KISAH 2
2
Allah Ninnei nisrek kweisi
1 #
Im. 23:15-21; Ul. 16:9-11 Ug ei Njap Pentakosta nicunti lene yo di ingon jo kep nya yahagom idem yam ei nittou nsi gom. 2Idrui sut lo, imiap nibimbi gom nok sigau di tibim kros kwei leu mpia-bbed him bimpung ei ig bei di yahagom idem yam eisi. 3Lene ingat mun di nok hum di srei nidwep pimo sror kwei biteu ei bikwob tungwagom-gom dip. 4Allah Ninnei srek kwei ei yahagom ingonti leu api kindi imbrap ngkiai nya ighyet sindam bit leu nok Allah Ninnei sindem tut yokti.
5Mpe dima lene ngkiai di itti kin puig Yahudi cem imang bibor induk yam kwei leu dihyei nisurti-nipekti ba, yahagom ingat rin ei minu ndig Yerusalem. 6Tirigi imiap nibimbi dima lene tungwatu ningot ndig induk yam kwei. Yahagom idrui sut lewo bikwop tungwagom-gom miap igbit nonti nihyet di tibim ei yo di ingon jo kep nya yuhui him. 7Idigit tut binggap leu tut leu api ihig yam “Yo di imbrap nok gini yahagom mben Galilea bi e? 8Notou dino nyeni yahagom imiap nyenti ighyet di imbrap ei itimieisi di tibim ei yo dima yuhui him i? 9Lewo nyeni itimieisi leu hanjop Partia kin Media kin Elam kin Mesopotamia kin Yudea kin Kapadokia kin Pontus kin Asia kin, 10Frigia kin Pamfilia kin Mesir kin Libia nite di ndam Kirene ba, ibihi ikwei leu minu ndig Roma cem. 11Ibihi ne mben Yahudi lo, ibihi nok ngkiai nya di itti kin puig Yahudi ba, ibihi ikwei leu Mios Kreta kin minu Arab cem. Ba, bikwop nyeni yahagom imiap igbit nyenti ighyet di tibim tut Allah de mindur nya ei yo dima yuhui him.” 12Yahagom inggap leu tut ba, ingon kiowi tut cem lene ihig kikep yam “Mindei rinontini i?”
13Noro ibou poi iba ighyet bicig yo di ingon jo kep nya bipai “Yo dini idut mun di pu yok!”
Petrus tri tut nihyet
14Lene Petrus kiju biya ei yo di igya kui Yesus nindigsi ibou simnaibrimiggom ikieti leu api ba nihyet nindig bipai bak tungwatu ningot ndig dima yok “Disut bat je di mben Yahudi kin je di timiei minu ndig Yerusalem e, ma jingig jitingou mem dihyet lewo suar dimbot kep tut mindur dini bije. 15Yo dini idut mun di pu yok bit leu nok jiba jingon srip hukti dima bi lewo njap bigyoti ba, jam muhwindatai he yo. 16Noro mindur dini ket ei mun di Allah bindei ba, tibim ei Nabi Yoel nuhui him.
17 #
Yl. 2:28-32
Allah pai, ‘Son dideu nijam ningwig honti ne miduhug Dinnei bikwop ei tungwagom-gom ningonti. Jipmot bat-jipmisop bat nya mitri tut dihyet bak tungwatu nya, jide pinai pilei nya mingat-hi-ngat lene jide andigpoi nya mimumpriem.
18Miduhug Dinnei bikwop ei Ditde awak pinai nya kin sop nya ingonti ei nijam ningwig honti dima apino itri tut dihyet bak tungwatu nya.
19Midibibon mindur ei mpia-bbed him ba, midindo bindo nok ninggrom kin hum kin hum mmup di ndok hagom ei dihyeisi dini cem.
20Mpia njap dindi ba, bed mmun ngwoi nok ninggrom nipou tirigi Tuhan de Njap ningwig honti di nindig bikei-kau-kei cem ttau kros bigyo.
21Mpe dima lene Tuhan miteu bibikwop tungwagom-gom di hara Noni biyai niyaijo nijep biyok.’
22Disut bat mben Israel jen, ma jingig jitingou mem dihyet. Allah ndo midyai bak Yesus leu minu ndig Nazaret mem je. Gini jo nibreisi mem je tug hon mindur kin bindo di Allah bibon tug hon Noni ei jikieti bijikan tut mun dini yok hagom tu. 23#Mat. 27:35; Mrk. 15:24; Luk. 23:33; Yoh. 19:18 Allah kos tut ningon kanti mem Yesus nipou su bipia mikes Noni ei jindati. Tirigi Allah kes Yesus ei jindati rino jihwen Noni tug hon yo di imbuk nya di ipek Noni kin biei salib. 24#Mat. 28:5-6; Mrk. 16:6; Luk. 24:5 Noro Allah win Noni hanyen leu yo di imai su nya ikieti bikwek Noni leu nimai di ninyeng tak kep Noni lewo bit bon nimai kat Noni kikau kan bi. 25#Mzm. 16:8-11 Daud pui sut Noni bipai ‘Diyok ngon kep Tuhan ba, Noni ya bibie doho bei kikau. Noni ya kui dinda com leu binhyepo mun nyeng hi mibindin da bu bi.
26Gima rino dingon llei-llau ba, diba dingon nggei-hi-nggei bimbrap. Mbro nok gino dingut dini mipror yon lo, dingon mijo nyahan lewo diba dingon com Na tu.
27Lewo asindui sut ba, dinnei srig yo di imai nya ikieti bihigom bi ba, ace tut Ade awak di ningon gom ningut kroi ei bi.
28Ba, ando puig di bie tut da ug ei niyaijo nijepti apino dingon llei bibor bidingon nggei-hi-nggei cem lewo aya kui da.’
29Disut bat jen, gino jice tut lene dipai brei bije tut ide pung di intun him di Nibou Ndig Daud di mai su. Leu api itig ningut srig nimai nya ikieti. Nijui dip jo bit nye kikau kwei bipek ammani kep. 30#Mzm. 132:11; 2Sam. 7:12-13 Allah preu ei mem noni tug hon neheng bipia Noni mikon tungwagom di ntun Daud him binok Nibou Ndig bu ba, No dima miya luei Daud nohoti. Daud kan tut Allah nipreu eisi lewo noni ne nabi rin cem, 31bikan igbit tut mun di Allah bibon ei nidipti bu. Gima rino noni mbot kep tut Nibou Ndig di teu tungwatu nya biyai niyaijo nijep biyok di Allah preu ei mem yok nikiju hanyenti tirigi pai ‘Allah sindui sut Noni srig yo di imai nya ikieti bihigom ba, ningut cem kroi ei jui nsi bi.’
32Nahagom ningat bou niyai him bipia Allah win Yesus gom ndia hanyen leu nimai nya ikieti, 33lene bindei ba, Noni gwam kui Allah ninda com. Allah yai nisindemti kin Allah Ninnei biNoni bit leu nok Nicig nipreu ei mem Noniti cem. Allah Ninnei di Noni hug ei nyeni ningonti ribindei dino mun di jingat kin jimiap nogindini timon je. 34#Mzm. 110:1 Daud kui ug ei gwamti dem kep nok Yesus nikui hanyenti bi. Noro noni pai ‘Allah pai bak ditde Tuhan,
35ma agwam kui dinda com,#2:35: Nipas kep ma agwam kui dinda com: Bit leu mben Yahudi igyai kepti lene gi hi di dem mem gima yai ninyeng di jei kin nisindemti rino gwam kui nibou ndig ninda com. bibou doom Ade siceu nya biba ingwak bikik dihyei ei amig him ug e.’
36Gima rino suar mben Israel yahagom igyok ngon kep mungkun kei bipia Allah bindei ba, Yesus di jipek kin biei salib ninyeng Tuhan kin Nibou Ndig di teu tungwatu nya biyai niyai niyaijo nijep biyok cem ri!”
37Tirigi tungwatu dima yok imiap nihyet lene ingon huk niti ba, ihig pus Petrus nya “Nisut bat jen, nibon mindei i?”
38Petrus buhup “Ma jittin ser jide sisar bijikiek ndam Allah bibikwop tungwagom-gom leu ba, jiyai nitur je ei minyeiti tug hon Yesus Kristus ninyeng apino Allah mikos ser jide sisar. Gima ngwig leu leu api Allah miyai Nonti Ninnei bije. 39Lewo Allah nipreu eisi dima mem jeni kin yo di intun jeni him kin yo di minu ting nya cem bibikwop tungwa tou rino Tuhan di nok nyeni ide Allah mihig ndam Nonti.”
40Nok gima lene Petrus mbot kep tut biyok leu api huk nihyet kikau bisok kep yok “Ma jibrim jingkek leu binhyepo jingwes ngun leu hukum dino Allah mikes ei yo di isibut dini yok dip.” 41Tungwatu ningot ndig ingon jo kep Petrus nihyet leu api igyai nitur yok ei minyeiti. Yo dini imangti ibou sribu ningai ba, iba yo bikum yo di ingon jo kep nya ei njap gom ndia. 42Ba, iba ingon gom bipikor tut yo di igya kui Yesus ighyet kikau bigyem njita ba, ingat nadi bit yam cem.
Yo di ingon jo kep nya ide niyai kepti nya
43Yo di igya kui Yesus ibibon mindur kin bindo mang bibor bikwop njap-njap apino tungwatu nya yahagom inggap leu ba, idigit tut cem. 44#Kis. 4:32-35 Yo di ingon jo kep Yesus yahagom inok gom ba, ingon ce yam bi lene ibippiet mun di inyeng tut nya biyam. 45Yo di inyeng tut dihyei hanjop nsi nya kin ndigban itri kep mun dima yok bibipek mitiei leu api ikwas mitiei dima tut yo di ingon jo kep di ihwap mbum nya. 46Yahagom idem yam ei Tuhan De Ig bikwop njap-njap leu api iba ingon llei bibor biyem njita bit yam ei ide ig bei ba, ingon gom cem. 47Yoni inggei sut Allah ba, tungwatu nindigsi nya yahagom ijoi sut yok. Tuhan ba yo di sindi igyai niteu leu sisarti kin niyaijo nijep bikum ei yo di ingon jo kep nya imangti bikwop njap-njap.
Currently Selected:
KISAH 2: HAD
Highlight
Share
Copy
Want to have your highlights saved across all your devices? Sign up or sign in
KISAH 2
2
Allah Ninnei nisrek kweisi
1 #
Im. 23:15-21; Ul. 16:9-11 Ug ei Njap Pentakosta nicunti lene yo di ingon jo kep nya yahagom idem yam ei nittou nsi gom. 2Idrui sut lo, imiap nibimbi gom nok sigau di tibim kros kwei leu mpia-bbed him bimpung ei ig bei di yahagom idem yam eisi. 3Lene ingat mun di nok hum di srei nidwep pimo sror kwei biteu ei bikwob tungwagom-gom dip. 4Allah Ninnei srek kwei ei yahagom ingonti leu api kindi imbrap ngkiai nya ighyet sindam bit leu nok Allah Ninnei sindem tut yokti.
5Mpe dima lene ngkiai di itti kin puig Yahudi cem imang bibor induk yam kwei leu dihyei nisurti-nipekti ba, yahagom ingat rin ei minu ndig Yerusalem. 6Tirigi imiap nibimbi dima lene tungwatu ningot ndig induk yam kwei. Yahagom idrui sut lewo bikwop tungwagom-gom miap igbit nonti nihyet di tibim ei yo di ingon jo kep nya yuhui him. 7Idigit tut binggap leu tut leu api ihig yam “Yo di imbrap nok gini yahagom mben Galilea bi e? 8Notou dino nyeni yahagom imiap nyenti ighyet di imbrap ei itimieisi di tibim ei yo dima yuhui him i? 9Lewo nyeni itimieisi leu hanjop Partia kin Media kin Elam kin Mesopotamia kin Yudea kin Kapadokia kin Pontus kin Asia kin, 10Frigia kin Pamfilia kin Mesir kin Libia nite di ndam Kirene ba, ibihi ikwei leu minu ndig Roma cem. 11Ibihi ne mben Yahudi lo, ibihi nok ngkiai nya di itti kin puig Yahudi ba, ibihi ikwei leu Mios Kreta kin minu Arab cem. Ba, bikwop nyeni yahagom imiap igbit nyenti ighyet di tibim tut Allah de mindur nya ei yo dima yuhui him.” 12Yahagom inggap leu tut ba, ingon kiowi tut cem lene ihig kikep yam “Mindei rinontini i?”
13Noro ibou poi iba ighyet bicig yo di ingon jo kep nya bipai “Yo dini idut mun di pu yok!”
Petrus tri tut nihyet
14Lene Petrus kiju biya ei yo di igya kui Yesus nindigsi ibou simnaibrimiggom ikieti leu api ba nihyet nindig bipai bak tungwatu ningot ndig dima yok “Disut bat je di mben Yahudi kin je di timiei minu ndig Yerusalem e, ma jingig jitingou mem dihyet lewo suar dimbot kep tut mindur dini bije. 15Yo dini idut mun di pu yok bit leu nok jiba jingon srip hukti dima bi lewo njap bigyoti ba, jam muhwindatai he yo. 16Noro mindur dini ket ei mun di Allah bindei ba, tibim ei Nabi Yoel nuhui him.
17 #
Yl. 2:28-32
Allah pai, ‘Son dideu nijam ningwig honti ne miduhug Dinnei bikwop ei tungwagom-gom ningonti. Jipmot bat-jipmisop bat nya mitri tut dihyet bak tungwatu nya, jide pinai pilei nya mingat-hi-ngat lene jide andigpoi nya mimumpriem.
18Miduhug Dinnei bikwop ei Ditde awak pinai nya kin sop nya ingonti ei nijam ningwig honti dima apino itri tut dihyet bak tungwatu nya.
19Midibibon mindur ei mpia-bbed him ba, midindo bindo nok ninggrom kin hum kin hum mmup di ndok hagom ei dihyeisi dini cem.
20Mpia njap dindi ba, bed mmun ngwoi nok ninggrom nipou tirigi Tuhan de Njap ningwig honti di nindig bikei-kau-kei cem ttau kros bigyo.
21Mpe dima lene Tuhan miteu bibikwop tungwagom-gom di hara Noni biyai niyaijo nijep biyok.’
22Disut bat mben Israel jen, ma jingig jitingou mem dihyet. Allah ndo midyai bak Yesus leu minu ndig Nazaret mem je. Gini jo nibreisi mem je tug hon mindur kin bindo di Allah bibon tug hon Noni ei jikieti bijikan tut mun dini yok hagom tu. 23#Mat. 27:35; Mrk. 15:24; Luk. 23:33; Yoh. 19:18 Allah kos tut ningon kanti mem Yesus nipou su bipia mikes Noni ei jindati. Tirigi Allah kes Yesus ei jindati rino jihwen Noni tug hon yo di imbuk nya di ipek Noni kin biei salib. 24#Mat. 28:5-6; Mrk. 16:6; Luk. 24:5 Noro Allah win Noni hanyen leu yo di imai su nya ikieti bikwek Noni leu nimai di ninyeng tak kep Noni lewo bit bon nimai kat Noni kikau kan bi. 25#Mzm. 16:8-11 Daud pui sut Noni bipai ‘Diyok ngon kep Tuhan ba, Noni ya bibie doho bei kikau. Noni ya kui dinda com leu binhyepo mun nyeng hi mibindin da bu bi.
26Gima rino dingon llei-llau ba, diba dingon nggei-hi-nggei bimbrap. Mbro nok gino dingut dini mipror yon lo, dingon mijo nyahan lewo diba dingon com Na tu.
27Lewo asindui sut ba, dinnei srig yo di imai nya ikieti bihigom bi ba, ace tut Ade awak di ningon gom ningut kroi ei bi.
28Ba, ando puig di bie tut da ug ei niyaijo nijepti apino dingon llei bibor bidingon nggei-hi-nggei cem lewo aya kui da.’
29Disut bat jen, gino jice tut lene dipai brei bije tut ide pung di intun him di Nibou Ndig Daud di mai su. Leu api itig ningut srig nimai nya ikieti. Nijui dip jo bit nye kikau kwei bipek ammani kep. 30#Mzm. 132:11; 2Sam. 7:12-13 Allah preu ei mem noni tug hon neheng bipia Noni mikon tungwagom di ntun Daud him binok Nibou Ndig bu ba, No dima miya luei Daud nohoti. Daud kan tut Allah nipreu eisi lewo noni ne nabi rin cem, 31bikan igbit tut mun di Allah bibon ei nidipti bu. Gima rino noni mbot kep tut Nibou Ndig di teu tungwatu nya biyai niyaijo nijep biyok di Allah preu ei mem yok nikiju hanyenti tirigi pai ‘Allah sindui sut Noni srig yo di imai nya ikieti bihigom ba, ningut cem kroi ei jui nsi bi.’
32Nahagom ningat bou niyai him bipia Allah win Yesus gom ndia hanyen leu nimai nya ikieti, 33lene bindei ba, Noni gwam kui Allah ninda com. Allah yai nisindemti kin Allah Ninnei biNoni bit leu nok Nicig nipreu ei mem Noniti cem. Allah Ninnei di Noni hug ei nyeni ningonti ribindei dino mun di jingat kin jimiap nogindini timon je. 34#Mzm. 110:1 Daud kui ug ei gwamti dem kep nok Yesus nikui hanyenti bi. Noro noni pai ‘Allah pai bak ditde Tuhan,
35ma agwam kui dinda com,#2:35: Nipas kep ma agwam kui dinda com: Bit leu mben Yahudi igyai kepti lene gi hi di dem mem gima yai ninyeng di jei kin nisindemti rino gwam kui nibou ndig ninda com. bibou doom Ade siceu nya biba ingwak bikik dihyei ei amig him ug e.’
36Gima rino suar mben Israel yahagom igyok ngon kep mungkun kei bipia Allah bindei ba, Yesus di jipek kin biei salib ninyeng Tuhan kin Nibou Ndig di teu tungwatu nya biyai niyai niyaijo nijep biyok cem ri!”
37Tirigi tungwatu dima yok imiap nihyet lene ingon huk niti ba, ihig pus Petrus nya “Nisut bat jen, nibon mindei i?”
38Petrus buhup “Ma jittin ser jide sisar bijikiek ndam Allah bibikwop tungwagom-gom leu ba, jiyai nitur je ei minyeiti tug hon Yesus Kristus ninyeng apino Allah mikos ser jide sisar. Gima ngwig leu leu api Allah miyai Nonti Ninnei bije. 39Lewo Allah nipreu eisi dima mem jeni kin yo di intun jeni him kin yo di minu ting nya cem bibikwop tungwa tou rino Tuhan di nok nyeni ide Allah mihig ndam Nonti.”
40Nok gima lene Petrus mbot kep tut biyok leu api huk nihyet kikau bisok kep yok “Ma jibrim jingkek leu binhyepo jingwes ngun leu hukum dino Allah mikes ei yo di isibut dini yok dip.” 41Tungwatu ningot ndig ingon jo kep Petrus nihyet leu api igyai nitur yok ei minyeiti. Yo dini imangti ibou sribu ningai ba, iba yo bikum yo di ingon jo kep nya ei njap gom ndia. 42Ba, iba ingon gom bipikor tut yo di igya kui Yesus ighyet kikau bigyem njita ba, ingat nadi bit yam cem.
Yo di ingon jo kep nya ide niyai kepti nya
43Yo di igya kui Yesus ibibon mindur kin bindo mang bibor bikwop njap-njap apino tungwatu nya yahagom inggap leu ba, idigit tut cem. 44#Kis. 4:32-35 Yo di ingon jo kep Yesus yahagom inok gom ba, ingon ce yam bi lene ibippiet mun di inyeng tut nya biyam. 45Yo di inyeng tut dihyei hanjop nsi nya kin ndigban itri kep mun dima yok bibipek mitiei leu api ikwas mitiei dima tut yo di ingon jo kep di ihwap mbum nya. 46Yahagom idem yam ei Tuhan De Ig bikwop njap-njap leu api iba ingon llei bibor biyem njita bit yam ei ide ig bei ba, ingon gom cem. 47Yoni inggei sut Allah ba, tungwatu nindigsi nya yahagom ijoi sut yok. Tuhan ba yo di sindi igyai niteu leu sisarti kin niyaijo nijep bikum ei yo di ingon jo kep nya imangti bikwop njap-njap.
Currently Selected:
:
Highlight
Share
Copy
Want to have your highlights saved across all your devices? Sign up or sign in