wo fa tɔgɛ le Suha. Yuda ya a furu. A ban a furula, a ya a latenbi a kɔma. 3-5Wo ya a kɔninyama sawa. Kɔninyama sawɛ, wo bɛɛ den-kei. Ala den-kei-sarɛ tɔgɛ le Ɛra. Ɛra wo ya a gbara sa Onan la. Onan wo fanan ya a gbara sa Sela la. Kɔnɔ a ya Sela wo sɔrɔn wo tumɛ a ye Akesibu soe le tɔ.
6Wati tenbinɛ, Yuda ya musi do furu ala den-kei-sarɛ Ɛra ye. Musi wo tɔgɛ le Temara. 7Kɔnɔ Ɛra wota wunduyogoyɛ ya a ma, Mari ya a faga.
8Yuda ya a fɔ ala den-tɛmatɛ Onan ye ko, “I kɔrɔla kɛɛ-nyaganɛ bi ka a latenbi i kɔma alako i kɔrɔ sugi kana na to.” 9Kɔnɔ Onan wo ya a lɔn ko anubɛ musi wo wa dɛn, anu bi dan minnu sɔrɔnna, wonu ti ma ale Onantɛ la. A wa a kɔrɔla musi latenbi a kɔma, a ti sɔn ka buyi sa a la. A ya a ban a kɔrɔ sugi to koe ma min kɛ, 10Mari ya ale fanan faga ala karagbɛlɛyɛ wola ko la.
11Yuda ya a fɔ a mama-nyaganɛ wo ye ko, “I ni to furunya-musuyɛ la i fa warɛ ha nna den Sela ni koloya.” Yuda kilannɛ a kuma alako ala den Sela kana faga iko a kɔrɔ-keinu mara nya min. Temara tara ka a sigi a fa warɛ.
12Wati tenbinɛ, Yudala musi wo fagara. Ala musi saya-koe makimara tumɛ min, Yuda anubɛ a diyana-mɔgɛ Hira tara ala saga-siyi-tɛgɛlɛnu bara Timina soe burɔ. Yanni anu ni ke Timina soe burɔ, 13a mama-nyaganɛ Temara ya a lamɔɛn ko a benba ye tala Timina ala sagɛnu siyi matɛgɛ tinɛ. 14Temara ya ala furunya-kurɛnu bɔ a ma ka kura-dogbɛrɛ kiri a la. A ya kurɛ do fanan burun a kun na. Temara ya a lɔn ko a numɔgɔ-keminɛ Sela wo ara koloya gbongboron, ado a benba ma ale latenbi wɛ a numɔgɔ Sela ma. Woletɔ a sigira gbɛ rɔ Ɛnayim soe don-dɛ la Timina kilɛ la.
15Yuda ya musi wo taran nyɔ tumɛ min, a ya a lɔn musu-yɛlan le la bawo a yakɔrɛ dogonnɛ. 16Yuda ya a kɔndɔn. A ya a fɔ a ye ko, “Na, n ni n sa i fɛ.”
Musi wo ko, “Ile si nfen di n ma, ki-n-bara-kelanla ko la?” Yaga, a mama-nyaganɛ le kɔnɔ a ma a lɔn.
17A ko, “N si baa-den kelen bi nna kolo-fannu tɔ ka wo lana i ma.”
Musi ko, “Yanni i ni baa-dan lana n ma tumɛ min, tulumɛ to n bolo.”
18Yuda ko, “A sɔgɛ ye ile la, n ni nfen tuluma sigi i ma?”
A ko, “Ila kan-na-fan wo, fan min si a tamasere to fan ma wo, anubɛ ila sewuri, fen sawɛ wonu ni to n bolo.” Yuda ban wonu donna a bolo, a ya a sa a fɛ. Ki-n-barɛ-kelan, wo mara dan la Temara bolo. A ya buyi bi. 19Temara tɛ a warɛ bɔn la, a ya kurɛ wo bɔ a kun na. A ya ala furunya-musuya-kurɛnu bi tun.
20Yuda ya baa-den kelen bi ka wo don a diyana-mɔgɛ Hira bolo alako wo ni ta ala tulumɛ wonu kunka musi wo bolo kɔnɔ a diyana-mɔgɛ wo ma musi wo taran nyɔ. 21A ya mɔgɛnu manyinika Ɛnayim soe wo burɔ ko, “Musu-yɛlan min siginɛ kilɛ la yan nun, wo tara mintɔ?”
Anu ko, “Musu-yɛlɛn mumɛ sa male warɛ yan tɔ.”
22Kei wo sɛgira baa-dan wo la Yuda wara. A ya a fɔ a ye ko, “N ma musi wo taran nyɔ. Nyɔ-mɔgɛnu ko yɛlɛn mumɛ sa anu denu barɛ nyɔ.”
23Yuda ya a fɔ a ye ko, “Tana ma wo la. Tulumɛ wonu ni to a bolo. A kana ma miliya-koe la ma bolo. N ya baa-dan don i bolo ka i lata musi wo ma kɔnɔ i ma a taran nyɔ.”
24Karɛ sawa tenbinɛ wo kɔma, sarakanɛ kera Yuda ma ko a mama-nyaganɛ ara buyi bi keminɛnu ma.
Yuda ko, “Wo ni a labɔ luyi ma ka a mintan gburr!”
25Anu ya a mama-nyaganɛ wo bira tumɛ min ka a labɔ luyi ma, a ya kan-na-fan, anubɛ Yuda tamasere ye fan min ma, anubɛ ala sewuri wonu don mɔgɛ do bolo. A ko, “Ta kɛnu yira n benba la. A ni anu mafɛlɛn. Ni minta ye kɛnu na, nba, wo le ya buyi sa n na.”
26Yuda ya wonu yen tumɛ min, a ya a sɔn a la. A ko, “Ale le wara yo sɔrɔn! Nde le ya a tinya bawo n ma n kuman-kan latɔnbagaya ka a di nna den Sela ma.” Wo kɔma, Yuda ma a sa a fɛ tun.
27-28A mui-tumɛ kera tumɛ min, a buyi ya a lamaga, fɛrɛn kelen ya a bole labɔ. Tinkɔrɔ-sigilɛ ya yesekara-wulan kiri wo bole la bawo ale fɔlɔn sɔrɔnta. Wo kɔma, fɛrɛn doi sɔrɔnta. 29A ya a bole anubɛ yesekarɛ ladon tumɛ min, doi fɔlɔn sɔrɔnta. Tinkɔrɔ-sigilɛ ya a fɔ ko, “Ile ara ma yarɔ-sɔlɛ la ka i bɔ to kɔma!” Woletɔ anu ya ale tɔgɔ sa Pɛrɛsi bawo tɔgɛ wo kɔrɛ le iko mɔgɔ wa a fɔ, “Yarɔ-sɔlɛ.” 30Wo kɔma, yesekara-wulan kirita min bole la, wo sɔrɔnta. Anu ya wo fanan tɔgɔ sa Sera bawo tɔgɛ wo kɔrɛ le iko mɔgɔ wa a fɔ, “Fen-wulen.”
Currently Selected:
Ko-Dabirɛnu 38: KCLB
Highlight
Share
Copy
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.
Ko-Dabirɛnu 38
38
Yuda anubɛ Temara Wara-Koe
1Wo le wati rɔ, Yuda bɔra a na-kelen-nyɔgɛnu fɛ ka ta a sigi kei do warɛ min tɔgɛ Hira, Adulam soe burɔ. 2Yuda yɛ bɔra Kenan dunmusi do la nyɔ. Dunmusi wo fa tɔgɛ le Suha. Yuda ya a furu. A ban a furula, a ya a latenbi a kɔma. 3-5Wo ya a kɔninyama sawa. Kɔninyama sawɛ, wo bɛɛ den-kei. Ala den-kei-sarɛ tɔgɛ le Ɛra. Ɛra wo ya a gbara sa Onan la. Onan wo fanan ya a gbara sa Sela la. Kɔnɔ a ya Sela wo sɔrɔn wo tumɛ a ye Akesibu soe le tɔ.
6Wati tenbinɛ, Yuda ya musi do furu ala den-kei-sarɛ Ɛra ye. Musi wo tɔgɛ le Temara. 7Kɔnɔ Ɛra wota wunduyogoyɛ ya a ma, Mari ya a faga.
8Yuda ya a fɔ ala den-tɛmatɛ Onan ye ko, “I kɔrɔla kɛɛ-nyaganɛ bi ka a latenbi i kɔma alako i kɔrɔ sugi kana na to.” 9Kɔnɔ Onan wo ya a lɔn ko anubɛ musi wo wa dɛn, anu bi dan minnu sɔrɔnna, wonu ti ma ale Onantɛ la. A wa a kɔrɔla musi latenbi a kɔma, a ti sɔn ka buyi sa a la. A ya a ban a kɔrɔ sugi to koe ma min kɛ, 10Mari ya ale fanan faga ala karagbɛlɛyɛ wola ko la.
11Yuda ya a fɔ a mama-nyaganɛ wo ye ko, “I ni to furunya-musuyɛ la i fa warɛ ha nna den Sela ni koloya.” Yuda kilannɛ a kuma alako ala den Sela kana faga iko a kɔrɔ-keinu mara nya min. Temara tara ka a sigi a fa warɛ.
12Wati tenbinɛ, Yudala musi wo fagara. Ala musi saya-koe makimara tumɛ min, Yuda anubɛ a diyana-mɔgɛ Hira tara ala saga-siyi-tɛgɛlɛnu bara Timina soe burɔ. Yanni anu ni ke Timina soe burɔ, 13a mama-nyaganɛ Temara ya a lamɔɛn ko a benba ye tala Timina ala sagɛnu siyi matɛgɛ tinɛ. 14Temara ya ala furunya-kurɛnu bɔ a ma ka kura-dogbɛrɛ kiri a la. A ya kurɛ do fanan burun a kun na. Temara ya a lɔn ko a numɔgɔ-keminɛ Sela wo ara koloya gbongboron, ado a benba ma ale latenbi wɛ a numɔgɔ Sela ma. Woletɔ a sigira gbɛ rɔ Ɛnayim soe don-dɛ la Timina kilɛ la.
15Yuda ya musi wo taran nyɔ tumɛ min, a ya a lɔn musu-yɛlan le la bawo a yakɔrɛ dogonnɛ. 16Yuda ya a kɔndɔn. A ya a fɔ a ye ko, “Na, n ni n sa i fɛ.”
Musi wo ko, “Ile si nfen di n ma, ki-n-bara-kelanla ko la?” Yaga, a mama-nyaganɛ le kɔnɔ a ma a lɔn.
17A ko, “N si baa-den kelen bi nna kolo-fannu tɔ ka wo lana i ma.”
Musi ko, “Yanni i ni baa-dan lana n ma tumɛ min, tulumɛ to n bolo.”
18Yuda ko, “A sɔgɛ ye ile la, n ni nfen tuluma sigi i ma?”
A ko, “Ila kan-na-fan wo, fan min si a tamasere to fan ma wo, anubɛ ila sewuri, fen sawɛ wonu ni to n bolo.” Yuda ban wonu donna a bolo, a ya a sa a fɛ. Ki-n-barɛ-kelan, wo mara dan la Temara bolo. A ya buyi bi. 19Temara tɛ a warɛ bɔn la, a ya kurɛ wo bɔ a kun na. A ya ala furunya-musuya-kurɛnu bi tun.
20Yuda ya baa-den kelen bi ka wo don a diyana-mɔgɛ Hira bolo alako wo ni ta ala tulumɛ wonu kunka musi wo bolo kɔnɔ a diyana-mɔgɛ wo ma musi wo taran nyɔ. 21A ya mɔgɛnu manyinika Ɛnayim soe wo burɔ ko, “Musu-yɛlan min siginɛ kilɛ la yan nun, wo tara mintɔ?”
Anu ko, “Musu-yɛlɛn mumɛ sa male warɛ yan tɔ.”
22Kei wo sɛgira baa-dan wo la Yuda wara. A ya a fɔ a ye ko, “N ma musi wo taran nyɔ. Nyɔ-mɔgɛnu ko yɛlɛn mumɛ sa anu denu barɛ nyɔ.”
23Yuda ya a fɔ a ye ko, “Tana ma wo la. Tulumɛ wonu ni to a bolo. A kana ma miliya-koe la ma bolo. N ya baa-dan don i bolo ka i lata musi wo ma kɔnɔ i ma a taran nyɔ.”
24Karɛ sawa tenbinɛ wo kɔma, sarakanɛ kera Yuda ma ko a mama-nyaganɛ ara buyi bi keminɛnu ma.
Yuda ko, “Wo ni a labɔ luyi ma ka a mintan gburr!”
25Anu ya a mama-nyaganɛ wo bira tumɛ min ka a labɔ luyi ma, a ya kan-na-fan, anubɛ Yuda tamasere ye fan min ma, anubɛ ala sewuri wonu don mɔgɛ do bolo. A ko, “Ta kɛnu yira n benba la. A ni anu mafɛlɛn. Ni minta ye kɛnu na, nba, wo le ya buyi sa n na.”
26Yuda ya wonu yen tumɛ min, a ya a sɔn a la. A ko, “Ale le wara yo sɔrɔn! Nde le ya a tinya bawo n ma n kuman-kan latɔnbagaya ka a di nna den Sela ma.” Wo kɔma, Yuda ma a sa a fɛ tun.
27-28A mui-tumɛ kera tumɛ min, a buyi ya a lamaga, fɛrɛn kelen ya a bole labɔ. Tinkɔrɔ-sigilɛ ya yesekara-wulan kiri wo bole la bawo ale fɔlɔn sɔrɔnta. Wo kɔma, fɛrɛn doi sɔrɔnta. 29A ya a bole anubɛ yesekarɛ ladon tumɛ min, doi fɔlɔn sɔrɔnta. Tinkɔrɔ-sigilɛ ya a fɔ ko, “Ile ara ma yarɔ-sɔlɛ la ka i bɔ to kɔma!” Woletɔ anu ya ale tɔgɔ sa Pɛrɛsi bawo tɔgɛ wo kɔrɛ le iko mɔgɔ wa a fɔ, “Yarɔ-sɔlɛ.” 30Wo kɔma, yesekara-wulan kirita min bole la, wo sɔrɔnta. Anu ya wo fanan tɔgɔ sa Sera bawo tɔgɛ wo kɔrɛ le iko mɔgɔ wa a fɔ, “Fen-wulen.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.