ROMA 2
2
Allah mikes hukum ei tungwatu nya dip
1 #
Mat. 7:1; Luk. 6:37 Gima rino disut bat jen, jitug ndei jinyeng di bindei di jidem mem gima jiba jihyet biyai yo di hiter dima leu hantou i? Bit bon jipai mun mem jibisu tindei kan bi. Leu gino jiba jihyet biyai yo di hiter noro jiyai bram yo dima igyai kepti nya lene gima nok jibindei cut hukum ei jenti dip. 2Nyeni ikan tut bipia mpe dino Allah kes hukum ei yo di ibon kep ibon kepti di nok gima yok ne nikos tutti dima igbit ri. 3Noro disut bat jen, jeni cem jiyai bram mun di jiba jihyet biyai yo di hiter tut! Jikan bipia mijingwes ngun leu hukum di Allah mikes ei tungwatu nya dip e? 4He ma jingkek ndok tut Allah ningon nggriu sut jeti kin noom ningon tut jeti kin gima Noni bet ningon mem je cem e? Ma jiyok ngon kep bipia Allah ningon nggriu sut je leu binhyepo bindei ba, jitin ser jide sisar bijikiek ndam Noni. 5Noro jingkek ndok bijingon tindak cem. Gima rino jikum ei jide hukumti mem Njap Ningwig Honti ei mpe dino Allah mindo ningon di sibui sut sisarti brei bak tungwatu nya bikes hukum di sren-srau ei yok dip. 6#Mzm. 62:13; Ams. 24:12 Lewo Allah mibirop hanyen bak tungwatu nya yahagom bit leu nok igyai kepti nya. 7Allah miyai niyaijo di ningat di jo kikau bikwop bak yo di ita ibou ei midyai di kei bibor nyati bibindei ba, Noni nggei sut yahagom bikon inyeng biyai niyaijo di singat kei biyok. 8Noro tut nindigsi di ibon mun bit leu yonti ingon kanti bikou sut Allah nihyet leu binhyepo yuhuk bram mun di kinei ne Allah mikes hukum nindig bibor ei yok dip. 9Noni mikes niwei kin nidut ei yo di yuhuk bram mun di kinei yahagom dip. Hukum dini mem mben Yahudi nipou leu api mem ngkiai nya cem. 10Noro tut yo di ita ibou ei midyai di kei bibor nyati lene Noni minggei sut yok bikon inyeng lene biyai ningon jo nyahanti biyok. Mun di kei dini mem mben Yahudi nipou ug e leu api mem ngkiai nya cem. 11#Ul. 10:17 Lewo Allah mbus nggok tungwatu nya bi.
12Ngkiai nya ingon dor Allah nicuk mben Yahuditi bi ba, ibon kep sisar. Mbro nok gino nicukti dima ket ei yokti bi lo, israwir. Mbro nok gino mben Yahudi ingon dor nicukti di tug hon Musati tu lo, ibon kep sisar. Gima rino yoni itug ndei hukum drek dip nicukti dima. 13Lewo Allah bibon tungwatu nya ingon kwes kin Noni drek dip ingon di dor nicuk mben Yahuditi dima he bi. Noro drek dip gi ibon mun bit leu nok nicukti dima nicuk yoti. 14Ngkiai nya ingon dor Allah nicuk mben Yahuditi dima bi. Noro gino ibon mun bit leu nok nicukti dima nicuk yokti kin gi ibisinggre bit leu yonti ingon kanti ne mbro nok gino ingon dor Allah nicuk mben Yahuditi dima bi lo, ingon di huk niti mbot kep tut mun di kei kin mun di kinei biyok tu. 15Igyai kepti nya ndo brei bipia Allah nicuk yokti nya dima jo ei ingon mienti tu. Ingon mien ndo bindo tut mun dima yok lewo mpe hi ingon mien pai kep yonti lo, mpe hi bu ingon mien mbrap gau yonti. 16Gima rino mun dini yok mipek kep mem tungwatu nya dem igbit Njap di Allah ndo ei su. Nihyet Di Kei di ditri tut ndo brei binye bipia Allah migwam nok Nikei di mbus tungwatu nya ingonti drek dip ide mimun di jo ei ingonti kin ingon kanti nya cem hagom tug hon Yesus Kristus.
Mben Yahudi kin Allah nicuk yokti nibicim tindei yamti
17Noro disut bat jen, notou mem jeni nogindini i? Jipai sut jenti bipia jeni ne mben Yahudi ri. Jitti kin Allah nicuk jeti bijinggei-nggwang tut Allah di bindei ba, jinok Nide limwa nya cem. 18Jiyai igbit nicukti dima nipingok jeti nya apino jikan tut Allah ningon kanti mem je bijimig mbus mun di kei cem. 19Jingon ngkiem tut bipia jeni ne nicen yo di igyaitu cig rin bijinok ninjeng di piga digai yo di imbut mem nidinditi cem, 20jingginau yo di ingon tindur nya bijinok guru mem yo di ingon mbum nya cem. Jingon ngkiem tut bipia jingon ki bijimbun ningginausi di nijit-jau nya lewo jimbun Allah nicuk jeti. 21Jingginau kep yo di hiter noro nggon rino jingginau jenti bi i? Jitri tut bipia ma tungwatu nya inggimang mun au. Nggon rino jinggimang mun kikep i? 22Jitri tut bipia ma tungwatu nya icut tut hi ter nitnem au. Nggon rino jicut tut kikep hi ter nitnem i? Jingon mpo tut kwar di tungwatu nya ikuk yok bak lo, nggon rino jipos ndigban leu ig kwar dima yok kikep i? 23Jinggei-nggwang drek dip gi jimbun Allah Nihyet noro mpe dino jingwes pri gau Allah lene jibit Nihyet dima bi. 24#Yes. 52:5 Lewo Allah Nihyet pai “Ngkiai nya ighyet wer mpiahi tut Allah ninyeng drek dip je di mben Yahudi.”
25Gino jibit Allah nicuk mben Yahuditi ne midut sunat bon ninyeng mem je. Noro gino jibit nicuk jeti dima bi ne jiyai midut sunat mikui-kausi he. 26Gino ngkiai di yai midut sunat bi bit Allah nicuk mben Yahuditi ne Noni bibon no dima tereu nok no di yai midut sunat tu. 27Gima rino yo di igyai midut sunat bi dima mipai kep je di mben Yahudi. Leu mbro nok gino jimbun Allah nicuk jeti bijiyai midut sunat cem tu lo, jipigau nicukti dima. Ba, mbro nok gino yoni igyai midut sunat bi lo, ibit nicukti di jimbun dima. 28Lewo no di ntun mben Yahudi him di nijit biyai midut sunat di nijit cem dima ne no di yai ninyeng Yahudi he kin no di yai midut sunat ei ningkek dip he rin bi. 29#Ul. 30:6 Noro no di ntun mben Yahudi him di nijit rino no di ntun mben Yahudi him ei ningonti biyai midut sunat ei ningonti tug hon Allah Ninnei de midyai noro tug hon srat bokti he bi. Allah nggei sut no dima noro tungwatu nya inggei sut noni bi.
Currently Selected:
ROMA 2: HAD
Highlight
Share
Copy
Want to have your highlights saved across all your devices? Sign up or sign in
ROMA 2
2
Allah mikes hukum ei tungwatu nya dip
1 #
Mat. 7:1; Luk. 6:37 Gima rino disut bat jen, jitug ndei jinyeng di bindei di jidem mem gima jiba jihyet biyai yo di hiter dima leu hantou i? Bit bon jipai mun mem jibisu tindei kan bi. Leu gino jiba jihyet biyai yo di hiter noro jiyai bram yo dima igyai kepti nya lene gima nok jibindei cut hukum ei jenti dip. 2Nyeni ikan tut bipia mpe dino Allah kes hukum ei yo di ibon kep ibon kepti di nok gima yok ne nikos tutti dima igbit ri. 3Noro disut bat jen, jeni cem jiyai bram mun di jiba jihyet biyai yo di hiter tut! Jikan bipia mijingwes ngun leu hukum di Allah mikes ei tungwatu nya dip e? 4He ma jingkek ndok tut Allah ningon nggriu sut jeti kin noom ningon tut jeti kin gima Noni bet ningon mem je cem e? Ma jiyok ngon kep bipia Allah ningon nggriu sut je leu binhyepo bindei ba, jitin ser jide sisar bijikiek ndam Noni. 5Noro jingkek ndok bijingon tindak cem. Gima rino jikum ei jide hukumti mem Njap Ningwig Honti ei mpe dino Allah mindo ningon di sibui sut sisarti brei bak tungwatu nya bikes hukum di sren-srau ei yok dip. 6#Mzm. 62:13; Ams. 24:12 Lewo Allah mibirop hanyen bak tungwatu nya yahagom bit leu nok igyai kepti nya. 7Allah miyai niyaijo di ningat di jo kikau bikwop bak yo di ita ibou ei midyai di kei bibor nyati bibindei ba, Noni nggei sut yahagom bikon inyeng biyai niyaijo di singat kei biyok. 8Noro tut nindigsi di ibon mun bit leu yonti ingon kanti bikou sut Allah nihyet leu binhyepo yuhuk bram mun di kinei ne Allah mikes hukum nindig bibor ei yok dip. 9Noni mikes niwei kin nidut ei yo di yuhuk bram mun di kinei yahagom dip. Hukum dini mem mben Yahudi nipou leu api mem ngkiai nya cem. 10Noro tut yo di ita ibou ei midyai di kei bibor nyati lene Noni minggei sut yok bikon inyeng lene biyai ningon jo nyahanti biyok. Mun di kei dini mem mben Yahudi nipou ug e leu api mem ngkiai nya cem. 11#Ul. 10:17 Lewo Allah mbus nggok tungwatu nya bi.
12Ngkiai nya ingon dor Allah nicuk mben Yahuditi bi ba, ibon kep sisar. Mbro nok gino nicukti dima ket ei yokti bi lo, israwir. Mbro nok gino mben Yahudi ingon dor nicukti di tug hon Musati tu lo, ibon kep sisar. Gima rino yoni itug ndei hukum drek dip nicukti dima. 13Lewo Allah bibon tungwatu nya ingon kwes kin Noni drek dip ingon di dor nicuk mben Yahuditi dima he bi. Noro drek dip gi ibon mun bit leu nok nicukti dima nicuk yoti. 14Ngkiai nya ingon dor Allah nicuk mben Yahuditi dima bi. Noro gino ibon mun bit leu nok nicukti dima nicuk yokti kin gi ibisinggre bit leu yonti ingon kanti ne mbro nok gino ingon dor Allah nicuk mben Yahuditi dima bi lo, ingon di huk niti mbot kep tut mun di kei kin mun di kinei biyok tu. 15Igyai kepti nya ndo brei bipia Allah nicuk yokti nya dima jo ei ingon mienti tu. Ingon mien ndo bindo tut mun dima yok lewo mpe hi ingon mien pai kep yonti lo, mpe hi bu ingon mien mbrap gau yonti. 16Gima rino mun dini yok mipek kep mem tungwatu nya dem igbit Njap di Allah ndo ei su. Nihyet Di Kei di ditri tut ndo brei binye bipia Allah migwam nok Nikei di mbus tungwatu nya ingonti drek dip ide mimun di jo ei ingonti kin ingon kanti nya cem hagom tug hon Yesus Kristus.
Mben Yahudi kin Allah nicuk yokti nibicim tindei yamti
17Noro disut bat jen, notou mem jeni nogindini i? Jipai sut jenti bipia jeni ne mben Yahudi ri. Jitti kin Allah nicuk jeti bijinggei-nggwang tut Allah di bindei ba, jinok Nide limwa nya cem. 18Jiyai igbit nicukti dima nipingok jeti nya apino jikan tut Allah ningon kanti mem je bijimig mbus mun di kei cem. 19Jingon ngkiem tut bipia jeni ne nicen yo di igyaitu cig rin bijinok ninjeng di piga digai yo di imbut mem nidinditi cem, 20jingginau yo di ingon tindur nya bijinok guru mem yo di ingon mbum nya cem. Jingon ngkiem tut bipia jingon ki bijimbun ningginausi di nijit-jau nya lewo jimbun Allah nicuk jeti. 21Jingginau kep yo di hiter noro nggon rino jingginau jenti bi i? Jitri tut bipia ma tungwatu nya inggimang mun au. Nggon rino jinggimang mun kikep i? 22Jitri tut bipia ma tungwatu nya icut tut hi ter nitnem au. Nggon rino jicut tut kikep hi ter nitnem i? Jingon mpo tut kwar di tungwatu nya ikuk yok bak lo, nggon rino jipos ndigban leu ig kwar dima yok kikep i? 23Jinggei-nggwang drek dip gi jimbun Allah Nihyet noro mpe dino jingwes pri gau Allah lene jibit Nihyet dima bi. 24#Yes. 52:5 Lewo Allah Nihyet pai “Ngkiai nya ighyet wer mpiahi tut Allah ninyeng drek dip je di mben Yahudi.”
25Gino jibit Allah nicuk mben Yahuditi ne midut sunat bon ninyeng mem je. Noro gino jibit nicuk jeti dima bi ne jiyai midut sunat mikui-kausi he. 26Gino ngkiai di yai midut sunat bi bit Allah nicuk mben Yahuditi ne Noni bibon no dima tereu nok no di yai midut sunat tu. 27Gima rino yo di igyai midut sunat bi dima mipai kep je di mben Yahudi. Leu mbro nok gino jimbun Allah nicuk jeti bijiyai midut sunat cem tu lo, jipigau nicukti dima. Ba, mbro nok gino yoni igyai midut sunat bi lo, ibit nicukti di jimbun dima. 28Lewo no di ntun mben Yahudi him di nijit biyai midut sunat di nijit cem dima ne no di yai ninyeng Yahudi he kin no di yai midut sunat ei ningkek dip he rin bi. 29#Ul. 30:6 Noro no di ntun mben Yahudi him di nijit rino no di ntun mben Yahudi him ei ningonti biyai midut sunat ei ningonti tug hon Allah Ninnei de midyai noro tug hon srat bokti he bi. Allah nggei sut no dima noro tungwatu nya inggei sut noni bi.
Currently Selected:
:
Highlight
Share
Copy
Want to have your highlights saved across all your devices? Sign up or sign in