Mark 11
11
1Maŋ fatər ro Yerusalɛm yi ro Bɛthfeki yi ro Bɛthani, ka kateŋ ka Ɔlif-e, ɔ som aŋkarande ŋɔŋ ŋarəŋ, 2ɔ pa ro ŋaŋ, Kɔnɛ nu ka kȧpet ȧke lomanɛ, ɔwa ma nə wɔŋ ri-e, nə tə bəp ri asofali ufɛth ukotər, ɔwe wuni o wuni ɔ te tha rensa. Səli kɔ nu kȧmȧ nə kȧrȧ kɔ nɔ. 3Bepi wuni o wuni ɔ pa ro nu, To som nə yɔ ȧte-e? Pa nu, ƆMariki kɔnɔ yema kɔ kɛrɛ ɔ tə kȧl somra kɔ nɔ. 4kaŋ kɔnɛ aŋ bəp aŋsofali ufɛth ukotər ka kadare rokaŋ, kaŋ səli kɔ. 5Ka alɔm aŋa təmȧ ri-e aŋ pa ro ŋaŋ, Ko mə nə yɔ-e ma nə səli aŋsofali ufɛth-e? 6kaŋ lasianɛ ŋa mɔ mə Yisɔs ɔ pa; kaŋ ter ŋa aŋ kɔnɛ. 7kaŋ kȧrȧ aŋsofali ufɛth ka Yisɔsȧŋ, kaŋ reŋ kɔ ȧsuma taŋ; ka Yisɔsȧŋ ɔ rensa kɔ. 8Ɔwa afəm agbȧthi aŋ rens ȧsuma taŋ ro roŋ, aŋlɔm-e məra ama aŋ gbəkəs ro kanth. 9Ɔwa ŋaŋ aŋa təmȧ rodi yi ŋaŋ aŋa tȧŋ aŋ sɔŋkɔ, Hosana, uruba wɔŋ ɔwe mə der ka ȧŋes ŋa ɔMarki; 10aruba aŋ yi ka rȧbȧy ara mə derȧŋ, rȧbȧy ra ɔkas kȧsu Debidȧŋ. Hosana rokɔm kɔm.
11kɔ wɔŋ ro Yerusalɛm ka ȧŋseth ŋa Kuru. Ma ɔ po kəli kəli ɛyɛt bɛ-e, rȧfɔy rə bek, kɔ wur ɔ kɔnɛ ro Bɛthani yi aŋkarande ŋɔŋ.
12Ka rəbəth rəlɔm maŋ wur ro Bɛthani-e, dor rə wop kɔ. 13Ma ɔ nənk aŋənt ŋa agbɔnɔ ɔbɔli poŋ, aŋ ba ɛbɔpər, ɔ kɔ kəli bepi ɔ gbəli bəp ri rəka; kɛrɛ ma ɔ bek ri-e, ɔ bəp hɛ rəka o rəka thambe ɛbɔpər. Ȧtesoma-e, ȧŋlɔkɔ ŋa məgbɔnɔ me thahɔ. 14kɔ pa ka aŋənt, Wuni o wuni ɔ di hɛ sɔ məkomi ma mu kətəp ka ȧŋlɔkɔ aŋe haŋ thȧnkȧŋ thəbana. Ka aŋkarande ŋɔŋ aŋ təl ti.
15kaŋ bek ro Yerusalɛm, kɔ wɔŋ ka ȧŋseth ŋa Kuru, ɔ təp kəwura wurɔ ŋaŋ aŋa thila yi aŋa wai ka ȧŋseth ŋa Kuru, kɔ thuŋkli thuŋkli ɛthebəl ya aŋa siŋkar ɛkala, yi ɔyira wa aŋa thila təpərəm. 16Ɔwa ɔ selɔ hɛ wuni o wuni ɔ kera rəka ka ȧŋseth ŋa Kuru. 17kɔ thəksa ŋa, ɔ pa, A gbal hɛ kəpa, Ȧŋseth a mi-e a ba kəbont ŋi ȧŋseth ŋa kəramnɛ ta tȧbona bɛ-i? Kɛrɛ naŋ nə po səki ŋi kəyaŋka ka akey. 18Ɔwa aŋkərbomp kətɔŋ ka aŋfode yi aŋkarmɔkɔ aŋ təl, kaŋ thɛns roŋ tə kədif kɔ, ȧtesoma-e aŋ nesa kɔ pəkasifɛ aŋfəm bɛ aŋ kabanɛ mathəksa mɔŋ.
19Ɔwa rəfɔi o rəfɔi ɔ wur ka kȧpet.
20Maŋ thas rəbəth rəlɔm-e, aŋ nənk kəpa aŋənt ŋa aŋgbɔnɔ aŋ po wos kətəp ka ɛthəŋk. 21Ma Pitaŋ ɔ kȧl nanɛ ti-e, ɔ pa ro ŋɔŋ, Karmɔkɔ, kəli aŋənt ŋa aŋgbɔnɔ aŋa mə raŋka aŋ po wela. 22Ka Yisɔsȧŋ ɔ pa ro ŋaŋ, Ba nu kȧlanɛ ka Kuru. 23Tə tɛntɛnɛ i kanɛ nu, Wuni o wuni ɔwe mə pa ka kateŋ ake, Yokanɛ, mə fithanɛ ro baŋ, kəte ba asikɛ ka ȧŋmerȧ ŋɔŋ, kɛrɛ ɔ lanɛ kəpa ȧte ɔ pa tə tə yi-e, ɔ tə sɔthɔ ti. 24Tiyȧŋ i kanɛ nu, mȧtȧy bɛ nə yif rə kəramnɛ, bepi nə lanɛ kəpa nə sɔthɔ ma-e, ɔwa nə tə ba ma. 25Ɔwa alɔkɔ o lɔkɔ bɛ nə təmȧ rə kəramnɛ-e, bepi nə ba tȧy o tȧy yi wuni, tera kɔ; kȧmȧ ɔKas ɔwe yi ro riyana ɔ tera nu mȧyɔs ma nu mələs. 26Kɛrɛ bepi nə tera hɛ, ɔKas ka nu ɔwe yi ro riana-e, ɔ tera hɛ nu mən.
27kaŋ bek ro Yerusalɛm; ɔwa ma ɔ bɔ kɔth ka ȧŋseth ŋa Kuru-e, aŋkərbomp kətɔŋ ka aŋfode-e, aŋkarmɔkɔ yi aŋbȧki-e, aŋ der ro ŋɔŋ; 28kaŋ pa ro ŋɔŋ, Ko afɔsɔ ŋaŋ mə yɔna mȧtȧy ame-e? Kanɛ sɔŋ mu aŋfɔsɔ tə kəyɔ ȧtȧy ȧte-e? 29Ka Yisɔsȧŋ ɔ lasianɛ ŋa, ɔ pa, I ti yif nu tȧy tin, ɔwa gbakia mi nu, kȧmȧ i tɔri nu aŋfɔsɔ mə i təp i yɔna mȧtȧy ame. 30Ȧŋbaftisəm ŋa Yɔn-e, reke aŋ wur-e? Ro riyana, thalɔm ka afəm a kəpet-e? Gbakɛ mi nu. 31kaŋ fɔflanɛ kətɔŋ ka ŋaŋ, aŋ pa, Bepi sə pa aŋ wur ro riana-e, ɔ tə pa, kɔyɛŋ tɛnɛ nə te lanɛ kɔ-a? 32Kɛrɛ bepi sə pa aŋ wur ka afəm-e aŋ nesa aŋfəm; kotȧy-e ka təteŋ aŋfəm aŋ kəli Yɔnȧŋ mɔ unabi. 33kaŋ wosa aŋ pa, Sə tɛ hɛ. Ka Yisɔsȧŋ ɔ pa ro ŋaŋ, Minɛ sɔ i tɔri hɛ nu aŋfɔsɔ mə i təp kəyɔna mȧtȧy ame.
Currently Selected:
Mark 11: TMNNT
Highlight
Share
Copy
Want to have your highlights saved across all your devices? Sign up or sign in
Themne New Testament © The Bible Society of Sierra Leone, 2009.
Mark 11
11
1Maŋ fatər ro Yerusalɛm yi ro Bɛthfeki yi ro Bɛthani, ka kateŋ ka Ɔlif-e, ɔ som aŋkarande ŋɔŋ ŋarəŋ, 2ɔ pa ro ŋaŋ, Kɔnɛ nu ka kȧpet ȧke lomanɛ, ɔwa ma nə wɔŋ ri-e, nə tə bəp ri asofali ufɛth ukotər, ɔwe wuni o wuni ɔ te tha rensa. Səli kɔ nu kȧmȧ nə kȧrȧ kɔ nɔ. 3Bepi wuni o wuni ɔ pa ro nu, To som nə yɔ ȧte-e? Pa nu, ƆMariki kɔnɔ yema kɔ kɛrɛ ɔ tə kȧl somra kɔ nɔ. 4kaŋ kɔnɛ aŋ bəp aŋsofali ufɛth ukotər ka kadare rokaŋ, kaŋ səli kɔ. 5Ka alɔm aŋa təmȧ ri-e aŋ pa ro ŋaŋ, Ko mə nə yɔ-e ma nə səli aŋsofali ufɛth-e? 6kaŋ lasianɛ ŋa mɔ mə Yisɔs ɔ pa; kaŋ ter ŋa aŋ kɔnɛ. 7kaŋ kȧrȧ aŋsofali ufɛth ka Yisɔsȧŋ, kaŋ reŋ kɔ ȧsuma taŋ; ka Yisɔsȧŋ ɔ rensa kɔ. 8Ɔwa afəm agbȧthi aŋ rens ȧsuma taŋ ro roŋ, aŋlɔm-e məra ama aŋ gbəkəs ro kanth. 9Ɔwa ŋaŋ aŋa təmȧ rodi yi ŋaŋ aŋa tȧŋ aŋ sɔŋkɔ, Hosana, uruba wɔŋ ɔwe mə der ka ȧŋes ŋa ɔMarki; 10aruba aŋ yi ka rȧbȧy ara mə derȧŋ, rȧbȧy ra ɔkas kȧsu Debidȧŋ. Hosana rokɔm kɔm.
11kɔ wɔŋ ro Yerusalɛm ka ȧŋseth ŋa Kuru. Ma ɔ po kəli kəli ɛyɛt bɛ-e, rȧfɔy rə bek, kɔ wur ɔ kɔnɛ ro Bɛthani yi aŋkarande ŋɔŋ.
12Ka rəbəth rəlɔm maŋ wur ro Bɛthani-e, dor rə wop kɔ. 13Ma ɔ nənk aŋənt ŋa agbɔnɔ ɔbɔli poŋ, aŋ ba ɛbɔpər, ɔ kɔ kəli bepi ɔ gbəli bəp ri rəka; kɛrɛ ma ɔ bek ri-e, ɔ bəp hɛ rəka o rəka thambe ɛbɔpər. Ȧtesoma-e, ȧŋlɔkɔ ŋa məgbɔnɔ me thahɔ. 14kɔ pa ka aŋənt, Wuni o wuni ɔ di hɛ sɔ məkomi ma mu kətəp ka ȧŋlɔkɔ aŋe haŋ thȧnkȧŋ thəbana. Ka aŋkarande ŋɔŋ aŋ təl ti.
15kaŋ bek ro Yerusalɛm, kɔ wɔŋ ka ȧŋseth ŋa Kuru, ɔ təp kəwura wurɔ ŋaŋ aŋa thila yi aŋa wai ka ȧŋseth ŋa Kuru, kɔ thuŋkli thuŋkli ɛthebəl ya aŋa siŋkar ɛkala, yi ɔyira wa aŋa thila təpərəm. 16Ɔwa ɔ selɔ hɛ wuni o wuni ɔ kera rəka ka ȧŋseth ŋa Kuru. 17kɔ thəksa ŋa, ɔ pa, A gbal hɛ kəpa, Ȧŋseth a mi-e a ba kəbont ŋi ȧŋseth ŋa kəramnɛ ta tȧbona bɛ-i? Kɛrɛ naŋ nə po səki ŋi kəyaŋka ka akey. 18Ɔwa aŋkərbomp kətɔŋ ka aŋfode yi aŋkarmɔkɔ aŋ təl, kaŋ thɛns roŋ tə kədif kɔ, ȧtesoma-e aŋ nesa kɔ pəkasifɛ aŋfəm bɛ aŋ kabanɛ mathəksa mɔŋ.
19Ɔwa rəfɔi o rəfɔi ɔ wur ka kȧpet.
20Maŋ thas rəbəth rəlɔm-e, aŋ nənk kəpa aŋənt ŋa aŋgbɔnɔ aŋ po wos kətəp ka ɛthəŋk. 21Ma Pitaŋ ɔ kȧl nanɛ ti-e, ɔ pa ro ŋɔŋ, Karmɔkɔ, kəli aŋənt ŋa aŋgbɔnɔ aŋa mə raŋka aŋ po wela. 22Ka Yisɔsȧŋ ɔ pa ro ŋaŋ, Ba nu kȧlanɛ ka Kuru. 23Tə tɛntɛnɛ i kanɛ nu, Wuni o wuni ɔwe mə pa ka kateŋ ake, Yokanɛ, mə fithanɛ ro baŋ, kəte ba asikɛ ka ȧŋmerȧ ŋɔŋ, kɛrɛ ɔ lanɛ kəpa ȧte ɔ pa tə tə yi-e, ɔ tə sɔthɔ ti. 24Tiyȧŋ i kanɛ nu, mȧtȧy bɛ nə yif rə kəramnɛ, bepi nə lanɛ kəpa nə sɔthɔ ma-e, ɔwa nə tə ba ma. 25Ɔwa alɔkɔ o lɔkɔ bɛ nə təmȧ rə kəramnɛ-e, bepi nə ba tȧy o tȧy yi wuni, tera kɔ; kȧmȧ ɔKas ɔwe yi ro riyana ɔ tera nu mȧyɔs ma nu mələs. 26Kɛrɛ bepi nə tera hɛ, ɔKas ka nu ɔwe yi ro riana-e, ɔ tera hɛ nu mən.
27kaŋ bek ro Yerusalɛm; ɔwa ma ɔ bɔ kɔth ka ȧŋseth ŋa Kuru-e, aŋkərbomp kətɔŋ ka aŋfode-e, aŋkarmɔkɔ yi aŋbȧki-e, aŋ der ro ŋɔŋ; 28kaŋ pa ro ŋɔŋ, Ko afɔsɔ ŋaŋ mə yɔna mȧtȧy ame-e? Kanɛ sɔŋ mu aŋfɔsɔ tə kəyɔ ȧtȧy ȧte-e? 29Ka Yisɔsȧŋ ɔ lasianɛ ŋa, ɔ pa, I ti yif nu tȧy tin, ɔwa gbakia mi nu, kȧmȧ i tɔri nu aŋfɔsɔ mə i təp i yɔna mȧtȧy ame. 30Ȧŋbaftisəm ŋa Yɔn-e, reke aŋ wur-e? Ro riyana, thalɔm ka afəm a kəpet-e? Gbakɛ mi nu. 31kaŋ fɔflanɛ kətɔŋ ka ŋaŋ, aŋ pa, Bepi sə pa aŋ wur ro riana-e, ɔ tə pa, kɔyɛŋ tɛnɛ nə te lanɛ kɔ-a? 32Kɛrɛ bepi sə pa aŋ wur ka afəm-e aŋ nesa aŋfəm; kotȧy-e ka təteŋ aŋfəm aŋ kəli Yɔnȧŋ mɔ unabi. 33kaŋ wosa aŋ pa, Sə tɛ hɛ. Ka Yisɔsȧŋ ɔ pa ro ŋaŋ, Minɛ sɔ i tɔri hɛ nu aŋfɔsɔ mə i təp kəyɔna mȧtȧy ame.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Themne New Testament © The Bible Society of Sierra Leone, 2009.