Jɛnɛsis 48
48
Jekɔb Blɛs Ifrem Ɛn Manasɛ
1I nɔ tu te igen, dɛn tɛl Josɛf se in papa sik bad, so i go fɛn am wit in tu bɔypikin dɛn, Manasɛ ɛn Ifrem. 2We dɛn tɛl Jekɔb se in pikin Josɛf dɔn kam fɛn am, i olɔp insɛf ɛn sidɔm tret wan na di bed. 3Jekɔb tɛl Josɛf se PAPA GƆD Ɔlmayti bin apia to am na Luz insay Kenan ɛn i blɛs am. 4I se i tɛl mi se i go mek in jɛnareshɔn bɔku ɛn Kenan go bi dɛn yon sote go.
5Jekɔb tɛl Josɛf bak se in tu bɔypikin dɛn, we Josɛf bɔn na Ijipt bifo in di Jekɔb kam na Ijipt nain di Jekɔb yon. I se Ifrem ɛn Manasɛ nain pikin dɛn lɛkɛ aw Rubɛn ɛn Simiɔn nain pikin dɛn. 6Josɛf, yu tu bɔypikin dɛn, we yu bɔn na Ijipt bifo a kam ya, na mi yon. Ifrem ɛn Manasɛ na mi pikin dɛn lɛkɛ aw Rubɛn ɛn Simiɔn na mi pikin dɛn. 7I se wɛn a bin de kɔmɔt na Padan Aram de go na Kenan, Rechɛl day nain an na rod. I se dɛn nɔ bin de tu fa frɔm Ifrath we dis bi so i bɛr am kɔnasay na di rod de. (Ifrath in nem naw na Bɛtliɛm.) I se in fil am bad.
8We Jekɔb si Josɛf in tu bɔbɔ dɛn, i aks udat dɛn bi. 9Josɛf tɛl am se dɛn nain bɔypikin dɛn, we PAPA GƆD gi am na Ijipt.
Jekɔb se lɛ Josɛf kɛr dɛn go nia am mek i blɛs dɛn 10Jekɔb nɔ bin de si bɛtɛ igen bikɔs i bin dɔn ol. Josɛf kɛr di pikin dɛn go nia am, dɔn Jekɔb put in an dɛn rawnd dɛn ɛn i kis dɛn. 11Jekɔb tɛl Josɛf se, i nɔ bin tink se a go si am igen wit in tu bɔl yay ɛn naw PAPA GƆD dɔn mek i si in pikin dɛnsɛf. 12Josɛf tek di pikin dɛn na Jekɔb in lap, dɔn i baw rayt dɔŋ.
13Josɛf mek shɔ se i put Ifrem na Jekɔb in lɛfan dɔn i put Manasɛ na Jekɔb in raytan. 14Bɔt Jekɔb krɔs in an dɛn, ɛn put in raytan na Ifrem in ed, pan ɔl we nain smɔl, dɛn i put in lɛfan na Manasɛ in ed, we na di big wan. 15Dɔn i blɛs Josɛf. I se,
“Mek PAPA GƆD, we mi papa dɛn Ebraam ɛn Ayzak bin de sav, di PAPA GƆD we dɔn de wit mi ɔl dis tɛm ya, 16mek di enjɛl we dɔn pul mi pan ɔl mi trɔbul, blɛs dɛn pikin ya so! Mek pipul dɛn mɛmba mi nem, mi papa Ayzak ɛn mi grampa Ebraam dɛn nem sote go! Mek dɛn jɛnareshɔn bɔku na dis wɔl!”
17Josɛf bin fil bad we i si se in papa put in raytan na Ifrem in ed; i tray fɔ pul in papa in an na Ifrem in ed ɛn put am na Manasɛ in ed. 18I tɛl in papa se, nɔto so i fɔ du, na Manasɛ na di big wan; so lɛ i put in raytan nain ed. 19In papa nɔ gri, i se, in no. Bɔt Manasɛ in yon jɛnareshɔn sɛf go bɔku ɛn dɛnsɛf go bi bigman na di kɔntri. Bɔt in smɔl brɔda in yon jɛnareshɔn go bɔku pas am, ɛn bi big big neshɔn. I go bi bigman pas in brɔda. 20So i blɛs dɛn da de de. I se, “Di Izrɛlayt dɛn go yuz una nem dɛn we dɛn de gi blɛsin. Dɛn go se lɛ PAPA GƆD mek yu tan lɛkɛ Ifrem ɛn Manasɛ.” So Jekɔb put Ifrem bifo Manasɛ. 21Dɛn Jekɔb tɛl Josɛf se, na day in de day so, bɔt PAPA GƆD go de wit yu ɛn i go kɛr am go bak na di land usay in pipul dɛn kɔmɔt. 22I se in a de gi Josɛf wan mɔ land pas in brɔda dɛn. Dat na di land we gɛt il we i tek to dɛn Amɔrayt dɛn di tɛm we i bin fɛt dɛn wit in bo ɛn aro. I gi Josɛf da land de.
Currently Selected:
Jɛnɛsis 48: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Jɛnɛsis 48
48
Jekɔb Blɛs Ifrem Ɛn Manasɛ
1I nɔ tu te igen, dɛn tɛl Josɛf se in papa sik bad, so i go fɛn am wit in tu bɔypikin dɛn, Manasɛ ɛn Ifrem. 2We dɛn tɛl Jekɔb se in pikin Josɛf dɔn kam fɛn am, i olɔp insɛf ɛn sidɔm tret wan na di bed. 3Jekɔb tɛl Josɛf se PAPA GƆD Ɔlmayti bin apia to am na Luz insay Kenan ɛn i blɛs am. 4I se i tɛl mi se i go mek in jɛnareshɔn bɔku ɛn Kenan go bi dɛn yon sote go.
5Jekɔb tɛl Josɛf bak se in tu bɔypikin dɛn, we Josɛf bɔn na Ijipt bifo in di Jekɔb kam na Ijipt nain di Jekɔb yon. I se Ifrem ɛn Manasɛ nain pikin dɛn lɛkɛ aw Rubɛn ɛn Simiɔn nain pikin dɛn. 6Josɛf, yu tu bɔypikin dɛn, we yu bɔn na Ijipt bifo a kam ya, na mi yon. Ifrem ɛn Manasɛ na mi pikin dɛn lɛkɛ aw Rubɛn ɛn Simiɔn na mi pikin dɛn. 7I se wɛn a bin de kɔmɔt na Padan Aram de go na Kenan, Rechɛl day nain an na rod. I se dɛn nɔ bin de tu fa frɔm Ifrath we dis bi so i bɛr am kɔnasay na di rod de. (Ifrath in nem naw na Bɛtliɛm.) I se in fil am bad.
8We Jekɔb si Josɛf in tu bɔbɔ dɛn, i aks udat dɛn bi. 9Josɛf tɛl am se dɛn nain bɔypikin dɛn, we PAPA GƆD gi am na Ijipt.
Jekɔb se lɛ Josɛf kɛr dɛn go nia am mek i blɛs dɛn 10Jekɔb nɔ bin de si bɛtɛ igen bikɔs i bin dɔn ol. Josɛf kɛr di pikin dɛn go nia am, dɔn Jekɔb put in an dɛn rawnd dɛn ɛn i kis dɛn. 11Jekɔb tɛl Josɛf se, i nɔ bin tink se a go si am igen wit in tu bɔl yay ɛn naw PAPA GƆD dɔn mek i si in pikin dɛnsɛf. 12Josɛf tek di pikin dɛn na Jekɔb in lap, dɔn i baw rayt dɔŋ.
13Josɛf mek shɔ se i put Ifrem na Jekɔb in lɛfan dɔn i put Manasɛ na Jekɔb in raytan. 14Bɔt Jekɔb krɔs in an dɛn, ɛn put in raytan na Ifrem in ed, pan ɔl we nain smɔl, dɛn i put in lɛfan na Manasɛ in ed, we na di big wan. 15Dɔn i blɛs Josɛf. I se,
“Mek PAPA GƆD, we mi papa dɛn Ebraam ɛn Ayzak bin de sav, di PAPA GƆD we dɔn de wit mi ɔl dis tɛm ya, 16mek di enjɛl we dɔn pul mi pan ɔl mi trɔbul, blɛs dɛn pikin ya so! Mek pipul dɛn mɛmba mi nem, mi papa Ayzak ɛn mi grampa Ebraam dɛn nem sote go! Mek dɛn jɛnareshɔn bɔku na dis wɔl!”
17Josɛf bin fil bad we i si se in papa put in raytan na Ifrem in ed; i tray fɔ pul in papa in an na Ifrem in ed ɛn put am na Manasɛ in ed. 18I tɛl in papa se, nɔto so i fɔ du, na Manasɛ na di big wan; so lɛ i put in raytan nain ed. 19In papa nɔ gri, i se, in no. Bɔt Manasɛ in yon jɛnareshɔn sɛf go bɔku ɛn dɛnsɛf go bi bigman na di kɔntri. Bɔt in smɔl brɔda in yon jɛnareshɔn go bɔku pas am, ɛn bi big big neshɔn. I go bi bigman pas in brɔda. 20So i blɛs dɛn da de de. I se, “Di Izrɛlayt dɛn go yuz una nem dɛn we dɛn de gi blɛsin. Dɛn go se lɛ PAPA GƆD mek yu tan lɛkɛ Ifrem ɛn Manasɛ.” So Jekɔb put Ifrem bifo Manasɛ. 21Dɛn Jekɔb tɛl Josɛf se, na day in de day so, bɔt PAPA GƆD go de wit yu ɛn i go kɛr am go bak na di land usay in pipul dɛn kɔmɔt. 22I se in a de gi Josɛf wan mɔ land pas in brɔda dɛn. Dat na di land we gɛt il we i tek to dɛn Amɔrayt dɛn di tɛm we i bin fɛt dɛn wit in bo ɛn aro. I gi Josɛf da land de.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.