Jɛnɛsis 9
9
PAPA GƆD Mek Kɔvinant Wit Noa
1PAPA GƆD blɛs Noa ɛn in bɔypikin dɛn. I se, “Una bɔn bɔku bɔku pikin dɛn so dat una go de ɔlsay na di wɔl. 2Ɔl dɛn animal, dɛn bɔd, ɛn fish dɛn go de fred una. Na una go de kɔntrol dɛn. 3A dɔn gi dɛn to una fɔ it jɛs lɛkɛ aw a bin dɔn gi di grin plant dɛn fɔ it. 4Wan tin nɔmɔ, una nɔ fɔ it ɛnitin we rɔ we gɛt blɔd pan am, bikɔs na di blɔd gɛt layf. 5If ɛnibɔdi kil in kɔmpin, insɛf fɔ day. We animal kil mɔtalman, dɛn fɔ kil am bak. 6So dɛn fɔ kil ɛnibɔdi we kil in kɔmpin mɔtalman bikɔs a mek mɔtalman lɛkɛ misɛf.”
7“Una fɔ bɔn bɔku bɔku pikin so dat una go de ɔlsay na di wɔl.”
8PAPA GƆD tɛl Noa ɛn in bɔypikin dɛn se, 9“Naw, a de mek Kɔvinant wit una ɛn una jɛnareshɔn dɛn, 10ɛn wit ɔl dɛn tin we gɛt layf; dɛn bɔd, dɛn animal we tap wit pipul, dɛn wayl bist ɛn ɔl wetin kɔmɔt insay di ak wit una 11Dis na di Kɔvinant:#9:11 Kɔvinant Traŋa prɔmis we PAPA GƆD de mek wit mɔtalman we i nɔ de jok wit. A nɔ go ɛva sɛn ren fɔ pwɛl ɔltin na di wɔl igen. 12Na di sayn dis we go sho se a dɔn mek Kɔvinant wit una, una jɛnareshɔn dɛn ɛn ɔl wetin gɛt layf sote go. 13A de put mi rembo ɔp na di klawd we go bi di sayn fɔ dis Kɔvinant wit di wɔl. 14Ɛnitɛm we a mek di skay dak ɛn di rembo sho, 15a go mɛmba dis Kɔvinant we a mek wit una, se, igen igen a nɔ go mek big big ren kam fɔ pwɛl ɔltin we gɛt layf. 16We di rembo sho na di klawd, a go si am ɛn a go mɛmba di Kɔvinant wit una; ɛn ɔl wetin gɛt layf na di wɔl. 17Na di rembo go bi di sayn fɔ sho se a bin dɔn mek Kɔvinant wit una.”
Wetin Mek Noa Swɛ Am
18Noa in bɔypikin dɛn we bin kɔmɔt na di bot na bin Shɛm, Am, ɛn Jefɛt. Am na Kenan in papa. 19Na frɔm Noa in tri bɔypikin dɛn ɔl di pipul dɛn na dis wɔl kɔmɔt.
20Noa na bin fama, ɛn nain na di fɔs man we plant greps. 21Wande we i drink sɔm pan di wayn we i mek, i drɔnk pasmak te i pul in klos, ɛn lidɔm nekɛd insay in tɛnt. 22We Am we na Kenan in papa kam, i si Noa lidɔm nekɛd, ɛn rɔn go tɛl in tu brɔda dɛn. 23Shɛm ɛn Jefɛt naw tek klos, ol am biɛn dɛn sholda, tɔn dɛn fes ɛn go insay di tɛnt wit dɛn bak so dat dɛn nɔ go si dɛn papa in nekɛd wan. Dɔn dɛn kɔba am. 24We Noa soba, i gɛt fɔ no wetin in las pikin Am du, 25so i swɛ Am in pikin Kenan. I se,
“Kenan, nɔ go bɛtɛ.
I go bi ɔdinari slev to in brɔda dɛn.”
26Dɔn i tɔk se, “Mek PAPA GƆD blɛs Shɛm di PAPA GƆD we na mi PAPA GƆD ɛn mek
Kenan bi slev to am.
27Lɛ PAPA GƆD gi Jefɛt#9:27 Jefɛt I fiba di Ibru wɔd ‘fɔ gɛt mɔ.’ mɔ land.
Mek Jefɛt gɛt pan wetin Shɛm gɛt ɛn mek
Kenan bi slev to Jefɛt insɛf.”
28Afta di flɔd Noa bin de fɔ tri ɔndrɛd ɛn fifti ia mɔ, 29ɛn i day we i ol nayn ɔndrɛd ɛn fifti ia.
Currently Selected:
Jɛnɛsis 9: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Jɛnɛsis 9
9
PAPA GƆD Mek Kɔvinant Wit Noa
1PAPA GƆD blɛs Noa ɛn in bɔypikin dɛn. I se, “Una bɔn bɔku bɔku pikin dɛn so dat una go de ɔlsay na di wɔl. 2Ɔl dɛn animal, dɛn bɔd, ɛn fish dɛn go de fred una. Na una go de kɔntrol dɛn. 3A dɔn gi dɛn to una fɔ it jɛs lɛkɛ aw a bin dɔn gi di grin plant dɛn fɔ it. 4Wan tin nɔmɔ, una nɔ fɔ it ɛnitin we rɔ we gɛt blɔd pan am, bikɔs na di blɔd gɛt layf. 5If ɛnibɔdi kil in kɔmpin, insɛf fɔ day. We animal kil mɔtalman, dɛn fɔ kil am bak. 6So dɛn fɔ kil ɛnibɔdi we kil in kɔmpin mɔtalman bikɔs a mek mɔtalman lɛkɛ misɛf.”
7“Una fɔ bɔn bɔku bɔku pikin so dat una go de ɔlsay na di wɔl.”
8PAPA GƆD tɛl Noa ɛn in bɔypikin dɛn se, 9“Naw, a de mek Kɔvinant wit una ɛn una jɛnareshɔn dɛn, 10ɛn wit ɔl dɛn tin we gɛt layf; dɛn bɔd, dɛn animal we tap wit pipul, dɛn wayl bist ɛn ɔl wetin kɔmɔt insay di ak wit una 11Dis na di Kɔvinant:#9:11 Kɔvinant Traŋa prɔmis we PAPA GƆD de mek wit mɔtalman we i nɔ de jok wit. A nɔ go ɛva sɛn ren fɔ pwɛl ɔltin na di wɔl igen. 12Na di sayn dis we go sho se a dɔn mek Kɔvinant wit una, una jɛnareshɔn dɛn ɛn ɔl wetin gɛt layf sote go. 13A de put mi rembo ɔp na di klawd we go bi di sayn fɔ dis Kɔvinant wit di wɔl. 14Ɛnitɛm we a mek di skay dak ɛn di rembo sho, 15a go mɛmba dis Kɔvinant we a mek wit una, se, igen igen a nɔ go mek big big ren kam fɔ pwɛl ɔltin we gɛt layf. 16We di rembo sho na di klawd, a go si am ɛn a go mɛmba di Kɔvinant wit una; ɛn ɔl wetin gɛt layf na di wɔl. 17Na di rembo go bi di sayn fɔ sho se a bin dɔn mek Kɔvinant wit una.”
Wetin Mek Noa Swɛ Am
18Noa in bɔypikin dɛn we bin kɔmɔt na di bot na bin Shɛm, Am, ɛn Jefɛt. Am na Kenan in papa. 19Na frɔm Noa in tri bɔypikin dɛn ɔl di pipul dɛn na dis wɔl kɔmɔt.
20Noa na bin fama, ɛn nain na di fɔs man we plant greps. 21Wande we i drink sɔm pan di wayn we i mek, i drɔnk pasmak te i pul in klos, ɛn lidɔm nekɛd insay in tɛnt. 22We Am we na Kenan in papa kam, i si Noa lidɔm nekɛd, ɛn rɔn go tɛl in tu brɔda dɛn. 23Shɛm ɛn Jefɛt naw tek klos, ol am biɛn dɛn sholda, tɔn dɛn fes ɛn go insay di tɛnt wit dɛn bak so dat dɛn nɔ go si dɛn papa in nekɛd wan. Dɔn dɛn kɔba am. 24We Noa soba, i gɛt fɔ no wetin in las pikin Am du, 25so i swɛ Am in pikin Kenan. I se,
“Kenan, nɔ go bɛtɛ.
I go bi ɔdinari slev to in brɔda dɛn.”
26Dɔn i tɔk se, “Mek PAPA GƆD blɛs Shɛm di PAPA GƆD we na mi PAPA GƆD ɛn mek
Kenan bi slev to am.
27Lɛ PAPA GƆD gi Jefɛt#9:27 Jefɛt I fiba di Ibru wɔd ‘fɔ gɛt mɔ.’ mɔ land.
Mek Jefɛt gɛt pan wetin Shɛm gɛt ɛn mek
Kenan bi slev to Jefɛt insɛf.”
28Afta di flɔd Noa bin de fɔ tri ɔndrɛd ɛn fifti ia mɔ, 29ɛn i day we i ol nayn ɔndrɛd ɛn fifti ia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.