Lɛvitikɔs 21
21
Aw Dɛn Man We De Mek Sakrifays Fɔ Pipul Sin Fɔ Tan
1Dɛn PAPA GƆD tɛl Mozis fɔ tɛl di man dɛn we de mek sakrifays fɔ pipul sin, dat na Erɔn in bɔypikin dɛn, se, dɛn nɔn nɔ fɔ mek dɛn nɔ klin na PAPA GƆD yay fɔseka ɛni dɛn fambul we dɔn day, 2pas nɔmɔ if dɛn ɔl tap na wan os lɛkɛ dɛn mama, papa, pikin, brɔda, 3ɔ sista we de na os bikɔs i nɔ mared yet. Na fɔ lɛkɛ dɛn wan ya nɔmɔ dɛn go mek dɛnsɛf nɔ klin na PAPA GƆD yay. 4If na bay mared dɛn fambul to di pɔsin, dɛn nɔ fɔ mek dɛnsɛf nɔ klin na PAPA GƆD yay.#21:4 Bɔku minin de fɔ dis vas. Dis na jɛs wan pan dɛn. Ɔda pipul kin se dɛn nɔ fɔ mek dɛnsɛf nɔ klin na PAPA GƆD yay fɔ sista we dɔn mared.
5I se dɛn nɔn nɔ fɔ krep wan pat pan dɛn ed fɔ mek bɔled, nɔ fɔ skrep pan di ia we de na dɛn dɛn fes in sayd ɔ shep dɛn biabia lɛk got ɔ mak mak idɛn bɔdi. 6Dɛn fɔ oli fɔ PAPA GƆD ɛn nɔ put shem pan PAPA GƆD in nem; dɛn de mek sakrifays na faya to PAPA GƆD, ɛn nain it so dɛn fɔ oli. 7Dɛn nɔ fɔ mared uman we de biev lɛk rare gyal fɔ go wɔship ɔda gɔd dɛn ɔ uman we nɔto vajin ɛn dɛn nɔ fɔ mared uman we nɔ tap na os wit in fɔs man igen, bikɔs dɛn na man dɛn we de mek sakrifays fɔ pipul sin so dɛn fɔ oli fɔ PAPA GƆD. 8I se di pipul dɛnsɛf fɔ trit dɛn lɛkɛ se dɛn oli bikɔs na dɛn de gi PAPA GƆD it so dɛn fɔ oli as in PAPA GƆD we de mek dɛn oli, insɛf oli. 9If di man we de mek sakrifays fɔ pipul sin in gyal pikin disgres insɛf ɛn biev lɛk rare gyal fɔ go wɔship ɔda gɔd ɛn disgres in papa, na fɔ bɔn am na faya.
10Di bigman pan di man dɛn we de mek sakrifays fɔ pipul sin we nain ed dɛn bin anɔynt wit ɔyl, ɛn we nain bin wɛr dɛn klos we na man dɛn we de mek sakrifays fɔ pipul sin kin wɛr, nɔ fɔ lɛf di ia nain ed so ɛn nɔ kom am, i nɔ fɔ chɛr chɛr in klos fɔ sho se i gɛt bɛrin, 11nɔ fɔ go nia dedebɔdi ɛn mek insɛf nɔ klin na PAPA GƆD yay, i lɛk sɛf nain mama ɔ in papa; 12i nɔ fɔ kɔmɔt na di tɛnt usay dɛn kin mit PAPA GƆD fɔseka bɛrin ɛn disgres di tɛnt usay dɛn kin mit PAPA GƆD bikɔs di ɔyl we de pan am sho se in na PAPA GƆD yon; i se nain na PAPA GƆD. 13Na uman we na vajin i fɔ mared. 14Nɔ fɔ mared uman we in man dɔn day, ɔ wan we in man dɔn lɛf am, ɔ uman we biev lɛk rare gyal fɔ go wɔship ɔda gɔd bɔt i fɔ mared vajin we kɔmɔt na di sem fambul, 15dis na fɔ mek i nɔ mek in pikin dɛn disgres midul pipul; bikɔs nain na PAPA GƆD we de mek am oli.
16Ɛn PAPA GƆD tɛl Mozis se, 17mek i tɛl Erɔn se nɔn pan in pipul na ɔl in jɛnareshɔn, we go gɛt bɔt pan am, nɔ go gi PAPA GƆD it. 18Ɛnibɔdi we gɛt bɔt nɔ go go nia in ɔlta, wɛda na blɛnyay man ɔ na man we nɔ de waka ɔ man we gɛt prɔblɛm wit in fes ɔ man we nɔ de waka bɛtɛ, 19ɔ man we in an ɔ in fut gɛt smɔl prɔblɛm, 20ɔ man we gɛt ɔmbak, ɔ man we shɔt lɛk dwaf, ɔ man we in yay ambɔg, ɔ we gɛt sɔm kayn rash nain bɔdi ɔ we dɔn tɔn okobo; 21nɔbɔdi we na Erɔn in jɛnareshɔn we gɛt bɔt nɔ go go nia di ɔlta se i de mek ɔfrin na faya to PAPA GƆD; as i gɛt bɔt, i nɔ fɔ go nia di ɔlta fɔ gi PAPA GƆD it. 22I kin it pan it we dɛn de gi PAPA GƆD, dat na ɔl di it we oli, 23bɔt i nɔ fɔ go nia di klos we ɛŋ na di domɔt ɔ di ɔlta bikɔs i gɛt bɔt ɛn i go put shem pan di tɛnt usay dɛn kin mit PAPA GƆD wit ɔl wetin de de; bikɔs nain na PAPA GƆD we de mek dɛn oli. 24So Mozis tɛl Erɔn, in bɔypikin dɛn ɛn ɔl di pipul wetin PAPA GƆD se.
Currently Selected:
Lɛvitikɔs 21: KRIO13
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.
Lɛvitikɔs 21
21
Aw Dɛn Man We De Mek Sakrifays Fɔ Pipul Sin Fɔ Tan
1Dɛn PAPA GƆD tɛl Mozis fɔ tɛl di man dɛn we de mek sakrifays fɔ pipul sin, dat na Erɔn in bɔypikin dɛn, se, dɛn nɔn nɔ fɔ mek dɛn nɔ klin na PAPA GƆD yay fɔseka ɛni dɛn fambul we dɔn day, 2pas nɔmɔ if dɛn ɔl tap na wan os lɛkɛ dɛn mama, papa, pikin, brɔda, 3ɔ sista we de na os bikɔs i nɔ mared yet. Na fɔ lɛkɛ dɛn wan ya nɔmɔ dɛn go mek dɛnsɛf nɔ klin na PAPA GƆD yay. 4If na bay mared dɛn fambul to di pɔsin, dɛn nɔ fɔ mek dɛnsɛf nɔ klin na PAPA GƆD yay.#21:4 Bɔku minin de fɔ dis vas. Dis na jɛs wan pan dɛn. Ɔda pipul kin se dɛn nɔ fɔ mek dɛnsɛf nɔ klin na PAPA GƆD yay fɔ sista we dɔn mared.
5I se dɛn nɔn nɔ fɔ krep wan pat pan dɛn ed fɔ mek bɔled, nɔ fɔ skrep pan di ia we de na dɛn dɛn fes in sayd ɔ shep dɛn biabia lɛk got ɔ mak mak idɛn bɔdi. 6Dɛn fɔ oli fɔ PAPA GƆD ɛn nɔ put shem pan PAPA GƆD in nem; dɛn de mek sakrifays na faya to PAPA GƆD, ɛn nain it so dɛn fɔ oli. 7Dɛn nɔ fɔ mared uman we de biev lɛk rare gyal fɔ go wɔship ɔda gɔd dɛn ɔ uman we nɔto vajin ɛn dɛn nɔ fɔ mared uman we nɔ tap na os wit in fɔs man igen, bikɔs dɛn na man dɛn we de mek sakrifays fɔ pipul sin so dɛn fɔ oli fɔ PAPA GƆD. 8I se di pipul dɛnsɛf fɔ trit dɛn lɛkɛ se dɛn oli bikɔs na dɛn de gi PAPA GƆD it so dɛn fɔ oli as in PAPA GƆD we de mek dɛn oli, insɛf oli. 9If di man we de mek sakrifays fɔ pipul sin in gyal pikin disgres insɛf ɛn biev lɛk rare gyal fɔ go wɔship ɔda gɔd ɛn disgres in papa, na fɔ bɔn am na faya.
10Di bigman pan di man dɛn we de mek sakrifays fɔ pipul sin we nain ed dɛn bin anɔynt wit ɔyl, ɛn we nain bin wɛr dɛn klos we na man dɛn we de mek sakrifays fɔ pipul sin kin wɛr, nɔ fɔ lɛf di ia nain ed so ɛn nɔ kom am, i nɔ fɔ chɛr chɛr in klos fɔ sho se i gɛt bɛrin, 11nɔ fɔ go nia dedebɔdi ɛn mek insɛf nɔ klin na PAPA GƆD yay, i lɛk sɛf nain mama ɔ in papa; 12i nɔ fɔ kɔmɔt na di tɛnt usay dɛn kin mit PAPA GƆD fɔseka bɛrin ɛn disgres di tɛnt usay dɛn kin mit PAPA GƆD bikɔs di ɔyl we de pan am sho se in na PAPA GƆD yon; i se nain na PAPA GƆD. 13Na uman we na vajin i fɔ mared. 14Nɔ fɔ mared uman we in man dɔn day, ɔ wan we in man dɔn lɛf am, ɔ uman we biev lɛk rare gyal fɔ go wɔship ɔda gɔd bɔt i fɔ mared vajin we kɔmɔt na di sem fambul, 15dis na fɔ mek i nɔ mek in pikin dɛn disgres midul pipul; bikɔs nain na PAPA GƆD we de mek am oli.
16Ɛn PAPA GƆD tɛl Mozis se, 17mek i tɛl Erɔn se nɔn pan in pipul na ɔl in jɛnareshɔn, we go gɛt bɔt pan am, nɔ go gi PAPA GƆD it. 18Ɛnibɔdi we gɛt bɔt nɔ go go nia in ɔlta, wɛda na blɛnyay man ɔ na man we nɔ de waka ɔ man we gɛt prɔblɛm wit in fes ɔ man we nɔ de waka bɛtɛ, 19ɔ man we in an ɔ in fut gɛt smɔl prɔblɛm, 20ɔ man we gɛt ɔmbak, ɔ man we shɔt lɛk dwaf, ɔ man we in yay ambɔg, ɔ we gɛt sɔm kayn rash nain bɔdi ɔ we dɔn tɔn okobo; 21nɔbɔdi we na Erɔn in jɛnareshɔn we gɛt bɔt nɔ go go nia di ɔlta se i de mek ɔfrin na faya to PAPA GƆD; as i gɛt bɔt, i nɔ fɔ go nia di ɔlta fɔ gi PAPA GƆD it. 22I kin it pan it we dɛn de gi PAPA GƆD, dat na ɔl di it we oli, 23bɔt i nɔ fɔ go nia di klos we ɛŋ na di domɔt ɔ di ɔlta bikɔs i gɛt bɔt ɛn i go put shem pan di tɛnt usay dɛn kin mit PAPA GƆD wit ɔl wetin de de; bikɔs nain na PAPA GƆD we de mek dɛn oli. 24So Mozis tɛl Erɔn, in bɔypikin dɛn ɛn ɔl di pipul wetin PAPA GƆD se.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Krio Bible © The Bible Society of Sierra Leone, 2013.