Ko-Dabirɛnu 45
45
Yusufu Nyɛrɛ-Raka-Koe A Kɔrɔnu Na
1 #
Kɛwɔlɛnu 7.13
Nba, Yuda ban kɛ fɔla, Yusufu ya a yen ko a ti ke a birala-a-rɔ tun ala wɔli-kɛlɛnu yala. A nyɛɛra ala wɔli-kɛlɛ wonu ma ko, “Wo ni wo bɔ yan.” Yusufu ye a nyɛrɛ rakala a kɔrɔnu na tumɛ min, mɔgɔ-gbɛrɛkɛ sa anu kurun tɔ fɔ anu gbansan! 2Yusufu dira ha Iyipiti kɛ minnu bi bɔn wola foolɛ rɔ, wonu ya a di-kɛ-kan wo lamɔɛn. Anu tora a fɔla ha mansɛla mɔgɛnu ya a lamɔɛn.
3Yusufu ya a fɔ a na-kelen-nyɔgɛnu ye ko, “Wo na-kelen-nyɔgɛ Yusufu le nde la. Ha bi, n fa ye a kɛndɛ la?” A na-kelen-nyɔgɛnu ma ke a yabila kamasɔrɔn anu kun ma ara tɛgɛ. Anu ma a lɔn nun ni Yusufu le.
4Yusufu ya a fɔ anu ye ko, “Wo yandi, wo ni wo gbɛrɛn n ma.” Anu ya anu madon a la. A ko, “Yusufu le nde la wo ya min mayira Iyipiti talɛnu ma. 5Wo kana wo nyɛrɛ ta-a-la hali ka kilan bawo wo ya n mayira kamasɔrɔn wole gba ma. Alla le ya n nana wo yarɔ yan alako n ni wo niyi lakisi. 6Kɔnkɔ-fitinɛ wo san fila nyɔgɛ le kɛ la mala nyamanɛ kɛ rɔ. A ara to a nyɔgɔn san loli tun kɔnkɔ-fitinɛ ye mala nyamanɛ kɛ rɔ. Sɛnɛ ti sa gbɛlɛyɛ bolo. Dɔn-fen-mumɛ ti taran mɔgɛ si min tɛgɛ. 7Alla le ya n nana wo yarɔ yan ka n ma wobɛ wola denbayɛnu anubɛ wo kegeyɛnu kisilɛ la.
8“Woletɔ wole ma n nana yan fɔ Alla. A ya n ma kun-tigi la Iyipiti nyamanɛ bɛɛ kun na ka n ma Iyipiti mansɛla kandɛ la. Iyipiti mumɛ bɛɛ ye nde le bolo.
9 #
Kɛwɔlɛnu 7.14
“Wo ni wo lakaliya tala n fa wara. Wo ni a fɔ a ye ko Alla ara ala den Yusufu ma kun-tigi-belebele la Iyipiti nyamanɛ rɔ. A ni na n bara. A kana mɛ. 10Kɔnɔ a tenbi nala, a ni na ala denbayɛnu na anubɛ ala kolo-fannu anubɛ a bolo-fan mumɛ bɛɛsi ka na anu sigi n dafɛ Kosɛn sigisɔn rɔ yan. 11Ni wo ye yan, n si ke le wo dɛnbɛna bawo kɔnkɔ-fitinɛ kɛ ara to gbɛ san loli. A ma di n ye wo ni tɔrɔya.”
12Wo kɔma, ale Yusufu ko, “Wo ni n mafɛlɛn bɛrɛbɛrɛkɛ katarala ile Bɛnyamɛ ma. Wo na-kelen-nyɔgɛ Yusufu, wo le nde la. 13Wo ni ta wo dantɛgɛ ma fa ye n bi fanka min tɔ yan Iyipiti nyamanɛ kɛ rɔ. Wo ara koe min bɛɛsi rayen yan tɔ, wo ni ta wo bɛɛsi rakaran a ye. Wo ni a fɔ a ye ko a ni a lakaliya nala.”
14Yusufu anubɛ a dɔgɔ Bɛnyamɛ ya anu nyɔgɔn bira gbuturu! Anu donta diyi-kɛ rɔ. 15Yusufu ye diyi-kɛ wo kun na, a ye a na-kelen-nyɔgɛnu kɔndɔnna ka anu sunbu. Wo kɔma, sikɛ bɔra a kɔrɔ wonu tɔ. Wo le ya a ma, anu kera kumala Yusufu la.
16Mɔgɛnu ya kɛ sura-kumɛ lamɔɛn mansɛ wola bɔn la ko Yusufu na-kelen-nyɔgɛnu bara na, wo diyara mansɛ anubɛ ala mɔgɔ-banu ye. 17Mansɛ ya a fɔ Yusufu ye ko, “A fɔ i na-kelen-nyɔgɛnu ye ko anu ni anuna dunɛnu takɛ ka anu kiri anuna sofɛlɛnu kɔ tɛma 18ka ta wo fa-kɛmɔgɔ-bi-tinɛ Kenan nyamanɛ rɔ. Anu ni na anuna denbayɛnu na yan tɔ. N si dugu-hakikɛ di anu ma yan anu si anu sigi kan min. N si a ma, anu ni dɔn-fen siyaman sɔrɔn.
19“Anu ni kirindi donu bi alako anu si ta anu fa anubɛ anuna dennɛnu anubɛ anuna musinu bi nya min ka na anu na yan tɔ. 20Ni anu bolo-fan minnu tora anu kɔma, anu kana hami wo fenfen na kamasɔrɔn ni anu kera yan, fen-hakikɛ min bi Iyipiti nyamanɛ rɔ yan, anutɛ le wonu na.”
21Yakobala dan wonu ya a ma iko Yusufu anubɛ mansɛ wo ya a fɔ anu ye nya min. Yusufu ya kirindinu don anu bolo anubɛ anuna kila-fandɛ. 22A ya fɛrɛya-bɔɛ di anu ma, anu si anu mayɛlɛma min tɔ. Kɔnɔ a ya wodi-gbɛ-gbu kɛmɛ sawa anubɛ kura loli di a dɔgɛ Bɛnyamɛ ma. 23A ya sofɛlɛ mogan lata a fa ma. Sofɛli-keima tan, wonu ma ta fenfen na fɔ Iyipiti nyamanɛ fen-nyimɛ donu. Sofɛli-musuma tan, wonu ma ta fenfen na fɔ a fa de-nyini fannu. 24Yusufu ya a na-kelen-nyɔgɛnu masara. A ya a fɔ anu ye ko, “Wo ni a ma wo fɛrɛma. Wo kana kɛlɛ kilɛ la de!”
25Anu bɔra Iyipiti nyamanɛ rɔ ka sɛgi anu fa Yakoba warɛ Kenan nyamanɛ rɔ. 26Anu ke anu fa ma, anu ya a fɔ a ye ko, “Yusufu ye a kɛndɛ la, yo! Ado nfan, ale le kun-tigiyɛ la Iyipiti nyamanɛ bɛɛ kun na.” Yakoba siginɛ tora tantulan! A ma la anu na hali! 27Yusufu ya a sara anu na kumɛ min bɛɛ la, anu ya wo dantɛgɛlɛ sa anu fa-kɛmɔgɛ ye. Yakoba ya kirindi wonu yen a yɛ la tumɛ min, Yusufu ya minnu nata a bi tinɛ, anu fa niyi bilara a rɔ tun. 28Yakoba ko, “Sobore, nna den Yusufu ye a kɛndɛ la. N ni ta a yen yanni n ni faga.”
Currently Selected:
Ko-Dabirɛnu 45: KCLB
Highlight
Share
Copy
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.
Ko-Dabirɛnu 45
45
Yusufu Nyɛrɛ-Raka-Koe A Kɔrɔnu Na
1 #
Kɛwɔlɛnu 7.13
Nba, Yuda ban kɛ fɔla, Yusufu ya a yen ko a ti ke a birala-a-rɔ tun ala wɔli-kɛlɛnu yala. A nyɛɛra ala wɔli-kɛlɛ wonu ma ko, “Wo ni wo bɔ yan.” Yusufu ye a nyɛrɛ rakala a kɔrɔnu na tumɛ min, mɔgɔ-gbɛrɛkɛ sa anu kurun tɔ fɔ anu gbansan! 2Yusufu dira ha Iyipiti kɛ minnu bi bɔn wola foolɛ rɔ, wonu ya a di-kɛ-kan wo lamɔɛn. Anu tora a fɔla ha mansɛla mɔgɛnu ya a lamɔɛn.
3Yusufu ya a fɔ a na-kelen-nyɔgɛnu ye ko, “Wo na-kelen-nyɔgɛ Yusufu le nde la. Ha bi, n fa ye a kɛndɛ la?” A na-kelen-nyɔgɛnu ma ke a yabila kamasɔrɔn anu kun ma ara tɛgɛ. Anu ma a lɔn nun ni Yusufu le.
4Yusufu ya a fɔ anu ye ko, “Wo yandi, wo ni wo gbɛrɛn n ma.” Anu ya anu madon a la. A ko, “Yusufu le nde la wo ya min mayira Iyipiti talɛnu ma. 5Wo kana wo nyɛrɛ ta-a-la hali ka kilan bawo wo ya n mayira kamasɔrɔn wole gba ma. Alla le ya n nana wo yarɔ yan alako n ni wo niyi lakisi. 6Kɔnkɔ-fitinɛ wo san fila nyɔgɛ le kɛ la mala nyamanɛ kɛ rɔ. A ara to a nyɔgɔn san loli tun kɔnkɔ-fitinɛ ye mala nyamanɛ kɛ rɔ. Sɛnɛ ti sa gbɛlɛyɛ bolo. Dɔn-fen-mumɛ ti taran mɔgɛ si min tɛgɛ. 7Alla le ya n nana wo yarɔ yan ka n ma wobɛ wola denbayɛnu anubɛ wo kegeyɛnu kisilɛ la.
8“Woletɔ wole ma n nana yan fɔ Alla. A ya n ma kun-tigi la Iyipiti nyamanɛ bɛɛ kun na ka n ma Iyipiti mansɛla kandɛ la. Iyipiti mumɛ bɛɛ ye nde le bolo.
9 #
Kɛwɔlɛnu 7.14
“Wo ni wo lakaliya tala n fa wara. Wo ni a fɔ a ye ko Alla ara ala den Yusufu ma kun-tigi-belebele la Iyipiti nyamanɛ rɔ. A ni na n bara. A kana mɛ. 10Kɔnɔ a tenbi nala, a ni na ala denbayɛnu na anubɛ ala kolo-fannu anubɛ a bolo-fan mumɛ bɛɛsi ka na anu sigi n dafɛ Kosɛn sigisɔn rɔ yan. 11Ni wo ye yan, n si ke le wo dɛnbɛna bawo kɔnkɔ-fitinɛ kɛ ara to gbɛ san loli. A ma di n ye wo ni tɔrɔya.”
12Wo kɔma, ale Yusufu ko, “Wo ni n mafɛlɛn bɛrɛbɛrɛkɛ katarala ile Bɛnyamɛ ma. Wo na-kelen-nyɔgɛ Yusufu, wo le nde la. 13Wo ni ta wo dantɛgɛ ma fa ye n bi fanka min tɔ yan Iyipiti nyamanɛ kɛ rɔ. Wo ara koe min bɛɛsi rayen yan tɔ, wo ni ta wo bɛɛsi rakaran a ye. Wo ni a fɔ a ye ko a ni a lakaliya nala.”
14Yusufu anubɛ a dɔgɔ Bɛnyamɛ ya anu nyɔgɔn bira gbuturu! Anu donta diyi-kɛ rɔ. 15Yusufu ye diyi-kɛ wo kun na, a ye a na-kelen-nyɔgɛnu kɔndɔnna ka anu sunbu. Wo kɔma, sikɛ bɔra a kɔrɔ wonu tɔ. Wo le ya a ma, anu kera kumala Yusufu la.
16Mɔgɛnu ya kɛ sura-kumɛ lamɔɛn mansɛ wola bɔn la ko Yusufu na-kelen-nyɔgɛnu bara na, wo diyara mansɛ anubɛ ala mɔgɔ-banu ye. 17Mansɛ ya a fɔ Yusufu ye ko, “A fɔ i na-kelen-nyɔgɛnu ye ko anu ni anuna dunɛnu takɛ ka anu kiri anuna sofɛlɛnu kɔ tɛma 18ka ta wo fa-kɛmɔgɔ-bi-tinɛ Kenan nyamanɛ rɔ. Anu ni na anuna denbayɛnu na yan tɔ. N si dugu-hakikɛ di anu ma yan anu si anu sigi kan min. N si a ma, anu ni dɔn-fen siyaman sɔrɔn.
19“Anu ni kirindi donu bi alako anu si ta anu fa anubɛ anuna dennɛnu anubɛ anuna musinu bi nya min ka na anu na yan tɔ. 20Ni anu bolo-fan minnu tora anu kɔma, anu kana hami wo fenfen na kamasɔrɔn ni anu kera yan, fen-hakikɛ min bi Iyipiti nyamanɛ rɔ yan, anutɛ le wonu na.”
21Yakobala dan wonu ya a ma iko Yusufu anubɛ mansɛ wo ya a fɔ anu ye nya min. Yusufu ya kirindinu don anu bolo anubɛ anuna kila-fandɛ. 22A ya fɛrɛya-bɔɛ di anu ma, anu si anu mayɛlɛma min tɔ. Kɔnɔ a ya wodi-gbɛ-gbu kɛmɛ sawa anubɛ kura loli di a dɔgɛ Bɛnyamɛ ma. 23A ya sofɛlɛ mogan lata a fa ma. Sofɛli-keima tan, wonu ma ta fenfen na fɔ Iyipiti nyamanɛ fen-nyimɛ donu. Sofɛli-musuma tan, wonu ma ta fenfen na fɔ a fa de-nyini fannu. 24Yusufu ya a na-kelen-nyɔgɛnu masara. A ya a fɔ anu ye ko, “Wo ni a ma wo fɛrɛma. Wo kana kɛlɛ kilɛ la de!”
25Anu bɔra Iyipiti nyamanɛ rɔ ka sɛgi anu fa Yakoba warɛ Kenan nyamanɛ rɔ. 26Anu ke anu fa ma, anu ya a fɔ a ye ko, “Yusufu ye a kɛndɛ la, yo! Ado nfan, ale le kun-tigiyɛ la Iyipiti nyamanɛ bɛɛ kun na.” Yakoba siginɛ tora tantulan! A ma la anu na hali! 27Yusufu ya a sara anu na kumɛ min bɛɛ la, anu ya wo dantɛgɛlɛ sa anu fa-kɛmɔgɛ ye. Yakoba ya kirindi wonu yen a yɛ la tumɛ min, Yusufu ya minnu nata a bi tinɛ, anu fa niyi bilara a rɔ tun. 28Yakoba ko, “Sobore, nna den Yusufu ye a kɛndɛ la. N ni ta a yen yanni n ni faga.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.