Luk 12
12
1Ka ȧŋlɔkɔ ŋati, ma afəm ɛwul ɛgbathȧ aŋ thoŋklanɛ rɔkin haŋ aŋ nasanɛ, Yisɔsȧŋ ɔ mɔtha təp tə kəfɔfanɛ aŋkarande ŋɔŋ, ɔ pa, Botnɛ nu ta ɛgbith ya aŋFarisi, ɛyɛ yi rəmunafaki 2kotȧy-e tȧy təgbəpər tə yi hɛ ȧte mə a te ŋaibi, thalɔm tȧy təmaŋknɛ ȧte mə a te tȧrȧ. 3Tiyȧŋ tȧy o tȧy ȧte nə po pa ka ȧŋsum a tə təl ti ka ɔwaŋ. Ɔwa ȧte mə nə fɔfla ro ləns ka tȧkonko-e, a tə taməs ti ka ɛseth rokɔm. 4Ɔwa i kanɛ nu aŋyathki a mi, Te nu nesa ŋa aŋa gbəli dif aŋdɛr, kɛrɛ kədarəŋ kati aŋ gbəli hɛ yɔ koko. 5Kɛrɛ i ti maŋ nu ɔwe mə nə nesa. Nesa kɔ nu ɔwe, ma a po dif-e, kədarəŋ kati ɔ ba aŋfɔsɔ tə kəfitha ro yahanama. Aŋko, i kanɛ nu, nesa kɔ nu. 6A thila hɛ ɛgbaŋa tamath ta afokɔpɔ-i? Ɔwa Kurɔŋ ɔ pənɛ hɛ hali ukin ka ŋaŋ. 7Kɛrɛ hali aŋfon ŋa tabomp ta nu a po lɔm. Tiyȧŋ te nu nesa. Naŋ nə yi abȧki mɔlɔ pəthasi ɛgbaŋa alai. 8I kanɛ nu sɔ, wuni o wuni ɔwe gbithanɛ mi rodi ka aŋfəm, kɔnɔ sɔ, ɔWan ka wuni ɔ tə gbithanɛ kɔ rodi ka aŋmȧleka ŋa Kuru, 9kɛrɛ ɔwe mə pɛnsa mi rodi ka aŋfəm, a tə pɛnsa kɔ rodi ka aŋmȧleka ŋa Kuru. 10Bepi wuni o wuni ɔ fɔf ɔləs ta ɔWan ka wuni-e, a tə tera kɔ ti, kɛrɛ bepi wuni ɔ ŋamnɛ ɔYina məsəm-e a tera hɛ kɔ ti thəbana. 11Ɔwa maŋ kȧrȧ nu rodi ka aŋfəm abana ka ɛseth ɛgbanɛ yi rodi ka ŋatəbomp-e, yi rodi ka aŋbȧy-e, te ba asoli ta ȧte nə ba kəgbaki, yi ta ȧte nə ba kəpa; 12kotȧy-e ɔYina məsəm ɔ tə tɔri nu ka ȧŋlɔkɔ ŋati gbeŋ ȧte nə yi tə kəpa.
13Ka ukin ka ȧruniya ɔ pa ro ŋɔŋ, Karmɔkɔ, kanɛ ɔwɔnt mi kȧmȧ ɔ yer akɛŋ yi minɛŋ. 14kɔ pa ro ŋɔŋ, Wan, kanɛ bot mi tə kəyi ugbəka yi uyerəs rokɔm ka nu-e? 15kɔ pa ro ŋaŋ, Botnɛ nu, ɔwa bumnɛ nu ta ɛfɔr ɛyamari, ȧtesoma-e aŋesəm ŋa wuni aŋ yi hɛ ka mȧyɛt məgbathi ama ɔ ba. 16kɔ fɔf alomɔ ro ŋaŋ, ɔ pa, Akɔr ka uyola ulɔm kə wur ŋani ɔgbȧthi. 17kɔ pa ka ȧŋmerȧ ŋɔŋ, To mə i yɔ-e? kotȧy-e i ba hɛ dɛr ɔbeki tə kəbot mȧkomi ma mi. 18kɔ pa, Ȧte tə mə i yɔ; i ti yɛksi tȧfunk ta mi, i ti kȧl təmər təbana təthasi ȧte, ro mə i bot ȧpəla yi ɛyɛt ɛ mi bɛ. 19Ɔwa i ti pa ka ȧŋmerȧ mi, Ȧŋmerȧ mi, fothanɛ thɔŋ, di, mun, yɔ məbɔnɛ, kotȧy-e mə ba ɛyɛt ɛgbathi ta təren ǝgbathi. 20Kɛrɛ Kurɔŋ ɔ pa ro ŋɔŋ, Munɔ wuni pəŋk, thani tȧtȧk a tə fak aŋsar a mu. Ɔwa ɛyɛt ɛyɛ mə po bɛnɛnɛ, kanɛ mə ba yi-e?
21Ya ɔwuni ɔ yi ɔwe mə bɛnɛnɛ ɛyɛt ɛkɛŋ ta kɔn kɔnɔnɛ, ɔwa ɔ yi hɛ uyola ka ȧŋgbȧp ŋa Kuru.
22kɔ pa ka aŋkarande ŋɔŋ, I kanɛ nu, te nu ba asoli ta ɛŋesəm ɛ nu, ta ɛyɛ mə nə di, yi ta madɛr ma nu ta ɛyɛ mə nə wɔŋ. 23Pəkasifɛ aŋesəm aŋ thasi yɛt ɛdi, ɔwa aŋdɛr aŋ thasi yɛt ɛlopra.
24Tȧmtȧmnɛ ɛwendema, aŋ sak hɛ, aŋ rɔk hɛ, aŋ ba hɛ dɛr ɔbɛnɛnɛ, aŋ ba hɛ təfuŋk, kɛrɛ Kuru ɔ wɔnthər ŋa. Thamsinɛ naŋ nə yi abȧki mɔlɔ pəthasi ɛbȧmp! 25Wuni reke ka nu ɔwe mə gbəli bȧr hali mɔlɔ ma aloŋk ŋin ka kasaŋa kɔŋ-e? 26Ɔwa bepi mə gbəli hɛ yɔ ȧte yi təlɔl-e, kɔyɛŋ mə nə soli ta mȧtȧy məlɔm-e? 27Tȧmtȧmnɛ tȧyaba ta ro lal mɔ mə ɛ lɔkɔ, ɛ yɔ hɛ məpanth, ɛ sərəm hɛ, kɛrɛ i kanɛ nu, hali Sɔlɔmɔn ka aŋyiki ŋɔŋ bɛ ɔ lopra hɛ mɔ ŋin ŋa ɛye. 28Bepi Kuru ɔ lonsər naŋ akereŋ ȧke yi thonɔŋ, kɛrɛ ninaŋ a thɔi ki-e, pɔ tha gbethi ɔ tə lonsər nu, nia ŋa kəlanɛ kəthan! 29Te nu thɛns ara mə nə di, yi ara mə nə mun, ɔwa te sikɛ ka ɛmerȧ ɛ nu, 30kotȧy-e tȧbona ta ȧdȧru tə thɛns ɛyɛt ɛye bɛ; kɛrɛ ɔKas ka nu ɔ tȧrȧ kəpa nə yema ɛyɛt ɛye. 31Kɛrɛ thɛns nu rȧbȧy ra Kuru, ɔwa a tə bȧrȧ nu ɛyɛt ɛye bɛ. 32Kuthi kəlɔl, te nu nesa; pəkasifɛ pə thesis ɔKas ka nu tə kəsɔŋ nu rȧbȧy. 33Thila ɛyɛ nə ba, ɔwa sɔŋ ɛboya ka ȧŋmɔnɛ, bɛmpanɛ nu ɛbuthu ɛyɛ mə te kura, kɛŋ ka ro riyana ȧke mə te poŋ ro ukei ɔ te fat ɔwa amɔrka aŋ te ləsər. 34Ȧtesoma-e ro akɛŋ ka nu kə yi-e, rə ɛmerȧ ɛ nu ɛ yi sɔ.
35Ta nə yi na asenɛ, ɔwa ta ɛmothȧ ɛ nu ɛ mara; 36ɔwa yi nu mɔ afəm aŋa mə kar ɔMarki ka ŋaŋ, ma ɔ tə kȧlanɛ kəwur ka amet ma kənantə, kȧmȧ ma ɔ bek, ɔ gbȧtgbȧt-e, a kanthɛ kɔ lɛmp. 37Ɛbɔy ŋati aŋ ba ȧruba aŋa ɔMarki ɔ bəp ŋa aŋ yi akəli ma ɔ bek. Tɛntɛnɛ i kanɛ nu, ɔ tə bɛnɛnɛ, ɔ tə yɔ ŋa aŋ yirȧ tə kədi, ɔwa kɔn kɔnɔnɛ ɔ tə yɔna ŋa. 38Bepi ɔ bek ka kəren datɔŋ-e, thalɔm ma rasɔk rə bek-e, ɔ bəp ŋa yaŋ, ɛbɔy ŋati aŋ ba aruba. 39Tara nu kəpa bepi kɔn ɔwe ba ȧŋseth ɔ tȧrȧ ȧŋlɔkɔ aŋa ɔkei mɔ der-e, ɔ tə sɔkɔ naŋ, ɔwa ɔ selɔ hɛ naŋ kəpa a bɛs ȧŋseth ŋɔŋ. 40Ɔwa yi nu abɛnɛnɛ kotȧy-e ka ȧŋlɔkɔ aŋa nə te lanɛ ɔWan ka wuni ɔ tə der.
41Pita ɔ pa ro ŋɔŋ, Pa, saŋ mə fɔfȧnɛ aŋlomɔ aŋe-i, thalɔm ka afəm bɛ-i? 42ƆMariki ɔ pa, Kanɛ yi thɔŋ ȧŋbɔy ubɔthi lanɛ ɔwa utempi-e, ɔwe ɔMarki kɔŋ ɔ tə bot rokɔm ka kabɔr kɔŋ-e, tə kəsɔŋ ŋa ɛyɛt yaŋ ɛdi ka ȧŋlɔkɔ alompi-e? 43Ȧŋbɔy ŋati uruba wɔŋ ɔwe ɔMarki kɔŋ ɔ bəp kɔ ɔ yɔ yaŋ. 44I kanɛ nu ka tȧteŋ, ɔ tə bot kɔ rokɔm ka ɛyɛt bɛ ɛyɛ ɔ ba. 45Kɛrɛ bepi ȧŋbɔy ŋati ɔ pa ka ȧŋmerȧ nɔŋ, Pa-əŋ ɔ gbəli hɛ yeŋk der; ɔwa ɔ təp kəsap ɛbɔy aruni yi ɛbɔy abɛra, ɔwa ɔ di, ɔ mun, ɔ tis, 46ɔMarki ka ȧŋbɔy ŋati ɔ tə der ka ȧŋrey aŋa ɔ te nanɛ kɔ, ka ȧŋlɔkɔ aŋa ɔ te tȧrȧ, ɔwa ɔ tə sap kɔ ɔləs, ɔwa ɔ tə botȧ kɔ ani ka ante lanɛ. 47Ȧŋbɔy ŋati ɔwe tȧrȧ mȧselɔ ma ɔMarki kɔŋ, kɛrɛ ɔ bɛnɛnɛ hɛ, ɔ yɔ hɛ mȧselɔ mɔŋ, a tə sap kɔ ɔgbȧthi; 48kɛrɛ ɔwe te tȧrȧ, kɛrɛ ɔ yɔ mȧtȧy məbeki tə kəsɔthɔ kəsap, a tə sap kɔ ɔthan. Kotȧy-e rə wuni o wuni ɔwe a sɔŋ ɔgbȧthi a tə yemar kɔ ɔgbȧthi; ɔwa ka ɔwe a maŋkər ɔgbȧthi a tə yif ɔthasər.
49I der tə kəfak nȧnt ka ȧdȧru; ɔwa i fela naŋ kȧmȧ nə po mara thɔŋ. 50Kɛrɛ i ba ȧbaftisəm aŋa a ba tə kəbaftaysȧ mi; ɔwa ȧŋsɔmpanɛŋ a mi a bana haŋ aŋ poŋ! 51Nə nanɛ kəpa i der tə kəsɔŋ məthɔfəl ka raru-i? I kanɛ nu, yi thahɔ, i der tə kəsɔŋ məputhanɛ. 52Kətəp ka ȧŋlɔkɔ aŋe afəm tamath aŋ tə yi ka ȧŋseth ŋin, aŋsas aŋ tə puthanɛ yi aŋarəŋ, ɔwa aŋarəŋ aŋ tə puthanɛ yi aŋsas. 53Aŋ tə gbayanɛ, ɔkas ɔ tə puthanɛ yi ɔwan kɔŋ uruni, ɔwa ɔwan uruni ɔ tə puthanɛ yi ɔkas; ɔwa ɔwan ubɛra ɔ tə puthanɛ yi ɔkara, ɔwa ɔkara ɔ tə puthanɛ yi ɔwan ubɛra; ɔniŋkara yi ɔwe balȧ ka ɔwan kɔŋ uruni, ɔwa ɔwe balȧ ka ɔwan kɔŋ uruni yi ɔniŋkara.
54kɔ pa sɔ ka ȧsuniya, Ma nə nənk kərənt kȧbi kə ŋat ro pil, lɛmp nə pa, Kɔm kə tə der; ɔwa ya pə yɔnɛ. 55Bepi aŋfef ŋa kȧdiyɔ aŋ fɛŋ-e, nə pa, Pə tə yi ɔwon ɔthasər, ɔwa ya pə yɔnɛ. 56Naŋ amunafaki, nə tȧrȧ gbɛlɛŋ ȧŋthɔf yi ȧkuru, kɛrɛ to som naŋ nə te tȧrȧ tə kəgbɛlɛŋ ȧŋlɔkɔ aŋe-e? 57Ɔwa to som naŋ nə te gbək ȧtȧ yi təlompi-e? 58kotȧy-e mɔ mə nə taŋanɛ yi ɔtheranɛ ka mu tə kəkɔ rodi ka ɔgbək ɛpa, ma nə yi ras ro roŋ, mɛm kȧmȧ ɔ tera mu; ta thani ɔ liŋ mu ka ɔgbəka, ɔwa ɔgbəka ɔ lȧnki mu ka ȧŋbɔy, ɔwa ɔ bot mu ka ȧŋseth ŋa tərəŋka. 59I kanɛ mu mə wur hɛ ri rə roŋ o roŋ haŋ mə po ram ȧŋkɔpɔ aləpsɔ.
Currently Selected:
Luk 12: TMNNT
Highlight
Share
Copy
Want to have your highlights saved across all your devices? Sign up or sign in
Themne New Testament © The Bible Society of Sierra Leone, 2009.
Luk 12
12
1Ka ȧŋlɔkɔ ŋati, ma afəm ɛwul ɛgbathȧ aŋ thoŋklanɛ rɔkin haŋ aŋ nasanɛ, Yisɔsȧŋ ɔ mɔtha təp tə kəfɔfanɛ aŋkarande ŋɔŋ, ɔ pa, Botnɛ nu ta ɛgbith ya aŋFarisi, ɛyɛ yi rəmunafaki 2kotȧy-e tȧy təgbəpər tə yi hɛ ȧte mə a te ŋaibi, thalɔm tȧy təmaŋknɛ ȧte mə a te tȧrȧ. 3Tiyȧŋ tȧy o tȧy ȧte nə po pa ka ȧŋsum a tə təl ti ka ɔwaŋ. Ɔwa ȧte mə nə fɔfla ro ləns ka tȧkonko-e, a tə taməs ti ka ɛseth rokɔm. 4Ɔwa i kanɛ nu aŋyathki a mi, Te nu nesa ŋa aŋa gbəli dif aŋdɛr, kɛrɛ kədarəŋ kati aŋ gbəli hɛ yɔ koko. 5Kɛrɛ i ti maŋ nu ɔwe mə nə nesa. Nesa kɔ nu ɔwe, ma a po dif-e, kədarəŋ kati ɔ ba aŋfɔsɔ tə kəfitha ro yahanama. Aŋko, i kanɛ nu, nesa kɔ nu. 6A thila hɛ ɛgbaŋa tamath ta afokɔpɔ-i? Ɔwa Kurɔŋ ɔ pənɛ hɛ hali ukin ka ŋaŋ. 7Kɛrɛ hali aŋfon ŋa tabomp ta nu a po lɔm. Tiyȧŋ te nu nesa. Naŋ nə yi abȧki mɔlɔ pəthasi ɛgbaŋa alai. 8I kanɛ nu sɔ, wuni o wuni ɔwe gbithanɛ mi rodi ka aŋfəm, kɔnɔ sɔ, ɔWan ka wuni ɔ tə gbithanɛ kɔ rodi ka aŋmȧleka ŋa Kuru, 9kɛrɛ ɔwe mə pɛnsa mi rodi ka aŋfəm, a tə pɛnsa kɔ rodi ka aŋmȧleka ŋa Kuru. 10Bepi wuni o wuni ɔ fɔf ɔləs ta ɔWan ka wuni-e, a tə tera kɔ ti, kɛrɛ bepi wuni ɔ ŋamnɛ ɔYina məsəm-e a tera hɛ kɔ ti thəbana. 11Ɔwa maŋ kȧrȧ nu rodi ka aŋfəm abana ka ɛseth ɛgbanɛ yi rodi ka ŋatəbomp-e, yi rodi ka aŋbȧy-e, te ba asoli ta ȧte nə ba kəgbaki, yi ta ȧte nə ba kəpa; 12kotȧy-e ɔYina məsəm ɔ tə tɔri nu ka ȧŋlɔkɔ ŋati gbeŋ ȧte nə yi tə kəpa.
13Ka ukin ka ȧruniya ɔ pa ro ŋɔŋ, Karmɔkɔ, kanɛ ɔwɔnt mi kȧmȧ ɔ yer akɛŋ yi minɛŋ. 14kɔ pa ro ŋɔŋ, Wan, kanɛ bot mi tə kəyi ugbəka yi uyerəs rokɔm ka nu-e? 15kɔ pa ro ŋaŋ, Botnɛ nu, ɔwa bumnɛ nu ta ɛfɔr ɛyamari, ȧtesoma-e aŋesəm ŋa wuni aŋ yi hɛ ka mȧyɛt məgbathi ama ɔ ba. 16kɔ fɔf alomɔ ro ŋaŋ, ɔ pa, Akɔr ka uyola ulɔm kə wur ŋani ɔgbȧthi. 17kɔ pa ka ȧŋmerȧ ŋɔŋ, To mə i yɔ-e? kotȧy-e i ba hɛ dɛr ɔbeki tə kəbot mȧkomi ma mi. 18kɔ pa, Ȧte tə mə i yɔ; i ti yɛksi tȧfunk ta mi, i ti kȧl təmər təbana təthasi ȧte, ro mə i bot ȧpəla yi ɛyɛt ɛ mi bɛ. 19Ɔwa i ti pa ka ȧŋmerȧ mi, Ȧŋmerȧ mi, fothanɛ thɔŋ, di, mun, yɔ məbɔnɛ, kotȧy-e mə ba ɛyɛt ɛgbathi ta təren ǝgbathi. 20Kɛrɛ Kurɔŋ ɔ pa ro ŋɔŋ, Munɔ wuni pəŋk, thani tȧtȧk a tə fak aŋsar a mu. Ɔwa ɛyɛt ɛyɛ mə po bɛnɛnɛ, kanɛ mə ba yi-e?
21Ya ɔwuni ɔ yi ɔwe mə bɛnɛnɛ ɛyɛt ɛkɛŋ ta kɔn kɔnɔnɛ, ɔwa ɔ yi hɛ uyola ka ȧŋgbȧp ŋa Kuru.
22kɔ pa ka aŋkarande ŋɔŋ, I kanɛ nu, te nu ba asoli ta ɛŋesəm ɛ nu, ta ɛyɛ mə nə di, yi ta madɛr ma nu ta ɛyɛ mə nə wɔŋ. 23Pəkasifɛ aŋesəm aŋ thasi yɛt ɛdi, ɔwa aŋdɛr aŋ thasi yɛt ɛlopra.
24Tȧmtȧmnɛ ɛwendema, aŋ sak hɛ, aŋ rɔk hɛ, aŋ ba hɛ dɛr ɔbɛnɛnɛ, aŋ ba hɛ təfuŋk, kɛrɛ Kuru ɔ wɔnthər ŋa. Thamsinɛ naŋ nə yi abȧki mɔlɔ pəthasi ɛbȧmp! 25Wuni reke ka nu ɔwe mə gbəli bȧr hali mɔlɔ ma aloŋk ŋin ka kasaŋa kɔŋ-e? 26Ɔwa bepi mə gbəli hɛ yɔ ȧte yi təlɔl-e, kɔyɛŋ mə nə soli ta mȧtȧy məlɔm-e? 27Tȧmtȧmnɛ tȧyaba ta ro lal mɔ mə ɛ lɔkɔ, ɛ yɔ hɛ məpanth, ɛ sərəm hɛ, kɛrɛ i kanɛ nu, hali Sɔlɔmɔn ka aŋyiki ŋɔŋ bɛ ɔ lopra hɛ mɔ ŋin ŋa ɛye. 28Bepi Kuru ɔ lonsər naŋ akereŋ ȧke yi thonɔŋ, kɛrɛ ninaŋ a thɔi ki-e, pɔ tha gbethi ɔ tə lonsər nu, nia ŋa kəlanɛ kəthan! 29Te nu thɛns ara mə nə di, yi ara mə nə mun, ɔwa te sikɛ ka ɛmerȧ ɛ nu, 30kotȧy-e tȧbona ta ȧdȧru tə thɛns ɛyɛt ɛye bɛ; kɛrɛ ɔKas ka nu ɔ tȧrȧ kəpa nə yema ɛyɛt ɛye. 31Kɛrɛ thɛns nu rȧbȧy ra Kuru, ɔwa a tə bȧrȧ nu ɛyɛt ɛye bɛ. 32Kuthi kəlɔl, te nu nesa; pəkasifɛ pə thesis ɔKas ka nu tə kəsɔŋ nu rȧbȧy. 33Thila ɛyɛ nə ba, ɔwa sɔŋ ɛboya ka ȧŋmɔnɛ, bɛmpanɛ nu ɛbuthu ɛyɛ mə te kura, kɛŋ ka ro riyana ȧke mə te poŋ ro ukei ɔ te fat ɔwa amɔrka aŋ te ləsər. 34Ȧtesoma-e ro akɛŋ ka nu kə yi-e, rə ɛmerȧ ɛ nu ɛ yi sɔ.
35Ta nə yi na asenɛ, ɔwa ta ɛmothȧ ɛ nu ɛ mara; 36ɔwa yi nu mɔ afəm aŋa mə kar ɔMarki ka ŋaŋ, ma ɔ tə kȧlanɛ kəwur ka amet ma kənantə, kȧmȧ ma ɔ bek, ɔ gbȧtgbȧt-e, a kanthɛ kɔ lɛmp. 37Ɛbɔy ŋati aŋ ba ȧruba aŋa ɔMarki ɔ bəp ŋa aŋ yi akəli ma ɔ bek. Tɛntɛnɛ i kanɛ nu, ɔ tə bɛnɛnɛ, ɔ tə yɔ ŋa aŋ yirȧ tə kədi, ɔwa kɔn kɔnɔnɛ ɔ tə yɔna ŋa. 38Bepi ɔ bek ka kəren datɔŋ-e, thalɔm ma rasɔk rə bek-e, ɔ bəp ŋa yaŋ, ɛbɔy ŋati aŋ ba aruba. 39Tara nu kəpa bepi kɔn ɔwe ba ȧŋseth ɔ tȧrȧ ȧŋlɔkɔ aŋa ɔkei mɔ der-e, ɔ tə sɔkɔ naŋ, ɔwa ɔ selɔ hɛ naŋ kəpa a bɛs ȧŋseth ŋɔŋ. 40Ɔwa yi nu abɛnɛnɛ kotȧy-e ka ȧŋlɔkɔ aŋa nə te lanɛ ɔWan ka wuni ɔ tə der.
41Pita ɔ pa ro ŋɔŋ, Pa, saŋ mə fɔfȧnɛ aŋlomɔ aŋe-i, thalɔm ka afəm bɛ-i? 42ƆMariki ɔ pa, Kanɛ yi thɔŋ ȧŋbɔy ubɔthi lanɛ ɔwa utempi-e, ɔwe ɔMarki kɔŋ ɔ tə bot rokɔm ka kabɔr kɔŋ-e, tə kəsɔŋ ŋa ɛyɛt yaŋ ɛdi ka ȧŋlɔkɔ alompi-e? 43Ȧŋbɔy ŋati uruba wɔŋ ɔwe ɔMarki kɔŋ ɔ bəp kɔ ɔ yɔ yaŋ. 44I kanɛ nu ka tȧteŋ, ɔ tə bot kɔ rokɔm ka ɛyɛt bɛ ɛyɛ ɔ ba. 45Kɛrɛ bepi ȧŋbɔy ŋati ɔ pa ka ȧŋmerȧ nɔŋ, Pa-əŋ ɔ gbəli hɛ yeŋk der; ɔwa ɔ təp kəsap ɛbɔy aruni yi ɛbɔy abɛra, ɔwa ɔ di, ɔ mun, ɔ tis, 46ɔMarki ka ȧŋbɔy ŋati ɔ tə der ka ȧŋrey aŋa ɔ te nanɛ kɔ, ka ȧŋlɔkɔ aŋa ɔ te tȧrȧ, ɔwa ɔ tə sap kɔ ɔləs, ɔwa ɔ tə botȧ kɔ ani ka ante lanɛ. 47Ȧŋbɔy ŋati ɔwe tȧrȧ mȧselɔ ma ɔMarki kɔŋ, kɛrɛ ɔ bɛnɛnɛ hɛ, ɔ yɔ hɛ mȧselɔ mɔŋ, a tə sap kɔ ɔgbȧthi; 48kɛrɛ ɔwe te tȧrȧ, kɛrɛ ɔ yɔ mȧtȧy məbeki tə kəsɔthɔ kəsap, a tə sap kɔ ɔthan. Kotȧy-e rə wuni o wuni ɔwe a sɔŋ ɔgbȧthi a tə yemar kɔ ɔgbȧthi; ɔwa ka ɔwe a maŋkər ɔgbȧthi a tə yif ɔthasər.
49I der tə kəfak nȧnt ka ȧdȧru; ɔwa i fela naŋ kȧmȧ nə po mara thɔŋ. 50Kɛrɛ i ba ȧbaftisəm aŋa a ba tə kəbaftaysȧ mi; ɔwa ȧŋsɔmpanɛŋ a mi a bana haŋ aŋ poŋ! 51Nə nanɛ kəpa i der tə kəsɔŋ məthɔfəl ka raru-i? I kanɛ nu, yi thahɔ, i der tə kəsɔŋ məputhanɛ. 52Kətəp ka ȧŋlɔkɔ aŋe afəm tamath aŋ tə yi ka ȧŋseth ŋin, aŋsas aŋ tə puthanɛ yi aŋarəŋ, ɔwa aŋarəŋ aŋ tə puthanɛ yi aŋsas. 53Aŋ tə gbayanɛ, ɔkas ɔ tə puthanɛ yi ɔwan kɔŋ uruni, ɔwa ɔwan uruni ɔ tə puthanɛ yi ɔkas; ɔwa ɔwan ubɛra ɔ tə puthanɛ yi ɔkara, ɔwa ɔkara ɔ tə puthanɛ yi ɔwan ubɛra; ɔniŋkara yi ɔwe balȧ ka ɔwan kɔŋ uruni, ɔwa ɔwe balȧ ka ɔwan kɔŋ uruni yi ɔniŋkara.
54kɔ pa sɔ ka ȧsuniya, Ma nə nənk kərənt kȧbi kə ŋat ro pil, lɛmp nə pa, Kɔm kə tə der; ɔwa ya pə yɔnɛ. 55Bepi aŋfef ŋa kȧdiyɔ aŋ fɛŋ-e, nə pa, Pə tə yi ɔwon ɔthasər, ɔwa ya pə yɔnɛ. 56Naŋ amunafaki, nə tȧrȧ gbɛlɛŋ ȧŋthɔf yi ȧkuru, kɛrɛ to som naŋ nə te tȧrȧ tə kəgbɛlɛŋ ȧŋlɔkɔ aŋe-e? 57Ɔwa to som naŋ nə te gbək ȧtȧ yi təlompi-e? 58kotȧy-e mɔ mə nə taŋanɛ yi ɔtheranɛ ka mu tə kəkɔ rodi ka ɔgbək ɛpa, ma nə yi ras ro roŋ, mɛm kȧmȧ ɔ tera mu; ta thani ɔ liŋ mu ka ɔgbəka, ɔwa ɔgbəka ɔ lȧnki mu ka ȧŋbɔy, ɔwa ɔ bot mu ka ȧŋseth ŋa tərəŋka. 59I kanɛ mu mə wur hɛ ri rə roŋ o roŋ haŋ mə po ram ȧŋkɔpɔ aləpsɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Themne New Testament © The Bible Society of Sierra Leone, 2009.