Jɛnɛsis 40
40
Josɛf Intaprit Dɛn Jelman Dɛn Drim
1Afta sɔntɛm di man we bin de sav di kiŋ na Ijipt wayn ɛn di edman fɔ in bekaman dɛn bin ambɔg di kiŋ. 2Dat mek i vɛks bad bad wan pan di tu wokman dɛn, 3so i sɛn dɛn go jel na di kapten fɔ di gyad in os, na di sem ples we Josɛf bin de. 4Dɛn bin te na di jel ɛn di kapten fɔ di gyad mek Josɛf tek kia ɔf dɛn.
5Wan nɛt we dɛn de na jel nain di man we bin de sav wayn to di kiŋ ɛn di edman fɔ di bekaman dɛn drim, ɛn di drim dɛn bin gɛt difrɛn minin. 6We Josɛf kam to dɛn na mɔnin, i si se sɔntin de wɔri dɛn. 7I aks dɛn se wetin de wɔri dɛn.
8Nain dɛn se dɛn ɔl tu drim, bɔt nɔbɔdi nɔ de de fɔ intaprit di drim dɛn.
Josɛf aks dɛn if nɔto PAPA GƆD de gi sɛns fɔ intaprit drim. I se lɛ dɛn tɛl am dɛn drim.
9Na de di man we bin de sav wayn to di kiŋ se, in drim i si grep tik tinap bifo am. 10Di tik gɛt tri branch dɛn pan am bɔt as di lif dɛn pan di tik bigin bɔs so, di flawa dɛnsɛf bigin bɔs fayn fayn wan dɔn i bigin bia bɔnch greps we rɛp wantɛm. 11I se in bin ol di kiŋ in kɔp; so i pik di greps dɛn ɛn kwis dɛn insay di kɔp ɛn gi di kiŋ.
12Na de Josɛf tɛl am wetin di drim min. I se, di tri branch dɛn min tri de. 13Insay tri de di kiŋ go pul am na jel. I go fɔgiv am ɛn gi am in wok bak. In go de sav am wayn lɛkɛ aw i bin de du. 14Josɛf beg am se duya lɛ i nɔ fɔgɛt am we i kɔmɔt na di jel, lɛ i tɛl di kiŋ bɔt am ɛn ɛp am mek insɛf kɔmɔt de 15bikɔs, na kech dɛn kech am na Ibru kɔntri we mek in de de ɛn naw in nɔ du natin fɔ mek dɛn put am na jel. 16We di edman fɔ di bekaman dɛn si se di drim bin fayn fɔ di man we bin de sav wayn to di kiŋ bay aw Josɛf intaprit am, insɛf tɛl Josɛf in drim. I se insɛf bin drim i tot tri blay bred nain ed. 17Di blay we bin de pantap gɛt ɔlkayn gud it dɛn we dɛn bek fɔ di kiŋ, bɔt bɔd dɛn bin de it dɛn.
18Josɛf tɛl am wetin di drim min: I se di tri blay min tri de. 19Insay tri de di kiŋ go pul am na jel ɛn i go kɔt in ed kɔmɔt! Dɛn go ɛŋ in bɔdi na tik, ɛn bɔd dɛn go it in bɔdi.
20Insay tri de di kiŋ mek pati fɔ in bathde ɛn kɔl ɔl in ɔfisa dɛn; i pul di tu man dɛn kɔmɔt na jel ɛn mek dɛn tinap bifo di ɔfisa dɛn. 21I mek di man we bin de sav wayn bigin wok ɛn gi am in post bak, 22bɔt i kil di edman fɔ di bekaman dɛn. Ɔltin apin jɛs lɛkɛ aw Josɛf bin tɛl dɛn. 23Bɔt di man we bin de sav wayn to di kiŋ nɔ mɛmba Josɛf igen sɛf. I fɔgɛt bɔt am ɔltogɛda.
Currently Selected:
Jɛnɛsis 40: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Jɛnɛsis 40
40
Josɛf Intaprit Dɛn Jelman Dɛn Drim
1Afta sɔntɛm di man we bin de sav di kiŋ na Ijipt wayn ɛn di edman fɔ in bekaman dɛn bin ambɔg di kiŋ. 2Dat mek i vɛks bad bad wan pan di tu wokman dɛn, 3so i sɛn dɛn go jel na di kapten fɔ di gyad in os, na di sem ples we Josɛf bin de. 4Dɛn bin te na di jel ɛn di kapten fɔ di gyad mek Josɛf tek kia ɔf dɛn.
5Wan nɛt we dɛn de na jel nain di man we bin de sav wayn to di kiŋ ɛn di edman fɔ di bekaman dɛn drim, ɛn di drim dɛn bin gɛt difrɛn minin. 6We Josɛf kam to dɛn na mɔnin, i si se sɔntin de wɔri dɛn. 7I aks dɛn se wetin de wɔri dɛn.
8Nain dɛn se dɛn ɔl tu drim, bɔt nɔbɔdi nɔ de de fɔ intaprit di drim dɛn.
Josɛf aks dɛn if nɔto PAPA GƆD de gi sɛns fɔ intaprit drim. I se lɛ dɛn tɛl am dɛn drim.
9Na de di man we bin de sav wayn to di kiŋ se, in drim i si grep tik tinap bifo am. 10Di tik gɛt tri branch dɛn pan am bɔt as di lif dɛn pan di tik bigin bɔs so, di flawa dɛnsɛf bigin bɔs fayn fayn wan dɔn i bigin bia bɔnch greps we rɛp wantɛm. 11I se in bin ol di kiŋ in kɔp; so i pik di greps dɛn ɛn kwis dɛn insay di kɔp ɛn gi di kiŋ.
12Na de Josɛf tɛl am wetin di drim min. I se, di tri branch dɛn min tri de. 13Insay tri de di kiŋ go pul am na jel. I go fɔgiv am ɛn gi am in wok bak. In go de sav am wayn lɛkɛ aw i bin de du. 14Josɛf beg am se duya lɛ i nɔ fɔgɛt am we i kɔmɔt na di jel, lɛ i tɛl di kiŋ bɔt am ɛn ɛp am mek insɛf kɔmɔt de 15bikɔs, na kech dɛn kech am na Ibru kɔntri we mek in de de ɛn naw in nɔ du natin fɔ mek dɛn put am na jel. 16We di edman fɔ di bekaman dɛn si se di drim bin fayn fɔ di man we bin de sav wayn to di kiŋ bay aw Josɛf intaprit am, insɛf tɛl Josɛf in drim. I se insɛf bin drim i tot tri blay bred nain ed. 17Di blay we bin de pantap gɛt ɔlkayn gud it dɛn we dɛn bek fɔ di kiŋ, bɔt bɔd dɛn bin de it dɛn.
18Josɛf tɛl am wetin di drim min: I se di tri blay min tri de. 19Insay tri de di kiŋ go pul am na jel ɛn i go kɔt in ed kɔmɔt! Dɛn go ɛŋ in bɔdi na tik, ɛn bɔd dɛn go it in bɔdi.
20Insay tri de di kiŋ mek pati fɔ in bathde ɛn kɔl ɔl in ɔfisa dɛn; i pul di tu man dɛn kɔmɔt na jel ɛn mek dɛn tinap bifo di ɔfisa dɛn. 21I mek di man we bin de sav wayn bigin wok ɛn gi am in post bak, 22bɔt i kil di edman fɔ di bekaman dɛn. Ɔltin apin jɛs lɛkɛ aw Josɛf bin tɛl dɛn. 23Bɔt di man we bin de sav wayn to di kiŋ nɔ mɛmba Josɛf igen sɛf. I fɔgɛt bɔt am ɔltogɛda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.