Jɛnɛsis 32
32
Jekɔb Rɛdi Fɔ Mit Isɔ
1We Jekɔb bin de na rod de go, in ɛn sɔm pan PAPA GƆD in enjɛl dɛn mitɔp. 2As i si dɛn so, i se, “Dis na PAPA GƆD in Kamp” so i kɔl di ples Maanaim.#32:2 Maanaim Na Ibru Laŋwej, i min ‘Tu Kamp.
3Jekɔb sɛn mɛsenja dɛn to in brɔda Isɔ na di Sɛir eria insay Idɔm. 4I tɛl dɛn fɔ tɛl mista Isɔ se in bɔbɔ Jekɔb de tɛl am adu. I se mek dɛn tɛl am se i bin tap to Leban ɛn na de i bin de te i de tɔn bak so. 5I se i gɛt kaw, dɔŋki, ship, ɛn slev dɛn ɛn i de sɛn wɔd to am, mek i no se i de kam ɛn abop se i go gladi fɔ si am.
6We di mɛsenja dɛn kam bak to Jekɔb, dɛn tɛl am se, dɛn mit in brɔda Isɔ de na rod de kam mit am wit fo ɔndrɛd man dɛn. 7We Jekɔb yɛri dis i bin fred so i sheb di pipul dɛn we bin de wit am wit in ship, got, kaw ɛn kamɛl dɛnsɛf to tu say. 8Dɔn i tɔk nain at se, “If Isɔ kam atak wan grup, di ɔda grup go rɔnawe.”
9Dɔn Jekɔb pre se, “PAPA GƆD, we na mi grampa Ebraam ɛn mi papa Ayzak dɛn PAPA GƆD, yu bin dɔn tɛl mi se a fɔ go bak na mi kɔntri ɛn to mi fambul dɛn, ɛn yu go mek ɔltin fayn fɔ mi. 10A nɔ fit fɔ gɛt ɔl di gudnɛs ɛn di fethfulnɛs we yu de sho mi we na yu savant. Di tɛm we a bin de go, a krɔs Riva Jɔdan wit natin pas wɔkinstik, bɔt naw a dɔn kam bak wit ɔl dɛn bɔku pipul ya so we a dɔn sheb to tu grup. 11A de pre duya, nɔ mek mi brɔda Isɔ du mi ɛnitin bad. A de fred se i de kam fɔ kil mi wit mi wɛf ɛn pikin dɛn. 12Yu bin dɔn se yu go mek ɔltin fayn fɔ mi ɛn yu go mek mi jɛnareshɔn bɔku lɛkɛ sansan na bich we nɔbɔdi nɔ go ebul fɔ kɔnt.”
13Jekɔb slip da nɛt de ɛn we do klin i tek sɔm pan di animal dɛn we i gɛt, fɔ go gi Isɔ as prɛzɛnt. 14I tek tu ɔndrɛd uman got, twɛnti man got, tu ɔndrɛd uman ship, twɛnti man ship, 15tati uman kamɛl wit dɛn pikin dɛn, fɔti uman kaw, tɛn man kaw, twɛnti uman dɔŋki ɛn tɛn man dɔŋki dɛn. 16I mek di wokman dɛn waka bifo am wit dɛn animal ya, bɔt i lɛf spes bitwin di grup dɛn. 17I tɛl di wokman we de bifo se, if in brɔda Isɔ mit am na rod ɛn aks am udat nain masta, usay i de go ɛn udat gɛt dɛn animal ya we de wit am so, 18i fɔ ansa am se, “Nain bɔbɔ Jekɔb gɛt dɛn. I se fɔ briŋ dɛn kam to in brɔda mista Isɔ fɔ prɛzɛnt, ɛn insɛf de biɛn dɛn de kam.” 19Jekɔb tɛl ɔl in wokman dɛn na di difrɛn grup di sem tin. I se, dɛn ɔl fɔ gi mista Isɔ di sem mɛsej we dɛn mit am. 20I wɔn dɛn bak se dɛn fɔ mek shɔ se dɛn tɛl Isɔ se in bɔbɔ Jekɔb de biɛn de kam. Jekɔb du so bikɔs i bin de op se we Isɔ si di prɛzɛnt dɛn in at go kol bifo dɛn tu mit. I se sɔntɛm Isɔ go gladi fɔ mi. 21I sɛn di prɛzɛnt dɛn go bifo bɔt insɛf bin lɛf na di kamp da nɛt de.
Jekɔb Fɛt Wit Wan Enjɛl
22Da sem nɛt de Jekɔb grap, tek in tu wɛf, di tu savant-gyal dɛn ɛn in ilɛvin bɔypikin dɛn dɔn dɛn krɔs Riva Jabɔk. 23Wɛn dɛn dɔn krɔs go oba, i sɛn ɔl in prɔpati go mit dɛn. 24In wangren bin lɛf biɛn ɛn wan man fɛt am te do klin. 25We di man si se i nɔ ebul win di fɛt, i wap Jekɔb nain wesbon, ɛn mek di bon shift. 26Di man tɛl Jekɔb lɛ i lɛf am fɔ go bikɔs do dɔn klin.
Jekɔb ansa am se in nɔ go lɛf am, pas i blɛs am.
27Di man aks am wetin i nem
I ansa se nem Jekɔb.
28Nain di man tɛl am se in nɔ go nem Jekɔb igen In nem naw na Izrɛl#32:28 Izrɛl I fiba di Ibru fɔ “chalenj PAPA GƆD” bikɔs i dɔn chalenj wit PAPA GƆD ɛn mɔtalman, ɛn i dɔn win.
29Nain Jekɔb aks di man, wetin nain yon nem
Bɔt di man aks am wetin mek i want fɔ no in yon nem. Dɔn i blɛs Jekɔb de.
30Jekɔb gi di ples nem Pɛniɛl, bikɔs i se, in dɔn si PAPA GƆD fes to fes ɛn i nɔ day. 31Di san bin jɛs de kɔmɔt we Jekɔb bin de lɛf Pɛniɛl, ɛn i nɔ bin de waka tret bikɔs ɔf in wesbon. 32Na dat mek te tide, di Izrɛlayt dɛn nɔ de it di bif we de na di wesbon, bikɔs na da say de di man bin wap Jekɔb.
Currently Selected:
Jɛnɛsis 32: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Jɛnɛsis 32
32
Jekɔb Rɛdi Fɔ Mit Isɔ
1We Jekɔb bin de na rod de go, in ɛn sɔm pan PAPA GƆD in enjɛl dɛn mitɔp. 2As i si dɛn so, i se, “Dis na PAPA GƆD in Kamp” so i kɔl di ples Maanaim.#32:2 Maanaim Na Ibru Laŋwej, i min ‘Tu Kamp.
3Jekɔb sɛn mɛsenja dɛn to in brɔda Isɔ na di Sɛir eria insay Idɔm. 4I tɛl dɛn fɔ tɛl mista Isɔ se in bɔbɔ Jekɔb de tɛl am adu. I se mek dɛn tɛl am se i bin tap to Leban ɛn na de i bin de te i de tɔn bak so. 5I se i gɛt kaw, dɔŋki, ship, ɛn slev dɛn ɛn i de sɛn wɔd to am, mek i no se i de kam ɛn abop se i go gladi fɔ si am.
6We di mɛsenja dɛn kam bak to Jekɔb, dɛn tɛl am se, dɛn mit in brɔda Isɔ de na rod de kam mit am wit fo ɔndrɛd man dɛn. 7We Jekɔb yɛri dis i bin fred so i sheb di pipul dɛn we bin de wit am wit in ship, got, kaw ɛn kamɛl dɛnsɛf to tu say. 8Dɔn i tɔk nain at se, “If Isɔ kam atak wan grup, di ɔda grup go rɔnawe.”
9Dɔn Jekɔb pre se, “PAPA GƆD, we na mi grampa Ebraam ɛn mi papa Ayzak dɛn PAPA GƆD, yu bin dɔn tɛl mi se a fɔ go bak na mi kɔntri ɛn to mi fambul dɛn, ɛn yu go mek ɔltin fayn fɔ mi. 10A nɔ fit fɔ gɛt ɔl di gudnɛs ɛn di fethfulnɛs we yu de sho mi we na yu savant. Di tɛm we a bin de go, a krɔs Riva Jɔdan wit natin pas wɔkinstik, bɔt naw a dɔn kam bak wit ɔl dɛn bɔku pipul ya so we a dɔn sheb to tu grup. 11A de pre duya, nɔ mek mi brɔda Isɔ du mi ɛnitin bad. A de fred se i de kam fɔ kil mi wit mi wɛf ɛn pikin dɛn. 12Yu bin dɔn se yu go mek ɔltin fayn fɔ mi ɛn yu go mek mi jɛnareshɔn bɔku lɛkɛ sansan na bich we nɔbɔdi nɔ go ebul fɔ kɔnt.”
13Jekɔb slip da nɛt de ɛn we do klin i tek sɔm pan di animal dɛn we i gɛt, fɔ go gi Isɔ as prɛzɛnt. 14I tek tu ɔndrɛd uman got, twɛnti man got, tu ɔndrɛd uman ship, twɛnti man ship, 15tati uman kamɛl wit dɛn pikin dɛn, fɔti uman kaw, tɛn man kaw, twɛnti uman dɔŋki ɛn tɛn man dɔŋki dɛn. 16I mek di wokman dɛn waka bifo am wit dɛn animal ya, bɔt i lɛf spes bitwin di grup dɛn. 17I tɛl di wokman we de bifo se, if in brɔda Isɔ mit am na rod ɛn aks am udat nain masta, usay i de go ɛn udat gɛt dɛn animal ya we de wit am so, 18i fɔ ansa am se, “Nain bɔbɔ Jekɔb gɛt dɛn. I se fɔ briŋ dɛn kam to in brɔda mista Isɔ fɔ prɛzɛnt, ɛn insɛf de biɛn dɛn de kam.” 19Jekɔb tɛl ɔl in wokman dɛn na di difrɛn grup di sem tin. I se, dɛn ɔl fɔ gi mista Isɔ di sem mɛsej we dɛn mit am. 20I wɔn dɛn bak se dɛn fɔ mek shɔ se dɛn tɛl Isɔ se in bɔbɔ Jekɔb de biɛn de kam. Jekɔb du so bikɔs i bin de op se we Isɔ si di prɛzɛnt dɛn in at go kol bifo dɛn tu mit. I se sɔntɛm Isɔ go gladi fɔ mi. 21I sɛn di prɛzɛnt dɛn go bifo bɔt insɛf bin lɛf na di kamp da nɛt de.
Jekɔb Fɛt Wit Wan Enjɛl
22Da sem nɛt de Jekɔb grap, tek in tu wɛf, di tu savant-gyal dɛn ɛn in ilɛvin bɔypikin dɛn dɔn dɛn krɔs Riva Jabɔk. 23Wɛn dɛn dɔn krɔs go oba, i sɛn ɔl in prɔpati go mit dɛn. 24In wangren bin lɛf biɛn ɛn wan man fɛt am te do klin. 25We di man si se i nɔ ebul win di fɛt, i wap Jekɔb nain wesbon, ɛn mek di bon shift. 26Di man tɛl Jekɔb lɛ i lɛf am fɔ go bikɔs do dɔn klin.
Jekɔb ansa am se in nɔ go lɛf am, pas i blɛs am.
27Di man aks am wetin i nem
I ansa se nem Jekɔb.
28Nain di man tɛl am se in nɔ go nem Jekɔb igen In nem naw na Izrɛl#32:28 Izrɛl I fiba di Ibru fɔ “chalenj PAPA GƆD” bikɔs i dɔn chalenj wit PAPA GƆD ɛn mɔtalman, ɛn i dɔn win.
29Nain Jekɔb aks di man, wetin nain yon nem
Bɔt di man aks am wetin mek i want fɔ no in yon nem. Dɔn i blɛs Jekɔb de.
30Jekɔb gi di ples nem Pɛniɛl, bikɔs i se, in dɔn si PAPA GƆD fes to fes ɛn i nɔ day. 31Di san bin jɛs de kɔmɔt we Jekɔb bin de lɛf Pɛniɛl, ɛn i nɔ bin de waka tret bikɔs ɔf in wesbon. 32Na dat mek te tide, di Izrɛlayt dɛn nɔ de it di bif we de na di wesbon, bikɔs na da say de di man bin wap Jekɔb.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.