Jɛnɛsis 46
46
We Di Izrɛlayt Dɛn Bin De Ijipt
1So Izrɛl pak ɔl in prɔpati dɛn fɔ go na Ijipt. We i de na rod de go as i rich na Biashiba, i mek sakrifays to PAPA GƆD we nain papa Ayzak in PAPA GƆD. 2PAPA GƆD tɔk to am da nɛt de na vishɔn. I kɔl am “Jekɔb, Jekɔb!” Dɛn Jekɔb ansa se, “Yɛs sa.”
3Nain PAPA GƆD se, “Mi na PAPA GƆD, yu papa in PAPA GƆD. Nɔ fred fɔ go dɔŋ na Ijipt. A go mek yu jɛnareshɔn bi big big neshɔn de. 4A go go Ijipt wit yu ɛn a mɔs briŋ yu jɛnareshɔn kam bak na ya. Yu go day na Ijipt ɛn Josɛf go de nia yu we yu de day.” 5Jekɔb kɔmɔt na Biashiba. In bɔypikin dɛn put in ɛn dɛn smɔl pikin dɛn ɛn dɛn wɛf dɛn na di wagɔn dɛn we di kiŋ na Ijipt gi dɛn. 6Dɛn tek ɔl dɛn animal ɛn di prɔpati we dɛn bin dɔn gɛt na Kenan go wit dɛn na Ijipt. Jekɔb bin kɛr ɔl in fambul dɛn go wit am. 7I kɛr in bɔy ɛn gyal pikin dɛn ɛn dɛn pikin dɛn.
8Di Izrɛlayt dɛn we go na Ijipt wit am na bin in fɔs-bɔy-pikin Rubɛn. 9Rubɛn ɛn in yon bɔypikin dɛn we na Anɔk, Palu, Ɛzrɔn ɛn Kami. 10Simiɔn ɛn in bɔypikin dɛn we na Jɛmuɛl, Jamin, Oad, Jakin, Zoa, ɛn Shaul di bɔypikin we wan Kenanayt uman bɔn fɔ am. 11Livay ɛn in bɔypikin dɛn we na Gashɔn, Koath ɛn Mɛrari. 12Juda ɛn in bɔypikin dɛn we na Shela, Pɛrɛz, ɛn Zɛra. Juda in ɔda bɔypikin dɛn Ɛr ɛn Onan, bin dɔn day na Kenan. Pɛrɛz ɛn in bɔypikin dɛn we na Ɛzrɔn ɛn Amul. 13Isaka ɛn in bɔypikin dɛn we na Tola, Puva, Job, ɛn Shimrɔn. 14Zɛbyulɔn ɛn in bɔypikin dɛn we na Sɛrɛd, Ɛlɔn, ɛn Jalil. 15Na Lia in bɔypikin dɛn dis we in bin bɔn fɔ Jekɔb na Padan Aram, ɛn i gɛt gyal pikin we nem Dayna. Ɔl ɛn ɔl, Jekɔb in jɛnareshɔn to Lia in yon say na bin tati-tri.
16Gad ɛn in bɔypikin dɛn we na Zɛfɔn, Agi, Shuni, Ɛzbɔn, Ɛri, Arɔdi, ɛn Arɛli. 17Asha ɛn in bɔypikin dɛn we na Imna, Ishva, Ishvi, Bɛria ɛn dɛn sista Sera. Bɛria in bɔypikin dɛn na Eba, ɛn Malkiɛl. 18Dɛn sikstin pikin dɛn ya kɔmɔt to Zilpa, di savant-gyal we Leban bin gi to in gyal pikin Lia.
19Jekɔb in wɛf Rechɛl bin bɔn tu bɔypikin nɔmɔ we na Josɛf ɛn Bɛnjamin. 20We Josɛf de na Ijipt, i bɔn tu bɔypikin dɛn we nem Manasɛ ɛn Ifrem. Dɛn mama na bin Asɛnath we in papa na bin di man we de tɔk to PAPA GƆD fɔ di pipul dɛn. In papa nem Pɔtifɛra ɛn i bin tap na Ɛliopolis. 21Bɛnjamin in yon bɔypikin dɛn na Bɛla, Bɛka, Ashbɛl, Gɛra, Neman, Ei, Rosh, Mupim, Upim, ɛn Ad. 22Jekɔb in jɛnareshɔn to Rechɛl in yon say na bin fotin.
23Dan ɛn in bɔypikin we na Ushim. 24Naftali ɛn in bɔypikin dɛn we na: Jazil, Guni, Jɛzɛr ɛn Shilɛm. 25Dɛn sɛvin pikin ya kɔmɔt to Bila di savant-gyal we Leban bin gi in gyal pikin Rechɛl. 26Izrɛl we bin go Ijipt na siksti-siks; in dɔtɛnlɔ dɛn nɔ miks pan da nɔmba de. 27Josɛf in tu bɔypikin dɛn we i bɔn na Ijipt mek dɛn rich sɛvinti pan Izrɛl we bin go de na Ijipt.
Jekɔb Ɛn In Fambul Dɛn Rich Na Ijipt
28Nain Jekɔb sɛn Juda go bifo go Josɛf fɔ mit dɛn na Goshɛn. Bay di tɛm we dɛn rich na di eria we Goshɛn de, 29Josɛf dɔn rɛdi in ɔs ɛn karej ɛn go de go mit in dadi Izrɛl. As Josɛf rich to in dadi so, i grip am ɛn kray fɔ lɔŋ pan am wit gladi. 30Izrɛl tɛl Josɛf se, naw in kin day, wans i dɔn si am wit in tu bɔlyay se i de ɛn i nɔ day yet.
31Josɛf tɛl in brɔda dɛn ɛn ɔlman we tap wit in dadi se i de go tɔk to di kiŋ ɛn tɛl am se, in brɔda dɛn ɛn ɔlman we bin tap wit in dadi, na Kenan dɔn kam to am. 32I tɛl dɛn se, in go tɛl am se dɛn na man we de mɛn ship ɛn ɔda animal dɛn, ɛn dɛn kam wit dɛn animal ya we dɛn de mɛn: wit ɔl wetin dɛn gɛt. 33So we di kiŋ kɔl dɛn ɛn aks dɛn uskayn wok dɛn de du, 34dɛn fɔ ansa am se dɛn dɔn de mɛn animal frɔm we dɛn smɔl jɛs lɛkɛ aw dɛn dadi dɛn bin de du. Da tɛm de, i go gri fɔ mek dɛn tap na Goshɛn, bikɔs di Ijipshian dɛn nɔ lɛk ɛnibɔdi we de mɛn ship.
Currently Selected:
Jɛnɛsis 46: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Jɛnɛsis 46
46
We Di Izrɛlayt Dɛn Bin De Ijipt
1So Izrɛl pak ɔl in prɔpati dɛn fɔ go na Ijipt. We i de na rod de go as i rich na Biashiba, i mek sakrifays to PAPA GƆD we nain papa Ayzak in PAPA GƆD. 2PAPA GƆD tɔk to am da nɛt de na vishɔn. I kɔl am “Jekɔb, Jekɔb!” Dɛn Jekɔb ansa se, “Yɛs sa.”
3Nain PAPA GƆD se, “Mi na PAPA GƆD, yu papa in PAPA GƆD. Nɔ fred fɔ go dɔŋ na Ijipt. A go mek yu jɛnareshɔn bi big big neshɔn de. 4A go go Ijipt wit yu ɛn a mɔs briŋ yu jɛnareshɔn kam bak na ya. Yu go day na Ijipt ɛn Josɛf go de nia yu we yu de day.” 5Jekɔb kɔmɔt na Biashiba. In bɔypikin dɛn put in ɛn dɛn smɔl pikin dɛn ɛn dɛn wɛf dɛn na di wagɔn dɛn we di kiŋ na Ijipt gi dɛn. 6Dɛn tek ɔl dɛn animal ɛn di prɔpati we dɛn bin dɔn gɛt na Kenan go wit dɛn na Ijipt. Jekɔb bin kɛr ɔl in fambul dɛn go wit am. 7I kɛr in bɔy ɛn gyal pikin dɛn ɛn dɛn pikin dɛn.
8Di Izrɛlayt dɛn we go na Ijipt wit am na bin in fɔs-bɔy-pikin Rubɛn. 9Rubɛn ɛn in yon bɔypikin dɛn we na Anɔk, Palu, Ɛzrɔn ɛn Kami. 10Simiɔn ɛn in bɔypikin dɛn we na Jɛmuɛl, Jamin, Oad, Jakin, Zoa, ɛn Shaul di bɔypikin we wan Kenanayt uman bɔn fɔ am. 11Livay ɛn in bɔypikin dɛn we na Gashɔn, Koath ɛn Mɛrari. 12Juda ɛn in bɔypikin dɛn we na Shela, Pɛrɛz, ɛn Zɛra. Juda in ɔda bɔypikin dɛn Ɛr ɛn Onan, bin dɔn day na Kenan. Pɛrɛz ɛn in bɔypikin dɛn we na Ɛzrɔn ɛn Amul. 13Isaka ɛn in bɔypikin dɛn we na Tola, Puva, Job, ɛn Shimrɔn. 14Zɛbyulɔn ɛn in bɔypikin dɛn we na Sɛrɛd, Ɛlɔn, ɛn Jalil. 15Na Lia in bɔypikin dɛn dis we in bin bɔn fɔ Jekɔb na Padan Aram, ɛn i gɛt gyal pikin we nem Dayna. Ɔl ɛn ɔl, Jekɔb in jɛnareshɔn to Lia in yon say na bin tati-tri.
16Gad ɛn in bɔypikin dɛn we na Zɛfɔn, Agi, Shuni, Ɛzbɔn, Ɛri, Arɔdi, ɛn Arɛli. 17Asha ɛn in bɔypikin dɛn we na Imna, Ishva, Ishvi, Bɛria ɛn dɛn sista Sera. Bɛria in bɔypikin dɛn na Eba, ɛn Malkiɛl. 18Dɛn sikstin pikin dɛn ya kɔmɔt to Zilpa, di savant-gyal we Leban bin gi to in gyal pikin Lia.
19Jekɔb in wɛf Rechɛl bin bɔn tu bɔypikin nɔmɔ we na Josɛf ɛn Bɛnjamin. 20We Josɛf de na Ijipt, i bɔn tu bɔypikin dɛn we nem Manasɛ ɛn Ifrem. Dɛn mama na bin Asɛnath we in papa na bin di man we de tɔk to PAPA GƆD fɔ di pipul dɛn. In papa nem Pɔtifɛra ɛn i bin tap na Ɛliopolis. 21Bɛnjamin in yon bɔypikin dɛn na Bɛla, Bɛka, Ashbɛl, Gɛra, Neman, Ei, Rosh, Mupim, Upim, ɛn Ad. 22Jekɔb in jɛnareshɔn to Rechɛl in yon say na bin fotin.
23Dan ɛn in bɔypikin we na Ushim. 24Naftali ɛn in bɔypikin dɛn we na: Jazil, Guni, Jɛzɛr ɛn Shilɛm. 25Dɛn sɛvin pikin ya kɔmɔt to Bila di savant-gyal we Leban bin gi in gyal pikin Rechɛl. 26Izrɛl we bin go Ijipt na siksti-siks; in dɔtɛnlɔ dɛn nɔ miks pan da nɔmba de. 27Josɛf in tu bɔypikin dɛn we i bɔn na Ijipt mek dɛn rich sɛvinti pan Izrɛl we bin go de na Ijipt.
Jekɔb Ɛn In Fambul Dɛn Rich Na Ijipt
28Nain Jekɔb sɛn Juda go bifo go Josɛf fɔ mit dɛn na Goshɛn. Bay di tɛm we dɛn rich na di eria we Goshɛn de, 29Josɛf dɔn rɛdi in ɔs ɛn karej ɛn go de go mit in dadi Izrɛl. As Josɛf rich to in dadi so, i grip am ɛn kray fɔ lɔŋ pan am wit gladi. 30Izrɛl tɛl Josɛf se, naw in kin day, wans i dɔn si am wit in tu bɔlyay se i de ɛn i nɔ day yet.
31Josɛf tɛl in brɔda dɛn ɛn ɔlman we tap wit in dadi se i de go tɔk to di kiŋ ɛn tɛl am se, in brɔda dɛn ɛn ɔlman we bin tap wit in dadi, na Kenan dɔn kam to am. 32I tɛl dɛn se, in go tɛl am se dɛn na man we de mɛn ship ɛn ɔda animal dɛn, ɛn dɛn kam wit dɛn animal ya we dɛn de mɛn: wit ɔl wetin dɛn gɛt. 33So we di kiŋ kɔl dɛn ɛn aks dɛn uskayn wok dɛn de du, 34dɛn fɔ ansa am se dɛn dɔn de mɛn animal frɔm we dɛn smɔl jɛs lɛkɛ aw dɛn dadi dɛn bin de du. Da tɛm de, i go gri fɔ mek dɛn tap na Goshɛn, bikɔs di Ijipshian dɛn nɔ lɛk ɛnibɔdi we de mɛn ship.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.