Ɛksodɔs 31
31
PAPA GƆD Pik Spɛshal Wokman Dɛn Fɔ Bil In Tɛnt
(Ɛksodɔs 35:30–36:1)
1PAPA GƆD tɔk to Mozis. I se, 2“A dɔn pik Bɛzalɛl, dat na Yuri in bɔypikin we na Ɔ in grampikin, we kɔmɔt na di Juda fambul. 3A dɔn gi am mi yon pawa wit sɛns ɛn skil fɔ mek ɔlkayn tin lɛkɛ 4fɔ mek dizayn, mek gold, silva ɛn bras tiŋs dɛn; 5fɔ mek ston tablɛt, ɛn kav tin dɛn ɛn mek bɔku ɔda tin dɛn. 6Ɛn igen, a dɔn pik Oolayab, dat na Aisamak in bɔypikin we kɔmɔt na di Dan fambul; ɛn a dɔn gi ɔda man dɛn di sɛns ɛn skil fɔ lɛ dɛn mek ɔl wetin a dɔn tɛl yu fɔ mek: 7dat na di Tɛnt we a go de, di Kɔvinant bɔks ɛn in kɔba, ɛn ɔl di fɔnichɔ fɔ tek drɛs di Tɛnt, 8di tebul ɛn wetin de de pantap am, di gold stand fɔ put di lamp ɛn ɔl wetin de wit am, di ɔlta fɔ bɔn insɛns, 9di ɔlta fɔ bɔn sakrifays ɛn ɔl wetin fɔ de, de; di pan fɔ was an ɛn fut ɛn in stand, 10di fayn dizayn klos fɔ di man dɛn we de mek sakrifays fɔ pipul sin, lɛkɛ Erɔn ɛn in bɔypikin dɛn we de sav mi, 11di ɔyl fɔ anɔynt, kɔnsikret ɛn Ɔden ɛn di insɛns we gɛt fayn smɛl fɔ di oli ples. Yu fɔ tɛl dɛn fɔ mek ɔl dɛn tin ya we a dɔn tɛl yu fɔ mek.”
Di De We Mek Sɛvin Fɔ Pre Ɛn Blo
12PAPA GƆD tɔk to Mozis. I se, 13“Tɛl di Izrɛlayt dɛn se, dɛn ɔl fɔ sho rɛspɛkt fɔ di de fɔ pre ɛn blo, na dat go mek ɔl di jɛnareshɔn we go kam afta una no se sɔntin de bitwin mi ɛn una, ɛn sho igen se na mi PAPA GƆD dɔn pik una as mi yon pipul. 14Una fɔ sho rɛspɛkt fɔ di de fɔ pre ɛn blo bikɔs dis de yaso oli. Ɛnibɔdi we nɔ rɛspɛkt dis de yaso, dɛn fɔ kil am. Ɛnibɔdi we du ɛni wok insay dis de nɔ fɔ miks wit in kɔmpin dɛn. 15Una gɛt siks de insay di wik fɔ wok, bɔt di de we mek sɛvin, na de we a pik fɔ pre ɛn blo; so ɛnibɔdi we du ɛni wok da de de fɔ day. 16So, ɔl di Izrɛlayt dɛn fɔ rɛspɛkt di de fɔ pre ɛn blo. Ɛni jɛnareshɔn we kam fɔ rɛspɛkt dis de yaso, na Kɔvinant ɛn dɛn fɔ kip am sote go. 17Na dis de yaso go sho se sɔntin de bitwin mi ɛn di Izrɛlayt dɛn; na siks de a tek fɔ mek ɛvin ɛn ath, di de we mek sɛvin a tap fɔ wok ɛn blo.”
18Wɛn PAPA GƆD dɔn tɔk dɔn to Mozis ɔp Mawnt Saynay, i gi am tu ston tablɛt dɛn. Na PAPA GƆD insɛf sɛf rayt in kɔmandmɛnt dɛn pan dɛn.
Currently Selected:
Ɛksodɔs 31: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Ɛksodɔs 31
31
PAPA GƆD Pik Spɛshal Wokman Dɛn Fɔ Bil In Tɛnt
(Ɛksodɔs 35:30–36:1)
1PAPA GƆD tɔk to Mozis. I se, 2“A dɔn pik Bɛzalɛl, dat na Yuri in bɔypikin we na Ɔ in grampikin, we kɔmɔt na di Juda fambul. 3A dɔn gi am mi yon pawa wit sɛns ɛn skil fɔ mek ɔlkayn tin lɛkɛ 4fɔ mek dizayn, mek gold, silva ɛn bras tiŋs dɛn; 5fɔ mek ston tablɛt, ɛn kav tin dɛn ɛn mek bɔku ɔda tin dɛn. 6Ɛn igen, a dɔn pik Oolayab, dat na Aisamak in bɔypikin we kɔmɔt na di Dan fambul; ɛn a dɔn gi ɔda man dɛn di sɛns ɛn skil fɔ lɛ dɛn mek ɔl wetin a dɔn tɛl yu fɔ mek: 7dat na di Tɛnt we a go de, di Kɔvinant bɔks ɛn in kɔba, ɛn ɔl di fɔnichɔ fɔ tek drɛs di Tɛnt, 8di tebul ɛn wetin de de pantap am, di gold stand fɔ put di lamp ɛn ɔl wetin de wit am, di ɔlta fɔ bɔn insɛns, 9di ɔlta fɔ bɔn sakrifays ɛn ɔl wetin fɔ de, de; di pan fɔ was an ɛn fut ɛn in stand, 10di fayn dizayn klos fɔ di man dɛn we de mek sakrifays fɔ pipul sin, lɛkɛ Erɔn ɛn in bɔypikin dɛn we de sav mi, 11di ɔyl fɔ anɔynt, kɔnsikret ɛn Ɔden ɛn di insɛns we gɛt fayn smɛl fɔ di oli ples. Yu fɔ tɛl dɛn fɔ mek ɔl dɛn tin ya we a dɔn tɛl yu fɔ mek.”
Di De We Mek Sɛvin Fɔ Pre Ɛn Blo
12PAPA GƆD tɔk to Mozis. I se, 13“Tɛl di Izrɛlayt dɛn se, dɛn ɔl fɔ sho rɛspɛkt fɔ di de fɔ pre ɛn blo, na dat go mek ɔl di jɛnareshɔn we go kam afta una no se sɔntin de bitwin mi ɛn una, ɛn sho igen se na mi PAPA GƆD dɔn pik una as mi yon pipul. 14Una fɔ sho rɛspɛkt fɔ di de fɔ pre ɛn blo bikɔs dis de yaso oli. Ɛnibɔdi we nɔ rɛspɛkt dis de yaso, dɛn fɔ kil am. Ɛnibɔdi we du ɛni wok insay dis de nɔ fɔ miks wit in kɔmpin dɛn. 15Una gɛt siks de insay di wik fɔ wok, bɔt di de we mek sɛvin, na de we a pik fɔ pre ɛn blo; so ɛnibɔdi we du ɛni wok da de de fɔ day. 16So, ɔl di Izrɛlayt dɛn fɔ rɛspɛkt di de fɔ pre ɛn blo. Ɛni jɛnareshɔn we kam fɔ rɛspɛkt dis de yaso, na Kɔvinant ɛn dɛn fɔ kip am sote go. 17Na dis de yaso go sho se sɔntin de bitwin mi ɛn di Izrɛlayt dɛn; na siks de a tek fɔ mek ɛvin ɛn ath, di de we mek sɛvin a tap fɔ wok ɛn blo.”
18Wɛn PAPA GƆD dɔn tɔk dɔn to Mozis ɔp Mawnt Saynay, i gi am tu ston tablɛt dɛn. Na PAPA GƆD insɛf sɛf rayt in kɔmandmɛnt dɛn pan dɛn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.