Ɛksodɔs 22
22
Di Lɔ Bɔt Aw Fɔ Pe Dɛt
1“If pɔsin tif kaw ɔ ship ɛn kil am ɔ sɛl am, i fɔ pe fayv kaw fɔ wan kaw, ɛn fo ship fɔ wan ship. 2 If dɛn fɛn di animal layf wan nain an, i lɛk na kaw o, dɔŋki o, ɔ ship o, i fɔ pe dɔbul.
3 If tif man brok os na nɛt ɛn tif dɔn dɛn kech am, bit am ɛn kil am, dɛn wan we kil am nɔ gilti ɔf mɔda. 4 Bɔt if na santɛm i tif, dɔn dɛn kil am, dɛn wan we kil am gilti ɔf mɔda.
5If pɔsin lɛf in animal dɛn fɔ go nain kɔmpin in fam ɔ in vayn gadin, dɔn di animal dɛn it in plant ɛn pwɛl ɔltin, di wan we gɛt di animal dɛn fɔ pe bak. I fɔ gi di bɛst pat pan wetin i avɛst nain fam ɛn in vayn gadin.
6“If pɔsin layt faya fɔ bɔn in fam, dɔn di faya transfa nain kɔmpin in yon fam te i bɔn di it we i plant ɛn di wan we i dɔn kip, i fɔ pe bak fɔ ɔl wetin di faya pwɛl.
7“If pɔsin gi in kɔmpin mɔni ɔ tin fɔ kip, dɔn tifman go brok di os ɛn tif am, if dɛn kech di tifman, i fɔ pe dɔbul fɔ wetin i tif. 8Bɔt if dɛn nɔ kech di tifman, di pɔsin we nain an dɛn tif di tin dɛn, fɔ go na di ples we dɛn de wɔship PAPA GƆD ɛn swɛ se in an klin, ɛn in nɔ tampa wit in kɔmpin in prɔpati.
9“Fɔ ɛni kes we pipul dɛn gɛt fɔ prɔpati biznɛs, wɛda na fɔ kaw, dɔŋki, ship, klos, ɔ fɔ ɛnitin we lɔs, we di tu pati de se na dɛn gɛt am, dɛn fɔ kɛr dɛn go bifo PAPA GƆD. Di wan we PAPA GƆD se gilti fɔ pe dɔbul to in kɔmpin.
10“If ɛnibɔdi gi in kɔmpin dɔŋki ɔ kaw ɔ ship ɔ ɛni ɔda animal fɔ kip, dɔn di animal day, ɔ i wund ɔ i lɔs in we dɔn nɔbɔdi nɔ si am, 11di pɔsin we nain dɛn gi di animal fɔ kip fɔ go na di ples we dɛn de wɔship PAPA GƆD, ɛn swɛ se in an klin, in nɔ tampa wit in kɔmpin in prɔpati. Di pɔsin we gɛt di animal fɔ biliv wetin i se. Di wan we nain an di tin lɔs nɔ fɔ pe natin. 12Bɔt if na tif dɛn tif di animal, di wan we nain dɛn gi fɔ kip fɔ pe bak. 13Bɔt if na wayl animal dɛn kil am i fɔ briŋ di day wan kam as ɛvidɛns, ɛn i nɔ fɔ pe natin.
14“If pɔsin lɛnt animal to in kɔmpin dɔn di animal wund ɔ day, usay di wan we gɛt am nɔ de, di wan we lɛnt am fɔ pe fɔ am. 15Bɔt if di animal day usay di wan we gɛt am de, i nɔ fɔ pe natin. If na rɛnt dɛn bin rɛnt di animal, di mɔni we dɛn pe fɔ rɛnt am dɔn kɔba fɔ in day.
Ɔda Lɔ Dɛn Bɔt Aw Fɔ Liv
16“If man luk yɔŋ uman we na vajin we nɔ gɛt man, dɔn i kɔnvins am te i vajinet am, i fɔ pe di mɔni we dɛn kin pe fɔ mared uman, ɛn mared am. 17Bɔt if di uman in papa nɔ gri fɔ lɛ i mared am, i fɔ pe di mɔni nɔmɔ we dɛn kin pe fɔ mared vajin. 18Ɛni uman we de wich, una fɔ kil am.
19“Ɛni man we lidɔm wit animal, dɛn fɔ kil am.
20“Ɛnibɔdi we ɔfa sakrifays to ɛni gɔd apat frɔm mi PAPA GƆD we na PAPA GƆD, fɔ day.
21Una nɔ fɔ mɔlɛs ɛni fɔrina ɔ trit am bad bikɔs una sɛf na bin fɔrina na Ijipt. 22Una nɔ fɔ tek advantej pan ɛni uman we in man dɔn day, ɔ pikin we nɔ gɛt papa. 23If una ambɔg dɛn dɔn dɛn kray to mi, a go yɛri dɛn kray, 24mi at go wam, dɔn a go mek una day na wa. A go mek unasɛf yon wɛf dɛn man dɛn day, dɔn una pikin dɛnsɛf nɔ go gɛt papa.
25“If wan pan una kɔmpin dɛn we po go lɛnt mɔni to una, una nɔ biev lɛkɛ se una na biznɛsman ɛn put intrɛst pan di kɔpɔ. 26If sɔmbɔdi go plɛj in blankit to yu fɔ mɔni, yu fɔ gi am bak ivintɛm, 27bikɔs nain nɔmɔ i gɛt fɔ tek kɔba we di ples kol. If yu nɔ gi am aw yu want fɔ lɛ i slip? If i kray to mi, a go ansa in prea bikɔs mi na PAPA GƆD we de sho masi.
28“Una nɔ fɔ tɔk bad bɔt PAPA GƆD ɔ di wan dɛn we de lid una.
29“Una nɔ fɔ olɔp mi we una avɛst una plant, wayn ɛn ɔliv ɔyl.
Na mi gɛt una fɔs-bɔy-pikin dɛn. 30Una fɔ gi mi di fɔs wan we una kaw, ship ɛn got bɔn. Una fɔ lɛf dɛn we dɛn jɛs bɔn to dɛn mami dɛn fɔs fɔ sɛvin de, dɔn di de we mek et una fɔ gi mi dɛn.
31“Una na man dɛn we oli to mi, so una nɔ fɔ it ɛni animal we wayl animal kil na bush; bifo dat una gi dɛn dɔg fɔ it.
Currently Selected:
Ɛksodɔs 22: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Ɛksodɔs 22
22
Di Lɔ Bɔt Aw Fɔ Pe Dɛt
1“If pɔsin tif kaw ɔ ship ɛn kil am ɔ sɛl am, i fɔ pe fayv kaw fɔ wan kaw, ɛn fo ship fɔ wan ship. 2 If dɛn fɛn di animal layf wan nain an, i lɛk na kaw o, dɔŋki o, ɔ ship o, i fɔ pe dɔbul.
3 If tif man brok os na nɛt ɛn tif dɔn dɛn kech am, bit am ɛn kil am, dɛn wan we kil am nɔ gilti ɔf mɔda. 4 Bɔt if na santɛm i tif, dɔn dɛn kil am, dɛn wan we kil am gilti ɔf mɔda.
5If pɔsin lɛf in animal dɛn fɔ go nain kɔmpin in fam ɔ in vayn gadin, dɔn di animal dɛn it in plant ɛn pwɛl ɔltin, di wan we gɛt di animal dɛn fɔ pe bak. I fɔ gi di bɛst pat pan wetin i avɛst nain fam ɛn in vayn gadin.
6“If pɔsin layt faya fɔ bɔn in fam, dɔn di faya transfa nain kɔmpin in yon fam te i bɔn di it we i plant ɛn di wan we i dɔn kip, i fɔ pe bak fɔ ɔl wetin di faya pwɛl.
7“If pɔsin gi in kɔmpin mɔni ɔ tin fɔ kip, dɔn tifman go brok di os ɛn tif am, if dɛn kech di tifman, i fɔ pe dɔbul fɔ wetin i tif. 8Bɔt if dɛn nɔ kech di tifman, di pɔsin we nain an dɛn tif di tin dɛn, fɔ go na di ples we dɛn de wɔship PAPA GƆD ɛn swɛ se in an klin, ɛn in nɔ tampa wit in kɔmpin in prɔpati.
9“Fɔ ɛni kes we pipul dɛn gɛt fɔ prɔpati biznɛs, wɛda na fɔ kaw, dɔŋki, ship, klos, ɔ fɔ ɛnitin we lɔs, we di tu pati de se na dɛn gɛt am, dɛn fɔ kɛr dɛn go bifo PAPA GƆD. Di wan we PAPA GƆD se gilti fɔ pe dɔbul to in kɔmpin.
10“If ɛnibɔdi gi in kɔmpin dɔŋki ɔ kaw ɔ ship ɔ ɛni ɔda animal fɔ kip, dɔn di animal day, ɔ i wund ɔ i lɔs in we dɔn nɔbɔdi nɔ si am, 11di pɔsin we nain dɛn gi di animal fɔ kip fɔ go na di ples we dɛn de wɔship PAPA GƆD, ɛn swɛ se in an klin, in nɔ tampa wit in kɔmpin in prɔpati. Di pɔsin we gɛt di animal fɔ biliv wetin i se. Di wan we nain an di tin lɔs nɔ fɔ pe natin. 12Bɔt if na tif dɛn tif di animal, di wan we nain dɛn gi fɔ kip fɔ pe bak. 13Bɔt if na wayl animal dɛn kil am i fɔ briŋ di day wan kam as ɛvidɛns, ɛn i nɔ fɔ pe natin.
14“If pɔsin lɛnt animal to in kɔmpin dɔn di animal wund ɔ day, usay di wan we gɛt am nɔ de, di wan we lɛnt am fɔ pe fɔ am. 15Bɔt if di animal day usay di wan we gɛt am de, i nɔ fɔ pe natin. If na rɛnt dɛn bin rɛnt di animal, di mɔni we dɛn pe fɔ rɛnt am dɔn kɔba fɔ in day.
Ɔda Lɔ Dɛn Bɔt Aw Fɔ Liv
16“If man luk yɔŋ uman we na vajin we nɔ gɛt man, dɔn i kɔnvins am te i vajinet am, i fɔ pe di mɔni we dɛn kin pe fɔ mared uman, ɛn mared am. 17Bɔt if di uman in papa nɔ gri fɔ lɛ i mared am, i fɔ pe di mɔni nɔmɔ we dɛn kin pe fɔ mared vajin. 18Ɛni uman we de wich, una fɔ kil am.
19“Ɛni man we lidɔm wit animal, dɛn fɔ kil am.
20“Ɛnibɔdi we ɔfa sakrifays to ɛni gɔd apat frɔm mi PAPA GƆD we na PAPA GƆD, fɔ day.
21Una nɔ fɔ mɔlɛs ɛni fɔrina ɔ trit am bad bikɔs una sɛf na bin fɔrina na Ijipt. 22Una nɔ fɔ tek advantej pan ɛni uman we in man dɔn day, ɔ pikin we nɔ gɛt papa. 23If una ambɔg dɛn dɔn dɛn kray to mi, a go yɛri dɛn kray, 24mi at go wam, dɔn a go mek una day na wa. A go mek unasɛf yon wɛf dɛn man dɛn day, dɔn una pikin dɛnsɛf nɔ go gɛt papa.
25“If wan pan una kɔmpin dɛn we po go lɛnt mɔni to una, una nɔ biev lɛkɛ se una na biznɛsman ɛn put intrɛst pan di kɔpɔ. 26If sɔmbɔdi go plɛj in blankit to yu fɔ mɔni, yu fɔ gi am bak ivintɛm, 27bikɔs nain nɔmɔ i gɛt fɔ tek kɔba we di ples kol. If yu nɔ gi am aw yu want fɔ lɛ i slip? If i kray to mi, a go ansa in prea bikɔs mi na PAPA GƆD we de sho masi.
28“Una nɔ fɔ tɔk bad bɔt PAPA GƆD ɔ di wan dɛn we de lid una.
29“Una nɔ fɔ olɔp mi we una avɛst una plant, wayn ɛn ɔliv ɔyl.
Na mi gɛt una fɔs-bɔy-pikin dɛn. 30Una fɔ gi mi di fɔs wan we una kaw, ship ɛn got bɔn. Una fɔ lɛf dɛn we dɛn jɛs bɔn to dɛn mami dɛn fɔs fɔ sɛvin de, dɔn di de we mek et una fɔ gi mi dɛn.
31“Una na man dɛn we oli to mi, so una nɔ fɔ it ɛni animal we wayl animal kil na bush; bifo dat una gi dɛn dɔg fɔ it.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.