Jɛnɛsis 13
13
Ebram ɛn Lɔt Pat Kɔmpin
1So Ebram kɔmɔt na Ijipt, wit ɔl wetin i gɛt. In wɛf ɛn Lɔt bin de wit am. Dɛn go tap na Nɛgɛv. 2Ebram na bin jɛntri man. I bin gɛt ship, got, ɛn kaw dɛn, wit silva ɛn gold. 3I kɔmɔt de fɔ go Bɛthɛl na di ples usay i bin de fɔs, bitwin Bɛthɛl ɛn Ayi 4usay i bin dɔn bil ɔlta. Ebram wɔship PAPA GƆD we i rich de.
5Lɔt insɛf bin gɛt ship, got ɛn kaw, ɛn in yon pipul dɛn. 6Di ples bin kam tayt fɔ dɛn tu fɔ tap togɛda, bikɔs dɛn bin gɛt bɔku bɔku animal dɛn. 7Plaba bigin bi bitwin Lɔt in wokman dɛn ɛn Ebram in yon wokman dɛn bɔt usay fɔ fid di animal dɛn. Da tɛm de di Kenanayt ɛn di Pɛrizayt dɛn bin stil de na di kɔntri.
8So Ebram tɛl Lɔt se, “Mi ɛn yu na fambul, lɛ wi nɔ mek plaba; yu man dɛn ɛn mi yon dɛn nɔ fɔ de mek plaba. 9Di land bɔku, so, duya, lɛ wi pat kɔmpin. Pik ɛnisay we yu want na di kɔntri. If yu go lɛft mi go go rayt, if yu go rayt mi go go lɛft.”
10So Lɔt es in ed ɔp ɛn luk rawnd. I si se di flat grɔn na Jɔdan, sote go Zoa bin fayn ɛn gɛt plɛnti wata lɛkɛ da ples we PAPA GƆD mek fɔ Adam ɔ lɛkɛ di land na Ijipt. Dis na bifo PAPA GƆD dɔnawe wit Sɔdɔm ɛn Gomɔra. 11Lɔt bin pik di wanol Jɔdan Vali fɔ insɛf, ɛn i bin go na di istɛn say. Na so dɛn tu pipul ya tek pat kɔmpin. 12Ebram bin lɛf na Kenan, bɔt Lɔt in go bil in tɛnt ɛn tap nia Sɔdɔm we na wan pan di big siti dɛn na di vali. 13Di pipul dɛn we bin tap na Sɔdɔm bin wikɛd, ɛn bin de du bad bad tin we PAPA GƆD nɔ lɛk.
Ebram Muf Go Ɛbrɔn
14We Lɔt dɔn go, PAPA GƆD tɛl Ebram se, “Es yu ed ɔp ɛn luk nɔth, sawt, ist ɛn wɛst. 15A go gi yu ɛn yu jɛnareshɔn ɔl dis land we yu si so, ɛn i go bi una yon sote go. 16A go mek yu jɛnareshɔn bɔku lɛkɛ sansan; if dɛn ebul kɔnt sansan, dɛn, dɛn go ebul kɔnt dɛn. 17Naw, go luk ɔl di land, bikɔs a de kam gi yu ɔl.” 18So Ebram muf wit in tɛnt go tap na wan ples we nem Ɛbrɔn nia Mamrɛ in ok tik dɛn. I bil ɔlta de fɔ wɔship PAPA GƆD.
Currently Selected:
Jɛnɛsis 13: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Jɛnɛsis 13
13
Ebram ɛn Lɔt Pat Kɔmpin
1So Ebram kɔmɔt na Ijipt, wit ɔl wetin i gɛt. In wɛf ɛn Lɔt bin de wit am. Dɛn go tap na Nɛgɛv. 2Ebram na bin jɛntri man. I bin gɛt ship, got, ɛn kaw dɛn, wit silva ɛn gold. 3I kɔmɔt de fɔ go Bɛthɛl na di ples usay i bin de fɔs, bitwin Bɛthɛl ɛn Ayi 4usay i bin dɔn bil ɔlta. Ebram wɔship PAPA GƆD we i rich de.
5Lɔt insɛf bin gɛt ship, got ɛn kaw, ɛn in yon pipul dɛn. 6Di ples bin kam tayt fɔ dɛn tu fɔ tap togɛda, bikɔs dɛn bin gɛt bɔku bɔku animal dɛn. 7Plaba bigin bi bitwin Lɔt in wokman dɛn ɛn Ebram in yon wokman dɛn bɔt usay fɔ fid di animal dɛn. Da tɛm de di Kenanayt ɛn di Pɛrizayt dɛn bin stil de na di kɔntri.
8So Ebram tɛl Lɔt se, “Mi ɛn yu na fambul, lɛ wi nɔ mek plaba; yu man dɛn ɛn mi yon dɛn nɔ fɔ de mek plaba. 9Di land bɔku, so, duya, lɛ wi pat kɔmpin. Pik ɛnisay we yu want na di kɔntri. If yu go lɛft mi go go rayt, if yu go rayt mi go go lɛft.”
10So Lɔt es in ed ɔp ɛn luk rawnd. I si se di flat grɔn na Jɔdan, sote go Zoa bin fayn ɛn gɛt plɛnti wata lɛkɛ da ples we PAPA GƆD mek fɔ Adam ɔ lɛkɛ di land na Ijipt. Dis na bifo PAPA GƆD dɔnawe wit Sɔdɔm ɛn Gomɔra. 11Lɔt bin pik di wanol Jɔdan Vali fɔ insɛf, ɛn i bin go na di istɛn say. Na so dɛn tu pipul ya tek pat kɔmpin. 12Ebram bin lɛf na Kenan, bɔt Lɔt in go bil in tɛnt ɛn tap nia Sɔdɔm we na wan pan di big siti dɛn na di vali. 13Di pipul dɛn we bin tap na Sɔdɔm bin wikɛd, ɛn bin de du bad bad tin we PAPA GƆD nɔ lɛk.
Ebram Muf Go Ɛbrɔn
14We Lɔt dɔn go, PAPA GƆD tɛl Ebram se, “Es yu ed ɔp ɛn luk nɔth, sawt, ist ɛn wɛst. 15A go gi yu ɛn yu jɛnareshɔn ɔl dis land we yu si so, ɛn i go bi una yon sote go. 16A go mek yu jɛnareshɔn bɔku lɛkɛ sansan; if dɛn ebul kɔnt sansan, dɛn, dɛn go ebul kɔnt dɛn. 17Naw, go luk ɔl di land, bikɔs a de kam gi yu ɔl.” 18So Ebram muf wit in tɛnt go tap na wan ples we nem Ɛbrɔn nia Mamrɛ in ok tik dɛn. I bil ɔlta de fɔ wɔship PAPA GƆD.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.