Ɛksodɔs 8
8
Akpɔlɔ
1Afta dat PAPA GƆD tɛl Mozis se, “Go bak to di kiŋ ɛn tɛl am se, mi se lɛ i lɛf mi pipul dɛn mek go wɔship mi. 2If yu nɔ gri a go mek akpɔlɔ dɛn bɔs ɔlsay na di kɔntri fɔ pɔnish am. 3Di riva Nayl go ful-ɔp wit akpɔlɔ. Di akpɔlɔ dɛn go kɔmɔt na di riva ɛn go na yu os, yu rum, pantap yu bed, na yu ɔfisa ɛn yu pipul dɛn os, ɛn ivin insay yu ovin ɛn yu bekin pan dɛn. 4Di akpɔlɔ dɛn go de jomp pan am, in pipul dɛn ɛn in ɔfisa dɛn.”
5PAPA GƆD tɛl Mozis se, “Tɛl Erɔn mek i pɔynt di stik pan di riva dɛn, dɛn watasay, dɛn brij, dɛn wɛl ɛn ɔl usay wata de, dɛn akpɔlɔ go bɔs ɔlsay na di kɔntri.” 6Erɔn pɔynt in wɔkinstik pan ɔl di wata dɛn na Ijipt, dɔn akpɔlɔ bɔs ɔlsay. 7Bɔt di majikman dɛnsɛf mek akpɔlɔ bɔs kɔmɔt na grɔn bay dɛn majik pawa.
8Di kiŋ sɛn kɔl Mozis ɛn Erɔn ɛn tɛl dɛn fɔ pre to PAPA GƆD fɔ am le PAPA GƆD pul dɛn akpɔlɔ dɛn kɔmɔt pan in ɛn in pipul dɛn dɔn i go mek di pipul dɛn go ɔfa sakrifays to am.”
9Mozis ansa di kiŋ se, in go pre fɔ am bɔt nain fɔ tɔk ustɛm i want am fɔ pre fɔ am, in ɔfisa dɛn ɛn in pipul dɛn so dat ɔl dɛn akpɔlɔ dɛn go kɔmɔt na una os dɛn. I tɛl am se na dɛn wan dɛn we de na di riva go lɛf.
10Di kiŋ ansa am wantɛm se lɛ i pre fɔ am di nɛks de.”
Mozis tɛl di kiŋ se, i go bi lɛkɛ aw i se, ɛn i go no fɔ tru tru se nɔn ɔda PAPA GƆD nɔ de lɛkɛ di PAPA GƆD we di Ibru dɛn de wɔship. 11I se di kiŋ o in ɔfisa dɛn o, ɛn in pipul dɛn nɔ go si di akpɔlɔ dɛn igen pas di wan dɛn we go de na riva Nayl.
12Afta dat Mozis ɛn Erɔn kɔmɔt to di kiŋ, ɛn Mozis go pre to PAPA GƆD fɔ mek i pul dɛn akpɔlɔ dɛn we i tek pɔnish di kiŋ. 13PAPA GƆD ansa Mozis in prea. I mek ɔl di akpɔlɔ dɛn we de na di os dɛn, dɛn kɔmpawnd dɛn ɛn dɛn fil dɛn ɔl day. 14Di Ijipshian dɛn gɛda di akpɔlɔ dɛn bɔku bɔku wan ɛn payl dɛn difrɛn difrɛn say dɛn. Na so ɛn di ples bin de smɛl. 15Bɔt we di kiŋ si se di akpɔlɔ dɛn dɔn day i mek traŋayes bak. I nɔ lisin to Mozis ɛn Erɔn jɛs lɛkɛ aw PAPA GƆD bin dɔn se.
Nɛt Dɛn Bɔs Ɔlsay
16So PAPA GƆD tɛl Mozis fɔ tɛl Erɔn fɔ tek in wɔkinstik nak di grɔn dɔn di dɔst na Ijipt go tɔn to Nat#8:16 Nɛt Na difrɛn tin dɛn we de flay, bɛt ɛn sɔk blɔd lɛkɛ maskita. 17So Erɔn nak di grɔn wit in tik ɛn ɔl di dɔst na Ijipt tɔn to ‘nat.’ Di ‘nat’ bin de pan di pipul dɛn ɛn di animal dɛn. 18Di majikman dɛn tray fɔ yuz dɛn majik pawa fɔ du di sem tin bɔt dɛn nɔ ebul. Di Nat dɛn bin de pan pipul dɛn ɛn animal dɛn.
19Di majikman dɛn tɛl di kiŋ se, “na PAPA GƆD in pawa de wok so, bɔt di kiŋ nɔ lisin to dɛn. I stil mek traŋayes lɛkɛ aw PAPA GƆD bin dɔn se i go du.
Flay Dɛn Bɔs Ɔlsay
20PAPA GƆD tɛl Mozis. I se, “Grap ali mɔnin go mit di kiŋ as i de go dɔn di riva. Tɛl am se na wetin PAPA GƆD se yu de tɛl am so. Se lɛ mi pipul dɛn lɛ dɛn go wɔship mi. 21If i nɔ gri fɔ lɛf di pipul dɛn, a go sɛn bɔku bɔku flay pan in ɔfisa dɛn, in pipul dɛn ɛn in os dɛn. Flay dɛn go de ɔlsay na dɛn os ɛn ivin na di grɔn we dɛn tinap. 22Bɔt na Goshɛn, usay di Izrɛlayt dɛn tap, wan flay nɔ go de de. Dis go mek i no se na mi na PAPA GƆD na di kɔntri. 23A go trit yu pipul dɛn difrɛn wan frɔm aw a go trit mi yon pipul. Ɛn na tumara a go pafɔm dis mirekul.” 24PAPA GƆD bin du wetin i se. I mek bɔku bɔku flay dɛn go na di kiŋ in os ɛn di ɔfisa dɛn os dɛn. Di flay dɛn ambɔg di wanol ples.
25Dis mek di kiŋ sɛn kɔl Mozis ɛn Erɔn ɛn tɛl dɛn se, mek dɛn go ɔfa dɛn sakrifays to dɛn PAPA GƆD, bɔt dɛn fɔ do am na Ijipt.
26Mozis ansa di kiŋ se, i nɔ go rayt fɔ mek wi ɔfa dɛn sakrifays dɛn to PAPA GƆD na Ijipt bikɔs dɛn go mek di Ijipshian dɛn vɛks bay aw wi de sakrifays animal dɛn to wi yon PAPA GƆD. Ɛn if dɛn ɔfa dɛn sakrifays de we dɛn de si dɛn, dɛn go ston dɛn te dɛn day. 27I tɛl di kiŋ se dɛn gɛt fɔ travul tri de go na di ples we pɔsin nɔ go ebul tap ɛn ɔfa sakrifays to dɛn yon PAPA GƆD, lɛkɛ aw i dɔn kɔmand wi fɔ du.
28Di kiŋ tɛl Mozis se, in go alaw dɛn fɔ mek dɛn go sakrifays to dɛn PAPA GƆD na di ples we pɔsin nɔ go ebul tap, bɔt una nɔ fɔ go fawe. I beg dɛn fɔ pre fɔ am. 29Mozis ansa di kiŋ se, as a go bak so i go pre to PAPA GƆD lɛ di nɛks de di flay dɛn go. I se di flay dɛn go kɔmɔt nain os, in ɔfisa dɛn os ɛn ɔl in pipul dɛn os. I wɔn di kiŋ mek i nɔ chenj in maynd igen ɛn se mek di pipul dɛn nɔ go ɔfa sakrifays to dɛn PAPA GƆD o.”
30So we Mozis lɛf di kiŋ i go pre to PAPA GƆD. 31PAPA GƆD ansa Mozis in prea. I mek ɔl di flay dɛn kɔmɔt na di kiŋ in os, in ɔfisa ɛn in pipul dɛn os. Wan sɛf nɔ lɛf. 32Bɔt igen di kiŋ mek traŋayes bak ɛn nɔ gri fɔ mek di pipul dɛn go.
Currently Selected:
Ɛksodɔs 8: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Ɛksodɔs 8
8
Akpɔlɔ
1Afta dat PAPA GƆD tɛl Mozis se, “Go bak to di kiŋ ɛn tɛl am se, mi se lɛ i lɛf mi pipul dɛn mek go wɔship mi. 2If yu nɔ gri a go mek akpɔlɔ dɛn bɔs ɔlsay na di kɔntri fɔ pɔnish am. 3Di riva Nayl go ful-ɔp wit akpɔlɔ. Di akpɔlɔ dɛn go kɔmɔt na di riva ɛn go na yu os, yu rum, pantap yu bed, na yu ɔfisa ɛn yu pipul dɛn os, ɛn ivin insay yu ovin ɛn yu bekin pan dɛn. 4Di akpɔlɔ dɛn go de jomp pan am, in pipul dɛn ɛn in ɔfisa dɛn.”
5PAPA GƆD tɛl Mozis se, “Tɛl Erɔn mek i pɔynt di stik pan di riva dɛn, dɛn watasay, dɛn brij, dɛn wɛl ɛn ɔl usay wata de, dɛn akpɔlɔ go bɔs ɔlsay na di kɔntri.” 6Erɔn pɔynt in wɔkinstik pan ɔl di wata dɛn na Ijipt, dɔn akpɔlɔ bɔs ɔlsay. 7Bɔt di majikman dɛnsɛf mek akpɔlɔ bɔs kɔmɔt na grɔn bay dɛn majik pawa.
8Di kiŋ sɛn kɔl Mozis ɛn Erɔn ɛn tɛl dɛn fɔ pre to PAPA GƆD fɔ am le PAPA GƆD pul dɛn akpɔlɔ dɛn kɔmɔt pan in ɛn in pipul dɛn dɔn i go mek di pipul dɛn go ɔfa sakrifays to am.”
9Mozis ansa di kiŋ se, in go pre fɔ am bɔt nain fɔ tɔk ustɛm i want am fɔ pre fɔ am, in ɔfisa dɛn ɛn in pipul dɛn so dat ɔl dɛn akpɔlɔ dɛn go kɔmɔt na una os dɛn. I tɛl am se na dɛn wan dɛn we de na di riva go lɛf.
10Di kiŋ ansa am wantɛm se lɛ i pre fɔ am di nɛks de.”
Mozis tɛl di kiŋ se, i go bi lɛkɛ aw i se, ɛn i go no fɔ tru tru se nɔn ɔda PAPA GƆD nɔ de lɛkɛ di PAPA GƆD we di Ibru dɛn de wɔship. 11I se di kiŋ o in ɔfisa dɛn o, ɛn in pipul dɛn nɔ go si di akpɔlɔ dɛn igen pas di wan dɛn we go de na riva Nayl.
12Afta dat Mozis ɛn Erɔn kɔmɔt to di kiŋ, ɛn Mozis go pre to PAPA GƆD fɔ mek i pul dɛn akpɔlɔ dɛn we i tek pɔnish di kiŋ. 13PAPA GƆD ansa Mozis in prea. I mek ɔl di akpɔlɔ dɛn we de na di os dɛn, dɛn kɔmpawnd dɛn ɛn dɛn fil dɛn ɔl day. 14Di Ijipshian dɛn gɛda di akpɔlɔ dɛn bɔku bɔku wan ɛn payl dɛn difrɛn difrɛn say dɛn. Na so ɛn di ples bin de smɛl. 15Bɔt we di kiŋ si se di akpɔlɔ dɛn dɔn day i mek traŋayes bak. I nɔ lisin to Mozis ɛn Erɔn jɛs lɛkɛ aw PAPA GƆD bin dɔn se.
Nɛt Dɛn Bɔs Ɔlsay
16So PAPA GƆD tɛl Mozis fɔ tɛl Erɔn fɔ tek in wɔkinstik nak di grɔn dɔn di dɔst na Ijipt go tɔn to Nat#8:16 Nɛt Na difrɛn tin dɛn we de flay, bɛt ɛn sɔk blɔd lɛkɛ maskita. 17So Erɔn nak di grɔn wit in tik ɛn ɔl di dɔst na Ijipt tɔn to ‘nat.’ Di ‘nat’ bin de pan di pipul dɛn ɛn di animal dɛn. 18Di majikman dɛn tray fɔ yuz dɛn majik pawa fɔ du di sem tin bɔt dɛn nɔ ebul. Di Nat dɛn bin de pan pipul dɛn ɛn animal dɛn.
19Di majikman dɛn tɛl di kiŋ se, “na PAPA GƆD in pawa de wok so, bɔt di kiŋ nɔ lisin to dɛn. I stil mek traŋayes lɛkɛ aw PAPA GƆD bin dɔn se i go du.
Flay Dɛn Bɔs Ɔlsay
20PAPA GƆD tɛl Mozis. I se, “Grap ali mɔnin go mit di kiŋ as i de go dɔn di riva. Tɛl am se na wetin PAPA GƆD se yu de tɛl am so. Se lɛ mi pipul dɛn lɛ dɛn go wɔship mi. 21If i nɔ gri fɔ lɛf di pipul dɛn, a go sɛn bɔku bɔku flay pan in ɔfisa dɛn, in pipul dɛn ɛn in os dɛn. Flay dɛn go de ɔlsay na dɛn os ɛn ivin na di grɔn we dɛn tinap. 22Bɔt na Goshɛn, usay di Izrɛlayt dɛn tap, wan flay nɔ go de de. Dis go mek i no se na mi na PAPA GƆD na di kɔntri. 23A go trit yu pipul dɛn difrɛn wan frɔm aw a go trit mi yon pipul. Ɛn na tumara a go pafɔm dis mirekul.” 24PAPA GƆD bin du wetin i se. I mek bɔku bɔku flay dɛn go na di kiŋ in os ɛn di ɔfisa dɛn os dɛn. Di flay dɛn ambɔg di wanol ples.
25Dis mek di kiŋ sɛn kɔl Mozis ɛn Erɔn ɛn tɛl dɛn se, mek dɛn go ɔfa dɛn sakrifays to dɛn PAPA GƆD, bɔt dɛn fɔ do am na Ijipt.
26Mozis ansa di kiŋ se, i nɔ go rayt fɔ mek wi ɔfa dɛn sakrifays dɛn to PAPA GƆD na Ijipt bikɔs dɛn go mek di Ijipshian dɛn vɛks bay aw wi de sakrifays animal dɛn to wi yon PAPA GƆD. Ɛn if dɛn ɔfa dɛn sakrifays de we dɛn de si dɛn, dɛn go ston dɛn te dɛn day. 27I tɛl di kiŋ se dɛn gɛt fɔ travul tri de go na di ples we pɔsin nɔ go ebul tap ɛn ɔfa sakrifays to dɛn yon PAPA GƆD, lɛkɛ aw i dɔn kɔmand wi fɔ du.
28Di kiŋ tɛl Mozis se, in go alaw dɛn fɔ mek dɛn go sakrifays to dɛn PAPA GƆD na di ples we pɔsin nɔ go ebul tap, bɔt una nɔ fɔ go fawe. I beg dɛn fɔ pre fɔ am. 29Mozis ansa di kiŋ se, as a go bak so i go pre to PAPA GƆD lɛ di nɛks de di flay dɛn go. I se di flay dɛn go kɔmɔt nain os, in ɔfisa dɛn os ɛn ɔl in pipul dɛn os. I wɔn di kiŋ mek i nɔ chenj in maynd igen ɛn se mek di pipul dɛn nɔ go ɔfa sakrifays to dɛn PAPA GƆD o.”
30So we Mozis lɛf di kiŋ i go pre to PAPA GƆD. 31PAPA GƆD ansa Mozis in prea. I mek ɔl di flay dɛn kɔmɔt na di kiŋ in os, in ɔfisa ɛn in pipul dɛn os. Wan sɛf nɔ lɛf. 32Bɔt igen di kiŋ mek traŋayes bak ɛn nɔ gri fɔ mek di pipul dɛn go.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.