Mȧyɔs ma aŋsom 5
5
1Kɛrɛ ulaŋgba ulɔm ɔ yi ri, a bont kɔ Ananayas, yi ɔrani kɔŋ Safaira, aŋ thila ȧkay, 2kɔ bɛnɛ ȧgbȧp ŋin ka amɔlɔ mati, ɔrani kɔŋ sɔ ɔ ba dim din, kɔ kȧrȧ ȧgbȧp alɔm, ɔ bot ŋi ka ȧtȧtək ta aŋsom. 3Kɛrɛ Pitaŋ ɔ pa, Ananayas, to som Sethani ɔ lasər ȧŋmerȧ a mu kȧmȧ mə yemsa ɔYina məsəm, kəpa mə bɛnɛ ȧgbȧp ŋin ka amɔlɔ ma aŋkai-e? 4Ma mə te tha thila ŋi-e, mun tha ba ŋi, ɔwa ma mə po thila ŋi-e, aŋ yi hɛ ka aŋfɔsɔ a mu-i? To som mə tȧmtȧmnɛ ȧtȧy ȧte ka ȧŋmerȧ a mu-e? Mə yemsa hɛ wuni kəpet kɛrɛ Kurɔŋ. 5Ɔwa Ananayas-əŋ, kətəl ȧsim ȧte gbo-e, ɔ fumpɔ, ɔ ternɛ, ka rənes rəbana rə fumpər ŋa bɛ aŋa təl ti. 6Ka aŋlaŋgba aŋ yokanɛ, aŋ kumpər kɔ rə kotha, aŋ wurɔ kɔ, kaŋ maŋk kɔ.
7Ɔwa mɔlɔ ma ɛhawa ɛsas kədarəŋ kati-e, ɔrani kɔŋ ɔ wɔŋ, ɔ tɛ hɛ ȧtȧ po yɔnɛ. 8Ka Pitaŋ ɔ yif kɔ ɔ pa, Kanɛ mi bepi nə thila ȧŋkay ta amɔlɔ məwunɔŋ-i? kɔ lasi ɔ pa, Yao, ta amɔlɔ məwunɔŋ. 9Ka Pitaŋ ɔ pa ro ŋɔŋ, kɔyɛŋ nə ba dim din tə kəmɛm ɔYina ka ɔMariki-e? Kəla, ȧtȧtək taŋ aŋa maŋk ɔwos ka mu tə yi ro dare, ɔwa aŋ ba kəkera mu sɔ. 10Ɔwa ka ɔlɛmp wati ɔbɛra ɔ fumpɔ ka ȧtȧtək tɔŋ, ɔ ternɛ. Ka aŋlaŋgba aŋ wɔŋ aŋ bəp kɔ, ka aŋ kera kɔ, aŋ maŋk kɔ rayɛr ka ɔwos kɔŋ. 11Ka rənes rəbana rə der ka aŋchɔch bɛ dɛ yi ka ŋaŋ bɛ aŋa təl mȧtȧy ame.
12Ka ɛmisali ɛgbathi yi mȧtȧy məkabanɛ mə yɔnɛ kətɔŋ ka aŋfəm ka mȧta ma aŋsom; ɔwa ŋa bɛ aŋ yi rə ȧmerȧ ŋin ka aŋgbənthəŋ ŋa Sɔlɔmɔn. 13Ɔwa wuni o wuni ka aŋfəm alɔm ɔ mintha hɛ tə kəpantnɛ ŋa, kɛrɛ halisa aŋ yikis ŋa. 14Ka a bȧr aŋlanɛ agbȧthi ka ɔMarki, tey ta runi-ŋaŋ yi bom-ŋaŋ, 15haŋ a wurɔ aŋboma ka asoŋ ta rokaŋ, a bot ŋa rə təfənt yi ɛgbatha, kȧmȧ bepi Pitaŋ ɔ thas-e, hali gbo amumpəl ŋɔŋ aŋ tə gbəpər alɔm. 16Ka runiya rəbana rə der sɔ kəwur ka tapet ȧte gbətɔ ro Yerusalɛm, kaŋ kȧrȧ afəm aŋboma, yi ŋaŋ aŋa ba akərəfi aləs, ka a yenkəs ŋa bɛ.
17Ka ɔfode ubana ɔ yokanɛ yi ŋaŋ bɛ aŋa yi yi kɔnɔŋ-e, (aŋa yi ka kagbanth ka aŋSadusi), aŋ la kətut, 18kaŋ wop aŋsom, aŋ bot ŋa ka ȧŋseth ŋa tərəŋka ro a bɛnɛ aŋlɔm. 19Kɛrɛ wurɔ ka ɔMarki ɔ kanthi tadare ta ȧŋseth ŋa tərəŋka ka tȧtȧk, kɔ wurɔ ŋa, ɔ kanɛ ŋa, 20Kɔ nu nə təmȧ ka ȧŋseth ŋa Kuru, ɔwa kanɛ anfəm mapa bɛ ta aŋesəm aŋe. 21Maŋ təl ȧte-e, aŋ wɔŋ ka ȧŋseth ŋa Kuru bəth bəth, aŋ thəksa aŋfəm, kɛrɛ ɔfode ubana ɔ der, ɔwa ŋaŋ aŋa yi yi kɔnɔ aŋ thoŋkla aŋSanhedrin rɔkin, yi aŋbȧki bɛ ŋa aŋwuth ŋa Isrɛl, a som kȧmȧ aŋ kȧrȧ aŋsom. 22Kɛrɛ ɛbɔy aŋa a som aŋ nənk hɛ ŋa ka ȧŋseth ŋa tərəŋka; kaŋ kȧlanɛ, aŋ kanɛ ti, aŋ pa, 23Sə bəp ȧŋseth ŋa tərəŋka aŋ kantha fip, ɔwa ȧŋbumər aŋ təmȧ ka tadare, kɛrɛ ma sə po kanthi ŋi, sə bəp hɛ wuni o wuni rokor. 24Ma ɔfode ubana yi ɔwe yi rȧbomp ka ȧŋseth ŋa Kuru yi aŋkərbomp kətɔŋ ka aŋfode aŋ təl tapa ȧte-e, pə sɔkanɛ ŋa bɛ, aŋ soli ta ȧtȧ mə yi kədarəŋ kati. 25Ka ukin ɔ der ɔ kanɛ ŋa, Kəlo, aŋlaŋgba aŋa nə bot ka ȧŋseth ŋa tərəŋka aŋ yi ka ȧŋseth ŋa Kuru, aŋ təmȧ aŋ thəksa aŋfəm. 26Ka ɔkaptin yi ɛbɔy aŋ kɔnɛ, aŋ kȧrȧ ŋa, pə yi hɛ rə afɔsɔ, kotȧy-e aŋ nesa aŋfəm ta thani aŋ ləməs ŋa məsar. 27Maŋ po kȧrȧ ŋa, a təmər ŋa rodi ka aŋSanhedrin. Ka ɔfode ubana ɔ yif ŋa ɔ pa, 28Sə la hɛ maŋ nu kiriŋ kiriŋ kȧmȧ nə te sɔ thəksa ka ȧŋes aŋe-i? Kɛrɛ kəla, nə po lasər Yerusalɛm yi kathəksa ka nu. Nə nanɛ tə kəreŋ su mathɛkɛ ka mȧtir ma ɔlaŋgba ɔwe-e? 29Ka Pitaŋ yi aŋsom aŋ lasi aŋ pa, Sə ba kəwop ȧrim ra Kuru pəthasi ara wuni kəpet. 30ƆKuru ka aŋkas a su ɔ yokas Yisɔsȧŋ, ɔwe naŋ nə dif, kəgbak kɔ rə ŋənt. 31Kɔnɔ Kuru ɔ po ŋata ka kȧta kɔŋ kədiɔ tə kəyi uBȧy yi uKisis tə kəsɔŋ Isrɛl kathupi yi kȧlȧprɔ ka ɛhakɛ. 32Ɔwa saŋ sə yi mȧseri ta mȧtȧy ame; yi ɔYina məsəm sɔ ɔwe Kuru ɔ po sɔŋ ka ŋaŋ aŋa mə wop ȧrim rɔŋ.
33Maŋ təl ȧte-e, ɛmerȧ yaŋ ɛ ŋat, aŋ fɔf tə kədif ŋa. 34Kɛrɛ ukin ka aŋgbanɛ, uFarisi, ɔ ba ȧŋes Kameliyɛl, ukarmɔkɔ ka ȧŋthɔ, ɔ ba yiki ka aŋfəm bɛ, kɔnɔ ɔ təmȧ, ɔ yamari kȧmȧ aŋ wurɔ aŋsom ras. 35kɔ kanɛ ŋa, Naŋ afəm ŋa Isrɛl, botnɛ nu rə ȧmerȧ ta aŋlaŋgba aŋe, ta ȧtȧ nə yema yɔ ŋa, 36kotȧy-e yeŋka aŋyamana aŋe-e, Thudas ɔ yokanɛ, ɔ kolonɛ kəpa kɔnɔ ɔ yi wuni bana; ɔwa afəm tɛmɛ tanlɛ aŋ gbɛpətənɛ kɔ; ka a dif kɔ, ɔwa a sakthi ŋa aŋa wop ȧrim rɔŋ, kaŋ tiyȧ fu. 37Kədarəŋ ka ɔlaŋgba ɔwe-e, Yudas ka ro Kalili ɔ yokanɛ ka marey ama a gbaləs ames ma aŋfəm, ɔ liŋanɛ afəm agbȧthi ro rɔŋɔŋ; kɔnɔ sɔ ɔ dinɛ, ɔwa ŋaŋ bɛ aŋa wop ȧrim rɔŋ aŋ sakanɛ. 38I kanɛ nu ka-ake, gbapɛ nu aŋlaŋgba aŋe. Ter ŋa kotȧy-e bepi ȧŋmȧŋ aŋe thalɔm mapanth ame mə yi ma afəm-e, mə tə tiyȧ fu; 39kɛrɛ bepi mə yi ma Kuru-e, nə gbəli hɛ dim ma, ta thani a fir kəpa nə tim Kuru gbeŋ. 40kaŋ malanɛ ȧrim rɔŋ. Ɔwa maŋ po tela aŋsom-e, aŋ sap ŋa, kaŋ kanɛ ŋa kȧmȧ aŋ te sɔ fɔf ka ȧŋes ŋa Yisɔs, kaŋ ter ŋa. 41Tiyȧŋ aŋ wur rodi ka aŋSanhedrin, aŋ sel məbɔnɛ ta ma a lɔm ŋa abeki tə kəsɔthɔ məlap ta ȧŋes. 42Ɔwa ȧrey o rey ka ȧŋseth ŋa Kuru yi ka ɛseth yaŋ aŋ tey hɛ kəthəksa yi kətɔri kəpa Yisɔs kɔnɔ yi ɔKrayst.
Currently Selected:
Mȧyɔs ma aŋsom 5: TMNNT
Highlight
Share
Copy
Want to have your highlights saved across all your devices? Sign up or sign in
Themne New Testament © The Bible Society of Sierra Leone, 2009.
Mȧyɔs ma aŋsom 5
5
1Kɛrɛ ulaŋgba ulɔm ɔ yi ri, a bont kɔ Ananayas, yi ɔrani kɔŋ Safaira, aŋ thila ȧkay, 2kɔ bɛnɛ ȧgbȧp ŋin ka amɔlɔ mati, ɔrani kɔŋ sɔ ɔ ba dim din, kɔ kȧrȧ ȧgbȧp alɔm, ɔ bot ŋi ka ȧtȧtək ta aŋsom. 3Kɛrɛ Pitaŋ ɔ pa, Ananayas, to som Sethani ɔ lasər ȧŋmerȧ a mu kȧmȧ mə yemsa ɔYina məsəm, kəpa mə bɛnɛ ȧgbȧp ŋin ka amɔlɔ ma aŋkai-e? 4Ma mə te tha thila ŋi-e, mun tha ba ŋi, ɔwa ma mə po thila ŋi-e, aŋ yi hɛ ka aŋfɔsɔ a mu-i? To som mə tȧmtȧmnɛ ȧtȧy ȧte ka ȧŋmerȧ a mu-e? Mə yemsa hɛ wuni kəpet kɛrɛ Kurɔŋ. 5Ɔwa Ananayas-əŋ, kətəl ȧsim ȧte gbo-e, ɔ fumpɔ, ɔ ternɛ, ka rənes rəbana rə fumpər ŋa bɛ aŋa təl ti. 6Ka aŋlaŋgba aŋ yokanɛ, aŋ kumpər kɔ rə kotha, aŋ wurɔ kɔ, kaŋ maŋk kɔ.
7Ɔwa mɔlɔ ma ɛhawa ɛsas kədarəŋ kati-e, ɔrani kɔŋ ɔ wɔŋ, ɔ tɛ hɛ ȧtȧ po yɔnɛ. 8Ka Pitaŋ ɔ yif kɔ ɔ pa, Kanɛ mi bepi nə thila ȧŋkay ta amɔlɔ məwunɔŋ-i? kɔ lasi ɔ pa, Yao, ta amɔlɔ məwunɔŋ. 9Ka Pitaŋ ɔ pa ro ŋɔŋ, kɔyɛŋ nə ba dim din tə kəmɛm ɔYina ka ɔMariki-e? Kəla, ȧtȧtək taŋ aŋa maŋk ɔwos ka mu tə yi ro dare, ɔwa aŋ ba kəkera mu sɔ. 10Ɔwa ka ɔlɛmp wati ɔbɛra ɔ fumpɔ ka ȧtȧtək tɔŋ, ɔ ternɛ. Ka aŋlaŋgba aŋ wɔŋ aŋ bəp kɔ, ka aŋ kera kɔ, aŋ maŋk kɔ rayɛr ka ɔwos kɔŋ. 11Ka rənes rəbana rə der ka aŋchɔch bɛ dɛ yi ka ŋaŋ bɛ aŋa təl mȧtȧy ame.
12Ka ɛmisali ɛgbathi yi mȧtȧy məkabanɛ mə yɔnɛ kətɔŋ ka aŋfəm ka mȧta ma aŋsom; ɔwa ŋa bɛ aŋ yi rə ȧmerȧ ŋin ka aŋgbənthəŋ ŋa Sɔlɔmɔn. 13Ɔwa wuni o wuni ka aŋfəm alɔm ɔ mintha hɛ tə kəpantnɛ ŋa, kɛrɛ halisa aŋ yikis ŋa. 14Ka a bȧr aŋlanɛ agbȧthi ka ɔMarki, tey ta runi-ŋaŋ yi bom-ŋaŋ, 15haŋ a wurɔ aŋboma ka asoŋ ta rokaŋ, a bot ŋa rə təfənt yi ɛgbatha, kȧmȧ bepi Pitaŋ ɔ thas-e, hali gbo amumpəl ŋɔŋ aŋ tə gbəpər alɔm. 16Ka runiya rəbana rə der sɔ kəwur ka tapet ȧte gbətɔ ro Yerusalɛm, kaŋ kȧrȧ afəm aŋboma, yi ŋaŋ aŋa ba akərəfi aləs, ka a yenkəs ŋa bɛ.
17Ka ɔfode ubana ɔ yokanɛ yi ŋaŋ bɛ aŋa yi yi kɔnɔŋ-e, (aŋa yi ka kagbanth ka aŋSadusi), aŋ la kətut, 18kaŋ wop aŋsom, aŋ bot ŋa ka ȧŋseth ŋa tərəŋka ro a bɛnɛ aŋlɔm. 19Kɛrɛ wurɔ ka ɔMarki ɔ kanthi tadare ta ȧŋseth ŋa tərəŋka ka tȧtȧk, kɔ wurɔ ŋa, ɔ kanɛ ŋa, 20Kɔ nu nə təmȧ ka ȧŋseth ŋa Kuru, ɔwa kanɛ anfəm mapa bɛ ta aŋesəm aŋe. 21Maŋ təl ȧte-e, aŋ wɔŋ ka ȧŋseth ŋa Kuru bəth bəth, aŋ thəksa aŋfəm, kɛrɛ ɔfode ubana ɔ der, ɔwa ŋaŋ aŋa yi yi kɔnɔ aŋ thoŋkla aŋSanhedrin rɔkin, yi aŋbȧki bɛ ŋa aŋwuth ŋa Isrɛl, a som kȧmȧ aŋ kȧrȧ aŋsom. 22Kɛrɛ ɛbɔy aŋa a som aŋ nənk hɛ ŋa ka ȧŋseth ŋa tərəŋka; kaŋ kȧlanɛ, aŋ kanɛ ti, aŋ pa, 23Sə bəp ȧŋseth ŋa tərəŋka aŋ kantha fip, ɔwa ȧŋbumər aŋ təmȧ ka tadare, kɛrɛ ma sə po kanthi ŋi, sə bəp hɛ wuni o wuni rokor. 24Ma ɔfode ubana yi ɔwe yi rȧbomp ka ȧŋseth ŋa Kuru yi aŋkərbomp kətɔŋ ka aŋfode aŋ təl tapa ȧte-e, pə sɔkanɛ ŋa bɛ, aŋ soli ta ȧtȧ mə yi kədarəŋ kati. 25Ka ukin ɔ der ɔ kanɛ ŋa, Kəlo, aŋlaŋgba aŋa nə bot ka ȧŋseth ŋa tərəŋka aŋ yi ka ȧŋseth ŋa Kuru, aŋ təmȧ aŋ thəksa aŋfəm. 26Ka ɔkaptin yi ɛbɔy aŋ kɔnɛ, aŋ kȧrȧ ŋa, pə yi hɛ rə afɔsɔ, kotȧy-e aŋ nesa aŋfəm ta thani aŋ ləməs ŋa məsar. 27Maŋ po kȧrȧ ŋa, a təmər ŋa rodi ka aŋSanhedrin. Ka ɔfode ubana ɔ yif ŋa ɔ pa, 28Sə la hɛ maŋ nu kiriŋ kiriŋ kȧmȧ nə te sɔ thəksa ka ȧŋes aŋe-i? Kɛrɛ kəla, nə po lasər Yerusalɛm yi kathəksa ka nu. Nə nanɛ tə kəreŋ su mathɛkɛ ka mȧtir ma ɔlaŋgba ɔwe-e? 29Ka Pitaŋ yi aŋsom aŋ lasi aŋ pa, Sə ba kəwop ȧrim ra Kuru pəthasi ara wuni kəpet. 30ƆKuru ka aŋkas a su ɔ yokas Yisɔsȧŋ, ɔwe naŋ nə dif, kəgbak kɔ rə ŋənt. 31Kɔnɔ Kuru ɔ po ŋata ka kȧta kɔŋ kədiɔ tə kəyi uBȧy yi uKisis tə kəsɔŋ Isrɛl kathupi yi kȧlȧprɔ ka ɛhakɛ. 32Ɔwa saŋ sə yi mȧseri ta mȧtȧy ame; yi ɔYina məsəm sɔ ɔwe Kuru ɔ po sɔŋ ka ŋaŋ aŋa mə wop ȧrim rɔŋ.
33Maŋ təl ȧte-e, ɛmerȧ yaŋ ɛ ŋat, aŋ fɔf tə kədif ŋa. 34Kɛrɛ ukin ka aŋgbanɛ, uFarisi, ɔ ba ȧŋes Kameliyɛl, ukarmɔkɔ ka ȧŋthɔ, ɔ ba yiki ka aŋfəm bɛ, kɔnɔ ɔ təmȧ, ɔ yamari kȧmȧ aŋ wurɔ aŋsom ras. 35kɔ kanɛ ŋa, Naŋ afəm ŋa Isrɛl, botnɛ nu rə ȧmerȧ ta aŋlaŋgba aŋe, ta ȧtȧ nə yema yɔ ŋa, 36kotȧy-e yeŋka aŋyamana aŋe-e, Thudas ɔ yokanɛ, ɔ kolonɛ kəpa kɔnɔ ɔ yi wuni bana; ɔwa afəm tɛmɛ tanlɛ aŋ gbɛpətənɛ kɔ; ka a dif kɔ, ɔwa a sakthi ŋa aŋa wop ȧrim rɔŋ, kaŋ tiyȧ fu. 37Kədarəŋ ka ɔlaŋgba ɔwe-e, Yudas ka ro Kalili ɔ yokanɛ ka marey ama a gbaləs ames ma aŋfəm, ɔ liŋanɛ afəm agbȧthi ro rɔŋɔŋ; kɔnɔ sɔ ɔ dinɛ, ɔwa ŋaŋ bɛ aŋa wop ȧrim rɔŋ aŋ sakanɛ. 38I kanɛ nu ka-ake, gbapɛ nu aŋlaŋgba aŋe. Ter ŋa kotȧy-e bepi ȧŋmȧŋ aŋe thalɔm mapanth ame mə yi ma afəm-e, mə tə tiyȧ fu; 39kɛrɛ bepi mə yi ma Kuru-e, nə gbəli hɛ dim ma, ta thani a fir kəpa nə tim Kuru gbeŋ. 40kaŋ malanɛ ȧrim rɔŋ. Ɔwa maŋ po tela aŋsom-e, aŋ sap ŋa, kaŋ kanɛ ŋa kȧmȧ aŋ te sɔ fɔf ka ȧŋes ŋa Yisɔs, kaŋ ter ŋa. 41Tiyȧŋ aŋ wur rodi ka aŋSanhedrin, aŋ sel məbɔnɛ ta ma a lɔm ŋa abeki tə kəsɔthɔ məlap ta ȧŋes. 42Ɔwa ȧrey o rey ka ȧŋseth ŋa Kuru yi ka ɛseth yaŋ aŋ tey hɛ kəthəksa yi kətɔri kəpa Yisɔs kɔnɔ yi ɔKrayst.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Themne New Testament © The Bible Society of Sierra Leone, 2009.