Lɛvitikɔs 18
18
Wetin Nɔ Fɔ Du We Man De Ledɔm Wit Uman
1Dɛn PAPA GƆD tɛl Mozis 2fɔ tɛl di Izrɛlayt dɛn se, in se nain na PAPA GƆD we na dɛn GƆD. 3I se nɔto wetin di Ijipshian dɛn we na dɛn land dɛn bin tap, nɔto di sem tin dɛn fɔ du ɛn dɛn nɔ fɔ ivin fala fɔ du wetin di Kenanayt, usay dɛn de go, de du. Nɔ fɔ fala dɛn aw dɛn de biev. 4Na wetin PAPA GƆD se dɛn fɔ du, nain fɔ du, bikɔs nain na PAPA GƆD we na dɛn PAPA GƆD. 5Na dat mek dɛn fɔ du wetin i se ɛn we pɔsin du wetin PAPA GƆD se fɔ du, dat go mek i bɛtɛ na wɔl. Nain na PAPA GƆD.
6I se nɔn pan dɛn nɔ fɔ ask uman we i fambul to fɔ lidɔm wit am. I se nain na PAPA GƆD. 7Nɔbɔdi nɔ fɔ si in papa in nekɛdnɛs bikɔs i jɛs tan lɛk na yu mama yu dɔn si, ɛn na yu mama, yu nɔ fɔ si in nekɛdnɛs. 8Nɔbɔdi nɔ fɔ lidɔm wit in papa in wɛf. I jɛs tan lɛk na yu papa in nekɛdnɛs yu dɔn si. 9Nɔbɔdi nɔ fɔ lidɔm wit in sista, wɛda dɛn gɛt di sem mama ɛn papa, ɔ na wan pan dɛn nɔmɔ na di sem, ɔ wɛda dɛn ɔl mɛn na di sem os ɔ nɔt. 10Man nɔ fɔ lidɔm wit in grampikin we in bɔy ɔ gyal pikin bɔn, we na uman, bikɔs dɛn na yu yon blɔd.. 11If na pɔsin in papa in wɛf bɔn di gyal pikin sɛf, wans nain papa bɔn am, i nɔ fɔ mek i pul klos fɔ am bikɔs nain sista. 12Pɔsin nɔ fɔ mek in papa in sista pul klos fɔ am bikɔs nain papa in klos fambul. 13I nɔ fɔ mek in mama in sista sɛf pul klos fɔ am bikɔs nain mama insɛf yon klos fambul. 14Nɔ fɔ mek pɔsin in ɔnkul wɛf pul klos fɔ am bikɔs i go disgres in ɔnkul ɛn i fɔ mɛmba se nain anti. 15Pɔsin nɔ fɔ disgres in dɔtɛnlɔ ɛn mek i pul klos fɔ am; nain bɔypikin in wɛf so nɔ fɔ disgres am. 16If pɔsin mek in brɔda wɛf pul klos fɔ am, nain brɔda i de disgres. 17Nɔ fɔ mek mami ɛn in gyal pikin pul klos fɔ pɔsin, nɔ fɔ ivin mek ɛni pan in grampikin dɛn, wɛda nain bɔypikin, in pikin, ɔ nain gyal pikin, in pikin, pul klos fɔ am. Na bad, bad tin bikɔs dɛn ɔl nain klos fambul. 18If pɔsin kin mared tu uman, i fɔ mek sho se dɛn ɔltu nɔto sista we wan nɔ day yet.
19I se man nɔ fɔ mek uman pul klos fɔ am tɛm we i de si in piriɔd. 20Man nɔ fɔ kip in kɔmpin wɛf bikɔs dat nɔ go mek i klin na PAPA GƆD yay. 21PAPA GƆD se nɔn pan dɛn nɔ fɔ sakrifays ɛni pan dɛn pikin na faya to Molɛk#18:21Molɛk Na wan pan di Kenanayt dɛn smɔl smɔl gɔd dɛn. bikɔs dat go mek dɛn put shem pan PAPA GƆD in nem. I se nain na PAPA GƆD. 22Man nɔ fɔ ledɔm wit in kɔmpin man lɛkɛ se na uman, dɛn dɔn du bad bad tin. 23Man nɔ fɔ tek animal mek wɛf ɛn mek insɛf nɔ klin na PAPA GƆD yay, ɛn uman sɛf nɔ fɔ tek animal mek man: na bad bad tin da wande.
24Mozis tɛl dɛn se, PAPA GƆD se dɛn nɔ fɔ du ɛni pan dɛn tin we i dɔn tɔn bɔt so bikɔs na dɛn sem tin dɛn de mek i drɛb di neshɔn dɛn we bin tap de mek dɛn nɔ go mek dɛn nɔ klin na PAPA GƆD yay; 25ɛn dat sɛf go mek di land insɛf nɔ klin na PAPA GƆD yay, we go mek PAPA GƆD pɔnish di land fɔseka di bad tin dɛn we dɛn du, ɛn i go mek di pipul dɛn kɔmɔt na di land lɛkɛ aw pɔsin de vɔmit it. 26I se di Izrɛlayt dɛn nɔ fɔ tan lɛk di pipul dɛn we bin tap na di land ɛn du ɔl di bad bad tin dɛn we dɛn de du. I se dɛn fɔ du wetin i se, dat na, dɛn we bɔn de ɔ di wan dɛn we go tap wit dɛn 27bikɔs na ɔl dɛn bad tin dɛn de di pipul dɛn we bin tap na di land bifo dɛn, bin du, we mek di land nɔ klin na PAPA GƆD yay; 28na di sem tin go apin to dɛnsɛf if dɛn biev lɛkɛ dɛn pipul de. Di land go mek di pipul dɛn kɔmɔt de lɛkɛ aw pɔsin de vɔmit it, if dɛn mek i nɔ klin na PAPA GƆD yay. 29I se if ɛniwan pan dɛn du dɛn bad bad tin we nɔ fɔ du, dɛn fɔ drɛb dɛn kɔmɔt Izrɛl. 30I se dɛn fɔ du wetin in se ɛn nɔ fala fɔ du di bad bad tin dɛn we di pipul bifo dɛn bin de du so dat dɛn nɔ go mek dɛn nɔ klin na PAPA GƆD yay: nain na PAPA GƆD we na dɛn GƆD.
Currently Selected:
Lɛvitikɔs 18: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Lɛvitikɔs 18
18
Wetin Nɔ Fɔ Du We Man De Ledɔm Wit Uman
1Dɛn PAPA GƆD tɛl Mozis 2fɔ tɛl di Izrɛlayt dɛn se, in se nain na PAPA GƆD we na dɛn GƆD. 3I se nɔto wetin di Ijipshian dɛn we na dɛn land dɛn bin tap, nɔto di sem tin dɛn fɔ du ɛn dɛn nɔ fɔ ivin fala fɔ du wetin di Kenanayt, usay dɛn de go, de du. Nɔ fɔ fala dɛn aw dɛn de biev. 4Na wetin PAPA GƆD se dɛn fɔ du, nain fɔ du, bikɔs nain na PAPA GƆD we na dɛn PAPA GƆD. 5Na dat mek dɛn fɔ du wetin i se ɛn we pɔsin du wetin PAPA GƆD se fɔ du, dat go mek i bɛtɛ na wɔl. Nain na PAPA GƆD.
6I se nɔn pan dɛn nɔ fɔ ask uman we i fambul to fɔ lidɔm wit am. I se nain na PAPA GƆD. 7Nɔbɔdi nɔ fɔ si in papa in nekɛdnɛs bikɔs i jɛs tan lɛk na yu mama yu dɔn si, ɛn na yu mama, yu nɔ fɔ si in nekɛdnɛs. 8Nɔbɔdi nɔ fɔ lidɔm wit in papa in wɛf. I jɛs tan lɛk na yu papa in nekɛdnɛs yu dɔn si. 9Nɔbɔdi nɔ fɔ lidɔm wit in sista, wɛda dɛn gɛt di sem mama ɛn papa, ɔ na wan pan dɛn nɔmɔ na di sem, ɔ wɛda dɛn ɔl mɛn na di sem os ɔ nɔt. 10Man nɔ fɔ lidɔm wit in grampikin we in bɔy ɔ gyal pikin bɔn, we na uman, bikɔs dɛn na yu yon blɔd.. 11If na pɔsin in papa in wɛf bɔn di gyal pikin sɛf, wans nain papa bɔn am, i nɔ fɔ mek i pul klos fɔ am bikɔs nain sista. 12Pɔsin nɔ fɔ mek in papa in sista pul klos fɔ am bikɔs nain papa in klos fambul. 13I nɔ fɔ mek in mama in sista sɛf pul klos fɔ am bikɔs nain mama insɛf yon klos fambul. 14Nɔ fɔ mek pɔsin in ɔnkul wɛf pul klos fɔ am bikɔs i go disgres in ɔnkul ɛn i fɔ mɛmba se nain anti. 15Pɔsin nɔ fɔ disgres in dɔtɛnlɔ ɛn mek i pul klos fɔ am; nain bɔypikin in wɛf so nɔ fɔ disgres am. 16If pɔsin mek in brɔda wɛf pul klos fɔ am, nain brɔda i de disgres. 17Nɔ fɔ mek mami ɛn in gyal pikin pul klos fɔ pɔsin, nɔ fɔ ivin mek ɛni pan in grampikin dɛn, wɛda nain bɔypikin, in pikin, ɔ nain gyal pikin, in pikin, pul klos fɔ am. Na bad, bad tin bikɔs dɛn ɔl nain klos fambul. 18If pɔsin kin mared tu uman, i fɔ mek sho se dɛn ɔltu nɔto sista we wan nɔ day yet.
19I se man nɔ fɔ mek uman pul klos fɔ am tɛm we i de si in piriɔd. 20Man nɔ fɔ kip in kɔmpin wɛf bikɔs dat nɔ go mek i klin na PAPA GƆD yay. 21PAPA GƆD se nɔn pan dɛn nɔ fɔ sakrifays ɛni pan dɛn pikin na faya to Molɛk#18:21Molɛk Na wan pan di Kenanayt dɛn smɔl smɔl gɔd dɛn. bikɔs dat go mek dɛn put shem pan PAPA GƆD in nem. I se nain na PAPA GƆD. 22Man nɔ fɔ ledɔm wit in kɔmpin man lɛkɛ se na uman, dɛn dɔn du bad bad tin. 23Man nɔ fɔ tek animal mek wɛf ɛn mek insɛf nɔ klin na PAPA GƆD yay, ɛn uman sɛf nɔ fɔ tek animal mek man: na bad bad tin da wande.
24Mozis tɛl dɛn se, PAPA GƆD se dɛn nɔ fɔ du ɛni pan dɛn tin we i dɔn tɔn bɔt so bikɔs na dɛn sem tin dɛn de mek i drɛb di neshɔn dɛn we bin tap de mek dɛn nɔ go mek dɛn nɔ klin na PAPA GƆD yay; 25ɛn dat sɛf go mek di land insɛf nɔ klin na PAPA GƆD yay, we go mek PAPA GƆD pɔnish di land fɔseka di bad tin dɛn we dɛn du, ɛn i go mek di pipul dɛn kɔmɔt na di land lɛkɛ aw pɔsin de vɔmit it. 26I se di Izrɛlayt dɛn nɔ fɔ tan lɛk di pipul dɛn we bin tap na di land ɛn du ɔl di bad bad tin dɛn we dɛn de du. I se dɛn fɔ du wetin i se, dat na, dɛn we bɔn de ɔ di wan dɛn we go tap wit dɛn 27bikɔs na ɔl dɛn bad tin dɛn de di pipul dɛn we bin tap na di land bifo dɛn, bin du, we mek di land nɔ klin na PAPA GƆD yay; 28na di sem tin go apin to dɛnsɛf if dɛn biev lɛkɛ dɛn pipul de. Di land go mek di pipul dɛn kɔmɔt de lɛkɛ aw pɔsin de vɔmit it, if dɛn mek i nɔ klin na PAPA GƆD yay. 29I se if ɛniwan pan dɛn du dɛn bad bad tin we nɔ fɔ du, dɛn fɔ drɛb dɛn kɔmɔt Izrɛl. 30I se dɛn fɔ du wetin in se ɛn nɔ fala fɔ du di bad bad tin dɛn we di pipul bifo dɛn bin de du so dat dɛn nɔ go mek dɛn nɔ klin na PAPA GƆD yay: nain na PAPA GƆD we na dɛn GƆD.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.