Jɛnɛsis 42
42
Josɛf In Brɔda Dɛn Go Na Ijipt Fɔ Go Bay It
1We Jekɔb yɛri se it de na Ijipt i aks in bɔypikin dɛn wetin mek dɛn sidɔm ɛn nɔ du natin. 2I tɛl dɛn se, in yɛri se, it de na Ijipt so dɛn fɔ go de go bay it mek aŋri nɔ kil dɛn ɔl. 3So Josɛf in tɛn big brɔda dɛn go na Ijipt fɔ go bay it, 4bɔt Jekɔb nɔ bin sɛn Josɛf in bɛlɛ bɔn brɔda Bɛnjamin wit dɛn, bikɔs i bin de fred se mek sɔntin nɔ go apin to am.
5So Jekɔb in bɔypikin dɛn go wit ɔda pipul dɛn fɔ bay it na Ijipt, bikɔs di aŋri bin dɔn rich Kenan insɛf. 6Josɛf we na bin di gɔvna na Ijipt, nain bin de mek dɛn sɛl it gi ɔlman. So Josɛf in brɔda dɛn kam baw bifo am. 7We Josɛf si in brɔda dɛn, i mɛmba dɛn, bɔt i mek lɛk se i nɔ no dɛn. I tɔk to dɛn rɔf wan. I se, “Usay una kɔmɔt?”
Dɛn ansa se dɛn i kɔmɔt na Kenan fɔ kam bay it.
8Josɛf in bin mɛmba in brɔda dɛn, bɔt dɛn nɔ bin mɛmba am. 9I mɛmba in drim dɛn we i bin dɔn drim lɔntɛm ɛn se, “Una jɛs kam fɔ kam luk usay mi kɔntri wik?”
10Dɛn ansa se, nɔ sa, dɛn kam lɛkɛ in slev dɛn, fɔ kam bay it. 11Dɛn se dɛn ɔl na brɔda, dɛn nɔ kam fɔ kam fɔ luk usay in kɔntri wik. Dɛn se dɛn na ɔnɛs pipul dɛn.
12Josɛf tɛl dɛn se, “Na lay! Una kam fɔ luk usay wi kɔntri wik.”
13Dɛn se, dɛn na bin twɛlv brɔda dɛn, dɛn papa de na Kenan wit dɛn las brɔda ɛn dɛn ɔda brɔda dɛn nɔ no if i de ɔ i nɔ de.
14Josɛf se, “Na di tin dis we a de tɔk, una kam fɔ kam luk usay wi kɔntri wik. 15Dis na aw a de kam tɛst una: A swɛ to di kiŋ in nem se, una nɔ go go pas una smɔl brɔda kam na ya. 16Una sɛn wan pan una fɔ go briŋ una brɔda kam. Una go lɛf. A go kip una na prizin sote a no if wetin una se na tru. If nɔto tru dɛn a go no se, fɔ tru una kam fɔ kam luk usay wi kɔntri wik.” 17We i dɔn tɔk so, i put dɛn na jel fɔ tri de. 18Di de we mek tri, nain Josɛf tɛl dɛn se in na man we de fred PAPA GƆD, if dɛn du wetin in tɛl dɛn, dɛn nɔ go day. 19Fɔ sho se na tru dɛn de tɔk, wan pan dɛn go lɛf na di jel usay i bin kip dɛn; di ɔda wan dɛn go tɔn bak to dɛn fambul dɛn wit di it we dɛn dɔn bay mek aŋri nɔ kil dɛn. 20Dɔn dɛn go briŋ dɛn smɔl brɔda kam to am ɛn dat go sho se ɔl wetin dɛn tɛl am na tru ɛn i nɔ go kil dɛn.
Dɛn ɔl bin gri. 21Dɛn tɛl dɛnsɛf se, dɛn de sɔfa fɔ wetin dɛn bin du to dɛn brɔda. Dɛn se, dɛn bin si aw i bin sɔri we i de beg dɛn, bɔt dɛn nɔ yɛri. Na dat mek dɛn de pan trɔbul so naw.
22Na de Rubɛn se in bin tɛl dɛn mek dɛn nɔ du natin to di bɔbɔ, bɔt dɛn nɔ bin lisin. Naw na dɛn ɔl de pe fɔ in day. 23Dɛn nɔ bin no se Josɛf bin de ɔndastand ɔl wetin dɛn bin de tɔk bikɔs na ɔda pɔsin bin de intaprit fɔ dɛn. 24Josɛf lɛf dɛn go na kɔna go kray. We i kam bak i ebul fɔ tɔk mɔ wit dɛn. I pik Simiɔn, ɛn mek dɛn tay am bifo dɛn.
Josɛf In Brɔda Dɛn Tɔn Bak Go Na Kenan
25Josɛf gi ɔda fɔ mek dɛn ful-ɔp in brɔda dɛn bag wit it, ɛn dɛn fɔ put ɔl dɛn mɔni insay dɛn bag bak. I tɛl dɛn fɔ gi dɛn tin fɔ it na rod. 26Di brɔda dɛn lod dɛn dɔŋki wit di it we dɛn bay, ɛn tɔn go bak. 27We dɛn rich na di ples usay dɛn de slip da nɛt de, wan pan dɛn opin in bag fɔ fid in dɔŋki ɛn si se in mɔni de insay di bag. 28I kɔl in brɔda dɛn ɛn tɛl dɛn se, in fɛn in mɔni insay in bag. Dɛn at pwɛl, dɛn fred ɛn aks dɛnsɛf se, “Wetin PAPA GƆD de du to wi so?”
29We dɛn rich to dɛn papa Jekɔb na Kenan, dɛn tɛl am ɔl wetin dɔn apin to dɛn. 30Dɛn se di gɔvna na Ijipt bin ala pan dɛn ɛn se dɛn go fɔ go luk usay in kɔntri wik. 31Bɔt dɛn tɛl am se dɛn na ɔnɛs pipul, ɛn nɔto dat dɛn go fɔ. 32Dɛn se na bin dɛn twɛlv, ɛn na di sem papa bɔn dɛn ɔl, bɔt dɛn nɔ no if wan pan dɛn de ɔ i nɔ de, ɛn dat di smɔl wande wit dɛn papa na Kenan. 33Di man se, in go tɛst dɛn fɔ no if dɛn na di ɔnɛs pipul dɛn we dɛn se dɛn bi. So wan pan dɛn go lɛf wit am ɛn di ɔda wan dɛn go briŋ it kam fɔ wi fambul dɛn. 34Dɛn se di man se dɛn fɔ kɛr dɛn smɔl brɔda go to am ɛn na bay dat i go no if na tru dɛn de tɔk se dɛn nɔto spay, dɛn na ɔnɛs pipul dɛn. I se in go gi dɛn dɛn brɔda bak ɛn dɛn go fri fɔ de go ɛn kam fɔ tredin.
35As dɛn de ɛmti dɛn bag dɛn, ɔlman fɛn in yon mɔni insay in bag, so dɛn papa fred. 36Dɛn papa tɛl dɛn se if dɛn want mek i lɔs ɔl in pikin dɛn. I se Josɛf nɔ de igen; Simiɔn nɔ de; ɛn naw dɛn want fɔ kɛr Bɛnjamin insɛf go. I tan lɛkɛ se tin jɛs de bad fɔ am.
37Rubɛn tɛl in papa se, If in nɔ briŋ Bɛnjamin kam bak to am lɛ i kil in tu bɔypikin dɛn. I se lɛ i put di bɔbɔ nain an. In go mɔs briŋ am kam bak.
38Bɔt Jekɔb se in bɔypikin nɔ go go wit am in brɔda dɔn day, ɛn nain nɔmɔ dɔn lɛf pan in mama in pikin dɛn. If sɔntin go apin to am na rod lɛkɛ we in dɔn ol so, na da sɔri de go de pan am te i day go Shiol.
Currently Selected:
Jɛnɛsis 42: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Jɛnɛsis 42
42
Josɛf In Brɔda Dɛn Go Na Ijipt Fɔ Go Bay It
1We Jekɔb yɛri se it de na Ijipt i aks in bɔypikin dɛn wetin mek dɛn sidɔm ɛn nɔ du natin. 2I tɛl dɛn se, in yɛri se, it de na Ijipt so dɛn fɔ go de go bay it mek aŋri nɔ kil dɛn ɔl. 3So Josɛf in tɛn big brɔda dɛn go na Ijipt fɔ go bay it, 4bɔt Jekɔb nɔ bin sɛn Josɛf in bɛlɛ bɔn brɔda Bɛnjamin wit dɛn, bikɔs i bin de fred se mek sɔntin nɔ go apin to am.
5So Jekɔb in bɔypikin dɛn go wit ɔda pipul dɛn fɔ bay it na Ijipt, bikɔs di aŋri bin dɔn rich Kenan insɛf. 6Josɛf we na bin di gɔvna na Ijipt, nain bin de mek dɛn sɛl it gi ɔlman. So Josɛf in brɔda dɛn kam baw bifo am. 7We Josɛf si in brɔda dɛn, i mɛmba dɛn, bɔt i mek lɛk se i nɔ no dɛn. I tɔk to dɛn rɔf wan. I se, “Usay una kɔmɔt?”
Dɛn ansa se dɛn i kɔmɔt na Kenan fɔ kam bay it.
8Josɛf in bin mɛmba in brɔda dɛn, bɔt dɛn nɔ bin mɛmba am. 9I mɛmba in drim dɛn we i bin dɔn drim lɔntɛm ɛn se, “Una jɛs kam fɔ kam luk usay mi kɔntri wik?”
10Dɛn ansa se, nɔ sa, dɛn kam lɛkɛ in slev dɛn, fɔ kam bay it. 11Dɛn se dɛn ɔl na brɔda, dɛn nɔ kam fɔ kam fɔ luk usay in kɔntri wik. Dɛn se dɛn na ɔnɛs pipul dɛn.
12Josɛf tɛl dɛn se, “Na lay! Una kam fɔ luk usay wi kɔntri wik.”
13Dɛn se, dɛn na bin twɛlv brɔda dɛn, dɛn papa de na Kenan wit dɛn las brɔda ɛn dɛn ɔda brɔda dɛn nɔ no if i de ɔ i nɔ de.
14Josɛf se, “Na di tin dis we a de tɔk, una kam fɔ kam luk usay wi kɔntri wik. 15Dis na aw a de kam tɛst una: A swɛ to di kiŋ in nem se, una nɔ go go pas una smɔl brɔda kam na ya. 16Una sɛn wan pan una fɔ go briŋ una brɔda kam. Una go lɛf. A go kip una na prizin sote a no if wetin una se na tru. If nɔto tru dɛn a go no se, fɔ tru una kam fɔ kam luk usay wi kɔntri wik.” 17We i dɔn tɔk so, i put dɛn na jel fɔ tri de. 18Di de we mek tri, nain Josɛf tɛl dɛn se in na man we de fred PAPA GƆD, if dɛn du wetin in tɛl dɛn, dɛn nɔ go day. 19Fɔ sho se na tru dɛn de tɔk, wan pan dɛn go lɛf na di jel usay i bin kip dɛn; di ɔda wan dɛn go tɔn bak to dɛn fambul dɛn wit di it we dɛn dɔn bay mek aŋri nɔ kil dɛn. 20Dɔn dɛn go briŋ dɛn smɔl brɔda kam to am ɛn dat go sho se ɔl wetin dɛn tɛl am na tru ɛn i nɔ go kil dɛn.
Dɛn ɔl bin gri. 21Dɛn tɛl dɛnsɛf se, dɛn de sɔfa fɔ wetin dɛn bin du to dɛn brɔda. Dɛn se, dɛn bin si aw i bin sɔri we i de beg dɛn, bɔt dɛn nɔ yɛri. Na dat mek dɛn de pan trɔbul so naw.
22Na de Rubɛn se in bin tɛl dɛn mek dɛn nɔ du natin to di bɔbɔ, bɔt dɛn nɔ bin lisin. Naw na dɛn ɔl de pe fɔ in day. 23Dɛn nɔ bin no se Josɛf bin de ɔndastand ɔl wetin dɛn bin de tɔk bikɔs na ɔda pɔsin bin de intaprit fɔ dɛn. 24Josɛf lɛf dɛn go na kɔna go kray. We i kam bak i ebul fɔ tɔk mɔ wit dɛn. I pik Simiɔn, ɛn mek dɛn tay am bifo dɛn.
Josɛf In Brɔda Dɛn Tɔn Bak Go Na Kenan
25Josɛf gi ɔda fɔ mek dɛn ful-ɔp in brɔda dɛn bag wit it, ɛn dɛn fɔ put ɔl dɛn mɔni insay dɛn bag bak. I tɛl dɛn fɔ gi dɛn tin fɔ it na rod. 26Di brɔda dɛn lod dɛn dɔŋki wit di it we dɛn bay, ɛn tɔn go bak. 27We dɛn rich na di ples usay dɛn de slip da nɛt de, wan pan dɛn opin in bag fɔ fid in dɔŋki ɛn si se in mɔni de insay di bag. 28I kɔl in brɔda dɛn ɛn tɛl dɛn se, in fɛn in mɔni insay in bag. Dɛn at pwɛl, dɛn fred ɛn aks dɛnsɛf se, “Wetin PAPA GƆD de du to wi so?”
29We dɛn rich to dɛn papa Jekɔb na Kenan, dɛn tɛl am ɔl wetin dɔn apin to dɛn. 30Dɛn se di gɔvna na Ijipt bin ala pan dɛn ɛn se dɛn go fɔ go luk usay in kɔntri wik. 31Bɔt dɛn tɛl am se dɛn na ɔnɛs pipul, ɛn nɔto dat dɛn go fɔ. 32Dɛn se na bin dɛn twɛlv, ɛn na di sem papa bɔn dɛn ɔl, bɔt dɛn nɔ no if wan pan dɛn de ɔ i nɔ de, ɛn dat di smɔl wande wit dɛn papa na Kenan. 33Di man se, in go tɛst dɛn fɔ no if dɛn na di ɔnɛs pipul dɛn we dɛn se dɛn bi. So wan pan dɛn go lɛf wit am ɛn di ɔda wan dɛn go briŋ it kam fɔ wi fambul dɛn. 34Dɛn se di man se dɛn fɔ kɛr dɛn smɔl brɔda go to am ɛn na bay dat i go no if na tru dɛn de tɔk se dɛn nɔto spay, dɛn na ɔnɛs pipul dɛn. I se in go gi dɛn dɛn brɔda bak ɛn dɛn go fri fɔ de go ɛn kam fɔ tredin.
35As dɛn de ɛmti dɛn bag dɛn, ɔlman fɛn in yon mɔni insay in bag, so dɛn papa fred. 36Dɛn papa tɛl dɛn se if dɛn want mek i lɔs ɔl in pikin dɛn. I se Josɛf nɔ de igen; Simiɔn nɔ de; ɛn naw dɛn want fɔ kɛr Bɛnjamin insɛf go. I tan lɛkɛ se tin jɛs de bad fɔ am.
37Rubɛn tɛl in papa se, If in nɔ briŋ Bɛnjamin kam bak to am lɛ i kil in tu bɔypikin dɛn. I se lɛ i put di bɔbɔ nain an. In go mɔs briŋ am kam bak.
38Bɔt Jekɔb se in bɔypikin nɔ go go wit am in brɔda dɔn day, ɛn nain nɔmɔ dɔn lɛf pan in mama in pikin dɛn. If sɔntin go apin to am na rod lɛkɛ we in dɔn ol so, na da sɔri de go de pan am te i day go Shiol.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.