KISAH 14
14
Paulus nya yuug ei minu ndig Ikonium
1Mun pima yok hagom cut igkep Paulus kin Barnabas ei minu ndig Ikonium cem. Icoi ug ei mben Yahudi ide ig mbusyamei lene iba iji ngkiem bitri tut nihyet biyok apino mben Yahudi kin ngkiai nya imang bibor ingon jo kep Yesus. 2Noro mben Yahudi di ikou sut ningon jo kepti nya ikes ingon kanti bak ngkiai nya leu binhyepo ingon sibui sut yo di ingon jo kep nya. 3Gima rino Paulus kin Barnabas ibong ei sirima mem ari nitindur poi lene iba iji nghai bitri tut Tuhan. Leu api Tuhan ndo bindo brei bak tungwatu nya bipia nihyet tut Tuhan nisingat tut yokti di Paulus kin Barnabas itri tut dima ne nijit ri. Noni sindem tut Paulus kin Barnabas leu binhyepo ibibon mindur kin bindo. 4Noro timiei minu ndig dima isrep tut yam ba, bihi itti kin mben Yahudi lo, bihi itti kin Paulus kin Barnabas.
5Lene ngkiai nya ibou poi kin mben Yahudi ibou poi di ibicom yam bit ide nibou nya igyok ingon gom tut gima ihwen bit Paulus nya ba, ipi biba tig bihwen yok. 6Noro hi mbot kep tut ingon kanti dima bak Paulus nya. Gima rino inang bingwes ngun ug ei minu ndig Listra kin Derbe ei hanjop Likaonia kin minu mien di gahai nya cem. 7Ba, itri tut Nihyet Di Kei ei hanjop nsi dima.
Paulus nya itri tut nihyet ei minu ndig Listra kin Derbe
8Tungwagom di nimig lit habiei ei nipmem ninghopti no rima ei minu ndig Listra ba, bit bon noni mbut nimig kan bi. 9No dini gwam jug bingig nitingou mem Paulus nihyet. Paulus ngat lo, no dima ningon jo kep ba, dem mem gima noni kei hanyen. Gima rino Paulus tou kep noni nggilun, 10lene ba nihyet nindig bipai bak “Akiju ba, aya pijum!” Leu api no dima pri biya kui ba, sindi tit nimig bimbut nyen. 11Tirigi tungwatu ningot ndig di idem yam ei mpia dima ingat lo, Paulus bindei ba, no dima kei hanyen tu lene iba nihyet Likaonia bahara “Ide nung di ikuk nye biyok nya iluei itta binok tungwatu leu api ijuk kwei ei ikieti tu o.” 12Lene ijem Barnabas ninyeng hi Zeus ba, ijem Paulus ninyeng hi Hermes lewo noni ne no di huk nihyet jei ri. 13Imam kwar Zeus gom di nok nibou mem ig mbusyamei Zeus di jo ei minu ndig dima nibiho jem sapi nikre nya bindung mitou cem kwei ei dimbou pmem minu ndig dima. Noni kin tungwatu ningot ndig pima yok ipi bibui sapi nya tut ninggrom bibikuk yok bak Paulus kin Barnabas.
14Noro tirigi ingon kanti dima jo nibreisi mem Paulus Barnabas nya lene irik ide sinsun rok him leu lene idor bisrig yo dima ikieti ba, imbrua kep yok bipai, 15#Kel. 20:11; Mzm. 146:6 “Andigpoi jen, jiyai nok gini leu binggon i? Nyeni cem tungwatu dihyeisi dini noyam kin jeni! Nikwei tri tut Nihyet Di Kei ba, nibrim je leu mun di bon ninyeng bi dini yok leu binhyepo jikuk je bak Allah di niyaijo di pai tes mpia-bbed him kin dihyeisi dini kin muk ngeisi bitut mun di joti nya hagom.
16Ei nijam gi nipou ne Allah sindui sut tungwatu ba, igyaijo bit leu yonti ingon kanti. 17Noro ningon prion ser gi ndo bindo tut Nonti brei biyok bi ba, bindo dima ne nisingat tut yokti ri. Noni bindei ba, mpia but leu mpia-bbed him lene bindei ba, jide njita kioi ningat ntun him nok gi dem mem je igbit tto bou. Noni yai njita bije lene biyai jingon llei-llau cem.” 18Mbro nok gino Paulus kin Barnabas imbrua ser yok nok lo, nggruk bibor mem itte tut timiei minu ndig dima di ipi bibui sapi bibikuk yok biyok.
19Lo bi lene mben Yahudi leu minu ndig Antiokhia ei hanjop Pisidia kin minu ndig Ikonium ikwei krau minu ndig Listra bikes ingon bak tungwatu ningot ndig pima yok. Yoni ibindei ba, tungwatu ningot ndig dima itti kin yok leu api yahagom iba tig bihwen Paulus bikri ningut ug ei minu ndig dima nisai bikan bigya noni mai su. 20Noro tirigi yo di ingon jo kep nya induk yam bingwig ttai Paulus lene noni kiju biya leu api coi ug ei minu ndig dima hanyen bu. Njap di hyep bu lene noni kin Barnabas yuug ei minu ndig Derbe.
Paulus kin Barnabas ingkwei hanyen ug ei minu ndig Antiokhia ei hanjop Siria
21Paulus kin Barnabas itri tut Nihyet Di Kei ei minu ndig Derbe leu api tungwatu imang bibor ingon jo kep Yesus. Gima ngwig leu lene ingkwei hanyen ug ei minu ndig Listra kin Ikonium kin Antiokhia ei hanjop Pisidia. 22Yoni ibiwin kep yo di ingon jo kep nya ingonti ei minu ndig dima yok leu binhyepo igya ngkiem ba, iba ingon com Yesus kikau. Yoni ingginau timiei nya ei minu ndig dima yok bit leu nok Yesus nipaisi “Mun di buhun mang bibor cut igkep nye di ikak puig di bie ug ei Allah Ninyeng Tak Kepti.” 23Paulus kin Barnabas ita nibou mbusyamei nya bidem ig mbusyamei niyati hagom lene iba nadi kin niyem njita bi mem nituti poi bikes yok ei Allah di nibou dima yok ingon jo kep nindati.
24Niabiati Paulus kin Barnabas imbut bigya bidem hanjop Pisidia leu lene ingkwei hanyen ug ei hanjop Pamfilia. 25Niabiati itri tut Allah nihyet bak timiei nya ei minu ndig Perga leu lene ingkwei hanyen ug ei minu ndig Atalia, 26bibri kibar minyei ei minu ndig dima bingkwei hanyen ug ei minu ndig Antiokhia ei hanjop Siria niabiati yo di mbusyamei ei minu ndig dima ikes yok ei Allah di singat tut yok nindati. Noni nyohou yok kikau bigyai Nide midyai biput kep.
27Tirigi ikwei krau minu ndig Antiokhia ei hanjop Siria hanyen tu lene induk yo di inggre kin mbusyamei kwei bipui kep midyai di Allah bibon tug hon yoni kin notou Allah tin puig mem gima ngkiai nya cem ingon jo kep Yesus. 28Paulus kin Barnabas ibong bit yo di ingon jo kep nya ei minu ndig dima mem bed poi bu.
Currently Selected:
KISAH 14: HAD
Highlight
Share
Copy
Want to have your highlights saved across all your devices? Sign up or sign in
KISAH 14
14
Paulus nya yuug ei minu ndig Ikonium
1Mun pima yok hagom cut igkep Paulus kin Barnabas ei minu ndig Ikonium cem. Icoi ug ei mben Yahudi ide ig mbusyamei lene iba iji ngkiem bitri tut nihyet biyok apino mben Yahudi kin ngkiai nya imang bibor ingon jo kep Yesus. 2Noro mben Yahudi di ikou sut ningon jo kepti nya ikes ingon kanti bak ngkiai nya leu binhyepo ingon sibui sut yo di ingon jo kep nya. 3Gima rino Paulus kin Barnabas ibong ei sirima mem ari nitindur poi lene iba iji nghai bitri tut Tuhan. Leu api Tuhan ndo bindo brei bak tungwatu nya bipia nihyet tut Tuhan nisingat tut yokti di Paulus kin Barnabas itri tut dima ne nijit ri. Noni sindem tut Paulus kin Barnabas leu binhyepo ibibon mindur kin bindo. 4Noro timiei minu ndig dima isrep tut yam ba, bihi itti kin mben Yahudi lo, bihi itti kin Paulus kin Barnabas.
5Lene ngkiai nya ibou poi kin mben Yahudi ibou poi di ibicom yam bit ide nibou nya igyok ingon gom tut gima ihwen bit Paulus nya ba, ipi biba tig bihwen yok. 6Noro hi mbot kep tut ingon kanti dima bak Paulus nya. Gima rino inang bingwes ngun ug ei minu ndig Listra kin Derbe ei hanjop Likaonia kin minu mien di gahai nya cem. 7Ba, itri tut Nihyet Di Kei ei hanjop nsi dima.
Paulus nya itri tut nihyet ei minu ndig Listra kin Derbe
8Tungwagom di nimig lit habiei ei nipmem ninghopti no rima ei minu ndig Listra ba, bit bon noni mbut nimig kan bi. 9No dini gwam jug bingig nitingou mem Paulus nihyet. Paulus ngat lo, no dima ningon jo kep ba, dem mem gima noni kei hanyen. Gima rino Paulus tou kep noni nggilun, 10lene ba nihyet nindig bipai bak “Akiju ba, aya pijum!” Leu api no dima pri biya kui ba, sindi tit nimig bimbut nyen. 11Tirigi tungwatu ningot ndig di idem yam ei mpia dima ingat lo, Paulus bindei ba, no dima kei hanyen tu lene iba nihyet Likaonia bahara “Ide nung di ikuk nye biyok nya iluei itta binok tungwatu leu api ijuk kwei ei ikieti tu o.” 12Lene ijem Barnabas ninyeng hi Zeus ba, ijem Paulus ninyeng hi Hermes lewo noni ne no di huk nihyet jei ri. 13Imam kwar Zeus gom di nok nibou mem ig mbusyamei Zeus di jo ei minu ndig dima nibiho jem sapi nikre nya bindung mitou cem kwei ei dimbou pmem minu ndig dima. Noni kin tungwatu ningot ndig pima yok ipi bibui sapi nya tut ninggrom bibikuk yok bak Paulus kin Barnabas.
14Noro tirigi ingon kanti dima jo nibreisi mem Paulus Barnabas nya lene irik ide sinsun rok him leu lene idor bisrig yo dima ikieti ba, imbrua kep yok bipai, 15#Kel. 20:11; Mzm. 146:6 “Andigpoi jen, jiyai nok gini leu binggon i? Nyeni cem tungwatu dihyeisi dini noyam kin jeni! Nikwei tri tut Nihyet Di Kei ba, nibrim je leu mun di bon ninyeng bi dini yok leu binhyepo jikuk je bak Allah di niyaijo di pai tes mpia-bbed him kin dihyeisi dini kin muk ngeisi bitut mun di joti nya hagom.
16Ei nijam gi nipou ne Allah sindui sut tungwatu ba, igyaijo bit leu yonti ingon kanti. 17Noro ningon prion ser gi ndo bindo tut Nonti brei biyok bi ba, bindo dima ne nisingat tut yokti ri. Noni bindei ba, mpia but leu mpia-bbed him lene bindei ba, jide njita kioi ningat ntun him nok gi dem mem je igbit tto bou. Noni yai njita bije lene biyai jingon llei-llau cem.” 18Mbro nok gino Paulus kin Barnabas imbrua ser yok nok lo, nggruk bibor mem itte tut timiei minu ndig dima di ipi bibui sapi bibikuk yok biyok.
19Lo bi lene mben Yahudi leu minu ndig Antiokhia ei hanjop Pisidia kin minu ndig Ikonium ikwei krau minu ndig Listra bikes ingon bak tungwatu ningot ndig pima yok. Yoni ibindei ba, tungwatu ningot ndig dima itti kin yok leu api yahagom iba tig bihwen Paulus bikri ningut ug ei minu ndig dima nisai bikan bigya noni mai su. 20Noro tirigi yo di ingon jo kep nya induk yam bingwig ttai Paulus lene noni kiju biya leu api coi ug ei minu ndig dima hanyen bu. Njap di hyep bu lene noni kin Barnabas yuug ei minu ndig Derbe.
Paulus kin Barnabas ingkwei hanyen ug ei minu ndig Antiokhia ei hanjop Siria
21Paulus kin Barnabas itri tut Nihyet Di Kei ei minu ndig Derbe leu api tungwatu imang bibor ingon jo kep Yesus. Gima ngwig leu lene ingkwei hanyen ug ei minu ndig Listra kin Ikonium kin Antiokhia ei hanjop Pisidia. 22Yoni ibiwin kep yo di ingon jo kep nya ingonti ei minu ndig dima yok leu binhyepo igya ngkiem ba, iba ingon com Yesus kikau. Yoni ingginau timiei nya ei minu ndig dima yok bit leu nok Yesus nipaisi “Mun di buhun mang bibor cut igkep nye di ikak puig di bie ug ei Allah Ninyeng Tak Kepti.” 23Paulus kin Barnabas ita nibou mbusyamei nya bidem ig mbusyamei niyati hagom lene iba nadi kin niyem njita bi mem nituti poi bikes yok ei Allah di nibou dima yok ingon jo kep nindati.
24Niabiati Paulus kin Barnabas imbut bigya bidem hanjop Pisidia leu lene ingkwei hanyen ug ei hanjop Pamfilia. 25Niabiati itri tut Allah nihyet bak timiei nya ei minu ndig Perga leu lene ingkwei hanyen ug ei minu ndig Atalia, 26bibri kibar minyei ei minu ndig dima bingkwei hanyen ug ei minu ndig Antiokhia ei hanjop Siria niabiati yo di mbusyamei ei minu ndig dima ikes yok ei Allah di singat tut yok nindati. Noni nyohou yok kikau bigyai Nide midyai biput kep.
27Tirigi ikwei krau minu ndig Antiokhia ei hanjop Siria hanyen tu lene induk yo di inggre kin mbusyamei kwei bipui kep midyai di Allah bibon tug hon yoni kin notou Allah tin puig mem gima ngkiai nya cem ingon jo kep Yesus. 28Paulus kin Barnabas ibong bit yo di ingon jo kep nya ei minu ndig dima mem bed poi bu.
Currently Selected:
:
Highlight
Share
Copy
Want to have your highlights saved across all your devices? Sign up or sign in