Mathiu 28
28
1Mba ma aŋsabath aŋ poŋ-e, ka pǝ yema sɔk-e, ka ȧŋrey ȧtɔtɔkɔ ŋa ȧŋyik, Meri ɔwe ro Makdala yi Meriȧŋ ulɔm, aŋ der tǝ kǝkǝli kȧboma. 2Ɔwa ȧŋthɔf aŋ yɛr kǝyɛr kǝbana kotȧy-e umaleka ka Kuru ɔ thor kǝyɛfǝ ro riyana, ɔ der ɔ bǝnkli aŋsar kǝwur ka kadare, kɔ yirǝr ŋi. 3Mȧbȧlȧnɛ mɔŋ mǝ yi mɔ ɔnakthinɛ, ɛlopra yɔŋ ɛ yi ɛfera mɔ ɛpɔmpɔ. 4Ɔwa ta ranes ara ȧŋbumǝr aŋ ba ta atɔŋ-e aŋ yɛr yɛr, kaŋ sǝkɛ mɔ afǝm afi. 5Kɛrɛ ɔmaleka ɔ pa ka aŋfǝm abom, Te nu nesa, i tȧrȧ kǝpa nǝ thɛns Yisɔsȧŋ ɔwe a tȧŋ ka akǝnt kǝpǝŋkinɛ. 6Ɔ yi hɛ nɔ; ɔ po yokanɛ mɔ mǝ ɔ po pa. Der nɔ, kǝli ɔdɛr rǝ ɔMarki ɔ sa fǝntha. 7Ɔwa kɔnɛ nu lɛmp lɛmp kȧmȧ nǝ kanɛ aŋkarande ŋɔŋ kǝpa ɔ po yokanɛ ka rafi. Kǝla, ɔ tǝma nu kǝdi ro Kalili, ro mǝ nǝ nənk kɔ. Kǝla i po kanɛ nu.
8kaŋ kɔnɛ lɛmp lɛmp kǝyɛfǝ ka kȧboma yi rǝnes dɛ yi mǝbɔnɛ mǝbana, kaŋ gbukɛ tǝ kǝtɔri ȧrim are ka aŋkarande ŋɔŋ. 9Ka Yisɔs ɔ gbanɛ ŋa, ɔ pa, Kori nu-o. Kaŋ der aŋ wop ȧtȧtək tɔŋ, aŋ bȧtho kɔ. 10Ka Yisɔsȧŋ ɔ pa ro ŋaŋ, Te nu nesa; kɔ nu kanɛ aŋwɔnt mi kȧmȧ aŋ kɔ ro Kalili ro mǝ aŋ nənk mi.
11Ɔwa mɔ aŋ bɔ kɔ-e, alɔm ka ȧŋbumǝr aŋ der ro pet, kaŋ kanɛ aŋkərbomp kǝtɔŋ ka aŋfode mȧtȧy bɛ ama po yɔnɛ. 12Ɔwa ŋaŋ-e, maŋ po thoŋklanɛ yi aŋbȧki-e, ɔwa aŋ po nǝŋkanɛ-e, aŋ sɔŋ akala agbȧthi ka aŋkurgba, 13aŋ kanɛ ŋa kȧmȧ aŋ pa, Aŋkarande ŋɔŋ aŋ der tȧtȧk, kaŋ keya kɔ ma sǝ dirȧ. 14Bepi ȧte tǝ bek ka ɛlǝns ya ɔgbǝka-e, sǝ tǝ thɔnthɔ kɔ kȧmȧ sǝ wurɔ nu. 15kaŋ nɔy aŋkala, kaŋ yɔ mɔ mǝ a kanɛ ŋa. Ka ȧŋpa aŋe aŋ gbanthɛnɛ kǝtɔŋ ka aŋYuda haŋ thonɔŋ.
16Kɛrɛ aŋkarande tɔfɔt ukin aŋ kɔnɛ ro Kalili ka kateŋ ȧke Yisɔsȧŋ ɔ tɔri ŋa. 17Ɔwa maŋ nənk kɔ-e, aŋ bȧtho kɔ kɛrɛ aŋlɔm aŋ sikɛ. 18Ka Yisɔsȧŋ ɔ der ɔ fɔfȧnɛ ŋa, ɔ pa, A po sɔŋ mi afɔsɔ bɛ ro riyana yi ka ȧdȧru. 19Tiyȧŋ kɔnɛ nu ka tǝbona bɛ-e, nǝ sǝki ŋa akarande, nǝ baftays ŋa ka ȧŋes ŋa ɔKas, yi aŋa ɔWan, yi aŋa ɔYina mǝsǝm; 20ɔwa thǝksa ŋa tǝ kǝwop mȧtȧy bɛ ama i po yamari nu. Ɔwa minɛȧŋ i yi yi naŋȧŋ alɔkɔ o lɔkɔ, haŋ ka ɔthalnɛ wa ȧdȧru. Amina.
Currently Selected:
Mathiu 28: TMNNT
Highlight
Share
Copy
Want to have your highlights saved across all your devices? Sign up or sign in
Themne New Testament © The Bible Society of Sierra Leone, 2009.
Mathiu 28
28
1Mba ma aŋsabath aŋ poŋ-e, ka pǝ yema sɔk-e, ka ȧŋrey ȧtɔtɔkɔ ŋa ȧŋyik, Meri ɔwe ro Makdala yi Meriȧŋ ulɔm, aŋ der tǝ kǝkǝli kȧboma. 2Ɔwa ȧŋthɔf aŋ yɛr kǝyɛr kǝbana kotȧy-e umaleka ka Kuru ɔ thor kǝyɛfǝ ro riyana, ɔ der ɔ bǝnkli aŋsar kǝwur ka kadare, kɔ yirǝr ŋi. 3Mȧbȧlȧnɛ mɔŋ mǝ yi mɔ ɔnakthinɛ, ɛlopra yɔŋ ɛ yi ɛfera mɔ ɛpɔmpɔ. 4Ɔwa ta ranes ara ȧŋbumǝr aŋ ba ta atɔŋ-e aŋ yɛr yɛr, kaŋ sǝkɛ mɔ afǝm afi. 5Kɛrɛ ɔmaleka ɔ pa ka aŋfǝm abom, Te nu nesa, i tȧrȧ kǝpa nǝ thɛns Yisɔsȧŋ ɔwe a tȧŋ ka akǝnt kǝpǝŋkinɛ. 6Ɔ yi hɛ nɔ; ɔ po yokanɛ mɔ mǝ ɔ po pa. Der nɔ, kǝli ɔdɛr rǝ ɔMarki ɔ sa fǝntha. 7Ɔwa kɔnɛ nu lɛmp lɛmp kȧmȧ nǝ kanɛ aŋkarande ŋɔŋ kǝpa ɔ po yokanɛ ka rafi. Kǝla, ɔ tǝma nu kǝdi ro Kalili, ro mǝ nǝ nənk kɔ. Kǝla i po kanɛ nu.
8kaŋ kɔnɛ lɛmp lɛmp kǝyɛfǝ ka kȧboma yi rǝnes dɛ yi mǝbɔnɛ mǝbana, kaŋ gbukɛ tǝ kǝtɔri ȧrim are ka aŋkarande ŋɔŋ. 9Ka Yisɔs ɔ gbanɛ ŋa, ɔ pa, Kori nu-o. Kaŋ der aŋ wop ȧtȧtək tɔŋ, aŋ bȧtho kɔ. 10Ka Yisɔsȧŋ ɔ pa ro ŋaŋ, Te nu nesa; kɔ nu kanɛ aŋwɔnt mi kȧmȧ aŋ kɔ ro Kalili ro mǝ aŋ nənk mi.
11Ɔwa mɔ aŋ bɔ kɔ-e, alɔm ka ȧŋbumǝr aŋ der ro pet, kaŋ kanɛ aŋkərbomp kǝtɔŋ ka aŋfode mȧtȧy bɛ ama po yɔnɛ. 12Ɔwa ŋaŋ-e, maŋ po thoŋklanɛ yi aŋbȧki-e, ɔwa aŋ po nǝŋkanɛ-e, aŋ sɔŋ akala agbȧthi ka aŋkurgba, 13aŋ kanɛ ŋa kȧmȧ aŋ pa, Aŋkarande ŋɔŋ aŋ der tȧtȧk, kaŋ keya kɔ ma sǝ dirȧ. 14Bepi ȧte tǝ bek ka ɛlǝns ya ɔgbǝka-e, sǝ tǝ thɔnthɔ kɔ kȧmȧ sǝ wurɔ nu. 15kaŋ nɔy aŋkala, kaŋ yɔ mɔ mǝ a kanɛ ŋa. Ka ȧŋpa aŋe aŋ gbanthɛnɛ kǝtɔŋ ka aŋYuda haŋ thonɔŋ.
16Kɛrɛ aŋkarande tɔfɔt ukin aŋ kɔnɛ ro Kalili ka kateŋ ȧke Yisɔsȧŋ ɔ tɔri ŋa. 17Ɔwa maŋ nənk kɔ-e, aŋ bȧtho kɔ kɛrɛ aŋlɔm aŋ sikɛ. 18Ka Yisɔsȧŋ ɔ der ɔ fɔfȧnɛ ŋa, ɔ pa, A po sɔŋ mi afɔsɔ bɛ ro riyana yi ka ȧdȧru. 19Tiyȧŋ kɔnɛ nu ka tǝbona bɛ-e, nǝ sǝki ŋa akarande, nǝ baftays ŋa ka ȧŋes ŋa ɔKas, yi aŋa ɔWan, yi aŋa ɔYina mǝsǝm; 20ɔwa thǝksa ŋa tǝ kǝwop mȧtȧy bɛ ama i po yamari nu. Ɔwa minɛȧŋ i yi yi naŋȧŋ alɔkɔ o lɔkɔ, haŋ ka ɔthalnɛ wa ȧdȧru. Amina.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Themne New Testament © The Bible Society of Sierra Leone, 2009.