Mako 2
2
Kubukwa kwa muntu wa kalepu
(Mateo 9:1-8; Luka 5:17-26)
1Pakupita moba amo watwelele jibiji mu Kapenama ne nkuwa yanji yaumvwanyikile amba uji mu nzubo. 2Kabiji bavula bapwijile pamo, onkao mambo mwabujile ne pa kwikala, nangwatu ku kibelo ne. Kabiji wasapwijilenga mambo kwi abo, 3kepo kwaishile bantu bana baleetele muntu wakolwa kalepu kwi aye. 4Kabiji byo bakankelwe kufwenya kwipi mambo a jibumba, bavwetwile pa mutenge po aji. Kabiji ne byo bavwetwilepo, baikizhe mwanya yealalaapo wakolwa kalepu. 5Ne Yesu pa kumona lwitabilo lwabo wamwambijile wakolwa kalepu amba, “Mwanami, mambo enu alekelwa.”
6Kabiji kwajinga bamo banembeshi baikajile konka kasa balanguluka mu michima yabo amba, 7“Uno muntu wa ambilaka byo byo? Wauba mwenga! Ng'anyi wakonsha kulekela mambo poso yenka Lesa!”
8Ponkapotu Yesu, wayukile mu muchima wanji byo balangulukilenga mu michima yabo, wibambijile amba “Mulangulukila ka byobyo mu michima yenu? 9Kyepi kyapeela, kwambila muntu wakolwa kalepu amba, Mambo obe alekelwa, inyi kwamba amba, Imana shikula mwanya wobe wende? 10Nanchi namba muyuke amba Mwana Muntu uji na luusa pano pantanda lwa kulekela mambo.” Aye wa mwambiljie muntu wakolwa kalepu amba, 11“Nemwambila namba, imanai mushikule mwanya wenu, muyenga ku nzubo yenu!” 12Kabiji waimene, ponkapotu washikwile mwanya wanji ne kulupuka ku meso a bonse. Onkao mambo bonse bakuminye bingi ne kumutumbijika Lesa amba, “Kechi twikimwenepo kala kya bibye ne!”
Kwitwa kwa Levi
(Mateo 9:9-13; Luka 5:27-32)
13Ne Yesu wayile jibiji kwipi na kizhiba. Ne jibumba ja bantu jamunangile, ne aye wibafunjishenga. 14Kabiji byo apichilenga, wamwene Levi mwana Alefesa kasa aikala po basonkesesha. Wamwambijile amba, “Ndondelai.” Ne aye waimene kamulondele.
15Palutwe Yesu waikajile na kuja mu nzubo yakwa Levi, ne bavula basonkeshi ne ba ndengamambo baikajile pamo ne Yesu ne baana banji babwanga, kabiji kwajinga bavula bamulondejilenga. 16Kabiji banembeshi ba Bafaliseo pa kumumona kasa aja na basonkeshi ne bandengamambo, bebambijile baana banji babwanga amba, “Mambo ka kyoajiila ne kutoma na basonkeshi ne bandengamambo?” 17Aye Yesu byo aumvwine, wibambijile amba. “Batuntulu kechi basaka shayuka wa michi ne, poso bakolwa. Kechi naiya na kwita baoloka ne, poso bandengamambo.”
Mambo a kuzhikilwa na nzala
(Mateo 9:14-17; Luka 5:33-39)
18Ne baana babwanga ba kwa Yoano ne Bafaliseo bazhikijilwenga na nzala. Ne bantu baishile ne kumwipuzha amba, “Leelo nanchi mambo ka baana babwanga bakwa Yoano ne baana babwanga ba Bafaliseo bazhikilwa na nzala, pakuba baana benu babwanga kechi bazhikilwa na nzala ne?”
19Kumvwa Yesu wibakumbwile amba, “Leelo bakonshe kuzhikilwa na nzala ba kaabala ba musongoshi mwine kasa akiji naabo mu nzubo ya masongola nyi?” Moba onse obakiji na musongoshi, kechi bakonshe kuzhikilwa na nzala ne. 20Pakuba moba akeya o bakebangata musongoshi, kabiji mu oa moba kepo bakazhikilwa na nzala.
21“Mambo kafwako muntu utupikapo kikamba kipya pa kivwalo kya kala ne. Mambo inge wauba byobyo akya kipya kyoazhikapo kikondobola kya kala ne paatabuka pa kabaisha. 22Kabiji kafwako muntu ulonga binyu bya katataka mu bafukuta ba biseba bakala ne. Mambo inge wauba byobyo binyu bikasaba fukuta ne binyu bikonaika ne fukuta naye pamo. Kabiji balonga binyu bya katataka mu fukuta wa kiseba kipya.”
Mambo a juba ja Sabado
(Mateo 12:1-8; Luka 6:1-5)
23 #
Mpitu 23:25
Kabiji ponkapo, aye byo apichilenga mu majimi a kajo pa juba ja Sabado. Baana banji babwanga batatwile kuchimuna mitwe ya kajo kasa baya. 24Ne Bafaliseo bamwambijile amba, “Talai, mambo ka kyo baubila kyazhila mu juba ja Sabado!”
25Kumvwa Yesu amba, “Nanchi kechi mwatangilepo akya kintu kyaubile Davida, byo a kajilwe, sa aji na nzala, aye ne abo boajinga naabo nenyi? 26#Levi 24:9#1 Sam 21:1-6Byo atwelele mu nzubo ya Lesa mu kimye kya kwa Abiata ng'anga mukatampe wa Lesa. Kabiji wajilepo pa bashinkwa ba kumeso a Lesa bazhila kuja poso yenka ng'anga wa Lesa. Kabiji wapelepo ne bo ajinga naabo?”
27Kabiji wibambijile amba, “Juba ja Sabado ja lengejilwe bantu, bantu kechi balengejilwe juba ja Sabado ne. 28Byonkabyo nanchi Mwana Muntu ye Nkambo wa juba ja Sabado.”
Currently Selected:
Mako 2: KNTP
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
Mako 2
2
Kubukwa kwa muntu wa kalepu
(Mateo 9:1-8; Luka 5:17-26)
1Pakupita moba amo watwelele jibiji mu Kapenama ne nkuwa yanji yaumvwanyikile amba uji mu nzubo. 2Kabiji bavula bapwijile pamo, onkao mambo mwabujile ne pa kwikala, nangwatu ku kibelo ne. Kabiji wasapwijilenga mambo kwi abo, 3kepo kwaishile bantu bana baleetele muntu wakolwa kalepu kwi aye. 4Kabiji byo bakankelwe kufwenya kwipi mambo a jibumba, bavwetwile pa mutenge po aji. Kabiji ne byo bavwetwilepo, baikizhe mwanya yealalaapo wakolwa kalepu. 5Ne Yesu pa kumona lwitabilo lwabo wamwambijile wakolwa kalepu amba, “Mwanami, mambo enu alekelwa.”
6Kabiji kwajinga bamo banembeshi baikajile konka kasa balanguluka mu michima yabo amba, 7“Uno muntu wa ambilaka byo byo? Wauba mwenga! Ng'anyi wakonsha kulekela mambo poso yenka Lesa!”
8Ponkapotu Yesu, wayukile mu muchima wanji byo balangulukilenga mu michima yabo, wibambijile amba “Mulangulukila ka byobyo mu michima yenu? 9Kyepi kyapeela, kwambila muntu wakolwa kalepu amba, Mambo obe alekelwa, inyi kwamba amba, Imana shikula mwanya wobe wende? 10Nanchi namba muyuke amba Mwana Muntu uji na luusa pano pantanda lwa kulekela mambo.” Aye wa mwambiljie muntu wakolwa kalepu amba, 11“Nemwambila namba, imanai mushikule mwanya wenu, muyenga ku nzubo yenu!” 12Kabiji waimene, ponkapotu washikwile mwanya wanji ne kulupuka ku meso a bonse. Onkao mambo bonse bakuminye bingi ne kumutumbijika Lesa amba, “Kechi twikimwenepo kala kya bibye ne!”
Kwitwa kwa Levi
(Mateo 9:9-13; Luka 5:27-32)
13Ne Yesu wayile jibiji kwipi na kizhiba. Ne jibumba ja bantu jamunangile, ne aye wibafunjishenga. 14Kabiji byo apichilenga, wamwene Levi mwana Alefesa kasa aikala po basonkesesha. Wamwambijile amba, “Ndondelai.” Ne aye waimene kamulondele.
15Palutwe Yesu waikajile na kuja mu nzubo yakwa Levi, ne bavula basonkeshi ne ba ndengamambo baikajile pamo ne Yesu ne baana banji babwanga, kabiji kwajinga bavula bamulondejilenga. 16Kabiji banembeshi ba Bafaliseo pa kumumona kasa aja na basonkeshi ne bandengamambo, bebambijile baana banji babwanga amba, “Mambo ka kyoajiila ne kutoma na basonkeshi ne bandengamambo?” 17Aye Yesu byo aumvwine, wibambijile amba. “Batuntulu kechi basaka shayuka wa michi ne, poso bakolwa. Kechi naiya na kwita baoloka ne, poso bandengamambo.”
Mambo a kuzhikilwa na nzala
(Mateo 9:14-17; Luka 5:33-39)
18Ne baana babwanga ba kwa Yoano ne Bafaliseo bazhikijilwenga na nzala. Ne bantu baishile ne kumwipuzha amba, “Leelo nanchi mambo ka baana babwanga bakwa Yoano ne baana babwanga ba Bafaliseo bazhikilwa na nzala, pakuba baana benu babwanga kechi bazhikilwa na nzala ne?”
19Kumvwa Yesu wibakumbwile amba, “Leelo bakonshe kuzhikilwa na nzala ba kaabala ba musongoshi mwine kasa akiji naabo mu nzubo ya masongola nyi?” Moba onse obakiji na musongoshi, kechi bakonshe kuzhikilwa na nzala ne. 20Pakuba moba akeya o bakebangata musongoshi, kabiji mu oa moba kepo bakazhikilwa na nzala.
21“Mambo kafwako muntu utupikapo kikamba kipya pa kivwalo kya kala ne. Mambo inge wauba byobyo akya kipya kyoazhikapo kikondobola kya kala ne paatabuka pa kabaisha. 22Kabiji kafwako muntu ulonga binyu bya katataka mu bafukuta ba biseba bakala ne. Mambo inge wauba byobyo binyu bikasaba fukuta ne binyu bikonaika ne fukuta naye pamo. Kabiji balonga binyu bya katataka mu fukuta wa kiseba kipya.”
Mambo a juba ja Sabado
(Mateo 12:1-8; Luka 6:1-5)
23 #
Mpitu 23:25
Kabiji ponkapo, aye byo apichilenga mu majimi a kajo pa juba ja Sabado. Baana banji babwanga batatwile kuchimuna mitwe ya kajo kasa baya. 24Ne Bafaliseo bamwambijile amba, “Talai, mambo ka kyo baubila kyazhila mu juba ja Sabado!”
25Kumvwa Yesu amba, “Nanchi kechi mwatangilepo akya kintu kyaubile Davida, byo a kajilwe, sa aji na nzala, aye ne abo boajinga naabo nenyi? 26#Levi 24:9#1 Sam 21:1-6Byo atwelele mu nzubo ya Lesa mu kimye kya kwa Abiata ng'anga mukatampe wa Lesa. Kabiji wajilepo pa bashinkwa ba kumeso a Lesa bazhila kuja poso yenka ng'anga wa Lesa. Kabiji wapelepo ne bo ajinga naabo?”
27Kabiji wibambijile amba, “Juba ja Sabado ja lengejilwe bantu, bantu kechi balengejilwe juba ja Sabado ne. 28Byonkabyo nanchi Mwana Muntu ye Nkambo wa juba ja Sabado.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.