Mathiu 21
21
1Maŋ fatǝr ro Yerusalɛm-e, ɔwa aŋ bek ro Bɛthfeki ka kateŋ ka Ɔlif-e, Yisɔsȧŋ ɔ som aŋkarande ŋarǝŋ, 2ɔ pa ro rɔŋaŋ, Kɔ nu ka kagbɔm ȧke lomanɛ nu, ɔwa nǝ tǝ bǝp ri asofali ukotǝr, yi ɔwan kɔŋ ufɛth. Sǝli ŋa nu kȧmȧ nǝ kȧrȧ ŋa ro mi. 3Bepi wuni o wuni ɔ pa rim ro rɔnu, pa nu, ƆMariki kɔnɔ yema ŋa, kɛrɛ ɔ tǝ kȧl somra ŋa. 4Ȧte bɛ tǝ po yi kȧmȧ ȧrim ra ɔnȧbi rǝ lasǝr ara pa,
5Kanɛ nu ɔwan ubɛra ka ro Sayɔn,
Kǝli ɔbȧy ka mu ɔ der ro rɔmu,
Uthɔfǝl bɛm, ɔ rensa asofali,
Asofali ufɛth.
6Ka aŋkarande aŋ kɔnɛ, aŋ yɔ mɔ mǝ Yisɔs ɔ kanɛ ŋa, 7kaŋ kȧrȧ aŋsofali yi ɔwan kɔŋ ufɛth, kaŋ reŋ ŋa ȧsuma taŋ, kɔ yirȧ rokɔm kati, 8Ka agbȧthi ka ȧruniya aŋ rɛn ȧsuma taŋ ro roŋ. Alɔm aŋ gbǝk mara ka ɛyint-e, kaŋ rɛn ma ro roŋ. 9Ka ȧsuniya ȧte yi kɔ rodi yi ŋaŋ aŋa tȧŋ kɔ, aŋ sel ɛrɔŋ, kaŋ pa, Hosana ka ɔwan ka Debid. Uruba wɔŋ ɔwe der ka ȧŋes ŋa ɔMarki, Hosana ka rokɔm kɔm bɛ! 10Ma ɔ po bek ro Yerusalɛm-e, kȧpet bɛ kǝ yagba, kǝ pa, Kanɛ ɔwe-e? 11Ka ȧsuniya tǝ pa, Yisɔsȧŋ, ɔnȧbi ka ro Nasarɛth ake ro Kalili, kɔnɔȧŋ.
12Ka Yisɔsȧŋ ɔ wɔŋ ka ȧŋseth ŋa Kuru, kɔ wurɔ ŋa bɛ aŋa thila dɛ yi aŋa wais ka ȧŋseth ŋa Kuru, kɔ thuŋkli ɛthebul ya aŋsinkar ɛkala, dɛ yi ɔyira wa ŋaŋ aŋa thila tǝpǝrǝm. 13kɔ pa ro ŋaŋ, A po gbal kǝpa, Ȧŋseth a mi a tǝ bont ŋi ȧseth ŋa kǝramnɛ, kɛrɛ naŋ-e, nǝ po sǝki ŋi kǝyanka ka akey.
14Ɔwa aŋfith yi antǝtkɛ aŋ der ro ŋɔŋ ka ȧŋseth ŋa Kuru, kɔ yeŋkǝs ŋa. 15Ma aŋkərbomp kǝtɔŋ ka aŋfode yi aŋkarmɔkɔ aŋ nənk mȧtȧy mǝkabanɛ ama ɔ yɔ-e, yi aŋfɛth aŋa lensir ka ȧŋseth ŋa Kuru, aŋ pa, Hosana ka ɔwan ka Debid; pǝ bansȧnɛ ŋa, 16kaŋ pa ro ŋɔŋ, Mǝ tǝl ȧte aŋe aŋ pa-i? Ka
Yisɔsȧŋ ɔ pa ro ŋaŋ, Aŋko; naŋ nǝ la hɛ karaŋ kǝpa, Mǝ po gbenthis kǝthɔkǝs kǝwur ka
tasǝŋ ta afɛth yi tǝlɛnth-i?
17kɔ tey ŋa, ɔ wur ro pet ɔ kɔnɛ ro Bɛthani, kɔ yianɛ ri.
18Ɔwa ka rǝbǝth rǝlɔm mɔ mǝ ɔ kȧl ro pet-e, dor rǝ wop kɔ. 19Ma ɔ nənk ŋǝnt ŋa aŋgbɔnɔ ro roŋ dayɛr-e, ɔ fatǝr ŋi, kɛrɛ ɔ bǝp hɛ ri koko pǝthas gbo ɛbɔpǝr son, kɔ kanɛ ŋi, Ta akomi aŋ te sɔ wur mu thȧnkȧŋ. Ka ɔlɛmp wati aŋǝnt ŋa aŋgbɔnɔ aŋ wela. 20Ma aŋkarande aŋ nənk ti-e, aŋ kabanɛ, kaŋ pa, To som aŋǝnt ŋa aŋgbɔnɔ aŋ wela lɛmp-e? 21Ka Yisɔsȧŋ ɔ wosa, ɔ pa ro ŋaŋ, Tɛntɛnɛ i pa ro nu, Bepi nǝ ba kǝlanɛ-e, ɔwa nǝ sikɛ hɛ-e, nǝ ba hɛ gbo kǝyɔ ȧte i yɔ aŋǝnt ŋa aŋgbɔnɔ-e, kɛrɛ hali nǝ pa ka kateŋ ake, Yokanɛ mǝ fithanɛ ro baŋ, pǝ tǝ yɔnɛ. 22Ɔwa koko ara mǝ nǝ yif rǝ kǝramnɛ, bepi nǝ lanɛ-e, nǝ tǝ sɔthɔ.
23Ma ɔ po wɔŋ ka ȧŋseth ŋa Kuru-e, aŋkərbomp kǝtɔŋ ka aŋfode yi aŋbȧki ŋa aŋfǝm aŋ der ro ŋɔŋ mɔ mǝ ɔ thǝksa, kaŋ pa, Rǝ afɔsɔ areke mǝ mǝ yɔ mȧtȧy ame-e, ɔwa kanɛ sɔŋ mu aŋfɔsɔ aŋe-ȧ? 24Ka Yisɔsȧŋ ɔ wosa ɔ pa, Minɛ sɔ i ti yif nu ȧyif ŋin. Bepi nǝ gbakia mi ŋi-e, minɛ sɔ i ti tɔri nu aŋfɔsɔ aŋa mǝ i yɔ mȧtȧy ame. 25Ȧŋbaftisəm ŋa Yɔn-e, reke aŋ wur-e? Ka Kuru thalɔm rǝ afǝm-i? kaŋ fɔfǝranɛ aŋ pa, Bepi sǝ pa, Ka Kuru-e, ɔ tǝ pa ro rɔsu, Ɔwa kɔyɛŋ nǝ te lanɛ kɔ-e? 26Bepi sǝ pa, Rǝ afǝm, sǝ nesa ȧruniya, kotȧy-e afǝm bɛ aŋ wop Yɔnȧŋ mɔ unabi. 27kaŋ wosȧnɛ Yisɔsȧŋ, aŋ pa, Sǝ tɛ hɛ. Ka Yisɔs ɔ pa ro ŋaŋ, Minɛ sɔ i tɔri hɛ nu aŋfɔsɔ aŋa mǝ i yɔ mȧtȧy ame.
28Kɛrɛ to naŋ nǝ nanɛ-e? Wuni lɔm ɔ ba awuth aruni ŋarǝŋ. Ɔ der ka ɔtɔtɔkɔ, kɔ pa, Wan kȧmi, kɔ thonɔŋ yɔ mǝpanth ro kɔr kȧmi. 29kɔ lasi ɔ pa, I selɔ hɛ; kɛrɛ kǝdarǝŋ kati ɔ siŋkar ȧŋmerȧ ŋɔŋ, ɔ kɔnɛ. 30kɔ der ka ɔwe bekȧ ŋarǝŋ-e, kɔ pa yaŋ sɔ, kɔ wosa ɔ pa, I selɔ Pa; kɛrɛ ɔ kɔ hɛ bɛ. 31Ka ŋa ŋarǝŋ aŋe-e, kanɛ yɔ mȧselɔ ma ɔkas kɔŋ-e? kaŋ pa ro ŋɔŋ, Ɔtɔtɔkɔ. Ka Yisɔsȧŋ ɔ pa ro ŋaŋ, Tɛntɛnɛ i kanɛ nu kǝpa aŋthoŋkla ɛfȧk yi aŋbɛra arǝpi aŋ tǝ mɔtha nu wɔŋ ka rȧbȧy ra Kuru. 32kotȧy-e Yɔnȧŋ ɔ der ro nu ka aroŋ da mǝlompi, ka nǝ te kɔ lanɛ; kɛrɛ aŋthoŋkla ɛfȧk yi aŋbɛra arǝpi aŋ lanɛ kɔ. Ɔwa naŋ-e, hali ma nǝ nənk ti-e, nǝ siŋkar hɛ ɛmerȧ ɛ nu kȧmȧ nǝ lanɛ kɔ.
33Tǝl nu alomɔ alɔm. Ukas ka aseth ɔ yi ri ɔwe tɛp kɔr ka yɛt ɛgbam, kɔ gbǝtɔr ki ȧkunk-e, ɔ bɛmpa dɛr ɔyɛkǝs, ɔ tǝmǝr ri aseth abɔli rǝkɔm, kɔ sɔŋ ki rǝ ȧbȧf, ɔ kɔnɛ rǝ athɔf alɔm. 34Ɔwa ma ȧŋlɔkɔ ŋa mȧkomi aŋ fat-e, ɔ som ɛbɔy yɔŋ ka aŋbȧf tǝ kǝsɔthɔ mȧkomi mɔŋ. 35Ka aŋbȧf aŋ gbasi ɛbɔy yɔŋ aŋ sap ukin, aŋ dif ukin, aŋ lǝmǝs ulɔm mǝsar. 36kɔ kȧl som ɛbɔy alɔm agbȧthi athasi aŋtɔtɔkɔ. Kaŋ kȧl sɔ yɔ ŋa yaŋ. 37Kǝdarǝŋ kati ɔ som ɔwan kɔŋ uruni ro ŋaŋ, ɔ pa, Aŋ tǝ tȧrȧ ɔwan kȧmi uruni rǝka. 38Kɛrɛ aŋbȧf maŋ nənk ɔwan-e, aŋ fɔfǝranɛ, kaŋ pa, Ɔwe mǝ re ba akɛŋ, kɔnɔ ɔwe. Der, maŋ dif kɔ nu kȧmȧ sǝ gbasi akɛŋ kɔŋ. 39kaŋ wop kɔ, aŋ wurɔ kɔ ro kɔr, kaŋ dif kɔ. 40Tiyȧŋ ma ɔmarki ka akɔr ka ɛyɛt ɛgbam ɔ der-e, to mǝ ɔ yɔ aŋbȧf ŋati-e? 41kaŋ pa ro ŋɔŋ, Ɔ tǝ dif aŋfǝm alǝs ŋati kǝdif kǝlǝs, ɔ tǝ sɔŋ akɔr ka ɛyɛt ɛgbam rǝ ȧbȧf alɔm aŋa mǝ sɔŋ kɔ mȧkomi ka ȧŋlɔkɔ ŋati.
42Ka Yisɔsȧŋ ɔ pa ro ŋaŋ, Nǝ la hɛ karaŋ ka mȧgbal mǝsǝm,
Aŋsar aŋa aŋsȧl aŋ pɛnsa-e,
gbeŋ, a sǝki ŋi rȧbomp ra ȧŋkoŋ.
Aŋe aŋ wur ka Kuru,
Ɔwa tȧy tȧŋ ka ɛfɔr ɛ su-i?
43Tiyȧŋ i pa ro rɔnu, A tǝ nɔy nu rȧbȧy ra Kuru, a tǝ sɔŋ ri abona aŋa mǝ wurɔ mȧkomi mati. 44Ɔwa wuni o wuni ɔwe mǝ fumpɔ ka aŋsar aŋe a tǝ simǝth kɔ yɛkǝth yɛkǝth. Kɛrɛ wuni o wuni ɔwe mǝ aŋ fumpǝr-e, aŋ tǝ gbǝm kɔ sir mɔ kǝbof.
45Ma aŋkərbomp kǝtɔŋ ka aŋfode yi aŋFarisi aŋ tǝl ɛlomɔ yɔŋ-e, aŋ sɔthnɛ kǝpa ɔ fɔf ta ȧte ŋaŋ. 46Kɛrɛ maŋ thɛns tǝ kǝwop kɔ-e, aŋ nesa ȧsuniya, kotȧy-e aŋ gbasi kɔ tǝ kǝyi unabi.
Currently Selected:
Mathiu 21: TMNNT
Highlight
Share
Copy
Want to have your highlights saved across all your devices? Sign up or sign in
Themne New Testament © The Bible Society of Sierra Leone, 2009.
Mathiu 21
21
1Maŋ fatǝr ro Yerusalɛm-e, ɔwa aŋ bek ro Bɛthfeki ka kateŋ ka Ɔlif-e, Yisɔsȧŋ ɔ som aŋkarande ŋarǝŋ, 2ɔ pa ro rɔŋaŋ, Kɔ nu ka kagbɔm ȧke lomanɛ nu, ɔwa nǝ tǝ bǝp ri asofali ukotǝr, yi ɔwan kɔŋ ufɛth. Sǝli ŋa nu kȧmȧ nǝ kȧrȧ ŋa ro mi. 3Bepi wuni o wuni ɔ pa rim ro rɔnu, pa nu, ƆMariki kɔnɔ yema ŋa, kɛrɛ ɔ tǝ kȧl somra ŋa. 4Ȧte bɛ tǝ po yi kȧmȧ ȧrim ra ɔnȧbi rǝ lasǝr ara pa,
5Kanɛ nu ɔwan ubɛra ka ro Sayɔn,
Kǝli ɔbȧy ka mu ɔ der ro rɔmu,
Uthɔfǝl bɛm, ɔ rensa asofali,
Asofali ufɛth.
6Ka aŋkarande aŋ kɔnɛ, aŋ yɔ mɔ mǝ Yisɔs ɔ kanɛ ŋa, 7kaŋ kȧrȧ aŋsofali yi ɔwan kɔŋ ufɛth, kaŋ reŋ ŋa ȧsuma taŋ, kɔ yirȧ rokɔm kati, 8Ka agbȧthi ka ȧruniya aŋ rɛn ȧsuma taŋ ro roŋ. Alɔm aŋ gbǝk mara ka ɛyint-e, kaŋ rɛn ma ro roŋ. 9Ka ȧsuniya ȧte yi kɔ rodi yi ŋaŋ aŋa tȧŋ kɔ, aŋ sel ɛrɔŋ, kaŋ pa, Hosana ka ɔwan ka Debid. Uruba wɔŋ ɔwe der ka ȧŋes ŋa ɔMarki, Hosana ka rokɔm kɔm bɛ! 10Ma ɔ po bek ro Yerusalɛm-e, kȧpet bɛ kǝ yagba, kǝ pa, Kanɛ ɔwe-e? 11Ka ȧsuniya tǝ pa, Yisɔsȧŋ, ɔnȧbi ka ro Nasarɛth ake ro Kalili, kɔnɔȧŋ.
12Ka Yisɔsȧŋ ɔ wɔŋ ka ȧŋseth ŋa Kuru, kɔ wurɔ ŋa bɛ aŋa thila dɛ yi aŋa wais ka ȧŋseth ŋa Kuru, kɔ thuŋkli ɛthebul ya aŋsinkar ɛkala, dɛ yi ɔyira wa ŋaŋ aŋa thila tǝpǝrǝm. 13kɔ pa ro ŋaŋ, A po gbal kǝpa, Ȧŋseth a mi a tǝ bont ŋi ȧseth ŋa kǝramnɛ, kɛrɛ naŋ-e, nǝ po sǝki ŋi kǝyanka ka akey.
14Ɔwa aŋfith yi antǝtkɛ aŋ der ro ŋɔŋ ka ȧŋseth ŋa Kuru, kɔ yeŋkǝs ŋa. 15Ma aŋkərbomp kǝtɔŋ ka aŋfode yi aŋkarmɔkɔ aŋ nənk mȧtȧy mǝkabanɛ ama ɔ yɔ-e, yi aŋfɛth aŋa lensir ka ȧŋseth ŋa Kuru, aŋ pa, Hosana ka ɔwan ka Debid; pǝ bansȧnɛ ŋa, 16kaŋ pa ro ŋɔŋ, Mǝ tǝl ȧte aŋe aŋ pa-i? Ka
Yisɔsȧŋ ɔ pa ro ŋaŋ, Aŋko; naŋ nǝ la hɛ karaŋ kǝpa, Mǝ po gbenthis kǝthɔkǝs kǝwur ka
tasǝŋ ta afɛth yi tǝlɛnth-i?
17kɔ tey ŋa, ɔ wur ro pet ɔ kɔnɛ ro Bɛthani, kɔ yianɛ ri.
18Ɔwa ka rǝbǝth rǝlɔm mɔ mǝ ɔ kȧl ro pet-e, dor rǝ wop kɔ. 19Ma ɔ nənk ŋǝnt ŋa aŋgbɔnɔ ro roŋ dayɛr-e, ɔ fatǝr ŋi, kɛrɛ ɔ bǝp hɛ ri koko pǝthas gbo ɛbɔpǝr son, kɔ kanɛ ŋi, Ta akomi aŋ te sɔ wur mu thȧnkȧŋ. Ka ɔlɛmp wati aŋǝnt ŋa aŋgbɔnɔ aŋ wela. 20Ma aŋkarande aŋ nənk ti-e, aŋ kabanɛ, kaŋ pa, To som aŋǝnt ŋa aŋgbɔnɔ aŋ wela lɛmp-e? 21Ka Yisɔsȧŋ ɔ wosa, ɔ pa ro ŋaŋ, Tɛntɛnɛ i pa ro nu, Bepi nǝ ba kǝlanɛ-e, ɔwa nǝ sikɛ hɛ-e, nǝ ba hɛ gbo kǝyɔ ȧte i yɔ aŋǝnt ŋa aŋgbɔnɔ-e, kɛrɛ hali nǝ pa ka kateŋ ake, Yokanɛ mǝ fithanɛ ro baŋ, pǝ tǝ yɔnɛ. 22Ɔwa koko ara mǝ nǝ yif rǝ kǝramnɛ, bepi nǝ lanɛ-e, nǝ tǝ sɔthɔ.
23Ma ɔ po wɔŋ ka ȧŋseth ŋa Kuru-e, aŋkərbomp kǝtɔŋ ka aŋfode yi aŋbȧki ŋa aŋfǝm aŋ der ro ŋɔŋ mɔ mǝ ɔ thǝksa, kaŋ pa, Rǝ afɔsɔ areke mǝ mǝ yɔ mȧtȧy ame-e, ɔwa kanɛ sɔŋ mu aŋfɔsɔ aŋe-ȧ? 24Ka Yisɔsȧŋ ɔ wosa ɔ pa, Minɛ sɔ i ti yif nu ȧyif ŋin. Bepi nǝ gbakia mi ŋi-e, minɛ sɔ i ti tɔri nu aŋfɔsɔ aŋa mǝ i yɔ mȧtȧy ame. 25Ȧŋbaftisəm ŋa Yɔn-e, reke aŋ wur-e? Ka Kuru thalɔm rǝ afǝm-i? kaŋ fɔfǝranɛ aŋ pa, Bepi sǝ pa, Ka Kuru-e, ɔ tǝ pa ro rɔsu, Ɔwa kɔyɛŋ nǝ te lanɛ kɔ-e? 26Bepi sǝ pa, Rǝ afǝm, sǝ nesa ȧruniya, kotȧy-e afǝm bɛ aŋ wop Yɔnȧŋ mɔ unabi. 27kaŋ wosȧnɛ Yisɔsȧŋ, aŋ pa, Sǝ tɛ hɛ. Ka Yisɔs ɔ pa ro ŋaŋ, Minɛ sɔ i tɔri hɛ nu aŋfɔsɔ aŋa mǝ i yɔ mȧtȧy ame.
28Kɛrɛ to naŋ nǝ nanɛ-e? Wuni lɔm ɔ ba awuth aruni ŋarǝŋ. Ɔ der ka ɔtɔtɔkɔ, kɔ pa, Wan kȧmi, kɔ thonɔŋ yɔ mǝpanth ro kɔr kȧmi. 29kɔ lasi ɔ pa, I selɔ hɛ; kɛrɛ kǝdarǝŋ kati ɔ siŋkar ȧŋmerȧ ŋɔŋ, ɔ kɔnɛ. 30kɔ der ka ɔwe bekȧ ŋarǝŋ-e, kɔ pa yaŋ sɔ, kɔ wosa ɔ pa, I selɔ Pa; kɛrɛ ɔ kɔ hɛ bɛ. 31Ka ŋa ŋarǝŋ aŋe-e, kanɛ yɔ mȧselɔ ma ɔkas kɔŋ-e? kaŋ pa ro ŋɔŋ, Ɔtɔtɔkɔ. Ka Yisɔsȧŋ ɔ pa ro ŋaŋ, Tɛntɛnɛ i kanɛ nu kǝpa aŋthoŋkla ɛfȧk yi aŋbɛra arǝpi aŋ tǝ mɔtha nu wɔŋ ka rȧbȧy ra Kuru. 32kotȧy-e Yɔnȧŋ ɔ der ro nu ka aroŋ da mǝlompi, ka nǝ te kɔ lanɛ; kɛrɛ aŋthoŋkla ɛfȧk yi aŋbɛra arǝpi aŋ lanɛ kɔ. Ɔwa naŋ-e, hali ma nǝ nənk ti-e, nǝ siŋkar hɛ ɛmerȧ ɛ nu kȧmȧ nǝ lanɛ kɔ.
33Tǝl nu alomɔ alɔm. Ukas ka aseth ɔ yi ri ɔwe tɛp kɔr ka yɛt ɛgbam, kɔ gbǝtɔr ki ȧkunk-e, ɔ bɛmpa dɛr ɔyɛkǝs, ɔ tǝmǝr ri aseth abɔli rǝkɔm, kɔ sɔŋ ki rǝ ȧbȧf, ɔ kɔnɛ rǝ athɔf alɔm. 34Ɔwa ma ȧŋlɔkɔ ŋa mȧkomi aŋ fat-e, ɔ som ɛbɔy yɔŋ ka aŋbȧf tǝ kǝsɔthɔ mȧkomi mɔŋ. 35Ka aŋbȧf aŋ gbasi ɛbɔy yɔŋ aŋ sap ukin, aŋ dif ukin, aŋ lǝmǝs ulɔm mǝsar. 36kɔ kȧl som ɛbɔy alɔm agbȧthi athasi aŋtɔtɔkɔ. Kaŋ kȧl sɔ yɔ ŋa yaŋ. 37Kǝdarǝŋ kati ɔ som ɔwan kɔŋ uruni ro ŋaŋ, ɔ pa, Aŋ tǝ tȧrȧ ɔwan kȧmi uruni rǝka. 38Kɛrɛ aŋbȧf maŋ nənk ɔwan-e, aŋ fɔfǝranɛ, kaŋ pa, Ɔwe mǝ re ba akɛŋ, kɔnɔ ɔwe. Der, maŋ dif kɔ nu kȧmȧ sǝ gbasi akɛŋ kɔŋ. 39kaŋ wop kɔ, aŋ wurɔ kɔ ro kɔr, kaŋ dif kɔ. 40Tiyȧŋ ma ɔmarki ka akɔr ka ɛyɛt ɛgbam ɔ der-e, to mǝ ɔ yɔ aŋbȧf ŋati-e? 41kaŋ pa ro ŋɔŋ, Ɔ tǝ dif aŋfǝm alǝs ŋati kǝdif kǝlǝs, ɔ tǝ sɔŋ akɔr ka ɛyɛt ɛgbam rǝ ȧbȧf alɔm aŋa mǝ sɔŋ kɔ mȧkomi ka ȧŋlɔkɔ ŋati.
42Ka Yisɔsȧŋ ɔ pa ro ŋaŋ, Nǝ la hɛ karaŋ ka mȧgbal mǝsǝm,
Aŋsar aŋa aŋsȧl aŋ pɛnsa-e,
gbeŋ, a sǝki ŋi rȧbomp ra ȧŋkoŋ.
Aŋe aŋ wur ka Kuru,
Ɔwa tȧy tȧŋ ka ɛfɔr ɛ su-i?
43Tiyȧŋ i pa ro rɔnu, A tǝ nɔy nu rȧbȧy ra Kuru, a tǝ sɔŋ ri abona aŋa mǝ wurɔ mȧkomi mati. 44Ɔwa wuni o wuni ɔwe mǝ fumpɔ ka aŋsar aŋe a tǝ simǝth kɔ yɛkǝth yɛkǝth. Kɛrɛ wuni o wuni ɔwe mǝ aŋ fumpǝr-e, aŋ tǝ gbǝm kɔ sir mɔ kǝbof.
45Ma aŋkərbomp kǝtɔŋ ka aŋfode yi aŋFarisi aŋ tǝl ɛlomɔ yɔŋ-e, aŋ sɔthnɛ kǝpa ɔ fɔf ta ȧte ŋaŋ. 46Kɛrɛ maŋ thɛns tǝ kǝwop kɔ-e, aŋ nesa ȧsuniya, kotȧy-e aŋ gbasi kɔ tǝ kǝyi unabi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Themne New Testament © The Bible Society of Sierra Leone, 2009.