YOHANES 18
18
Yo di isibut nya ikat Yesus
(Mat. 26:47-56; Mrk. 14:43-50; Luk. 22:47-53)
1Niabiati Yesus kes nadi hon leu api Noni kin yo di igya kui Noni isigon Minyei Kidron bicoi ug ei mpia ttou nsi di bon biei nghousi. 2Yudas di tri Yesus kan tut mpia ttou nsi dima lewo Yesus nya idem yam ei mpia dima mbirimang tu. 3Gima rino Yudas ug ei mpia dima bibuwak tentara Romawi nimpung gom kin yo di igya ser Tuhan De Ig ibou poi di imam nindig nya kin Farisi nya icuk yok kwei. Ba, yoni ittei ide singau simeda kin mini njeng ba, itin hyem. 4Yesus kan tut mun di cut igkep Noni dima hagom. Gima rino Noni ttau ndam Yudas nya bihig singgre yok “Jinggok ser tou i?”
5Ibuhup “Ninggok ser Yesus di nitimieisi leu minu ndig Nazaret.”
Yesus buhup “Dani ne Yesus dima ri.”
Yudas di tri Yesus cem ya bit yok. 6Hammi tirigi Yesus buhup bipia Noni lene Yesus dima rin lene yahagom isujou ba, itti kep inghim dip ug ei dihyeisi. 7Yesus hig singgre yok mbigom kin bu “Jinggok ser tou i?”
Ibuhup “Ninggok ser Yesus di nitimieisi leu minu ndig Nazaret.”
8Yesus buhup “Dipai bije tu bipia Dani ne Yesus ri. Gino jinggok ser Dangkom lene ma jikes yo di nindigsi dini bimbut.” (9Yesus pai nok leu binhyepo mun di Noni ngat nadi tindei yok pek kep mem yok tirigi pai “Arig e, dinyohou yo di Arig yai biDa leu api hi srawir bi.”)
10Simon Petrus hit nide singau simeda lene bisriot Imam Nibou Ndig de awak nitingou meng nite bei ninda com bicut leu. Awak dima ninyeng Malkus. 11#Mat. 26:39; Mrk. 14:36; Luk. 22:42 Noro Yesus mbrua ser Petrus “Ajus ade simeda hanyen ei nahamti hak ug! Akan bipia midiyai ninghuisi wei di Dicig yai biDa bi e?”
Ibuwak Yesus ug ei Hanas noho bei
12Lene nibou tentara Romawi kin nide limwa nya kin yo di igya ser di leu mben Yahudi nya ikat Yesus bingot ninda kin yam. 13Ibuwak Noni ba, yuug ngat Hanas di Kayafas nipmang bibie ug e. Kayafas ne Imam Nibou Ndig mem ari bingwam gom dima ri. 14#Yoh. 11:49-50 No dini ne Kayafas po pai bak nibou mben Yahudi nya bipia gi kei mem tungwagom mai luei ide limwa nya pima ri.
Petrus om ser Yesus
(Mat. 26:69-70; Mrk. 14:66-68; Luk. 22:55-57)
15Simon Petrus kin hiter di ya kui Yesus igya abia kep yok. Hiter dima coi kikau ug ei Imam Nibou Ndig de biyati bit Yesus lewo Imam Nibou Ndig kan igbit tut noni. 16Noro Petrus ya kui dimbou hui ei nisai ma kwei. Hiter pima hei hanyen kwei ei nisai bimbrap bit misop di ya ser dimbou hui bibuwak Petrus ba, icoi kikau ug ei biyati. 17Misop di ya ser dimbou hui dima hig ser Petrus “Nani cem aya kui Yesus e?”
Petrus buhup “Dani ne bi.”
18Awak nya kin yo di igya ser nya idigok ba, indig hum binjeng leu api igya hek hum ei biyati dima. Gima rino Petrus cem ug srig yokti biya hek huma.
Imam Nibou Ndig pigot bram Yesus de munhyet
(Mat. 26:59-66; Mrk. 14:55-64; Luk. 22:66-71)
19Imam Nibou Ndig hig ser Yesus tut yo di igya kui Noni kin Nide ningginausi. 20Yesus buhup “Ditri tut nihyet brei bak tungwatu nya yahagom ei biyati kin jide ig mbusyamei kin Tuhan De Ig di nok mpia di tungwatu nya yahagom induk yam kikep eisi cem. Diku mimun tut nihyet di ditri tut biyok bi sren. 21Nggon rino ahig ser Da i? Ma ahig ser yo di imiap kep dihyet. Ningat ne ikan tut nihyet di tibim ei duhui him.”
22Tirigi Yesus pai nok rino tungwagom leu yo di igya ser dima ttem nijap bimbrua kep Noni “Nggon rino abrim angkek bibor dino abuhup Imam Nibou Ndig nok gima i?”
23Yesus buhup “Gino dipai mun tunggwei lene ma ando igbit bak yo di ingat rin ei dini yahagom! Gino dipai mun di igbit ne nggon rino attem dijap i?”
24Leu api Hanas cuk yok bipia suar ibuwak Yesus biyuug ngat Imam Nibou Ndig di Kayafas lo, ninda di ingot kin yam jo nok.
Petrus om ser Yesus hanyen
(Mat. 26:71-75; Mrk. 14:69-72; Luk. 22:58-62)
25Simon Petrus no ya niyati hek hum lene nindigsi nya ihig ser noni “Nani cem aya kui No dima e?” Noro Petrus om ser bipai “Dani ne bi.”
26Imam Nibou Ndig de awak gom di nimbier kim no di Petrus sriot nitingou meng leu pima pai bak Petrus “Apo dingat nani cem kin Yesus ei biei nghousi bi e?”
27Lene Petrus om ser nihyet nghwak him hanyen bipai “E bi.” Hammi tirigi om ser nok rino hacig yau.
Yesus ya ei Pilatus noho bei
(Mat. 27:1-2, 11-14; Mrk. 15:1-5; Luk. 23:1-5)
28Yo dima yehei sut Yesus leu Kayafas de ig bei bibuwak Noni ug ei nibou hanjop nsi dima nide ig nibou ndig mem gwam ntuisi. Noro nibou mben Yahudi icoi kikau ug ei nibou dima nide ig bei bi. Gi nok lene map kui yok apino bit bon iba ide ninghuisi kwes-kwausi biyem pesta kep Njap Ndig Paskah bit leu ijoi sutti kan bi. 29Gima rino Pilatus hei ug ei nisai bihig ser yok “Jipai kep No dini drek dip munhyet mindei i?”
30Yoni ibuhup “Gino Noni yai tunggwei mun hi bi lene nibuwak Noni kwei biya ei aho bei bi.”
31Pilatus pai biyok “Nnaba jibuwak Noni ug bijimbus ningonti bit leu nok Puig Yahudi nicuk jeti!”
Noro mben Yahudi dima ibuhup “Hi sindui sut binikes hukum nimai ei tungwatu nya dip bi.” (32#Yoh. 3:14, 12:32 Ipaisi dima bindei ba, mun di Yesus pai sut Nonti nimaisi micut igkep Noni.)
33Pilatus ngkwei hanyen ug ei nide ig nibou ndig bihig Yesus coi kwei lene hig ser Noni “Nani ne Nibou Ndig mem mben Yahudi rin e?”
34Yesus buhup “Ahig ser Da bit leu angon kanti e? He hiter pai sut Da bina e?”
35Pilatus buhup “Akan bipia dani ne mben Yahudi rin e? Ade limwa nya kin imam nindig nya ikes Na ei dindati. Ayai mun tunggwei nok mindei i?”
36Yesus buhup “Ditde ninyeng tak kepti jo ei dihyeisi dini bi. Gino jo ei dihyeisi dini ne Ditde limwa nya misindui sut Da bak mben Yahudi ide nibou nya bikat Da bi. Ningat ne Ditde ninyeng tak kepti jo ei dihyeisi dini bi.”
37Gima rino Pilatus hig ser Noni “Gi nok lene Nani ne Nibou Ndig hi rin e?”
Yesus buhup “Nani apai sut Da bipia Dani ne Nibou Ndig ri. Disrek kwei ei dihyeisi mem diyai midyai gom ngat. Midyai dima rino ditri tut mun mijit-jau. No di bit mun mijit-jau dima ngig nitingou mem dihyet.”
38Pilatus hig ser Yesus “Mun mijit-jau dima rimindei i?”
Pilatus jem nimai gau Yesus
(Mat. 27:15-31; Mrk. 15:6-20; Luk. 23:13-25)
Lene Pilatus hei hanyen bipai bak mben Yahudi “Dimbus ningonti tu noro dikan tut Nide mun di yai tunggwei hi bi. 39Noro bikwop mpe di jibon pesta kep Njap Ndig Paskah ne dikes tungwagom leu ig bui nsi ngan-ngan bit leu jingon kanti. Jijoi sut gino dikes Nibou Ndig mem mben Yahudi leu nisima eisi ei jindati e?”
40Yoni iba ighyet di ten bibuhup “Nice tut bi! Ma akes Noni au! Ma akes Barabas binye!” (Barabas ne no di ham nimbuk kep nibou ndig Roma ri.)
Currently Selected:
YOHANES 18: HAD
Highlight
Share
Copy
Want to have your highlights saved across all your devices? Sign up or sign in
YOHANES 18
18
Yo di isibut nya ikat Yesus
(Mat. 26:47-56; Mrk. 14:43-50; Luk. 22:47-53)
1Niabiati Yesus kes nadi hon leu api Noni kin yo di igya kui Noni isigon Minyei Kidron bicoi ug ei mpia ttou nsi di bon biei nghousi. 2Yudas di tri Yesus kan tut mpia ttou nsi dima lewo Yesus nya idem yam ei mpia dima mbirimang tu. 3Gima rino Yudas ug ei mpia dima bibuwak tentara Romawi nimpung gom kin yo di igya ser Tuhan De Ig ibou poi di imam nindig nya kin Farisi nya icuk yok kwei. Ba, yoni ittei ide singau simeda kin mini njeng ba, itin hyem. 4Yesus kan tut mun di cut igkep Noni dima hagom. Gima rino Noni ttau ndam Yudas nya bihig singgre yok “Jinggok ser tou i?”
5Ibuhup “Ninggok ser Yesus di nitimieisi leu minu ndig Nazaret.”
Yesus buhup “Dani ne Yesus dima ri.”
Yudas di tri Yesus cem ya bit yok. 6Hammi tirigi Yesus buhup bipia Noni lene Yesus dima rin lene yahagom isujou ba, itti kep inghim dip ug ei dihyeisi. 7Yesus hig singgre yok mbigom kin bu “Jinggok ser tou i?”
Ibuhup “Ninggok ser Yesus di nitimieisi leu minu ndig Nazaret.”
8Yesus buhup “Dipai bije tu bipia Dani ne Yesus ri. Gino jinggok ser Dangkom lene ma jikes yo di nindigsi dini bimbut.” (9Yesus pai nok leu binhyepo mun di Noni ngat nadi tindei yok pek kep mem yok tirigi pai “Arig e, dinyohou yo di Arig yai biDa leu api hi srawir bi.”)
10Simon Petrus hit nide singau simeda lene bisriot Imam Nibou Ndig de awak nitingou meng nite bei ninda com bicut leu. Awak dima ninyeng Malkus. 11#Mat. 26:39; Mrk. 14:36; Luk. 22:42 Noro Yesus mbrua ser Petrus “Ajus ade simeda hanyen ei nahamti hak ug! Akan bipia midiyai ninghuisi wei di Dicig yai biDa bi e?”
Ibuwak Yesus ug ei Hanas noho bei
12Lene nibou tentara Romawi kin nide limwa nya kin yo di igya ser di leu mben Yahudi nya ikat Yesus bingot ninda kin yam. 13Ibuwak Noni ba, yuug ngat Hanas di Kayafas nipmang bibie ug e. Kayafas ne Imam Nibou Ndig mem ari bingwam gom dima ri. 14#Yoh. 11:49-50 No dini ne Kayafas po pai bak nibou mben Yahudi nya bipia gi kei mem tungwagom mai luei ide limwa nya pima ri.
Petrus om ser Yesus
(Mat. 26:69-70; Mrk. 14:66-68; Luk. 22:55-57)
15Simon Petrus kin hiter di ya kui Yesus igya abia kep yok. Hiter dima coi kikau ug ei Imam Nibou Ndig de biyati bit Yesus lewo Imam Nibou Ndig kan igbit tut noni. 16Noro Petrus ya kui dimbou hui ei nisai ma kwei. Hiter pima hei hanyen kwei ei nisai bimbrap bit misop di ya ser dimbou hui bibuwak Petrus ba, icoi kikau ug ei biyati. 17Misop di ya ser dimbou hui dima hig ser Petrus “Nani cem aya kui Yesus e?”
Petrus buhup “Dani ne bi.”
18Awak nya kin yo di igya ser nya idigok ba, indig hum binjeng leu api igya hek hum ei biyati dima. Gima rino Petrus cem ug srig yokti biya hek huma.
Imam Nibou Ndig pigot bram Yesus de munhyet
(Mat. 26:59-66; Mrk. 14:55-64; Luk. 22:66-71)
19Imam Nibou Ndig hig ser Yesus tut yo di igya kui Noni kin Nide ningginausi. 20Yesus buhup “Ditri tut nihyet brei bak tungwatu nya yahagom ei biyati kin jide ig mbusyamei kin Tuhan De Ig di nok mpia di tungwatu nya yahagom induk yam kikep eisi cem. Diku mimun tut nihyet di ditri tut biyok bi sren. 21Nggon rino ahig ser Da i? Ma ahig ser yo di imiap kep dihyet. Ningat ne ikan tut nihyet di tibim ei duhui him.”
22Tirigi Yesus pai nok rino tungwagom leu yo di igya ser dima ttem nijap bimbrua kep Noni “Nggon rino abrim angkek bibor dino abuhup Imam Nibou Ndig nok gima i?”
23Yesus buhup “Gino dipai mun tunggwei lene ma ando igbit bak yo di ingat rin ei dini yahagom! Gino dipai mun di igbit ne nggon rino attem dijap i?”
24Leu api Hanas cuk yok bipia suar ibuwak Yesus biyuug ngat Imam Nibou Ndig di Kayafas lo, ninda di ingot kin yam jo nok.
Petrus om ser Yesus hanyen
(Mat. 26:71-75; Mrk. 14:69-72; Luk. 22:58-62)
25Simon Petrus no ya niyati hek hum lene nindigsi nya ihig ser noni “Nani cem aya kui No dima e?” Noro Petrus om ser bipai “Dani ne bi.”
26Imam Nibou Ndig de awak gom di nimbier kim no di Petrus sriot nitingou meng leu pima pai bak Petrus “Apo dingat nani cem kin Yesus ei biei nghousi bi e?”
27Lene Petrus om ser nihyet nghwak him hanyen bipai “E bi.” Hammi tirigi om ser nok rino hacig yau.
Yesus ya ei Pilatus noho bei
(Mat. 27:1-2, 11-14; Mrk. 15:1-5; Luk. 23:1-5)
28Yo dima yehei sut Yesus leu Kayafas de ig bei bibuwak Noni ug ei nibou hanjop nsi dima nide ig nibou ndig mem gwam ntuisi. Noro nibou mben Yahudi icoi kikau ug ei nibou dima nide ig bei bi. Gi nok lene map kui yok apino bit bon iba ide ninghuisi kwes-kwausi biyem pesta kep Njap Ndig Paskah bit leu ijoi sutti kan bi. 29Gima rino Pilatus hei ug ei nisai bihig ser yok “Jipai kep No dini drek dip munhyet mindei i?”
30Yoni ibuhup “Gino Noni yai tunggwei mun hi bi lene nibuwak Noni kwei biya ei aho bei bi.”
31Pilatus pai biyok “Nnaba jibuwak Noni ug bijimbus ningonti bit leu nok Puig Yahudi nicuk jeti!”
Noro mben Yahudi dima ibuhup “Hi sindui sut binikes hukum nimai ei tungwatu nya dip bi.” (32#Yoh. 3:14, 12:32 Ipaisi dima bindei ba, mun di Yesus pai sut Nonti nimaisi micut igkep Noni.)
33Pilatus ngkwei hanyen ug ei nide ig nibou ndig bihig Yesus coi kwei lene hig ser Noni “Nani ne Nibou Ndig mem mben Yahudi rin e?”
34Yesus buhup “Ahig ser Da bit leu angon kanti e? He hiter pai sut Da bina e?”
35Pilatus buhup “Akan bipia dani ne mben Yahudi rin e? Ade limwa nya kin imam nindig nya ikes Na ei dindati. Ayai mun tunggwei nok mindei i?”
36Yesus buhup “Ditde ninyeng tak kepti jo ei dihyeisi dini bi. Gino jo ei dihyeisi dini ne Ditde limwa nya misindui sut Da bak mben Yahudi ide nibou nya bikat Da bi. Ningat ne Ditde ninyeng tak kepti jo ei dihyeisi dini bi.”
37Gima rino Pilatus hig ser Noni “Gi nok lene Nani ne Nibou Ndig hi rin e?”
Yesus buhup “Nani apai sut Da bipia Dani ne Nibou Ndig ri. Disrek kwei ei dihyeisi mem diyai midyai gom ngat. Midyai dima rino ditri tut mun mijit-jau. No di bit mun mijit-jau dima ngig nitingou mem dihyet.”
38Pilatus hig ser Yesus “Mun mijit-jau dima rimindei i?”
Pilatus jem nimai gau Yesus
(Mat. 27:15-31; Mrk. 15:6-20; Luk. 23:13-25)
Lene Pilatus hei hanyen bipai bak mben Yahudi “Dimbus ningonti tu noro dikan tut Nide mun di yai tunggwei hi bi. 39Noro bikwop mpe di jibon pesta kep Njap Ndig Paskah ne dikes tungwagom leu ig bui nsi ngan-ngan bit leu jingon kanti. Jijoi sut gino dikes Nibou Ndig mem mben Yahudi leu nisima eisi ei jindati e?”
40Yoni iba ighyet di ten bibuhup “Nice tut bi! Ma akes Noni au! Ma akes Barabas binye!” (Barabas ne no di ham nimbuk kep nibou ndig Roma ri.)
Currently Selected:
:
Highlight
Share
Copy
Want to have your highlights saved across all your devices? Sign up or sign in