Jɛnɛsis 34
34
Shɛkɛm Rep Dayna
1Wande Dayna, Jekɔb in gyal pikin we Lia bɔn, go waka to sɔm uman dɛn na di eria. 2Bɔt we Shɛkɛm si am i kech am ɛn rep am. Shɛkɛm na Amɔ, da Itayt chif in bɔypikin. 3Shɛkɛm bin lɛk Dayna bad bad wan so i fɔl fɔ am, ɛn i bin de koks am fɔ mek dɛn tu de. 4I ivin tɛl in papa Amɔ se, mek i fɛn di gyal fɔ am bikɔs i want mared am.
5We Jekɔb yɛri se dɛn dɔn tampa wit in gyal pikin, bɔt, nɔ du natin bikɔs in bɔypikin dɛn nɔ bin de. Dɛn bin de mɛn dɛn animal dɛn na fil. I bin de wet te dɛn kam. 6Amɔ we na Shɛkɛm in papa, go to Jekɔb, fɔ go tɔk wit am. 7As i de rich de so, Jekɔb in bɔypikin dɛn de kɔmɔt na di fil kam bak. We dɛn yɛri wetin apin, dɛn fil bad ɛn vɛks bad bad wan fɔseka we Shɛkɛm tampa wit dɛn sista. Na disgres fɔ mek Shɛkɛm fityay Izrɛl pipul dɛn da we de ɛn rep Jekɔb in gyal pikin we na tin dat we nɔ fɔ bi. 8Amɔ tɛl Jekɔb ɛn i bɔypikin dɛn se in bɔypikin Shɛkɛm lɛk Jekɔb in gyal pikin bad bad wan ɛn want fɔ mared am. 9I se, Jekɔb fɔ mek in gyal pikin dɛn mared to dɛn bɔypikin dɛn, ɛn dɛnsɛf go mek dɛn yon bɔypikin dɛn mared Jekɔb in yon gyal pikin dɛn. 10Dɔn dɛn kin tap ɛnisay we dɛn want na di kɔntri ɛn tredin fri wan, ɛn gɛt prɔpati.
11Shɛkɛm bin de de wit in papa, so i beg Daynain papa ɛn in brɔda dɛn fɔ mek i mared Dayna. I se i go gi dɛn ɛnitin we dɛn want. 12I aks dɛn fɔ tɛl am wetin dɛn want, ɛn se dɛn kin mek i pe dia wan sɛf. I se in go gi dɛn ɛnitin we dɛn aks fɔ, wans nɔmɔ in mared am.
13Jekɔb in bɔypikin dɛn ple gem pan Shɛkɛm ɛn Amɔ fɔ we Shɛkɛm bin dɔn tampa wit dɛn sista. 14Dɛn tɛl dɛn se dɛn nɔ go gri mek dɛn sista mared to man we nɔ sakɔmsayz bikɔs dat na disgres to dɛn. 15Dɛn se dɛn go gri if ɔl di man dɛn gri fɔ sakɔmsayz lɛkɛ dɛn. 16Da tɛm de dɛn go gri fɔ mek dɛn yon pipul dɛn ɛn Amɔ in yon pipul dɛn mared. Dɛn se dɛn go tap na di siti ɛn dɛn ɔl go bi wan pipul. 17Bɔt if dɛn nɔ gri to wetin dɛn se ɛn sakɔmsayz dɛn go tek dɛn sista go usay dɛn de go.
18Amɔ ɛn in pikin Shɛkɛm bin gladi fɔ wetin Daynain brɔda dɛn se, 19so Shɛkɛm nɔ westɛm fɔ du wetin dɛn se, bikɔs i bin want Dayna bad bad wan. Shɛkɛm na bin impɔtant pɔsin nain fambul.
20Amɔ ɛn in bɔypikin Shɛkɛm dɛn go tɛl dɛn kɔntriman dɛn wetin Jekɔb in bɔypikin dɛn se. 21Dɛn se Jekɔb ɛn in pikin dɛn na dɛn padi dɛn; mek dɛn tap wit dɛn ɛn mek dɛn tredin fri wan. Di land big fɔ mek dɛnsɛf tap de. Lɛ dɛn mared dɛn gyal pikin dɛn ɛn mek dɛnsɛf mared dɛnsɛf yon dɛn. 22Bɔt Jekɔb ɛn in pikin dɛn go gri fɔ tap wit dɛn ɛn bi wan pipul wit dɛn if nɔmɔ ɔl di man dɛn gri fɔ sakɔmsayz, lɛkɛ dɛn. 23I se dɛn animal dɛn ɛn ɔl wetin dɛn gɛt go bi dɛn yon. So dɛn koks dɛn kɔmpin dɛn fɔ mek dɛn gri fɔ mek dɛn tap wit dɛn. 24Ɔl di pipul dɛn gri wit wetin Amɔ ɛn Shɛkɛm se, ɛn ɔl di man dɛn bin sakɔmsayz.
25Afta tri de, we di man dɛn wund bin rɔ ɛn dɛn stil de fil pen, Simiɔn ɛn Livay, we na Daynain brɔda dɛn, tek sɔd ɛn go insay di siti. Nɔbɔdi nɔ ebul tap dɛn so dɛn kil ɔl di man dɛn. 26Dɛn kil Amɔ ɛn in bɔypikin Shɛkɛm, dɔn dɛn pul Dayna kɔmɔt na Shɛkɛm in os ɛn tek am go. 27We dis dɔn bi, Jekɔb in ɔda bɔypikin dɛn go insay di siti ɛn lut bikɔs na de dɛn bin tampa wit dɛn sista. 28Dɛn tek ɔl di animal dɛn, di dɔŋki dɛn, ɛn ɔl wetin de na di siti, ɛn di tin dɛn we de na di fam dɛn. 29Dɛn tek ɔltin we valyu, abdɔkt ɔl di uman ɛn pikin dɛn, ɛn kɛr ɔltin go.
30Jekɔb tɛl Simiɔn ɛn Livay se dɛn dɔn put am pan waala. I se di Kenanayt dɛn, di Pɛrizayt dɛn, ɛn ɔlman we de na di kɔntri nɔ go luk am wit bɛtɛ yay. I se dɛn nɔ bɔku ɛn if di pipul dɛn disayd fɔ fɛt dɛn, dɛn go dɔnawe wit dɛn.
31Bɔt dɛn ansa wit vɛksteshɔn se if Shɛkɛm fɔ trit dɛn sista lɛkɛ rare gyal.
Currently Selected:
Jɛnɛsis 34: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Jɛnɛsis 34
34
Shɛkɛm Rep Dayna
1Wande Dayna, Jekɔb in gyal pikin we Lia bɔn, go waka to sɔm uman dɛn na di eria. 2Bɔt we Shɛkɛm si am i kech am ɛn rep am. Shɛkɛm na Amɔ, da Itayt chif in bɔypikin. 3Shɛkɛm bin lɛk Dayna bad bad wan so i fɔl fɔ am, ɛn i bin de koks am fɔ mek dɛn tu de. 4I ivin tɛl in papa Amɔ se, mek i fɛn di gyal fɔ am bikɔs i want mared am.
5We Jekɔb yɛri se dɛn dɔn tampa wit in gyal pikin, bɔt, nɔ du natin bikɔs in bɔypikin dɛn nɔ bin de. Dɛn bin de mɛn dɛn animal dɛn na fil. I bin de wet te dɛn kam. 6Amɔ we na Shɛkɛm in papa, go to Jekɔb, fɔ go tɔk wit am. 7As i de rich de so, Jekɔb in bɔypikin dɛn de kɔmɔt na di fil kam bak. We dɛn yɛri wetin apin, dɛn fil bad ɛn vɛks bad bad wan fɔseka we Shɛkɛm tampa wit dɛn sista. Na disgres fɔ mek Shɛkɛm fityay Izrɛl pipul dɛn da we de ɛn rep Jekɔb in gyal pikin we na tin dat we nɔ fɔ bi. 8Amɔ tɛl Jekɔb ɛn i bɔypikin dɛn se in bɔypikin Shɛkɛm lɛk Jekɔb in gyal pikin bad bad wan ɛn want fɔ mared am. 9I se, Jekɔb fɔ mek in gyal pikin dɛn mared to dɛn bɔypikin dɛn, ɛn dɛnsɛf go mek dɛn yon bɔypikin dɛn mared Jekɔb in yon gyal pikin dɛn. 10Dɔn dɛn kin tap ɛnisay we dɛn want na di kɔntri ɛn tredin fri wan, ɛn gɛt prɔpati.
11Shɛkɛm bin de de wit in papa, so i beg Daynain papa ɛn in brɔda dɛn fɔ mek i mared Dayna. I se i go gi dɛn ɛnitin we dɛn want. 12I aks dɛn fɔ tɛl am wetin dɛn want, ɛn se dɛn kin mek i pe dia wan sɛf. I se in go gi dɛn ɛnitin we dɛn aks fɔ, wans nɔmɔ in mared am.
13Jekɔb in bɔypikin dɛn ple gem pan Shɛkɛm ɛn Amɔ fɔ we Shɛkɛm bin dɔn tampa wit dɛn sista. 14Dɛn tɛl dɛn se dɛn nɔ go gri mek dɛn sista mared to man we nɔ sakɔmsayz bikɔs dat na disgres to dɛn. 15Dɛn se dɛn go gri if ɔl di man dɛn gri fɔ sakɔmsayz lɛkɛ dɛn. 16Da tɛm de dɛn go gri fɔ mek dɛn yon pipul dɛn ɛn Amɔ in yon pipul dɛn mared. Dɛn se dɛn go tap na di siti ɛn dɛn ɔl go bi wan pipul. 17Bɔt if dɛn nɔ gri to wetin dɛn se ɛn sakɔmsayz dɛn go tek dɛn sista go usay dɛn de go.
18Amɔ ɛn in pikin Shɛkɛm bin gladi fɔ wetin Daynain brɔda dɛn se, 19so Shɛkɛm nɔ westɛm fɔ du wetin dɛn se, bikɔs i bin want Dayna bad bad wan. Shɛkɛm na bin impɔtant pɔsin nain fambul.
20Amɔ ɛn in bɔypikin Shɛkɛm dɛn go tɛl dɛn kɔntriman dɛn wetin Jekɔb in bɔypikin dɛn se. 21Dɛn se Jekɔb ɛn in pikin dɛn na dɛn padi dɛn; mek dɛn tap wit dɛn ɛn mek dɛn tredin fri wan. Di land big fɔ mek dɛnsɛf tap de. Lɛ dɛn mared dɛn gyal pikin dɛn ɛn mek dɛnsɛf mared dɛnsɛf yon dɛn. 22Bɔt Jekɔb ɛn in pikin dɛn go gri fɔ tap wit dɛn ɛn bi wan pipul wit dɛn if nɔmɔ ɔl di man dɛn gri fɔ sakɔmsayz, lɛkɛ dɛn. 23I se dɛn animal dɛn ɛn ɔl wetin dɛn gɛt go bi dɛn yon. So dɛn koks dɛn kɔmpin dɛn fɔ mek dɛn gri fɔ mek dɛn tap wit dɛn. 24Ɔl di pipul dɛn gri wit wetin Amɔ ɛn Shɛkɛm se, ɛn ɔl di man dɛn bin sakɔmsayz.
25Afta tri de, we di man dɛn wund bin rɔ ɛn dɛn stil de fil pen, Simiɔn ɛn Livay, we na Daynain brɔda dɛn, tek sɔd ɛn go insay di siti. Nɔbɔdi nɔ ebul tap dɛn so dɛn kil ɔl di man dɛn. 26Dɛn kil Amɔ ɛn in bɔypikin Shɛkɛm, dɔn dɛn pul Dayna kɔmɔt na Shɛkɛm in os ɛn tek am go. 27We dis dɔn bi, Jekɔb in ɔda bɔypikin dɛn go insay di siti ɛn lut bikɔs na de dɛn bin tampa wit dɛn sista. 28Dɛn tek ɔl di animal dɛn, di dɔŋki dɛn, ɛn ɔl wetin de na di siti, ɛn di tin dɛn we de na di fam dɛn. 29Dɛn tek ɔltin we valyu, abdɔkt ɔl di uman ɛn pikin dɛn, ɛn kɛr ɔltin go.
30Jekɔb tɛl Simiɔn ɛn Livay se dɛn dɔn put am pan waala. I se di Kenanayt dɛn, di Pɛrizayt dɛn, ɛn ɔlman we de na di kɔntri nɔ go luk am wit bɛtɛ yay. I se dɛn nɔ bɔku ɛn if di pipul dɛn disayd fɔ fɛt dɛn, dɛn go dɔnawe wit dɛn.
31Bɔt dɛn ansa wit vɛksteshɔn se if Shɛkɛm fɔ trit dɛn sista lɛkɛ rare gyal.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.