NƐHIMAYA 8
8
Ɛsla Sawei Gaanga Nungeisia gama
1Nungeisia kpɛlɛɛ ti yandɔilɔ ngitiya Nja Gɔlɔi lamei gulɔ. Ti ndeilɔ kɔlɔnyɛinmɔi Ɛsla ma tɛ i wa a Mojisi jawa gɔlei, na Ndemɔi yɛ feni Isleɛl wɛ. 2Kia lɔ ti ndeni saagbuamɔi Ɛsla wailɔ a sawa gɔlei komei gulɔ nyahangeisia kɛ hingeisia kɛ nasia kpɛlɛɛ ta gu a humɛni la a lihema. Ji wieni foloi yee halayei ma ngawui yee wɔfilei hu. 3I kaailɔ ngitiya Nja Gɔlɔi lamei gulɔ i hiye ngenda tɛtei ma haaŋ i too folo ngundei ma, hingeisia kɛ nyahangeisia gulɔ kɛ nasia ta gu ta lihema; tawao nungeisia ti woloilɔ vulii sawa gɔlei ma. 4Kɔlɔnyɛinmɔi Ɛsla loilɔ bɛteiya, na ti yɛ kpatɛni yee hindei ji va; tawao ngi gblanga Matitia, kɛ Sɛma, kɛ Anaya, kɛ Ulaya, Hilikaya kɛ Maseya yɛlɔ looni ngi yee jama lokoi ma, kɛ Pɛdaya, kɛ Miseɛli, kɛ Makaija, kɛ Hasumi, kɛ Hasibadana, kɛ Sɛkalaya, kɛ Mɛsulami ti yɛ looni ngi gɔwei hu. 5Kɛ Ɛsla i kɔlei lawɔnga nungeisia gbi yama, ajifa i yɛlɔ looni nungeisia gbi mahu; tawao ji i ndawoni nungeisia gbi ti hiyeilɔ ti loo. 6Na wooma Ɛsla Ndemɔi lubai lɔ, Ngewɔ wai kɛ nungeisia gbi ti kpɛmbonga, tɛɛ, “Amina, Amina,” ti lokoisia lɛngɔ ngeleya. Na wooma ti ti wuisia wɛlɛlɔ kɛ ti Ndemɔi vɛlinga ti laweisia ti wɛlɛngɔ ndɔɔlɔmei. 7Kɛ gbɔma, Jɛsua, kɛ Banai, kɛ Sɛlɛbaya, kɛ Jamini, kɛ Akubi, kɛ Sabɛtai, kɛ Hodaya, kɛ Maseya, kɛ Kɛlita, kɛ Asalaya, kɛ Josabadi, kɛ Henani, kɛ Pɛlaya, Livaitisia, ti gbɔilɔ nungeisia ma sawei gɔɔ va, kia nungeisia ti yɛ heini ti hemeisia. 8Fale ti kɔlei gaailɔ a gbua Ngewɔ jawei hu, yee ngawutei. Ti yee nɛmahui veilɔ kɔɔ wɔi nungeisia ti yee kaa mbui gɔɔ.
9Tawao Nɛhimaya na yɛni a gɔminei kɛ Ɛsla saagbuamɔi kɛ kɔlɔnyɛinmɔi kɛ Livaitisia nasia ti nungeisia gaani ti ndeilɔ nungeisia gbi ma tɛɛ, “Foloi ji yɛni a kayema volo lɔ Ndemɔi gama wu Yewɔi; waa wɔlɔ.” Ajifa nungeisia gbi ti wɔilɔ ji ti sawei humɛnini. 10Na wooma i ndeilɔ ti ma yɛɛ, “A li, wu mɛhɛɛ yekpe mɛ tawao wu ndɔ nɛingɔ gbɔli, tawao wu tɛnga yoyo nasia gama tii hinda hugbatɛni ti va, gbamaile foloi ji yɛni a kayema volo lɔ mu Lemɔi gama; tawao wu lii a nyani, ajifa Ndemɔi gohunɛɛ mia wu gbayei le.” 11Fale Livaitisia ti nungaa yagɔlɛlɔ tɛɛ, “A londo ajifa kayema volo lɔ; wu lii aa nyani.” 12Kɛ nungeisia gbi ti ya mɛhɛɛ mɛ va kɛ kpɔli wee va tawao ti tɛnga yoyoilɔ kɛ ti komɛ waa gulanga, gbamaile ti njiei nasia yee mbui gɔlɔilɔ ti ndeni ti ma.
Bafa Gomeisia
13Foloi yee felei ma mbonda gulɔbleisia nungeisia gbi va, taa saagbuableisia kɛ Livaitisia, ti wailɔ a ngoyila kɔlɔnyɛinmɔi Ɛsla gama kɔɔ ti Sawa yɛpeisia gaa. 14Kɛ ti tɔnga nyɛingɔ sawei hu na Ndemɔi i yɛ ndeni a Mojisi hu wee, kɛ Isleɛl nungeisia ta yɛ heini bafeisia bu lɔ komɛ watii hu ngawui yee wɔfilei hu, 15kɛ ta nyɛinlɔ tawao ti nde teisia gbi hu kɛ Jelusalɛmi kia i na, “A li ngiyeisia hu tawao wu wa a ɔlivi bekeisia, ndɔgbɔ ɔlivi kɛ tifa gunɛnɛ, kɛ tɔkpɔ yasa kɛ ndawa wulu wekangaa bafeisia loo va kia nyɛingɔ yɛla.” 16Fale nungeisia ti liilɔ kɛ ti wanga a tie kɛ ti bafeisia loonga tiayekpe va, yee ngila gbi ti wɛleisia mahu, kɛ ti gateisia hu kɛ Ngewɔ wɛlei gatei hu, kɛ ngitiya Nja Gɔlɔi Lamei kɛ Ifileimi Gɔlɔi Lama. 17Tawao komei nasia gbi ti gbuani kɔhoui hu ti bafangaa looilɔ kɛ ti henga ti bu; ajifa i hiye Jɛsua voloisia ma Nun hindoloi i too ye foloi na ma Isleɛl nungeisia ti yɛ pieni hi; tawao kohunɛɛ waa yɛlɔ na. 18Kɛ folo gbi ta ngi nda volo, i hiye haala voloi ma i too kɛlɛma voloi ma, i sawei gaailɔ a gbua Ngewɔ gɔlei hu. Ti komɛ houilɔ folo wɔfila va; tawao foloi yee wayakpei ma ti bɛlɛya gomɛ houilɔ kia sawei i ndeni la.
Currently Selected:
NƐHIMAYA 8: RMB
Highlight
Share
Copy
Want to have your highlights saved across all your devices? Sign up or sign in
Mende Bible Portions © Bible Society in Sierra Leone and Lutheran Bible Translators, 2020.
NƐHIMAYA 8
8
Ɛsla Sawei Gaanga Nungeisia gama
1Nungeisia kpɛlɛɛ ti yandɔilɔ ngitiya Nja Gɔlɔi lamei gulɔ. Ti ndeilɔ kɔlɔnyɛinmɔi Ɛsla ma tɛ i wa a Mojisi jawa gɔlei, na Ndemɔi yɛ feni Isleɛl wɛ. 2Kia lɔ ti ndeni saagbuamɔi Ɛsla wailɔ a sawa gɔlei komei gulɔ nyahangeisia kɛ hingeisia kɛ nasia kpɛlɛɛ ta gu a humɛni la a lihema. Ji wieni foloi yee halayei ma ngawui yee wɔfilei hu. 3I kaailɔ ngitiya Nja Gɔlɔi lamei gulɔ i hiye ngenda tɛtei ma haaŋ i too folo ngundei ma, hingeisia kɛ nyahangeisia gulɔ kɛ nasia ta gu ta lihema; tawao nungeisia ti woloilɔ vulii sawa gɔlei ma. 4Kɔlɔnyɛinmɔi Ɛsla loilɔ bɛteiya, na ti yɛ kpatɛni yee hindei ji va; tawao ngi gblanga Matitia, kɛ Sɛma, kɛ Anaya, kɛ Ulaya, Hilikaya kɛ Maseya yɛlɔ looni ngi yee jama lokoi ma, kɛ Pɛdaya, kɛ Miseɛli, kɛ Makaija, kɛ Hasumi, kɛ Hasibadana, kɛ Sɛkalaya, kɛ Mɛsulami ti yɛ looni ngi gɔwei hu. 5Kɛ Ɛsla i kɔlei lawɔnga nungeisia gbi yama, ajifa i yɛlɔ looni nungeisia gbi mahu; tawao ji i ndawoni nungeisia gbi ti hiyeilɔ ti loo. 6Na wooma Ɛsla Ndemɔi lubai lɔ, Ngewɔ wai kɛ nungeisia gbi ti kpɛmbonga, tɛɛ, “Amina, Amina,” ti lokoisia lɛngɔ ngeleya. Na wooma ti ti wuisia wɛlɛlɔ kɛ ti Ndemɔi vɛlinga ti laweisia ti wɛlɛngɔ ndɔɔlɔmei. 7Kɛ gbɔma, Jɛsua, kɛ Banai, kɛ Sɛlɛbaya, kɛ Jamini, kɛ Akubi, kɛ Sabɛtai, kɛ Hodaya, kɛ Maseya, kɛ Kɛlita, kɛ Asalaya, kɛ Josabadi, kɛ Henani, kɛ Pɛlaya, Livaitisia, ti gbɔilɔ nungeisia ma sawei gɔɔ va, kia nungeisia ti yɛ heini ti hemeisia. 8Fale ti kɔlei gaailɔ a gbua Ngewɔ jawei hu, yee ngawutei. Ti yee nɛmahui veilɔ kɔɔ wɔi nungeisia ti yee kaa mbui gɔɔ.
9Tawao Nɛhimaya na yɛni a gɔminei kɛ Ɛsla saagbuamɔi kɛ kɔlɔnyɛinmɔi kɛ Livaitisia nasia ti nungeisia gaani ti ndeilɔ nungeisia gbi ma tɛɛ, “Foloi ji yɛni a kayema volo lɔ Ndemɔi gama wu Yewɔi; waa wɔlɔ.” Ajifa nungeisia gbi ti wɔilɔ ji ti sawei humɛnini. 10Na wooma i ndeilɔ ti ma yɛɛ, “A li, wu mɛhɛɛ yekpe mɛ tawao wu ndɔ nɛingɔ gbɔli, tawao wu tɛnga yoyo nasia gama tii hinda hugbatɛni ti va, gbamaile foloi ji yɛni a kayema volo lɔ mu Lemɔi gama; tawao wu lii a nyani, ajifa Ndemɔi gohunɛɛ mia wu gbayei le.” 11Fale Livaitisia ti nungaa yagɔlɛlɔ tɛɛ, “A londo ajifa kayema volo lɔ; wu lii aa nyani.” 12Kɛ nungeisia gbi ti ya mɛhɛɛ mɛ va kɛ kpɔli wee va tawao ti tɛnga yoyoilɔ kɛ ti komɛ waa gulanga, gbamaile ti njiei nasia yee mbui gɔlɔilɔ ti ndeni ti ma.
Bafa Gomeisia
13Foloi yee felei ma mbonda gulɔbleisia nungeisia gbi va, taa saagbuableisia kɛ Livaitisia, ti wailɔ a ngoyila kɔlɔnyɛinmɔi Ɛsla gama kɔɔ ti Sawa yɛpeisia gaa. 14Kɛ ti tɔnga nyɛingɔ sawei hu na Ndemɔi i yɛ ndeni a Mojisi hu wee, kɛ Isleɛl nungeisia ta yɛ heini bafeisia bu lɔ komɛ watii hu ngawui yee wɔfilei hu, 15kɛ ta nyɛinlɔ tawao ti nde teisia gbi hu kɛ Jelusalɛmi kia i na, “A li ngiyeisia hu tawao wu wa a ɔlivi bekeisia, ndɔgbɔ ɔlivi kɛ tifa gunɛnɛ, kɛ tɔkpɔ yasa kɛ ndawa wulu wekangaa bafeisia loo va kia nyɛingɔ yɛla.” 16Fale nungeisia ti liilɔ kɛ ti wanga a tie kɛ ti bafeisia loonga tiayekpe va, yee ngila gbi ti wɛleisia mahu, kɛ ti gateisia hu kɛ Ngewɔ wɛlei gatei hu, kɛ ngitiya Nja Gɔlɔi Lamei kɛ Ifileimi Gɔlɔi Lama. 17Tawao komei nasia gbi ti gbuani kɔhoui hu ti bafangaa looilɔ kɛ ti henga ti bu; ajifa i hiye Jɛsua voloisia ma Nun hindoloi i too ye foloi na ma Isleɛl nungeisia ti yɛ pieni hi; tawao kohunɛɛ waa yɛlɔ na. 18Kɛ folo gbi ta ngi nda volo, i hiye haala voloi ma i too kɛlɛma voloi ma, i sawei gaailɔ a gbua Ngewɔ gɔlei hu. Ti komɛ houilɔ folo wɔfila va; tawao foloi yee wayakpei ma ti bɛlɛya gomɛ houilɔ kia sawei i ndeni la.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mende Bible Portions © Bible Society in Sierra Leone and Lutheran Bible Translators, 2020.