Ɛksodɔs 25
25
Di Matirial Dɛn We Dɛn Gi Fɔ Bil Di Tabanakul
(Ɛksodɔs 35:4-6)
1PAPA GƆD tɔk to Mozis. I se, 2“Tɛl di Izrɛlayt dɛn se lɛ ɔlman mek kɔntribyushɔn fɔ mi. Ɛnibɔdi we want gi sɔntin fɔ kɛr am go to yu. 3Di tin dɛn we yu fɔ tek na dɛn an na: gold, silva, ɛn bras; 4yu fɔ tek blu, pɔpul ɛn rɛd wul matirial wit matirial we na got ia dɛn tek mek am. 5Yu fɔ tek ship kanda we dɛn day wit rɛd; got kanda, akeshia bod,#25:5 Akeshia bod Na bod we bɔgbɔg nɔ de it. I gɛt ɔrenj kɔla ɛn fayn fɔ mek fɔnichɔ. 6ɔyl fɔ di lamp dɛn, difrɛn plant dɛn wit fayn smɛl fɔ mek di ɔyl we fɔ tek anɔynt, ɛn insɛns, 7ɔniks ston, ɔda ston dɛn fɔ di eprɔn we di edman pan di man dɛn we de mek sakrifays fɔ pipul sin de wɛr, ɛn fɔ di pawch we kin ɛŋ nain chɛst we na de i de kip di Yurim ɛn di Thumim.#25:7 Yurim ɛn Thumim Di tin we udat de lukgrɔn de yuz fɔ no wetin PAPA GƆD se bɔt dɛn. 8Di pipul dɛn fɔ mek wan spɛshal ples fɔ mi we na de a go de. 9Yu fɔ mek am akɔdin to di plan we a go gi yu ɛn put ɔl wetin a se fɔ put de.
Di Kɔvinant Bɔks
(Ɛksodɔs 37:1-9)
10Na akeshia bod una fɔ tek mek di bɔks. I fɔ bi fɔti fayv inchis lɔŋ, twɛnti sɛvin inchis wayd ɛn twɛnti-sɛvin inchis ay. 11Una fɔ kɔba am wit piɔ gold insay ɛn ɔlɔbɔt rawnd am. 12Una fɔ mek fo gold riŋ dɛn ɛn una go fiks tu na ɔl di sayd dɛn. 13Dɔn una fɔ tek akeshia tik mek pol dɛn ɛn kɔba dɛn wit gold. 14Una fɔ wɛr di pol dɛn insay di riŋ na di bɔks in sayd. Na so una go du fɔ tot di bɔks. 15Di pol dɛn fɔ lɛf pan di riŋ na di bɔks ɛn dɛn nɔ fɔ kɔmɔt de. 16Una fɔ put di tu ston tablɛt dɛn we di kɔmandmɛnt dɛn rayt pan insay di bɔks.
17“Una fɔ mek gold kɔba fɔ di bɔks. I fɔ bi fɔti-fayv inchis lɔŋ ɛn twɛnti-sɛvin inchis wayd. 18Una fɔ mek tu gold chɛryubim#25:18 Chɛryubim Na krichɔ dɛn we gɛt fɛda. Dɛn kin bi af mɔtalman-af krichɔ. Dɛn fɔ ama fayn lɛ gɛt fayn shep, 19ɛn put dɛn pantap di bɔks in kɔba. Wan pan di Chɛryubim fɔ de na wan say, dɔn di ɔda wande na di ɔda say. Dɛn fɔ fasin pan di bɔks in kɔba. 20Di Chɛryubim fɔ tret dɛn fɛda ɔp lɛ dɛn kɔba di bɔks in kɔba, ɛn dɛn fɔ tɔn dɛn fes to dɛn kɔmpin. Dɛn fɔ bɛn dɛn fɔs dɛn dɔŋ de luk di bɔks in kɔba. 21Yu fɔ put di tu ston tablɛt dɛn insay di bɔks ɛn tek di kɔba, kɔba am. 22A go de kam dɔŋ de kam mit yu. A go de oba di kɔba midul di tu Chɛryubim we de pantap di bɔks. Na de a go de fɔ de tɔk wit yu ɛn gi yu ɔl mi lɔ dɛn fɔ di Izrɛlayt dɛn.
Di Tebul Fɔ Di Bred We Dɛn De Gi To PAPA GƆD
(Ɛksodɔs 37:10-16)
23“Tek akeshia bod mek tebul. I fɔ bi tati-et inchis lɔŋ, etin inchis wayd, ɛn twɛnti-sɛvin inchis ay. 24Yu fɔ kɔba am wit piɔ gold ɛn di ɛj dɛn ɔl fɔ bi gold. 25Yu fɔ mek gold frem rawnd am. Di frem fɔ bi tri inchis wayd. 26Mek fo riŋ ɛn put dɛn na di fo kɔna pan di tebul nia in fut dɛn. 27Nainsay dɛn riŋ dɛn de, di pol dɛn fɔ pas fɔ tot di tebul. 28Di tik dɛn fɔ bi akeshia bod, ɛn dɛn fɔ kɔba wit gold. 29Mek plet, kɔp, jɔg ɛn bol dɛn fɔ mek wayn sakrifays. Ɔl dɛn tin yaso fɔ bi gold. 30Yu fɔ put di bred we fɔ ɔfa to PAPA GƆD na di tebul fɔ mi ɛvri de, ɛn di tebul nɔ fɔ kɔmɔt bifo di Kɔvinant bɔks.
Di Stand Fɔ Put Lamp
(Ɛksodɔs 37:17-24)
31“Yu fɔ mek stand fɔ put lamp wit piɔ gold. Dɛn fɔ mol am fayn ɛn gi am fayn shep. Di kɔp fɔ di ɔyl, ɛn di flawa dɛn we dɛn de tek dɛkɔret am ɔl fɔ fasin pan am. 32I fɔ gɛt siks an dɛn, di lɛft fɔ gɛt tri, di rayt gɛt tri. 33Kav siks kɔp we shep lɛkɛ almɔn flawa wit in lif dɛn ɔl rawnd am; di lɛft fɔ gɛt tri, dɔn di rayt gɛt tri. 34Di stand fɔ put di lamp in men stɛm fɔ gɛt tu fayn almɔn flawa wit lif ɛn flawa we wan bɔs. 35I fɔ gɛt wan smɔl flawa we wan bɔs ɔnda ɔl di big almɔn flawa dɛn na di ɔda an dɛn. 36Di stand fɔ di lamp in kɔp, in flawa, in an dɛn, ɔl fɔ bi wan pis piɔ gold we dɛn mol fayn, fayn wan. 37Mek sɛvin lamp fɔ di stand ɛn put dɛn pantap am fɔ lɛ dɛn go de sho layt bifo. 38Di sizɔs fɔ trim di wik, ɛn di tre dɛnsɛf fɔ bi piɔ gold. 39Na bɔt sɔm tati-fo kilo gold yu fɔ yuz fɔ mek di stand fɔ di lamp ɛn ɔl wetin fɔ yuz pan am. 40Tek tɛm mek am lɛkɛ aw a sho yu ɔp di mawnten fɔ mek am.
Currently Selected:
Ɛksodɔs 25: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Ɛksodɔs 25
25
Di Matirial Dɛn We Dɛn Gi Fɔ Bil Di Tabanakul
(Ɛksodɔs 35:4-6)
1PAPA GƆD tɔk to Mozis. I se, 2“Tɛl di Izrɛlayt dɛn se lɛ ɔlman mek kɔntribyushɔn fɔ mi. Ɛnibɔdi we want gi sɔntin fɔ kɛr am go to yu. 3Di tin dɛn we yu fɔ tek na dɛn an na: gold, silva, ɛn bras; 4yu fɔ tek blu, pɔpul ɛn rɛd wul matirial wit matirial we na got ia dɛn tek mek am. 5Yu fɔ tek ship kanda we dɛn day wit rɛd; got kanda, akeshia bod,#25:5 Akeshia bod Na bod we bɔgbɔg nɔ de it. I gɛt ɔrenj kɔla ɛn fayn fɔ mek fɔnichɔ. 6ɔyl fɔ di lamp dɛn, difrɛn plant dɛn wit fayn smɛl fɔ mek di ɔyl we fɔ tek anɔynt, ɛn insɛns, 7ɔniks ston, ɔda ston dɛn fɔ di eprɔn we di edman pan di man dɛn we de mek sakrifays fɔ pipul sin de wɛr, ɛn fɔ di pawch we kin ɛŋ nain chɛst we na de i de kip di Yurim ɛn di Thumim.#25:7 Yurim ɛn Thumim Di tin we udat de lukgrɔn de yuz fɔ no wetin PAPA GƆD se bɔt dɛn. 8Di pipul dɛn fɔ mek wan spɛshal ples fɔ mi we na de a go de. 9Yu fɔ mek am akɔdin to di plan we a go gi yu ɛn put ɔl wetin a se fɔ put de.
Di Kɔvinant Bɔks
(Ɛksodɔs 37:1-9)
10Na akeshia bod una fɔ tek mek di bɔks. I fɔ bi fɔti fayv inchis lɔŋ, twɛnti sɛvin inchis wayd ɛn twɛnti-sɛvin inchis ay. 11Una fɔ kɔba am wit piɔ gold insay ɛn ɔlɔbɔt rawnd am. 12Una fɔ mek fo gold riŋ dɛn ɛn una go fiks tu na ɔl di sayd dɛn. 13Dɔn una fɔ tek akeshia tik mek pol dɛn ɛn kɔba dɛn wit gold. 14Una fɔ wɛr di pol dɛn insay di riŋ na di bɔks in sayd. Na so una go du fɔ tot di bɔks. 15Di pol dɛn fɔ lɛf pan di riŋ na di bɔks ɛn dɛn nɔ fɔ kɔmɔt de. 16Una fɔ put di tu ston tablɛt dɛn we di kɔmandmɛnt dɛn rayt pan insay di bɔks.
17“Una fɔ mek gold kɔba fɔ di bɔks. I fɔ bi fɔti-fayv inchis lɔŋ ɛn twɛnti-sɛvin inchis wayd. 18Una fɔ mek tu gold chɛryubim#25:18 Chɛryubim Na krichɔ dɛn we gɛt fɛda. Dɛn kin bi af mɔtalman-af krichɔ. Dɛn fɔ ama fayn lɛ gɛt fayn shep, 19ɛn put dɛn pantap di bɔks in kɔba. Wan pan di Chɛryubim fɔ de na wan say, dɔn di ɔda wande na di ɔda say. Dɛn fɔ fasin pan di bɔks in kɔba. 20Di Chɛryubim fɔ tret dɛn fɛda ɔp lɛ dɛn kɔba di bɔks in kɔba, ɛn dɛn fɔ tɔn dɛn fes to dɛn kɔmpin. Dɛn fɔ bɛn dɛn fɔs dɛn dɔŋ de luk di bɔks in kɔba. 21Yu fɔ put di tu ston tablɛt dɛn insay di bɔks ɛn tek di kɔba, kɔba am. 22A go de kam dɔŋ de kam mit yu. A go de oba di kɔba midul di tu Chɛryubim we de pantap di bɔks. Na de a go de fɔ de tɔk wit yu ɛn gi yu ɔl mi lɔ dɛn fɔ di Izrɛlayt dɛn.
Di Tebul Fɔ Di Bred We Dɛn De Gi To PAPA GƆD
(Ɛksodɔs 37:10-16)
23“Tek akeshia bod mek tebul. I fɔ bi tati-et inchis lɔŋ, etin inchis wayd, ɛn twɛnti-sɛvin inchis ay. 24Yu fɔ kɔba am wit piɔ gold ɛn di ɛj dɛn ɔl fɔ bi gold. 25Yu fɔ mek gold frem rawnd am. Di frem fɔ bi tri inchis wayd. 26Mek fo riŋ ɛn put dɛn na di fo kɔna pan di tebul nia in fut dɛn. 27Nainsay dɛn riŋ dɛn de, di pol dɛn fɔ pas fɔ tot di tebul. 28Di tik dɛn fɔ bi akeshia bod, ɛn dɛn fɔ kɔba wit gold. 29Mek plet, kɔp, jɔg ɛn bol dɛn fɔ mek wayn sakrifays. Ɔl dɛn tin yaso fɔ bi gold. 30Yu fɔ put di bred we fɔ ɔfa to PAPA GƆD na di tebul fɔ mi ɛvri de, ɛn di tebul nɔ fɔ kɔmɔt bifo di Kɔvinant bɔks.
Di Stand Fɔ Put Lamp
(Ɛksodɔs 37:17-24)
31“Yu fɔ mek stand fɔ put lamp wit piɔ gold. Dɛn fɔ mol am fayn ɛn gi am fayn shep. Di kɔp fɔ di ɔyl, ɛn di flawa dɛn we dɛn de tek dɛkɔret am ɔl fɔ fasin pan am. 32I fɔ gɛt siks an dɛn, di lɛft fɔ gɛt tri, di rayt gɛt tri. 33Kav siks kɔp we shep lɛkɛ almɔn flawa wit in lif dɛn ɔl rawnd am; di lɛft fɔ gɛt tri, dɔn di rayt gɛt tri. 34Di stand fɔ put di lamp in men stɛm fɔ gɛt tu fayn almɔn flawa wit lif ɛn flawa we wan bɔs. 35I fɔ gɛt wan smɔl flawa we wan bɔs ɔnda ɔl di big almɔn flawa dɛn na di ɔda an dɛn. 36Di stand fɔ di lamp in kɔp, in flawa, in an dɛn, ɔl fɔ bi wan pis piɔ gold we dɛn mol fayn, fayn wan. 37Mek sɛvin lamp fɔ di stand ɛn put dɛn pantap am fɔ lɛ dɛn go de sho layt bifo. 38Di sizɔs fɔ trim di wik, ɛn di tre dɛnsɛf fɔ bi piɔ gold. 39Na bɔt sɔm tati-fo kilo gold yu fɔ yuz fɔ mek di stand fɔ di lamp ɛn ɔl wetin fɔ yuz pan am. 40Tek tɛm mek am lɛkɛ aw a sho yu ɔp di mawnten fɔ mek am.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.