Ɛksodɔs 29
29
PAPA GƆD Sho Mozis Aw Fɔ Ɔden Erɔn Ɛn In Bɔy Pikin Dɛn As Man Dɛn We De Mek Sakrifays Fɔ Pipul Sin
(Lɛvitikɔs 8:1-36)
1PAPA GƆD se, “Na dis kayn sɛrimɔni a want yu fɔ pafɔm we yu de Ɔden Erɔn ɛn in bɔypikin dɛn fɔ de sav mi as man dɛn we de mek sakrifays. Tek wan yɔŋ man kaw ɛn tu bigman ship we nɔ gɛt nɔn bɔt pan dɛn. 2Bek bred we nɔ gɛt yist, ɛn kek wit ɔliv ɔyl we insɛf nɔ gɛt yist, dɔn mek wefa ɛn put ɔyl pan am. Na fayn wit flawa yu fɔ yuz bek dɛn. 3Dɔn, put dɛn ɔl insay wan baskit ɛn briŋ dɛn kam to mi wit di yɔŋ man kaw ɛn di tu bigman ship dɛn.
4Briŋ Erɔn ɛn in bɔypikin dɛn bifo di Tɛnt in domɔt ɛn tek wata was dɛn. 5Dɔn yu wɛr di gawn dɛn pan Erɔn. Na di kot fɔs yu fɔ wɛr pan am, dɔn yu wɛr di gawn we de de ɔnda di ifɔd, dɔn di ifɔd, di pawch we de de nain chɛst ɛn di sash. 6Wɛn yu dɔn du dat dɔn, wɛr di tɔban nain ed ɛn fiks di gold krawn we dɛn rayt pan am “Oli fɔ PAPA GƆD,” pan di tɔban. 7Tek di ɔyl we yu de yuz fɔ Ɔden, tɔn am nain ed fɔ Ɔden am.
8Dɔn yu tek in bɔypikin dɛn ɛn wɛr dɛn yon gawn pan dɛn, tay dɛn sash rawnd dɛn wes dɔn yu wɛr dɛn tɔban na dɛn ed. 9Na so yu fɔ du fɔ Ɔden Erɔn ɛn in bɔypikin dɛn. Dɛn ɛn dɛn jɛnareshɔn dɛn fɔ de sav mi as man dɛn we de mek sakrifays fɔ pipul sin te dɛn day.
10“We yu dɔn dɔn, briŋ di yɔŋ man kaw kam bifo di Tɛnt in domɔt ɛn mek Erɔn ɛn in bɔypikin dɛn le dɛn an pan di kaw in ed; 11kil di kaw bifo mi PAPA GƆD in yay na di Tɛnt in domɔt. 12Yuz yu fiŋa tek sɔm pan di kaw in blɔd ɛn rɔb am pan di fo kɔna dɛn na di ɔlta, dɔn yu tɔn di balans blɔd na di grɔn na di ɔlta. 13Wɛn yu dɔn du dis, gɛda ɔl di fat we de rawnd di kaw bɛlɛ ɛn kaw gɔt, wit di bɛst pat pan di liva, ɛn di tu kidni wit dɛnsɛf yon fat ɛn bɔn ɔl na di ɔlta as sakrifays to mi. 14As fɔ di kaw in bif, in kanda ɛn di it we de insay in gɔt, bɔn dɛn bɔt nɔto insay di kamp. Dis na sakrifays fɔ pul sin kɔmɔt pan di man dɛn we de mek sakrifays fɔ pipul sin.
15“Tek wan pan di man ship dɛn ɛn tɛl Erɔn ɛn in bɔypikin dɛn fɔ put dɛn an nain ed, 16dɔn kil am ɛn skata in blɔd na di ɔlta in fo kɔna dɛn ɛn ɔlɔbɔt. 17Kɔt di ship smɔl smɔl, was in gɔt ɛn in fut dɛn; dɔn put dɛn ɔl na wan ples wit di ed. 18Bɔn di wanol ship na di ɔlta to mi PAPA GƆD as sakrifays PAPA GƆD lɛk di sɛnt we i de bɔn.
19“Tek di ɔda man ship ɛn mek Erɔn ɛn in bɔypikin dɛn le dɛn an pantap in ed. 20Kil di ship, tek sɔm pan di blɔd ɛn rɔb am na di bɔtɔm pat pan Erɔn ɛn in bɔypikin dɛn rayt yes, di big fiŋa na dɛn raytan, ɛn di big to dɛn na dɛn rayt fut; dɔn yu skata di balans blɔd na di ɔlta in fo kɔna dɛn ɛn ɔlɔbɔt. 21Tek sɔm pan di blɔd we de na di ɔlta ɛn di ɔyl we yu de tek Ɔden ɛn sprinkul am pan Erɔn lɛ i go pan in klos; dɔn sprinkul am bak pan in bɔypikin dɛn ɛn dɛn klos, so dat in ɛn in bɔypikin dɛn go oli we dɛn de sav mi.
22Pul di man ship in fat, di tel wit in fat ɛn di fat we de pan in gɔt, di bɛst pat pan di liva, di tu kidni wit di fat we de pan dɛn wit di rayt bakfut, ɛn put dɛn wansayna bikɔs na di animal we dɛn de yuz fɔ ɔdineshɔn. 23Luk insay di bred baskit ɛn tek wan pan di bred we nɔ gɛt yist, wan kek we bek wit ɔliv ɔyl ɛn wan bred we nɔ bek wit ɔyl. 24Put ɔl dɛn tin ya na Erɔn in bɔypikin dɛn an, ɛn mek dɛn es dɛn ɔp to mi as dɛn yon spɛshal gift to mi PAPA GƆD. 25We dɛn dɔn du dat dɔn, tek di tin dɛn na dɛn an ɛn bɔn dɛn na di ɔlta wit di ɔda tin dɛn we de, de; na sakrifays to mi PAPA GƆD ɛn a lɛk di sɛnt we i de bɔn.
26Wɛn yu dɔn du dat dɔn, tek di chɛst pan di ship we yu yuz fɔ mek sakrifays fɔ Erɔn ɛn es am ɔp to mi PAPA GƆD as sakrifays, dɔn yu kin tek am naw fɔ yusɛf.
27“Di ship in chɛst ɛn in lɛg pat fɔ bi spɛshal gift to mi fɔs bifo yu go gi dɛn to di man dɛn we de mek sakrifays fɔ pipul sin. Erɔn in fɔ gɛt di chɛst dɔn in bɔypikin dɛn fɔ gɛt di lɛg. 28A de gi ɔda naw se ɛnitɛm we mi pipul dɛn de ɔfa sakrifays fɔ pis, na di man dɛn we de mek sakrifays fɔ pipul sin fɔ gɛt di chɛst ɛn di lɛg pan di animal. Na dat fɔ bi di pipul dɛn gift to mi PAPA GƆD we na dɛn PAPA GƆD.
29Wɛn Erɔn day, yu fɔ an ova in klos to in bɔypikin dɛn. Nain dɛn fɔ yuz we dɛn de Ɔden. 30Di bɔypikin we nain de tek Erɔn in ples fɔ wɛr am fɔ sɛvin de, we i go insay di Tɛnt fɔ sav mi. 31“Bwɛl di bif we lɛf pan di ship we yu yuz fɔ Erɔn ɛn in bɔypikin dɛn ɔdineshɔn, wansayna na ples we dɔn kɔnsikret. 32Erɔn ɛn in bɔypikin dɛn fɔ it am wit di bred we lɛf na di baskit bifo di Tɛnt in domɔt. 33Dɛn fɔ it ɔl wetin dɛn yuz fɔ di sakrifays we dɛn mek fɔ lɛ a fɔgiv dɛn sin di tɛm we dɛn bin de Ɔden. Bikɔs dis it yaso na it we dɔn kɔnsikret, na man dɛn we de mek sakrifays fɔ pipul sin nɔmɔ fɔ it am. 34If ɛni wɛrɛ lɛf pan di bif ɔ di bred te mɔnin, na fɔ bɔn am na faya; nɔbɔdi nɔ fɔ it am bikɔs i dɔn kɔnsikret.
35Ɔl wetin a dɔn tɛl yu so nain yu fɔ du fɔ Erɔn ɛn in bɔypikin dɛn; na sɛvin de yu fɔ tek fɔ Ɔden dɛn. 36Yu fɔ kil wan man kaw ɛvri de fɔ mek sakrifays fɔ lɛ a go fɔgiv dɛn sin; dis go mek di ɔlta insɛf piɔ. Put ɔliv ɔyl na di ɔlta fɔ kɔnsikret am. 37Yu fɔ mek sakrifays fɔ di ɔlta ɛvri de fɔ sɛvin de ɛn kɔnsikret am; dat go mek di ɔlta oli ɛn ɛnibɔdi ɔ ɛnitin we tɔch di ɔlta insɛf go oli.
Wetin Fɔ Sakrifays Ɛvri De
(Di Nɔmba Dɛm 28:1-8)
38Naw frɔm tide sote go, yu fɔ sakrifays tu yɔŋ ship we ol wan ia. Yu fɔ du dis ɛvri de. 39Yu fɔ sakrifays wan ship na mɔnin, dɔn di ɔda ship ivintɛm. 40Yuz tu pawns fayn flawa ɛn wan kwat piɔ ɔliv ɔyl fɔ mek di sakrifays wit di fɔs yɔŋ ship; dɔn yu tek wan lita wayn tɔn am as sakrifays to PAPA GƆD. 41Yuz di sem kwantiti flawa, ɔliv ɔyl ɛn wayn we yu yuz fɔ di mɔnin sakrifays wit di ɔda yɔŋ ship we yu de sakrifays ivintɛm. We di smok de kam ɔp to mi PAPA GƆD a kin lɛk di sɛnt.
42“Ɔl di jɛnareshɔn dɛn fɔ de mek dis sakrifays to mi bifo di Tɛnt in domɔt; na de PAPA GƆD go mit una we i de tɔk to una. 43Na de a go de mit mi pipul di Izrɛlayt dɛn, ɛn mi layt sɛf we de shayn go mek di ples oli.
44“A go kɔnsikret di Tɛnt ɛn mek am oli; a go kɔnsikret Erɔn ɛn in bɔypikin dɛn ɛn mek dɛn de sav mi as man dɛn we de mek sakrifays fɔ pipul sin. 45A go de wit di Izrɛlayt dɛn ɛn na mi go bi dɛn PAPA GƆD. 46Na da tɛm de dɛn go no se na mi PAPA GƆD na di PAPA GƆD we pul dɛn kɔmɔt na Ijipt fɔ lɛ a go de wit dɛn. Mi na PAPA GƆD dɛn PAPA GƆD.
Currently Selected:
Ɛksodɔs 29: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Ɛksodɔs 29
29
PAPA GƆD Sho Mozis Aw Fɔ Ɔden Erɔn Ɛn In Bɔy Pikin Dɛn As Man Dɛn We De Mek Sakrifays Fɔ Pipul Sin
(Lɛvitikɔs 8:1-36)
1PAPA GƆD se, “Na dis kayn sɛrimɔni a want yu fɔ pafɔm we yu de Ɔden Erɔn ɛn in bɔypikin dɛn fɔ de sav mi as man dɛn we de mek sakrifays. Tek wan yɔŋ man kaw ɛn tu bigman ship we nɔ gɛt nɔn bɔt pan dɛn. 2Bek bred we nɔ gɛt yist, ɛn kek wit ɔliv ɔyl we insɛf nɔ gɛt yist, dɔn mek wefa ɛn put ɔyl pan am. Na fayn wit flawa yu fɔ yuz bek dɛn. 3Dɔn, put dɛn ɔl insay wan baskit ɛn briŋ dɛn kam to mi wit di yɔŋ man kaw ɛn di tu bigman ship dɛn.
4Briŋ Erɔn ɛn in bɔypikin dɛn bifo di Tɛnt in domɔt ɛn tek wata was dɛn. 5Dɔn yu wɛr di gawn dɛn pan Erɔn. Na di kot fɔs yu fɔ wɛr pan am, dɔn yu wɛr di gawn we de de ɔnda di ifɔd, dɔn di ifɔd, di pawch we de de nain chɛst ɛn di sash. 6Wɛn yu dɔn du dat dɔn, wɛr di tɔban nain ed ɛn fiks di gold krawn we dɛn rayt pan am “Oli fɔ PAPA GƆD,” pan di tɔban. 7Tek di ɔyl we yu de yuz fɔ Ɔden, tɔn am nain ed fɔ Ɔden am.
8Dɔn yu tek in bɔypikin dɛn ɛn wɛr dɛn yon gawn pan dɛn, tay dɛn sash rawnd dɛn wes dɔn yu wɛr dɛn tɔban na dɛn ed. 9Na so yu fɔ du fɔ Ɔden Erɔn ɛn in bɔypikin dɛn. Dɛn ɛn dɛn jɛnareshɔn dɛn fɔ de sav mi as man dɛn we de mek sakrifays fɔ pipul sin te dɛn day.
10“We yu dɔn dɔn, briŋ di yɔŋ man kaw kam bifo di Tɛnt in domɔt ɛn mek Erɔn ɛn in bɔypikin dɛn le dɛn an pan di kaw in ed; 11kil di kaw bifo mi PAPA GƆD in yay na di Tɛnt in domɔt. 12Yuz yu fiŋa tek sɔm pan di kaw in blɔd ɛn rɔb am pan di fo kɔna dɛn na di ɔlta, dɔn yu tɔn di balans blɔd na di grɔn na di ɔlta. 13Wɛn yu dɔn du dis, gɛda ɔl di fat we de rawnd di kaw bɛlɛ ɛn kaw gɔt, wit di bɛst pat pan di liva, ɛn di tu kidni wit dɛnsɛf yon fat ɛn bɔn ɔl na di ɔlta as sakrifays to mi. 14As fɔ di kaw in bif, in kanda ɛn di it we de insay in gɔt, bɔn dɛn bɔt nɔto insay di kamp. Dis na sakrifays fɔ pul sin kɔmɔt pan di man dɛn we de mek sakrifays fɔ pipul sin.
15“Tek wan pan di man ship dɛn ɛn tɛl Erɔn ɛn in bɔypikin dɛn fɔ put dɛn an nain ed, 16dɔn kil am ɛn skata in blɔd na di ɔlta in fo kɔna dɛn ɛn ɔlɔbɔt. 17Kɔt di ship smɔl smɔl, was in gɔt ɛn in fut dɛn; dɔn put dɛn ɔl na wan ples wit di ed. 18Bɔn di wanol ship na di ɔlta to mi PAPA GƆD as sakrifays PAPA GƆD lɛk di sɛnt we i de bɔn.
19“Tek di ɔda man ship ɛn mek Erɔn ɛn in bɔypikin dɛn le dɛn an pantap in ed. 20Kil di ship, tek sɔm pan di blɔd ɛn rɔb am na di bɔtɔm pat pan Erɔn ɛn in bɔypikin dɛn rayt yes, di big fiŋa na dɛn raytan, ɛn di big to dɛn na dɛn rayt fut; dɔn yu skata di balans blɔd na di ɔlta in fo kɔna dɛn ɛn ɔlɔbɔt. 21Tek sɔm pan di blɔd we de na di ɔlta ɛn di ɔyl we yu de tek Ɔden ɛn sprinkul am pan Erɔn lɛ i go pan in klos; dɔn sprinkul am bak pan in bɔypikin dɛn ɛn dɛn klos, so dat in ɛn in bɔypikin dɛn go oli we dɛn de sav mi.
22Pul di man ship in fat, di tel wit in fat ɛn di fat we de pan in gɔt, di bɛst pat pan di liva, di tu kidni wit di fat we de pan dɛn wit di rayt bakfut, ɛn put dɛn wansayna bikɔs na di animal we dɛn de yuz fɔ ɔdineshɔn. 23Luk insay di bred baskit ɛn tek wan pan di bred we nɔ gɛt yist, wan kek we bek wit ɔliv ɔyl ɛn wan bred we nɔ bek wit ɔyl. 24Put ɔl dɛn tin ya na Erɔn in bɔypikin dɛn an, ɛn mek dɛn es dɛn ɔp to mi as dɛn yon spɛshal gift to mi PAPA GƆD. 25We dɛn dɔn du dat dɔn, tek di tin dɛn na dɛn an ɛn bɔn dɛn na di ɔlta wit di ɔda tin dɛn we de, de; na sakrifays to mi PAPA GƆD ɛn a lɛk di sɛnt we i de bɔn.
26Wɛn yu dɔn du dat dɔn, tek di chɛst pan di ship we yu yuz fɔ mek sakrifays fɔ Erɔn ɛn es am ɔp to mi PAPA GƆD as sakrifays, dɔn yu kin tek am naw fɔ yusɛf.
27“Di ship in chɛst ɛn in lɛg pat fɔ bi spɛshal gift to mi fɔs bifo yu go gi dɛn to di man dɛn we de mek sakrifays fɔ pipul sin. Erɔn in fɔ gɛt di chɛst dɔn in bɔypikin dɛn fɔ gɛt di lɛg. 28A de gi ɔda naw se ɛnitɛm we mi pipul dɛn de ɔfa sakrifays fɔ pis, na di man dɛn we de mek sakrifays fɔ pipul sin fɔ gɛt di chɛst ɛn di lɛg pan di animal. Na dat fɔ bi di pipul dɛn gift to mi PAPA GƆD we na dɛn PAPA GƆD.
29Wɛn Erɔn day, yu fɔ an ova in klos to in bɔypikin dɛn. Nain dɛn fɔ yuz we dɛn de Ɔden. 30Di bɔypikin we nain de tek Erɔn in ples fɔ wɛr am fɔ sɛvin de, we i go insay di Tɛnt fɔ sav mi. 31“Bwɛl di bif we lɛf pan di ship we yu yuz fɔ Erɔn ɛn in bɔypikin dɛn ɔdineshɔn, wansayna na ples we dɔn kɔnsikret. 32Erɔn ɛn in bɔypikin dɛn fɔ it am wit di bred we lɛf na di baskit bifo di Tɛnt in domɔt. 33Dɛn fɔ it ɔl wetin dɛn yuz fɔ di sakrifays we dɛn mek fɔ lɛ a fɔgiv dɛn sin di tɛm we dɛn bin de Ɔden. Bikɔs dis it yaso na it we dɔn kɔnsikret, na man dɛn we de mek sakrifays fɔ pipul sin nɔmɔ fɔ it am. 34If ɛni wɛrɛ lɛf pan di bif ɔ di bred te mɔnin, na fɔ bɔn am na faya; nɔbɔdi nɔ fɔ it am bikɔs i dɔn kɔnsikret.
35Ɔl wetin a dɔn tɛl yu so nain yu fɔ du fɔ Erɔn ɛn in bɔypikin dɛn; na sɛvin de yu fɔ tek fɔ Ɔden dɛn. 36Yu fɔ kil wan man kaw ɛvri de fɔ mek sakrifays fɔ lɛ a go fɔgiv dɛn sin; dis go mek di ɔlta insɛf piɔ. Put ɔliv ɔyl na di ɔlta fɔ kɔnsikret am. 37Yu fɔ mek sakrifays fɔ di ɔlta ɛvri de fɔ sɛvin de ɛn kɔnsikret am; dat go mek di ɔlta oli ɛn ɛnibɔdi ɔ ɛnitin we tɔch di ɔlta insɛf go oli.
Wetin Fɔ Sakrifays Ɛvri De
(Di Nɔmba Dɛm 28:1-8)
38Naw frɔm tide sote go, yu fɔ sakrifays tu yɔŋ ship we ol wan ia. Yu fɔ du dis ɛvri de. 39Yu fɔ sakrifays wan ship na mɔnin, dɔn di ɔda ship ivintɛm. 40Yuz tu pawns fayn flawa ɛn wan kwat piɔ ɔliv ɔyl fɔ mek di sakrifays wit di fɔs yɔŋ ship; dɔn yu tek wan lita wayn tɔn am as sakrifays to PAPA GƆD. 41Yuz di sem kwantiti flawa, ɔliv ɔyl ɛn wayn we yu yuz fɔ di mɔnin sakrifays wit di ɔda yɔŋ ship we yu de sakrifays ivintɛm. We di smok de kam ɔp to mi PAPA GƆD a kin lɛk di sɛnt.
42“Ɔl di jɛnareshɔn dɛn fɔ de mek dis sakrifays to mi bifo di Tɛnt in domɔt; na de PAPA GƆD go mit una we i de tɔk to una. 43Na de a go de mit mi pipul di Izrɛlayt dɛn, ɛn mi layt sɛf we de shayn go mek di ples oli.
44“A go kɔnsikret di Tɛnt ɛn mek am oli; a go kɔnsikret Erɔn ɛn in bɔypikin dɛn ɛn mek dɛn de sav mi as man dɛn we de mek sakrifays fɔ pipul sin. 45A go de wit di Izrɛlayt dɛn ɛn na mi go bi dɛn PAPA GƆD. 46Na da tɛm de dɛn go no se na mi PAPA GƆD na di PAPA GƆD we pul dɛn kɔmɔt na Ijipt fɔ lɛ a go de wit dɛn. Mi na PAPA GƆD dɛn PAPA GƆD.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.