MATIU 8
8
Yesu Lɔ Taamɔ Yila Bawoma
(Mak 1.40-45; Luk 5.12-16)
1Kia Yesu i ngiyei yeini, faha wa ti toilɔ ngi ma. 2Kɛ kpɔukpɔumɔ yila i wanga ngi gama, i wombi gbakpa ngi gɔɔbu yɛ, “Ndemɔi, i nɛngalɔ bi wɛ, ba gulɔ a nya bawola ngi yɛ sɛwɛ.”
3Yesu i loko lamboilɔ i jaa a ngie yɛ, “Nya lumangɔe, bawo bi yɛ sɛwɛ.” Ngaamɛi na kɛ kpɔukpɔui i bawoa ngi ma. 4#Lɛv 14.1-32 Kɛ Yesu i ndea ngi ma yɛ, “Wote mbei! Baa hugɛ a numu gbi, kɛɛ li yakpe Saagbuamɔi gama i bi gbe; bi saa na gbua Mojisi jawei i kɛni wɔɔ kɛva a numui gbi kɛ bi bawonga.”
Yesu Lɔ Roma Gugbɛi Bɔilopoi Bawoma
(Luk 7.1-10)
5Kia Yesu i wuani Kapaniɔm goohu, Roma gugba yila i wɛilɔ ngi gama ngi manɛnɛ kpɔma va 6yɛ, “Ndemɔi, nya bɔilopoi lɔ laani pɛlei bu ngi gbɔkpɔngɔ tawao kpaalɛ waa i ngi ma.”
7Yesu ndeilɔ yɛ, “Nga walɔ ngi ngi bawo.”
8Kugbei poteilɔ yɛ, “Sawo, Ndemɔi, nya gbekpengɔ ii le bi wuava nya wɛlei bu. Nde lekee bɛɛ nya bɔilopoi i bawo, kɛ i bawoa. 9Nya bɛɛ ngi nuungaa lɔ bu, sojeisia ti nya bu. Nga ndelɔ yeeji ma ngɛɛ ‘Li!’ kɛ i ya; ngi nde pekei ma ngɛɛ ‘Wa!’ kɛ i wanga; ngi nde nya luwei ma ngɛɛ ‘Ji wie!’ kɛ i pienga.”
10Kia Yesu i ji humɛnini, i gualɛilɔ ngi ma kɛ i ndenga nungei nasia ma ti yɛ to ngi ma yɛ, “Gbɛɛ ngi hugɛ a wue, Isrɛlblɛisia lia vulii bɛɛ ngii yaa numu lɔni na aa la hii a Ngewɔ. 11A tɔnya, numu gboto ta gbualɔ dunyei yeehinda gbi tia Ebraham-ni kɛɛ Aisaki kɛɛ Jekɔpi ti hei mɛhɛɛ-mɛ-gomɛi hu ngelegoohu mahayɛi hu, 12Kɛɛ Isrɛlblei nasia lɛɛnga mahoungɔ ti yɛ yeemahayɛi na hu Ngewɔ a pielɔ ngi malikeisia ti ti gbɛ na, ti ti wili jahama yeekpindii hu, na mia ta wɔɔ na, ta ti yɔngɔlii yaamɛ.” 13Na wooma Yesu ndeilɔ Kugbei ma yɛ, “Li bi yeekuwuhu, tawao na bi lani la i wie bi wɛ.”
Kugbei bɔilopoi i bawoni ngaamɛi na lɔ.
Yesu Lɔ Nungaa Gboto Bawoma
(Mak 1.29-34; Luk 4.38-41)
14Kia Yesu i wuaani Pita yee pɛlɛbu, i maleni Pita yemɔi i laani kɔlɛ vulɛi i ngi ma. 15I houilɔ ngi lokola kɛ kɔlɛ vulɛi i gbuanga ngi ma, kɛ i hiyenga i mɛhɛɛ vɛ Yesu wɛ.
16Kia kpɔkɔ i wɛlɛni, nungaa ti wɛilɔ Yesu gama a numu gboto ngafa nyamuisia ti ti hu. Yesu i yeengafa nyamuisia gbuailɔ nungaa hu a ngi layie, i nasia gbi bawo ti heegbɛngɔ yɛla. 17#Ais 53.4 I mbawoi jisia wieilɔ aako na la i hou Ngewɔ lutui Aisaya i ndeni wɔɔ yɛ, “I mu bawoilɔ i mu heegbɛisia gbi gbua mu ma.”
Nasia Ti Ndeni Tɛɛ Ta Tolɔ Yesu Ma
(Luk 9.57-62)
18Kia Yesu i liiheini faha waa ma ti ngi gaalangɔ, i ndeilɔ ngi gaalopoisia ma yɛ, “A mu li njɛi wooma.” 19Sawei Yeekamɔɔ yila i wailɔ ngi gama i nde yɛ, “Kaamɔ, nga tolɔ bi wooma hinda gbi lekee ba li na.”
20Yesu i poteilɔ i nde ngi ma yɛ, “Ndoweisia lɔ nyamgbeisia yeya tawao teisia lɔ ŋɔningɛisia yeya; kɛɛ numui na Nuuvu Hindoloi a ngie, hinda gbii na ngi lava na.”
21Taamɔ wekei, na i tooma Yesu ma ngovama, i ndeilɔ yɛ, “Ndemɔi, gbɛɛ ngi yaama ngi nya kɛkɛ haa-hindei hugbatɛ pɛiŋ.”
22Yesu i poteilɔ yɛ ngi ma, “To nya ma, bi gbe haableisia ma ti ti da womɛisia gbɔwu.”
Yesu Lɔ Vivii Londoma
(Mak 4.35-41; Luk 8.22-25)
23Yesu i wililɔ njaya-lɛndɛ yila hu kɛ ngi gaalopoisia ti tonga ngi ma. 24Ngaamɛi na vivii waa i gulailɔ Popɛi ya, ndɛndɛi a lo te i lɔmbu; kɛɛ, Yesu i yɛ njii hu lɔ. 25Ngi gaalopoisia ti lilɔ ti ngi wu tɛɛ, “Ndemɔi, mu bawo! Mua jukuma!”
26Kɛ Yesu i potenga ti ma yɛ, “Gbɛe wu luwanga hii? Wu layii a Ngewɔ i guloni kpa!” Kɛ i hiyenga i nde vivii ma kɛɛ njɛi yɛ ti londo, kɛ hu gbi i yɛnga louŋ.
27Numui gbi ti wuhu i wuilɔ tɛɛ, “Gbɛ mɔ lɔ a numu bondei ji, vivii vulii bɛɛ kɛɛ njagateisia ta golo ngi wɛ?”
Yesu Lɔ Hindo Fele Bawoma Ngafa Nyamui I Ti Hu
(Mak 5.1-20; Luk 8.26-39)
28Kia Yesu i foni Gadara lɔlei hu, Popɛi wooma, hiinga fele ti ngi maleilɔ, ngafa nyamuisia ti ti hu, ta gbua kambajɛi hu. Ti maaluwangɔ waa yɛla na hii numu gbi ii yɛ gu aa jia a yee pelei na. 29Ngaamɛi na kɛ ti yelei gulanga tɛɛ, “Gbɛe bi loko wilima mu mahinda hu, bia bi Ngewɔ Hindoloi? Bi wangalɔ kpaalɛ lava mu ma pɛiŋ yee watii a hitima?”
30Ndondɛ vaha waa ti yɛlɔ a mɛli, yee hindei na gbla. 31Faale ngafa nyamuisia ti Yesu manɛnɛilɔ tɛɛ, “Ina bi mu gbuamaa nungei jisia hu, kɛ pie mu wuaa ndondɛ vahɛi na hu.”
32Yesu i ndeilɔ ti ma yɛ, “A li.” Faale ti gbuailɔ hingei nasia hu ti wuaa ndondɛngɛisia hu. Ndondɛ vahɛi na gbi ti gindɛilɔ ti ngiyei hɛlɛngɔi yei, ti wili Popɛi hu, ti lo hu.
33Hingei nasia ti yɛ yee ndondɛngɛisia mahugbe ti leweilɔ a piimɛ ti li tei hu, ti jia hindei gbi ma i wieni hiingaa felei nasia gama ngafa nyamuisia ti yɛ ti hu. 34Numui gbi ti yɛ tei hu ti liilɔ Yesu maleva; kɛɛ, kia ti ngi lɔni, ti ngi manɛnɛilɔ tɛɛ i gbua ti lɔlei hu.
Currently Selected:
MATIU 8: MENNT
Highlight
Share
Copy
Want to have your highlights saved across all your devices? Sign up or sign in
Mende New Testament © The Bible Society of Sierra Leone, 2002.
MATIU 8
8
Yesu Lɔ Taamɔ Yila Bawoma
(Mak 1.40-45; Luk 5.12-16)
1Kia Yesu i ngiyei yeini, faha wa ti toilɔ ngi ma. 2Kɛ kpɔukpɔumɔ yila i wanga ngi gama, i wombi gbakpa ngi gɔɔbu yɛ, “Ndemɔi, i nɛngalɔ bi wɛ, ba gulɔ a nya bawola ngi yɛ sɛwɛ.”
3Yesu i loko lamboilɔ i jaa a ngie yɛ, “Nya lumangɔe, bawo bi yɛ sɛwɛ.” Ngaamɛi na kɛ kpɔukpɔui i bawoa ngi ma. 4#Lɛv 14.1-32 Kɛ Yesu i ndea ngi ma yɛ, “Wote mbei! Baa hugɛ a numu gbi, kɛɛ li yakpe Saagbuamɔi gama i bi gbe; bi saa na gbua Mojisi jawei i kɛni wɔɔ kɛva a numui gbi kɛ bi bawonga.”
Yesu Lɔ Roma Gugbɛi Bɔilopoi Bawoma
(Luk 7.1-10)
5Kia Yesu i wuani Kapaniɔm goohu, Roma gugba yila i wɛilɔ ngi gama ngi manɛnɛ kpɔma va 6yɛ, “Ndemɔi, nya bɔilopoi lɔ laani pɛlei bu ngi gbɔkpɔngɔ tawao kpaalɛ waa i ngi ma.”
7Yesu ndeilɔ yɛ, “Nga walɔ ngi ngi bawo.”
8Kugbei poteilɔ yɛ, “Sawo, Ndemɔi, nya gbekpengɔ ii le bi wuava nya wɛlei bu. Nde lekee bɛɛ nya bɔilopoi i bawo, kɛ i bawoa. 9Nya bɛɛ ngi nuungaa lɔ bu, sojeisia ti nya bu. Nga ndelɔ yeeji ma ngɛɛ ‘Li!’ kɛ i ya; ngi nde pekei ma ngɛɛ ‘Wa!’ kɛ i wanga; ngi nde nya luwei ma ngɛɛ ‘Ji wie!’ kɛ i pienga.”
10Kia Yesu i ji humɛnini, i gualɛilɔ ngi ma kɛ i ndenga nungei nasia ma ti yɛ to ngi ma yɛ, “Gbɛɛ ngi hugɛ a wue, Isrɛlblɛisia lia vulii bɛɛ ngii yaa numu lɔni na aa la hii a Ngewɔ. 11A tɔnya, numu gboto ta gbualɔ dunyei yeehinda gbi tia Ebraham-ni kɛɛ Aisaki kɛɛ Jekɔpi ti hei mɛhɛɛ-mɛ-gomɛi hu ngelegoohu mahayɛi hu, 12Kɛɛ Isrɛlblei nasia lɛɛnga mahoungɔ ti yɛ yeemahayɛi na hu Ngewɔ a pielɔ ngi malikeisia ti ti gbɛ na, ti ti wili jahama yeekpindii hu, na mia ta wɔɔ na, ta ti yɔngɔlii yaamɛ.” 13Na wooma Yesu ndeilɔ Kugbei ma yɛ, “Li bi yeekuwuhu, tawao na bi lani la i wie bi wɛ.”
Kugbei bɔilopoi i bawoni ngaamɛi na lɔ.
Yesu Lɔ Nungaa Gboto Bawoma
(Mak 1.29-34; Luk 4.38-41)
14Kia Yesu i wuaani Pita yee pɛlɛbu, i maleni Pita yemɔi i laani kɔlɛ vulɛi i ngi ma. 15I houilɔ ngi lokola kɛ kɔlɛ vulɛi i gbuanga ngi ma, kɛ i hiyenga i mɛhɛɛ vɛ Yesu wɛ.
16Kia kpɔkɔ i wɛlɛni, nungaa ti wɛilɔ Yesu gama a numu gboto ngafa nyamuisia ti ti hu. Yesu i yeengafa nyamuisia gbuailɔ nungaa hu a ngi layie, i nasia gbi bawo ti heegbɛngɔ yɛla. 17#Ais 53.4 I mbawoi jisia wieilɔ aako na la i hou Ngewɔ lutui Aisaya i ndeni wɔɔ yɛ, “I mu bawoilɔ i mu heegbɛisia gbi gbua mu ma.”
Nasia Ti Ndeni Tɛɛ Ta Tolɔ Yesu Ma
(Luk 9.57-62)
18Kia Yesu i liiheini faha waa ma ti ngi gaalangɔ, i ndeilɔ ngi gaalopoisia ma yɛ, “A mu li njɛi wooma.” 19Sawei Yeekamɔɔ yila i wailɔ ngi gama i nde yɛ, “Kaamɔ, nga tolɔ bi wooma hinda gbi lekee ba li na.”
20Yesu i poteilɔ i nde ngi ma yɛ, “Ndoweisia lɔ nyamgbeisia yeya tawao teisia lɔ ŋɔningɛisia yeya; kɛɛ numui na Nuuvu Hindoloi a ngie, hinda gbii na ngi lava na.”
21Taamɔ wekei, na i tooma Yesu ma ngovama, i ndeilɔ yɛ, “Ndemɔi, gbɛɛ ngi yaama ngi nya kɛkɛ haa-hindei hugbatɛ pɛiŋ.”
22Yesu i poteilɔ yɛ ngi ma, “To nya ma, bi gbe haableisia ma ti ti da womɛisia gbɔwu.”
Yesu Lɔ Vivii Londoma
(Mak 4.35-41; Luk 8.22-25)
23Yesu i wililɔ njaya-lɛndɛ yila hu kɛ ngi gaalopoisia ti tonga ngi ma. 24Ngaamɛi na vivii waa i gulailɔ Popɛi ya, ndɛndɛi a lo te i lɔmbu; kɛɛ, Yesu i yɛ njii hu lɔ. 25Ngi gaalopoisia ti lilɔ ti ngi wu tɛɛ, “Ndemɔi, mu bawo! Mua jukuma!”
26Kɛ Yesu i potenga ti ma yɛ, “Gbɛe wu luwanga hii? Wu layii a Ngewɔ i guloni kpa!” Kɛ i hiyenga i nde vivii ma kɛɛ njɛi yɛ ti londo, kɛ hu gbi i yɛnga louŋ.
27Numui gbi ti wuhu i wuilɔ tɛɛ, “Gbɛ mɔ lɔ a numu bondei ji, vivii vulii bɛɛ kɛɛ njagateisia ta golo ngi wɛ?”
Yesu Lɔ Hindo Fele Bawoma Ngafa Nyamui I Ti Hu
(Mak 5.1-20; Luk 8.26-39)
28Kia Yesu i foni Gadara lɔlei hu, Popɛi wooma, hiinga fele ti ngi maleilɔ, ngafa nyamuisia ti ti hu, ta gbua kambajɛi hu. Ti maaluwangɔ waa yɛla na hii numu gbi ii yɛ gu aa jia a yee pelei na. 29Ngaamɛi na kɛ ti yelei gulanga tɛɛ, “Gbɛe bi loko wilima mu mahinda hu, bia bi Ngewɔ Hindoloi? Bi wangalɔ kpaalɛ lava mu ma pɛiŋ yee watii a hitima?”
30Ndondɛ vaha waa ti yɛlɔ a mɛli, yee hindei na gbla. 31Faale ngafa nyamuisia ti Yesu manɛnɛilɔ tɛɛ, “Ina bi mu gbuamaa nungei jisia hu, kɛ pie mu wuaa ndondɛ vahɛi na hu.”
32Yesu i ndeilɔ ti ma yɛ, “A li.” Faale ti gbuailɔ hingei nasia hu ti wuaa ndondɛngɛisia hu. Ndondɛ vahɛi na gbi ti gindɛilɔ ti ngiyei hɛlɛngɔi yei, ti wili Popɛi hu, ti lo hu.
33Hingei nasia ti yɛ yee ndondɛngɛisia mahugbe ti leweilɔ a piimɛ ti li tei hu, ti jia hindei gbi ma i wieni hiingaa felei nasia gama ngafa nyamuisia ti yɛ ti hu. 34Numui gbi ti yɛ tei hu ti liilɔ Yesu maleva; kɛɛ, kia ti ngi lɔni, ti ngi manɛnɛilɔ tɛɛ i gbua ti lɔlei hu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mende New Testament © The Bible Society of Sierra Leone, 2002.