Jɛnɛsis 26
26
Ayzak Tap Na Gɛra
1Aŋri bin de na di kɔntri bak afta da wan we bin de Ebraam in tɛm. So, Ayzak muf go tap na Gɛra usay Abimɛlɛk, di Filistin dɛn kiŋ bin de. 2We i de de, PAPA GƆD apia to am ɛn tɛl am se, “Nɔ go na Ijipt, de usay a tɛl yu fɔ de. 3Nɔ muf na ya naw ɛn a go de wit yu ɛn blɛs yu. A go gi yu ɛn yu jɛnareshɔn ɔl dis land lɛkɛ aw a bin dɔn swɛ to yu papa Ebraam se a go du. 4A go mek yu jɛnareshɔn dɛn bɔku lɛk di sta dɛn de na di skay, ɛn a go gi dɛn dis wanol ples. Na tru dɛn ɔl dɛn ɔda neshɔn go gɛt blɛsin. 5A go du so bikɔs Ebraam bin de yɛri mi wɔd, ɛn du ɔl wetin a lɛk, ɔl wetin a tɛl am fɔ du, ɛn obe ɔl di lɔ we a gi am.
6So Ayzak insɛf nɔ muf kɔmɔt Gɛra. 7We di man dɛn na Gɛra aks am bɔt Ribɛka, i tɛl dɛn se nain sista. I fred fɔ tɔk se nain wɛf. I bin tink se di man dɛn go kil am ɛn tek in wɛf nain an, bikɔs Ribɛka bin fayn. 8We Ayzak bin dɔn de de lɔŋ lilibit, Abimɛlɛk, di Filistin dɛn kiŋ, luk oba in winda ɛn di we we i si Ayzak ɛn Ribɛka de ple 9mek i sɛn kɔl Ayzak ɛn se, “E e!, so na yu wɛf? Wetin mek yu se na yu sista?”
Ayzak ansa se, “Bikɔs a bin de fred se dɛn go kil mi ɛn tek am na mi an, sa.”
10Abimɛlɛk se, “Wetin mek yu du dat to wi? Yu bin fɔ put wi pan waala if wan pan mi man dɛn bin dɔn lidɔm wit yu wɛf.” 11So Abimɛlɛk wɔn ɔlman nɔ fɔ ambɔg di man ɔ in wɛf ɔ nɔ so da pɔsin de go day.
12Da ia de, di tin dɛn we Ayzak plant bɔs fayn. Di avɛst we i gɛt bin wan ɔndrɛd tɛm bɔku pas wetin i plant, bikɔs PAPA GƆD blɛs am. 13Ayzak kam jɛntri ɛn na so i bin de jɛntri mɔ ɛn mɔ. 14Bikɔs i bin gɛt bɔku, bɔku got, ship, kaw ɛn wokman dɛn, di Filistin dɛn bigin jɛlɔs am, 15so dɛn pak dɔti insay Ayzak in wɛl dɛn. Dɛn wɛl dɛn de nain papa Ebraam in wokman dɛn bin dig dɛn bifo i day.
16Abimɛlɛk drɛb Ayzak kɔmɔt na di kɔntri. I se, “Yu dɔn kam jɛntri ɛn gɛt pawa pas wi.” 17So Ayzak insɛf kɔmɔt de ɛn go tap na di vali na Gɛra. 18I opin di wɛl dɛn we in papa bin dɔn dig, we di Filistin dɛn bin ful-ɔp afta Ebraam day. Ayzak gi dɛn di sem nem dɛn we in papa Ebraam bin gi dɛn.
19Ayzak in wokman dɛnsɛf bin de dig dig rawnd di vali na Gɛra te dɛn fɛn sɔnsay we wata bɔs na di grɔn. 20Bɔt di man dɛn we de mɛn dɛn animal dɛn na Gɛra kam se na dɛn yon, ɛn bigin agyu wit Ayzak in yon wokman dɛn. Dat mek Ayzak gi di wɛl nem, Ɛsɛk#26:20 Ɛsɛk Na di Ibru nem fɔ plaba. bikɔs dɛn bin de mek plaba wit am. 21Ayzak in wokman dɛn dig ɔda wɛl, bɔt di man dɛn we de mɛn dɛn animal dɛn mek plaba bak wit dɛn fɔ da wande insɛf. Fɔseka dat Ayzak kɔl di wɛl Sitna#26:21 Sitna Na di Ibru wɔd we min ɔpozishɔn. we min “Ɔpozishɔn.” 22So dɛn muf kɔmɔt de go ɔda say ɛn go dig ɔda wɛl. Plaba nɔ bin de fɔ dis wan, so Ayzak kɔl am Rɛobɔt#26:22 Rɛobɔt Na di Ibru wɔd we min speshɔs ples. we min “Speshɔs ples” ɛn se, PAPA GƆD dɔn gi dɛn big ples ɛn bɛtɛ go fala dɛn usay dɛn de.
23Frɔm de Ayzak kɔmɔt go Biashiba. 24Da nɛt de PAPA GƆD apia to am ɛn tɛl am se, “Mi na yu papa Ebraam in PAPA GƆD. Nɔ fred; A de wit yu. A go blɛs yu ɛn mek yu jɛnareshɔn dɛn bɔku bikɔs na so a bin dɔn prɔmis mi savant Ebraam.” 25Ayzak bil ɔlta de ɛn wɔship PAPA GƆD. Dɔn i bil in kamp de, ɛn in wokman dɛn dig ɔda wɛl.
Ayzak Ɛn Abimɛlɛk Tay Bagin
26Abimɛlɛk kɔmɔt na Gɛra wit Auzath we nain advaysa, ɛn Fikɔl, we na kɔmanda fɔ in sojaman dɛn, fɔ kam si Ayzak. 27Ayzak aks dɛn wetin dɛn kam du we dɛn bin dɔn drɛb am kɔmɔt na dɛn kɔntri.
28Dɛn ansa am se, dɛn dɔn no naw se PAPA GƆD de wit am so dɛn kam fɔ mek dɛn go tay bagin fɔ sho se dɛn gɛt wan wɔd. Dɛn want fɔ mek i swɛ 29se i nɔ go du dɛn bad lɛkɛ aw dɛnsɛf nɔ bin du am bad. Dɛn se dɛn bin gud to am ɛn dɛn pat kɔmpin saful wan ɛn si aw PAPA GƆD dɔn blɛs am naw. 30So Ayzak mek pati fɔ dɛn ɛn dɛn it ɛn drink nɔf. 31Dɛn grap ali mɔnin, ɛn swɛ wan bay wan to dɛn kɔmpin. Afta dat Ayzak tɛl dɛn gudbay ɛn ɔlman go om pisful wan.
32Da sem de de, Ayzak in wokman dɛn kam tɛl am bɔt di wɛl we dɛn dɔn dig. Dɛn se dɛn dɔn fɛn wata. 33Ayzak gi di wɛl nem Shiba we min “Swɛ.” Na so di big siti Biashiba tek gɛt in nem te tide.
Isɔ Mared Fɔrina Dɛn
34We Isɔ ol fɔti ia, i mared Judith, da Itayt man we nem Bieri in gyal pikin; dɔn i mared Basimath we na Ɛlɔn in gyal pikin. Ɛlɔn insɛf na Itayt. 35Dɛn bin mek layf traŋa fɔ Ayzak ɛn Ribɛka.
Currently Selected:
Jɛnɛsis 26: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Jɛnɛsis 26
26
Ayzak Tap Na Gɛra
1Aŋri bin de na di kɔntri bak afta da wan we bin de Ebraam in tɛm. So, Ayzak muf go tap na Gɛra usay Abimɛlɛk, di Filistin dɛn kiŋ bin de. 2We i de de, PAPA GƆD apia to am ɛn tɛl am se, “Nɔ go na Ijipt, de usay a tɛl yu fɔ de. 3Nɔ muf na ya naw ɛn a go de wit yu ɛn blɛs yu. A go gi yu ɛn yu jɛnareshɔn ɔl dis land lɛkɛ aw a bin dɔn swɛ to yu papa Ebraam se a go du. 4A go mek yu jɛnareshɔn dɛn bɔku lɛk di sta dɛn de na di skay, ɛn a go gi dɛn dis wanol ples. Na tru dɛn ɔl dɛn ɔda neshɔn go gɛt blɛsin. 5A go du so bikɔs Ebraam bin de yɛri mi wɔd, ɛn du ɔl wetin a lɛk, ɔl wetin a tɛl am fɔ du, ɛn obe ɔl di lɔ we a gi am.
6So Ayzak insɛf nɔ muf kɔmɔt Gɛra. 7We di man dɛn na Gɛra aks am bɔt Ribɛka, i tɛl dɛn se nain sista. I fred fɔ tɔk se nain wɛf. I bin tink se di man dɛn go kil am ɛn tek in wɛf nain an, bikɔs Ribɛka bin fayn. 8We Ayzak bin dɔn de de lɔŋ lilibit, Abimɛlɛk, di Filistin dɛn kiŋ, luk oba in winda ɛn di we we i si Ayzak ɛn Ribɛka de ple 9mek i sɛn kɔl Ayzak ɛn se, “E e!, so na yu wɛf? Wetin mek yu se na yu sista?”
Ayzak ansa se, “Bikɔs a bin de fred se dɛn go kil mi ɛn tek am na mi an, sa.”
10Abimɛlɛk se, “Wetin mek yu du dat to wi? Yu bin fɔ put wi pan waala if wan pan mi man dɛn bin dɔn lidɔm wit yu wɛf.” 11So Abimɛlɛk wɔn ɔlman nɔ fɔ ambɔg di man ɔ in wɛf ɔ nɔ so da pɔsin de go day.
12Da ia de, di tin dɛn we Ayzak plant bɔs fayn. Di avɛst we i gɛt bin wan ɔndrɛd tɛm bɔku pas wetin i plant, bikɔs PAPA GƆD blɛs am. 13Ayzak kam jɛntri ɛn na so i bin de jɛntri mɔ ɛn mɔ. 14Bikɔs i bin gɛt bɔku, bɔku got, ship, kaw ɛn wokman dɛn, di Filistin dɛn bigin jɛlɔs am, 15so dɛn pak dɔti insay Ayzak in wɛl dɛn. Dɛn wɛl dɛn de nain papa Ebraam in wokman dɛn bin dig dɛn bifo i day.
16Abimɛlɛk drɛb Ayzak kɔmɔt na di kɔntri. I se, “Yu dɔn kam jɛntri ɛn gɛt pawa pas wi.” 17So Ayzak insɛf kɔmɔt de ɛn go tap na di vali na Gɛra. 18I opin di wɛl dɛn we in papa bin dɔn dig, we di Filistin dɛn bin ful-ɔp afta Ebraam day. Ayzak gi dɛn di sem nem dɛn we in papa Ebraam bin gi dɛn.
19Ayzak in wokman dɛnsɛf bin de dig dig rawnd di vali na Gɛra te dɛn fɛn sɔnsay we wata bɔs na di grɔn. 20Bɔt di man dɛn we de mɛn dɛn animal dɛn na Gɛra kam se na dɛn yon, ɛn bigin agyu wit Ayzak in yon wokman dɛn. Dat mek Ayzak gi di wɛl nem, Ɛsɛk#26:20 Ɛsɛk Na di Ibru nem fɔ plaba. bikɔs dɛn bin de mek plaba wit am. 21Ayzak in wokman dɛn dig ɔda wɛl, bɔt di man dɛn we de mɛn dɛn animal dɛn mek plaba bak wit dɛn fɔ da wande insɛf. Fɔseka dat Ayzak kɔl di wɛl Sitna#26:21 Sitna Na di Ibru wɔd we min ɔpozishɔn. we min “Ɔpozishɔn.” 22So dɛn muf kɔmɔt de go ɔda say ɛn go dig ɔda wɛl. Plaba nɔ bin de fɔ dis wan, so Ayzak kɔl am Rɛobɔt#26:22 Rɛobɔt Na di Ibru wɔd we min speshɔs ples. we min “Speshɔs ples” ɛn se, PAPA GƆD dɔn gi dɛn big ples ɛn bɛtɛ go fala dɛn usay dɛn de.
23Frɔm de Ayzak kɔmɔt go Biashiba. 24Da nɛt de PAPA GƆD apia to am ɛn tɛl am se, “Mi na yu papa Ebraam in PAPA GƆD. Nɔ fred; A de wit yu. A go blɛs yu ɛn mek yu jɛnareshɔn dɛn bɔku bikɔs na so a bin dɔn prɔmis mi savant Ebraam.” 25Ayzak bil ɔlta de ɛn wɔship PAPA GƆD. Dɔn i bil in kamp de, ɛn in wokman dɛn dig ɔda wɛl.
Ayzak Ɛn Abimɛlɛk Tay Bagin
26Abimɛlɛk kɔmɔt na Gɛra wit Auzath we nain advaysa, ɛn Fikɔl, we na kɔmanda fɔ in sojaman dɛn, fɔ kam si Ayzak. 27Ayzak aks dɛn wetin dɛn kam du we dɛn bin dɔn drɛb am kɔmɔt na dɛn kɔntri.
28Dɛn ansa am se, dɛn dɔn no naw se PAPA GƆD de wit am so dɛn kam fɔ mek dɛn go tay bagin fɔ sho se dɛn gɛt wan wɔd. Dɛn want fɔ mek i swɛ 29se i nɔ go du dɛn bad lɛkɛ aw dɛnsɛf nɔ bin du am bad. Dɛn se dɛn bin gud to am ɛn dɛn pat kɔmpin saful wan ɛn si aw PAPA GƆD dɔn blɛs am naw. 30So Ayzak mek pati fɔ dɛn ɛn dɛn it ɛn drink nɔf. 31Dɛn grap ali mɔnin, ɛn swɛ wan bay wan to dɛn kɔmpin. Afta dat Ayzak tɛl dɛn gudbay ɛn ɔlman go om pisful wan.
32Da sem de de, Ayzak in wokman dɛn kam tɛl am bɔt di wɛl we dɛn dɔn dig. Dɛn se dɛn dɔn fɛn wata. 33Ayzak gi di wɛl nem Shiba we min “Swɛ.” Na so di big siti Biashiba tek gɛt in nem te tide.
Isɔ Mared Fɔrina Dɛn
34We Isɔ ol fɔti ia, i mared Judith, da Itayt man we nem Bieri in gyal pikin; dɔn i mared Basimath we na Ɛlɔn in gyal pikin. Ɛlɔn insɛf na Itayt. 35Dɛn bin mek layf traŋa fɔ Ayzak ɛn Ribɛka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.