Mȧyɔs ma aŋsom 9
9
1Ka Sɔl-əŋ ɔ ŋesəmnɛ ras kəgbind yi kədifəth ka aŋfəm ŋa Kuru, kɔ kɔnɛ ka ɔfode ubana, 2ɔ tholir kɔ ɛreka tə kəkɔ ro Damaskɔs ka ɛseth ɛgbanɛ, kama-e, bepi ɔ fir ri wuni o wuni ɔwe yi ka aRoŋ-e, pə yi afəm aruni-o, afəm abom-o, ɔ kȧrȧ ŋa asekəth ro Yerusalɛm. 3Ma ɔ yi ka ȧŋbiyas-e, ɔ fatər ro Damaskɔs-e, kəwalɛ ka məsembu kəwur ka ȧkuru kə gbɛnthar kɔ. 4kɔ fumpɔ ro thɔf, ɔ təlȧ rim ara fɔfȧnɛ kɔ, rə pa, Sɔl, Sɔl, kɔyɛŋ mȧ mə sɔmpa mi-e? 5kɔ pa, Mun kanɛ-e Pa? Ka ɔMarki ɔ pa, Minɛŋ Yisɔsȧŋ ɔwe mə sɔmpa. 6Ɔwa rə kəyɛr yi kəkabanɛ ɔ pa, Mariki ko mə yema i yɔ-e? Ka ɔMarki ɔ pa, Yokanɛ, wɔŋ ro pet, ɔwa a tə tɔri mu ȧte mə ba kəyɔ. 7Ɔwa aŋfəm aŋa yi ka ȧŋbiyas yi kɔnɔ aŋ təmȧ, aŋ gbəli hɛ fɔf maŋ təl ȧrim kɛrɛ aŋ nənk hɛ wuni. 8Ka Sɔl-əŋ ɔ yokanɛ ro thɔf; ɔwa ma a kanthi ɛfɔr yɔŋ-e, ɔ gbəli hɛ nənk. Ka a wop kɔ kȧta, a kera kɔ ro Damaskɔs. 9kɔ ba mərey məsas ɔ nənk hɛ, ɔ di hɛ, ɔ mun hɛ.
10Ɔwa ukarande ulɔm ɔ yi ro Damaskɔs, a bont kɔ Ananayas, ka ɔMarki ɔ kanɛ kɔ rə mərey, Ananayas, kɔ wosa ɔ pa, ƆMariki minɛ ɔwe. 11Ka ɔMarki ɔ pa ro ŋɔŋ, Yokanɛ, mə kɔ ka aroŋ ara a bont Toloŋ, mə yif ka ȧŋseth ŋa Yudas ta ukin a bont Sɔl, wuni ka ro Tarsɔs, kotȧy-e ɔ ramnɛ. 12kɔ po nənk rə mərey ulaŋgba ɔwe a bont Ananayas ɔ wɔŋ, ɔ reŋ kɔ mȧta mɔŋ kȧmȧ ɔ kȧl sɔthɔ kakəli kɔŋ. 13Ka Ananayas ɔ pa, Pa, i po təl rə afəm agbȧthi ta ɔlaŋgba ɔwe, ta maləs məgbathi ama ɔ yɔ aŋsəm a mu ro Yerusalɛm. 14Ɔwa hali anɔ ɔ ba afɔsɔ kəwur ka aŋkərbomp kətɔŋ ka aŋfode tə kəsek ŋa bɛ aŋa mə ramnɛ ka ȧŋes a mu. 15Kɛrɛ ɔMarki ɔ pa ro ŋɔŋ, Kɔnɛ, kotȧy-e ɔ yi rəka rəthith ta ȧtȧ mi, tə kəkera ȧŋes a mi rodi ka tȧbona təlɔm, yi abȧy, yi aŋwuth ŋa Isrɛl. 16kotȧy-e i ti tɔri kɔ mȧtȧy məgbathi ama ɔ ba tə kənakasi salata ȧŋes a mi. 17Ka Ananayas ɔ kɔnɛ, ɔ wɔŋ ka ȧŋseth, kɔ reŋ kɔ mȧta mɔŋ, ɔ pa, Wɔnt mi Sɔl, ɔMarki, pə yi mɔ Yisɔsȧŋ ɔwe mə nənk ro roŋ ka kȧder ka mu, ɔ som mi kȧmȧ mə sɔthɔ kakəli ka mu, yi kȧmȧ a lasər mu ɔYina məsəm. 18Ɔwa ka ɔlɛmp wati pə yi mɔ ɛkɛmpitha ɛ wur ka ɛfɔr yɔŋ, ɔwa ɔ sɔthɔ kakəli kɔŋ, ka a yokanɛ, ka a baftays kɔ. 19Ɔwa ma ɔ po di-e, ɔ sɔthɔ afɔsɔ. Kɔ ba mərey məlɔm yi aŋkarande ro Damaskɔs.
20Ka ɔlɛmp wati ka ɛseth ɛgbanɛ ɔ taməs Yisɔs, kəpa ɔ yi ɔWan ka Kuru. 21Ɔwa aŋfəm bɛ aŋa təlȧ kɔ aŋ kabanɛ, aŋ pa, Kɔn tha ɔwe ɔwe dim ŋaŋ aŋa ramnɛ ka ȧŋes aŋe ro Yerusalɛm-i? kɔ der sɔ nɔ ta ȧtȧy tin tati, kȧmȧ ɔ kera ŋa asekəth rodi ka aŋkərbomp kətɔŋ ka aŋfode. 22Kɛrɛ Sɔl-əŋ ɔ bȧr sɔthɔ afɔsɔ, kɔ fikthanɛ aŋYuda aŋa yirȧ ro Damaskɔs ma ɔ tɔri kəpa ɔwe-əŋ ɔ yi ɔKrayst.
23Ɔwa ma mərey məlai mə po thas-e, aŋYuda aŋ nəŋkanɛ tə kədif kɔ; 24kɛrɛ Sɔl-əŋ ɔ sɔthnɛ ta kasəth ka ŋaŋ. Ka aŋ bumər tadare ta kȧpet pali gbɛs-əŋ kȧmȧ aŋ gbəli dif kɔ. 25Ka aŋkarande aŋ gbasi kɔ tȧtȧk, aŋ bot kɔ rə kəbəlai, kaŋ thora kɔ ka anthatha.
26Ma Sɔl-əŋ ɔ der ro Yerusalɛm-e, ɔ yema kulunɛ yi aŋkarande, kɛrɛ ŋa bɛ aŋ nesa kɔ, aŋ lanɛ hɛ kəpa ɔ yi ukarande. 27Kɛrɛ Barnabas ɔ gbasi kɔ, ɔ kȧrȧ kɔ ka aŋsom, ɔ lɔma ŋa to ɔ po nənk ɔMarki ro roŋ, dɛ yi to ɔMarki ɔ po fɔfȧnɛ kɔ, ɔwa kəpa ɔ po kawandi rə kəmintha ro Damaskɔs ka ȧŋes ŋa Yisɔs. 28kɔ yi rɛ yi ŋaŋ, ɔ wɔŋ, ɔ wur ro Yerusalɛm, 29ɔwa ɔ fɔf rə kəmintha ka ȧŋes ŋa ɔMarki Yisɔsȧŋ, kɔ thoŋka yi aŋYuda aŋa a kom ro Kris; kɛrɛ ŋaŋ, aŋ thɛns tə kədif kɔ. 30Ɔwa ma aŋwɔnt aŋ tȧrȧ ti-e, aŋ kera kɔ ro Sisaria, kaŋ somra kɔ ro Tarsɔs.
31Ka aŋchɔch ro Yudia, ro Kalili yi ro Samaria aŋ ba məthɔfəl, ɔwa aŋ sɔthɔ kəbaksər. Ɔwa maŋ kɔth ka ranes ra ɔMarki yi ka kȧbɛfəth ka ɔYina məsəm-e, aŋ bȧrnɛ.
32Ka pə re yi ma Pitaŋ ɔ kɔth kɔth ka mȧgbȧp bɛ-e, ɔ der kori aŋsəm aŋa yirȧ ro Lida. 33kɔ bəp ri wan duni ulɔm, ȧŋes ŋɔŋ ŋə yi Iniyasȧŋ, ɔwe po fənthȧ təren tȧmthərɛsas, ɔ ba məthanthaŋ. 34Ka Pitaŋ ɔ kanɛ kɔ, Iniyas, Yisɔs Kraystȧŋ ɔ yenkəs mu. Yokanɛ mə bɛmpa kafənt ka mu. Kɔ yokanɛ ka ɔlɛmp wati. 35Ka ŋa bɛ aŋa yirȧ ro Lida yi ro Seron aŋ nənk kɔ, kaŋ lafthɛ ka ɔMarki.
36Ukarande ulɔm ɔ yirȧ ro Yɔpa, ȧŋes ŋɔŋ ŋə yi Tabitha, aŋa a tepa kəpa Dɔkas; ɔya ɔwe ɔ la məyɔs məfinɔ yi kəboya kəbana. 37Ka pə re yi ka marey mati, rətu rə wop kɔ, kɔ fi. Ɔwa ma a po bukɔ kɔ-e, a bot kɔ ka ȧkonko ka ȧŋseth rokɔm. 38Ma kaLida kə yi ɔfati yi ro Yɔpa-e, ɔwa aŋkarande aŋ təl kəpa Pitaŋ ɔ yi ri-e, aŋ som alaŋgba ŋarəŋ ro ŋɔŋ, aŋ nɛmthɛnɛ kȧmȧ ɔ te linsa tə kəder ro ŋaŋ. 39Ka Pitaŋ ɔ yokanɛ ɔ kɔnɛ yi ŋaŋ. Ɔwa ma ɔ bek-e, aŋ gbepa kɔ ka ȧŋseth rokɔm. Ambora bɛ aŋ təmȧ kɔ rayɛr, aŋ bok, kaŋ tɔri kɔ ȧsuma yi ɛlopra ɛyɛ Dorkas ɔ bɛmpa ma ɔ yi yi ŋaŋ. 40Ka Pitaŋ ɔ wurɔ ŋa bɛ kɔ sɔ təwu, ɔ ramnɛ; kɔ lafthɛ ka kabel, ɔ pa, Tabitha, yokanɛ. Kɔ kanthi ɛfɔr yɔŋ; ɔwa ma ɔ nənk Pitaŋ, ɔ yirȧ. 41kɔ sɔŋ kɔ kȧta kɔŋ, kɔ yokanɛ. Ma ɔ po tela aŋsəm yi ȧŋbora-e, ɔ laŋklia ŋa kɔ ukəli. 42Ma ȧtȧy ȧte tə gbanthɛnɛ ro Yɔpa-e, afəm agbȧthi aŋ lanɛ ka ɔMarki. 43Ka Pitaŋ ɔ yirȧ ro Yɔpa mərey məgbathi ka ȧŋseth ŋa Saymɔn ɔkaraŋke.
Currently Selected:
Mȧyɔs ma aŋsom 9: TMNNT
Highlight
Share
Copy
Want to have your highlights saved across all your devices? Sign up or sign in
Themne New Testament © The Bible Society of Sierra Leone, 2009.
Mȧyɔs ma aŋsom 9
9
1Ka Sɔl-əŋ ɔ ŋesəmnɛ ras kəgbind yi kədifəth ka aŋfəm ŋa Kuru, kɔ kɔnɛ ka ɔfode ubana, 2ɔ tholir kɔ ɛreka tə kəkɔ ro Damaskɔs ka ɛseth ɛgbanɛ, kama-e, bepi ɔ fir ri wuni o wuni ɔwe yi ka aRoŋ-e, pə yi afəm aruni-o, afəm abom-o, ɔ kȧrȧ ŋa asekəth ro Yerusalɛm. 3Ma ɔ yi ka ȧŋbiyas-e, ɔ fatər ro Damaskɔs-e, kəwalɛ ka məsembu kəwur ka ȧkuru kə gbɛnthar kɔ. 4kɔ fumpɔ ro thɔf, ɔ təlȧ rim ara fɔfȧnɛ kɔ, rə pa, Sɔl, Sɔl, kɔyɛŋ mȧ mə sɔmpa mi-e? 5kɔ pa, Mun kanɛ-e Pa? Ka ɔMarki ɔ pa, Minɛŋ Yisɔsȧŋ ɔwe mə sɔmpa. 6Ɔwa rə kəyɛr yi kəkabanɛ ɔ pa, Mariki ko mə yema i yɔ-e? Ka ɔMarki ɔ pa, Yokanɛ, wɔŋ ro pet, ɔwa a tə tɔri mu ȧte mə ba kəyɔ. 7Ɔwa aŋfəm aŋa yi ka ȧŋbiyas yi kɔnɔ aŋ təmȧ, aŋ gbəli hɛ fɔf maŋ təl ȧrim kɛrɛ aŋ nənk hɛ wuni. 8Ka Sɔl-əŋ ɔ yokanɛ ro thɔf; ɔwa ma a kanthi ɛfɔr yɔŋ-e, ɔ gbəli hɛ nənk. Ka a wop kɔ kȧta, a kera kɔ ro Damaskɔs. 9kɔ ba mərey məsas ɔ nənk hɛ, ɔ di hɛ, ɔ mun hɛ.
10Ɔwa ukarande ulɔm ɔ yi ro Damaskɔs, a bont kɔ Ananayas, ka ɔMarki ɔ kanɛ kɔ rə mərey, Ananayas, kɔ wosa ɔ pa, ƆMariki minɛ ɔwe. 11Ka ɔMarki ɔ pa ro ŋɔŋ, Yokanɛ, mə kɔ ka aroŋ ara a bont Toloŋ, mə yif ka ȧŋseth ŋa Yudas ta ukin a bont Sɔl, wuni ka ro Tarsɔs, kotȧy-e ɔ ramnɛ. 12kɔ po nənk rə mərey ulaŋgba ɔwe a bont Ananayas ɔ wɔŋ, ɔ reŋ kɔ mȧta mɔŋ kȧmȧ ɔ kȧl sɔthɔ kakəli kɔŋ. 13Ka Ananayas ɔ pa, Pa, i po təl rə afəm agbȧthi ta ɔlaŋgba ɔwe, ta maləs məgbathi ama ɔ yɔ aŋsəm a mu ro Yerusalɛm. 14Ɔwa hali anɔ ɔ ba afɔsɔ kəwur ka aŋkərbomp kətɔŋ ka aŋfode tə kəsek ŋa bɛ aŋa mə ramnɛ ka ȧŋes a mu. 15Kɛrɛ ɔMarki ɔ pa ro ŋɔŋ, Kɔnɛ, kotȧy-e ɔ yi rəka rəthith ta ȧtȧ mi, tə kəkera ȧŋes a mi rodi ka tȧbona təlɔm, yi abȧy, yi aŋwuth ŋa Isrɛl. 16kotȧy-e i ti tɔri kɔ mȧtȧy məgbathi ama ɔ ba tə kənakasi salata ȧŋes a mi. 17Ka Ananayas ɔ kɔnɛ, ɔ wɔŋ ka ȧŋseth, kɔ reŋ kɔ mȧta mɔŋ, ɔ pa, Wɔnt mi Sɔl, ɔMarki, pə yi mɔ Yisɔsȧŋ ɔwe mə nənk ro roŋ ka kȧder ka mu, ɔ som mi kȧmȧ mə sɔthɔ kakəli ka mu, yi kȧmȧ a lasər mu ɔYina məsəm. 18Ɔwa ka ɔlɛmp wati pə yi mɔ ɛkɛmpitha ɛ wur ka ɛfɔr yɔŋ, ɔwa ɔ sɔthɔ kakəli kɔŋ, ka a yokanɛ, ka a baftays kɔ. 19Ɔwa ma ɔ po di-e, ɔ sɔthɔ afɔsɔ. Kɔ ba mərey məlɔm yi aŋkarande ro Damaskɔs.
20Ka ɔlɛmp wati ka ɛseth ɛgbanɛ ɔ taməs Yisɔs, kəpa ɔ yi ɔWan ka Kuru. 21Ɔwa aŋfəm bɛ aŋa təlȧ kɔ aŋ kabanɛ, aŋ pa, Kɔn tha ɔwe ɔwe dim ŋaŋ aŋa ramnɛ ka ȧŋes aŋe ro Yerusalɛm-i? kɔ der sɔ nɔ ta ȧtȧy tin tati, kȧmȧ ɔ kera ŋa asekəth rodi ka aŋkərbomp kətɔŋ ka aŋfode. 22Kɛrɛ Sɔl-əŋ ɔ bȧr sɔthɔ afɔsɔ, kɔ fikthanɛ aŋYuda aŋa yirȧ ro Damaskɔs ma ɔ tɔri kəpa ɔwe-əŋ ɔ yi ɔKrayst.
23Ɔwa ma mərey məlai mə po thas-e, aŋYuda aŋ nəŋkanɛ tə kədif kɔ; 24kɛrɛ Sɔl-əŋ ɔ sɔthnɛ ta kasəth ka ŋaŋ. Ka aŋ bumər tadare ta kȧpet pali gbɛs-əŋ kȧmȧ aŋ gbəli dif kɔ. 25Ka aŋkarande aŋ gbasi kɔ tȧtȧk, aŋ bot kɔ rə kəbəlai, kaŋ thora kɔ ka anthatha.
26Ma Sɔl-əŋ ɔ der ro Yerusalɛm-e, ɔ yema kulunɛ yi aŋkarande, kɛrɛ ŋa bɛ aŋ nesa kɔ, aŋ lanɛ hɛ kəpa ɔ yi ukarande. 27Kɛrɛ Barnabas ɔ gbasi kɔ, ɔ kȧrȧ kɔ ka aŋsom, ɔ lɔma ŋa to ɔ po nənk ɔMarki ro roŋ, dɛ yi to ɔMarki ɔ po fɔfȧnɛ kɔ, ɔwa kəpa ɔ po kawandi rə kəmintha ro Damaskɔs ka ȧŋes ŋa Yisɔs. 28kɔ yi rɛ yi ŋaŋ, ɔ wɔŋ, ɔ wur ro Yerusalɛm, 29ɔwa ɔ fɔf rə kəmintha ka ȧŋes ŋa ɔMarki Yisɔsȧŋ, kɔ thoŋka yi aŋYuda aŋa a kom ro Kris; kɛrɛ ŋaŋ, aŋ thɛns tə kədif kɔ. 30Ɔwa ma aŋwɔnt aŋ tȧrȧ ti-e, aŋ kera kɔ ro Sisaria, kaŋ somra kɔ ro Tarsɔs.
31Ka aŋchɔch ro Yudia, ro Kalili yi ro Samaria aŋ ba məthɔfəl, ɔwa aŋ sɔthɔ kəbaksər. Ɔwa maŋ kɔth ka ranes ra ɔMarki yi ka kȧbɛfəth ka ɔYina məsəm-e, aŋ bȧrnɛ.
32Ka pə re yi ma Pitaŋ ɔ kɔth kɔth ka mȧgbȧp bɛ-e, ɔ der kori aŋsəm aŋa yirȧ ro Lida. 33kɔ bəp ri wan duni ulɔm, ȧŋes ŋɔŋ ŋə yi Iniyasȧŋ, ɔwe po fənthȧ təren tȧmthərɛsas, ɔ ba məthanthaŋ. 34Ka Pitaŋ ɔ kanɛ kɔ, Iniyas, Yisɔs Kraystȧŋ ɔ yenkəs mu. Yokanɛ mə bɛmpa kafənt ka mu. Kɔ yokanɛ ka ɔlɛmp wati. 35Ka ŋa bɛ aŋa yirȧ ro Lida yi ro Seron aŋ nənk kɔ, kaŋ lafthɛ ka ɔMarki.
36Ukarande ulɔm ɔ yirȧ ro Yɔpa, ȧŋes ŋɔŋ ŋə yi Tabitha, aŋa a tepa kəpa Dɔkas; ɔya ɔwe ɔ la məyɔs məfinɔ yi kəboya kəbana. 37Ka pə re yi ka marey mati, rətu rə wop kɔ, kɔ fi. Ɔwa ma a po bukɔ kɔ-e, a bot kɔ ka ȧkonko ka ȧŋseth rokɔm. 38Ma kaLida kə yi ɔfati yi ro Yɔpa-e, ɔwa aŋkarande aŋ təl kəpa Pitaŋ ɔ yi ri-e, aŋ som alaŋgba ŋarəŋ ro ŋɔŋ, aŋ nɛmthɛnɛ kȧmȧ ɔ te linsa tə kəder ro ŋaŋ. 39Ka Pitaŋ ɔ yokanɛ ɔ kɔnɛ yi ŋaŋ. Ɔwa ma ɔ bek-e, aŋ gbepa kɔ ka ȧŋseth rokɔm. Ambora bɛ aŋ təmȧ kɔ rayɛr, aŋ bok, kaŋ tɔri kɔ ȧsuma yi ɛlopra ɛyɛ Dorkas ɔ bɛmpa ma ɔ yi yi ŋaŋ. 40Ka Pitaŋ ɔ wurɔ ŋa bɛ kɔ sɔ təwu, ɔ ramnɛ; kɔ lafthɛ ka kabel, ɔ pa, Tabitha, yokanɛ. Kɔ kanthi ɛfɔr yɔŋ; ɔwa ma ɔ nənk Pitaŋ, ɔ yirȧ. 41kɔ sɔŋ kɔ kȧta kɔŋ, kɔ yokanɛ. Ma ɔ po tela aŋsəm yi ȧŋbora-e, ɔ laŋklia ŋa kɔ ukəli. 42Ma ȧtȧy ȧte tə gbanthɛnɛ ro Yɔpa-e, afəm agbȧthi aŋ lanɛ ka ɔMarki. 43Ka Pitaŋ ɔ yirȧ ro Yɔpa mərey məgbathi ka ȧŋseth ŋa Saymɔn ɔkaraŋke.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Themne New Testament © The Bible Society of Sierra Leone, 2009.