YOHANES 13
13
Yesus piap yo di igya kui Noni imigya
1Njap gom nipou tirigi tto bou dem mem Njap Ndig Paskah bigyo lene Yesus kan tut bipia tto bou dem mem gima Noni ug leu dihyeisi dini bingkwei hanyen ndam Nicigya. Ningon ngakei Nide limwa nya ei dihyeisi dini biningon ngakei yok kikau ug bipek niyaijo ningwig honti.
2Mmun tu rino Yesus yem njita bit yo di igya kui Noni. Bilis bindei ba, Yudas di Simon Iskariot nipmot kan-kan nyen tut nitri Yesusti. 3Yesus kan tut bipia Nicig kes nisindemti hagom ei nindati bikan tut bipia Noni kwei leu Allah habiei lene mingkwei hanyen ndam Allah bu. 4Gima rino Noni kiju kui bikes yo di igwam kui meja ningat lene juk sinsun ninda di jei leu No leu api ba handuk gom bikri kep nintig bou. 5Leu api Noni hug minyei ei bokor ndig gomti ba, sindi piap yo di igya kui Noni imig biba handuk bidip ninggou leu. 6Noni kwei dideu Simon Petrus sindam leu api Simon Petrus hig ser Yesus “Tuhan e, apiap dani cem dimig e?”
7Yesus buhup “Nogindini angon kiowi niti tut diyaisi dini noro ei nidipti bu lene mporo angon dorti tut.”
8Lene Petrus srep “Tuhan e, ma apiap dimig bi sren!”
Noro Yesus buhup “Gino dipiap amig bi lene bit bon ambier kim Da bi.”
9Simon Petrus buhup “Tuhan e, nok gima ne ma apiap dimig he bi noro dinda kin dibou cem!”
10Lene Yesus pai bak Petrus “No di kek minyeiti tu ningkek dip hagom pwoi kei su. Noni suar kek minyeiti hanyen bi noro piap nimig he. Jahagom jipwoi su noro jigom ne bi.” (11Yesus kan tut no di tri Noni. Gima rino pai “Jahagom jipwoi su noro jigom ne bi.”)
12 #
Luk. 22:27
Niabiati tirigi Yesus piap yahagom imig tu lene juk Nide sinsun ninda di jei hanyen bingkwei hanyen bigwam kui meja lene hig ser yok “Jingon dorti tut mun di dibon bije pima e? 13Jijem dinyeng Guru kin Tuhan e? Gima igbit rin lewo dinok jide Guru kin jide Tuhan cem. 14Gino dinok jide Guru lene dibinok jide Tuhan cem lo, dipiap jimig lene ma jeni cem jipiap yam migya. 15Dindo bindo bije tug hon diyai munti dima leu binhyepo jiyai bram diyaisi. 16#Mat. 10:24; Luk. 6:40; Yoh. 15:20 Dipai nijit bije bipia awak ninyeng jei dor njiriek niceu ninyeng bi. No di pwoi srat buug sut cem ninyeng jei dor njiriek no di cuk noni tut srat dima ninyeng bi. 17Gino jingon dorti tut dihyet dini hagom bijibit lene jingon nggei-hi-nggei.
18 #
Mzm. 41:10
Dikan igbit tut je di didimig je ei su. Dihyet di dibinut bu dini bitut jahagom bi. Allah nihyet pai ‘No di yem njita bit Da ham nimbuk kep Da.’ 19Dipai dihyet dini brei bije nipou tirigi pek kep bigyo leu binhyepo tirigi pek kep mem je lene jingon jo kep bipia Dani ne No di ninyeng DANI DINGAT RI. 20#Mat. 10:40; Mrk. 9:37; Luk. 9:48, 10:16 Dipai nijit bije bipia no di ya um no di Dani dipinak ya um Dani cem. No di ya um Dani ya um No di cuk Da kwei cem.”
Yesus pai brei sut no di tin ei mem gima tri Noni
(Mat. 26:20-25; Mrk. 14:17-21; Luk. 22:21-23)
21Tirigi Yesus pai nok rino ningon buhun bibor bipai brei biyok “Dipai nijit bije bipia jigom mitri Da.”
22Yo di igya kui Noni itou kep yam nggilun binga leu sut nipaisi lewo ingon kiowiti nindig bibor drek dip no di Yesus pai sut dima ninyeng yo. 23No di ya kui Yesus di ningon kieti gwam simiak Noni. 24Simon Petrus ba niyai nggrop kon no dima bipai binoni “Ahig ser Yesus tut no di tri Noni ninyeng i.”
25Gima rino no dima son nyahan ndam Yesus leu api hig ser Noni “Tuhan e, apai sut tou i?”
26Yesus buhup “Gino ditur roti ei gi mokti bidisu bak jigom lene no dima ri.” Gima rino Yesus krau roti bitur ei gi mokti leu api su bak Yudas di Simon Iskariot nipmot. 27Hammi tirigi Yudas krau roti dima rino Bilis coi ug ei ningonti. Lene Yesus pai binoni “Abipbur ba, ayai igbit leu angon kanti hak ug.” 28Noro yo di igwam bit Yesus nindigsi nya ingon dorti tut mun di Noni pai bak Yudas bi. 29Bihi ikan bigya Noni cuk Yudas buug pek mun di isuar mem Njap Ndig Paskah e, he ug kwas mitiei hi tut yo di yuhui mbum nya e? Ikan nok lewo Yudas rino krau mitiei bousi mem yok.
30Niabiati Yudas krau roti dima lene bisau ba, hei bimbut. Mpe dima ne himmun tu.
Ningginausi tut nicukti di nijep bu
31Tirigi Yudas ug leu yok tu lene Yesus pai biyok “Tto bou dem mem Munggwom Tungwatu Nipmot yai nikei-kau-keisi ba, Allah cem yai nikei-kau-keisi tug hon Noni. 32Gino Allah yai nikei-kau-keisi tug hon Nipmot lene Allah Nonti ndo Nipmot nikei-kausi bak tungwatu nya. Ningat ne Allah ndo Nipmot nikei-kau-keisi biyok haninyai. 33#Yoh. 7:34 Dimunggwom bat jen, digwam bit je mem nijam di jei bi. Gino jinggok ser Dani lene dipai bije bit leu nok gi dipai bak nibou mben Yahudi nya bipia bit bon jicoi ug ei mpia ttou nsi dino duug eisi dima kan bi. 34#Yoh. 15:12, 17; 1Yoh. 3:23; 2Yoh. 5 Diyai nicukti di nijep bu bije. Ma jingon ngakei yam. Bit leu nok gi dingon ngakei jeni lene ma jingon ngakei yam. 35Tungwatu nya yahagom mikan tut bipia jiya kui Da gino jingon ngakei yam.”
Yesus mbot kep tut Petrus di om ser Noni
(Mat. 26:31-35; Mrk. 14:27-31; Luk. 22:31-34)
36Simon Petrus hig ser Yesus “Tuhan e, aug ei hantou i?”
Yesus buhup “Bit bon abit Da ug ei mpia ttou nsi dima nogindia kan bi. Noro mpe hi bu ne abit Da.”
37Petrus hig ser Noni hanyen bu “Tuhan e, nggon rino bit bon dibit Na ug ei mpia ttou nsi dima nogindia kan bi i? Ditin ei mem diyai nimai drek dip Na.”
38Yesus buhup “Atin ei mem ayai nimai drek dip Da e? Dipai nijit bina bipia ariman nipou tirigi hacig yau bigyo lene aom ser Da mbiningai su.”
Currently Selected:
YOHANES 13: HAD
Highlight
Share
Copy
Want to have your highlights saved across all your devices? Sign up or sign in
YOHANES 13
13
Yesus piap yo di igya kui Noni imigya
1Njap gom nipou tirigi tto bou dem mem Njap Ndig Paskah bigyo lene Yesus kan tut bipia tto bou dem mem gima Noni ug leu dihyeisi dini bingkwei hanyen ndam Nicigya. Ningon ngakei Nide limwa nya ei dihyeisi dini biningon ngakei yok kikau ug bipek niyaijo ningwig honti.
2Mmun tu rino Yesus yem njita bit yo di igya kui Noni. Bilis bindei ba, Yudas di Simon Iskariot nipmot kan-kan nyen tut nitri Yesusti. 3Yesus kan tut bipia Nicig kes nisindemti hagom ei nindati bikan tut bipia Noni kwei leu Allah habiei lene mingkwei hanyen ndam Allah bu. 4Gima rino Noni kiju kui bikes yo di igwam kui meja ningat lene juk sinsun ninda di jei leu No leu api ba handuk gom bikri kep nintig bou. 5Leu api Noni hug minyei ei bokor ndig gomti ba, sindi piap yo di igya kui Noni imig biba handuk bidip ninggou leu. 6Noni kwei dideu Simon Petrus sindam leu api Simon Petrus hig ser Yesus “Tuhan e, apiap dani cem dimig e?”
7Yesus buhup “Nogindini angon kiowi niti tut diyaisi dini noro ei nidipti bu lene mporo angon dorti tut.”
8Lene Petrus srep “Tuhan e, ma apiap dimig bi sren!”
Noro Yesus buhup “Gino dipiap amig bi lene bit bon ambier kim Da bi.”
9Simon Petrus buhup “Tuhan e, nok gima ne ma apiap dimig he bi noro dinda kin dibou cem!”
10Lene Yesus pai bak Petrus “No di kek minyeiti tu ningkek dip hagom pwoi kei su. Noni suar kek minyeiti hanyen bi noro piap nimig he. Jahagom jipwoi su noro jigom ne bi.” (11Yesus kan tut no di tri Noni. Gima rino pai “Jahagom jipwoi su noro jigom ne bi.”)
12 #
Luk. 22:27
Niabiati tirigi Yesus piap yahagom imig tu lene juk Nide sinsun ninda di jei hanyen bingkwei hanyen bigwam kui meja lene hig ser yok “Jingon dorti tut mun di dibon bije pima e? 13Jijem dinyeng Guru kin Tuhan e? Gima igbit rin lewo dinok jide Guru kin jide Tuhan cem. 14Gino dinok jide Guru lene dibinok jide Tuhan cem lo, dipiap jimig lene ma jeni cem jipiap yam migya. 15Dindo bindo bije tug hon diyai munti dima leu binhyepo jiyai bram diyaisi. 16#Mat. 10:24; Luk. 6:40; Yoh. 15:20 Dipai nijit bije bipia awak ninyeng jei dor njiriek niceu ninyeng bi. No di pwoi srat buug sut cem ninyeng jei dor njiriek no di cuk noni tut srat dima ninyeng bi. 17Gino jingon dorti tut dihyet dini hagom bijibit lene jingon nggei-hi-nggei.
18 #
Mzm. 41:10
Dikan igbit tut je di didimig je ei su. Dihyet di dibinut bu dini bitut jahagom bi. Allah nihyet pai ‘No di yem njita bit Da ham nimbuk kep Da.’ 19Dipai dihyet dini brei bije nipou tirigi pek kep bigyo leu binhyepo tirigi pek kep mem je lene jingon jo kep bipia Dani ne No di ninyeng DANI DINGAT RI. 20#Mat. 10:40; Mrk. 9:37; Luk. 9:48, 10:16 Dipai nijit bije bipia no di ya um no di Dani dipinak ya um Dani cem. No di ya um Dani ya um No di cuk Da kwei cem.”
Yesus pai brei sut no di tin ei mem gima tri Noni
(Mat. 26:20-25; Mrk. 14:17-21; Luk. 22:21-23)
21Tirigi Yesus pai nok rino ningon buhun bibor bipai brei biyok “Dipai nijit bije bipia jigom mitri Da.”
22Yo di igya kui Noni itou kep yam nggilun binga leu sut nipaisi lewo ingon kiowiti nindig bibor drek dip no di Yesus pai sut dima ninyeng yo. 23No di ya kui Yesus di ningon kieti gwam simiak Noni. 24Simon Petrus ba niyai nggrop kon no dima bipai binoni “Ahig ser Yesus tut no di tri Noni ninyeng i.”
25Gima rino no dima son nyahan ndam Yesus leu api hig ser Noni “Tuhan e, apai sut tou i?”
26Yesus buhup “Gino ditur roti ei gi mokti bidisu bak jigom lene no dima ri.” Gima rino Yesus krau roti bitur ei gi mokti leu api su bak Yudas di Simon Iskariot nipmot. 27Hammi tirigi Yudas krau roti dima rino Bilis coi ug ei ningonti. Lene Yesus pai binoni “Abipbur ba, ayai igbit leu angon kanti hak ug.” 28Noro yo di igwam bit Yesus nindigsi nya ingon dorti tut mun di Noni pai bak Yudas bi. 29Bihi ikan bigya Noni cuk Yudas buug pek mun di isuar mem Njap Ndig Paskah e, he ug kwas mitiei hi tut yo di yuhui mbum nya e? Ikan nok lewo Yudas rino krau mitiei bousi mem yok.
30Niabiati Yudas krau roti dima lene bisau ba, hei bimbut. Mpe dima ne himmun tu.
Ningginausi tut nicukti di nijep bu
31Tirigi Yudas ug leu yok tu lene Yesus pai biyok “Tto bou dem mem Munggwom Tungwatu Nipmot yai nikei-kau-keisi ba, Allah cem yai nikei-kau-keisi tug hon Noni. 32Gino Allah yai nikei-kau-keisi tug hon Nipmot lene Allah Nonti ndo Nipmot nikei-kausi bak tungwatu nya. Ningat ne Allah ndo Nipmot nikei-kau-keisi biyok haninyai. 33#Yoh. 7:34 Dimunggwom bat jen, digwam bit je mem nijam di jei bi. Gino jinggok ser Dani lene dipai bije bit leu nok gi dipai bak nibou mben Yahudi nya bipia bit bon jicoi ug ei mpia ttou nsi dino duug eisi dima kan bi. 34#Yoh. 15:12, 17; 1Yoh. 3:23; 2Yoh. 5 Diyai nicukti di nijep bu bije. Ma jingon ngakei yam. Bit leu nok gi dingon ngakei jeni lene ma jingon ngakei yam. 35Tungwatu nya yahagom mikan tut bipia jiya kui Da gino jingon ngakei yam.”
Yesus mbot kep tut Petrus di om ser Noni
(Mat. 26:31-35; Mrk. 14:27-31; Luk. 22:31-34)
36Simon Petrus hig ser Yesus “Tuhan e, aug ei hantou i?”
Yesus buhup “Bit bon abit Da ug ei mpia ttou nsi dima nogindia kan bi. Noro mpe hi bu ne abit Da.”
37Petrus hig ser Noni hanyen bu “Tuhan e, nggon rino bit bon dibit Na ug ei mpia ttou nsi dima nogindia kan bi i? Ditin ei mem diyai nimai drek dip Na.”
38Yesus buhup “Atin ei mem ayai nimai drek dip Da e? Dipai nijit bina bipia ariman nipou tirigi hacig yau bigyo lene aom ser Da mbiningai su.”
Currently Selected:
:
Highlight
Share
Copy
Want to have your highlights saved across all your devices? Sign up or sign in