Mateo 15
15
Mizhilo ya bashakulu
(Mako 7:1-23)
1Kepo Bafaliseo ne banembeshi baishile kwi Yesu bafumine ku Yelusalema amba, 2“Mambo ka baana benu babwanga bazhilulwila mizhilo ya bashakulu? Mambo kechi bowa ku maboko pa kuja kajo ne.”
3Kumvwa aye amba, “Ne anweba mambo ka mwazhilulwila mukambizho wa Lesa na mambo a mizhilo yenu? 4#Lupu 20:12; Mpitu 5:16; Lupu 21:17; Levi 20:9Mambo aye Lesa wa ambile amba, nemeka bashobe ne bainobe kabiji amba, wambila bya mwenga bashanji nangwa bainanji, wafwainwa kufwa. 5Pakuba anweba amba, umvwe muntu wibambila bashanji nangwa bainanji amba, kya bupe kyo mwaketekela kutambula kwi amiwa, ne kilambula kala kwi Lesa, ponkapo aye wakasuluka ku muzhilo wa kwibanemeka bashanji ne bainanji. 6Mo monka mo mwazhilulwila muzhilo wa Lesa na lufunjisho lwenu. 7Anweba ba kamfutumfutu! Nanchi kine Isaya wimwambijile bulongo amba!”
8 #
Isa 29:13
“Bano bantu bannemekatu amiwa na byatunwa byabo,
pakuba michima yabo iji kwalepa ne amiwa.
9Byatu byo bampopwela,
byo bafunjisha mafunjisho a mikambizho ya bantu!”
Bintu bimuzhilulula muntu
10Ponkapo Yesu waichile jibumba ne kwibambila amba, “Umvwai ne kukwatakanya! 11Kitwela pa kanwa kechi kimuzhilulula muntu ne, kana kilupuka mu kanwa, kyo kimuzhilulula muntu.”
12Kepo baana babwanga baishile ne kumwambila amba, “Mwayuka amba betuntula Bafaliseo pakumvwa ao mambo nyi?”
13Kumvwa aye amba, “Bintu byonse byabula kujimba Taata wa mwiulu bakebiyokola.” 14#Lu 6:39“Balekai! Bo bantangi ba bupofu. Kabiji umvwe mpofu atangijile mukwabo mpofu, bonse babiji basakuponena mu kimbo.”
15Kumvwa aye Petelo amba, “Betulumbulwileko kino kishimpi.”
16Kumvwa aye wibambijile amba, “Nanchi ne anweba kechi mwaumvwisha nenyi? 17Kechi mwayuka amba, akya kitwela pa kanwa kipitaila monka munda, kabiji kitayiwa kungye nenyi? 18#Mat 12:34Pakuba kilupuka mu kanwa kifuma mu muchima, akya kyo kimuzhilulula muntu. 19Mambo mukachi mu michima ya bantu mo mulupuka milanguluko yatama, ne kwipayang'ana, ne bukende, ne bulalelale, ne bwivi, ne bubela, ne bya mwenga. 20Abino byo bizhilulula muntu. Kabiji kuja kwakubula kowa ku maboko kechi kuzhilulula muntu ne.”
Lwitabilo lwa mwanamukazhi mwina Kenana
(Mako 7:24-30)
21Kabiji Yesu pa kufumako, wayile mumande a ku Tila ne Shidona. 22Ponkapo mwanamukazhi mwina Kenana wafumine mu kyonkakya kyalo, wabijikizhe amba, “Nkambo, Mwana Davida, bangubileko lusa! Mwanami wamukazhi bamumanyika bingi ku mudemona.”
23Pakuba aye kechi wa mukumbwile ne. Ne baana banji babwanga baishile na kumusashijila amba, “Mwambilai, ayenga! Mambo ubena kwitulondela na kubijikizha!”
24Kepo Yesu a mwambijile amba, “Kechi bantuma ku bonse ne, poso ku mikooko yaeleka ya bena Isalela.”
25Pakuba aye mwanamukazhi waishile ne kumupopwela amba, “Nkambo nkwashaiko!”
26Kumvwa Yesu amba, “Mambo kechi kyafwainwa kwangata kajo ka baana ne kwikataya ku bakabwa ne.”
27Kumvwa aye amba, “Ee Nkambo, nangwa byonkabyo bakabwa baja bukuuku bulakata ku tebulu wa bankambo yabo.”
28Kepo Yesu wamukumbwile amba, “Obewa mwanamukazhi, lwitabilo lobe lukatampe! Kikubilwe kyo usaka.”
Kabiji mwananji wapulukile ponkapo mu kyonkakya kimye.
Kubukwa kwa bantu bavula
29Kabiji Yesu pa kufumako, wayile ku kizhiba kya Ngalilea. Wakanjijile pa mutumba ne kwikala ponka. 30Kabiji mabumba akatampe aishile ko aji, baleetele ne balemana maulu, ne bampofu, ne ba kamaama, ne balemana maboko, ne bavula bakwabo, bebatujile ku maulu anji; ne aye wibabukile bonse. 31Ne mabumba akuminye bingi byo bamwene ba kamaama kebambe, balemana maboko nabo ke batuntulu, balemana maulu nabo ke bende, bampofu nabo ke bamone, ponkapo batumbijikile Lesa wa Isalela.
Mambo a kwibajisha bantu biumbi bina
(Mako 8:1-10)
32Kabiji Yesu wibechile baana banji babwanga ne kwibambila amba, “Nejumvwina lusa jibumba, mambo baikala pamo ne amiwa ke moba asatu, kabiji kechi baji na bya kuja ne. Amiwa kechi nasaka kwibemanya sa baji na nzala ne, kuchiina amba, baakatembukila pa jishinda.”
33Baana banji babwanga bamwambijile amba, “Nanchi atweba twikafumye pi kajo kavula ka kujiisha jino jibumba jikatampe muno mungyetu?”
34Kepo Yesu ebambijile amba, “Muji na bashinkwa banga?”
Kumvwa abo amba, “Batanu na babiji, ne tumasabi tumo tucheche.”
35Ponkapo aye wijikambiizhe jibumba kwikala panshi. 36Kabiji watambwile bashinkwa batanu na babiji ne tumasabi, ne pa kusanta wibatebawile ne kupana ku baana banji babwanga, ne baana babwanga nabo ke bapane ku mabumba. 37Kabiji bonse bajiile ne kwikuta. Ne abo baana babwanga batolawile bibese byashajilepo, mitaasa itanu na ibiji yayuula. 38Abo bajiile bajinga biumbi bina bya baana balume, bya kubula kubikako baana bakazhi ne baana. 39Kabiji wiemenye mabumba, kaye ne kuya mu bwato, wayile mu ntanda ya Mangadana.
Currently Selected:
Mateo 15: KNTP
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
Mateo 15
15
Mizhilo ya bashakulu
(Mako 7:1-23)
1Kepo Bafaliseo ne banembeshi baishile kwi Yesu bafumine ku Yelusalema amba, 2“Mambo ka baana benu babwanga bazhilulwila mizhilo ya bashakulu? Mambo kechi bowa ku maboko pa kuja kajo ne.”
3Kumvwa aye amba, “Ne anweba mambo ka mwazhilulwila mukambizho wa Lesa na mambo a mizhilo yenu? 4#Lupu 20:12; Mpitu 5:16; Lupu 21:17; Levi 20:9Mambo aye Lesa wa ambile amba, nemeka bashobe ne bainobe kabiji amba, wambila bya mwenga bashanji nangwa bainanji, wafwainwa kufwa. 5Pakuba anweba amba, umvwe muntu wibambila bashanji nangwa bainanji amba, kya bupe kyo mwaketekela kutambula kwi amiwa, ne kilambula kala kwi Lesa, ponkapo aye wakasuluka ku muzhilo wa kwibanemeka bashanji ne bainanji. 6Mo monka mo mwazhilulwila muzhilo wa Lesa na lufunjisho lwenu. 7Anweba ba kamfutumfutu! Nanchi kine Isaya wimwambijile bulongo amba!”
8 #
Isa 29:13
“Bano bantu bannemekatu amiwa na byatunwa byabo,
pakuba michima yabo iji kwalepa ne amiwa.
9Byatu byo bampopwela,
byo bafunjisha mafunjisho a mikambizho ya bantu!”
Bintu bimuzhilulula muntu
10Ponkapo Yesu waichile jibumba ne kwibambila amba, “Umvwai ne kukwatakanya! 11Kitwela pa kanwa kechi kimuzhilulula muntu ne, kana kilupuka mu kanwa, kyo kimuzhilulula muntu.”
12Kepo baana babwanga baishile ne kumwambila amba, “Mwayuka amba betuntula Bafaliseo pakumvwa ao mambo nyi?”
13Kumvwa aye amba, “Bintu byonse byabula kujimba Taata wa mwiulu bakebiyokola.” 14#Lu 6:39“Balekai! Bo bantangi ba bupofu. Kabiji umvwe mpofu atangijile mukwabo mpofu, bonse babiji basakuponena mu kimbo.”
15Kumvwa aye Petelo amba, “Betulumbulwileko kino kishimpi.”
16Kumvwa aye wibambijile amba, “Nanchi ne anweba kechi mwaumvwisha nenyi? 17Kechi mwayuka amba, akya kitwela pa kanwa kipitaila monka munda, kabiji kitayiwa kungye nenyi? 18#Mat 12:34Pakuba kilupuka mu kanwa kifuma mu muchima, akya kyo kimuzhilulula muntu. 19Mambo mukachi mu michima ya bantu mo mulupuka milanguluko yatama, ne kwipayang'ana, ne bukende, ne bulalelale, ne bwivi, ne bubela, ne bya mwenga. 20Abino byo bizhilulula muntu. Kabiji kuja kwakubula kowa ku maboko kechi kuzhilulula muntu ne.”
Lwitabilo lwa mwanamukazhi mwina Kenana
(Mako 7:24-30)
21Kabiji Yesu pa kufumako, wayile mumande a ku Tila ne Shidona. 22Ponkapo mwanamukazhi mwina Kenana wafumine mu kyonkakya kyalo, wabijikizhe amba, “Nkambo, Mwana Davida, bangubileko lusa! Mwanami wamukazhi bamumanyika bingi ku mudemona.”
23Pakuba aye kechi wa mukumbwile ne. Ne baana banji babwanga baishile na kumusashijila amba, “Mwambilai, ayenga! Mambo ubena kwitulondela na kubijikizha!”
24Kepo Yesu a mwambijile amba, “Kechi bantuma ku bonse ne, poso ku mikooko yaeleka ya bena Isalela.”
25Pakuba aye mwanamukazhi waishile ne kumupopwela amba, “Nkambo nkwashaiko!”
26Kumvwa Yesu amba, “Mambo kechi kyafwainwa kwangata kajo ka baana ne kwikataya ku bakabwa ne.”
27Kumvwa aye amba, “Ee Nkambo, nangwa byonkabyo bakabwa baja bukuuku bulakata ku tebulu wa bankambo yabo.”
28Kepo Yesu wamukumbwile amba, “Obewa mwanamukazhi, lwitabilo lobe lukatampe! Kikubilwe kyo usaka.”
Kabiji mwananji wapulukile ponkapo mu kyonkakya kimye.
Kubukwa kwa bantu bavula
29Kabiji Yesu pa kufumako, wayile ku kizhiba kya Ngalilea. Wakanjijile pa mutumba ne kwikala ponka. 30Kabiji mabumba akatampe aishile ko aji, baleetele ne balemana maulu, ne bampofu, ne ba kamaama, ne balemana maboko, ne bavula bakwabo, bebatujile ku maulu anji; ne aye wibabukile bonse. 31Ne mabumba akuminye bingi byo bamwene ba kamaama kebambe, balemana maboko nabo ke batuntulu, balemana maulu nabo ke bende, bampofu nabo ke bamone, ponkapo batumbijikile Lesa wa Isalela.
Mambo a kwibajisha bantu biumbi bina
(Mako 8:1-10)
32Kabiji Yesu wibechile baana banji babwanga ne kwibambila amba, “Nejumvwina lusa jibumba, mambo baikala pamo ne amiwa ke moba asatu, kabiji kechi baji na bya kuja ne. Amiwa kechi nasaka kwibemanya sa baji na nzala ne, kuchiina amba, baakatembukila pa jishinda.”
33Baana banji babwanga bamwambijile amba, “Nanchi atweba twikafumye pi kajo kavula ka kujiisha jino jibumba jikatampe muno mungyetu?”
34Kepo Yesu ebambijile amba, “Muji na bashinkwa banga?”
Kumvwa abo amba, “Batanu na babiji, ne tumasabi tumo tucheche.”
35Ponkapo aye wijikambiizhe jibumba kwikala panshi. 36Kabiji watambwile bashinkwa batanu na babiji ne tumasabi, ne pa kusanta wibatebawile ne kupana ku baana banji babwanga, ne baana babwanga nabo ke bapane ku mabumba. 37Kabiji bonse bajiile ne kwikuta. Ne abo baana babwanga batolawile bibese byashajilepo, mitaasa itanu na ibiji yayuula. 38Abo bajiile bajinga biumbi bina bya baana balume, bya kubula kubikako baana bakazhi ne baana. 39Kabiji wiemenye mabumba, kaye ne kuya mu bwato, wayile mu ntanda ya Mangadana.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.