ƐSITA 7
7
1Fale mahei kɛ Haman ti liilɔ kɔɔ ti mɛhɛɛ mɛ taa nyaha Mahei Ɛsitani. 2Foloi yee felei ma, kia ti yɛ ndɔ gbɔli, mahei ndeilɔ gbɔma Ɛsita ma yɛɛ, “Gbɔɔ bi longɔ la, nyaha Mahei Ɛsita? Ta felɔ bi wɛ. Gbɔɔ bi mɔli ma? Ina bɛ nya mahawui yee kaka yila le, a ve lɔ bi wɛ.” 3Na wooma nyaha Mahei Ɛsita kpɛmboi lɔ yɛɛ, “Ina nya hinda nɛɛnga bi wɛ, O mahei, tawao ina i nɛɛlɔ mahei wɛ, nya lɛvui mabawo, ta mia nya longɔ la, kɛ nya nungeisia ti lɛvui mabawo lei, ta mia ngi mɔli ma. 4Ajifa ti mu majianga, nya kɛ nya nungeisia, kɔɔ ti mu jukuu, ti waa tawao ti mu lɛvui nyani. Ina ti yɛ mu majialɔ kia lekee nduwɔisia na, hingaa kɛ nyahangaa, nga yɛlɔ a londo; gbamaile ndiinyani ji nyikɔ ɛɛ gu a mahei vawei la.” 5Na wooma Mahei Aasuɛlɔsi ndeilɔ nyaha Mahei Ɛsita ma yɛɛ, “Yee mia a ngie, tawao mi mia i na, na ngi longɔ i ji wie?” 6Ɛsita ndeilɔ yɛɛ, “Mu juwui kɛ mu gɔnyɔui, Haman hinda nyamungɔi ji!” Na wooma Haman luwailɔ mahei gulɔ kɛ nyaha mahei. 7Mahei hiyeilɔ mɛhɛɛ gɔwɔbu ndiilewe waa hu kɛ i yaa katei na hu maha wɛlei bu, kɛɛ Haman loilɔ kɔɔ i manɛnɛ waa ngi lɛvui va nyaha Mahei Ɛsita gama, ajifa i tɔnga kɛ mahei i yɛ ngi magbatɛnga ngi waa va. 8Ji mahei i yamani a gbua maha wɛlɛ gatei hu i liilɔ mɛhɛɛ mɛ jɛmɛɛ bu, Haman i yɛ tayekpe gulanga mia Ɛsita yɛ ligbini na; kɛ mahei ndenga yɛɛ, “A nyaha mahei yɛlilɔ nya yaama vulii, nya nda wɛlɛ bu?” Kia njɛpei jisia ti gbuani mahei lei hu, ti Haman yaama wɛlɛlɔ. 9Na wooma Haabona, numu nuningɔisia yee ngila na yɛ mahei gblanga ndeilɔ yɛɛ, “Tɔ lɛɛ, numu hɛlɛ wuli na vulii Haman kpatɛni Mɔldekai va na ngi layei mahei mabawoni, taa looni Haman wɛlɛ lama, ngi yaa lɛyii hou nuu gbɔyɔngɔ mahu lɔɔlu.” Kɛ mahei ndenga yɛɛ, “A ngi hɛlɛ ma.” 10Fale ti Haman hɛlɛlɔ numu hɛlɛ wului na ma i yɛ kpatɛni Mɔldekai va. Na wooma mahei liilewe mahu yeilɔ.
Currently Selected:
ƐSITA 7: RMB
Highlight
Share
Copy
Want to have your highlights saved across all your devices? Sign up or sign in
Mende Bible Portions © Bible Society in Sierra Leone and Lutheran Bible Translators, 2020.
ƐSITA 7
7
1Fale mahei kɛ Haman ti liilɔ kɔɔ ti mɛhɛɛ mɛ taa nyaha Mahei Ɛsitani. 2Foloi yee felei ma, kia ti yɛ ndɔ gbɔli, mahei ndeilɔ gbɔma Ɛsita ma yɛɛ, “Gbɔɔ bi longɔ la, nyaha Mahei Ɛsita? Ta felɔ bi wɛ. Gbɔɔ bi mɔli ma? Ina bɛ nya mahawui yee kaka yila le, a ve lɔ bi wɛ.” 3Na wooma nyaha Mahei Ɛsita kpɛmboi lɔ yɛɛ, “Ina nya hinda nɛɛnga bi wɛ, O mahei, tawao ina i nɛɛlɔ mahei wɛ, nya lɛvui mabawo, ta mia nya longɔ la, kɛ nya nungeisia ti lɛvui mabawo lei, ta mia ngi mɔli ma. 4Ajifa ti mu majianga, nya kɛ nya nungeisia, kɔɔ ti mu jukuu, ti waa tawao ti mu lɛvui nyani. Ina ti yɛ mu majialɔ kia lekee nduwɔisia na, hingaa kɛ nyahangaa, nga yɛlɔ a londo; gbamaile ndiinyani ji nyikɔ ɛɛ gu a mahei vawei la.” 5Na wooma Mahei Aasuɛlɔsi ndeilɔ nyaha Mahei Ɛsita ma yɛɛ, “Yee mia a ngie, tawao mi mia i na, na ngi longɔ i ji wie?” 6Ɛsita ndeilɔ yɛɛ, “Mu juwui kɛ mu gɔnyɔui, Haman hinda nyamungɔi ji!” Na wooma Haman luwailɔ mahei gulɔ kɛ nyaha mahei. 7Mahei hiyeilɔ mɛhɛɛ gɔwɔbu ndiilewe waa hu kɛ i yaa katei na hu maha wɛlei bu, kɛɛ Haman loilɔ kɔɔ i manɛnɛ waa ngi lɛvui va nyaha Mahei Ɛsita gama, ajifa i tɔnga kɛ mahei i yɛ ngi magbatɛnga ngi waa va. 8Ji mahei i yamani a gbua maha wɛlɛ gatei hu i liilɔ mɛhɛɛ mɛ jɛmɛɛ bu, Haman i yɛ tayekpe gulanga mia Ɛsita yɛ ligbini na; kɛ mahei ndenga yɛɛ, “A nyaha mahei yɛlilɔ nya yaama vulii, nya nda wɛlɛ bu?” Kia njɛpei jisia ti gbuani mahei lei hu, ti Haman yaama wɛlɛlɔ. 9Na wooma Haabona, numu nuningɔisia yee ngila na yɛ mahei gblanga ndeilɔ yɛɛ, “Tɔ lɛɛ, numu hɛlɛ wuli na vulii Haman kpatɛni Mɔldekai va na ngi layei mahei mabawoni, taa looni Haman wɛlɛ lama, ngi yaa lɛyii hou nuu gbɔyɔngɔ mahu lɔɔlu.” Kɛ mahei ndenga yɛɛ, “A ngi hɛlɛ ma.” 10Fale ti Haman hɛlɛlɔ numu hɛlɛ wului na ma i yɛ kpatɛni Mɔldekai va. Na wooma mahei liilewe mahu yeilɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mende Bible Portions © Bible Society in Sierra Leone and Lutheran Bible Translators, 2020.