ƐSITA 1
1
Nyaha Mahei Vasti i Mahei Aasuɛlɔsi Layei Gbuanga hu
1Ji wieni Aasuɛlɔsi voloisia hu lɔ, yee Aasuɛlɔsi yakpei na i yɛ mahayei hu kpaalata hɔndɔ yila kalɛ nuu gbɔyɔngɔ mahu wɔfila mahu (127), i hiye India i too Itiopia ma. 2Foloi nasia ma, ji Mahei Aasuɛlɔsi yɛ heini ngi maha heimei maha la wai hu Susa, 3ngi mahayei fooi yee sawei hu, i mɛhɛɛ mɛ gomɛ hugbatɛlɔ ngi mahangeisia kɛ ngi magbeegbuableisia va. Paasia gɔgului kɛ Mɛdia kɛ kpakoisia kɛ baagɔmableisia kɛ kpaalata hu gɔmineisia ti yɛlɔ na, 4ji i yɛ ngi mahawui gbatei yauhungɛ ma, kɛ ngi mahaya wai kɛ ngi nyandeyii hugɛma folo gboto va, folo hɔndɔ yila kalɛ nuu naani gbɔyɔngɔ (180) kpɛlɛɛ hu.
5Ji foloi jisia ti gbɔyɔni, mahei i mɛhɛɛ mɛ gomɛ hugbatɛlɔ nungei nasia kpɛlɛɛ va ti yɛ Susa la wai hu numu wawangaa kɛ numu gbamangaa ngi maha heimei folo wɔfila va, mahei wɛlɛ gatei hu. 6Kula golei hɛlɛngɔngaa kɛ kula bulu hɛlɛngɔngaa ti yɛlɔ yilingɔ a ngeya nyandengaa kɛ kula pɔpungɔi yilingɔ kanigolei ganisia ma kɛ ndɔkɔ nyandengɔngaa. Kanigbɔlu kɛ kanigole heiheingɔɔnga ti yɛlɔ heini kɔtu nyande yɛyii lasi gbotongaa ma. 7Ti ndɔ velɔ nungaa wɛ kanigbɔlu boleisia hu, ndɔ bola lasii gboto, tawao ti maha lɔi gɔlɛkɔlɛ lɔ sia mahei gbatei i yɛ na. 8Ndɔi gbɔliyii yɛlɔ na kia sawei ndeni la; huhou gbi ii yɛ ma; gbamaile mahei i yɛ ndenga ngi mahangeisia ma ngi maha wɛlei bu kɔɔ ti na wie kia numu gbi a loo la. 9I gbɛlɛɛ na ma, nyaha Mahei Vasti i mɛhɛɛ mɛ gomɛ hugbatɛlɔ nyahangeisia va Mahei Aasuɛlɔsi maha wɛlei bu.
10Foloi yee wɔfilei ma, ji mahei Aasuɛlɔsi i yɛ kohunɛɛ wie a ndɔ i ndeilɔ Mɛhuman ma, kɛ Bisita, kɛ Haabona, kɛ Bigita kɛ Abaagta, kɛ Sɛtaa kɛ Kaakasi, numu nuningɔ wɔfileisia nasia ma, ti yɛ yenge ngi va, 11kɔɔ ti wa a nyaha Mahei Vasti mahei gulɔ, maha bɔlei wɛlɛni ngi wumba, kɔɔ i ngi nyandei magɛ a nungeisia kɛ ngi mahangeisia; gbamaile nyaha nyandengɔ mia wɔɔ a ngie. 12Kɛɛ nyaha Mahei Vasti i gaangai lɔ li va kia mahei ndeni, na numu nuningɔisia ti ndeni ngi ma. Ji gbalɛlɔ mahei ma kɛ i liilewenga wa.
13Na wooma mahei i wuhitɛlɔ a nɛmahuleweibleisia nasia ti watiisia gɔɔngɔ (gbamaile ji mia i yɛni a mahei wiehindeisia kɔlooni nasia ma wɔɔ ti sawei kɛ kɔndihindei gɔɔngɔ, 14tawao nasia ti yɛ ngi gblanga tia mia a, Kaasɛna, Sɛtaa, Adimata, Tasisi, Mɛlɛsi, Maasɛna kɛ Mɛmukani kɛ mahangaa wɔfilei nasia ti yɛ Paasia kɛ Mɛdia, nasia ti lukpengɔ mahei gblanga, tawao tia mia tooma wawaisia ti ti yeya mahawui hu): 15“Kia sawei ndeni la, gbɔɔ ta pie a nyaha Mahei Vasti gbamaile ii na wieni Mahei Aasuɛlɔsi ndeni na numu nuningɔisia ti ndeni ngi ma?” 16Na wooma Mɛmukani ndeilɔ mahei gulɔ kɛ ngi mahangeisia yɛɛ, “Nyaha mahei Vasti ii hinda nyamu wieni lekee a mahei, kɛɛ i hinda nyamu wienga a mahei gblangableisia kɛ nungei nasia ti yɛ kpaalateisia gbi hu Mahei Aasuɛlɔsi mahawui bu. 17Gbamaile nyaha mahei wiehindei ji maa a gɛ lɔ nyahangeisia gbi gama, na a pielɔ ti baagbua ti hingeisia ma, tawao ta ndeilɔ tɛɛ, ‘Mahei Aasuɛlɔsi ndeilɔ yɛ ti wa a nyaha mahei Vasti, kɛ ii wani.’ 18A foloi ji vuii, baagɔma nyahangeisia ti Paasia kɛ Mɛdia nasia ti nyaha mahei wiehindei humɛninga taa gangalɔ a mahei mahangeisia, tawao kɛlɛma kɛ ndiilewei ɛɛ gɛɛlɛ! 19Fale ina i nɛɛ lɔ mahei wɛ, i maha jawa la tawao ti nyɛin Paasia kɛ Mɛdia bleisia ti jaweisia lia kɔɔ numu aa ngaa wote, kɔɔ Vasti a yaa wa kunafɔ Mahei Aasuɛlɔsi gulɔ; tawao mahei i ngi maha loomei ve nyaha yeka wɛ na ngi gbekpengɔ i lewe nyaha mahei Vasti ma. 20Fale ji ta mahei jawei le ngi mahawui gbi hu kia ngi wɔlɔ yii na, nyahangeisia gbi ta baagɔlɔ ti hingeisia ma nasia ti yaalɛngɔ yɛla kɛ nasia ti yaa yeingɔ.”
21Ndahin ji i nɛɛ lɔ mahei wɛ kɛ ngi mahangeisia, kɛ mahei pienga kia Mɛmukani i ndeni la. 22Mahei i sawei ji yoyoilɔ ngi gbaalateisia gbi hu, kpaalata gbi ngi ndei nyɛingɔ ngi nda layei hu, a nde yɛ hindo gbi a yɛlɔ a tookulɔ ngi nda wɛlei bu.
Currently Selected:
ƐSITA 1: RMB
Highlight
Share
Copy
Want to have your highlights saved across all your devices? Sign up or sign in
Mende Bible Portions © Bible Society in Sierra Leone and Lutheran Bible Translators, 2020.
ƐSITA 1
1
Nyaha Mahei Vasti i Mahei Aasuɛlɔsi Layei Gbuanga hu
1Ji wieni Aasuɛlɔsi voloisia hu lɔ, yee Aasuɛlɔsi yakpei na i yɛ mahayei hu kpaalata hɔndɔ yila kalɛ nuu gbɔyɔngɔ mahu wɔfila mahu (127), i hiye India i too Itiopia ma. 2Foloi nasia ma, ji Mahei Aasuɛlɔsi yɛ heini ngi maha heimei maha la wai hu Susa, 3ngi mahayei fooi yee sawei hu, i mɛhɛɛ mɛ gomɛ hugbatɛlɔ ngi mahangeisia kɛ ngi magbeegbuableisia va. Paasia gɔgului kɛ Mɛdia kɛ kpakoisia kɛ baagɔmableisia kɛ kpaalata hu gɔmineisia ti yɛlɔ na, 4ji i yɛ ngi mahawui gbatei yauhungɛ ma, kɛ ngi mahaya wai kɛ ngi nyandeyii hugɛma folo gboto va, folo hɔndɔ yila kalɛ nuu naani gbɔyɔngɔ (180) kpɛlɛɛ hu.
5Ji foloi jisia ti gbɔyɔni, mahei i mɛhɛɛ mɛ gomɛ hugbatɛlɔ nungei nasia kpɛlɛɛ va ti yɛ Susa la wai hu numu wawangaa kɛ numu gbamangaa ngi maha heimei folo wɔfila va, mahei wɛlɛ gatei hu. 6Kula golei hɛlɛngɔngaa kɛ kula bulu hɛlɛngɔngaa ti yɛlɔ yilingɔ a ngeya nyandengaa kɛ kula pɔpungɔi yilingɔ kanigolei ganisia ma kɛ ndɔkɔ nyandengɔngaa. Kanigbɔlu kɛ kanigole heiheingɔɔnga ti yɛlɔ heini kɔtu nyande yɛyii lasi gbotongaa ma. 7Ti ndɔ velɔ nungaa wɛ kanigbɔlu boleisia hu, ndɔ bola lasii gboto, tawao ti maha lɔi gɔlɛkɔlɛ lɔ sia mahei gbatei i yɛ na. 8Ndɔi gbɔliyii yɛlɔ na kia sawei ndeni la; huhou gbi ii yɛ ma; gbamaile mahei i yɛ ndenga ngi mahangeisia ma ngi maha wɛlei bu kɔɔ ti na wie kia numu gbi a loo la. 9I gbɛlɛɛ na ma, nyaha Mahei Vasti i mɛhɛɛ mɛ gomɛ hugbatɛlɔ nyahangeisia va Mahei Aasuɛlɔsi maha wɛlei bu.
10Foloi yee wɔfilei ma, ji mahei Aasuɛlɔsi i yɛ kohunɛɛ wie a ndɔ i ndeilɔ Mɛhuman ma, kɛ Bisita, kɛ Haabona, kɛ Bigita kɛ Abaagta, kɛ Sɛtaa kɛ Kaakasi, numu nuningɔ wɔfileisia nasia ma, ti yɛ yenge ngi va, 11kɔɔ ti wa a nyaha Mahei Vasti mahei gulɔ, maha bɔlei wɛlɛni ngi wumba, kɔɔ i ngi nyandei magɛ a nungeisia kɛ ngi mahangeisia; gbamaile nyaha nyandengɔ mia wɔɔ a ngie. 12Kɛɛ nyaha Mahei Vasti i gaangai lɔ li va kia mahei ndeni, na numu nuningɔisia ti ndeni ngi ma. Ji gbalɛlɔ mahei ma kɛ i liilewenga wa.
13Na wooma mahei i wuhitɛlɔ a nɛmahuleweibleisia nasia ti watiisia gɔɔngɔ (gbamaile ji mia i yɛni a mahei wiehindeisia kɔlooni nasia ma wɔɔ ti sawei kɛ kɔndihindei gɔɔngɔ, 14tawao nasia ti yɛ ngi gblanga tia mia a, Kaasɛna, Sɛtaa, Adimata, Tasisi, Mɛlɛsi, Maasɛna kɛ Mɛmukani kɛ mahangaa wɔfilei nasia ti yɛ Paasia kɛ Mɛdia, nasia ti lukpengɔ mahei gblanga, tawao tia mia tooma wawaisia ti ti yeya mahawui hu): 15“Kia sawei ndeni la, gbɔɔ ta pie a nyaha Mahei Vasti gbamaile ii na wieni Mahei Aasuɛlɔsi ndeni na numu nuningɔisia ti ndeni ngi ma?” 16Na wooma Mɛmukani ndeilɔ mahei gulɔ kɛ ngi mahangeisia yɛɛ, “Nyaha mahei Vasti ii hinda nyamu wieni lekee a mahei, kɛɛ i hinda nyamu wienga a mahei gblangableisia kɛ nungei nasia ti yɛ kpaalateisia gbi hu Mahei Aasuɛlɔsi mahawui bu. 17Gbamaile nyaha mahei wiehindei ji maa a gɛ lɔ nyahangeisia gbi gama, na a pielɔ ti baagbua ti hingeisia ma, tawao ta ndeilɔ tɛɛ, ‘Mahei Aasuɛlɔsi ndeilɔ yɛ ti wa a nyaha mahei Vasti, kɛ ii wani.’ 18A foloi ji vuii, baagɔma nyahangeisia ti Paasia kɛ Mɛdia nasia ti nyaha mahei wiehindei humɛninga taa gangalɔ a mahei mahangeisia, tawao kɛlɛma kɛ ndiilewei ɛɛ gɛɛlɛ! 19Fale ina i nɛɛ lɔ mahei wɛ, i maha jawa la tawao ti nyɛin Paasia kɛ Mɛdia bleisia ti jaweisia lia kɔɔ numu aa ngaa wote, kɔɔ Vasti a yaa wa kunafɔ Mahei Aasuɛlɔsi gulɔ; tawao mahei i ngi maha loomei ve nyaha yeka wɛ na ngi gbekpengɔ i lewe nyaha mahei Vasti ma. 20Fale ji ta mahei jawei le ngi mahawui gbi hu kia ngi wɔlɔ yii na, nyahangeisia gbi ta baagɔlɔ ti hingeisia ma nasia ti yaalɛngɔ yɛla kɛ nasia ti yaa yeingɔ.”
21Ndahin ji i nɛɛ lɔ mahei wɛ kɛ ngi mahangeisia, kɛ mahei pienga kia Mɛmukani i ndeni la. 22Mahei i sawei ji yoyoilɔ ngi gbaalateisia gbi hu, kpaalata gbi ngi ndei nyɛingɔ ngi nda layei hu, a nde yɛ hindo gbi a yɛlɔ a tookulɔ ngi nda wɛlei bu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mende Bible Portions © Bible Society in Sierra Leone and Lutheran Bible Translators, 2020.