Ko-Dabirɛnu 9
9
Alla ya Lanyiri Min Kiri Nowa Ye
1 #
Ko-Dabirɛnu 1.28
Alla ya ata duwɛ layigi Nowa anubɛ ala dannu kuma ka a fɔ anu ye ko, “Wo ni yiri bui ka dugu-kole lafa tun. 2Nima-fan bɛɛ si kilan wo la, a sogo wo, a kona wo, a yɛgɛ wo. N bara wonu ma wotɛ la. 3Nima-fan min bɛɛ ye dugu-kole kuma, wonu si ma dɔn-fan la wo ye. N bara nima-fan bɛɛ di wo ma iko n ya fui-fannu di wo ma nya min nun.” 4#Saraka-Masɔlɛnuta Tɔnnu 7.26-27; 17.10-14; 19.26; Tɔn-Fɔɛ-Fila-Nyɔgɛ 12.16, 23; 15.23 Alla ya a fɔ Nowa ye tun ko, “Kɔnɔ wo kana soge anubɛ a yele dɔn mumɛ kamasɔrɔn niyi ye a yele wo le tɔ. 5Ni min ya a ta-nyɔgɛ faga, wo fanan ni faga. Ni soge min ya hadama-dan faga, wo fanan si faga. 6#Ko-Dabirɛnu 1.26; Bɔ-Koe-Iyipiti 20.13 Bawo nde, Alla ya mɔgɛ dan n nyɛrɛla muninyɛ le tɔ, woletɔ ni min ya a ta-nyɔgɛ niyi bɔ, mɔgɛ do si wo fanan niyi bɔ. 7#Ko-Dabirɛnu 1.28 Nba, wo ni to dannu sɔrɔnna alako wo kebilɛnu ni taran dugu-kole kan tinɛ bɛɛ rɔ.”
8Alla ya a fɔ Nowa anubɛ ala den-keinu ye ko, 9“N bara nta lanyiri kɛ kiri wobɛ wo bɔnsɔnnu ye 10anubɛ nima-fan bɛɛsi min bɛɛ bɔra kulɔn rɔ, kona wo, sogo wo. 11N bara nta lanyiri kiri wo ye ko n ti duninya halaki yi la tun. N ti wo ma muk!”
12Alla ya a fɔ tun ko, “N bi nta lanyiri min kirila wobɛ wo bɔnsɔn anubɛ nima-fannu ye, 13wo tamasere si ma san-duri#9.13 San-duri: Kurankɔɛ donu si a fɔ ko, “Sanma-yili.” la n bara min sa san ma wo la. 14N ba bandɛ lafin tumɛ min, wo kɔma, wo ni san-duri yen san ma, 15-16wo ni a lɔn wo rɔ ko n bara n hɛnkili lamiri habadan-lanyiri kɛ ma, n ya min kiri wobɛ nima-fan bɛɛsi ye ko n ti duninya halaki yi la tun.”
17Alla ya a fɔ Nowa ye tun ko, “N bara lanyiri min kiri mabɛ nima-fan bɛɛsi tɛma dugu-kole kuma, wo tamasere le san-duri kɛ la.”
Nowa anubɛ Ala Dannu Bara-Koe
18-19Nowala dan minnu bɔra kulɔn rɔ, wonu tɔgɛ le kɛnu na, Sɛma wo, Hama wo, anubɛ Yefɛti. Hamala den-kei, wo tɔgɛ le Kenan. Den mɔgɔ sawɛ kɛnu denu yirita ka dugu-kole lafa.
20Nowa le ya sɛni-sɛ dabira. Ale fɔlɔn ya nɔnbɔ-gbɔ-kuri-kiyi dabira. 21A ya nɔnbɔ-gbɔ-yi wo do min. Wo ya a bira. A lakolɔn sani tora ala fani-bɔn la. 22Kenan fa Hama, wo le ya a fa Nowa lakolɔn yen. A tara wo fɔ a na-kelen-nyɔgɔn mɔgɔ filɛnu ye luyi ma. 23Sɛma anubɛ Yefɛti ya duruku-ba-wɛ bira anu kan kɔma. Anu sɛgira anu kɔma kilɛ la ka anu fa sutura. Anu ma anu yɛ sɔ anu fa la alako anu kana na a lakolɔn yen.
24Nɔnbɔ-gbɔ-yi bɔra Nowa yɛ la tumɛ min, a nara to a lɔnna ala den Hama ya min ma a la.
25A ya a fɔ wo rɔ ko,
“Hamala den Kenan anubɛ a bɔnsɔn si ma dankatoenu na.
Anu si ma yɔɔnnu na Sɛma anubɛ Yefɛti bɔnsɔnnu kɔrɔ.”
26“Ma ni baraka bira Sɛmata Mari Alla ye.
Alamɛ Kenan bɔnsɔn mara yɔɔnnu na Sɛma bɔnsɔn kɔrɔ.”
27“Alamɛ Yefɛti bɔnsɔn siyayara.
Alamɛ Sɛma bɔnsɔn anubɛ Yefɛti bɔnsɔn sigira kan-tina-kelen,
kɔnɔ Kenan bɔnsɔn si ma yɔɔnnu na Yefɛti bɔnsɔn fanan kɔrɔ.”
28Nowa ya san kɛmɛ sawa ani san bi-loli (350) bɔ yita-kasarɛ kɔma. 29Nowa siyi-tele-bɛɛ bɛnta san kɛmɛ kɔnɔntɔ ani san bi-loli (950) ma, a nara to fagala.
Currently Selected:
Ko-Dabirɛnu 9: KCLB
Highlight
Share
Copy
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.
Ko-Dabirɛnu 9
9
Alla ya Lanyiri Min Kiri Nowa Ye
1 #
Ko-Dabirɛnu 1.28
Alla ya ata duwɛ layigi Nowa anubɛ ala dannu kuma ka a fɔ anu ye ko, “Wo ni yiri bui ka dugu-kole lafa tun. 2Nima-fan bɛɛ si kilan wo la, a sogo wo, a kona wo, a yɛgɛ wo. N bara wonu ma wotɛ la. 3Nima-fan min bɛɛ ye dugu-kole kuma, wonu si ma dɔn-fan la wo ye. N bara nima-fan bɛɛ di wo ma iko n ya fui-fannu di wo ma nya min nun.” 4#Saraka-Masɔlɛnuta Tɔnnu 7.26-27; 17.10-14; 19.26; Tɔn-Fɔɛ-Fila-Nyɔgɛ 12.16, 23; 15.23 Alla ya a fɔ Nowa ye tun ko, “Kɔnɔ wo kana soge anubɛ a yele dɔn mumɛ kamasɔrɔn niyi ye a yele wo le tɔ. 5Ni min ya a ta-nyɔgɛ faga, wo fanan ni faga. Ni soge min ya hadama-dan faga, wo fanan si faga. 6#Ko-Dabirɛnu 1.26; Bɔ-Koe-Iyipiti 20.13 Bawo nde, Alla ya mɔgɛ dan n nyɛrɛla muninyɛ le tɔ, woletɔ ni min ya a ta-nyɔgɛ niyi bɔ, mɔgɛ do si wo fanan niyi bɔ. 7#Ko-Dabirɛnu 1.28 Nba, wo ni to dannu sɔrɔnna alako wo kebilɛnu ni taran dugu-kole kan tinɛ bɛɛ rɔ.”
8Alla ya a fɔ Nowa anubɛ ala den-keinu ye ko, 9“N bara nta lanyiri kɛ kiri wobɛ wo bɔnsɔnnu ye 10anubɛ nima-fan bɛɛsi min bɛɛ bɔra kulɔn rɔ, kona wo, sogo wo. 11N bara nta lanyiri kiri wo ye ko n ti duninya halaki yi la tun. N ti wo ma muk!”
12Alla ya a fɔ tun ko, “N bi nta lanyiri min kirila wobɛ wo bɔnsɔn anubɛ nima-fannu ye, 13wo tamasere si ma san-duri#9.13 San-duri: Kurankɔɛ donu si a fɔ ko, “Sanma-yili.” la n bara min sa san ma wo la. 14N ba bandɛ lafin tumɛ min, wo kɔma, wo ni san-duri yen san ma, 15-16wo ni a lɔn wo rɔ ko n bara n hɛnkili lamiri habadan-lanyiri kɛ ma, n ya min kiri wobɛ nima-fan bɛɛsi ye ko n ti duninya halaki yi la tun.”
17Alla ya a fɔ Nowa ye tun ko, “N bara lanyiri min kiri mabɛ nima-fan bɛɛsi tɛma dugu-kole kuma, wo tamasere le san-duri kɛ la.”
Nowa anubɛ Ala Dannu Bara-Koe
18-19Nowala dan minnu bɔra kulɔn rɔ, wonu tɔgɛ le kɛnu na, Sɛma wo, Hama wo, anubɛ Yefɛti. Hamala den-kei, wo tɔgɛ le Kenan. Den mɔgɔ sawɛ kɛnu denu yirita ka dugu-kole lafa.
20Nowa le ya sɛni-sɛ dabira. Ale fɔlɔn ya nɔnbɔ-gbɔ-kuri-kiyi dabira. 21A ya nɔnbɔ-gbɔ-yi wo do min. Wo ya a bira. A lakolɔn sani tora ala fani-bɔn la. 22Kenan fa Hama, wo le ya a fa Nowa lakolɔn yen. A tara wo fɔ a na-kelen-nyɔgɔn mɔgɔ filɛnu ye luyi ma. 23Sɛma anubɛ Yefɛti ya duruku-ba-wɛ bira anu kan kɔma. Anu sɛgira anu kɔma kilɛ la ka anu fa sutura. Anu ma anu yɛ sɔ anu fa la alako anu kana na a lakolɔn yen.
24Nɔnbɔ-gbɔ-yi bɔra Nowa yɛ la tumɛ min, a nara to a lɔnna ala den Hama ya min ma a la.
25A ya a fɔ wo rɔ ko,
“Hamala den Kenan anubɛ a bɔnsɔn si ma dankatoenu na.
Anu si ma yɔɔnnu na Sɛma anubɛ Yefɛti bɔnsɔnnu kɔrɔ.”
26“Ma ni baraka bira Sɛmata Mari Alla ye.
Alamɛ Kenan bɔnsɔn mara yɔɔnnu na Sɛma bɔnsɔn kɔrɔ.”
27“Alamɛ Yefɛti bɔnsɔn siyayara.
Alamɛ Sɛma bɔnsɔn anubɛ Yefɛti bɔnsɔn sigira kan-tina-kelen,
kɔnɔ Kenan bɔnsɔn si ma yɔɔnnu na Yefɛti bɔnsɔn fanan kɔrɔ.”
28Nowa ya san kɛmɛ sawa ani san bi-loli (350) bɔ yita-kasarɛ kɔma. 29Nowa siyi-tele-bɛɛ bɛnta san kɛmɛ kɔnɔntɔ ani san bi-loli (950) ma, a nara to fagala.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.