Mark 2
2
1Ma mərey məlɔmanɛ mə thas-e, Yisɔsȧŋ ɔ kȧl wɔŋ ro Kepaniyɔm. Ka a tɔri ti kəpa ɔ yi ro seth. 2Ɔwa afəm agbȧthi aŋ thoŋklanɛ dɛr ɔkin haŋ dɛr ɔ yi hɛ sɔ rodi ka kadare, kɔ fɔfȧnɛ ŋa ȧrim ra Kuru. 3Ka afəm aŋ der ro ŋɔŋ, aŋ kȧrȧ kɔ wuni ɔwe ba məthanthaŋ, afəm ŋanlɛ aŋ gbanɛ kɔ. 4Maŋ te gbəli fat kɔ salata ȧruniya-e, aŋ səli ɔgbak wa ȧŋseth ro ɔ yi, ɔwa maŋ po buli ri-e, aŋ thora kafənt ro ɔwuni tu məthanthaŋ ɔ fənthȧ. 5Ma Yisɔsȧŋ ɔ nənk kȧlanɛ ka ŋaŋ-e, ɔ pa ka ɔwe ba mathanthaŋ, Wan, a po tera ɛhakɛ ɛ mu. 6Kɛrɛ akarmɔkɔ alɔm aŋ yirȧ ri, aŋ fɔfnɛ ka ɛmerȧ yaŋ, 7To som ɔlaŋgba ɔwe mə fɔf Kuru ɔləs-e? Kanɛ gbəli tera wuni ɛhakɛ thambe Kuru Məsaba son-e? 8Ka ɔlɛmp wati ma Yisɔs ɔ sɔthnɛ ka ȧŋmerȧ ŋɔŋ kəpa ya aŋ fɔfnɛ ka ɛmerȧ yaŋ-e, ɔ pa ro rɔŋaŋ, kɔyɛŋ mə nə nanɛ mȧtȧy ame ka ɛmerȧ ɛ nu-e? 9Areke tha yi atuy tȧy, tə kəpa ka ɔwe tu məthanthaŋ, A po tera mu ɛhakɛ ɛ mu-e, thalɔm tə kəpa, Yokanɛ, gbasi kafənt ka mu, mə kɔth-e? 10Kɛrɛ kȧmȧ nə tȧrȧ kəpa ɔWan ka wuni ɔ ba afɔsɔ ka ȧdȧru tə kətera wuni ɛhakɛ yɔŋ-e, ɔ pa ka ɔwe ba mathanthaŋ, 11I kanɛ mu, Yokanɛ, gbasi kafənt ka mu mə kɔ ro seth ka mu. 12Ka ɔlɛmp wati ɔ gbasi kafənt, ɔ wur, ɔ kɔth rodi ka ŋaŋ bɛ, haŋ ŋa bɛ aŋ kabanɛ, kaŋ yikis Kurɔŋ, aŋ pa, Sə la hɛ nənk tȧy təwunɔŋ.
13kɔ wur, ɔ kɔnɛ sɔ ro baŋ rayɛr, ka ȧruniya bɛ rə der ro ŋɔŋ, kɔ thəksa ŋa. 14Mɔ mɔ thas ri-e, ɔ nənk Libay, ɔwan ka Alfiɔs, ɔ yirȧ ka ɔdɛr ro mə a gbasi ɛfȧk, ɔ pa ro ŋɔŋ, Tȧŋ mi. Kɔ yokanɛ ɔ tȧŋ kɔ. 15Ka pə re yi ma Yisɔsȧŋ ɔ yirȧ ka kədi ka ȧŋseth ŋa Libay-e, aŋthoŋkla ɛfȧk yi aŋfəm ŋa ɛhakɛ agbȧthi aŋ yirȧ yi Yisɔsȧŋ dɛ yi aŋkarande ŋɔŋ, kotȧy-e ŋa agbȧthi aŋa tȧŋ kɔ. 16Ma aŋkarmɔkɔ yi aŋFarisi aŋ nənk kəpa ɔ di yi aŋfəm ŋa ɛhakɛ yi aŋthoŋkla ɛfȧk-e, aŋ pa ka aŋkarande ŋɔŋ, To som mɔ di ɔwa ɔ mun yi aŋthoŋkla ɛfȧk yi aŋfəm ŋa ɛhakɛ-e? 17Ma Yisɔs ɔ təl ti-e, ɔ pa ro ŋaŋ, Ŋaŋ aŋa yi ayenki mədɛr aŋ yema hɛ ubolomba, kɛrɛ ante yeŋki mədɛr, ŋa yema ubolomba. I der hɛ tə kəmuti aŋlompi, kɛrɛ i der tə kəmuti aŋfəm aləs tə kəthupi.
18Aŋkarande ŋa Yɔn yi aŋFarisi aŋ wop asum, kaŋ der ka Yisɔs, aŋ pa ro ŋɔŋ, To som aŋkarande ŋa Yɔn yi aŋa aŋFarisi aŋ wop asum, kɛrɛ aŋkarande a mu aŋ wop hɛ-e? 19Ka Yisɔsȧŋ ɔ pa ro ŋaŋ, Aŋyathki ŋa amet ma kanantə aŋ gbəli wop asum-i ma ɔnantə ɔ yi yi ŋaŋ-i? Fani ɔruni ɔwe ba kanantə ɔ yi yi ŋaŋ-e aŋ gbəli hɛ wop asum. 20Kɛrɛ mȧrey mə tə der ma a ba kənɔi ŋa ɔnantə, ɔwa aŋ tə wop asum ka mȧrey mati. 21Wuni ɔ gbap hɛ arombo ŋa kotha kəfu rə ruma rəkur. Bepi pə yi yi-e, ȧŋrombo aŋ tə pim aruma, ɔwa ɔpima ɔ bȧr gbo ləsȧ. 22Wuni ɔ bot hɛ məber məfɛth rə təbos təkur. Bepi pə yi yi-e, maber mə tə gbai tabos, ɔwa maber mə tə kasara yi tabos. Tiyȧŋ məber məfɛth mə mar gbo təbos təfu.
23Ka pə re yi Yisɔsȧŋ ɔ bɔ gbəkinɛ atɔr ka ȧŋrey ŋa aŋsabath-e. Ɔwa aŋkarande ŋɔŋ maŋ kɔ-e, aŋ təp kəsiməth məgbas. 24Ka aŋFarisi aŋ pa ro ŋɔŋ, Kəla, kɔyɛŋ mə aŋ yɔ ȧte te yi təlompi ka ȧŋrey ŋa aŋsabath-e? 25Ka Yisɔs ɔ pa ro ŋaŋ, Nə tha karaŋ hɛ ȧte Debid ɔ yɔ-i, ma ɔ paŋ rəka, ɔwa dor rə wop kɔ yi ŋaŋ aŋa yi dɛ yi kɔnɔ-i? 26Mɔ ɔ wɔŋ ka ȧŋseth ŋa Kuru ka ȧŋlɔkɔ ŋa Abiyathar ɔfode ubana, kɔ di kabo kəsəm ȧke te mar di thambe aŋfode gbo-i, ɔwa ɔ kȧl sɔ sɔŋ aŋa yi yi kɔnɔ-i? 27kɔ pa ro ŋaŋ, A bɛmpa aŋsabath ta wuni kəpet, pə yi hɛ wuni kəpet ta aŋsabath. 28Tiyȧŋ ɔWan ka wuni ɔ yi sɔ ɔMarki ka aŋsabath.
Currently Selected:
Mark 2: TMNNT
Highlight
Share
Copy
Want to have your highlights saved across all your devices? Sign up or sign in
Themne New Testament © The Bible Society of Sierra Leone, 2009.
Mark 2
2
1Ma mərey məlɔmanɛ mə thas-e, Yisɔsȧŋ ɔ kȧl wɔŋ ro Kepaniyɔm. Ka a tɔri ti kəpa ɔ yi ro seth. 2Ɔwa afəm agbȧthi aŋ thoŋklanɛ dɛr ɔkin haŋ dɛr ɔ yi hɛ sɔ rodi ka kadare, kɔ fɔfȧnɛ ŋa ȧrim ra Kuru. 3Ka afəm aŋ der ro ŋɔŋ, aŋ kȧrȧ kɔ wuni ɔwe ba məthanthaŋ, afəm ŋanlɛ aŋ gbanɛ kɔ. 4Maŋ te gbəli fat kɔ salata ȧruniya-e, aŋ səli ɔgbak wa ȧŋseth ro ɔ yi, ɔwa maŋ po buli ri-e, aŋ thora kafənt ro ɔwuni tu məthanthaŋ ɔ fənthȧ. 5Ma Yisɔsȧŋ ɔ nənk kȧlanɛ ka ŋaŋ-e, ɔ pa ka ɔwe ba mathanthaŋ, Wan, a po tera ɛhakɛ ɛ mu. 6Kɛrɛ akarmɔkɔ alɔm aŋ yirȧ ri, aŋ fɔfnɛ ka ɛmerȧ yaŋ, 7To som ɔlaŋgba ɔwe mə fɔf Kuru ɔləs-e? Kanɛ gbəli tera wuni ɛhakɛ thambe Kuru Məsaba son-e? 8Ka ɔlɛmp wati ma Yisɔs ɔ sɔthnɛ ka ȧŋmerȧ ŋɔŋ kəpa ya aŋ fɔfnɛ ka ɛmerȧ yaŋ-e, ɔ pa ro rɔŋaŋ, kɔyɛŋ mə nə nanɛ mȧtȧy ame ka ɛmerȧ ɛ nu-e? 9Areke tha yi atuy tȧy, tə kəpa ka ɔwe tu məthanthaŋ, A po tera mu ɛhakɛ ɛ mu-e, thalɔm tə kəpa, Yokanɛ, gbasi kafənt ka mu, mə kɔth-e? 10Kɛrɛ kȧmȧ nə tȧrȧ kəpa ɔWan ka wuni ɔ ba afɔsɔ ka ȧdȧru tə kətera wuni ɛhakɛ yɔŋ-e, ɔ pa ka ɔwe ba mathanthaŋ, 11I kanɛ mu, Yokanɛ, gbasi kafənt ka mu mə kɔ ro seth ka mu. 12Ka ɔlɛmp wati ɔ gbasi kafənt, ɔ wur, ɔ kɔth rodi ka ŋaŋ bɛ, haŋ ŋa bɛ aŋ kabanɛ, kaŋ yikis Kurɔŋ, aŋ pa, Sə la hɛ nənk tȧy təwunɔŋ.
13kɔ wur, ɔ kɔnɛ sɔ ro baŋ rayɛr, ka ȧruniya bɛ rə der ro ŋɔŋ, kɔ thəksa ŋa. 14Mɔ mɔ thas ri-e, ɔ nənk Libay, ɔwan ka Alfiɔs, ɔ yirȧ ka ɔdɛr ro mə a gbasi ɛfȧk, ɔ pa ro ŋɔŋ, Tȧŋ mi. Kɔ yokanɛ ɔ tȧŋ kɔ. 15Ka pə re yi ma Yisɔsȧŋ ɔ yirȧ ka kədi ka ȧŋseth ŋa Libay-e, aŋthoŋkla ɛfȧk yi aŋfəm ŋa ɛhakɛ agbȧthi aŋ yirȧ yi Yisɔsȧŋ dɛ yi aŋkarande ŋɔŋ, kotȧy-e ŋa agbȧthi aŋa tȧŋ kɔ. 16Ma aŋkarmɔkɔ yi aŋFarisi aŋ nənk kəpa ɔ di yi aŋfəm ŋa ɛhakɛ yi aŋthoŋkla ɛfȧk-e, aŋ pa ka aŋkarande ŋɔŋ, To som mɔ di ɔwa ɔ mun yi aŋthoŋkla ɛfȧk yi aŋfəm ŋa ɛhakɛ-e? 17Ma Yisɔs ɔ təl ti-e, ɔ pa ro ŋaŋ, Ŋaŋ aŋa yi ayenki mədɛr aŋ yema hɛ ubolomba, kɛrɛ ante yeŋki mədɛr, ŋa yema ubolomba. I der hɛ tə kəmuti aŋlompi, kɛrɛ i der tə kəmuti aŋfəm aləs tə kəthupi.
18Aŋkarande ŋa Yɔn yi aŋFarisi aŋ wop asum, kaŋ der ka Yisɔs, aŋ pa ro ŋɔŋ, To som aŋkarande ŋa Yɔn yi aŋa aŋFarisi aŋ wop asum, kɛrɛ aŋkarande a mu aŋ wop hɛ-e? 19Ka Yisɔsȧŋ ɔ pa ro ŋaŋ, Aŋyathki ŋa amet ma kanantə aŋ gbəli wop asum-i ma ɔnantə ɔ yi yi ŋaŋ-i? Fani ɔruni ɔwe ba kanantə ɔ yi yi ŋaŋ-e aŋ gbəli hɛ wop asum. 20Kɛrɛ mȧrey mə tə der ma a ba kənɔi ŋa ɔnantə, ɔwa aŋ tə wop asum ka mȧrey mati. 21Wuni ɔ gbap hɛ arombo ŋa kotha kəfu rə ruma rəkur. Bepi pə yi yi-e, ȧŋrombo aŋ tə pim aruma, ɔwa ɔpima ɔ bȧr gbo ləsȧ. 22Wuni ɔ bot hɛ məber məfɛth rə təbos təkur. Bepi pə yi yi-e, maber mə tə gbai tabos, ɔwa maber mə tə kasara yi tabos. Tiyȧŋ məber məfɛth mə mar gbo təbos təfu.
23Ka pə re yi Yisɔsȧŋ ɔ bɔ gbəkinɛ atɔr ka ȧŋrey ŋa aŋsabath-e. Ɔwa aŋkarande ŋɔŋ maŋ kɔ-e, aŋ təp kəsiməth məgbas. 24Ka aŋFarisi aŋ pa ro ŋɔŋ, Kəla, kɔyɛŋ mə aŋ yɔ ȧte te yi təlompi ka ȧŋrey ŋa aŋsabath-e? 25Ka Yisɔs ɔ pa ro ŋaŋ, Nə tha karaŋ hɛ ȧte Debid ɔ yɔ-i, ma ɔ paŋ rəka, ɔwa dor rə wop kɔ yi ŋaŋ aŋa yi dɛ yi kɔnɔ-i? 26Mɔ ɔ wɔŋ ka ȧŋseth ŋa Kuru ka ȧŋlɔkɔ ŋa Abiyathar ɔfode ubana, kɔ di kabo kəsəm ȧke te mar di thambe aŋfode gbo-i, ɔwa ɔ kȧl sɔ sɔŋ aŋa yi yi kɔnɔ-i? 27kɔ pa ro ŋaŋ, A bɛmpa aŋsabath ta wuni kəpet, pə yi hɛ wuni kəpet ta aŋsabath. 28Tiyȧŋ ɔWan ka wuni ɔ yi sɔ ɔMarki ka aŋsabath.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Themne New Testament © The Bible Society of Sierra Leone, 2009.