Jɛnɛsis 18
18
PAPA GƆD Prɔmis Ebraam Ɛn Sera Bɔy pikin
1PAPA GƆD apia to Ebraam wan aftanun we di san bin tinap. We Ebraam bin sidɔm bifo in tɛnt domɔt nia usay Mamrɛ in ok tik dɛn bin de. 2I es in ed ɔp ɛn si tri man#18:2 Tri man Na PAPA GƆD ɛn tu enjɛl dɛn. dɛn tinap bifo am. We i si dɛn, i grap kwik go mit dɛn ɛn butu in fes na grɔn. 3Dɛn i se, “Du sa, una nɔ jɛs pas mi os go; una blo lilibit. 4Lɛ dɛn briŋ wata fɔs mek una was una fut; dɔn una kin blo ɔnda dis tik. 5Lɛ a go briŋ smɔl tin kam fɔ una fɔ it, so una go gɛt trɛnk fɔ una patrol. Una dɔn gi mi rɛspɛkt we una kam na mi os, so mek a sav una.”
Dɛn ansa se, “Ɔrayt wi gri, tɛnki.”
6Ebraam mekes go insay in tɛnt ɛn tɛl Sera se, “Mekes, tek wan smɔl bag flawa ɛn bek sɔm bred kwik.” 7Dɔn in rɔn go tek wan smɔl fayn kaw pikin ɛn gi in wokman fɔ mekes kuk. 8I tek sɔm yogɔt, milk, ɛn di bif we bin dɔn kuk ɛn go sav di man dɛn ɔnda di tik. I tinap de we dɛn de it.
9Nain dɛn aks am se, “We yu wɛf Sera?”
I ansa dɛn se, “I de insay di tɛnt.”
10Dɛn PAPA GƆD tɛl am se, “A de kam fɛn yu bak dis sem tɛm nɛks ia. Bɔt bifo a kam yu wɛf Sera go dɔn bɔn bɔypikin.”
Sera bin tinap biɛn di tɛnt in domɔt, de lisin. 11Ebraam ɛn Sera bin dɔn ol, ɛn Sera nɔ bin de si in piriɔd igen 12We Sera yɛri wetin dɛn se, i laf nain at ɛn se, “Lɛkɛ aw a ol so, luk mi we de go bɔn pikin we mi man insɛf dɔn ol so” 13Dɔn PAPA GƆD aks Ebraam se, “Wetin du Sera laf to insɛf ɛn se, lɛkɛ we i dɔn ol so if in go ebul bɔn pikin? 14Wetin de we a nɔ ebul du? Lɛkɛ aw a se nɔmɔ, a de kam fɛn yu bak dis sem tɛm nɛks ia, bɔt bifo a kam, Sera go dɔn bɔn bɔypikin.”
15Bikɔs Sera bin de fred, i dinay se, in nɔ laf. Bɔt PAPA GƆD tɛl am se, i laf.
Ebraam Beg PAPA GƆD Fɔ Sɔri Fɔ Sɔdɔm
16Di man dɛn grap fɔ go ɛn Ebraam go lɛf dɛn na rod. We dɛn bin de go dɛn luk dɔŋ say to usay Sɔdɔm de. 17PAPA GƆD tɔk to insɛf se, “I nɔ go fayn lɛ a ayd wetin a want du pan Ebraam, bikɔs 18nain gɛt fɔ bi di papa fɔ big, big neshɔn dɛn ɛn nain go mek ɔl dɛn neshɔn na wɔl gɛt dɛn blɛsin. 19A dɔn pik am fɔ tɛl in jɛnareshɔn dɛn fɔ obe mi ɛn du wetin rayt ɛn tret wit mi. Dat go mek misɛf du ɔl wetin a bin prɔmis am.”
20So PAPA GƆD tɛl Ebraam se, in dɔn yɛri bad bad tin dɛn bɔt di pipul dɛn na Sɔdɔm ɛn Gomɔra, ɛn dɛn dɔn pasmak 21so i de go dɔŋ de fɔ go si if wetin yɛri na tru.
22Di tu man dɛn lɛf fɔ go dɔŋ na Sɔdɔm, bɔt PAPA GƆD in bin lɛf wit Ebraam. 23Ebraam go nia PAPA GƆD ɛn aks am se, “Fɔ tru, tru, yu go mek di pipul we de du rayt sɔfa wit di wan dɛn we de du bad? 24If na fifti pipul de de we de du wetin rayt, yu go stil pwɛl di siti? Yu nɔ go lɛf fɔseka dɛn fifti pipul dɛn de? 25A no se yu nɔ go du dat. Yu nɔ tan so! Yu nɔ go mek udat du rɔŋ ɛn udat du rayt gɛt di sem pɔnishmɛnt. Yu we na jɔj fɔ di wanol wɔl go jɔj tret wan.”
26Dɛn PAPA GƆD se, “If a fɛn fifti pipul dɛn we de du wetin rayt na Sɔdɔm a go lɛf di siti fɔseka dɛn.”
27Ebraam tɔk igen se: “PAPA GƆD, duya fɔgiv mi fɔ we a de tɔk. Yu no se mi na ɔdinari mɔtalman. 28Sɔpoz na fɔti-fayv pipul dɛn nɔmɔ de de we de du wetin rayt, dɛn nɔ rich fifti, yu go stil pwɛl di wanol siti bikɔs fayv shɔt tin?”
PAPA GƆD ansa se, “A nɔ go pwɛl di siti if a fɛn fɔti-fayv pipul de we de du wetin rayt.”
29Ebraam tɔk igen se: “Sɔntɛm i go bi se na fɔti de de.”
PAPA GƆD ansa bak se, “A nɔ go pwɛl am if na fɔti a fɛn de.”
30Nain Ebraam se, “PAPA GƆD, duya nɔ vɛks pan mi we a de tɔk bɔku. Bɔt, wetin go apin if na tati nɔmɔ yu mit?”
PAPA GƆD se, “A nɔ go pwɛl am if a fɛn tati.”
31Ebraam se, “PAPA GƆD, duya, lɛ a nɔ taya fɔ tɔk to yu igen Wetin go apin if na twɛnti nɔmɔ yu fɛn?”
PAPA GƆD ansa se, “A nɔ go pwɛl di siti if na twɛnti nɔmɔ a fɛn.”
32Ebraam se, “PAPA GƆD, duya nɔ vɛks pan mi, na di las tɛm dis. Wetin go apin if na tɛn nɔmɔ yu fɛn?”
PAPA GƆD se, “A nɔ go pwɛl am if a fɛn tɛn.” 33Afta we dɛn dɔn tɔk dɔn, PAPA GƆD go in we, dɛn Ebraam tɔn bak go nain os.
Currently Selected:
Jɛnɛsis 18: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Jɛnɛsis 18
18
PAPA GƆD Prɔmis Ebraam Ɛn Sera Bɔy pikin
1PAPA GƆD apia to Ebraam wan aftanun we di san bin tinap. We Ebraam bin sidɔm bifo in tɛnt domɔt nia usay Mamrɛ in ok tik dɛn bin de. 2I es in ed ɔp ɛn si tri man#18:2 Tri man Na PAPA GƆD ɛn tu enjɛl dɛn. dɛn tinap bifo am. We i si dɛn, i grap kwik go mit dɛn ɛn butu in fes na grɔn. 3Dɛn i se, “Du sa, una nɔ jɛs pas mi os go; una blo lilibit. 4Lɛ dɛn briŋ wata fɔs mek una was una fut; dɔn una kin blo ɔnda dis tik. 5Lɛ a go briŋ smɔl tin kam fɔ una fɔ it, so una go gɛt trɛnk fɔ una patrol. Una dɔn gi mi rɛspɛkt we una kam na mi os, so mek a sav una.”
Dɛn ansa se, “Ɔrayt wi gri, tɛnki.”
6Ebraam mekes go insay in tɛnt ɛn tɛl Sera se, “Mekes, tek wan smɔl bag flawa ɛn bek sɔm bred kwik.” 7Dɔn in rɔn go tek wan smɔl fayn kaw pikin ɛn gi in wokman fɔ mekes kuk. 8I tek sɔm yogɔt, milk, ɛn di bif we bin dɔn kuk ɛn go sav di man dɛn ɔnda di tik. I tinap de we dɛn de it.
9Nain dɛn aks am se, “We yu wɛf Sera?”
I ansa dɛn se, “I de insay di tɛnt.”
10Dɛn PAPA GƆD tɛl am se, “A de kam fɛn yu bak dis sem tɛm nɛks ia. Bɔt bifo a kam yu wɛf Sera go dɔn bɔn bɔypikin.”
Sera bin tinap biɛn di tɛnt in domɔt, de lisin. 11Ebraam ɛn Sera bin dɔn ol, ɛn Sera nɔ bin de si in piriɔd igen 12We Sera yɛri wetin dɛn se, i laf nain at ɛn se, “Lɛkɛ aw a ol so, luk mi we de go bɔn pikin we mi man insɛf dɔn ol so” 13Dɔn PAPA GƆD aks Ebraam se, “Wetin du Sera laf to insɛf ɛn se, lɛkɛ we i dɔn ol so if in go ebul bɔn pikin? 14Wetin de we a nɔ ebul du? Lɛkɛ aw a se nɔmɔ, a de kam fɛn yu bak dis sem tɛm nɛks ia, bɔt bifo a kam, Sera go dɔn bɔn bɔypikin.”
15Bikɔs Sera bin de fred, i dinay se, in nɔ laf. Bɔt PAPA GƆD tɛl am se, i laf.
Ebraam Beg PAPA GƆD Fɔ Sɔri Fɔ Sɔdɔm
16Di man dɛn grap fɔ go ɛn Ebraam go lɛf dɛn na rod. We dɛn bin de go dɛn luk dɔŋ say to usay Sɔdɔm de. 17PAPA GƆD tɔk to insɛf se, “I nɔ go fayn lɛ a ayd wetin a want du pan Ebraam, bikɔs 18nain gɛt fɔ bi di papa fɔ big, big neshɔn dɛn ɛn nain go mek ɔl dɛn neshɔn na wɔl gɛt dɛn blɛsin. 19A dɔn pik am fɔ tɛl in jɛnareshɔn dɛn fɔ obe mi ɛn du wetin rayt ɛn tret wit mi. Dat go mek misɛf du ɔl wetin a bin prɔmis am.”
20So PAPA GƆD tɛl Ebraam se, in dɔn yɛri bad bad tin dɛn bɔt di pipul dɛn na Sɔdɔm ɛn Gomɔra, ɛn dɛn dɔn pasmak 21so i de go dɔŋ de fɔ go si if wetin yɛri na tru.
22Di tu man dɛn lɛf fɔ go dɔŋ na Sɔdɔm, bɔt PAPA GƆD in bin lɛf wit Ebraam. 23Ebraam go nia PAPA GƆD ɛn aks am se, “Fɔ tru, tru, yu go mek di pipul we de du rayt sɔfa wit di wan dɛn we de du bad? 24If na fifti pipul de de we de du wetin rayt, yu go stil pwɛl di siti? Yu nɔ go lɛf fɔseka dɛn fifti pipul dɛn de? 25A no se yu nɔ go du dat. Yu nɔ tan so! Yu nɔ go mek udat du rɔŋ ɛn udat du rayt gɛt di sem pɔnishmɛnt. Yu we na jɔj fɔ di wanol wɔl go jɔj tret wan.”
26Dɛn PAPA GƆD se, “If a fɛn fifti pipul dɛn we de du wetin rayt na Sɔdɔm a go lɛf di siti fɔseka dɛn.”
27Ebraam tɔk igen se: “PAPA GƆD, duya fɔgiv mi fɔ we a de tɔk. Yu no se mi na ɔdinari mɔtalman. 28Sɔpoz na fɔti-fayv pipul dɛn nɔmɔ de de we de du wetin rayt, dɛn nɔ rich fifti, yu go stil pwɛl di wanol siti bikɔs fayv shɔt tin?”
PAPA GƆD ansa se, “A nɔ go pwɛl di siti if a fɛn fɔti-fayv pipul de we de du wetin rayt.”
29Ebraam tɔk igen se: “Sɔntɛm i go bi se na fɔti de de.”
PAPA GƆD ansa bak se, “A nɔ go pwɛl am if na fɔti a fɛn de.”
30Nain Ebraam se, “PAPA GƆD, duya nɔ vɛks pan mi we a de tɔk bɔku. Bɔt, wetin go apin if na tati nɔmɔ yu mit?”
PAPA GƆD se, “A nɔ go pwɛl am if a fɛn tati.”
31Ebraam se, “PAPA GƆD, duya, lɛ a nɔ taya fɔ tɔk to yu igen Wetin go apin if na twɛnti nɔmɔ yu fɛn?”
PAPA GƆD ansa se, “A nɔ go pwɛl di siti if na twɛnti nɔmɔ a fɛn.”
32Ebraam se, “PAPA GƆD, duya nɔ vɛks pan mi, na di las tɛm dis. Wetin go apin if na tɛn nɔmɔ yu fɛn?”
PAPA GƆD se, “A nɔ go pwɛl am if a fɛn tɛn.” 33Afta we dɛn dɔn tɔk dɔn, PAPA GƆD go in we, dɛn Ebraam tɔn bak go nain os.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.