Luka 7
7
Yesu wa buka kalume wa mukulumpe wa bashilikale
(Mateo 8:5-13)
1Pa kupwisha kwamba byambo byanji byonse ku bantu, watwelele mu Kapenama. 2Ne mukulumpe umo wa bashilikale wajinga na kalume wanji ye atemenwe, wakolelwe bingi pepi kufwa. 3Aye mushilikale byo a umvwine na mambo a Yesu, watumineko bakulumpe ba Bayudea, na kulomba amba eye na kumubuka kalume wanji. 4Ne byo bafikile kwi Yesu, bamusashijile bingi, ne kwamba amba, “Uno muntu kine anweba mwafwainwa kumukwasha, 5mambo watemwa mukoka wetu, kabiji ye witushimikijile ne shinagoga yetu.”
6Ne Yesu wayile naabo. Kabiji byo bafikile kwipi na nzubo, mukulumpe wa bashilikale watumine balunda nanji, ne kumwambila amba, “Nkambo, kechi mwikabishetu ne. Mambo amiwa kechi nafwainwa anweba kutwela mu nzubo yami ne. 7Kyo naji kulangulukila namba nangwatu amiwa mwine kechi kyamfwainwa kufika kwi anweba ne. Ambaitu jiwi, ne kalume wami usa kubukwa. 8Mambo ne amiwa ne muntu wapewa luusa, pa bashilikale baji munshi yami. Namwambila umo namba, ‘Yanga’ ne aye kaye; ne mukwabo namba, ‘Iya’ ne aye kaiye, ne kalume wami namba, ‘Uba kikye,’ ne aye wikyuba.”
9Yesu pakumvwa bino, wakuminye bingi, ne pa kufutulukila ku jibumba ja mulondejilenga wa ambile amba, “Amiwa nemwambila namba, kechi namwenepo lwitabilo lukatampe lwa byonkabye nangwa mu Isalela ne.” 10Ne boba bo atumine byo babwelele ku nzubo, bataaine kalume ke mutuntulu.
Kusangulwa kwa mwana wamulume wa mwanamukazhi wafwilwa
11Pakupita ka kimye kacheche #7:11Pakupita ka kimye: amo ma mabuku amu kigiliki akala banemba mba Juba jalondelejilepo waimene ne kuya ku muzhi yebatela amba Naina, ne baana banji babwanga, ne jibumba jikatampe. 12Byo afwenyenye kwipi na kibelo kya muzhi, balupwilenga mwana wamulume wafwile, uno wajinga mwana wamulume umotu kwi inanji wafwilwa, ne bantu bavula ba mu muzhi bajinga nanji. 13Ne aye Nkambo byo amwene uno mwanamukazhi, wamubijile lusa ne kumwambila amba, “Kujila ne.” 14Ponkapo wafwenyenye kwipi ne kukwata pa kikondo, ne banabalume basendele baimene. Ne aye wa ambile amba, “Nsongwalume! Na kwambila namba, buka!” 15Ponkapo wajinga mufu wabuukile ne kwikala, ka ambe ne kwamba, ne Yesu wamupaine kwi inaji.
16Moyo wibakwachile bonse, ne kumutumbijika Lesa, ne kwamba amba, “Ngauzhi mukatampe wamweka mukachi ketu!” Kabiji amba, “Lesa wibapempula bantu banji!”
17Ne ino nkuwa yanji yakumbene mu Yudea monse ne kyalo kyonse kyazhokolokako.
Yoano Mubatishi
(Mateo 11:2-19)
18Baana babwanga ba kwa Yoano bamubujile abino bintu byonse. 19Ne aye Yoano wibechile baana banji babwanga babiji, wibatumine kwi Nkambo amba, Yenu iye ubena kwiya nyi, inyi tutengelenga mukwabo?
20Ne abo byo baishile kwi Yesu, ba ambile amba, “Yoano Mubatishi witutuma kwi anweba amba, yenu iye ubena kwiya nyi, nangwa tutengelenga mukwabo?”
21Pa kyonkakya kimye Yesu wabukile bantu bavula ku bikola ne ku myalo ne ku bapashi babipa, ne kulabisha meso a bantu bavula bajinga bampofu. 22#Isa 35:5,6; Isa 61:1Ne aye wibakumbwile amba, “Yainga, kamubulai Yoano byo mwamona ne byo mwaumvwa, bampofu babena kumona, ne balemana ke bende, bambumba babukwa, #7:22 Babukwa Monai 5:12 ne bakishinka matwi ke bomvwe, bafu basangulwa, ne balanda basapwilwa Mambo Awama. 23Kabiji watokwa awa wabula kumona kya kwituntulako mwi amiwa.”
24Pa kufumako aba batuminwe kwi Yoano, Yesu watatwile kwiambila mabumba na mambo a Yoano amba, “Nanchi mwayile mungye na kumona ka? Jitete jo babena kusunkenya kulubesha nyi? 25Lelo nanchi mwayile na kumona ka? Muntu wavwala bivwalo byawamisha nyi? Talai! Bavwala bivwalo byawamisha bekala mu bipango bya bamfumu. 26Amwai, nanchi mwayile na kumona ka? Na kumona ngauzhi nyi? Ee, kine nemubula namba, aye wakila ngauzhi. 27#Mala 3:1Yoano ye yewa ye kyanembelwa amba, ‘Tala, mbena kutuma muluwe wami kulutwe yobe, ukakunengezhezha jishinda jobe kulutwe yobe.’ 28Nemwambila namba mu basemwa ku banabakazhi kafwako wakila Yoano ne. Nangwa byonkabyo awa mucheche mu bufumu bwa Lesa ye wamukila.”
29 #
Mat 21:32; Lu 3:12 Ponkapo bantu bonse byo baumvwine bino, ne basonkeshi pamo, bamubingishe Lesa, byo ba batizhilwe ku lubatizhilo lwa Yoano. 30Bino Bafaliseo ne bafunjishi ba mizhilo bakaine kyafukwile kwibobila Lesa ne kukana kubatizhiwa kwi Yoano.
31Kabiji Yesu wa ambile amba “Lelo ng'anyi kintu kyo nkapashang'anya na bantu ba mukino kisemi? Bapashang'ana na ka? 32Baji pamo nobe banyike baikala pa kisankanyi kasa beita abo bene na bene amba, twaji kwimwimbila mumpempe bino anweba kuzha ne! Twimwimbila lwimbo wa majilo, bino anweba kujila ne! 33Mambo Yoano Mubatishi waiya kwa kubula kuja shinkwa ne kutoma binyu ne, ne anweba mwa ambile amba ‘Uji na mudemona!’ 34Ne Mwana Muntu aye waiya kasa aja ne kutoma, ne anweba mumunena amba, ‘Talai, aye watemwa kuja, ye kitomi! Mulunda wa basonkeshi ne bandengamambo!’ 35Bino maana beabingisha ku bonse beatambula.”
Yesu ku nzubo ya kwa Shimona Mufaliseo
36Mufaliseo umo wasakile amba aje nanji, ne Yesu wayile ku nzubo ya Mufaliseo ne kwikala waikajile ku tebulu. 37#Mat 26:7; Mako 14:3; Yoa 12:3Kabiji talai, mwanamukazhi umo ndengamambo, byo a umvwine amba Yesu ubena kuja mu nzubo ya Mufaliseo, waletele musashi wa alabasita wa manyi anunka bulongo, 38waimene kunyuma ya Yesu ku maulu anji kasa ajila, watatwile kuzobesha maulu a Yesu na mipolo yanji, kabiji wiishimwine na nsuki ya ku mutwe wanji ne kufyompa maulu anji ne kwiashinga na manyi. 39Kabiji aye Mufaliseo yenka wamwichile byo amwene kino, wiambile mu muchima wanji amba, “Awe muntu inge wajinga ngauzhi, inge wamuyuka byo aji uno mwanamukazhi ubena kumukwatakwata amba ye ndengamambo.”
40Yesu wamwambijile amba, “Shimona, nji na kintu kyo nasaka kwamba nenu.”
Ne aye wakumbwile amba, “Kyambai, mufunjishi.”
41“Kwajinga muntu umo wakongweshanga mali wajinga na bantu babiji bamukongwele mali. Umo wakongwele bitota bitanu bya mali a denali, ne mukwabo makumi atanu. 42Byo bakankelwe kupana, bonse babiji wibalekejile nkongole yabo. Pano ng'anyi mwi abo ukamutemwisha ku kila?”
43Shimona wamukumbwile amba, “Naketekela, awa ye balekejile byavula.” Ne Yesu wamwambijile amba, “Mwachiba bulongo.” 44Ne pa kwalulukila ku mwanamukazhi, wamwambijile Shimona amba, “Mwamumona awe mwanamukazhi nyi? Naji kutwela mu nzubo yenu; anweba kechi mwajikumpa mema akowa ku maulu ami ne, bino aye wazobesha maulu ami na mipolo yanji ne kwiishimuna na nsuki yanji. 45Anweba kechi mwaji kuntambwila na kumfyompa ne, pakuba aye kechi waleka kufyompa ku maulu ami kufuma kimye kyo naji kutwela muno ne. 46Kechi mwaji kushinga mutwe wami na manyi ne, bino aye washinga maulu ami na manyi anunka bulongo. 47Onkao mambo nemwambila namba, mambo anji, nangwa avula, alekelwa. Mambo wamwesha butemwe bwabaya. Mambo ye balekela kacheche utemwa pacheche.”
48Ne aye wamwambijile mwanamukazhi amba, “Mambo obe alekelwa.”
49Ponkapo aba bajinga ku tebulu nanji batatwile kwiambila abo bene na bene amba, “Nanchi uno ye ng'anyi, wayuka ne kulekela mambo?”
50Ne aye wamwambijile mwanamukazhi amba, “Lwitabilo lobe lwa kupulusha; yanga mu mutende.”
Currently Selected:
Luka 7: KNTP
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
Luka 7
7
Yesu wa buka kalume wa mukulumpe wa bashilikale
(Mateo 8:5-13)
1Pa kupwisha kwamba byambo byanji byonse ku bantu, watwelele mu Kapenama. 2Ne mukulumpe umo wa bashilikale wajinga na kalume wanji ye atemenwe, wakolelwe bingi pepi kufwa. 3Aye mushilikale byo a umvwine na mambo a Yesu, watumineko bakulumpe ba Bayudea, na kulomba amba eye na kumubuka kalume wanji. 4Ne byo bafikile kwi Yesu, bamusashijile bingi, ne kwamba amba, “Uno muntu kine anweba mwafwainwa kumukwasha, 5mambo watemwa mukoka wetu, kabiji ye witushimikijile ne shinagoga yetu.”
6Ne Yesu wayile naabo. Kabiji byo bafikile kwipi na nzubo, mukulumpe wa bashilikale watumine balunda nanji, ne kumwambila amba, “Nkambo, kechi mwikabishetu ne. Mambo amiwa kechi nafwainwa anweba kutwela mu nzubo yami ne. 7Kyo naji kulangulukila namba nangwatu amiwa mwine kechi kyamfwainwa kufika kwi anweba ne. Ambaitu jiwi, ne kalume wami usa kubukwa. 8Mambo ne amiwa ne muntu wapewa luusa, pa bashilikale baji munshi yami. Namwambila umo namba, ‘Yanga’ ne aye kaye; ne mukwabo namba, ‘Iya’ ne aye kaiye, ne kalume wami namba, ‘Uba kikye,’ ne aye wikyuba.”
9Yesu pakumvwa bino, wakuminye bingi, ne pa kufutulukila ku jibumba ja mulondejilenga wa ambile amba, “Amiwa nemwambila namba, kechi namwenepo lwitabilo lukatampe lwa byonkabye nangwa mu Isalela ne.” 10Ne boba bo atumine byo babwelele ku nzubo, bataaine kalume ke mutuntulu.
Kusangulwa kwa mwana wamulume wa mwanamukazhi wafwilwa
11Pakupita ka kimye kacheche #7:11Pakupita ka kimye: amo ma mabuku amu kigiliki akala banemba mba Juba jalondelejilepo waimene ne kuya ku muzhi yebatela amba Naina, ne baana banji babwanga, ne jibumba jikatampe. 12Byo afwenyenye kwipi na kibelo kya muzhi, balupwilenga mwana wamulume wafwile, uno wajinga mwana wamulume umotu kwi inanji wafwilwa, ne bantu bavula ba mu muzhi bajinga nanji. 13Ne aye Nkambo byo amwene uno mwanamukazhi, wamubijile lusa ne kumwambila amba, “Kujila ne.” 14Ponkapo wafwenyenye kwipi ne kukwata pa kikondo, ne banabalume basendele baimene. Ne aye wa ambile amba, “Nsongwalume! Na kwambila namba, buka!” 15Ponkapo wajinga mufu wabuukile ne kwikala, ka ambe ne kwamba, ne Yesu wamupaine kwi inaji.
16Moyo wibakwachile bonse, ne kumutumbijika Lesa, ne kwamba amba, “Ngauzhi mukatampe wamweka mukachi ketu!” Kabiji amba, “Lesa wibapempula bantu banji!”
17Ne ino nkuwa yanji yakumbene mu Yudea monse ne kyalo kyonse kyazhokolokako.
Yoano Mubatishi
(Mateo 11:2-19)
18Baana babwanga ba kwa Yoano bamubujile abino bintu byonse. 19Ne aye Yoano wibechile baana banji babwanga babiji, wibatumine kwi Nkambo amba, Yenu iye ubena kwiya nyi, inyi tutengelenga mukwabo?
20Ne abo byo baishile kwi Yesu, ba ambile amba, “Yoano Mubatishi witutuma kwi anweba amba, yenu iye ubena kwiya nyi, nangwa tutengelenga mukwabo?”
21Pa kyonkakya kimye Yesu wabukile bantu bavula ku bikola ne ku myalo ne ku bapashi babipa, ne kulabisha meso a bantu bavula bajinga bampofu. 22#Isa 35:5,6; Isa 61:1Ne aye wibakumbwile amba, “Yainga, kamubulai Yoano byo mwamona ne byo mwaumvwa, bampofu babena kumona, ne balemana ke bende, bambumba babukwa, #7:22 Babukwa Monai 5:12 ne bakishinka matwi ke bomvwe, bafu basangulwa, ne balanda basapwilwa Mambo Awama. 23Kabiji watokwa awa wabula kumona kya kwituntulako mwi amiwa.”
24Pa kufumako aba batuminwe kwi Yoano, Yesu watatwile kwiambila mabumba na mambo a Yoano amba, “Nanchi mwayile mungye na kumona ka? Jitete jo babena kusunkenya kulubesha nyi? 25Lelo nanchi mwayile na kumona ka? Muntu wavwala bivwalo byawamisha nyi? Talai! Bavwala bivwalo byawamisha bekala mu bipango bya bamfumu. 26Amwai, nanchi mwayile na kumona ka? Na kumona ngauzhi nyi? Ee, kine nemubula namba, aye wakila ngauzhi. 27#Mala 3:1Yoano ye yewa ye kyanembelwa amba, ‘Tala, mbena kutuma muluwe wami kulutwe yobe, ukakunengezhezha jishinda jobe kulutwe yobe.’ 28Nemwambila namba mu basemwa ku banabakazhi kafwako wakila Yoano ne. Nangwa byonkabyo awa mucheche mu bufumu bwa Lesa ye wamukila.”
29 #
Mat 21:32; Lu 3:12 Ponkapo bantu bonse byo baumvwine bino, ne basonkeshi pamo, bamubingishe Lesa, byo ba batizhilwe ku lubatizhilo lwa Yoano. 30Bino Bafaliseo ne bafunjishi ba mizhilo bakaine kyafukwile kwibobila Lesa ne kukana kubatizhiwa kwi Yoano.
31Kabiji Yesu wa ambile amba “Lelo ng'anyi kintu kyo nkapashang'anya na bantu ba mukino kisemi? Bapashang'ana na ka? 32Baji pamo nobe banyike baikala pa kisankanyi kasa beita abo bene na bene amba, twaji kwimwimbila mumpempe bino anweba kuzha ne! Twimwimbila lwimbo wa majilo, bino anweba kujila ne! 33Mambo Yoano Mubatishi waiya kwa kubula kuja shinkwa ne kutoma binyu ne, ne anweba mwa ambile amba ‘Uji na mudemona!’ 34Ne Mwana Muntu aye waiya kasa aja ne kutoma, ne anweba mumunena amba, ‘Talai, aye watemwa kuja, ye kitomi! Mulunda wa basonkeshi ne bandengamambo!’ 35Bino maana beabingisha ku bonse beatambula.”
Yesu ku nzubo ya kwa Shimona Mufaliseo
36Mufaliseo umo wasakile amba aje nanji, ne Yesu wayile ku nzubo ya Mufaliseo ne kwikala waikajile ku tebulu. 37#Mat 26:7; Mako 14:3; Yoa 12:3Kabiji talai, mwanamukazhi umo ndengamambo, byo a umvwine amba Yesu ubena kuja mu nzubo ya Mufaliseo, waletele musashi wa alabasita wa manyi anunka bulongo, 38waimene kunyuma ya Yesu ku maulu anji kasa ajila, watatwile kuzobesha maulu a Yesu na mipolo yanji, kabiji wiishimwine na nsuki ya ku mutwe wanji ne kufyompa maulu anji ne kwiashinga na manyi. 39Kabiji aye Mufaliseo yenka wamwichile byo amwene kino, wiambile mu muchima wanji amba, “Awe muntu inge wajinga ngauzhi, inge wamuyuka byo aji uno mwanamukazhi ubena kumukwatakwata amba ye ndengamambo.”
40Yesu wamwambijile amba, “Shimona, nji na kintu kyo nasaka kwamba nenu.”
Ne aye wakumbwile amba, “Kyambai, mufunjishi.”
41“Kwajinga muntu umo wakongweshanga mali wajinga na bantu babiji bamukongwele mali. Umo wakongwele bitota bitanu bya mali a denali, ne mukwabo makumi atanu. 42Byo bakankelwe kupana, bonse babiji wibalekejile nkongole yabo. Pano ng'anyi mwi abo ukamutemwisha ku kila?”
43Shimona wamukumbwile amba, “Naketekela, awa ye balekejile byavula.” Ne Yesu wamwambijile amba, “Mwachiba bulongo.” 44Ne pa kwalulukila ku mwanamukazhi, wamwambijile Shimona amba, “Mwamumona awe mwanamukazhi nyi? Naji kutwela mu nzubo yenu; anweba kechi mwajikumpa mema akowa ku maulu ami ne, bino aye wazobesha maulu ami na mipolo yanji ne kwiishimuna na nsuki yanji. 45Anweba kechi mwaji kuntambwila na kumfyompa ne, pakuba aye kechi waleka kufyompa ku maulu ami kufuma kimye kyo naji kutwela muno ne. 46Kechi mwaji kushinga mutwe wami na manyi ne, bino aye washinga maulu ami na manyi anunka bulongo. 47Onkao mambo nemwambila namba, mambo anji, nangwa avula, alekelwa. Mambo wamwesha butemwe bwabaya. Mambo ye balekela kacheche utemwa pacheche.”
48Ne aye wamwambijile mwanamukazhi amba, “Mambo obe alekelwa.”
49Ponkapo aba bajinga ku tebulu nanji batatwile kwiambila abo bene na bene amba, “Nanchi uno ye ng'anyi, wayuka ne kulekela mambo?”
50Ne aye wamwambijile mwanamukazhi amba, “Lwitabilo lobe lwa kupulusha; yanga mu mutende.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.