Jɛnɛsis 38
38
Tama Trik Juda
1Da sem tɛm de, Juda bin lɛf in brɔda dɛn ɛn go tap to wan man we nem Ira, we kɔmɔt Adulam. 2Na de Juda mit wan Kenan man we nem Shua, in gyal pikin ɛn mared am, 3ɛn dɛn bɔn wan bɔypikin, we dɛn gi nem A. 4Di uman bin gɛt bɛlɛ bak ɛn bɔn ɔda bɔypikin we dɛn gi nem Onan. 5Dɔn i bɔn ɔda bɔypikin we dɛn gi nem Shila. Juda bin de na Kɛzib we Shila in bin bɔn.
6Juda fɛn wɛf fɔ in fɔs-bɔy-pikin A. Dis uman nem Tama. 7A bin de du bɔku wikɛd tin dɛn we PAPA GƆD nɔ lɛk, so PAPA GƆD tek in layf. 8Na de Juda tɛl Onan se i fɔ mared Tama, yu brɔda we dɔn day in wɛf, so dat i go bɔn bɔypikin we go mek in brɔda insɛf gɛt jɛnareshɔn dɛn. 9Bɔt Onan bin no se di bɔypikin nɔ go bi in yon, so ɛnitɛm i lidɔm wit in brɔda in wɛf, i kin trik am ɛn grap kwik so i nɔ go gɛt bɛlɛ, bikɔs i nɔ want gɛt pikin fɔ in brɔda. 10PAPA GƆD nɔ lɛk wetin i bin de du so i tek insɛf yon layf. 11Na de Juda tɛl Tama we nain dɔtɛnlɔ mek i go bak nain papa in os; i se Tama nɔ fɔ mared te in bɔypikin Shila big. I bin se so bikɔs i de fred se Shila insɛf go day lɛkɛ in brɔda dɛn. So Tama go bak nain papa in os.
12Afta sɔm tɛm Juda in wɛf day. We i dɔn munin dɔn fɔ am, in ɛn in padi Ira we de Adulam go na Timna, usay dɛn bin de kɔt in ship dɛn ia. 13Sɔmbɔdi go tɛl Tama se in fadɛnlɔ dɔn go na Timna fɔ go kɔt in ship dɛn ia. 14Tama bin dɔn no se Juda in smɔl bɔypikin we nem Shila bin dɔn big, bɔt dɛn nɔ mek i mared am. So i pul in klos we uman we i man dɔn day kin wɛr, wɛr ɔda klos, ɛn kɔba in fes wit vel. Dɛn i sidɔm bifo say na Ɛnaim, wan siti we de na di rod fɔ go na Timna.
15We Juda si Tama, i tink se na rare gyal, bikɔs in fes bin kɔba. 16I go mit am usay i bin sidɔm oba di rod ɛn tɛl am se i want fɔ du biznɛs da nɛt de. Bɔt i nɔ bin no se nain dɔtɛnlɔ.
Tama aks am se, if i gri wetin i go gi am.
17Juda ansa se, i go sɛn wan pan in yɔŋ got dɛn fɔ am.
Nain Tama se, ɔrayt, bɔt i fɔ plɛj sɔntin to am we i go kip.
18Juda aks am se lɛkɛ wetin so i go want fɔ plɛj.
Tama ansa am se, in want in riŋ we gɛt Juda in inishal wit di kɔd ɛn in wɔkin stik Juda gri. I gi Tama ɔl wetin i aks fɔ as plɛj, dɔn i gɛt biznɛs wit am we mek i gɛt bɛlɛ. 19Tama go bak nain os, pul in vel ɛn wɛr di klos we uman we i man dɔn day kin wɛr, bak.
20Juda sɛn in padi Ira fɔ kɛr di yɔŋ got go, so i go gɛt in tiŋs dɛn bak we i bin plɛj to di uman; bɔt Ira nɔ bin ebul fɔ fɛn di uman. 21I aks sɔm man dɛn na Ɛnaim se usay da
rare gyal we kin sidɔm na di rod de.
Dɛn ansa am se, dɛn nɔ wande gɛt rare gyal na dɛn ples. 22So i tɔn
bak go tɛl Juda se in nɔ ebul fɛn
di uman. I tɛl am se di man dɛn
we de na di ples se dɛn nɔ gɛt
rare gyal de.
23Juda se, lɛ di uman kip di tiŋs dɛn ɔ nɔ so pipul dɛn go laf dɛn. I se in no se in dɔn sɛn di got bɔt na Ira nɔ ebul fɔ fɛn di uman.
24Afta tri mɔnt sɔmbɔdi tɛl Juda se in dɔtɛnlɔ dɔn tɔn rare gyal, ɛn i dɔn gɛt bɛlɛ. Nain Juda gi ɔda se, mek dɛn kɛr am go na do ɛn bɔn am na faya.
25We dɛn de kɛr am go na de i sɛn wɔd to in fadɛnlɔ wit di tiŋs dɛn se di man we gɛt dɛn tiŋs de nain gi am bɛlɛ. I se lɛ Juda luk dɛn gud ɛn si if i no udat gɛt dɛn, dat na di riŋ we gɛt inishal wit di kɔd ɛn di wɔkinstik.
26Juda bin no se nain tiŋs dɛn so i se, di uman dɔn du di rayt tin. Nain nɔ du wetin i bin fɔ du fɔ am ɛn dat na fɔ mek in bɔypikin Shila mared am. Juda nɔ gɛt biznɛs wit am igen
27We di tɛm rich fɔ mek i bɔn, i bɔn twin. 28We i bin de bɔn, wan pan di pikin pul in an kɔmɔt na do. Di uman we de ɛp am fɔ bɔn tay rɛd trɛd pan di an, ɛn se, “dis na di fɔs wan we bɔn.” 29Bɔt i put in an insay bak, ɛn in brɔda kɔmɔt bifo am. Na de di uman se, “So na so yu de kɔmɔt!” Fɔseka dat i gi am nem Pɛrɛz.#38:29 Pɛrɛz Min na Ibru ‘bɔs awt.’ 30Dɔn in brɔda bɔn wit di rɛd trɛd nain an ɛn dɛn gi am nem Zira.#38:30 Zira Na di Ibru fɔ di brayt we di ples kin brayt we do de klin.
Currently Selected:
Jɛnɛsis 38: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Jɛnɛsis 38
38
Tama Trik Juda
1Da sem tɛm de, Juda bin lɛf in brɔda dɛn ɛn go tap to wan man we nem Ira, we kɔmɔt Adulam. 2Na de Juda mit wan Kenan man we nem Shua, in gyal pikin ɛn mared am, 3ɛn dɛn bɔn wan bɔypikin, we dɛn gi nem A. 4Di uman bin gɛt bɛlɛ bak ɛn bɔn ɔda bɔypikin we dɛn gi nem Onan. 5Dɔn i bɔn ɔda bɔypikin we dɛn gi nem Shila. Juda bin de na Kɛzib we Shila in bin bɔn.
6Juda fɛn wɛf fɔ in fɔs-bɔy-pikin A. Dis uman nem Tama. 7A bin de du bɔku wikɛd tin dɛn we PAPA GƆD nɔ lɛk, so PAPA GƆD tek in layf. 8Na de Juda tɛl Onan se i fɔ mared Tama, yu brɔda we dɔn day in wɛf, so dat i go bɔn bɔypikin we go mek in brɔda insɛf gɛt jɛnareshɔn dɛn. 9Bɔt Onan bin no se di bɔypikin nɔ go bi in yon, so ɛnitɛm i lidɔm wit in brɔda in wɛf, i kin trik am ɛn grap kwik so i nɔ go gɛt bɛlɛ, bikɔs i nɔ want gɛt pikin fɔ in brɔda. 10PAPA GƆD nɔ lɛk wetin i bin de du so i tek insɛf yon layf. 11Na de Juda tɛl Tama we nain dɔtɛnlɔ mek i go bak nain papa in os; i se Tama nɔ fɔ mared te in bɔypikin Shila big. I bin se so bikɔs i de fred se Shila insɛf go day lɛkɛ in brɔda dɛn. So Tama go bak nain papa in os.
12Afta sɔm tɛm Juda in wɛf day. We i dɔn munin dɔn fɔ am, in ɛn in padi Ira we de Adulam go na Timna, usay dɛn bin de kɔt in ship dɛn ia. 13Sɔmbɔdi go tɛl Tama se in fadɛnlɔ dɔn go na Timna fɔ go kɔt in ship dɛn ia. 14Tama bin dɔn no se Juda in smɔl bɔypikin we nem Shila bin dɔn big, bɔt dɛn nɔ mek i mared am. So i pul in klos we uman we i man dɔn day kin wɛr, wɛr ɔda klos, ɛn kɔba in fes wit vel. Dɛn i sidɔm bifo say na Ɛnaim, wan siti we de na di rod fɔ go na Timna.
15We Juda si Tama, i tink se na rare gyal, bikɔs in fes bin kɔba. 16I go mit am usay i bin sidɔm oba di rod ɛn tɛl am se i want fɔ du biznɛs da nɛt de. Bɔt i nɔ bin no se nain dɔtɛnlɔ.
Tama aks am se, if i gri wetin i go gi am.
17Juda ansa se, i go sɛn wan pan in yɔŋ got dɛn fɔ am.
Nain Tama se, ɔrayt, bɔt i fɔ plɛj sɔntin to am we i go kip.
18Juda aks am se lɛkɛ wetin so i go want fɔ plɛj.
Tama ansa am se, in want in riŋ we gɛt Juda in inishal wit di kɔd ɛn in wɔkin stik Juda gri. I gi Tama ɔl wetin i aks fɔ as plɛj, dɔn i gɛt biznɛs wit am we mek i gɛt bɛlɛ. 19Tama go bak nain os, pul in vel ɛn wɛr di klos we uman we i man dɔn day kin wɛr, bak.
20Juda sɛn in padi Ira fɔ kɛr di yɔŋ got go, so i go gɛt in tiŋs dɛn bak we i bin plɛj to di uman; bɔt Ira nɔ bin ebul fɔ fɛn di uman. 21I aks sɔm man dɛn na Ɛnaim se usay da
rare gyal we kin sidɔm na di rod de.
Dɛn ansa am se, dɛn nɔ wande gɛt rare gyal na dɛn ples. 22So i tɔn
bak go tɛl Juda se in nɔ ebul fɛn
di uman. I tɛl am se di man dɛn
we de na di ples se dɛn nɔ gɛt
rare gyal de.
23Juda se, lɛ di uman kip di tiŋs dɛn ɔ nɔ so pipul dɛn go laf dɛn. I se in no se in dɔn sɛn di got bɔt na Ira nɔ ebul fɔ fɛn di uman.
24Afta tri mɔnt sɔmbɔdi tɛl Juda se in dɔtɛnlɔ dɔn tɔn rare gyal, ɛn i dɔn gɛt bɛlɛ. Nain Juda gi ɔda se, mek dɛn kɛr am go na do ɛn bɔn am na faya.
25We dɛn de kɛr am go na de i sɛn wɔd to in fadɛnlɔ wit di tiŋs dɛn se di man we gɛt dɛn tiŋs de nain gi am bɛlɛ. I se lɛ Juda luk dɛn gud ɛn si if i no udat gɛt dɛn, dat na di riŋ we gɛt inishal wit di kɔd ɛn di wɔkinstik.
26Juda bin no se nain tiŋs dɛn so i se, di uman dɔn du di rayt tin. Nain nɔ du wetin i bin fɔ du fɔ am ɛn dat na fɔ mek in bɔypikin Shila mared am. Juda nɔ gɛt biznɛs wit am igen
27We di tɛm rich fɔ mek i bɔn, i bɔn twin. 28We i bin de bɔn, wan pan di pikin pul in an kɔmɔt na do. Di uman we de ɛp am fɔ bɔn tay rɛd trɛd pan di an, ɛn se, “dis na di fɔs wan we bɔn.” 29Bɔt i put in an insay bak, ɛn in brɔda kɔmɔt bifo am. Na de di uman se, “So na so yu de kɔmɔt!” Fɔseka dat i gi am nem Pɛrɛz.#38:29 Pɛrɛz Min na Ibru ‘bɔs awt.’ 30Dɔn in brɔda bɔn wit di rɛd trɛd nain an ɛn dɛn gi am nem Zira.#38:30 Zira Na di Ibru fɔ di brayt we di ples kin brayt we do de klin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.